📅 2018-yil 19-fevral · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 19 февраль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 19 февраля 2018 г. · Указы Президента
Официальный текст. Официальный документ. Редакционные примечания не включены.
📅 19 February 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ахборот технологиялари ва коммуникациялари соҳасини янада такомиллаштириш чора-тадбирлари тўғрисида
Мамлакатда замонавий ахборот технологиялари ва коммуникацияларини ривожлантириш, электрон давлат хизматларини кўрсатишнинг яхлит тизимини яратиш, давлат органларининг аҳоли билан мулоқот қилишининг янги механизмларини жорий этиш юзасидан изчил иш олиб борилмоқда.
Шу билан бирга, ахборот технологиялари ва коммуникацияларини бошқариш ва жорий этиш соҳасидаги бир қатор тизимли муаммо ва камчиликлар ушбу соҳанинг жадал ривожланишига, сифатли ахборот хизматларини кўрсатишга тўсқинлик қилмоқда. Хусусан:
биринчидан, телекоммуникация инфратузилмаси етарлича ривожланмаган, мамлакатнинг олис аҳоли пунктлари телекоммуникация тармоқлари билан таъминланмасдан қолмоқда, мобиль алоқа ва Интернет тармоғининг сифати аҳоли эҳтиёжларини қондирмаяпти;
иккинчидан, давлат бошқаруви тизимига ахборот технологиялари ва коммуникацияларини жорий этишда ягона технологик ёндашувнинг самарали амалга оширилмаганлиги сабабли идоравий ахборот тизимлари ва ресурслари алоҳида-алоҳида жорий қилинмоқда, бунинг оқибатида уларни ягона ахборот маконига интеграциялаш жараёни мураккаблашмоқда;
учинчидан, электрон тижоратда интеграциялашган савдо ва маркетинг платформалари, интернет-дўконлар, тўлов тизимларини, шунингдек, логистика тизимларини жорий этишга етарлича эътибор қаратилмаяпти, бу иқтисодиёт ва тадбиркорлик ривожланиши, чет эл инвестициялари жалб қилиниши тўхтатиб турилишининг сабабларидан бири бўлмоқда;
тўртинчидан, давлат ахборот тизимлари ва ресурсларида ахборот хавфсизлигини ва ахборотни муҳофаза қилишни таъминлаш ишларининг заиф ташкил этилганлиги ахборотдан рухсатсиз фойдалана олиш, маълумотлар базаларининг бутунлиги ва махфийлигини бузиш имкониятини оширмоқда;
бешинчидан, кўплаб давлат органлари ва ташкилотларининг раҳбарлари томонидан аҳолига кўрсатиладиган хизматларнинг сифати ва тезкорлигини ошириш, бюрократик тартиб-таомилларга барҳам бериш, қоғоз ҳужжат айланишини камайтиришга қаратилган ахборотлаштириш ҳамда замонавий ахборот технологиялари ва коммуникацияларини жорий қилиш лойиҳаларини амалга ошириш масалаларига етарлича эътибор берилмаяпти;
олтинчидан, почта алоқа хизматлари ва логистика тизимини модернизация қилиш, почта алоқаси миллий оператори фаолиятининг сифат жиҳатдан янги услубларини жорий этиш ва бозорда унинг фаолияти мавқеини оширишга доир таъсирчан чоралар кўрилмаяпти;
еттинчидан, ахборот технологиялари ва коммуникациялари соҳасида кадрларни тайёрлаш, қайта тайёрлаш ва малакасини оширишнинг амалдаги тизими IT-технологиялар ривожланишининг тезкор суръатларини ҳисобга олмаяпти, шунингдек, таълим беришнинг илғор услубларини жорий этиш учун хорижий мамлакатларнинг етакчи таълим муассасалари билан самарали мулоқотни ташкил қилиш имконини бермаяпти;
саккизинчидан, электрон ҳукумат, электрон тижорат, электрон давлат хизматлари кўрсатиш тизими, уларнинг шаффофлиги ва очиқлиги, шунингдек, телекоммуникация инфратузилмасининг ривожланишида анча илгарилаб кетган мамлакатларнинг тажрибасини чуқур ўрганиш ва жорий этиш бўйича тизимли иш олиб борилмаяпти.
Ахборот технологиялари ва коммуникациялари соҳасида бошқарув тизимини янада такомиллаштириш, электрон давлат хизматлари ва телекоммуникация хизматлари спектрини кенгайтириш, телекоммуникация инфратузилмасини ривожлантириш мақсадида, шунингдек, Ўзбекистон Республикасида Маъмурий ислоҳотлар концепциясига мувофиқ:
1. Ўзбекистон Республикаси Ахборот технологиялари ва коммуникацияларини ривожлантириш вазирлиги (кейинги ўринларда Вазирлик деб юритилади) ҳамда Ўзбекистон Матбуот ва ахборот агентлигининг:
Республика ахборот-кутубхона маркази, Қорақалпоғистон Республикаси, вилоятлар ва Тошкент шаҳар ахборот-кутубхона марказларини Ўзбекистон Матбуот ва ахборот агентлигининг Алишер Навоий номидаги Ўзбекистон Миллий кутубхонаси тасарруфига ўтказиш;
«Оммавий коммуникациялар соҳасидаги мониторинг маркази» давлат муассасасини Ўзбекистон Матбуот ва ахборот агентлиги тузилмасига бериш;
Вазирлик икки ҳафта муддатда ўтказилаётган ташкилотларнинг штат бирликлари ва бинолари, шунингдек, уларга тегишли бўлган товар-моддий бойликлар, шу жумладан пул маблағларининг Ўзбекистон Матбуот ва ахборот агентлигига берилишини таъминласин.
