📅 2018-yil 21-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 21 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 21 февраля 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 21 February 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон-Тожикистон Давлат чегараси орқали айрим ўтказиш пунктларининг фаолиятини қайта тиклаш чора-тадбирлари тўғрисида
Ўзбекистон Республикаси Президентининг «Ўзбекистон Республикасини янада ривожлантириш бўйича Ҳаракатлар стратегияси тўғрисида» 2017 йил 7 февралдаги ПФ-4947-сон Фармони ижросини таъминлаш, Марказий Осиёнинг барча давлатлари билан ҳамжиҳатлик ва амалий ҳамкорликни, минтақа давлатлари ўртасида ўзаро ишонч ва хавфсизликни мустаҳкамлаш, шунингдек, Ўзбекистон — Тожикистон Давлат чегарасини кесиб ўтишда қулай шароитлар ҳамда ўтказиш пунктларининг узлуксиз ишлаши учун зарур шарт-шароитлар яратиш мақсадида Вазирлар Маҳкамаси қарор қилади:
1. Жиззах, Наманган, Самарқанд, Сурхондарё, Сирдарё, Тошкент ва Фарғона вилоятлари ҳокимликлари:
Ўзбекистон Республикаси Давлат божхона қўмитаси, Автомобиль йўллари давлат қўмитаси ва «Ўзбекистон темир йўллари» АЖга Самарқанд вилоятидаги «Жартепа», Жиззах вилоятидаги «Қушкент», «Учтурган», Сирдарё вилоятидаги «Ховостобод», Тошкент вилоятидаги «Бекобод», Наманган вилоятидаги «Поп», Фарғона вилоятидаги «Равот», Сурхондарё вилоятидаги «Гулбаҳор» автомобиль йўллари ўтказиш пунктлари ҳамда «Амузанг» темир йўл ўтказиш пунктининг (кейинги ўринларда ўтказиш пунктлари деб аталади) муҳандислик-коммуникация ва йўлбўйи инфратузилмасини, шунингдек, Самарқанд вилояти Ургут туманидаги Жартепа аҳоли пункти ҳудудидаги чегара постини ташкил этиш ва янада ривожлантириш учун зарур ер участкалари ажратсинлар;
ўтказиш пунктларига туташ автомобиль йўллари бўйида замонавий стандартларга мос йўлбўйи инфратузилмасини ташкил этиш тадбирларини ўтказсинлар, шунингдек, фуқаролар учун зарур ижтимоий-маиший шароитлар яратсинлар;
вазирликлар ва идораларга жойларда уларнинг фаолият йўналишлари бўйича ишларни ташкил этиш учун зарур хизмат-маиший шароитлар яратишда кўмаклашсинлар.
2. Ўзбекистон Республикаси Давлат божхона қўмитаси, Миллий хавфсизлик хизмати Давлат чегараларини ҳимоя қилувчи қўмитаси, Соғлиқни сақлаш вазирлиги, Давлат ветеринария қўмитаси, Ўзбекистон Республикаси Ўсимликлар карантини ва ҳимояси агентлиги (кейинги ўринларда давлат назорати органлари деб аталади), «Ўзбекистон темир йўллари» АЖ ўз маблағлари ҳисобига ўтказиш пунктларининг фаолиятини ташкил этиш учун биринчи навбатдаги зарур шароитлар яратсинлар.
3. Давлат хавфсизлик хизматининг Чегара қўшинлари:
Самарқанд вилояти Ургут туманидаги Жартепа аҳоли пункти ҳудудидаги чегара постининг бинолари, иншоотлари ва унга туташ ҳудудларни Ўзбекистон Республикаси Давлат божхона қўмитасига бир ҳафта муддатда оператив бошқариш ҳуқуқи билан бепул асосда белгиланган тартибда берсин;
2019-2020 йилларда янги жойда жойлаштириладиган чегара постининг инфратузилмаси ҳар йили ажратиладиган капитал қўйилмалар лимитлари ҳисобидан қурилишини ташкил этсин.
4. Ўзбекистон Республикаси Давлат божхона қўмитаси, Давлат хавфсизлик хизматининг Чегара қўшинлари, «Ўзбекистон темир йўллари» АЖ манфаатдор вазирликлар ва идоралар билан биргаликда ўтказиш пунктлари орқали шахслар ҳамда транспорт воситаларининг ҳаракатланишини ўргансин ҳамда 2018 йил якунлари бўйича ўтказиш пунктларининг тегишли муҳандислик-коммуникация инфратузилмасини ташкил этиш мақсадида бажарилган лойиҳа-қидирув ва қурилиш ишлари тўғрисида Вазирлар Маҳкамасига таклиф киритсин.
