📅 2018-yil 28-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 28 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 февраля 2018 г. · Постановления Президента
Официальный текст. Официальный документ. Редакционные примечания не включены.
📅 28 February 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Пахта хом ашёси ва бошоқли дон етиштиришни молиялаштириш тизимини тубдан такомиллаштириш чора-тадбирлари тўғрисида
Бозор муносабатларини кенг жорий этиш ҳамда қишлоқ хўжалигида молиялаштириш ва ўзаро ҳисоб-китоблар механизмларини тубдан такомиллаштириш, шу асосда қишлоқ хўжалиги маҳсулотлари етиштирувчилар ва уларга хизмат кўрсатувчи корхоналарнинг молиявий-иқтисодий ҳолатини яхшилаш, рентабеллигини ошириш, етиштирилаётган маҳсулот ҳажмлари барқарор ўсишини таъминлаш мақсадида:
1. Ўзбекистон Республикаси Молия вазирлиги, Иқтисодиёт вазирлиги, Қишлоқ хўжалиги вазирлиги, Ўзбекистон фермер, деҳқон хўжаликлари ва томорқа ер эгалари кенгаши, «Ўзпахтасаноат» акциядорлик жамияти ва «Ўздонмаҳсулот» акциядорлик компаниясининг:
а) 2018 йил 1 мартдан бошлаб ишлаб чиқарувчиларнинг рентабеллиги ошишини ва юқори сифатли маҳсулотлар етиштиришни рағбатлантиришни таъминлайдиган навлар ва класслар бўйича пахта хом ашёси ва бошоқли дон хариди юзасидан кафолатланган давлат нархларини белгилаш;
б) тупроқ унумдорлиги паст ва ҳосилдорлик гектарига 15 центнер бўлган ерларда охирги 3 йил мобайнида пахта хом ашёсига давлат буюртмасини жойлаштирмаслик тўғрисидаги таклифлари маъқуллансин.
Ўзбекистон Республикаси Вазирлар Маҳкамаси Қорақалпоғистон Республикаси Вазирлар Кенгаши, вилоятлар ва туманлар ҳокимликларининг таклифлари асосида ушбу бандга мувофиқ бўшайдиган ерларда қишлоқ хўжалиги экинларини, энг аввало, озуқа ва мойли экинларни жойлаштириш, мева-сабзавотчилик ва чорвачилик лойиҳаларини амалга ошириш тўғрисида икки ҳафта муддатда Ҳукумат қарорини қабул қилсин.
2. Белгилансинки:
пахта хом ашёси ва бошоқли дон учун узил-кесил ҳисоб-китоблар ҳосил йиғиштириладиган йилнинг охиригача тўлиқ ҳажмда амалга оширилади;
қишлоқ хўжалиги маҳсулотлари етиштирувчиларга ва автомобилларга ёнилғи қуйиш шохобчаларига тўғридан-тўғри шартномалар бўйича сотиш учун дизель ёқилғиси ва ЭКО дизель ёқилғисининг Вазирлар Маҳкамаси томонидан белгиланадиган ягона чакана нархлари 2018 йил охиригача бўлган даврда амал қилади;
минерал ўғитларни сотиш Ўзбекистон Республикаси Вазирлар Маҳкамаси томонидан белгиланадиган алоҳида шартлар ҳисобга олинган ҳолда биржа савдоларида амалга оширилади;
фермер хўжаликлари ва сув истеъмолчилари уюшмаларининг насос агрегатлари томонидан истеъмол қилинадиган электр энергияси қиймати Ўзбекистон Республикаси Вазирлар Маҳкамаси томонидан белгиланадиган тартибда Давлат бюджетидан субсидиялар ҳисобига қопланади.
