📅 2018-yil 15-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 15 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 15 февраля 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 15 February 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Давлат мулки объектларидан самарали фойдаланиш чора-тадбирлари тўғрисида
Камолиддин Беҳзод номидаги Миллий рассомлик ва дизайн институтининг моддий-техника базасини мустаҳкамлаш ҳамда давлат мулки объектларидан самарали фойдаланиш мақсадида Вазирлар Маҳкамаси қарор қилади:
1. Ўзбекистон Республикаси Маданият вазирлиги, Ўзбекистон Бадиий академияси, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси ҳамда Тошкент шаҳри ҳокимлигининг Хусусийлаштирилган корхоналарга кўмаклашиш ва рақобатни ривожлантириш давлат қўмитасининг Тошкент шаҳар ҳудудий бошқармасига қарашли Тошкент шаҳар Миробод тумани Кичик бешёғоч кўчаси 91-уй манзилида жойлашган Экспериментал ҳайкалтарошлик комбинатининг бино ва иншоотларини тегишли ҳудуди билан бирга Камолиддин Беҳзод номидаги Миллий рассомлик ва дизайн институтига оператив бошқарув ҳуқуқи билан бепул бериш тўғрисидаги таклифи маъқуллансин.
2. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси мазкур қарорнинг 1-бандида кўрсатилган бино ва иншоотларни тегишли ҳудуди билан бирга топширилишини, Камолиддин Беҳзод номидаги Миллий рассомлик ва дизайн институти қабул қилиб олинишини ҳамда улардан самарали фойдаланилишини таъминласин.
3. Ўзбекистон Республикаси Вазирлар Маҳкамасининг «Давлат мулки объектларидан самарали фойдаланиш чора-тадбирлари тўғрисида» 2014 йил 28 мартдаги 75-сон қарори 1-илованинг 3-позицияси ўз кучини йўқотган деб ҳисоблансин.
4. Мазкур қарорнинг бажарилишини назорат қилиш Ўзбекистон Бадиий академияси раиси А. Нуридинов зиммасига ҳамда Вазирлар Маҳкамасининг Маданият, санъат ва ёшлар сиёсати масалалари ахборот-таҳлил департаментига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 15 февраль,
122-сон
Oʻzbekiston Respublikasi Vazirlar Mahkamasining
qarori
Davlat mulki obyektlaridan samarali foydalanish chora-tadbirlari toʻgʻrisida
Kamoliddin Behzod nomidagi Milliy rassomlik va dizayn institutining moddiy-texnika bazasini mustahkamlash hamda davlat mulki obyektlaridan samarali foydalanish maqsadida Vazirlar Mahkamasi qaror qiladi:
1. Oʻzbekiston Respublikasi Madaniyat vazirligi, Oʻzbekiston Badiiy akademiyasi, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi hamda Toshkent shahri hokimligining Xususiylashtirilgan korxonalarga koʻmaklashish va raqobatni rivojlantirish davlat qoʻmitasining Toshkent shahar hududiy boshqarmasiga qarashli Toshkent shahar Mirobod tumani Kichik beshyogʻoch koʻchasi 91-uy manzilida joylashgan Eksperimental haykaltaroshlik kombinatining bino va inshootlarini tegishli hududi bilan birga Kamoliddin Behzod nomidagi Milliy rassomlik va dizayn institutiga operativ boshqaruv huquqi bilan bepul berish toʻgʻrisidagi taklifi maʼqullansin.
2. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi mazkur qarorning 1-bandida koʻrsatilgan bino va inshootlarni tegishli hududi bilan birga topshirilishini, Kamoliddin Behzod nomidagi Milliy rassomlik va dizayn instituti qabul qilib olinishini hamda ulardan samarali foydalanilishini taʼminlasin.
3. Oʻzbekiston Respublikasi Vazirlar Mahkamasining “Davlat mulki obyektlaridan samarali foydalanish chora-tadbirlari toʻgʻrisida” 2014-yil 28-martdagi 75-son qarori 1-ilovaning 3-pozitsiyasi oʻz kuchini yoʻqotgan deb hisoblansin.
4. Mazkur qarorning bajarilishini nazorat qilish Oʻzbekiston Badiiy akademiyasi raisi A. Nuridinov zimmasiga hamda Vazirlar Mahkamasining Madaniyat, sanʼat va yoshlar siyosati masalalari axborot-tahlil departamentiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 15-fevral,
122-son