5. «Ўзбекистон темир йўллари» АЖ 2018 йил 1 мартгача Ўзбекистон Республикаси ҳудуди доирасида «Ғалаба — Хошадий» темир йўл участкаси (кейинги ўринларда темир йўл участкаси деб аталади) реконструкция қилинишини таъминласин ва ўтказиш пунктида давлати назорат органларининг фаолият йўналишлари бўйича ишларини ташкил этиш учун биринчи навбатдаги зарур хизмат-маиший шароитлар яратсин.
Лойиҳа ҳужжати тасдиқлангунгача, истисно тариқасида, темир йўл участкасини лойиҳалаштириш билан бир пайтда реконструкция қилишга рухсат этилсин.
Ўзбекистон Республикаси ҳудуди доирасида «Ғалаба — Хошадий» темир йўл участкасини реконструкция қилиш ишларини амалга ошириш доирасида:
«Ўзбекистон темир йўллари» АЖ — буюртмачи;
«Боштранслойиҳа» АЖ — бош лойиҳалаш ташкилоти;
«Ўзбекистон темир йўллари» АЖ таркибий бўлинмалари — бош пудрат ташкилотлари;
«Ўзбекистон темир йўллари» АЖнинг ўз маблағлари ва жалб этилган маблағлар — молиялаштириш манбалари этиб белгилансин.
6. Ўзбекистон Республикаси Молия вазирлиги вазирликлар ва идораларнинг асосланган ҳисоб-китобларига кўра, Ўзбекистон Республикаси Давлат бюджетининг 2018 йил учун тасдиқланган параметрлари доирасида ўтказиш пунктлари фаолиятини ташкил этиш мақсадида ускуналар, техник назорат воситалари ва жиҳозлар (шу жумладан эҳтиёт қисмлар, бутловчи ва сарфлаш материаллари) харид қилиш учун бюджетдан мақсадли маблағлар ажратишни назарда тутсин.
7. Ўзбекистон Республикаси Давлат божхона қўмитаси, Давлат хавфсизлик хизматининг Чегара қўшинлари Инвестициялар ва ташқи савдо вазирлиги, Иқтисодий тараққиёт ва камбағалликни қисқартириш вазирлиги, Молия вазирлиги билан биргаликда 2019 йилда ва кейинги йилларда Ўзбекистон Республикасини ривожлантириш давлат дастурларини (кейинги ўринларда Дастур деб аталади) шакллантиришда уларга марказлаштирилган инвестициялардан ажратиладиган лимитлар доирасида ҳамда асосланган ҳисоб-китоблар асосида ўтказиш пунктларининг янги муҳандислик-коммуникация инфратузилмасини ташкил этиш ва ривожлантириш лойиҳалари белгиланган тартибда киритишни назарда тутсинлар.
8. Ўзбекистон Республикаси Ахборот технологиялари ва коммуникацияларини ривожлантириш вазирлиги, «Ўзбектелеком» АК ўтказиш пунктларини юқори тезликда ишлайдиган алоқа каналлари билан белгиланган тартибда таъминласин.
Лойиҳа ҳужжатлари тасдиқлангунгача, истисно тариқасида, телекоммуникация тармоқларини лойиҳалаштириш билан бир пайтда қуришга рухсат этилсин.
Ўтказиш пунктларига маълумотларни узатиш тармоғининг юқори тезликда ишлайдиган каналларини таъминлаш учун телекоммуникация тармоқларини қуриш ишларини амалга ошириш доирасида:
«Ўзбектелеком» АК — буюртмачи;
«Алоқалойиҳа» давлат унитар корхонаси — бош лойиҳалаш ташкилоти;
«Ўзбектелеком» АК — бош пудрат ташкилоти;
«Ўзбектелеком» АКнинг ўз маблағлари — молиялаштириш манбалари этиб белгилансин.
9. Ўзбекистон Республикаси Уй-жой коммунал хизмат кўрсатиш вазирлиги ўтказиш пунктларини ўрганиш ва уларни Дастурга киритишга доир таклифлар тақдим этиш натижалари бўйича ташкил этилаётган ўтказиш пунктларининг сув таъминоти юзасидан техник шартлар берсин.
