📅 2018-yil 22-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 22 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 22 февраля 2018 г. · Постановления Президента
Официальный текст. Официальный документ. Редакционные примечания не включены.
📅 22 February 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТУЗИЛМАСИ
ўзгартиш ва қўшимчалар
Иқтисодиёт базавий тармоқларидаги лойиҳа ишларини ҳамда муҳандис-лойиҳаловчиларни тайёрлаш тизимини янада такомиллаштириш чора-тадбирлари тўғрисида
Республика иқтисодиёти базавий тармоқларидаги лойиҳалаш ишларининг ҳолати ихтисослаштирилган лойиҳа институтларида малакали муҳандис-лойиҳаловчиларнинг етишмаслигидан, ушбу соҳада ишларни ташкил этиш замонавий инновацион усулларнинг жорий этилиши лозим даражада эмаслигидан ва бунинг оқибатида ишлаб чиқилаётган лойиҳа ҳужжатлари сифатининг паст эканлигидан далолат бермоқда.
Натижада инвестиция лойиҳаларини рўёбга чиқаришда чет эл инжиниринг компаниялари иштирокига кучли муҳтожлик юзага келди, бу эса кўрсатиладиган хизматларга ҳақ тўлаш учун катта миқдорда валюта маблағлари сарфланишига сабаб бўлмоқда.
Кадрлар тайёрлашнинг амалдаги тизими ихтисослаштирилган олий таълим муассасаларининг битирувчиларини лойиҳа институтлари ва инжиниринг ташкилотларининг фаол ишлаб чиқариш фаолиятига тез жалб қилиш имконини бермаяпти. Ёш мутахассислар технологик тизимларни лойиҳалаш, конструкторлик ҳужжатларини тайёрлаш ва лойиҳаларни бошқаришнинг бошланғич кўникмаларига эга эмас.
Иқтисодиёт базавий тармоқларида инвестициявий ва инфратузилмавий лойиҳалар бўйича лойиҳаолди ва лойиҳа ҳужжатларини ишлаб чиқиш борасида асосий пудратчи ҳисобланадиган Ўзбекистон Республикаси Вазирлар Маҳкамаси ҳузуридаги «ЎзИнжиниринг» Республика лойиҳа институти (кейинги ўринларда «ЎзИнжиниринг» Республика лойиҳа институти деб юритилади) ходимлари сонининг чекланганлиги ишларни ташкил этишнинг замонавий инновацион усулларини самарали жорий этиш ва муҳандис-лойиҳаловчиларни тайёрлаш тизимини такомиллаштириш имконини бермайди.
Лойиҳа ишлари сифати ва уларни маҳаллийлаштириш даражасини ошириш, ушбу соҳада юқори малакали кадрлар тайёрлаш, шунингдек, «ЎзИнжиниринг» Республика лойиҳа институти фаолиятини янада такомиллаштириш мақсадида:
1. Иқтисодиёт базавий тармоқларидаги лойиҳа ишларини янада ривожлантиришнинг асосий йўналишлари этиб қуйидагилар белгилансин:
лойиҳалаш ва лойиҳани бошқариш соҳасида муҳандис кадрлар тайёрлаш тизимини такомиллаштириш, чет эл таълим муассасаларидан ва инжиниринг компанияларидан етакчи мутахассислар ва муҳандис-лойиҳаловчиларни ўқув жараёнига кенг жалб этиш;
Ислом Каримов номидаги Тошкент давлат техника университети, Тошкент шаҳридаги Инҳа университети, Тошкент кимё-технология институти, Тошкент архитектура-қурилиш университети, Навоий давлат кончилик ва технологиялар университети (кейинги ўринларда — ихтисослаштирилган олий таълим муассасалари) талабалари иқтисодиёт базавий тармоқларининг корхоналари ва лойиҳа институтларида (кейинги ўринларда — лойиҳа институтлари) мажбурий стажировкадан ўтиш амалиётини жорий этиш, шунингдек, уларда амалий машғулотлар ўтказиш;
Ўзбекистон Республикасини ривожлантириш давлат дастурлари доирасидаги лойиҳаларни амалга оширишда лойиҳа ишларини маҳаллийлаштириш даражасини ошириш ҳамда чет эл инжиниринг компаниялари хизматлари ўрнини босқичма-босқич эгаллаш;
мамлакатимиз муҳандис-лойиҳаловчиларини ва бошқа мутахассисларни лойиҳалашнинг замонавий стандартларига амалий ўргатиш мақсадида иқтисодиёт базавий тармоқларининг объектларида контрактлар бўйича лойиҳалаш ишларини амалга ошираётган чет эл инжиниринг компаниялари томонидан лойиҳа институтларида лойиҳа гуруҳлари ташкил этилишини амалиётга жорий қилиш;
лойиҳа ишларини сифатли бажариш учун лойиҳа институтларини зарур замонавий ташкилий техника ва асбоб-ускуналар, хорижий илмий-техник адабиётлар, жаҳондаги ихтисослаштирилган нашрлар маҳсулотлари, шунингдек, илғор дастурий маҳсулотлар билан жиҳозлаш.
2. Белгилансинки, «ЎзИнжиниринг» Республика лойиҳа институти иқтисодиёт базавий тармоқларида лойиҳалаш ишларини ривожлантиришнинг асосий йўналишларини белгилайди, шунингдек, ихтисослаштирилган олий таълим муассасалари, иқтисодиёт базавий тармоқларининг корхоналари ва лойиҳа институтлари ўртасида юқори малакали муҳандис-лойиҳаловчиларни тайёрлаш масалалари бўйича ҳамкорлик қилувчи орган ҳисобланади.
3. Ўзбекистон Республикаси Олий таълим, фан ва инновациялар вазирлиги олий, шу жумладан, чет эл таълим муассасаларининг лойиҳалашга доир амалдаги ўқув дастурларини ўрганиш асосида:
2017/2018 ўқув йили давомида олий таълим муассасаларининг иқтисодиёт базавий тармоқларининг объектларини лойиҳалаш соҳасидаги янги малака талабларини, ўқув режаларини ва дастурларини ҳар томонлама таҳлил қилсин ва улар устидан мониторинг ўтказсин, шунингдек, уларни янада такомиллаштириш бўйича чоралар кўрсин;
ихтисослаштирилган олий таълим муассасаларининг ўқув режалари ва дастурларига, шу жумладан, ушбу қарор 1-бандининг учинчи хатбошисида белгиланган талабларни ҳисобга олган ҳолда, лойиҳани бошқариш ва лойиҳалаш асослари бўйича дарсларни киритсин;
ихтисослаштирилган олий таълим муассасаларини лойиҳани бошқариш ва лойиҳалаш асослари бўйича янги авлод ўқув адабиётлари билан таъминлашга доир, мазкур муассасалар талабалари учун муаллифлик машғулотлари ва мастер-класслар ўтказиш учун чет эл тадқиқот, таълим муассасалари ва инжиниринг компанияларидан етук мутахассислар ва муҳандис-лойиҳаловчиларни жалб қилишга доир амалий чора-тадбирлар режасининг амалга оширилишини таъминласин;
«ЎзИнжиниринг» Республика лойиҳа институтига ва лойиҳа институтларига ихтисослаштирилган олий таълим муассасалари битирувчилари орасидан иқтидорли муҳандис-лойиҳаловчиларни танлаб олишда мунтазам амалий кўмаклашсин.
