📅 2018-yil 28-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 28 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 февраля 2018 г. · Постановления Президента
Официальный текст. Официальный документ. Редакционные примечания не включены.
📅 28 February 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ДАВЛАТ мактабгача таълим ташкилотлари ХОДИМЛАРИНИНГ АЙРИМ ТОИФАЛАРИ МЕҲНАТИГА ҲАҚ ТЎЛАШНИ ТАКОМИЛЛАШТИРИШ ЧОРА-ТАДБИРЛАРИ ТЎҒРИСИДА
Узлуксиз таълим ягона тизимининг муҳим бўғини сифатида мактабгача таълим тизимини янада такомиллаштириш, ходимларнинг меҳнатига ҳақ тўлаш ва моддий рағбатлантиришнинг муносиб шарт-шароитларини яратиш, юқори малакали кадрларни, шу жумладан, ёш битирувчиларни жалб этиш, жамиятда давлат мактабгача таълим ташкилотлари педагогларининг нуфузини ошириш мақсадида:
1. Ўзбекистон Республикаси Мактабгача таълим вазирлиги, Молия вазирлиги ҳамда Бандлик ва меҳнат муносабатлари вазирлигининг давлат мактабгача таълим ташкилотлари ходимлари айрим тоифаларининг:
а) 2018 йил 1 мартдан бошлаб — директорлар, тарбиячилар, методистлар, ўқитувчилар, дефектологлар, психологлар, мусиқа раҳбарлари ва тарбиячининг ёрдамчилари меҳнатида ҳақ тўлашнинг базавий тариф ставкаларини — 30 фоизга;
б) 2018 йил 1 сентябрдан бошлаб:
олий маълумотли тайёргарлик (5 ёшдан 6-7 ёшгача) гуруҳи тарбиячилари ўқитувчилар, дефектологлар, психологлар меҳнатида ҳақ тўлашнинг базавий тариф ставкаларини, уларнинг базавий тариф ставкалари миқдорларини умумтаълим мактаблари бошланғич синфлари ўқитувчиларининг базавий тариф ставкалари миқдорларига тенглаштирган ҳолда — 30 фоизга;
олий ёки ўрта махсус, касб-ҳунар педагогик маълумотли тарбиячи ёрдамчиси меҳнатига ҳақ тўлашнинг базавий тариф ставкаларини — 20 фоизга;
мактабгача таълим ташкилотлари директорлари меҳнатига ҳақ тўлашнинг базавий тариф ставкаларини — 10 фоизга табақалаштириб ошириш тўғрисидаги таклифига розилик берилсин.
2. Қашқадарё вилоятининг Деҳқонобод, Касби, Миришкор, Қамаши, Чироқчи, Нишон, Яккабоғ ва Ғузор туманларида, Бухоро вилоятининг Олот, Шофиркон, Қоракўл, Пешку ва Ромитан туманларида, Сурхондарё вилоятининг Қизириқ, Музработ, Олтинсой, Бойсун, Қумқўрғон, Узун, Сариосиё туманларида, Самарқанд вилоятининг Нуробод, Қўшработ, Ургут, Булунғур ва Пахтачи туманларида, Жиззах вилоятининг Бахмал, Ғаллаорол, Фориш, Мирзачўл ва Янгиобод туманларида, Сирдарё вилоятининг Оқолтин, Мирзаобод, Ховос ва Сардоба туманлари, Фарғона вилоятининг Сўх тумани хамда Фарғона туманининг «Шоҳимардон» ва «Ёрдон» қишлоқларида жойлашган давлат мактабгача таълим ташкилотларида болалар сақлангани учун амалдаги ота-оналар тўлови миқдори 2023 йил 1 январгача бўлган муддатда икки баравар пасайтирилсин.
3. 2018 йил 1 мартдан бошлаб давлат мактабгача таълим ташкилотларида тарбиячининг ёрдамчиси меҳнатига ҳақ тўлаш тартиби базавий тариф ставкаларидан келиб чиқиб жорий этилсин.
4. Ўзбекистон Республикаси Молия вазирлиги:
2018 йилда ушбу қарорга мувофиқ давлат таълим муассасалари ходимлари меҳнатига ҳақ тўлашнинг базавий тариф ставкаларини ошириш бўйича қўшимча харажатлар Ўзбекистон Республикаси Давлат бюджети ҳисобига молиялаштирилишини таъминласин, 2019 йилдан бошлаб эса Ўзбекистон Республикаси Давлат бюджети параметрларини шакллантиришда ушбу харажатларни назарда тутсин;
давлат мактабгача таълим ташкилотларини моддий рағбатлантиришнинг махсус жамғармасини шакллантиришга қонун ҳужжатларида белгиланган меҳнатга ҳақ тўлаш фондининг қатъий равишда 15 фоизи миқдорида қўшимча маблағлар ажратилишини таъминласин.