10. Ўзбекистон Республикаси Автомобиль йўллари давлат қўмитаси Вазирлар Маҳкамаси ҳузуридаги Республика йўл жамғармаси билан биргаликда Ички ишлар вазирлиги ҳамда Давлат хавфсизлик хизматининг Чегара қўшинлари кўмагида Ўзбекистон-Тожикистон Давлат чегараси линиясигача ўтказиш пунктларига олиб борадиган автомобиль йўллари қайта тикланиши ва капитал таъмирланишини, ўтказиш пунктлари яқинида, шу жумладан ўтказиш пунктлари ҳамда Ўзбекистон Республикаси Давлат чегараси ўртасида жойлашган ҳудудларда зарур йўлбўйи инфратузилмаси (панелли-тўрсимон тўсиқ, ажратувчи бетонли тўсиқ, ёритиш, йўл белги ва ишоралари) ташкил этилишини таъминласин.
Лойиҳа ҳужжати тасдиқлангунгача, истисно тариқасида, ўтказиш пунктларига олиб борадиган автомобиль йўллари участкаларини лойиҳалаштириш билан пайтда қайта тиклаш ва капитал таъмирлаш ишларини амалга оширишга рухсат этилсин.
Ўтказиш пунктларига олиб борадиган автомобиль йўллари участкаларини қайта тиклаш ва капитал таъмирлаш ишларини амалга ошириш доирасида:
«Умумий фойдаланишдаги автомобиль йўлларини қуриш ва реконструкция қилиш дирекцияси» давлат унитар корхонаси — буюртмачи;
«Йўл лойиҳа бюроси» масъулияти чекланган жамияти — бош лойиҳалаш ташкилоти;
Автомобиль йўллари давлат қўмитасининг идоравий мансуб ташкилотлари — бош пудрат ташкилотлари;
Вазирлар Маҳкамаси ҳузуридаги Республика йўл жамғармаси маблағлари — молиялаштириш манбалари этиб белгилансин.
11. Ўтказиш пунктларига олиб борадиган темир йўл линиялари, автомобиль йўллари ва телекоммуникация тармоқларини қуриш бўйича буюртмачилар бош лойиҳалаш ташкилотлари билан биргаликда лойиҳа ҳужжатларининг ишлаб чиқилиши, экспертизадан ўтказиш бўйича ваколатли органларда кўриб чиқилиши ва келишилиши, белгиланган тартибда тасдиқлашга тақдим этилишини таъминласинлар.
12. Ўзбекистон Республикаси Давлат архитектура ва қурилиш қўмитаси барпо этилаётган объектларнинг лойиҳа-смета ҳужжатлари давлат экспертизасидан ўтказилишини ҳамда амалга ошириладиган қурилиш-монтаж ишларининг сифати, шаҳарсозлик нормалари ва қоидаларига сўзсиз риоя этилиши юзасидан давлат архитектура-қурилиш назоратини таъминласин.
13. «Ўзбекэнерго» АЖ ва «Ўзбекнефтгаз» АЖ ўтказиш пунктларига электр энергияси ва табиий газ узлуксиз етказиб берилишини таъминлаш тадбирларини ўтказсин.
14. Ўзбекистон Республикаси Давлат божхона қўмитаси, Давлат хавфсизлик хизматининг Чегара қўшинлари, Соғлиқни сақлаш вазирлиги, «Ўзбекистон темир йўллари» АЖ ва «Ўзбектелеком» АКга ушбу қарорни амалга ошириш доирасида, истисно тариқасида тендер (танлов) савдоларини ўтказмасдан, энг яхши таклифларни танлаш асосида ёки тўғридан-тўғри музокаралар ўтказиш орқали ишлаб чиқарувчи заводлар ёхуд уларнинг расмий дилерлари (дистрибьюторлари) билан ускуналар, материаллар, техник назорат воситалари ва жиҳозлар (шу жумладан эҳтиёт қисмлар, бутловчи ва сарфлаш материаллари) етказиб бериш бўйича контрактлар (шартномалар) тузишга рухсат этилсин.
15. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
16. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов, Давлат божхона қўмитаси раиси М.Б. Азимов, ва Миллий хавфсизлик хизмати раисининг ўринбосари — Чегара қўшинлари қўмондони О.М. Қосимов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 21 февраль,
133-сон
Oʻzbekiston Respublikasi Vazirlar Mahkamasining
qarori
Oʻzbekiston-Tojikiston Davlat chegarasi orqali ayrim oʻtkazish punktlarining faoliyatini qayta tiklash chora-tadbirlari toʻgʻrisida
Oʻzbekiston Respublikasi Prezidentining “Oʻzbekiston Respublikasini yanada rivojlantirish boʻyicha Harakatlar strategiyasi toʻgʻrisida” 2017-yil 7-fevraldagi PF-4947-son Farmoni ijrosini taʼminlash, Markaziy Osiyoning barcha davlatlari bilan hamjihatlik va amaliy hamkorlikni, mintaqa davlatlari oʻrtasida oʻzaro ishonch va xavfsizlikni mustahkamlash, shuningdek, Oʻzbekiston — Tojikiston Davlat chegarasini kesib oʻtishda qulay sharoitlar hamda oʻtkazish punktlarining uzluksiz ishlashi uchun zarur shart-sharoitlar yaratish maqsadida Vazirlar Mahkamasi qaror qiladi:
1. Jizzax, Namangan, Samarqand, Surxondaryo, Sirdaryo, Toshkent va Fargʻona viloyatlari hokimliklari:
Oʻzbekiston Respublikasi Davlat bojxona qoʻmitasi, Avtomobil yoʻllari davlat qoʻmitasi va “Oʻzbekiston temir yoʻllari” AJga Samarqand viloyatidagi “Jartepa”, Jizzax viloyatidagi “Qushkent”, “Uchturgan”, Sirdaryo viloyatidagi “Xovostobod”, Toshkent viloyatidagi “Bekobod”, Namangan viloyatidagi “Pop”, Fargʻona viloyatidagi “Ravot”, Surxondaryo viloyatidagi “Gulbahor” avtomobil yoʻllari oʻtkazish punktlari hamda “Amuzang” temir yoʻl oʻtkazish punktining (keyingi oʻrinlarda oʻtkazish punktlari deb ataladi) muhandislik-kommunikatsiya va yoʻlboʻyi infratuzilmasini, shuningdek, Samarqand viloyati Urgut tumanidagi Jartepa aholi punkti hududidagi chegara postini tashkil etish va yanada rivojlantirish uchun zarur yer uchastkalari ajratsinlar;
oʻtkazish punktlariga tutash avtomobil yoʻllari boʻyida zamonaviy standartlarga mos yoʻlboʻyi infratuzilmasini tashkil etish tadbirlarini oʻtkazsinlar, shuningdek, fuqarolar uchun zarur ijtimoiy-maishiy sharoitlar yaratsinlar;
vazirliklar va idoralarga joylarda ularning faoliyat yoʻnalishlari boʻyicha ishlarni tashkil etish uchun zarur xizmat-maishiy sharoitlar yaratishda koʻmaklashsinlar.
2. Oʻzbekiston Respublikasi Davlat bojxona qoʻmitasi, Milliy xavfsizlik xizmati Davlat chegaralarini himoya qiluvchi qoʻmitasi, Sogʻliqni saqlash vazirligi, Davlat veterinariya qoʻmitasi, Oʻzbekiston Respublikasi Oʻsimliklar karantini va himoyasi agentligi (keyingi oʻrinlarda davlat nazorati organlari deb ataladi), “Oʻzbekiston temir yoʻllari” AJ oʻz mablagʻlari hisobiga oʻtkazish punktlarining faoliyatini tashkil etish uchun birinchi navbatdagi zarur sharoitlar yaratsinlar.
3. Davlat xavfsizlik xizmatining Chegara qoʻshinlari:
Samarqand viloyati Urgut tumanidagi Jartepa aholi punkti hududidagi chegara postining binolari, inshootlari va unga tutash hududlarni Oʻzbekiston Respublikasi Davlat bojxona qoʻmitasiga bir hafta muddatda operativ boshqarish huquqi bilan bepul asosda belgilangan tartibda bersin;
2019-2020-yillarda yangi joyda joylashtiriladigan chegara postining infratuzilmasi har yili ajratiladigan kapital qoʻyilmalar limitlari hisobidan qurilishini tashkil etsin.
4. Oʻzbekiston Respublikasi Davlat bojxona qoʻmitasi, Davlat xavfsizlik xizmatining Chegara qoʻshinlari, “Oʻzbekiston temir yoʻllari” AJ manfaatdor vazirliklar va idoralar bilan birgalikda oʻtkazish punktlari orqali shaxslar hamda transport vositalarining harakatlanishini oʻrgansin hamda 2018-yil yakunlari boʻyicha oʻtkazish punktlarining tegishli muhandislik-kommunikatsiya infratuzilmasini tashkil etish maqsadida bajarilgan loyiha-qidiruv va qurilish ishlari toʻgʻrisida Vazirlar Mahkamasiga taklif kiritsin.