2. Қуйидагилар вазирликнинг асосий вазифалари ва фаолиятининг устувор йўналишлари этиб белгилансин:
ахборот технологиялари ва коммуникацияларини ривожлантириш ва қўллаш соҳасида ягона давлат сиёсатини ишлаб чиқиш ва амалга ошириш ҳамда муносабатларни тартибга солиш, электрон ҳукуматни жорий этиш, ахборот жамияти ва рақамли иқтисодиётни шакллантириш фаолиятини мувофиқлаштириш;
«охирги миля» тамойили бўйича Интернет тармоғидан кенг полосали фойдаланишни кенгайтириш, мультисервисли алоқа тармоқлари технологиялари, мобиль алоқа бозори, бошқа замонавий телекоммуникация хизматлари, шунингдек, логистика ва почта алоқаси хизматлари орқали телекоммуникация инфратузилмасини ривожлантириш ва модернизация қилиш;
давлат органларининг ахборот тизимлари ва ресурсларини ишлаб чиқиш ҳамда жорий этиш, идоралараро ўзаро электрон ҳамкорликни ташкил қилиш, ягона электрон реестрлар ва маълумотлар базаларини, «ягона дарча» тамойили бўйича электрон давлат хизматлари кўрсатиш тизимларини шакллантиришга ягона технологик ёндашув амалга оширилишини таъминлаш;
давлат бошқаруви ва иқтисодиётнинг реал секторида инновацияларни жорий қилишга кўмаклашиш, рақамли иқтисодиёт ўсишини рағбатлантириш, шу жумладан ишлаб чиқаришда комплекс автоматлаштирилган бошқарув тизимларини жорий этиш, электрон тижоратнинг ривожланиши учун қулай шарт-шароитларни яратиш;
шаҳар ва ҳудудий инфратузилмани, шу жумладан келгусида интеграциялашган, «ақлли» ва «хавфсиз» шаҳар ягона комплексига бирлаштирган ҳолда уй-жой коммунал хизмат кўрсатиш, транспорт логистикасини, шошилинч хизматларни бошқаришнинг замонавий интеллектуал тизимларини жорий этиш ва ривожлантириш;
технопарклар ва коворкинг-марказлар фаолиятини ташкил қилиш, шу жумладан давлат-хусусий шериклик асосида замонавий рақобатбардош ва экспорт учун мўлжалланган дастурий маҳсулотлар ҳамда хизматларнинг маҳаллий ишлаб чиқарилишини ривожлантиришни рағбатлантириш, шарт-шароитлар яратиш ва инвестицияларни жалб қилиш;
етакчи хорижий компаниялар ва таълим муассасаларининг энг яхши амалиёти асосида ахборот технологиялари ва коммуникациялари соҳасида стратегик ва лойиҳа бошқаруви, менежмент, маркетинг бўйича илмий тадқиқотлар ва ишланмаларни, кадрларни тайёрлаш, қайта тайёрлаш ҳамда малакасини оширишни ташкил қилиш;
телекоммуникация ва почта алоқаси, телерадиоэшиттириш тармоқларида ахборот хавфсизлиги бўйича замонавий технологияларни жорий этиш юзасидан комплекс чора-тадбирларни амалга ошириш;
тақдим этилаётган телекоммуникация ва почта алоқаси хизматларининг юқори сифатини таъминлаш мақсадида ахборот технологиялари ва коммуникациялари соҳасида қонун ҳужжатларига риоя этилишининг давлат назоратини амалга ошириш;
ахборот технологиялари ва коммуникацияларини қўллаш ва ривожлантириш масалалари бўйича, шу жумладан, техник стандартлар, регламентлар жорий этилишини ташкил қилиш, шунингдек, Вазирликнинг фаолият соҳасига кирадиган бошқа йўналишлар бўйича халқаро ташкилотлар, чет эл компаниялари, илмий-тадқиқот муассасалари билан ҳамкорликни ривожлантириш.
3. Белгилаб қўйилсинки:
давлат органлари ва бошқа бюджет ташкилотлари бюджетдан ташқари жамғармалар маблағларидан фойдаланишда янги ахборот тизимлари, дастурий маҳсулотлар, маълумотлар базаларини ишлаб чиқишга, биринчи навбатда, аҳолига кўрсатиладиган хизматларнинг сифатини ва тезкорлигини оширишга, бюрократик тартиб-таомилларга барҳам беришга, қоғоз ҳужжат айланишини камайтиришга қаратилган электрон давлат хизматларини жорий этишга устувор эътибор қаратадилар;
давлат органлари ва бошқа бюджет ташкилотларининг ахборот технологиялари ва коммуникацияларини ривожлантириш учун масъул бўлган раҳбарлари ва бўлинмалари ходимлари уч йилда бир марта мос равишда Вазирлик ва унинг ҳудудий бошқармаларида аттестациядан ўтадилар;
барча вазирлик ва идоралар, маҳаллий ижро этувчи ҳокимият органларида ахборот технологиялари ва коммуникацияларини ривожлантириш учун масъул таркибий бўлинма раҳбарлари (бўлинма мавжуд бўлмаганда масъул ходимлари) тегишлилиги бўйича Вазирлик ва Вазирликнинг ҳудудий бошқармаси билан келишилган ҳолда лавозимга тайинланадилар.
5. Вазирлик, Ўзбекистон Республикаси Марказий банки, Молия вазирлиги, Иқтисодиёт вазирлиги икки ой муддатда «Ўзбекистон почтаси» АЖ почта алоқаси миллий операторига агент сифатида банк ва суғурта хизматларини кўрсатиш, шу жумладан тўловларни қабул қилиш ва ўтказиш, банк карталарига хизмат кўрсатиш, аҳолининг бўш пул маблағларини жалб қилиш, ихтиёрий ва мажбурий суғурта қилиш хизматлари ва аутсорсинг шартларида бошқа хизматларни кўрсатиш ҳуқуқларини тақдим этиш масаласини ўргансин ҳамда ушбу бандни амалга ошириш бўйича таклифларни Ўзбекистон Республикаси Вазирлар Маҳкамасига киритсин.
6. Вазирлик Инвестициялар бўйича давлат қўмитаси билан биргаликда уч ой муддатда қуйидагилар бўйича таклифларни Ўзбекистон Республикаси Вазирлар Маҳкамасига киритсин:
«Ўзбекистон почтаси» АЖни, шу жумладан чет эл маслаҳатчиларини жалб қилган ва илғор халқаро тажрибани ўрганган ҳолда ислоҳ қилиш;
почта алоқаси операторлари ва курьерларининг тармоғини ривожлантириш, хорижда халқаро почта жўнатмаларининг алмашинув пунктларини ташкил этиш.
7. Белгилаб қўйилсинки:
а) 2018 йил 1 июндан:
тадбиркорлик субъектлари товарлар, ишлар (хизматлар) экспорт қилинганлиги учун экспорт шартномаси тузмасдан ва банк комиссияси ундирилмасдан, Интернет тармоғидаги электрон савдо майдончалари орқали, Ўзбекистон Республикаси Вазирлар Маҳкамаси томонидан белгиланадиган рўйхат бўйича айрим товарлардан ташқари, товарлар, ишлар (хизматлар) экспортини амалга ошириш ҳуқуқига эга;
тадбиркорлик субъектлари томонидан электрон тижоратдан фойдаланиш орқали сотиладиган товарлар айланмаси уларнинг ҳажмидан қатъи назар, чакана савдо ҳисобланади;
б) ахборот технологиялари ва коммуникациялари соҳасида халқаро консалтинг компаниялари ва экспертларини жалб қилиш, ўз IT-инфратузилмасини ривожлантириш ва моддий-техника базасини мустаҳкамлаш, шунингдек, Вазирлик ходимларини моддий рағбатлантириш Ахборот-коммуникация технологияларини ривожлантириш жамғармаси маблағлари ҳисобидан амалга оширилади;
в) Ахборот-коммуникация технологияларини ривожлантириш жамғармаси маблағлари ҳисобидан Вазирлик ходимларининг меҳнатига ҳақ тўлаш шартлари Вазирлик ҳайъати томонидан аниқланади;
г) давлат органлари ва бошқа бюджет ташкилотларининг замонавий ахборот технологиялари ва коммуникацияларини жорий қилиш ва ривожлантиришга масъул бўлган ходимларига бериладиган ҳар ойлик устама миқдори давлат бюджетидан, давлат бюджетидан ажратилмаган бўлса, ушбу ташкилотларнинг бюджетдан ташқари маблағлари ҳисобидан ходим лавозим маошидан 100 фоиздан кам бўлмаган миқдорда белгиланади;
д) давлат органлари ва бошқа бюджет ташкилотларининг ахборот технологиялари ва коммуникацияларини ривожлантиришга масъул бўлган бўлинма раҳбарлари ҳар йил якунлари бўйича Вазирлик қарори асосида ахборот тизимлари, электрон давлат хизматлари ва ахборотлаштиришни жорий этиш режалари ва дастурларининг ўз вақтида, тўлиқ ва сифатли бажарилганлиги учун, Ахборот-коммуникация технологияларини ривожлантириш жамғармаси маблағлари ва қонун ҳужжатлари билан тақиқланмаган бошқа манбалар ҳисобидан базавий ҳисоблаш миқдорининг 100 бараваригача миқдорда мукофотланади.