4. Иқтисодиёт базавий тармоқларининг корхоналари — инвестициявий ва инфратузилмага оид лойиҳалар буюртмачиларига хорижий инжиниринг компаниялари ва пудратчилар билан тузилган шартномаларга лойиҳалаштириш институтларида мазкур қарорнинг 1-банди бешинчи хатбошисида белгиланган лойиҳа гуруҳларини тузиш бўйича шартларни киритиш тавсия этилсин.
Белгилансинки, лойиҳа гуруҳлари ўз фаолиятини Ўзбекистон Республикасидаги норезидент доимий муассаса мақомисиз амалга оширади.
5. Лойиҳа институтларига қуйидагилар рухсат этилсин:
чет эллик юқори малакали мутахассисларни тўғридан-тўғри фуқаролик-ҳуқуқий шартномалар асосида лойиҳа ишларини бажаришга жалб этиш ва уларга халқаро амалиётда қабул қилинган нарх ва миқдорларга мувофиқ ҳақ белгилаш;
хорижий ташкилотлар ва мутахассислар билан ишлаганда ҳар қандай техник ва тижорий ҳужжатлар ва ахборотдан биргаликда фойдаланиш, бундан давлат сирлари ва қонун билан қўриқланадиган бошқа сирдан иборат маълумотлар мустасно.
6. Ўзбекистон Республикаси Инвестициялар, саноат ва савдо вазирлиги халқаро ва хорижий молия институтларининг:
«ЎзИнжиниринг» Республика лойиҳа институти ва бошқа лойиҳа институтларининг муҳандис-лойиҳаловчиларини, шунингдек, ихтисослаштирилган олий ўқув юртларининг профессор-ўқитувчилари таркибини лойиҳа бошқаруви ва лойиҳалаштиришнинг замонавий усулларига ўқитиш, уларнинг етакчи хорижий олий ўқув юртларида, лойиҳа институтларида, ишлаб чиқариш ва инжиниринг компанияларида тажриба орттириши ва малакасини оширишини ташкил этишга;
лойиҳа ишларини сифатли бажариш учун лойиҳа институтларини зарур замонавий ташкилий техника ва асбоб-ускуналар, хорижий илмий-техник адабиётлар, жаҳондаги ихтисослаштирилган нашрлар маҳсулотлари, шунингдек, илғор дастурий маҳсулотлар билан жиҳозлашга йўналтирилган грантларини доимий асосда жалб этсин.
7. Белгилансинки, «ЎзИнжиниринг» Республика лойиҳа институти Ўзбекистон Республикаси Вазирлар Маҳкамасининг Инвестициялар, инновацион ривожлантириш, эркин иқтисодий ва кичик саноат зоналари фаолиятини мувофиқлаштириш масалалари комплекси таркибига киради.
8. «ЎзИнжиниринг» Республика лойиҳа институтининг бошқарув, ишлаб чиқариш ва техник ходимлари сони 300 бирликдан иборат янгиланган тузилмаси 1-иловага мувофиқ тасдиқлансин.
«ЎзИнжиниринг» Республика лойиҳа институти директорига:
Институт штат жадвалини мустақил равишда тасдиқлаш ва унга ходимларнинг белгиланган умумий сони доирасида ўзгартишлар киритиш;
Ўзбекистон Республикаси Вазирлар Маҳкамасининг Инвестициялар, инновацион ривожлантириш, эркин иқтисодий ва кичик саноат зоналари фаолиятини мувофиқлаштириш масалалари комплекси раҳбари билан келишиб, зарур ҳолларда, Институт ходимлари сони ва тузилмасига ўзгартиш киритиш ҳуқуқи берилсин.
9. Ташқи ишлар вазирлиги Ўзбекистон Республикаси Олий таълим, фан ва инновациялар вазирлиги, ихтисослаштирилган олий ўқув юртлари, лойиҳа институтлари ва инвестициявий лойиҳалар буюртмачиларининг буюртмасига асосан, ўрнатилган тартибда етакчи хорижий олий таълим муассасаларининг профессор-ўқитувчилари таркиби ва мутахассисларига, шу жумладан, улар оила аъзоларига кириш визаларини консуллик йиғимларини олмасдан расмийлаштиришни таъминласин, таклиф этаётган томон тўлайдиган амалий харажатларни қоплашга доир йиғимлар бундан мустасно.
10. Ички ишлар вазирлиги Ўзбекистон Республикаси Олий таълим, фан ва инновациялар вазирлиги, ихтисослаштирилган олий таълим муассасалари, лойиҳа институтлари ва инвестициявий лойиҳалар буюртмачиларининг буюртмаларига асосан етакчи хорижий олий таълим муассасаларининг профессор-ўқитувчилари таркиби ва инжиниринг компаниялари мутахассисларига, шу жумладан, улар оила аъзоларига давлат божларини ундирмай ўрнатилган тартибда кўп марталик визалар бериш ва муддатини узайтириш, шунингдек, турган жойи бўйича рўйхатдан ўтказишни таъминласин.
11. Камбағалликни қисқартириш ва бандлик вазирлиги Ўзбекистон Республикаси Олий таълим, фан ва инновациялар вазирлиги, ихтисослаштирилган олий таълим муассасалари, лойиҳа институтлари ва инвестициявий лойиҳалар буюртмачиларига республикага юқори малакали хорижий мутахассисларни жалб этишга рухсатномалар бериш (узайтириш), шунингдек, уларнинг Ўзбекистон Республикаси ҳудудида меҳнат фаолияти билан шуғулланиш ҳуқуқини тасдиқловчи ҳужжатлар берилишини таъминласин.
12. «ЎзИнжиниринг» Республика лойиҳа институти:
Ўзбекистон Республикаси Вазирлар Маҳкамасининг Инвестициялар, инновацион ривожлантириш, эркин иқтисодий ва кичик саноат зоналари фаолиятини мувофиқлаштириш масалалари комплекси раҳбари билан келишган ҳолда «ЎзИнжиниринг» Республика лойиҳа институтининг янгиланган низомини бир ой муддатда тасдиқласин;
ихтисослаштирилган олий таълим муассасалари билан биргаликда уч ой муддатда магистратуранинг иқтидорли талабаларини рағбатлантириш ва мотивациялаш, уларни «ЎзИнжиниринг» Республика лойиҳа институти ва бошқа лойиҳа институтларига ишга қабул қилиш дастурини тасдиқласин.
