📅 2018-yil 27-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 27 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 27 февраля 2018 г. · Постановления Президента
Официальный текст. Официальный документ. Редакционные примечания не включены.
📅 27 February 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Хориждаги давлат мулкидан самарали фойдаланишни таъминлаш чора-тадбирлари тўғрисида
[Кўчирма]
Хорижда жойлашган ва Ўзбекистон Республикаси судларининг қарорларига асосан давлат даромадига ўтказилган мулкдан самарали фойдаланишни таъминлаш мақсадида:
1. Давлат активларини бошқариш агентлигига (кейинги ўринларда — Агентлик) хорижда жойлашган ва Ўзбекистон Республикаси судларининг қарорларига асосан давлат даромадига ўтказилган ёки ихтиёрий равишда Ўзбекистон Республикаси мулки этиб (кейинги ўринларда — мулк) топширилган мулк эгалиги ҳуқуқини Ўзбекистон Республикаси номидан амалга ошириш ваколати берилсин.
2. Белгилансинки, Агентлик:
Ўзбекистон Республикаси ваколатли органлари томонидан тегишли қарор қабул қилингунга кадар Ўзбекистон Республикасининг чет элдаги мулкини, мазкур давлат ҳамда Ўзбекистон Республикаси бошқа давлат органларининг хорижий ваколатхоналари билан келишилган ҳолда Ўзбекистон Республикасининг хорижий муассасалари эҳтиёжи учун вақтинчалик бепул топшириш. Шу билан бирга, Ўзбекистон Республикасининг хориждаги муассасалари ва Ўзбекистон Республикаси бошқа давлат органлари хорижий ваколатхоналари раҳбарлари, уларга топширилган хориждаги мулкнинг бут ҳолда сақланиши учун шахсан жавобгар ҳисобланадилар.
мулкни ижарага ёки ишончли бошқарувга белгиланган тартибда топшириш;
зарур ҳолларда мазкур қарорнинг матнини хорижий давлатнинг ваколатли органларига тақдим қилиш;
хорижда банк ҳисобварақларини очиш, мазкур ҳисобварақлардаги маблағларни мустақил тасарруф этиш ҳуқуқига эга бўлиш;
тўғридан-тўғри шартномалар асосида мулкни бошқариш учун зарур бўлган мустақил экспертларни, аудиторлик, адвокатлик, консалтинг фирмаларини, суғурта компаниялари ҳамда бошқа хизмат кўрсатиш компаниялари ва ташкилотларини, шу жумладан, хорижий ташкилотларни жалб қилиш ҳуқуқига эга.
3. Мулкни бошқариш, шу жумладан, хорижий мамлакатларда амалга оширилаётган харажатларини молиялаштириш манбалари этиб қуйидагилар белгилансин:
Агентликнинг махсус ҳисобварақларидаги маблағлар;
Ўзбекистон Республикаси Давлат активларини бошқариш агентлиги ҳузуридаги бюджетдан ташқари Давлат активларини бошқариш, трансформация ва хусусийлаштириш жамғармаси (кейинги ўринларда — Жамғарма) маблағлари;
мулкни ижарага ёки ишончли бошқарувга беришдан тушадиган тушумлар;
вақтинча бўш маблағларни жойлаштиришдан тушадиган маблағлар;
қонун ҳужжатларида тақиқланмаган бошқа даромадлар.
Шу билан бирга, мулкни сотишдан, ижарага ёки ишончли бошқарувга топширишдан тушган маблағлар мулкни бошқариш ёки сотиш (баҳолаш ташкилотлари, савдо ташкилотчилари, воситачилар, депозитарийлар хизматларига ҳақ тўлаш, сафар харажатлари ва бошқа сарф-харажатлар) билан боғлиқ харажатлар чиқариб ташлангандан сўнг Агентликнинг махсус ҳисобварақларида жамланиб борилади.
Чет элда жойлашган давлат мулки объектларини сотишдан тушган маблағлар Ўзбекистон Республикаси Президенти ёки Ҳукумат қарорларида бошқача тартиб белгиланган бўлмаса, Агентлик томонидан умумий тартибда тақсимланади.
