📅 2018-yil 23-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 23 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 23 февраля 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 23 February 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Автомототранспорт воситалари ҳайдовчиларини тайёрлаш, қайта тайёрлаш ва уларнинг малакасини ошириш тизимини такомиллаштириш чора-тадбирлари тўғрисида
Автомототранспорт воситаларидан фойдаланиш жараёнида ҳуқуқбузарликларнинг олдини олиш, автомототранспорт воситалари ҳайдовчиларининг йўл ҳаракати қоидаларига риоя этиш бўйича жавобгарлигини ошириш, шунингдек, автомототранспорт воситалари ҳайдовчиларини тайёрлаш, қайта тайёрлаш ва уларнинг малакасини оширишда хўжалик юритувчи субъектларнинг иштирок этиши учун тенг шароитлар яратиш мақсадида Вазирлар Маҳкамаси қарор қилади:
1. Белгилаб қўйилсинки, 2018 йил 1 августдан бошлаб автомототранспорт воситалари ва шаҳар электр транспорт воситалари ҳайдовчиларини тайёрлаш, қайта тайёрлаш ҳамда уларнинг малакаси ошириш фаолияти давлат таълим муассасалари, шунингдек, нодавлат таълим муассасалари фаолиятини амалга ошириш ҳуқуқини берувчи лицензияга эга бўлган бошқа юридик шахслар томонидан амалга оширилади.
2. Қуйидагилар автомототранспорт воситалари ва шаҳар электр транспорти воситалари ҳайдовчиларини тайёрлаш ҳамда қайта тайёрлаш бўйича нодавлат таълим ташкилотларининг фаолиятини лицензиялаш учун қўшимча лицензия талаблари ҳамда шартлари сифатида белгилансин:
ўқув жараёнига дарслар ўзлаштирилишини оширишга йўналтирилган ўқитиш мониторингини олиб бориш ва режалаштиришнинг автоматлаштирилган ахборот тизимини жорий этиш;
бутун ўқув жараёнини қамраб оладиган анимация эффектлари ва видеоконтентга эга электрон ўқув-услубий қўлланмаларнинг мавжуд бўлиши, ҳар бир таълим олувчини (тингловчини) ушбу ўқув қўлланмалари билан таъминлаш;
ҳар бир ўқитувчини ўқув дастурлари, турли педагогика технологияларидан фойдаланиш йўриқномаларини ўз ичига олган батафсил технологик карталар билан таъминлаш;
ҳар бири камида 40 квадрат метр майдонга эга бўлган ва битта ҳудудда жойлашган икки ёки ундан кўп аудиторияларнинг мавжуд бўлиши;
ҳар бир аудиторияда видеопроекторлар, компьютерлар, аудио ва видео кузатув тизимлари, Йўл ҳаракати қоидалари бўйича кўргазмали қўлланмалар, шунингдек, ўқув жараёни ва якуний тест синовининг ошкоралигини таъминлаш учун жараённи ёзиб олиш тизимининг мавжуд бўлиши;
таълим олувчилар билимларини якуний тест синовидан ўтказиш учун компьютерлар билан жиҳозланган алоҳида аудиториянинг мавжуд бўлиши.
3. Қуйидагиларнинг малака оширишдан ўтиши шартлиги белгилаб қўйилсин:
юридик шахсларга тегишли автотранспорт воситаларини бошқараётган шахслар, автотранспорт воситаларини қисқа муддатли ижара (прокат) ва лизинг асосида бошқараётган якка тартибдаги тадбиркорлар ва бошқа жисмоний шахслардан ташқари — икки йилда бир марта;
автотранспорт воситаларини бошқариш ҳуқуқидан маҳрум этилган шахслар — маъмурий жазо муддати ниҳоясига етгач ва ҳайдовчилик гувоҳномасини олиш учун назарий ҳамда амалий имтиҳонлар топширгунигача.
5. Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси Ички ишлар вазирлиги, бошқа вазирликлар ва идоралар билан биргаликда автомототранспорт воситалари ва шаҳар электр транспорт воситалари ҳайдовчиларини тайёрлаш, қайта тайёрлаш ҳамда уларнинг малакасини ошириш бўйича нодавлат таълим муассасаларининг фаолиятини лицензиялаш тартиби назарда тутилган ҳукумат қарорининг лойиҳасини бир ой муддатда ишлаб чиқсин ва Вазирлар Маҳкамасига киритсин.