5. Ўзбекистон Республикаси Мактабгача таълим вазирлиги моддий рағбатлантиришнинг махсус жамғармаси маблағларидан мақсадли ва манзилли фойдаланилиши устидан тизимли назорат ўрнатсин, давлат мактабгача таълим ташкилотлари харажатлари сметаларида улар алоҳида сатрда ажратилишини назарда тутсин.
6. Ўзбекистон Республикаси Президентининг «Ўзбекистон Республикасининг 2018 йилги асосий макроиқтисодий кўрсаткичлари прогнози ва Давлат бюджети параметрлари тўғрисида» 2017 йил 29 декабрдаги ПҚ-3454-сон қарорининг 32-иловасига иловага мувофиқ ўзгартириш киритилсин.
7. Ўзбекистон Республикаси Мактабгача таълим вазирлиги манфаатдор вазирликлар ва идоралар билан биргаликда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида бир ҳафта муддатда Ўзбекистон Республикаси Вазирлар Маҳкамасига таклифлар киритсин.
8. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Қ.В. Акмалов, Ўзбекистон Республикаси Бош вазирининг ўринбосари — Молия вазири Ж.А. Қўчқоров ва Мактабгача таълим вазири А.В. Шин зиммасига юклансин.
Ўзбекистон Республикаси Президентининг 2018 йил 28 февралдаги ПҚ-3571-сонли қарорига ИЛОВА
Ўзбекистон Республикаси Президентининг «Ўзбекистон Республикасининг 2018 йилги асосий макроиқтисодий кўрсаткичлари прогнози ва Давлат бюджети параметрлари тўғрисида» 2017 йил 29 декабрдаги ПҚ-3454-сонли қарорининг 32-иловасига киритиладиган ўзгартиришлар
Изоҳ қуйидаги таҳрирда баён этилсин:
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 28 февраль,
ПҚ-3571-сон
Oʻzbekiston Respublikasi Prezidentining
Qarori
DAVLAT maktabgacha taʼlim tashkilotlari XODIMLARINING AYRIM TOIFALARI MEHNATIGA HAQ TOʻLASHNI TAKOMILLASHTIRISH CHORA-TADBIRLARI TOʻGʻRISIDA
Uzluksiz taʼlim yagona tizimining muhim boʻgʻini sifatida maktabgacha taʼlim tizimini yanada takomillashtirish, xodimlarning mehnatiga haq toʻlash va moddiy ragʻbatlantirishning munosib shart-sharoitlarini yaratish, yuqori malakali kadrlarni, shu jumladan, yosh bitiruvchilarni jalb etish, jamiyatda davlat maktabgacha taʼlim tashkilotlari pedagoglarining nufuzini oshirish maqsadida:
1. Oʻzbekiston Respublikasi Maktabgacha taʼlim vazirligi, Moliya vazirligi hamda Bandlik va mehnat munosabatlari vazirligining davlat maktabgacha taʼlim tashkilotlari xodimlari ayrim toifalarining:
a) 2018-yil 1-martdan boshlab — direktorlar, tarbiyachilar, metodistlar, oʻqituvchilar, defektologlar, psixologlar, musiqa rahbarlari va tarbiyachining yordamchilari mehnatida haq toʻlashning bazaviy tarif stavkalarini — 30 foizga;
b) 2018-yil 1-sentabrdan boshlab:
oliy maʼlumotli tayyorgarlik (5 yoshdan 6-7 yoshgacha) guruhi tarbiyachilari oʻqituvchilar, defektologlar, psixologlar mehnatida haq toʻlashning bazaviy tarif stavkalarini, ularning bazaviy tarif stavkalari miqdorlarini umumtaʼlim maktablari boshlangʻich sinflari oʻqituvchilarining bazaviy tarif stavkalari miqdorlariga tenglashtirgan holda — 30 foizga;
oliy yoki oʻrta maxsus, kasb-hunar pedagogik maʼlumotli tarbiyachi yordamchisi mehnatiga haq toʻlashning bazaviy tarif stavkalarini — 20 foizga;
maktabgacha taʼlim tashkilotlari direktorlari mehnatiga haq toʻlashning bazaviy tarif stavkalarini — 10 foizga tabaqalashtirib oshirish toʻgʻrisidagi taklifiga rozilik berilsin.