4. Агентлик Ўзбекистон Республикаси ҳудудида мулкка бўлган эгалик ҳуқуқини расмийлаштириш ҳамда амалга ошириш билан боғлиқ бўлган солиқлар, йиғимлар ва бошқа мажбурий тўловлардан озод қилинсин.
5. Агентлик:
Адлия вазирлиги ва Олий суд билан биргаликда мулкни давлат даромадига ўтказишни назарда тутувчи Ўзбекистон Республикаси судларининг ҳукмларини мазкур хорижий давлатнинг ваколатли органларига ижро этиш учун белгиланган тартибда йўлласин;
Ташқи ишлар вазирлиги, Молия вазирлиги ва Бош прокуратура билан биргаликда Ўзбекистон Республикаси судларининг қарорлари хорижий давлатларда ижро этилганидан кейин мулкларни инвентаризация қилишни ва Ўзбекистон Республикасининг мулкка эгалик ҳуқуқи расмийлаштирилишини таъминласин;
мулкни янада самарали тасарруф этиш, шу жумладан уни сотиш, Ўзбекистон Республикаси давлат органларига белгиланган тартибда ижарага ёки ишончли бошқарувга топшириш тўғрисида Вазирлар Маҳкамасига таклифлар киритиб борсин.
6. Белгилансинки, Ўзбекистон Республикасининг активлари бўйича ҳуқуқларини ҳимоя қилиш, даъво, суд, арбитраж ва бошқа ишларни кўриб чиқиш, шунингдек, хорижий аудиторлик, адвокатлик, консалтинг ташкилотлари ва бошқа ташкилотларни, мустақил экспертларни жалб қилиш билан боғлиқ бўлган харажатлар юзага келган тақдирда Агентликнинг махсус ҳисобварақларида жамғариб борилаётган маблағлари ҳисобига, маблағлар етарли бўлмаган тақдирда эса Агентликнинг асосланган талабномалари асосида Ўзбекистон Республикаси Вазирлар Маҳкамасининг захира жамғармасидан ажратиладиган маблағлар ҳисобидан амалга оширилади.
7. Агентлик белгиланган тартибда миллий ва хорижий валютада махсус банк ҳисобварақлари очилишини таъминласин.
9. Ўзбекистон Республикаси Адлия вазирлиги:
Ташқи ишлар вазирлиги билан биргаликда Агентликнинг сўровномаларига кўра белгиланган тартибда унинг ходимларига мазкур қарорнинг 1-бандида назарда тутилган ваколатларни тасдиқловчи ишончнома ва бошқа ҳужжатларни берсин;
Бош прокуратура, Ташқи ишлар вазирлиги билан биргаликда Ўзбекистон Республикасининг мулк эгалигини расмийлаштиришда, шу жумладан Ўзбекистон Республикаси судларининг қарорлари ижро этилишида Агентликка кўмаклашсин;
Ўзбекистон Республикаси Ташқи ишлар вазирлиги, Олий суди, Бош прокуратураси билан биргаликда фуқаролик оила ва жиноят ишлари бўйича ҳуқуқий ёрдам ҳамда ҳуқуқий муносабатлар тўғрисида икки томонлама ва кўп томонлама битимларни ишлаб чиқиш ҳамда қабул қилиш соҳасида хорижий давлатларнинг ваколатли органлари билан ҳамкорликни ташкиллаштириш борасидаги ишларни фаоллаштирсин.
10. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Бош прокурори О.Б. Муродов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 27 февраль,
ПҚ-3570-сон
Oʻzbekiston Respublikasi Prezidentining
Qarori
Xorijdagi davlat mulkidan samarali foydalanishni taʼminlash chora-tadbirlari toʻgʻrisida
[Koʻchirma]
Xorijda joylashgan va Oʻzbekiston Respublikasi sudlarining qarorlariga asosan davlat daromadiga oʻtkazilgan mulkdan samarali foydalanishni taʼminlash maqsadida:
1. Davlat aktivlarini boshqarish agentligiga (keyingi oʻrinlarda — Agentlik) xorijda joylashgan va Oʻzbekiston Respublikasi sudlarining qarorlariga asosan davlat daromadiga oʻtkazilgan yoki ixtiyoriy ravishda Oʻzbekiston Respublikasi mulki etib (keyingi oʻrinlarda — mulk) topshirilgan mulk egaligi huquqini Oʻzbekiston Respublikasi nomidan amalga oshirish vakolati berilsin.