6. Ўзбекистон Республикаси Ҳукуматининг 2-иловага мувофиқ айрим қарорларига ўзгартиришлар ва қўшимча киритилсин.
7. Ўзбекистон Республикаси Ички ишлар вазирлиги:
Ўзбекистон Республикаси Бош прокуратураси, Адлия вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси ҳамда Савдо-саноат палатаси билан биргаликда — Халқаро пресс-клубда ушбу қарорнинг мақсадлари, мазмун-моҳияти тўғрисида матбуот анжумани ўтказсин;
Ўзбекистон Миллий телерадиокомпанияси, Ўзбекистон Миллий ахборот агентлиги, Ахборот ва оммавий коммуникациялар агентлиги, оммавий ахборот воситалари билан биргаликда — босма ҳамда электрон ахборот воситаларини, шу жумладан бутунжаҳон Интернет тармоғини кенг жалб этган ҳолда, аҳоли ўртасида ушбу қарорнинг мақсади ва вазифаларининг мунтазам ҳамда ҳар томонлама ёритилишини тизимли асосда таъминласин.
8. Вазирликлар ва идоралар ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсинлар.
9. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов, Ўзбекистон Республикаси Ички ишлар вазири П.Р. Бобожонов ва Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси бошлиғи У.Н. Тошкенбоев зиммасига юклансин.
Вазирлар Маҳкамасининг 2018 йил 23 февралдаги 139-сон қарорига 2-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар ва қўшимча
6. Вазирлар Маҳкамасининг «Ўзбекистон Республикасида автомототранспорт воситалари ва шаҳар электр транспорти воситалари ҳайдовчиларини тайёрлаш ва қайта тайёрлаш тизимида таълим жараёнини такомиллаштириш ва ўқитишнинг замонавий усулларини жорий этиш чора-тадбирлари тўғрисида» 2015 йил 30 апрелдаги 106-сон қарорида (Ўзбекистон Республикаси ҚТ, 2015 й., 4-сон, 32-модда):
а) 2-банднинг иккинчи хатбоши чиқариб ташлансин;
б) 4-банд ўз кучини йўқотган деб ҳисоблансин.
7. Вазирлар Маҳкамасининг «Инновацион ўқитиш услубларини жорий этиш йўли билан ҳайдовчиларни тайёрлаш ва қайта тайёрлаш, шунингдек уларнинг малакасини ошириш тизимини янада такомиллаштириш тўғрисида» 2017 йил 4 сентябрдаги 693-сон қарорида (Ўзбекистон Республикаси ҚҲТ, 2017 й., 36-сон, 958-модда):
а) 2-банд ўз кучини йўқотган деб ҳисоблансин;
б) 3-банд қуйидаги таҳрирда баён қилинсин:
«3. Белгилансинки, юридик шахслар автотранспорт воситалари ҳайдовчиларининг малакасини ошириш тадбирларини молиялаштириш иш берувчиларнинг маблағлари ҳисобига, бошқа шахсларнинг эса — ўз маблағлари ҳисобига амалга оширилади»;
в) 4-банд ва 1-илова ўз кучини йўқотган деб ҳисоблансин.
8. Ушбу илова 2-бандининг «б» кичик банди , 4 ва 6-бандлари 2018 йил 1 августдан бошлаб кучга киради.