5. “Oʻzbekiston temir yoʻllari” AJ 2018-yil 1-martgacha Oʻzbekiston Respublikasi hududi doirasida “Gʻalaba — Xoshadiy” temir yoʻl uchastkasi (keyingi oʻrinlarda temir yoʻl uchastkasi deb ataladi) rekonstruksiya qilinishini taʼminlasin va oʻtkazish punktida davlati nazorat organlarining faoliyat yoʻnalishlari boʻyicha ishlarini tashkil etish uchun birinchi navbatdagi zarur xizmat-maishiy sharoitlar yaratsin.
Loyiha hujjati tasdiqlangungacha, istisno tariqasida, temir yoʻl uchastkasini loyihalashtirish bilan bir paytda rekonstruksiya qilishga ruxsat etilsin.
Oʻzbekiston Respublikasi hududi doirasida “Gʻalaba — Xoshadiy” temir yoʻl uchastkasini rekonstruksiya qilish ishlarini amalga oshirish doirasida:
“Oʻzbekiston temir yoʻllari” AJ — buyurtmachi;
“Boshtransloyiha” AJ — bosh loyihalash tashkiloti;
“Oʻzbekiston temir yoʻllari” AJ tarkibiy boʻlinmalari — bosh pudrat tashkilotlari;
“Oʻzbekiston temir yoʻllari” AJning oʻz mablagʻlari va jalb etilgan mablagʻlar — moliyalashtirish manbalari etib belgilansin.
6. Oʻzbekiston Respublikasi Moliya vazirligi vazirliklar va idoralarning asoslangan hisob-kitoblariga koʻra, Oʻzbekiston Respublikasi Davlat budjetining 2018-yil uchun tasdiqlangan parametrlari doirasida oʻtkazish punktlari faoliyatini tashkil etish maqsadida uskunalar, texnik nazorat vositalari va jihozlar (shu jumladan ehtiyot qismlar, butlovchi va sarflash materiallari) xarid qilish uchun budjetdan maqsadli mablagʻlar ajratishni nazarda tutsin.
7. Oʻzbekiston Respublikasi Davlat bojxona qoʻmitasi, Davlat xavfsizlik xizmatining Chegara qoʻshinlari Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi bilan birgalikda 2019-yilda va keyingi yillarda Oʻzbekiston Respublikasini rivojlantirish davlat dasturlarini (keyingi oʻrinlarda Dastur deb ataladi) shakllantirishda ularga markazlashtirilgan investitsiyalardan ajratiladigan limitlar doirasida hamda asoslangan hisob-kitoblar asosida oʻtkazish punktlarining yangi muhandislik-kommunikatsiya infratuzilmasini tashkil etish va rivojlantirish loyihalari belgilangan tartibda kiritishni nazarda tutsinlar.
8. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, “Oʻzbektelekom” AK oʻtkazish punktlarini yuqori tezlikda ishlaydigan aloqa kanallari bilan belgilangan tartibda taʼminlasin.
Loyiha hujjatlari tasdiqlangungacha, istisno tariqasida, telekommunikatsiya tarmoqlarini loyihalashtirish bilan bir paytda qurishga ruxsat etilsin.
Oʻtkazish punktlariga maʼlumotlarni uzatish tarmogʻining yuqori tezlikda ishlaydigan kanallarini taʼminlash uchun telekommunikatsiya tarmoqlarini qurish ishlarini amalga oshirish doirasida:
“Oʻzbektelekom” AK — buyurtmachi;
“Aloqaloyiha” davlat unitar korxonasi — bosh loyihalash tashkiloti;
“Oʻzbektelekom” AK — bosh pudrat tashkiloti;
“Oʻzbektelekom” AKning oʻz mablagʻlari — moliyalashtirish manbalari etib belgilansin.
9. Oʻzbekiston Respublikasi Uy-joy kommunal xizmat koʻrsatish vazirligi oʻtkazish punktlarini oʻrganish va ularni Dasturga kiritishga doir takliflar taqdim etish natijalari boʻyicha tashkil etilayotgan oʻtkazish punktlarining suv taʼminoti yuzasidan texnik shartlar bersin.