2. Belgilansinki, Agentlik:
Oʻzbekiston Respublikasi vakolatli organlari tomonidan tegishli qaror qabul qilingunga kadar Oʻzbekiston Respublikasining chet eldagi mulkini, mazkur davlat hamda Oʻzbekiston Respublikasi boshqa davlat organlarining xorijiy vakolatxonalari bilan kelishilgan holda Oʻzbekiston Respublikasining xorijiy muassasalari ehtiyoji uchun vaqtinchalik bepul topshirish. Shu bilan birga, Oʻzbekiston Respublikasining xorijdagi muassasalari va Oʻzbekiston Respublikasi boshqa davlat organlari xorijiy vakolatxonalari rahbarlari, ularga topshirilgan xorijdagi mulkning but holda saqlanishi uchun shaxsan javobgar hisoblanadilar.
mulkni ijaraga yoki ishonchli boshqaruvga belgilangan tartibda topshirish;
zarur hollarda mazkur qarorning matnini xorijiy davlatning vakolatli organlariga taqdim qilish;
xorijda bank hisobvaraqlarini ochish, mazkur hisobvaraqlardagi mablagʻlarni mustaqil tasarruf etish huquqiga ega boʻlish;
toʻgʻridan-toʻgʻri shartnomalar asosida mulkni boshqarish uchun zarur boʻlgan mustaqil ekspertlarni, auditorlik, advokatlik, konsalting firmalarini, sugʻurta kompaniyalari hamda boshqa xizmat koʻrsatish kompaniyalari va tashkilotlarini, shu jumladan, xorijiy tashkilotlarni jalb qilish huquqiga ega.
3. Mulkni boshqarish, shu jumladan, xorijiy mamlakatlarda amalga oshirilayotgan xarajatlarini moliyalashtirish manbalari etib quyidagilar belgilansin:
Agentlikning maxsus hisobvaraqlaridagi mablagʻlar;
Oʻzbekiston Respublikasi Davlat aktivlarini boshqarish agentligi huzuridagi budjetdan tashqari Davlat aktivlarini boshqarish, transformatsiya va xususiylashtirish jamgʻarmasi (keyingi oʻrinlarda — Jamgʻarma) mablagʻlari;
mulkni ijaraga yoki ishonchli boshqaruvga berishdan tushadigan tushumlar;
vaqtincha boʻsh mablagʻlarni joylashtirishdan tushadigan mablagʻlar;
qonun hujjatlarida taqiqlanmagan boshqa daromadlar.
Shu bilan birga, mulkni sotishdan, ijaraga yoki ishonchli boshqaruvga topshirishdan tushgan mablagʻlar mulkni boshqarish yoki sotish (baholash tashkilotlari, savdo tashkilotchilari, vositachilar, depozitariylar xizmatlariga haq toʻlash, safar xarajatlari va boshqa sarf-xarajatlar) bilan bogʻliq xarajatlar chiqarib tashlangandan soʻng Agentlikning maxsus hisobvaraqlarida jamlanib boriladi.
Chet elda joylashgan davlat mulki obyektlarini sotishdan tushgan mablagʻlar Oʻzbekiston Respublikasi Prezidenti yoki Hukumat qarorlarida boshqacha tartib belgilangan boʻlmasa, Agentlik tomonidan umumiy tartibda taqsimlanadi.
4. Agentlik Oʻzbekiston Respublikasi hududida mulkka boʻlgan egalik huquqini rasmiylashtirish hamda amalga oshirish bilan bogʻliq boʻlgan soliqlar, yigʻimlar va boshqa majburiy toʻlovlardan ozod qilinsin.