2. Qashqadaryo viloyatining Dehqonobod, Kasbi, Mirishkor, Qamashi, Chiroqchi, Nishon, Yakkabogʻ va Gʻuzor tumanlarida, Buxoro viloyatining Olot, Shofirkon, Qorakoʻl, Peshku va Romitan tumanlarida, Surxondaryo viloyatining Qiziriq, Muzrabot, Oltinsoy, Boysun, Qumqoʻrgʻon, Uzun, Sariosiyo tumanlarida, Samarqand viloyatining Nurobod, Qoʻshrabot, Urgut, Bulungʻur va Paxtachi tumanlarida, Jizzax viloyatining Baxmal, Gʻallaorol, Forish, Mirzachoʻl va Yangiobod tumanlarida, Sirdaryo viloyatining Oqoltin, Mirzaobod, Xovos va Sardoba tumanlari, Fargʻona viloyatining Soʻx tumani xamda Fargʻona tumanining “Shohimardon” va “Yordon” qishloqlarida joylashgan davlat maktabgacha taʼlim tashkilotlarida bolalar saqlangani uchun amaldagi ota-onalar toʻlovi miqdori 2023-yil 1-yanvargacha boʻlgan muddatda ikki baravar pasaytirilsin.
3. 2018-yil 1-martdan boshlab davlat maktabgacha taʼlim tashkilotlarida tarbiyachining yordamchisi mehnatiga haq toʻlash tartibi bazaviy tarif stavkalaridan kelib chiqib joriy etilsin.
4. Oʻzbekiston Respublikasi Moliya vazirligi:
2018-yilda ushbu qarorga muvofiq davlat taʼlim muassasalari xodimlari mehnatiga haq toʻlashning bazaviy tarif stavkalarini oshirish boʻyicha qoʻshimcha xarajatlar Oʻzbekiston Respublikasi Davlat budjeti hisobiga moliyalashtirilishini taʼminlasin, 2019-yildan boshlab esa Oʻzbekiston Respublikasi Davlat budjeti parametrlarini shakllantirishda ushbu xarajatlarni nazarda tutsin;
davlat maktabgacha taʼlim tashkilotlarini moddiy ragʻbatlantirishning maxsus jamgʻarmasini shakllantirishga qonun hujjatlarida belgilangan mehnatga haq toʻlash fondining qatʼiy ravishda 15 foizi miqdorida qoʻshimcha mablagʻlar ajratilishini taʼminlasin.
5. Oʻzbekiston Respublikasi Maktabgacha taʼlim vazirligi moddiy ragʻbatlantirishning maxsus jamgʻarmasi mablagʻlaridan maqsadli va manzilli foydalanilishi ustidan tizimli nazorat oʻrnatsin, davlat maktabgacha taʼlim tashkilotlari xarajatlari smetalarida ular alohida satrda ajratilishini nazarda tutsin.
6. Oʻzbekiston Respublikasi Prezidentining “Oʻzbekiston Respublikasining 2018-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida” 2017-yil 29-dekabrdagi PQ-3454-son qarorining 32-ilovasiga ilovaga muvofiq oʻzgartirish kiritilsin.
7. Oʻzbekiston Respublikasi Maktabgacha taʼlim vazirligi manfaatdor vazirliklar va idoralar bilan birgalikda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida bir hafta muddatda Oʻzbekiston Respublikasi Vazirlar Mahkamasiga takliflar kiritsin.
8. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Q.V. Akmalov, Oʻzbekiston Respublikasi Bosh vazirining oʻrinbosari — Moliya vaziri J.A. Qoʻchqorov va Maktabgacha taʼlim vaziri A.V. Shin zimmasiga yuklansin.