13. Ўзбекистон Республикаси Президентининг айрим ҳужжатларига 2-иловага мувофиқ ўзгартиш ва қўшимчалар киритилсин.
14. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари С.Р. Холмуродов ва Ўзбекистон Республикаси Президенти ҳузуридаги Лойиҳа бошқаруви миллий агентлиги директори Ш.М. Садиков зиммасига юклансин.
Ўзбекистон Республикаси Президентининг 2018 йил 22 февралдаги ПҚ-3557-сонли қарорига 1-ИЛОВА
Ўзбекистон Республикаси Вазирлар Маҳкамаси ҳузуридаги «ЎзИнжиниринг» Республика лойиҳа институтининг
Ўзбекистон Республикаси Президентининг 2018 йил 22 февралдаги ПҚ-3557-сонли қарорига 2-ИЛОВА
Ўзбекистон Республикаси Президентининг айрим ҳужжатларига киритилаётган
1. Ўзбекистон Республикаси Президентининг 2017 йил 14 мартдаги «Иқтисодиётнинг базавий тармоқларида лойиҳа ишлари самарадорлигини ошириш чора-тадбирлари тўғрисида»ги ПҚ-2831-сонли қарорида :
а) 3-бандда :
саккизинчи хатбоши қуйидаги таҳрирда баён этилсин:
«тўғридан-тўғри фуқаролик-ҳуқуқий шартномалар асосида лойиҳаолди ва лойиҳа ҳужжатларини ишлаб чиқиш учун маҳаллий ва хорижий ихтисослаштирилган лойиҳа институтларини, шунингдек, етук мутахассисларни субпудратчилар сифатида жалб қилиш»;
қуйидаги мазмундаги ўн еттинчи хатбоши билан тўлдирилсин:
«иқтисодиётнинг базавий тармоқларида лойиҳалаш ишларини ривожлантиришнинг асосий йўналишларини белгилаш, шунингдек, ихтисослаштирилган олий таълим муассасалари, иқтисодиётнинг базавий тармоқлари корхоналар ва лойиҳа институтлари ўртасида юқори малакали муҳандис-лойиҳаловчиларни тайёрлаш масалалари бўйича ҳамкорликни амалга ошириш»;
б) 4-бандда :
учинчи хатбоши чиқариб ташлансин;
тўртинчи — еттинчи хатбошилари тегишли равишда учинчи — олтинчи хатбошлари деб ҳисоблансин;
в) 5-бандда :
биринчи хатбоши ва унинг 1-иловаси ўз кучини йўқотган деб топилсин;
иккинчи — бешинчи хатбошилари тегишли равишда биринчи — тўртинчи хатбошилари деб ҳисоблансин;
иккинчи хатбоши қуйидаги таҳрирда баён этилсин:
«Ўзбекистон Республикаси Вазирлар Маҳкамасининг Инвестициялар, инновацион ривожлантириш, эркин иқтисодий ва кичик саноат зоналари фаолиятини мувофиқлаштириш, туризм масалалари комплекси раҳбари билан келишиб, зарур холларда Институт ходимлари сони ва тузилмасига ўзгартиш киритиш».
4. Ўзбекистон Республикаси Президентининг 2017 йил 25 апрелдаги «Ўзбекистон Республикаси Вазирлар Маҳкамаси ҳузуридаги «ЎзИнжиниринг» Республика лойиҳа институти фаолиятини ташкил этиш тўғрисида»ги Ф-4917-сонли фармойишида :
а) 4-банднинг иккинчи хатбошидаги «ҳудудларни комплекс ривожлантириш ва коммунал соҳа, транспорт, капитал қурилиш, қурилиш индустрияси» деган сўзлар «инвестициялар, инновацион ривожлантириш, эркин иқтисодий ва кичик саноат зоналари фаолиятини мувофиқлаштириш, туризм» деган сўзлар билан алмаштирилсин;
б) илованинг русча матнида :
5-бандда «комплексного развития территорий и коммунальной сферы, транспорта, капитального строительства и стройиндустрии» деган сўзлар «инвестиций, инновационного развития, координации деятельности свободных экономических и малых промышленных зон, туризма» деган сўзлар билан алмаштирилсин;
7-бандда :
саккизинчи хатбоши қуйидаги таҳрирда баён этилсин:
«привлечение в качестве субподрядчиков отечественных и зарубежных специализированных проектных институтов, а также ведущих специалистов для разработки предпроектной и проектной документации инвестиционных проектов на основе прямых гражданско-правовых договоров»;
қуйидаги мазмундаги ўн еттинчи хатбоши билан тўлдирилсин:
«определение основных направлений развития проектирования в базовых отраслях экономики, а также осуществление взаимодействия между специализированными высшими образовательными учреждениями, предприятиями и проектными институтами базовых отраслей экономики по вопросам подготовки высококвалифицированных инженеров- проектировщиков»;
19-банднинг иккинчи хатбошида «комплексного развития территорий и коммунальной сферы, транспорта, капитального строительства и стройиндустрии» деган сўзлар «инвестиций, инновационного развития, координации деятельности свободных экономических и малых промышленных зон, туризма» деган сўзлар билан алмаштирилсин;
20-бандда :
бешинчи ва олтинчи хатбошилар қуйидаги таҳрирда баён этилсин:
«по согласованию с руководителем Комплекса по вопросам инвестиций, инновационного развития, координации деятельности свободных экономических и малых промышленных зон, туризма Кабинета Министров Республики Узбекистан, при необходимости, вносит изменения в численность персонала и структуру Института;
по согласованию с руководителем Комплекса по вопросам инвестиций, инновационного развития, координации деятельности свободных экономических и малых промышленных зон, туризма Кабинета Министров Республики Узбекистан принимает решение о совершении сделок на сумму в размере 25 и более процентов стоимости всего имущества Института, определяемой на основании данных по бухгалтерской отчетности на последний отчетный период»;
қуйидаги мазмундаги еттинчи, саккизинчи ва тўққизинчи хатбошилар билан тўлдирилсин:
«принимает решение о совершении сделок на сумму в размере менее 25 процентов стоимости всего имущества института, определяемой на основании данных по бухгалтерской отчетности на последний отчетный период;
принимает решение о списании с баланса стоимости основных средств и товарно-материальных ценностей Института;
самостоятельно утверждает штатное расписание РПИ «УзИнжиниринг» и вносит в него изменения в пределах установленной общей численности персонала»;
еттинчи — ўн тўртинчи хатбошилар тегишли равишда ўнинчи — ўн еттинчи хатбошилар деб ҳисоблансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 22 февраль,
ПҚ-3557-сон
Oʻzbekiston Respublikasi Prezidentining
Qarori
TUZILMASI
oʻzgartish va qoʻshimchalar
Iqtisodiyot bazaviy tarmoqlaridagi loyiha ishlarini hamda muhandis-loyihalovchilarni tayyorlash tizimini yanada takomillashtirish chora-tadbirlari toʻgʻrisida
Respublika iqtisodiyoti bazaviy tarmoqlaridagi loyihalash ishlarining holati ixtisoslashtirilgan loyiha institutlarida malakali muhandis-loyihalovchilarning yetishmasligidan, ushbu sohada ishlarni tashkil etish zamonaviy innovatsion usullarning joriy etilishi lozim darajada emasligidan va buning oqibatida ishlab chiqilayotgan loyiha hujjatlari sifatining past ekanligidan dalolat bermoqda.