Ўзбекистон Республикасининг Бош вазири А. АРИПОВ
Тошкент ш.,
2018 йил 23 февраль,
139-сон
Oʻzbekiston Respublikasi Vazirlar Mahkamasining
qarori
Avtomototransport vositalari haydovchilarini tayyorlash, qayta tayyorlash va ularning malakasini oshirish tizimini takomillashtirish chora-tadbirlari toʻgʻrisida
Avtomototransport vositalaridan foydalanish jarayonida huquqbuzarliklarning oldini olish, avtomototransport vositalari haydovchilarining yoʻl harakati qoidalariga rioya etish boʻyicha javobgarligini oshirish, shuningdek, avtomototransport vositalari haydovchilarini tayyorlash, qayta tayyorlash va ularning malakasini oshirishda xoʻjalik yurituvchi subyektlarning ishtirok etishi uchun teng sharoitlar yaratish maqsadida Vazirlar Mahkamasi qaror qiladi:
1. Belgilab qoʻyilsinki, 2018-yil 1-avgustdan boshlab avtomototransport vositalari va shahar elektr transport vositalari haydovchilarini tayyorlash, qayta tayyorlash hamda ularning malakasi oshirish faoliyati davlat taʼlim muassasalari, shuningdek, nodavlat taʼlim muassasalari faoliyatini amalga oshirish huquqini beruvchi litsenziyaga ega boʻlgan boshqa yuridik shaxslar tomonidan amalga oshiriladi.
2. Quyidagilar avtomototransport vositalari va shahar elektr transporti vositalari haydovchilarini tayyorlash hamda qayta tayyorlash boʻyicha nodavlat taʼlim tashkilotlarining faoliyatini litsenziyalash uchun qoʻshimcha litsenziya talablari hamda shartlari sifatida belgilansin:
oʻquv jarayoniga darslar oʻzlashtirilishini oshirishga yoʻnaltirilgan oʻqitish monitoringini olib borish va rejalashtirishning avtomatlashtirilgan axborot tizimini joriy etish;
butun oʻquv jarayonini qamrab oladigan animatsiya effektlari va videokontentga ega elektron oʻquv-uslubiy qoʻllanmalarning mavjud boʻlishi, har bir taʼlim oluvchini (tinglovchini) ushbu oʻquv qoʻllanmalari bilan taʼminlash;
har bir oʻqituvchini oʻquv dasturlari, turli pedagogika texnologiyalaridan foydalanish yoʻriqnomalarini oʻz ichiga olgan batafsil texnologik kartalar bilan taʼminlash;
har biri kamida 40 kvadrat metr maydonga ega boʻlgan va bitta hududda joylashgan ikki yoki undan koʻp auditoriyalarning mavjud boʻlishi;
har bir auditoriyada videoproyektorlar, kompyuterlar, audio va video kuzatuv tizimlari, Yoʻl harakati qoidalari boʻyicha koʻrgazmali qoʻllanmalar, shuningdek, oʻquv jarayoni va yakuniy test sinovining oshkoraligini taʼminlash uchun jarayonni yozib olish tizimining mavjud boʻlishi;
taʼlim oluvchilar bilimlarini yakuniy test sinovidan oʻtkazish uchun kompyuterlar bilan jihozlangan alohida auditoriyaning mavjud boʻlishi.
3. Quyidagilarning malaka oshirishdan oʻtishi shartligi belgilab qoʻyilsin:
yuridik shaxslarga tegishli avtotransport vositalarini boshqarayotgan shaxslar, avtotransport vositalarini qisqa muddatli ijara (prokat) va lizing asosida boshqarayotgan yakka tartibdagi tadbirkorlar va boshqa jismoniy shaxslardan tashqari — ikki yilda bir marta;
avtotransport vositalarini boshqarish huquqidan mahrum etilgan shaxslar — maʼmuriy jazo muddati nihoyasiga yetgach va haydovchilik guvohnomasini olish uchun nazariy hamda amaliy imtihonlar topshirgunigacha.
5. Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi Ichki ishlar vazirligi, boshqa vazirliklar va idoralar bilan birgalikda avtomototransport vositalari va shahar elektr transport vositalari haydovchilarini tayyorlash, qayta tayyorlash hamda ularning malakasini oshirish boʻyicha nodavlat taʼlim muassasalarining faoliyatini litsenziyalash tartibi nazarda tutilgan hukumat qarorining loyihasini bir oy muddatda ishlab chiqsin va Vazirlar Mahkamasiga kiritsin.
6. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirishlar va qoʻshimcha kiritilsin.