5. Agentlik:
Adliya vazirligi va Oliy sud bilan birgalikda mulkni davlat daromadiga oʻtkazishni nazarda tutuvchi Oʻzbekiston Respublikasi sudlarining hukmlarini mazkur xorijiy davlatning vakolatli organlariga ijro etish uchun belgilangan tartibda yoʻllasin;
Tashqi ishlar vazirligi, Moliya vazirligi va Bosh prokuratura bilan birgalikda Oʻzbekiston Respublikasi sudlarining qarorlari xorijiy davlatlarda ijro etilganidan keyin mulklarni inventarizatsiya qilishni va Oʻzbekiston Respublikasining mulkka egalik huquqi rasmiylashtirilishini taʼminlasin;
mulkni yanada samarali tasarruf etish, shu jumladan uni sotish, Oʻzbekiston Respublikasi davlat organlariga belgilangan tartibda ijaraga yoki ishonchli boshqaruvga topshirish toʻgʻrisida Vazirlar Mahkamasiga takliflar kiritib borsin.
6. Belgilansinki, Oʻzbekiston Respublikasining aktivlari boʻyicha huquqlarini himoya qilish, daʼvo, sud, arbitraj va boshqa ishlarni koʻrib chiqish, shuningdek, xorijiy auditorlik, advokatlik, konsalting tashkilotlari va boshqa tashkilotlarni, mustaqil ekspertlarni jalb qilish bilan bogʻliq boʻlgan xarajatlar yuzaga kelgan taqdirda Agentlikning maxsus hisobvaraqlarida jamgʻarib borilayotgan mablagʻlari hisobiga, mablagʻlar yetarli boʻlmagan taqdirda esa Agentlikning asoslangan talabnomalari asosida Oʻzbekiston Respublikasi Vazirlar Mahkamasining zaxira jamgʻarmasidan ajratiladigan mablagʻlar hisobidan amalga oshiriladi.
7. Agentlik belgilangan tartibda milliy va xorijiy valyutada maxsus bank hisobvaraqlari ochilishini taʼminlasin.
9. Oʻzbekiston Respublikasi Adliya vazirligi:
Tashqi ishlar vazirligi bilan birgalikda Agentlikning soʻrovnomalariga koʻra belgilangan tartibda uning xodimlariga mazkur qarorning 1-bandida nazarda tutilgan vakolatlarni tasdiqlovchi ishonchnoma va boshqa hujjatlarni bersin;
Bosh prokuratura, Tashqi ishlar vazirligi bilan birgalikda Oʻzbekiston Respublikasining mulk egaligini rasmiylashtirishda, shu jumladan Oʻzbekiston Respublikasi sudlarining qarorlari ijro etilishida Agentlikka koʻmaklashsin;
Oʻzbekiston Respublikasi Tashqi ishlar vazirligi, Oliy sudi, Bosh prokuraturasi bilan birgalikda fuqarolik oila va jinoyat ishlari boʻyicha huquqiy yordam hamda huquqiy munosabatlar toʻgʻrisida ikki tomonlama va koʻp tomonlama bitimlarni ishlab chiqish hamda qabul qilish sohasida xorijiy davlatlarning vakolatli organlari bilan hamkorlikni tashkillashtirish borasidagi ishlarni faollashtirsin.
10. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Bosh prokurori O.B. Murodov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 27-fevral,
PQ-3570-son
Президента Республики Узбекистан
Постановление
О мерах по обеспечению эффективного использования государственного имущества, находящегося за рубежом
[Извлечение]
В целях обеспечения эффективного использования имущества, находящегося за рубежом и обращенного на основании решений судов Республики Узбекистан в доход государства:
1. Уполномочить Агентство по управлению государственными активами (далее — Агентство) реализовывать от имени Республики Узбекистан права собственника имущества, находящегося за рубежом и обращенного решениями судов Республики Узбекистан в доход государства или добровольно переданного в собственность Республики Узбекистан (далее — имущество).