Natijada investitsiya loyihalarini roʻyobga chiqarishda chet el injiniring kompaniyalari ishtirokiga kuchli muhtojlik yuzaga keldi, bu esa koʻrsatiladigan xizmatlarga haq toʻlash uchun katta miqdorda valyuta mablagʻlari sarflanishiga sabab boʻlmoqda.
Kadrlar tayyorlashning amaldagi tizimi ixtisoslashtirilgan oliy taʼlim muassasalarining bitiruvchilarini loyiha institutlari va injiniring tashkilotlarining faol ishlab chiqarish faoliyatiga tez jalb qilish imkonini bermayapti. Yosh mutaxassislar texnologik tizimlarni loyihalash, konstruktorlik hujjatlarini tayyorlash va loyihalarni boshqarishning boshlangʻich koʻnikmalariga ega emas.
Iqtisodiyot bazaviy tarmoqlarida investitsiyaviy va infratuzilmaviy loyihalar boʻyicha loyihaoldi va loyiha hujjatlarini ishlab chiqish borasida asosiy pudratchi hisoblanadigan Oʻzbekiston Respublikasi Vazirlar Mahkamasi huzuridagi “OʻzInjiniring” Respublika loyiha instituti (keyingi oʻrinlarda “OʻzInjiniring” Respublika loyiha instituti deb yuritiladi) xodimlari sonining cheklanganligi ishlarni tashkil etishning zamonaviy innovatsion usullarini samarali joriy etish va muhandis-loyihalovchilarni tayyorlash tizimini takomillashtirish imkonini bermaydi.
Loyiha ishlari sifati va ularni mahalliylashtirish darajasini oshirish, ushbu sohada yuqori malakali kadrlar tayyorlash, shuningdek, “OʻzInjiniring” Respublika loyiha instituti faoliyatini yanada takomillashtirish maqsadida:
1. Iqtisodiyot bazaviy tarmoqlaridagi loyiha ishlarini yanada rivojlantirishning asosiy yoʻnalishlari etib quyidagilar belgilansin:
loyihalash va loyihani boshqarish sohasida muhandis kadrlar tayyorlash tizimini takomillashtirish, chet el taʼlim muassasalaridan va injiniring kompaniyalaridan yetakchi mutaxassislar va muhandis-loyihalovchilarni oʻquv jarayoniga keng jalb etish;
Islom Karimov nomidagi Toshkent davlat texnika universiteti, Toshkent shahridagi Inha universiteti, Toshkent kimyo-texnologiya instituti, Toshkent arxitektura-qurilish universiteti, Navoiy davlat konchilik va texnologiyalar universiteti (keyingi oʻrinlarda — ixtisoslashtirilgan oliy taʼlim muassasalari) talabalari iqtisodiyot bazaviy tarmoqlarining korxonalari va loyiha institutlarida (keyingi oʻrinlarda — loyiha institutlari) majburiy stajirovkadan oʻtish amaliyotini joriy etish, shuningdek, ularda amaliy mashgʻulotlar oʻtkazish;
Oʻzbekiston Respublikasini rivojlantirish davlat dasturlari doirasidagi loyihalarni amalga oshirishda loyiha ishlarini mahalliylashtirish darajasini oshirish hamda chet el injiniring kompaniyalari xizmatlari oʻrnini bosqichma-bosqich egallash;
mamlakatimiz muhandis-loyihalovchilarini va boshqa mutaxassislarni loyihalashning zamonaviy standartlariga amaliy oʻrgatish maqsadida iqtisodiyot bazaviy tarmoqlarining obyektlarida kontraktlar boʻyicha loyihalash ishlarini amalga oshirayotgan chet el injiniring kompaniyalari tomonidan loyiha institutlarida loyiha guruhlari tashkil etilishini amaliyotga joriy qilish;
loyiha ishlarini sifatli bajarish uchun loyiha institutlarini zarur zamonaviy tashkiliy texnika va asbob-uskunalar, xorijiy ilmiy-texnik adabiyotlar, jahondagi ixtisoslashtirilgan nashrlar mahsulotlari, shuningdek, ilgʻor dasturiy mahsulotlar bilan jihozlash.
2. Belgilansinki, “OʻzInjiniring” Respublika loyiha instituti iqtisodiyot bazaviy tarmoqlarida loyihalash ishlarini rivojlantirishning asosiy yoʻnalishlarini belgilaydi, shuningdek, ixtisoslashtirilgan oliy taʼlim muassasalari, iqtisodiyot bazaviy tarmoqlarining korxonalari va loyiha institutlari oʻrtasida yuqori malakali muhandis-loyihalovchilarni tayyorlash masalalari boʻyicha hamkorlik qiluvchi organ hisoblanadi.
3. Oʻzbekiston Respublikasi Oliy taʼlim, fan va innovatsiyalar vazirligi oliy, shu jumladan, chet el taʼlim muassasalarining loyihalashga doir amaldagi oʻquv dasturlarini oʻrganish asosida:
2017/2018 oʻquv yili davomida oliy taʼlim muassasalarining iqtisodiyot bazaviy tarmoqlarining obyektlarini loyihalash sohasidagi yangi malaka talablarini, oʻquv rejalarini va dasturlarini har tomonlama tahlil qilsin va ular ustidan monitoring oʻtkazsin, shuningdek, ularni yanada takomillashtirish boʻyicha choralar koʻrsin;
ixtisoslashtirilgan oliy taʼlim muassasalarining oʻquv rejalari va dasturlariga, shu jumladan, ushbu qaror 1-bandining uchinchi xatboshisida belgilangan talablarni hisobga olgan holda, loyihani boshqarish va loyihalash asoslari boʻyicha darslarni kiritsin;
ixtisoslashtirilgan oliy taʼlim muassasalarini loyihani boshqarish va loyihalash asoslari boʻyicha yangi avlod oʻquv adabiyotlari bilan taʼminlashga doir, mazkur muassasalar talabalari uchun mualliflik mashgʻulotlari va master-klasslar oʻtkazish uchun chet el tadqiqot, taʼlim muassasalari va injiniring kompaniyalaridan yetuk mutaxassislar va muhandis-loyihalovchilarni jalb qilishga doir amaliy chora-tadbirlar rejasining amalga oshirilishini taʼminlasin;
“OʻzInjiniring” Respublika loyiha institutiga va loyiha institutlariga ixtisoslashtirilgan oliy taʼlim muassasalari bitiruvchilari orasidan iqtidorli muhandis-loyihalovchilarni tanlab olishda muntazam amaliy koʻmaklashsin.