8. Ўзбекистон Республикаси Вазирлар Маҳкамаси 2018 йил 1 августга қадар муддатда қуйидагиларни назарда тутувчи 2018 — 2020 йилларга мўлжалланган ҳудудларда ахборот технологиялари ва коммуникацияларини ривожлантириш дастурларини ва устувор лойиҳаларнинг манзилли рўйхатини ишлаб чиқсин ва тасдиқласин:
телекоммуникация инфратузилмасини янада ривожлантириш, аҳолининг сифатли мобиль алоқа, Интернет тармоғидан кенг доирада фойдаланишини таъминлаш;
соғлиқни сақлаш, аҳолини ижтимоий ҳимоя қилиш, таълим, коммунал хизмат кўрсатиш, туризм соҳасида замонавий ахборот тизимлари, дастурий маҳсулотлар ва маълумотлар базаларини жорий қилиш, шунингдек, «ақлли» ва «хавфсиз» шаҳарлар ҳамда ҳудудларни ташкил қилиш;
давлат-хусусий шериклик асосида инновацион лойиҳаларни амалга ошириш, шунингдек, экспортбоп дастурий маҳсулотлар ишлаб чиқаришни қўллаб-қувватлаш;
жойларда, айниқса, олис жойларда электрон давлат хизматларини тақдим этиш тизимини янада кенгайтириш.
Белгилансинки, дастурларни ва лойиҳаларнинг манзилли рўйхатини молиялаштириш Фонд маблағлари ҳисобидан, тегишли ҳудуд мобиль алоқа хизматларини кўрсатадиган юридик шахслар томонидан тўланадиган абонент рақамидан фойдаланганлик учун келиб тушадиган сумманинг 5 фоизгача бўлган миқдорида амалга оширилади.
9. Мазкур Фармоннинг 8-бандида назарда тутилган дастурларнинг амалга оширилишини тизимли мониторинг қилиш ва идоралараро мувофиқлаштириш учун Қорақалпоғистон Республикаси Вазирлар Кенгашининг раиси, вилоятлар ва Тошкент шаҳар ҳокимлари раҳбарлигида ахборот-коммуникация технологияларини ривожлантириш бўйича ҳудудий кенгашлар ташкил этилсин.
Қорақалпоғистон Республикаси Вазирлар Кенгашининг раиси, вилоятлар ва Тошкент шаҳар ҳокимлари Вазирлик билан биргаликда бир ой муддатда:
дастурлар қабул қилинганидан кейин ҳудудий кенгашлар таркибларини тасдиқласин, шунингдек, дастурлар ижросининг ҳар ойда кўриб чиқилишини таъминласин;
«Компьютерлаштириш маркази» ДУКни «Электрон ҳокимият» ахборот тизимини яратиш ва жорий этишни асосий вазифа деб белгилаган ҳолда «Ахборот-коммуникация технологияларини ривожлантириш маркази» ДУКга айлантириш юзасидан ташкилий чора-тадбирларни кўрсин.
10. Вазирлик ҳамда Олий ва ўрта махсус таълим вазирлигининг Муҳаммад ал-Хоразмий номидаги Тошкент ахборот технологиялари университетида, шу жумладан унинг филиалларида 2018/2019 ўқув йилидан бошлаб ахборот технологиялари ва коммуникациялари соҳасида кадрлар тайёрлаш бўйича ўқитишнинг кредит тизимини жорий этиш тўғрисидаги таклифи маъқуллансин.
Муҳаммад ал-Хоразмий номидаги Тошкент ахборот технологиялари университетига:
Ўзбекистон Республикаси Олий ва ўрта махсус таълим вазирлиги билан келишган ҳолда ўқув жараёнининг ахборот-коммуникация технологияларини ривожлантириш суръатлари билан узлуксиз алоқасини таъминлашни ҳисобга олган ҳолда мустақил равишда ўқув режалар ва дастурлар, битирувчилар учун малака талабларини ишлаб чиқиш ва тасдиқлаш;
профессор ўқитувчилар таркиби меҳнатини ўқитишнинг кредит тизими шартларидан келиб чиқиб фақат таълимга хос тадбирлар асосида иш вақти ҳисобга олинишига асосланган ҳолда мустақил нормалашни амалга ошириш, шунингдек, педагог ходимлар томонидан илмий-услубий, илмий-тадқиқот, ташкилий-услубий, маънавий-маърифий ва тарбиявий ишларнинг бажарилишини рағбатлантириш ҳуқуқи берилсин.
Вазирлик Ўзбекистон Республикаси Олий ва ўрта махсус таълим вазирлиги билан биргаликда икки ой муддатда кредит тизими бўйича ўқитиш тартибини белгилайдиган Ҳукумат қарори лойиҳасини Вазирлар Маҳкамасига киритсин.
11. Ўзбекистон Республикаси Вазирлар Маҳкамаси:
бир ҳафта муддатда Ўзбекистон Республикаси Президентининг Вазирлик ва Инспекция фаолиятини ташкил этиш тўғрисидаги қарорлари лойиҳаларини киритсин;
бир ой муддатда Вазирлик ва Инспекция тўғрисидаги янгиланган низомларни тасдиқласин.
13. Вазирлик манфаатдор вазирлик ва идоралар билан биргаликда бир ой муддатда қонун ҳужжатларига мазкур Фармондан келиб чиқадиган ўзгартиш ва қўшимчалар тўғрисидаги таклифларни Ўзбекистон Республикаси Вазирлар Маҳкамасига киритсин.
14. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Давлат маслаҳатчисининг биринчи ўринбосари Б.М. Мавлонов ва Ўзбекистон Республикасининг Бош прокурори О.Б. Муродов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 19 февраль,
ПФ-5349-сон
Oʻzbekiston Respublikasi Prezidentining
Farmoni
Axborot texnologiyalari va kommunikatsiyalari sohasini yanada takomillashtirish chora-tadbirlari toʻgʻrisida
Mamlakatda zamonaviy axborot texnologiyalari va kommunikatsiyalarini rivojlantirish, elektron davlat xizmatlarini koʻrsatishning yaxlit tizimini yaratish, davlat organlarining aholi bilan muloqot qilishining yangi mexanizmlarini joriy etish yuzasidan izchil ish olib borilmoqda.
Shu bilan birga, axborot texnologiyalari va kommunikatsiyalarini boshqarish va joriy etish sohasidagi bir qator tizimli muammo va kamchiliklar ushbu sohaning jadal rivojlanishiga, sifatli axborot xizmatlarini koʻrsatishga toʻsqinlik qilmoqda. Xususan:
birinchidan, telekommunikatsiya infratuzilmasi yetarlicha rivojlanmagan, mamlakatning olis aholi punktlari telekommunikatsiya tarmoqlari bilan taʼminlanmasdan qolmoqda, mobil aloqa va Internet tarmogʻining sifati aholi ehtiyojlarini qondirmayapti;
ikkinchidan, davlat boshqaruvi tizimiga axborot texnologiyalari va kommunikatsiyalarini joriy etishda yagona texnologik yondashuvning samarali amalga oshirilmaganligi sababli idoraviy axborot tizimlari va resurslari alohida-alohida joriy qilinmoqda, buning oqibatida ularni yagona axborot makoniga integratsiyalash jarayoni murakkablashmoqda;
uchinchidan, elektron tijoratda integratsiyalashgan savdo va marketing platformalari, internet-doʻkonlar, toʻlov tizimlarini, shuningdek, logistika tizimlarini joriy etishga yetarlicha eʼtibor qaratilmayapti, bu iqtisodiyot va tadbirkorlik rivojlanishi, chet el investitsiyalari jalb qilinishi toʻxtatib turilishining sabablaridan biri boʻlmoqda;
toʻrtinchidan, davlat axborot tizimlari va resurslarida axborot xavfsizligini va axborotni muhofaza qilishni taʼminlash ishlarining zaif tashkil etilganligi axborotdan ruxsatsiz foydalana olish, maʼlumotlar bazalarining butunligi va maxfiyligini buzish imkoniyatini oshirmoqda;
beshinchidan, koʻplab davlat organlari va tashkilotlarining rahbarlari tomonidan aholiga koʻrsatiladigan xizmatlarning sifati va tezkorligini oshirish, byurokratik tartib-taomillarga barham berish, qogʻoz hujjat aylanishini kamaytirishga qaratilgan axborotlashtirish hamda zamonaviy axborot texnologiyalari va kommunikatsiyalarini joriy qilish loyihalarini amalga oshirish masalalariga yetarlicha eʼtibor berilmayapti;
oltinchidan, pochta aloqa xizmatlari va logistika tizimini modernizatsiya qilish, pochta aloqasi milliy operatori faoliyatining sifat jihatdan yangi uslublarini joriy etish va bozorda uning faoliyati mavqeyini oshirishga doir taʼsirchan choralar koʻrilmayapti;
yettinchidan, axborot texnologiyalari va kommunikatsiyalari sohasida kadrlarni tayyorlash, qayta tayyorlash va malakasini oshirishning amaldagi tizimi IT-texnologiyalar rivojlanishining tezkor surʼatlarini hisobga olmayapti, shuningdek, taʼlim berishning ilgʻor uslublarini joriy etish uchun xorijiy mamlakatlarning yetakchi taʼlim muassasalari bilan samarali muloqotni tashkil qilish imkonini bermayapti;
sakkizinchidan, elektron hukumat, elektron tijorat, elektron davlat xizmatlari koʻrsatish tizimi, ularning shaffofligi va ochiqligi, shuningdek, telekommunikatsiya infratuzilmasining rivojlanishida ancha ilgarilab ketgan mamlakatlarning tajribasini chuqur oʻrganish va joriy etish boʻyicha tizimli ish olib borilmayapti.
Axborot texnologiyalari va kommunikatsiyalari sohasida boshqaruv tizimini yanada takomillashtirish, elektron davlat xizmatlari va telekommunikatsiya xizmatlari spektrini kengaytirish, telekommunikatsiya infratuzilmasini rivojlantirish maqsadida, shuningdek, Oʻzbekiston Respublikasida Maʼmuriy islohotlar konsepsiyasiga muvofiq:
1. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi (keyingi oʻrinlarda Vazirlik deb yuritiladi) hamda Oʻzbekiston Matbuot va axborot agentligining:
Respublika axborot-kutubxona markazi, Qoraqalpogʻiston Respublikasi, viloyatlar va Toshkent shahar axborot-kutubxona markazlarini Oʻzbekiston Matbuot va axborot agentligining Alisher Navoiy nomidagi Oʻzbekiston Milliy kutubxonasi tasarrufiga oʻtkazish;
“Ommaviy kommunikatsiyalar sohasidagi monitoring markazi” davlat muassasasini Oʻzbekiston Matbuot va axborot agentligi tuzilmasiga berish;
Vazirlik ikki hafta muddatda oʻtkazilayotgan tashkilotlarning shtat birliklari va binolari, shuningdek, ularga tegishli boʻlgan tovar-moddiy boyliklar, shu jumladan pul mablagʻlarining Oʻzbekiston Matbuot va axborot agentligiga berilishini taʼminlasin.