7. Oʻzbekiston Respublikasi Ichki ishlar vazirligi:
Oʻzbekiston Respublikasi Bosh prokuraturasi, Adliya vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi hamda Savdo-sanoat palatasi bilan birgalikda — Xalqaro press-klubda ushbu qarorning maqsadlari, mazmun-mohiyati toʻgʻrisida matbuot anjumani oʻtkazsin;
Oʻzbekiston Milliy teleradiokompaniyasi, Oʻzbekiston Milliy axborot agentligi, Axborot va ommaviy kommunikatsiyalar agentligi, ommaviy axborot vositalari bilan birgalikda — bosma hamda elektron axborot vositalarini, shu jumladan butunjahon Internet tarmogʻini keng jalb etgan holda, aholi oʻrtasida ushbu qarorning maqsadi va vazifalarining muntazam hamda har tomonlama yoritilishini tizimli asosda taʼminlasin.
8. Vazirliklar va idoralar oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsinlar.
9. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov, Oʻzbekiston Respublikasi Ichki ishlar vaziri P.R. Bobojonov va Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi boshligʻi U.N. Toshkenboyev zimmasiga yuklansin.
Vazirlar Mahkamasining 2018-yil 23-fevraldagi 139-son qaroriga 2-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar va qoʻshimcha
6. Vazirlar Mahkamasining “Oʻzbekiston Respublikasida avtomototransport vositalari va shahar elektr transporti vositalari haydovchilarini tayyorlash va qayta tayyorlash tizimida taʼlim jarayonini takomillashtirish va oʻqitishning zamonaviy usullarini joriy etish chora-tadbirlari toʻgʻrisida” 2015-yil 30-apreldagi 106-son qarorida (Oʻzbekiston Respublikasi QT, 2015-y., 4-son, 32-modda):
a) 2-bandning ikkinchi xatboshi chiqarib tashlansin;
b) 4-band oʻz kuchini yoʻqotgan deb hisoblansin.
7. Vazirlar Mahkamasining “Innovatsion oʻqitish uslublarini joriy etish yoʻli bilan haydovchilarni tayyorlash va qayta tayyorlash, shuningdek ularning malakasini oshirish tizimini yanada takomillashtirish toʻgʻrisida” 2017-yil 4-sentabrdagi 693-son qarorida (Oʻzbekiston Respublikasi QHT, 2017-y., 36-son, 958-modda):
a) 2-band oʻz kuchini yoʻqotgan deb hisoblansin;
b) 3-band quyidagi tahrirda bayon qilinsin:
“3. Belgilansinki, yuridik shaxslar avtotransport vositalari haydovchilarining malakasini oshirish tadbirlarini moliyalashtirish ish beruvchilarning mablagʻlari hisobiga, boshqa shaxslarning esa — oʻz mablagʻlari hisobiga amalga oshiriladi”;
v) 4-band va 1-ilova oʻz kuchini yoʻqotgan deb hisoblansin.
8. Ushbu ilova 2-bandining “b” kichik bandi , 4 va 6-bandlari 2018-yil 1-avgustdan boshlab kuchga kiradi.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 23-fevral,
139-son
Кабинета Министров Республики Узбекистан
Постановление
О мерах по совершенствованию системы подготовки, переподготовки и повышения квалификации водителей автомототранспортных средств
В целях принятия действенных и эффективных мер по предупреждению правонарушений в процессе эксплуатации автомототранспортных средств, повышения ответственности водителей автомототранспортных средств за соблюдение правил дорожного движения, а также создания равных условий хозяйствующим субъектам для участия в подготовке, переподготовке и повышении квалификации водителей автомототранспортных средств, Кабинет Министров постановляет:
1. Установить, что с 1 августа 2018 года деятельность по подготовке, переподготовке и повышению квалификации водителей автомототранспортных средств и средств городского электрического транспорта осуществляется государственными образовательными учреждениями, а также другими юридическими лицами, имеющими лицензию на право осуществления деятельности негосударственных образовательных учреждений.
2. Определить в качестве дополнительных лицензионных требований и условий для лицензирования деятельности негосударственных образовательных организаций по подготовке и переподготовке водителей автомототранспортных средств и средств городского электрического транспорта:
внедрение в учебный процесс автоматизированной информационной системы, позволяющей осуществлять мониторинг и планирование обучения, направленное на повышение освоения занятий;
наличие электронных учебно-методических пособий с анимационными эффектами и видеоконтентом, охватывающими весь учебный процесс, обеспечение данными учебными пособиями каждого обучающегося (слушателя);
обеспечение каждого преподавателя учебными программами, подробными технологическими картами, включающими в себя инструкции по использованию различных педагогических технологий;
наличие двух и более аудиторий с площадью не менее 40 кв. м каждая, расположенных на одной территории;
наличие в каждой аудитории видеопроектора, компьютеров, системы аудио- и видеонаблюдения, наглядных пособий по Правилам дорожного движения, а также системы записи процесса для обеспечения прозрачности учебного процесса и итогового тестирования;
наличие отдельной аудитории для итогового тестирования знаний обучающихся, оборудованной компьютерами.