3. Пахта хом ашёси ва бошоқли дон етиштирувчи фермер хўжаликларининг хизмат кўрсатувчи ташкилотлар олдидаги 2018 йил 1 январдаги ҳолатига кўра ҳосил бўлган қарзларини, шу жумладан, ички тармоқ қарздорлиги ҳамда бюджет ва давлат мақсадли жамғармалари олдидаги қарзларини тўлаш муддати ҳисобланган пеня ва жарималар ҳисобдан чиқарилган ҳолда 3 йил муддатга узайтирилсин.
Ўзбекистон Республикаси Вазирлар Маҳкамаси пахта хом ашёси ва бошоқли дон етиштирадиган фермер хўжаликларининг бюджет, давлат мақсадли жамғармалари, хизмат кўрсатувчи ташкилотлар олдидаги 2018 йил 1 январдаги ҳолатига кўра ҳосил бўлган қарзлари, шу жумладан, ички тармоқ қарзлари бир ой муддатда ялпи хатловдан ўтказилишини, шунингдек, уни тартибга солиш бўйича тегишли чора-тадбирлар кўрилишини таъминласин.
4. Ўзбекистон Республикаси Молия вазирлиги, Иқтисодиёт вазирлиги, Қишлоқ хўжалиги вазирлигининг:
Ўзбекистон Республикаси Вазирлар Маҳкамаси ҳузуридаги Қишлоқ хўжалиги маҳсулотларининг давлат хариди ва қишлоқ хўжалигини техника билан жиҳозлашни мақсадли молиялаштириш жамғармасини Қишлоқ хўжалигини давлат томонидан қўллаб-қувватлаш жамғармасига (кейинги ўринларда Жамғарма деб аталади) айлантириш ва уни Ўзбекистон Республикаси Молия вазирлиги тасарруфига бериш;
пахта толасига жаҳон нархларининг кескин пасайиши эҳтимоли учун пахта толасига прейскурант ва жаҳон нархлари ўртасидаги ижобий тафовут суммаси ҳисобига Жамғарманинг суғурта ҳисоб рақамини шакллантириш тўғрисидаги таклифига розилик берилсин.
5. Ўзбекистон Республикаси Вазирлар Маҳкамаси бир ҳафта муддатда:
навлар ва класслар бўйича пахта хом ашёси ва бошоқли дон харидининг давлат томонидан кафолатланган нархларини тасдиқлашни;
минерал ўғитларни биржа савдоларида сотишнинг махсус шартларини;
фермер хўжаликлари ва сув истеъмолчилари уюшмаларининг насос агрегатлари истеъмол қиладиган электр энергияси қийматини қоплаш учун Давлат бюджетидан субсидиялар ажратиш тартибини;
2018 йил ҳосили пахта хом ашёси ва бошоқли дон етиштириш бўйича агротехника тадбирлари ўз вақтида ўтказилишини таъминлаш учун Жамғармадан ажратиладиган кредит ресурслари ҳажмларини туманлар бўйича белгилашни;
молиявий ресурслар ажратилиши ва улардан мақсадли фойдаланилиши, қишлоқ хўжалиги маҳсулотлари етиштириш учун зарур бўлган ёқилғи-мойлаш материаллари, минерал ўғитлар, кимёвий ҳимоя воситалари ҳамда бошқа ресурслар ва хизматлар ўз вақтида ва тўлиқ ҳажмда етказиб берилиши, тузилган шартномалар шартларига риоя этилиши, шунингдек, ўз вақтида ҳисоб-китоб қилиниши ва ажратиладиган кредит ресурслари қайтарилиши юзасидан жавобгарликнинг аниқ соҳалари ҳамда назорат механизмлари белгиланишини;
Жамғарма фаолиятини ташкил этиш чора-тадбирларини;
биринчи навбатда қишлоқ хўжалиги маҳсулотлари етиштирувчиларнинг эҳтиёжларини қондиришни ҳисобга олган ҳолда 2018 йилда минерал ўғитлар ишлаб чиқариш ва сотиш балансини тасдиқлашни назарда тутувчи Ҳукумат қарорини қабул қилсин.