2. Quyidagilar vazirlikning asosiy vazifalari va faoliyatining ustuvor yoʻnalishlari etib belgilansin:
axborot texnologiyalari va kommunikatsiyalarini rivojlantirish va qoʻllash sohasida yagona davlat siyosatini ishlab chiqish va amalga oshirish hamda munosabatlarni tartibga solish, elektron hukumatni joriy etish, axborot jamiyati va raqamli iqtisodiyotni shakllantirish faoliyatini muvofiqlashtirish;
“oxirgi milya” tamoyili boʻyicha Internet tarmogʻidan keng polosali foydalanishni kengaytirish, multiservisli aloqa tarmoqlari texnologiyalari, mobil aloqa bozori, boshqa zamonaviy telekommunikatsiya xizmatlari, shuningdek, logistika va pochta aloqasi xizmatlari orqali telekommunikatsiya infratuzilmasini rivojlantirish va modernizatsiya qilish;
davlat organlarining axborot tizimlari va resurslarini ishlab chiqish hamda joriy etish, idoralararo oʻzaro elektron hamkorlikni tashkil qilish, yagona elektron reyestrlar va maʼlumotlar bazalarini, “yagona darcha” tamoyili boʻyicha elektron davlat xizmatlari koʻrsatish tizimlarini shakllantirishga yagona texnologik yondashuv amalga oshirilishini taʼminlash;
davlat boshqaruvi va iqtisodiyotning real sektorida innovatsiyalarni joriy qilishga koʻmaklashish, raqamli iqtisodiyot oʻsishini ragʻbatlantirish, shu jumladan ishlab chiqarishda kompleks avtomatlashtirilgan boshqaruv tizimlarini joriy etish, elektron tijoratning rivojlanishi uchun qulay shart-sharoitlarni yaratish;
shahar va hududiy infratuzilmani, shu jumladan kelgusida integratsiyalashgan, “aqlli” va “xavfsiz” shahar yagona kompleksiga birlashtirgan holda uy-joy kommunal xizmat koʻrsatish, transport logistikasini, shoshilinch xizmatlarni boshqarishning zamonaviy intellektual tizimlarini joriy etish va rivojlantirish;
texnoparklar va kovorking-markazlar faoliyatini tashkil qilish, shu jumladan davlat-xususiy sheriklik asosida zamonaviy raqobatbardosh va eksport uchun moʻljallangan dasturiy mahsulotlar hamda xizmatlarning mahalliy ishlab chiqarilishini rivojlantirishni ragʻbatlantirish, shart-sharoitlar yaratish va investitsiyalarni jalb qilish;
yetakchi xorijiy kompaniyalar va taʼlim muassasalarining eng yaxshi amaliyoti asosida axborot texnologiyalari va kommunikatsiyalari sohasida strategik va loyiha boshqaruvi, menejment, marketing boʻyicha ilmiy tadqiqotlar va ishlanmalarni, kadrlarni tayyorlash, qayta tayyorlash hamda malakasini oshirishni tashkil qilish;
telekommunikatsiya va pochta aloqasi, teleradioeshittirish tarmoqlarida axborot xavfsizligi boʻyicha zamonaviy texnologiyalarni joriy etish yuzasidan kompleks chora-tadbirlarni amalga oshirish;
taqdim etilayotgan telekommunikatsiya va pochta aloqasi xizmatlarining yuqori sifatini taʼminlash maqsadida axborot texnologiyalari va kommunikatsiyalari sohasida qonun hujjatlariga rioya etilishining davlat nazoratini amalga oshirish;
axborot texnologiyalari va kommunikatsiyalarini qoʻllash va rivojlantirish masalalari boʻyicha, shu jumladan, texnik standartlar, reglamentlar joriy etilishini tashkil qilish, shuningdek, Vazirlikning faoliyat sohasiga kiradigan boshqa yoʻnalishlar boʻyicha xalqaro tashkilotlar, chet el kompaniyalari, ilmiy-tadqiqot muassasalari bilan hamkorlikni rivojlantirish.
3. Belgilab qoʻyilsinki:
davlat organlari va boshqa budjet tashkilotlari budjetdan tashqari jamgʻarmalar mablagʻlaridan foydalanishda yangi axborot tizimlari, dasturiy mahsulotlar, maʼlumotlar bazalarini ishlab chiqishga, birinchi navbatda, aholiga koʻrsatiladigan xizmatlarning sifatini va tezkorligini oshirishga, byurokratik tartib-taomillarga barham berishga, qogʻoz hujjat aylanishini kamaytirishga qaratilgan elektron davlat xizmatlarini joriy etishga ustuvor eʼtibor qaratadilar;
davlat organlari va boshqa budjet tashkilotlarining axborot texnologiyalari va kommunikatsiyalarini rivojlantirish uchun masʼul boʻlgan rahbarlari va boʻlinmalari xodimlari uch yilda bir marta mos ravishda Vazirlik va uning hududiy boshqarmalarida attestatsiyadan oʻtadilar;
barcha vazirlik va idoralar, mahalliy ijro etuvchi hokimiyat organlarida axborot texnologiyalari va kommunikatsiyalarini rivojlantirish uchun masʼul tarkibiy boʻlinma rahbarlari (boʻlinma mavjud boʻlmaganda masʼul xodimlari) tegishliligi boʻyicha Vazirlik va Vazirlikning hududiy boshqarmasi bilan kelishilgan holda lavozimga tayinlanadilar.
5. Vazirlik, Oʻzbekiston Respublikasi Markaziy banki, Moliya vazirligi, Iqtisodiyot vazirligi ikki oy muddatda “Oʻzbekiston pochtasi” AJ pochta aloqasi milliy operatoriga agent sifatida bank va sugʻurta xizmatlarini koʻrsatish, shu jumladan toʻlovlarni qabul qilish va oʻtkazish, bank kartalariga xizmat koʻrsatish, aholining boʻsh pul mablagʻlarini jalb qilish, ixtiyoriy va majburiy sugʻurta qilish xizmatlari va autsorsing shartlarida boshqa xizmatlarni koʻrsatish huquqlarini taqdim etish masalasini oʻrgansin hamda ushbu bandni amalga oshirish boʻyicha takliflarni Oʻzbekiston Respublikasi Vazirlar Mahkamasiga kiritsin.
6. Vazirlik Investitsiyalar boʻyicha davlat qoʻmitasi bilan birgalikda uch oy muddatda quyidagilar boʻyicha takliflarni Oʻzbekiston Respublikasi Vazirlar Mahkamasiga kiritsin:
“Oʻzbekiston pochtasi” AJni, shu jumladan chet el maslahatchilarini jalb qilgan va ilgʻor xalqaro tajribani oʻrgangan holda isloh qilish;
pochta aloqasi operatorlari va kuryerlarining tarmogʻini rivojlantirish, xorijda xalqaro pochta joʻnatmalarining almashinuv punktlarini tashkil etish.