2. Установить, что Агентство имеет право:
до принятия соответствующего решения уполномоченных органов Республики Узбекистан временно безвозмездно передавать имущество, находящееся за рубежом, для нужд заграничных учреждений Республики Узбекистан по согласованию с государством пребывания и зарубежных представительств других государственных органов Республики Узбекистан. При этом, руководители заграничных учреждений Республики Узбекистан и зарубежных представительств других государственных органов Республики Узбекистан несут персональную ответственность за сохранность переданного им имущества, находящегося за рубежом;
передавать имущество в аренду или доверительное управление в установленном порядке;
предоставлять, при необходимости, текст настоящего постановления компетентным органам иностранного государства;
открывать банковские счета за рубежом, с правом самостоятельного распоряжения средствами на данных счетах;
привлекать на основе прямых договоров независимых экспертов, аудиторские, адвокатские, консалтинговые фирмы, страховые компании, компании по оказанию услуг и другие организации, в том числе зарубежные, необходимые для обеспечения управления имуществом.
3. Определить источниками финансирования расходов по управлению имуществом, в том числе осуществляемых в зарубежных странах:
средства на специальных счетах Агентства;
средства внебюджетного Фонда по управлению, трансформации и приватизации государственных активов при Агентстве по управлению государственными активами Республики Узбекистан (далее — Фонд);
поступления от передачи имущества в аренду или доверительное управление;
средства, поступающие от размещения временно свободных средств;
иные доходы, не запрещенные законодательством.
При этом средства, поступившие от реализации, передачи имущества в аренду или доверительное управление, за вычетом расходов, связанных с управлением и реализацией имущества (расходы по оплате услуг оценочных организаций, организаторов торгов, посредников, депозитариев, командировочные расходы и другие) аккумулируются па специальных счетах Агентства.
Средства от реализации объектов государственного имущества, находящихся за рубежом, распределяются Агентством в общем порядке, если иное не установлено решениями Президента Республики Узбекистан или Правительства Республики Узбекистан.
4. Освободить Агентство от уплаты налогов, сборов и иных обязательных платежей на территории Республики Узбекистан, связанных с оформлением и осуществлением права собственника на имущество.
5. Агентству совместно с:
Министерством юстиции и верховным судом направлять в установленном порядке приговоры судов Республики Узбекистан, предусматривающие обращение в доход государства имущества, компетентным органам иностранного государства, на территории которого оно находится, для приведения их в исполнение;
Министерством иностранных дел, Министерством финансов и Генеральной прокуратурой обеспечивать инвентаризацию и оформление в собственность Республики Узбекистан имущества после приведения в исполнение в иностранных государствах решений судов Республики Узбекистан;
вносить в Кабинет Министров предложения по дальнейшему эффективному распоряжению имуществом, в том числе его реализации, передаче государственным органам Республики Узбекистан в аренду или доверительное управление в установленном порядке.
6. Установить, что в случае возникновения судебных и иных расходов, связанных с защитой прав Республики Узбекистан по имуществу, искам, судебным, арбитражным и иным разбирательствам, а также привлечением зарубежных аудиторских, адвокатских, консалтинговых и других организаций, независимых экспертов, соответствующие расходы осуществляются за счет средств, аккумулируемых на специальных счетах Агентства, а при недостаточности средств — за счет средств резервного фонда Кабинета Министров Республики Узбекистан, выделяемых на основе обоснованных заявок Агентства.
7. Агентству обеспечить в установленном порядке открытие специальных банковских счетов в национальной и иностранной валюте.
9. Министерству юстиции совместно с:
Министерством иностранных дел по запросам Агентства выдавать в установленном порядке его сотрудникам доверенности и другие документы, подтверждающие полномочия, предусмотренные пунктом 1 настоящего постановления;
Генеральной прокуратурой, Министерством иностранных дел оказывать содействие Агентству в оформлении имущества в собственность Республики Узбекистан, в том числе приведении в исполнение решений судов Республики Узбекистан;
Министерством иностранных дел, Верховным судом, Генеральной прокуратурой Республики Узбекистан активизировать работу по организации взаимодействия с компетентными органами иностранных государств в сфере разработки и принятия двусторонних и многосторонних соглашений о правовой помощи и правовых отношениях по гражданским, семейным и уголовным делам.
10. Контроль за исполнением настоящего постановления возложить на Премьер-министра Республики Узбекистан А.Н. Арипова и Генерального прокурора Республики Узбекистан О.Б. Муродова.
Президент Республики Узбекистан Ш. МИРЗИЁЕВ
г. Ташкент,
27 февраля 2018 г.,
№ ПП-3570