3. Установить, что повышение квалификации обязаны проходить:
лица, управляющие автотранспортными средствами, принадлежащими юридическим лицам, за исключением индивидуальных предпринимателей и других физических лиц, управляющих автотранспортными средствами на основе краткосрочной аренды (проката) и лизинга, — один раз в два года;
лица, лишенные права управления автотранспортными средствами, — после окончания исполнения административного взыскания и до сдачи теоретических и практических экзаменов для получения водительского удостоверения.
5. Государственной инспекции по надзору за качеством образования при Кабинете Министров Республики Узбекистан совместно с Министерством внутренних дел, другими министерствами и ведомствами в месячный срок разработать и внести в Кабинет Министров проект правительственного решения, предусматривающего порядок лицензирования деятельности негосударственных образовательных учреждений по подготовке, переподготовке и повышению квалификации водителей автомототранспортных средств и средств городского электрического транспорта.
6. Внести изменения и дополнения в некоторые решения Правительства Республики Узбекистан согласно приложению № 2 .
7. Министерству внутренних дел Республики Узбекистан совместно с:
Генеральной прокуратурой, Министерством юстиции, Государственным комитетом Республики Узбекистан по содействию приватизированным предприятиям и развитию конкуренции и Торгово-промышленной палатой провести в Международном пресс-клубе пресс-конференцию о целях, сути и содержании настоящего постановления;
Национальной телерадиокомпанией Узбекистана, Национальным информационным агентством, Агентством информации и массовых коммуникаций, средствами массовой информации обеспечить на системной основе регулярное и всестороннее освещение среди населения целей и задач настоящего постановления с широким привлечением печатных и электронных средств массовой информации, включая всемирную информационную сеть Интернет.
8. Министерствам и ведомствам в двухмесячный срок привести принятые ими нормативно-правовые акты в соответствие с настоящим постановлением.
9. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова, министра внутренних дел Республики Узбекистан П.Р. Бобожонова и начальника Государственной инспекции по надзору за качеством образования при Кабинете Министров Республики Узбекистан У.Н. Ташкенбаева.
ПРИЛОЖЕНИЕ № 2 к постановлению Кабинета Министров от 23 февраля 2018 года № 139
Изменения и дополнения, вносимые в некоторые решения Правительства Республики Узбекистан
6. В постановлении Кабинета Министров от 30 апреля 2015 г. № 106 «О мерах по совершенствованию образовательного процесса и внедрению современных методов обучения в системе подготовки и переподготовки водителей автомототранспортных средств и средств городского электрического транспорта в Республике Узбекистан» (СП Республики Узбекистан, 2015 г., № 4, ст. 32):
а) абзац второй пункта 2 исключить;
б) пункт 4 считать утратившим силу.
7. В постановлении Кабинета Министров от 4 сентября 2017 г. № 693 «О дальнейшем совершенствовании системы подготовки и переподготовки, а также повышения квалификации водителей путем внедрения инновационных методов обучения» (СЗ Республики Узбекистан, 2017 г., № 36, ст. 958):
а) пункт 2 считать утратившим силу;
б) пункт 3 изложить в следующей редакции:
«3. Определить, что финансирование мероприятий по повышению квалификации водителей автотранспортных средств юридических лиц осуществляется за счет средств работодателей, а других лиц — за счет собственных средств»;
в) пункт 4 и приложение № 1 считать утратившими силу.
8. Подпункт «б» пункта 2, пункты 4 и 6 настоящего приложения вступают в силу с 1 августа 2018 года.
Премьер-министр Республики Узбекистан А. АРИПОВ
г. Ташкент,
23 февраля 2018 г.,
№ 139