4. Iqtisodiyot bazaviy tarmoqlarining korxonalari — investitsiyaviy va infratuzilmaga oid loyihalar buyurtmachilariga xorijiy injiniring kompaniyalari va pudratchilar bilan tuzilgan shartnomalarga loyihalashtirish institutlarida mazkur qarorning 1-bandi beshinchi xatboshisida belgilangan loyiha guruhlarini tuzish boʻyicha shartlarni kiritish tavsiya etilsin.
Belgilansinki, loyiha guruhlari oʻz faoliyatini Oʻzbekiston Respublikasidagi norezident doimiy muassasa maqomisiz amalga oshiradi.
5. Loyiha institutlariga quyidagilar ruxsat etilsin:
chet ellik yuqori malakali mutaxassislarni toʻgʻridan-toʻgʻri fuqarolik-huquqiy shartnomalar asosida loyiha ishlarini bajarishga jalb etish va ularga xalqaro amaliyotda qabul qilingan narx va miqdorlarga muvofiq haq belgilash;
xorijiy tashkilotlar va mutaxassislar bilan ishlaganda har qanday texnik va tijoriy hujjatlar va axborotdan birgalikda foydalanish, bundan davlat sirlari va qonun bilan qoʻriqlanadigan boshqa sirdan iborat maʼlumotlar mustasno.
6. Oʻzbekiston Respublikasi Investitsiyalar, sanoat va savdo vazirligi xalqaro va xorijiy moliya institutlarining:
“OʻzInjiniring” Respublika loyiha instituti va boshqa loyiha institutlarining muhandis-loyihalovchilarini, shuningdek, ixtisoslashtirilgan oliy oʻquv yurtlarining professor-oʻqituvchilari tarkibini loyiha boshqaruvi va loyihalashtirishning zamonaviy usullariga oʻqitish, ularning yetakchi xorijiy oliy oʻquv yurtlarida, loyiha institutlarida, ishlab chiqarish va injiniring kompaniyalarida tajriba orttirishi va malakasini oshirishini tashkil etishga;
loyiha ishlarini sifatli bajarish uchun loyiha institutlarini zarur zamonaviy tashkiliy texnika va asbob-uskunalar, xorijiy ilmiy-texnik adabiyotlar, jahondagi ixtisoslashtirilgan nashrlar mahsulotlari, shuningdek, ilgʻor dasturiy mahsulotlar bilan jihozlashga yoʻnaltirilgan grantlarini doimiy asosda jalb etsin.
7. Belgilansinki, “OʻzInjiniring” Respublika loyiha instituti Oʻzbekiston Respublikasi Vazirlar Mahkamasining Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish masalalari kompleksi tarkibiga kiradi.
8. “OʻzInjiniring” Respublika loyiha institutining boshqaruv, ishlab chiqarish va texnik xodimlari soni 300 birlikdan iborat yangilangan tuzilmasi 1-ilovaga muvofiq tasdiqlansin.
“OʻzInjiniring” Respublika loyiha instituti direktoriga:
Institut shtat jadvalini mustaqil ravishda tasdiqlash va unga xodimlarning belgilangan umumiy soni doirasida oʻzgartishlar kiritish;
Oʻzbekiston Respublikasi Vazirlar Mahkamasining Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish masalalari kompleksi rahbari bilan kelishib, zarur hollarda, Institut xodimlari soni va tuzilmasiga oʻzgartish kiritish huquqi berilsin.
9. Tashqi ishlar vazirligi Oʻzbekiston Respublikasi Oliy taʼlim, fan va innovatsiyalar vazirligi, ixtisoslashtirilgan oliy oʻquv yurtlari, loyiha institutlari va investitsiyaviy loyihalar buyurtmachilarining buyurtmasiga asosan, oʻrnatilgan tartibda yetakchi xorijiy oliy taʼlim muassasalarining professor-oʻqituvchilari tarkibi va mutaxassislariga, shu jumladan, ular oila aʼzolariga kirish vizalarini konsullik yigʻimlarini olmasdan rasmiylashtirishni taʼminlasin, taklif etayotgan tomon toʻlaydigan amaliy xarajatlarni qoplashga doir yigʻimlar bundan mustasno.
10. Ichki ishlar vazirligi Oʻzbekiston Respublikasi Oliy taʼlim, fan va innovatsiyalar vazirligi, ixtisoslashtirilgan oliy taʼlim muassasalari, loyiha institutlari va investitsiyaviy loyihalar buyurtmachilarining buyurtmalariga asosan yetakchi xorijiy oliy taʼlim muassasalarining professor-oʻqituvchilari tarkibi va injiniring kompaniyalari mutaxassislariga, shu jumladan, ular oila aʼzolariga davlat bojlarini undirmay oʻrnatilgan tartibda koʻp martalik vizalar berish va muddatini uzaytirish, shuningdek, turgan joyi boʻyicha roʻyxatdan oʻtkazishni taʼminlasin.
11. Kambagʻallikni qisqartirish va bandlik vazirligi Oʻzbekiston Respublikasi Oliy taʼlim, fan va innovatsiyalar vazirligi, ixtisoslashtirilgan oliy taʼlim muassasalari, loyiha institutlari va investitsiyaviy loyihalar buyurtmachilariga respublikaga yuqori malakali xorijiy mutaxassislarni jalb etishga ruxsatnomalar berish (uzaytirish), shuningdek, ularning Oʻzbekiston Respublikasi hududida mehnat faoliyati bilan shugʻullanish huquqini tasdiqlovchi hujjatlar berilishini taʼminlasin.
12. “OʻzInjiniring” Respublika loyiha instituti:
Oʻzbekiston Respublikasi Vazirlar Mahkamasining Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish masalalari kompleksi rahbari bilan kelishgan holda “OʻzInjiniring” Respublika loyiha institutining yangilangan nizomini bir oy muddatda tasdiqlasin;
ixtisoslashtirilgan oliy taʼlim muassasalari bilan birgalikda uch oy muddatda magistraturaning iqtidorli talabalarini ragʻbatlantirish va motivatsiyalash, ularni “OʻzInjiniring” Respublika loyiha instituti va boshqa loyiha institutlariga ishga qabul qilish dasturini tasdiqlasin.
13. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartish va qoʻshimchalar kiritilsin.
14. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari S.R. Xolmurodov va Oʻzbekiston Respublikasi Prezidenti huzuridagi Loyiha boshqaruvi milliy agentligi direktori Sh.M. Sadikov zimmasiga yuklansin.