7. Belgilab qoʻyilsinki:
a) 2018-yil 1-iyundan:
tadbirkorlik subyektlari tovarlar, ishlar (xizmatlar) eksport qilinganligi uchun eksport shartnomasi tuzmasdan va bank komissiyasi undirilmasdan, Internet tarmogʻidagi elektron savdo maydonchalari orqali, Oʻzbekiston Respublikasi Vazirlar Mahkamasi tomonidan belgilanadigan roʻyxat boʻyicha ayrim tovarlardan tashqari, tovarlar, ishlar (xizmatlar) eksportini amalga oshirish huquqiga ega;
tadbirkorlik subyektlari tomonidan elektron tijoratdan foydalanish orqali sotiladigan tovarlar aylanmasi ularning hajmidan qatʼi nazar, chakana savdo hisoblanadi;
b) axborot texnologiyalari va kommunikatsiyalari sohasida xalqaro konsalting kompaniyalari va ekspertlarini jalb qilish, oʻz IT-infratuzilmasini rivojlantirish va moddiy-texnika bazasini mustahkamlash, shuningdek, Vazirlik xodimlarini moddiy ragʻbatlantirish Axborot-kommunikatsiya texnologiyalarini rivojlantirish jamgʻarmasi mablagʻlari hisobidan amalga oshiriladi;
v) Axborot-kommunikatsiya texnologiyalarini rivojlantirish jamgʻarmasi mablagʻlari hisobidan Vazirlik xodimlarining mehnatiga haq toʻlash shartlari Vazirlik hayʼati tomonidan aniqlanadi;
g) davlat organlari va boshqa budjet tashkilotlarining zamonaviy axborot texnologiyalari va kommunikatsiyalarini joriy qilish va rivojlantirishga masʼul boʻlgan xodimlariga beriladigan har oylik ustama miqdori davlat budjetidan, davlat budjetidan ajratilmagan boʻlsa, ushbu tashkilotlarning budjetdan tashqari mablagʻlari hisobidan xodim lavozim maoshidan 100 foizdan kam boʻlmagan miqdorda belgilanadi;
d) davlat organlari va boshqa budjet tashkilotlarining axborot texnologiyalari va kommunikatsiyalarini rivojlantirishga masʼul boʻlgan boʻlinma rahbarlari har yil yakunlari boʻyicha Vazirlik qarori asosida axborot tizimlari, elektron davlat xizmatlari va axborotlashtirishni joriy etish rejalari va dasturlarining oʻz vaqtida, toʻliq va sifatli bajarilganligi uchun, Axborot-kommunikatsiya texnologiyalarini rivojlantirish jamgʻarmasi mablagʻlari va qonun hujjatlari bilan taqiqlanmagan boshqa manbalar hisobidan bazaviy hisoblash miqdorining 100 baravarigacha miqdorda mukofotlanadi.
8. Oʻzbekiston Respublikasi Vazirlar Mahkamasi 2018-yil 1-avgustga qadar muddatda quyidagilarni nazarda tutuvchi 2018 — 2020-yillarga moʻljallangan hududlarda axborot texnologiyalari va kommunikatsiyalarini rivojlantirish dasturlarini va ustuvor loyihalarning manzilli roʻyxatini ishlab chiqsin va tasdiqlasin:
telekommunikatsiya infratuzilmasini yanada rivojlantirish, aholining sifatli mobil aloqa, Internet tarmogʻidan keng doirada foydalanishini taʼminlash;
sogʻliqni saqlash, aholini ijtimoiy himoya qilish, taʼlim, kommunal xizmat koʻrsatish, turizm sohasida zamonaviy axborot tizimlari, dasturiy mahsulotlar va maʼlumotlar bazalarini joriy qilish, shuningdek, “aqlli” va “xavfsiz” shaharlar hamda hududlarni tashkil qilish;
davlat-xususiy sheriklik asosida innovatsion loyihalarni amalga oshirish, shuningdek, eksportbop dasturiy mahsulotlar ishlab chiqarishni qoʻllab-quvvatlash;
joylarda, ayniqsa, olis joylarda elektron davlat xizmatlarini taqdim etish tizimini yanada kengaytirish.
Belgilansinki, dasturlarni va loyihalarning manzilli roʻyxatini moliyalashtirish Fond mablagʻlari hisobidan, tegishli hudud mobil aloqa xizmatlarini koʻrsatadigan yuridik shaxslar tomonidan toʻlanadigan abonent raqamidan foydalanganlik uchun kelib tushadigan summaning 5 foizgacha boʻlgan miqdorida amalga oshiriladi.
9. Mazkur Farmonning 8-bandida nazarda tutilgan dasturlarning amalga oshirilishini tizimli monitoring qilish va idoralararo muvofiqlashtirish uchun Qoraqalpogʻiston Respublikasi Vazirlar Kengashining raisi, viloyatlar va Toshkent shahar hokimlari rahbarligida axborot-kommunikatsiya texnologiyalarini rivojlantirish boʻyicha hududiy kengashlar tashkil etilsin.
Qoraqalpogʻiston Respublikasi Vazirlar Kengashining raisi, viloyatlar va Toshkent shahar hokimlari Vazirlik bilan birgalikda bir oy muddatda:
dasturlar qabul qilinganidan keyin hududiy kengashlar tarkiblarini tasdiqlasin, shuningdek, dasturlar ijrosining har oyda koʻrib chiqilishini taʼminlasin;
“Kompyuterlashtirish markazi” DUKni “Elektron hokimiyat” axborot tizimini yaratish va joriy etishni asosiy vazifa deb belgilagan holda “Axborot-kommunikatsiya texnologiyalarini rivojlantirish markazi” DUKga aylantirish yuzasidan tashkiliy chora-tadbirlarni koʻrsin.
10. Vazirlik hamda Oliy va oʻrta maxsus taʼlim vazirligining Muhammad al-Xorazmiy nomidagi Toshkent axborot texnologiyalari universitetida, shu jumladan uning filiallarida 2018/2019 oʻquv yilidan boshlab axborot texnologiyalari va kommunikatsiyalari sohasida kadrlar tayyorlash boʻyicha oʻqitishning kredit tizimini joriy etish toʻgʻrisidagi taklifi maʼqullansin.
Muhammad al-Xorazmiy nomidagi Toshkent axborot texnologiyalari universitetiga:
Oʻzbekiston Respublikasi Oliy va oʻrta maxsus taʼlim vazirligi bilan kelishgan holda oʻquv jarayonining axborot-kommunikatsiya texnologiyalarini rivojlantirish surʼatlari bilan uzluksiz aloqasini taʼminlashni hisobga olgan holda mustaqil ravishda oʻquv rejalar va dasturlar, bitiruvchilar uchun malaka talablarini ishlab chiqish va tasdiqlash;
professor oʻqituvchilar tarkibi mehnatini oʻqitishning kredit tizimi shartlaridan kelib chiqib faqat taʼlimga xos tadbirlar asosida ish vaqti hisobga olinishiga asoslangan holda mustaqil normalashni amalga oshirish, shuningdek, pedagog xodimlar tomonidan ilmiy-uslubiy, ilmiy-tadqiqot, tashkiliy-uslubiy, maʼnaviy-maʼrifiy va tarbiyaviy ishlarning bajarilishini ragʻbatlantirish huquqi berilsin.
Vazirlik Oʻzbekiston Respublikasi Oliy va oʻrta maxsus taʼlim vazirligi bilan birgalikda ikki oy muddatda kredit tizimi boʻyicha oʻqitish tartibini belgilaydigan Hukumat qarori loyihasini Vazirlar Mahkamasiga kiritsin.
11. Oʻzbekiston Respublikasi Vazirlar Mahkamasi:
bir hafta muddatda Oʻzbekiston Respublikasi Prezidentining Vazirlik va Inspeksiya faoliyatini tashkil etish toʻgʻrisidagi qarorlari loyihalarini kiritsin;
bir oy muddatda Vazirlik va Inspeksiya toʻgʻrisidagi yangilangan nizomlarni tasdiqlasin.