10. Oʻzbekiston Respublikasi Avtomobil yoʻllari davlat qoʻmitasi Vazirlar Mahkamasi huzuridagi Respublika yoʻl jamgʻarmasi bilan birgalikda Ichki ishlar vazirligi hamda Davlat xavfsizlik xizmatining Chegara qoʻshinlari koʻmagida Oʻzbekiston-Tojikiston Davlat chegarasi liniyasigacha oʻtkazish punktlariga olib boradigan avtomobil yoʻllari qayta tiklanishi va kapital taʼmirlanishini, oʻtkazish punktlari yaqinida, shu jumladan oʻtkazish punktlari hamda Oʻzbekiston Respublikasi Davlat chegarasi oʻrtasida joylashgan hududlarda zarur yoʻlboʻyi infratuzilmasi (panelli-toʻrsimon toʻsiq, ajratuvchi betonli toʻsiq, yoritish, yoʻl belgi va ishoralari) tashkil etilishini taʼminlasin.
Loyiha hujjati tasdiqlangungacha, istisno tariqasida, oʻtkazish punktlariga olib boradigan avtomobil yoʻllari uchastkalarini loyihalashtirish bilan paytda qayta tiklash va kapital taʼmirlash ishlarini amalga oshirishga ruxsat etilsin.
Oʻtkazish punktlariga olib boradigan avtomobil yoʻllari uchastkalarini qayta tiklash va kapital taʼmirlash ishlarini amalga oshirish doirasida:
“Umumiy foydalanishdagi avtomobil yoʻllarini qurish va rekonstruksiya qilish direksiyasi” davlat unitar korxonasi — buyurtmachi;
“Yoʻl loyiha byurosi” masʼuliyati cheklangan jamiyati — bosh loyihalash tashkiloti;
Avtomobil yoʻllari davlat qoʻmitasining idoraviy mansub tashkilotlari — bosh pudrat tashkilotlari;
Vazirlar Mahkamasi huzuridagi Respublika yoʻl jamgʻarmasi mablagʻlari — moliyalashtirish manbalari etib belgilansin.
11. Oʻtkazish punktlariga olib boradigan temir yoʻl liniyalari, avtomobil yoʻllari va telekommunikatsiya tarmoqlarini qurish boʻyicha buyurtmachilar bosh loyihalash tashkilotlari bilan birgalikda loyiha hujjatlarining ishlab chiqilishi, ekspertizadan oʻtkazish boʻyicha vakolatli organlarda koʻrib chiqilishi va kelishilishi, belgilangan tartibda tasdiqlashga taqdim etilishini taʼminlasinlar.
12. Oʻzbekiston Respublikasi Davlat arxitektura va qurilish qoʻmitasi barpo etilayotgan obyektlarning loyiha-smeta hujjatlari davlat ekspertizasidan oʻtkazilishini hamda amalga oshiriladigan qurilish-montaj ishlarining sifati, shaharsozlik normalari va qoidalariga soʻzsiz rioya etilishi yuzasidan davlat arxitektura-qurilish nazoratini taʼminlasin.
13. “Oʻzbekenergo” AJ va “Oʻzbekneftgaz” AJ oʻtkazish punktlariga elektr energiyasi va tabiiy gaz uzluksiz yetkazib berilishini taʼminlash tadbirlarini oʻtkazsin.
14. Oʻzbekiston Respublikasi Davlat bojxona qoʻmitasi, Davlat xavfsizlik xizmatining Chegara qoʻshinlari, Sogʻliqni saqlash vazirligi, “Oʻzbekiston temir yoʻllari” AJ va “Oʻzbektelekom” AKga ushbu qarorni amalga oshirish doirasida, istisno tariqasida tender (tanlov) savdolarini oʻtkazmasdan, eng yaxshi takliflarni tanlash asosida yoki toʻgʻridan-toʻgʻri muzokaralar oʻtkazish orqali ishlab chiqaruvchi zavodlar yoxud ularning rasmiy dilerlari (distribyutorlari) bilan uskunalar, materiallar, texnik nazorat vositalari va jihozlar (shu jumladan ehtiyot qismlar, butlovchi va sarflash materiallari) yetkazib berish boʻyicha kontraktlar (shartnomalar) tuzishga ruxsat etilsin.
15. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
16. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov, Davlat bojxona qoʻmitasi raisi M.B. Azimov, va Milliy xavfsizlik xizmati raisining oʻrinbosari — Chegara qoʻshinlari qoʻmondoni O.M. Qosimov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 21-fevral,
133-son
Кабинета Министров Республики Узбекистан
Постановление
О мерах по возобновлению функционирования отдельных пунктов пропуска через узбекско-таджикскую Государственную границу
Во исполнение Указа Президента Республики Узбекистан от 7 февраля 2017 года № УП-4947 «О Стратегии действий по дальнейшему развитию Республики Узбекистан», в целях укрепления взаимопонимания и конструктивного сотрудничества со всеми странами Центральной Азии, укрепления доверия и безопасности между государствами региона, а также создания благоприятных условий при пересечении узбекско-таджикской Государственной границы и необходимых условий для бесперебойного функционирования пунктов пропуска Кабинет Министров постановляет:
1. Хокимиятам Джизакской, Наманганской, Самаркандской, Сурхандарьинской, Сырдарьинской, Ташкентской и Ферганской областей:
предоставить Государственному таможенному комитету, Государственному комитету Республики Узбекистан по автомобильным дорогам и АО «Узбекистон темир йуллари» необходимые земельные участки для создания и дальнейшего развития инженерно-коммуникационной и придорожной инфраструктуры автодорожных пунктов пропуска «Джартепа» Самаркандской области, «Кушкент», «Учтурган» Джизакской области, «Хавастабад» Сырдарьинской области, «Бекабад» Ташкентской области, «Пап» Наманганской области, «Рават» Ферганской области, «Гульбахор» и железнодорожного пункта пропуска «Амузанг» Сурхандарьинской области (далее — пункты пропуска), а также пограничного поста в районе населенного пункта Жартепа Ургутского района Самаркандской области;
провести мероприятия по созданию придорожной инфраструктуры, отвечающей современным стандартам, вдоль автодорог, прилегающих к пунктам пропуска, а также создать необходимые социально-бытовые условия для граждан;
оказать содействие министерствам и ведомствам в создании на местах необходимых служебно-бытовых условий для организации работы по их профильным направлениям.
2. Государственному таможенному комитету, Комитету по охране государственной границы Службы национальной безопасности, Министерству здравоохранения, Государственному комитету ветеринарии, Агентству по карантину и защите растений Республики Узбекистан (далее - органы государственного контроля), АО «Узбекистон темир йуллари» за счет собственных средств создать необходимые первоочередные условия для организации функционирования пунктов пропуска.
3. Пограничным войскам Службы государственной безопасности Республики Узбекистан:
в недельный срок передать в установленном порядке на безвозмездной основе на праве оперативного управления Государственному таможенному комитету Республики Узбекистан здания, сооружения и прилегающую территорию пограничного поста в районе населенного пункта Жартепа Ургутского района Самаркандской области;
в течение 2019-2020 годов организовать строительство за счет ежегодно выделяемых лимитов капитальных вложений инфраструктуры для пограничного поста в новом месте дислокации.
4. Государственному таможенному комитету, Пограничным войскам Службы государственной безопасности Республики Узбекистан, АО «Узбекистон темир йуллари» совместно с заинтересованными министерствами и ведомствами изучить интенсивность движения лиц и транспортных средств через пункты пропуска и по итогам 2018 года внести предложение в Кабинет Министров Республики Узбекистан о выполнении проектно-изыскательских и строительных работ в целях создания соответствующей инженерно-коммуникационной инфраструктуры пунктов пропуска.
5. АО «Узбекистон темир йуллари» в срок до 1 марта 2018 года обеспечить реконструкцию железнодорожного участка «Галаба-Хошади» (далее — железнодорожный участок) в пределах территории Республики Узбекистан и создать необходимые первоочередные служебно-бытовые условия для работы органов государственного контроля в пункте пропуска по направлениям деятельности.
В порядке исключения до утверждения проектной документации разрешить осуществление реконструкции железнодорожного участка с параллельным проектированием.
Определить в рамках осуществления работ по реконструкции железнодорожного участка «Галаба-Хошади» в пределах территории Республики Узбекистан:
заказчиком — АО «Узбекистон темир йуллари»;
генеральной проектной организацией — АО «Боштранслойиха»;
генеральными подрядными организациями — структурные подразделения АО «Узбекистон темир йуллари»;
источниками финансирования — собственные и привлеченные средства АО «Узбекистон темир йуллари».
6. Министерству финансов Республики Узбекистан по обоснованным расчетам министерств и ведомств предусмотреть выделение, в пределах утверждённых параметров Государственного бюджета Республики Узбекистан на 2018 год, целевых бюджетных ассигнований на приобретение оборудования, технических средств контроля и оснащения (включая запасные части, комплектующие и расходные материалы) для организации деятельности пунктов пропуска.