Oʻzbekiston Respublikasi Prezidentining 2018-yil 28-fevraldagi PQ-3571-sonli qaroriga ILOVA
Oʻzbekiston Respublikasi Prezidentining “Oʻzbekiston Respublikasining 2018-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida” 2017-yil 29-dekabrdagi PQ-3454-sonli qarorining 32-ilovasiga kiritiladigan oʻzgartirishlar
Izoh quyidagi tahrirda bayon etilsin:
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 28-fevral,
PQ-3571-son
Президента Республики Узбекистан
Постановление
О мерах по совершенствованию условий оплаты труда отдельных категорий работников государственных дошкольных образовательных организаций
В целях дальнейшего совершенствования системы дошкольного образования как важнейшего звена единой системы непрерывного образования, создания достойных условий оплаты труда и материального поощрения работников, привлечения высококвалифицированных кадров, в том числе молодых выпускников, повышения в обществе авторитета педагогов государственных дошкольных образовательных организаций:
1. Согласиться с предложением Министерства дошкольного образования, Министерства финансов и Министерства занятости и трудовых отношений Республики Узбекистан о дифференцированном повышении базовых тарифных ставок оплаты труда отдельных категорий работников государственных дошкольных образовательных организаций:
а) с 1 марта 2018 года — на 30 процентов директорам, воспитателям, методистам, учителям, дефектологам, психологам, музыкальным руководителям и помощникам воспитателя;
б) с 1 сентября 2018 года:
на 30 процентов — воспитателям подготовительной (с 5 до 6 — 7 лет) группы, учителям, дефектологам, психологам, имеющим высшее образование, приравняв размеры их базовых тарифных ставок к размерам базовых тарифных ставок учителей начальных классов общеобразовательных школ;
на 20 процентов — помощникам воспитателя, имеющим высшее или среднее специальное, профессиональное педагогическое образование;
на 10 процентов — директорам дошкольных образовательных организаций.
2. Снизить сроком до 1 января 2023 года действующий размер родительской платы за содержание детей в государственных дошкольных образовательных организациях, расположенных в Дехканабадском, Касбийском, Миришкорском, Камашинском, Чиракчинском, Нишанском, Яккабагском и Гузарском районах Кашкадарьинской области, в Алатском, Шафирканском, Каракульском, Пешкунском и Ромитанском районах Бухарской области, в Кызырыкском, Музрабатском, Алтынсайском, Байсунском, Кумкурганском, Узунском, Сариасийском районах Сурхандарьинской области в Нурабадском, Кушрабатском, Ургутском, Булунгурском и Пахтачийском районах Самаркандской области, в Бахмалском, Галляаралском, Фаришском, Мирзачульском и Янгиабадском районах Джизакской области, в Акалтынском, Мирзаабадском, Хавастском и Сардобском районах Сырдарьинской области, в два раза.
3. Ввести с 1 марта 2018 года порядок оплаты труда помощника воспитателя в государственных дошкольных образовательных организациях исходя из базовых тарифных ставок.
4. Министерству финансов Республики Узбекистан обеспечить:
в 2018 году за счет Государственного бюджета Республики Узбекистан финансирование дополнительных расходов по повышению базовых тарифных ставок оплаты труда работников государственных дошкольных образовательных учреждений в соответствии с настоящим постановлением, а начиная с 2019 года предусматривать данные расходы при формировании параметров Государственного бюджета Республики Узбекистан;
выделение дополнительных средств на формирование специального фонда материального стимулирования государственных дошкольных образовательных организаций строго в размере 15 процентов от фонда оплаты труда, установленного законодательством.
5. Министерству дошкольного образования Республики Узбекистан установить системный контроль за целевым и адресным использованием средств специального фонда материального стимулирования, предусмотрев их выделение отдельной строкой в сметах расходов государственных дошкольных образовательных организаций.
6. Внести изменение в приложение № 32 к постановлению Президента Республики Узбекистан от 29 декабря 2017 года № ПП-3454 «О прогнозе основных макроэкономических показателей и параметрах Государственного бюджета Республики Узбекистан на 2018 год» согласно приложению .
7. Министерству дошкольного образования Республики Узбекистан совместно с заинтересованными министерствами и ведомствами в недельный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
8. Контроль за исполнением настоящего постановления возложить на заместителя Премьер-министра Республики Узбекистан К.В. Акмалова, заместителя Премьер-министра — министра финансов Республики Узбекистан Д.А. Кучкарова и министра дошкольного образования Республики Узбекистан А.В. Шин.
ПРИЛОЖЕНИЕ к постановлению Президента Республики Узбекистан от 28 февраля 2018 года № ПП-3571
Изменение, вносимое в приложение № 32 к постановлению Президента Республики Узбекистан от 29 декабря 2017 года № ПП-3454 «О прогнозе основных макроэкономических показателей и параметрах Государственного бюджета Республики Узбекистан на 2018 год»
Примечание изложить в следующей редакции:
Президент Республики Узбекистан Ш. МИРЗИЁЕВ
г. Ташкент,
28 февраля 2018 г.,
№ ПП-3571