8. Ўзбекистон Республикаси Молия вазирлиги бир ҳафта муддатда:
«Агробанк» АТБга давлат харидларининг назарда тутилган ҳажмларидан ортиқча бошоқли дон етиштирувчи фермер хўжаликларига кредитлар ажратиш учун йиллик 5 фоиз ставка бўйича депозитга 150 миллиард сўм миқдорида йиллик 10 фоизгача ставка бўйича маблағлар жойлаштирилишини;
Қорақалпоғистон Республикаси бюджетида ва вилоятларнинг маҳаллий бюджетида паст ҳосилли ерларда пахта хом ашёси етиштирувчи фермер хўжаликларини молиявий қўллаб-қувватлаш учун зараркунандаларга қарши курашиш ҳамда фавқулодда вазиятларда ҳосилнинг сақланиши бўйича харажатларни қоплашга республика бюджетида назарда тутилган маблағлар ҳисобига 50 миллиард сўм миқдорида маблағлар шакллантирилишини таъминласин.
9. Ўзбекистон Республикаси Ҳисоб палатаси (М.М. Икрамов) ҳар бир ҳудуд бўйича масъул ходимлар белгиланган ҳолда Жамғарма маблағлари ўз вақтида ажратилиши ва улардан мақсадли фойдаланилиши устидан тизимли назоратни таъминласин.
Ўзбекистон Республикаси Ахборот технологиялари ва коммуникацияларини ривожлантириш вазирлиги ва «Агробанк» АТБ бир ой муддатда Ўзбекистон Республикаси қонун ҳужжатлари талабларига мувофиқ пахта хом ашёси ва бошоқли дон харид қилиш учун маблағлар ўз вақтида ажратилиши ва улардан мақсадли фойдаланилиши устидан реал вақт режимида назорат қилиш имконини берадиган Ўзбекистон Республикаси Ҳисоб палатасининг «Агробанк» АТБнинг маълумотлар базасидан фойдаланишини таъминласинлар.
10. Чора-тадбирлар сўзсиз амалга оширилишини ва Қишлоқ хўжалиги маҳсулотлари етиштирувчиларни ўз вақтида молиялаштириш бўйича талабларга сўзсиз риоя қилинишини, уларга минерал ўғитлар ва ёқилғи-мойлаш материалларининг зарур ҳажмлари етказиб берилишини таъминлаш, шунингдек, уларга нархлар спекулятив тарзда ўсиб кетишига йўл қўймаслик учун Бош прокурор О.Б. Муродов, Бош вазирнинг ўринбосарлари З.Т. Мирзаев, Ж.А. Қўчқоров, А.С. Султанов, Н.С. Отажонов, Ўзбекистон Республикаси Ҳисоб палатаси раиси М.М. Икрамовга шахсий масъулият белгилансин.
11. Қишлоқ хўжалиги вазирлиги Сув хўжалиги вазирлиги, Молия вазирлиги, Адлия вазирлиги ва бошқа манфаатдор вазирликлар ва идоралар билан биргаликда Ўзбекистон Республикаси Вазирлар Маҳкамасига қонун ҳужжатларига ушбу қарордан келиб чиқадиган ўзгартириш ва қўшимчалар юзасидан икки ҳафта муддатда таклифлар киритсин.
12. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Ҳисоб палатаси раиси М.М. Икрамов ва Ўзбекистон Республикаси Бош прокурори О.Б. Муродов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 28 февраль,
ПҚ-3574-сон
Oʻzbekiston Respublikasi Prezidentining
qarori
Paxta xom ashyosi va boshoqli don yetishtirishni moliyalashtirish tizimini tubdan takomillashtirish chora-tadbirlari toʻgʻrisida
Bozor munosabatlarini keng joriy etish hamda qishloq xoʻjaligida moliyalashtirish va oʻzaro hisob-kitoblar mexanizmlarini tubdan takomillashtirish, shu asosda qishloq xoʻjaligi mahsulotlari yetishtiruvchilar va ularga xizmat koʻrsatuvchi korxonalarning moliyaviy-iqtisodiy holatini yaxshilash, rentabelligini oshirish, yetishtirilayotgan mahsulot hajmlari barqaror oʻsishini taʼminlash maqsadida:
1. Oʻzbekiston Respublikasi Moliya vazirligi, Iqtisodiyot vazirligi, Qishloq xoʻjaligi vazirligi, Oʻzbekiston fermer, dehqon xoʻjaliklari va tomorqa yer egalari kengashi, “Oʻzpaxtasanoat” aksiyadorlik jamiyati va “Oʻzdonmahsulot” aksiyadorlik kompaniyasining:
a) 2018-yil 1-martdan boshlab ishlab chiqaruvchilarning rentabelligi oshishini va yuqori sifatli mahsulotlar yetishtirishni ragʻbatlantirishni taʼminlaydigan navlar va klasslar boʻyicha paxta xom ashyosi va boshoqli don xaridi yuzasidan kafolatlangan davlat narxlarini belgilash;
b) tuproq unumdorligi past va hosildorlik gektariga 15 sentner boʻlgan yerlarda oxirgi 3 yil mobaynida paxta xom ashyosiga davlat buyurtmasini joylashtirmaslik toʻgʻrisidagi takliflari maʼqullansin.
Oʻzbekiston Respublikasi Vazirlar Mahkamasi Qoraqalpogʻiston Respublikasi Vazirlar Kengashi, viloyatlar va tumanlar hokimliklarining takliflari asosida ushbu bandga muvofiq boʻshaydigan yerlarda qishloq xoʻjaligi ekinlarini, eng avvalo, ozuqa va moyli ekinlarni joylashtirish, meva-sabzavotchilik va chorvachilik loyihalarini amalga oshirish toʻgʻrisida ikki hafta muddatda Hukumat qarorini qabul qilsin.
2. Belgilansinki:
paxta xom ashyosi va boshoqli don uchun uzil-kesil hisob-kitoblar hosil yigʻishtiriladigan yilning oxirigacha toʻliq hajmda amalga oshiriladi;
qishloq xoʻjaligi mahsulotlari yetishtiruvchilarga va avtomobillarga yonilgʻi quyish shoxobchalariga toʻgʻridan-toʻgʻri shartnomalar boʻyicha sotish uchun dizel yoqilgʻisi va EKO dizel yoqilgʻisining Vazirlar Mahkamasi tomonidan belgilanadigan yagona chakana narxlari 2018-yil oxirigacha boʻlgan davrda amal qiladi;
mineral oʻgʻitlarni sotish Oʻzbekiston Respublikasi Vazirlar Mahkamasi tomonidan belgilanadigan alohida shartlar hisobga olingan holda birja savdolarida amalga oshiriladi;
fermer xoʻjaliklari va suv isteʼmolchilari uyushmalarining nasos agregatlari tomonidan isteʼmol qilinadigan elektr energiyasi qiymati Oʻzbekiston Respublikasi Vazirlar Mahkamasi tomonidan belgilanadigan tartibda Davlat budjetidan subsidiyalar hisobiga qoplanadi.
3. Paxta xom ashyosi va boshoqli don yetishtiruvchi fermer xoʻjaliklarining xizmat koʻrsatuvchi tashkilotlar oldidagi 2018-yil 1-yanvardagi holatiga koʻra hosil boʻlgan qarzlarini, shu jumladan, ichki tarmoq qarzdorligi hamda budjet va davlat maqsadli jamgʻarmalari oldidagi qarzlarini toʻlash muddati hisoblangan penya va jarimalar hisobdan chiqarilgan holda 3 yil muddatga uzaytirilsin.