7. Государственному таможенному комитету, Пограничным войскам Службы государственной безопасности Республики Узбекистан совместно с Министерством инвестиций и внешней торговли, Министерством экономического развития и сокращения бедности, Министерством финансов Республики Узбекистан при формировании Государственных программ развития Республики Узбекистан (далее — Программа) на 2019 и последующие годы предусматривать включение в них в установленном порядке проектов по созданию и развитию новой инженерно-коммуникационной инфраструктуры пунктов пропуска в пределах выделяемых лимитов централизованных инвестиций и на основе обоснованных расчетов.
8. Министерству по развитию информационных технологий и коммуникаций Республики Узбекистан, АК «Узбектелеком» обеспечить в установленном порядке пункты пропуска высокоскоростными каналами связи.
В порядке исключения до утверждения проектной документации, разрешить осуществление строительства телекоммуникационных сетей с параллельным проектированием.
Определить в рамках осуществления работ по строительству телекоммуникационных сетей для обеспечения высокоскоростных каналов сети передачи данных к пунктам пропуска:
заказчиком — АК «Узбектелеком»;
генеральной проектной организацией — Государственное унитарное предприятие «Алокалойиха»;
генеральной подрядной организацией — АК «Узбектелеком»;
источниками финансирования — собственные средства АК «Узбектелеком».
9. Министерству жилищно-коммунального обслуживания Республики Узбекистан по результатам изучения пунктов пропуска и внесения предложений по включению их в Программу выдать технические условия на водоснабжение для создаваемых пунктов пропуска.
10. Государственному комитету Республики Узбекистан по автомобильным дорогам совместно с Республиканским дорожным фондом при Кабинете Министров при содействии Министерства внутренних дел и Пограничных войск Службы государственной безопасности Республики Узбекистан обеспечить осуществление капитального ремонта с восстановлением участков автомобильных дорог, ведущих к пунктам пропуска, до линии узбекско-таджикской Государственной границы, создание вблизи пунктов пропуска, в том числе на территориях, расположенных между пунктами пропуска и Государственной границей Республики Узбекистан, необходимой придорожной инфраструктуры (панельно-сетчатое ограждение, разделительный бордюр, освещение, дорожные знаки и разметки).
В порядке исключения до утверждения проектной документации разрешить осуществление работ по капитальному ремонту с восстановлением участков автомобильных дорог, ведущих к пунктам пропуска, с параллельным проектированием.
Определить в рамках осуществления работ по капитальному ремонту с восстановлением участков автомобильных дорог, ведущих к пунктам пропуска:
заказчиком — Государственное унитарное предприятие «Дирекция по строительству и реконструкции автомобильных дорог общего пользования»;
генеральной проектной организацией — общество с ограниченной ответственностью «Йул лойиха бюроси»;
генеральной подрядной организацией — подведомственные организации Государственного комитета Республики Узбекистан по автомобильным дорогам;
источником финансирования — средства Республиканского дорожного фонда при Кабинете Министров Республики Узбекистан.
11. Заказчикам по строительству железнодорожной линии, автомобильных дорог и телекоммуникационных сетей, ведущих к пунктам пропуска, совместно с генеральной проектной организацией обеспечить разработку проектной документации, ее рассмотрение и согласование в уполномоченных органах экспертизы и представление в установленном порядке на утверждение.
12. Государственному комитету Республики Узбекистан по архитектуре и строительству обеспечить проведение государственной экспертизы проектно-сметной документации строящихся объектов, и установить государственный архитектурно-строительный надзор за качеством проводимых строительно-монтажных работ, неукоснительным соблюдением градостроительных норм и правил.
13. АО «Узбекэнерго» и АО «Узбекнефтегаз» провести мероприятия по обеспечению в пунктах пропуска бесперебойной подачи электроэнергии и природного газа.
14. Государственному таможенному комитету, Пограничным войскам Службы государственной безопасности, Министерству здравоохранения Республики Узбекистан, АО «Узбекистон темир йуллари» и АК «Узбектелеком» в рамках реализации настоящего постановления разрешить в порядке исключения, без проведения тендерных (конкурсных) торгов заключать контракты (договоры) на поставку оборудования, материалов, технических средств контроля и оснащения (включая запасные части, комплектующие и расходные материалы) с заводами-производителями или их официальными дилерами (дистрибьюторами) на основе отбора наилучших предложений или путем проведения прямых переговоров.
15. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
16. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова, председателя Государственного таможенного комитета Республики Узбекистан М.Б. Азимова и заместителя председателя Службы — Командующего пограничными войсками Службы национальной безопасности Республики Узбекистан О.М. Косимова.
Премьер-министр Республики Узбекистан А. АРИПОВ
г. Ташкент,
21 февраля 2018 г.,
№ 133