Oʻzbekiston Respublikasi Prezidentining 2018-yil 22-fevraldagi PQ-3557-sonli qaroriga 1-ILOVA
Oʻzbekiston Respublikasi Vazirlar Mahkamasi huzuridagi “OʻzInjiniring” Respublika loyiha institutining
Oʻzbekiston Respublikasi Prezidentining 2018-yil 22-fevraldagi PQ-3557-sonli qaroriga 2-ILOVA
Oʻzbekiston Respublikasi Prezidentining ayrim hujjatlariga kiritilayotgan
1. Oʻzbekiston Respublikasi Prezidentining 2017-yil 14-martdagi “Iqtisodiyotning bazaviy tarmoqlarida loyiha ishlari samaradorligini oshirish chora-tadbirlari toʻgʻrisida”gi PQ-2831-sonli qarorida :
a) 3-bandda :
sakkizinchi xatboshi quyidagi tahrirda bayon etilsin:
“toʻgʻridan-toʻgʻri fuqarolik-huquqiy shartnomalar asosida loyihaoldi va loyiha hujjatlarini ishlab chiqish uchun mahalliy va xorijiy ixtisoslashtirilgan loyiha institutlarini, shuningdek, yetuk mutaxassislarni subpudratchilar sifatida jalb qilish”;
quyidagi mazmundagi oʻn yettinchi xatboshi bilan toʻldirilsin:
“iqtisodiyotning bazaviy tarmoqlarida loyihalash ishlarini rivojlantirishning asosiy yoʻnalishlarini belgilash, shuningdek, ixtisoslashtirilgan oliy taʼlim muassasalari, iqtisodiyotning bazaviy tarmoqlari korxonalar va loyiha institutlari oʻrtasida yuqori malakali muhandis-loyihalovchilarni tayyorlash masalalari boʻyicha hamkorlikni amalga oshirish”;
b) 4-bandda :
uchinchi xatboshi chiqarib tashlansin;
toʻrtinchi — yettinchi xatboshilari tegishli ravishda uchinchi — oltinchi xatboshlari deb hisoblansin;
v) 5-bandda :
birinchi xatboshi va uning 1-ilovasi oʻz kuchini yoʻqotgan deb topilsin;
ikkinchi — beshinchi xatboshilari tegishli ravishda birinchi — toʻrtinchi xatboshilari deb hisoblansin;
ikkinchi xatboshi quyidagi tahrirda bayon etilsin:
“Oʻzbekiston Respublikasi Vazirlar Mahkamasining Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish, turizm masalalari kompleksi rahbari bilan kelishib, zarur xollarda Institut xodimlari soni va tuzilmasiga oʻzgartish kiritish”.
4. Oʻzbekiston Respublikasi Prezidentining 2017-yil 25-apreldagi “Oʻzbekiston Respublikasi Vazirlar Mahkamasi huzuridagi “OʻzInjiniring” Respublika loyiha instituti faoliyatini tashkil etish toʻgʻrisida”gi F-4917-sonli farmoyishida :
a) 4-bandning ikkinchi xatboshidagi “hududlarni kompleks rivojlantirish va kommunal soha, transport, kapital qurilish, qurilish industriyasi” degan soʻzlar “investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish, turizm” degan soʻzlar bilan almashtirilsin;
b) ilovaning ruscha matnida :
5-bandda “kompleksnogo razvitiya territoriy i kommunalnoy sferi, transporta, kapitalnogo stroitelstva i stroyindustrii” degan soʻzlar “investitsiy, innovatsionnogo razvitiya, koordinatsii deyatelnosti svobodnix ekonomicheskix i malix promishlennix zon, turizma” degan soʻzlar bilan almashtirilsin;
7-bandda :
sakkizinchi xatboshi quyidagi tahrirda bayon etilsin:
“privlecheniye v kachestve subpodryadchikov otechestvennix i zarubejnix spetsializirovannix proyektnix institutov, a takje vedushix spetsialistov dlya razrabotki predproyektnoy i proyektnoy dokumentatsii investitsionnix proyektov na osnove pryamix grajdansko-pravovix dogovorov”;
quyidagi mazmundagi oʻn yettinchi xatboshi bilan toʻldirilsin:
“opredeleniye osnovnix napravleniy razvitiya proyektirovaniya v bazovix otraslyax ekonomiki, a takje osushestvleniye vzaimodeystviya mejdu spetsializirovannimi visshimi obrazovatelnimi uchrejdeniyami, predpriyatiyami i proyektnimi institutami bazovix otrasley ekonomiki po voprosam podgotovki visokokvalifitsirovannix injenerov- proyektirovshikov”;
19-bandning ikkinchi xatboshida “kompleksnogo razvitiya territoriy i kommunalnoy sferi, transporta, kapitalnogo stroitelstva i stroyindustrii” degan soʻzlar “investitsiy, innovatsionnogo razvitiya, koordinatsii deyatelnosti svobodnix ekonomicheskix i malix promishlennix zon, turizma” degan soʻzlar bilan almashtirilsin;
20-bandda :
beshinchi va oltinchi xatboshilar quyidagi tahrirda bayon etilsin:
“po soglasovaniyu s rukovoditelem Kompleksa po voprosam investitsiy, innovatsionnogo razvitiya, koordinatsii deyatelnosti svobodnix ekonomicheskix i malix promishlennix zon, turizma Kabineta Ministrov Respubliki Uzbekistan, pri neobxodimosti, vnosit izmeneniya v chislennost personala i strukturu Instituta;
po soglasovaniyu s rukovoditelem Kompleksa po voprosam investitsiy, innovatsionnogo razvitiya, koordinatsii deyatelnosti svobodnix ekonomicheskix i malix promishlennix zon, turizma Kabineta Ministrov Respubliki Uzbekistan prinimayet resheniye o sovershenii sdelok na summu v razmere 25 i boleye protsentov stoimosti vsego imushestva Instituta, opredelyayemoy na osnovanii dannix po buxgalterskoy otchetnosti na posledniy otchetniy period”;
quyidagi mazmundagi yettinchi, sakkizinchi va toʻqqizinchi xatboshilar bilan toʻldirilsin:
“prinimayet resheniye o sovershenii sdelok na summu v razmere meneye 25 protsentov stoimosti vsego imushestva instituta, opredelyayemoy na osnovanii dannix po buxgalterskoy otchetnosti na posledniy otchetniy period;
prinimayet resheniye o spisanii s balansa stoimosti osnovnix sredstv i tovarno-materialnix sennostey Instituta;
samostoyatelno utverjdayet shtatnoye raspisaniye RPI “UzInjiniring” i vnosit v nego izmeneniya v predelax ustanovlennoy obshey chislennosti personala”;
yettinchi — oʻn toʻrtinchi xatboshilar tegishli ravishda oʻninchi — oʻn yettinchi xatboshilar deb hisoblansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 22-fevral,
PQ-3557-son
Президента Республики Узбекистан
Постановление
СТРУКТУРА
Изменения и дополнения,
О мерах по дальнейшему совершенствованию проектных работ и системы подготовки инженеров-проектировщиков в базовых отраслях экономики
Положение дел в сфере проектирования в базовых отраслях экономики республики свидетельствует о нехватке квалифицированных инженеров-проектировщиков в профильных проектных институтах, недостаточном уровне внедрения современных инновационных методов организации работы в данной сфере и, как следствие, низком качестве разрабатываемой проектной документации.