13. Vazirlik manfaatdor vazirlik va idoralar bilan birgalikda bir oy muddatda qonun hujjatlariga mazkur Farmondan kelib chiqadigan oʻzgartish va qoʻshimchalar toʻgʻrisidagi takliflarni Oʻzbekiston Respublikasi Vazirlar Mahkamasiga kiritsin.
14. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Davlat maslahatchisining birinchi oʻrinbosari B.M. Mavlonov va Oʻzbekiston Respublikasining Bosh prokurori O.B. Murodov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 19-fevral,
PF-5349-son
Президента Республики Узбекистан
Указ
О мерах по дальнейшему совершенствованию сферы информационных технологий и коммуникаций
В стране проводится последовательная работа по развитию современных информационных технологий и коммуникаций, созданию целостной системы оказания электронных государственных услуг, внедрению новых механизмов диалога государственных органов с населением.
Вместе с тем ряд системных проблем и недостатков в сфере управления и внедрения информационных технологий и коммуникаций препятствует ускоренному развитию данной сферы, оказанию качественных информационных услуг, в числе которых:
первое, недостаточно развита телекоммуникационная инфраструктура, отдаленные населенные пункты страны остаются не обеспеченными сетями телекоммуникаций, качество мобильной связи и сети Интернет не удовлетворяет потребности населения;
второе, вследствие неэффективного осуществления единого технологического подхода во внедрении информационных технологий и коммуникаций в системе государственного управления ведомственные информационные системы и ресурсы внедряются фрагментарно, что усложняет процесс их интеграции в единое информационное пространство;
третье, не уделяется должного внимания внедрению интегрированных торговых и маркетинговых платформ, интернет-магазинов, платежных систем, а также системы логистики в электронной коммерции, что становится одной из причин сдерживания развития экономики и предпринимательства, привлечения иностранных инвестиций;
четвертое, слабая организация работы по обеспечению информационной безопасности и защиты информации в государственных информационных системах и ресурсах увеличивает возможности несанкционированного доступа к информации, нарушения целостности и конфиденциальности баз данных;
пятое, руководителями большинства государственных органов и организаций не уделяется достаточного внимания вопросам реализации проектов по информатизации и внедрению современных информационных технологий и коммуникаций, направленных на повышение качества и оперативности оказываемых населению услуг, искоренение бюрократических процедур, уменьшение бумажного документооборота;
шестое, не принимаются действенные меры по модернизации услуг почтовой связи и системы логистики, внедрению качественно новых методов работы национального оператора почтовой связи и повышению престижа его деятельности на рынке;
седьмое, действующая система подготовки, переподготовки и повышения квалификации кадров в сфере информационных технологий и коммуникаций не учитывает быстрые темпы развития IT-технологий, а также не позволяет организовать эффективный диалог с ведущими образовательными учреждениями зарубежных стран для внедрения передовых методов обучения;
восьмое, не ведется системная работа по глубокому изучению и внедрению опыта стран, значительно продвинувшихся в развитии электронного правительства, электронной коммерции, системы оказания электронных государственных услуг, их прозрачности и открытости, а также телекоммуникационной инфраструктуры.
В целях дальнейшего совершенствования системы управления в сфере информационных технологий и коммуникаций, расширения спектра электронных государственных услуг и услуг телекоммуникаций, развития телекоммуникационной инфраструктуры, а также в соответствии с Концепцией административной реформы в Республике Узбекистан:
1. Одобрить предложения Министерства по развитию информационных технологий и коммуникаций Республики Узбекистан (далее — Министерство) и Узбекского агентства по печати и информации о:
передаче Республиканского информационно-библиотечного центра, информационно-библиотечных центров Республики Каракалпакстан, областей и г. Ташкента в ведение Национальной библиотеки Узбекистана имени Алишера Навои Узбекского агентства по печати и информации;
передаче государственного учреждения «Центр мониторинга в сфере массовых коммуникаций» в структуру Узбекского агентства по печати и информации;
Министерству в двухнедельный срок обеспечить передачу Узбекскому агентству по печати и информации штатной численности и зданий передаваемых организаций, а также принадлежащих им товарно-материальных ценностей, включая денежные средства.
2. Определить основными задачами и приоритетными направлениями деятельности Министерства:
разработку и реализацию единой государственной политики и регулирование отношений в сфере развития и применения информационных технологий и коммуникаций, координацию деятельности внедрения электронного правительства, формирования информационного общества и цифровой экономики;
развитие и модернизацию телекоммуникационной инфраструктуры путем расширения широкополосного доступа к сети Интернет по принципу «последняя миля», технологий мультисервисных сетей связи, рынка мобильной связи, иных современных телекоммуникационных услуг, а также логистики и услуг почтовой связи;
обеспечение реализации единого технологического подхода в разработке и внедрении информационных систем и ресурсов государственных органов, организации межведомственного электронного взаимодействия, формирования единых электронных реестров и баз данных, систем оказания электронных государственных услуг по принципу «одно окно»;
содействие внедрению инноваций в государственном управлении и реальном секторе экономики, обеспечение стимулирования роста цифровой экономики, в том числе за счет внедрения комплексных автоматизированных систем управления на производстве, создания благоприятных условий для развития электронной коммерции;
внедрение и развитие современных интеллектуальных систем управления городской и региональной инфраструктурой, включая жилищно-коммунальное обслуживание, транспортную логистику, экстренные службы, с последующей интеграцией и объединением их в единый комплекс «умный» и «безопасный» город;
стимулирование, создание условий и привлечение инвестиций для развития отечественного производства современных конкурентоспособных и экспортоориентированных программных продуктов и услуг путем организации деятельности технопарков и коворкинг-центров, в том числе на основе государственно-частного партнерства;
организацию научных исследований и разработок, подготовки, переподготовки и повышения квалификации кадров по стратегическому и проектному управлению, менеджменту, маркетингу в сфере информационных технологий и коммуникаций на основе наилучшей практики ведущих зарубежных компаний и образовательных учреждений;
реализацию комплексных мер по внедрению современных технологий по информационной безопасности в отраслях телекоммуникаций и почтовой связи, телерадиовещания;
осуществление государственного контроля за соблюдением законодательства в сфере информационных технологий и коммуникаций в целях обеспечения высокого качества предоставляемых услуг телекоммуникаций и почтовой связи;
развитие сотрудничества с международными организациями, иностранными компаниями, научно-исследовательскими учреждениями по вопросам применения и развития информационных технологий и коммуникаций, в том числе организации внедрения технических стандартов, регламентов, а также по другим направлениям, входящим в сферу деятельности Министерства.
3. Установить, что:
государственные органы и иные бюджетные организации при использовании средств внебюджетных фондов приоритетное внимание уделяют разработке новых информационных систем, программных продуктов, баз данных, внедрению электронных государственных услуг, направленных, в первую очередь, на повышение качества и оперативности оказываемых населению услуг, искоренение бюрократических процедур, уменьшение бумажного документооборота;
руководители и работники подразделений государственных органов и иных бюджетных организаций, ответственные за развитие информационных технологий и коммуникаций, один раз в три года проходят аттестацию соответственно в Министерстве и его территориальных управлениях;
руководители структурных подразделений (при отсутствии подразделения, ответственные работники), ответственные за развитие информационных технологий и коммуникаций во всех министерствах и ведомствах, органах исполнительной власти на местах назначаются на должность по согласованию с Министерством и территориальным управлением Министерства соответственно.