В результате сформировалась высокая зависимость от участия зарубежных инжиниринговых компаний в процессе реализации инвестиционных проектов, что становится причиной расходования значительных валютных средств на оплату оказываемых услуг.
Действующая система подготовки кадров не позволяет быстро вовлечь выпускников профильных высших образовательных учреждений в активную производственную деятельность проектных институтов и инжиниринговых организаций. Молодые специалисты не обладают начальными навыками проектирования технологических систем, разработки конструкторской документации и управления проектами.
Ограниченное количество производственного персонала Республиканского проектного института «УзИнжиниринг» при Кабинете Министров Республики Узбекистан (далее — РПИ «УзИнжиниринг»), выступающего генеральным подрядчиком по разработке предпроектной и проектной документации по инвестиционным и инфраструктурным проектам в базовых отраслях экономики, не позволяет эффективно внедрять современные инновационные методы организации работы и совершенствовать систему подготовки инженеров-проектировщиков.
В целях повышения качества проектных работ и уровня их локализации, подготовки высококвалифицированных кадров в данной сфере, а также дальнейшего совершенствования деятельности РПИ «УзИнжиниринг»:
1. Определить основными направлениями дальнейшего развития проектных работ в базовых отраслях экономики:
совершенствование системы подготовки инженерных кадров в сфере проектирования и проектного управления, широкое привлечение в учебный процесс ведущих специалистов и инженеров-проектировщиков из зарубежных образовательных учреждений и инжиниринговых компаний;
внедрение в практику обязательного прохождения стажировки студентов Ташкентского государственного технического университета имени Ислама Каримова, Университета Инха в г. Ташкенте, Ташкентского химико-технологического института, Ташкентского архитектурно-строительного университета, Навоийского государственного горно-технологического университета (далее — специализированные высшие образовательные учреждения) на предприятиях и в проектных институтах базовых отраслей экономики (далее — проектные институты), а также проведение в них практических занятий;
повышение уровня локализации проектных работ и поэтапное замещение услуг зарубежных инжиниринговых компаний при реализации проектов в рамках государственных программ развития Республики Узбекистан;
внедрение в практику создания зарубежными инжиниринговыми компаниями, выполняющими проектирование в рамках контрактов по объектам базовых отраслей экономики, при проектных институтах проектных групп с целью обучения на практике отечественных инженеров-проектировщиков и иных специалистов современным стандартам проектирования;
оснащение проектных институтов современными оргтехникой и оборудованием, зарубежной научно-технической литературой, продукцией специализированных мировых изданий, а также передовыми программными продуктами, необходимыми для качественного выполнения проектных работ.
2. Установить, что РПИ «УзИнжиниринг» определяет основные направления развития проектирования в базовых отраслях экономики, а также является органом, осуществляющим взаимодействие между специализированными высшими образовательными учреждениями, предприятиями базовых отраслей экономики и проектными институтами по вопросам подготовки высококвалифицированных инженеров-проектировщиков.
3. Министерству высшего образования, науки и инноваций Республики Узбекистан на основе изучения действующих учебных программ высших образовательных учреждений в области проектирования, в том числе зарубежных:
в течение 2017/2018 учебного года провести комплексный анализ и мониторинг реализации новых квалификационных требований, учебных планов и программ высших образовательных учреждений в области проектирования объектов в базовых отраслях экономики, а также принять меры по дальнейшему их совершенствованию;
включить в учебные планы и программы специализированных высших образовательных учреждений дисциплины по проектному управлению и основам проектирования, в том числе с учетом требований, определенных абзацем третьим пункта 1 настоящего постановления;
обеспечить реализацию плана практических мер по оснащению специализированных высших образовательных учреждений учебной литературой нового поколения по проектному управлению и основам проектирования, привлечению ведущих специалистов и инженеров-проектировщиков из зарубежных исследовательских, образовательных учреждений и инжиниринговых компаний для проведения авторских занятий и мастер-классов для студентов данных учреждений;
оказывать постоянное практическое содействие РПИ «УзИнжиниринг» и проектным институтам в подборе перспективных инженеров-проектировщиков из числа выпускников специализированных высших образовательных учреждений.
4. Рекомендовать предприятиям базовых отраслей экономики — заказчикам инвестиционных и инфраструктурных проектов включить в контракты с зарубежными инжиниринговыми компаниями и подрядчиками условия по созданию при проектных институтах проектных групп, определенных абзацем пятым пункта 1 настоящего постановления.
Установить, что проектные группы осуществляют свою деятельность без статуса постоянного учреждения нерезидента в Республике Узбекистан.
5. Разрешить проектным институтам:
привлекать иностранных высококвалифицированных специалистов для выполнения проектных работ на основе прямых гражданско-правовых договоров и устанавливать им оплату в соответствии с расценками и размерами, принятыми в международной практике;
при работе с иностранными организациями и специалистами совместно использовать любую техническую и коммерческую документацию и информацию, за исключением сведений, содержащих государственные секреты и иную охраняемую законом тайну.
6. Министерству инвестиций, промышленности и торговли Республики Узбекистан на постоянной основе привлекать гранты международных и зарубежных финансовых институтов, направленные на:
организацию обучения инженеров-проектировщиков РПИ «УзИнжиниринг» и других проектных институтов, а также профессорско-преподавательского состава специализированных высших образовательных учреждений современным методам проектного управления и проектирования, их стажировки и повышения квалификации в ведущих зарубежных высших образовательных учреждениях, проектных институтах, производственных и инжиниринговых компаниях;
оснащение проектных институтов современными оргтехникой и оборудованием, зарубежной научно-технической литературой, продукцией специализированных мировых изданий, а также передовыми программными продуктами, необходимыми для качественного выполнения проектных работ.
7. Установить, что РПИ «УзИнжиниринг» входит в состав Комплекса по вопросам инвестиций, инновационного развития, координации деятельности свободных экономических и малых промышленных зон Кабинета Министров Республики Узбекистан.
8. Утвердить обновленную структуру РПИ «УзИнжиниринг» численностью управленческого, производственного и технического персонала в количестве 300 единиц согласно приложению № 1 .
Предоставить директору РПИ «УзИнжиниринг» право:
самостоятельно утверждать штатное расписание Института и вносить в него изменения в пределах установленной общей численности персонала;
по согласованию с руководителем Комплекса по вопросам инвестиций, инновационного развития, координации деятельности свободных экономических и малых промышленных зон Кабинета Министров, при необходимости, вносить изменения в численность персонала и структуру Института.
9. Министерству иностранных дел по заявкам Министерства высшего образования, науки и инноваций Республики Узбекистан, специализированных высших образовательных учреждений, проектных институтов и заказчиков инвестиционных проектов обеспечить в установленном порядке оформление въездных виз профессорско-преподавательскому составу и специалистам ведущих зарубежных высших образовательных учреждений и инжиниринговых компаний, в том числе членам их семей, без взимания консульских сборов, за исключением сборов на возмещение фактических расходов, оплачиваемых приглашающей стороной.
10. Министерству внутренних дел по заявкам Министерства высшего образования, науки и инноваций Республики Узбекистан, специализированных высших образовательных учреждений, проектных институтов и заказчиков инвестиционных проектов обеспечить в установленном порядке выдачу и продление многократных виз, а также регистрацию и ее продление по месту пребывания профессорско-преподавательскому составу и специалистам ведущих зарубежных высших образовательных учреждений и инжиниринговых компаний, в том числе членам их семей, без взимания государственных пошлин.
11. Министерству занятости и сокращения бедности обеспечить по заявкам Министерства высшего образования, науки и инноваций Республики Узбекистан, специализированных высших образовательных учреждений, проектных институтов и заказчиков инвестиционных проектов выдачу (продление) разрешений на привлечение в республику высококвалифицированных иностранных специалистов, а также подтверждений на право их трудовой деятельности на территории Республики Узбекистан.
12. РПИ «УзИнжиниринг»:
по согласованию с руководителем Комплекса по вопросам инвестиций, инновационного развития, координации деятельности свободных экономических и малых промышленных зон Кабинета Министров Республики Узбекистан в месячный срок утвердить обновленный устав РПИ «УзИнжиниринг»;
совместно со специализированными высшими образовательными учреждениями в трехмесячный срок утвердить программу стимулирования и мотивации одаренных студентов магистратуры с последующим принятием их на работу в РПИ «УзИнжиниринг» и другие проектные институты.
13. Внести изменения и дополнения в некоторые акты Президента Республики Узбекистан согласно приложению № 2 .
14. Контроль за исполнением настоящего постановления возложить на заместителя Премьер-министра Республики Узбекистан С.Р. Холмурадова и директора Национального агентства проектного управления при Президенте Республики Узбекистан Ш.М. Садикова.
ПРИЛОЖЕНИЕ № 1 к постановлению Президента Республики Узбекистан от 22 февраля 2018 года № ПП-3557
Республиканского проектного института «УзИнжнннринг» при Кабинете Министров Республики Узбекистан
ПРИЛОЖЕНИЕ № 2 к постановлению Президента Республики Узбекистан от 22 февраля 2018 года № ПП-3557
вносимые в некоторые акты Президента Республики Узбекистан
1. В постановлении Президента Республики Узбекистан от 14 марта 2017 года № ПП-2831 «О дополнительных мерах по повышению эффективности проектных работ в базовых отраслях экономики»:
а) в пункте 3 :
абзац восьмой изложить в следующей редакции:
«привлечение в качестве субподрядчиков отечественных и зарубежных специализированных проектных институтов, а также ведущих специалистов для разработки предпроектной и проектной документации инвестиционных проектов на основе прямых гражданско-правовых договоров»;
дополнить абзацем семнадцатым следующего содержания:
«определение основных направлений развития проектирования в базовых отраслях экономики, а также осуществление взаимодействия между специализированными высшими образовательными учреждениями, предприятиями и проектными институтами базовых отраслей экономики но вопросам подготовки высококвалифицированных инженеров-проектировщиков»;
б) в пункте 4 :
абзац третий исключить;
абзацы четвертый — седьмой считать соответственно абзацами третьим — шестым;
в) в пункте 5 :
абзац первый и приложение № 1 к нему признать утратившими силу;
абзацы второй — пятый считать соответственно абзацами первым — четвертым;
абзац второй изложить в следующей редакции:
«по согласованию с руководителем Комплекса по вопросам инвестиций, инновационного развития, координации деятельности свободных экономических и малых промышленных зон, туризма Кабинета Министров Республики Узбекистан, при необходимости, вносить изменения в численность персонала и структуру Института».
4. В распоряжении Президента Республики Узбекистан от 25 апреля 2017 года № Р-4917 «Об организации деятельности Республиканского проектного института «УзИнжиниринг» при Кабинете Министров Республики Узбекистан»:
а) в абзаце втором пункта 4 слова «комплексного развития территорий и коммунальной сферы, транспорта, капитального строительства и стройиндустрии» заменить словами «инвестиций, инновационного развития, координации деятельности свободных экономических и малых промышленных зон, туризма»;
б) в приложении :
в пункте 5 слова «комплексного развития территорий и коммунальной сферы, транспорта, капитального строительства и стройиндустрии» заменить словами «инвестиций, инновационного развития, координации деятельности свободных экономических и малых промышленных зон, туризма»:
в пункте 7 :
абзац восьмой изложить в следующей редакции:
«привлечение в качестве субподрядчиков отечественных и зарубежных специализированных проектных институтов, а также ведущих специалистов для разработки предпроектной и проектной документации инвестиционных проектов на основе прямых гражданско-правовых договоров»;
дополнить абзацем семнадцатым следующего содержания:
«определение основных направлений развития проектирования в базовых отраслях экономики, а также осуществление взаимодействия между специализированными высшими образовательными учреждениями, предприятиями и проектными институтами базовых отраслей экономики по вопросам подготовки высококвалифицированных инженеров-проектировщиков»;
в абзаце втором пункта 19 слова «комплексного развития территорий и коммунальной сферы, транспорта, капитального строительства и стройиндустрии» заменить словами «инвестиций, инновационного развития, координации деятельности свободных экономических и малых промышленных зон, туризма»;
в пункте 20 ;
абзацы пятый и шестой изложить в следующей редакции:
«по согласованию с руководителем Комплекса по вопросам инвестиций, инновационного развития, координации деятельности свободных экономических и малых промышленных зон, туризма Кабинета Министров Республики Узбекистан, при необходимости, вносит изменения в численность персонала и структуру Института:
по согласованию с руководителем Комплекса по вопросам инвестиций, инновационного развития, координации деятельности свободных экономических и малых промышленных зон, туризма Кабинета Министров Республики Узбекистан принимает решение о совершении сделок на сумму в размере 25 и более процентов стоимости всего имущества Института, определяемой на основании данных по бухгалтерской отчетности на последний отчетный период»;
дополнить абзацами седьмым, восьмым и девятым следующего содержания:
«принимает решение о совершении сделок на сумму в размере менее 25 процентов стоимости всего имущества института, определяемой на основании данных по бухгалтерской отчетности на последний отчетный период;
принимает решение о списании с баланса стоимости основных средств и товарно-материальных ценностей Института;
самостоятельно утверждает штатное расписание РПИ «УзИнжиниринг» и вносит в него изменения в пределах установленной общей численности персонала»;
абзацы седьмой — четырнадцатый считать соответственно абзацами десятым — семнадцатым.
Президент Республики Узбекистан Ш. МИРЗИЁЕВ
г. Ташкент,
22 февраля 2018 г.,
№ ПП-3557