5. Министерству, Центральному банку, Министерству финансов, Министерству экономики Республики Узбекистан в двухмесячный срок проработать вопрос предоставления национальному оператору почтовой связи АО «Узбекистон почтаси» прав на оказание в качестве агента банковских и страховых услуг, в том числе по приему и переводу платежей, обслуживанию банковских карт, привлечению свободных денежных средств населения, оказанию услуг по добровольному и обязательному страхованию и других услуг на условиях аутсорсинга и внести в Кабинет Министров Республики Узбекистан предложения по реализации настоящего пункта.
6. Министерству совместно с Государственным комитетом по инвестициям в трехмесячный срок внести в Кабинет Министров Республики Узбекистан предложения по:
реформированию АО «Узбекистон почтаси», в том числе путем привлечения зарубежных консультантов и изучения передового международного опыта;
развитию сети операторов и курьеров почтовой связи, организации пунктов международного обмена почтовыми отправлениями за рубежом.
7. Установить, что:
а) с 1 июня 2018 года:
субъекты предпринимательства вправе осуществлять экспорт товаров, работ (услуг), за исключением отдельных товаров по перечню, определяемому Кабинетом Министров Республики Узбекистан, посредством электронных торговых площадок в сети Интернет без заключения экспортного контракта и изъятия банковской комиссии за экспорт товара, работ (услуг);
оборот товаров, реализуемых субъектами предпринимательства путем использования электронной коммерции, считается розничной торговлей вне зависимости от их объема;
б) привлечение международных консалтинговых компаний и экспертов в сфере информационных технологий и коммуникаций, развитие собственной IT-инфраструктуры и укрепление материально-технической базы, а также материальное стимулирование работников Министерства осуществляется за счет средств Фонда развития информационно-коммуникационных технологий;
в) условия оплаты труда работников Министерства за счет средств Фонда развития информационно-коммуникационных технологий и иных источников определяется Коллегией Министерства;
г) размер ежемесячной надбавки работникам государственных органов и иных бюджетных организаций, ответственным за внедрение и развитие современных информационных технологий и коммуникаций, устанавливается в размере не менее 100 процентов от должностного оклада работника из Государственного бюджета, если не выделены из Государственного бюджета, из внебюджетных средств этих организаций;
д) руководители подразделений государственных органов и иных бюджетных организаций, ответственных за развитие информационных технологий и коммуникаций, по итогам каждого года на основании решения Министерства премируются в размере до 100-кратной базовой расчетной величины за своевременную, полную и качественную реализацию планов и программ по внедрению информационных систем, электронных государственных услуг и информатизации деятельности органа и организации за счет средств Фонда развития информационно-коммуникационных технологий и иных источников, не запрещенных законодательством.
8. Кабинету Министров Республики Узбекистан в срок до 1 августа 2018 года разработать и утвердить Программы развития информационных технологий и коммуникаций в регионах на 2018 — 2020 годы и адресный перечень приоритетных проектов, предусматривающих:
дальнейшее развитие телекоммуникационной инфраструктуры, обеспечение населения качественной мобильной связью, широкополосным доступом к сети Интернет;
внедрение современных информационных систем, программных продуктов и баз данных в сфере здравоохранения, социальной защиты населения, образования, коммунального обслуживания, туризма, а также организацию «умных» и «безопасных» городов и регионов;
реализацию инновационных проектов на основе государственно-частного партнерства, а также поддержку производства экспортоориентированных программных продуктов;
дальнейшее расширение системы предоставления электронных государственных услуг на местах, особенно в отдаленной местности.
Установить, что финансирование программ и адресного перечня проектов осуществляется за счет средств Фонда в размере до 5 процентов от суммы, поступающей от платы за использование абонентского номера, уплачиваемой юридическими лицами, оказывающими услуги мобильной связи соответствующего региона, а также иных источников, не запрещенных законодательством.
9. Образовать региональные советы по развитию информационно-коммуникационных технологий во главе с председателем Совета Министров Республики Каракалпакстан, хокимами областей и города Ташкента для осуществления системного мониторинга и межведомственной координации реализации программ, предусмотренных пунктом 8 настоящего Указа.
Председателю Совета Министров Республики Каракалпакстан, хокимам областей и г. Ташкента совместно с Министерством в месячный срок:
после принятия программ утвердить составы региональных советов, а также обеспечить ежемесячное рассмотрение хода исполнения программ;
принять организационные меры по преобразованию ГУП «Центр компьютеризации» в ГУП «Центр развития информационно-коммуникационных технологий», определив его главной задачей создание и внедрение информационной системы «Электронный хокимият».
10. Одобрить предложение Министерства и Министерства высшего и среднего специального образования о внедрении в Ташкентском университете информационных технологий имени Мухаммада ал-Хоразмий, в том числе его филиалах, с 2018/2019 учебного года кредитной системы обучения по подготовке кадров в сфере информационных технологий и коммуникаций.
Предоставить Ташкентскому университету информационных технологий имени Мухаммада ал-Хоразмий право:
по согласованию с Министерством высшего и среднего специального образования Республики Узбекистан самостоятельно разрабатывать и утверждать учебные планы и программы, квалификационные требования к выпускникам с учетом обеспечения непрерывной связи учебного процесса с темпами развития информационно-коммуникационных технологий;
осуществлять самостоятельное нормирование труда профессорско-преподавательского состава в условиях кредитной системы обучения, основываясь на учете рабочего времени исключительно по мероприятиям учебного характера, а также стимулирование выполнения педагогическими работниками научно-методической, научно-исследовательской, организационно-методической, духовно-нравственной и воспитательной работы.
Министерству совместно с Министерством высшего и среднего специального образования в двухмесячный срок внести в Кабинет Министров Республики Узбекистан проект правительственного решения , определяющего порядок кредитной системы обучения.
11. Кабинету Министров Республики Узбекистан:
в недельный срок внести проекты постановлений Президента Республики Узбекистан об организации деятельности Министерства и Инспекции;
в месячный срок утвердить обновленные положения о Министерстве и Инспекции.
13. Министерству совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
14. Контроль за исполнением настоящего Указа возложить на Премьер-министра Республики Узбекистан А.Н. Арипова, первого заместителя Государственного советника Президента Республики Узбекистан Б.М. Мавлонова и Генерального прокурора Республики Узбекистан О.Б. Муродова.
Президент Республики Узбекистан Ш. МИРЗИЁЕВ
г. Ташкент,
19 февраля 2018 г.,
№ УП-5349