Oʻzbekiston Respublikasi Vazirlar Mahkamasi paxta xom ashyosi va boshoqli don yetishtiradigan fermer xoʻjaliklarining budjet, davlat maqsadli jamgʻarmalari, xizmat koʻrsatuvchi tashkilotlar oldidagi 2018-yil 1-yanvardagi holatiga koʻra hosil boʻlgan qarzlari, shu jumladan, ichki tarmoq qarzlari bir oy muddatda yalpi xatlovdan oʻtkazilishini, shuningdek, uni tartibga solish boʻyicha tegishli chora-tadbirlar koʻrilishini taʼminlasin.
4. Oʻzbekiston Respublikasi Moliya vazirligi, Iqtisodiyot vazirligi, Qishloq xoʻjaligi vazirligining:
Oʻzbekiston Respublikasi Vazirlar Mahkamasi huzuridagi Qishloq xoʻjaligi mahsulotlarining davlat xaridi va qishloq xoʻjaligini texnika bilan jihozlashni maqsadli moliyalashtirish jamgʻarmasini Qishloq xoʻjaligini davlat tomonidan qoʻllab-quvvatlash jamgʻarmasiga (keyingi oʻrinlarda Jamgʻarma deb ataladi) aylantirish va uni Oʻzbekiston Respublikasi Moliya vazirligi tasarrufiga berish;
paxta tolasiga jahon narxlarining keskin pasayishi ehtimoli uchun paxta tolasiga preyskurant va jahon narxlari oʻrtasidagi ijobiy tafovut summasi hisobiga Jamgʻarmaning sugʻurta hisob raqamini shakllantirish toʻgʻrisidagi taklifiga rozilik berilsin.
5. Oʻzbekiston Respublikasi Vazirlar Mahkamasi bir hafta muddatda:
navlar va klasslar boʻyicha paxta xom ashyosi va boshoqli don xaridining davlat tomonidan kafolatlangan narxlarini tasdiqlashni;
mineral oʻgʻitlarni birja savdolarida sotishning maxsus shartlarini;
fermer xoʻjaliklari va suv isteʼmolchilari uyushmalarining nasos agregatlari isteʼmol qiladigan elektr energiyasi qiymatini qoplash uchun Davlat budjetidan subsidiyalar ajratish tartibini;
2018-yil hosili paxta xom ashyosi va boshoqli don yetishtirish boʻyicha agrotexnika tadbirlari oʻz vaqtida oʻtkazilishini taʼminlash uchun Jamgʻarmadan ajratiladigan kredit resurslari hajmlarini tumanlar boʻyicha belgilashni;
moliyaviy resurslar ajratilishi va ulardan maqsadli foydalanilishi, qishloq xoʻjaligi mahsulotlari yetishtirish uchun zarur boʻlgan yoqilgʻi-moylash materiallari, mineral oʻgʻitlar, kimyoviy himoya vositalari hamda boshqa resurslar va xizmatlar oʻz vaqtida va toʻliq hajmda yetkazib berilishi, tuzilgan shartnomalar shartlariga rioya etilishi, shuningdek, oʻz vaqtida hisob-kitob qilinishi va ajratiladigan kredit resurslari qaytarilishi yuzasidan javobgarlikning aniq sohalari hamda nazorat mexanizmlari belgilanishini;
Jamgʻarma faoliyatini tashkil etish chora-tadbirlarini;
birinchi navbatda qishloq xoʻjaligi mahsulotlari yetishtiruvchilarning ehtiyojlarini qondirishni hisobga olgan holda 2018-yilda mineral oʻgʻitlar ishlab chiqarish va sotish balansini tasdiqlashni nazarda tutuvchi Hukumat qarorini qabul qilsin.
8. Oʻzbekiston Respublikasi Moliya vazirligi bir hafta muddatda:
“Agrobank” ATBga davlat xaridlarining nazarda tutilgan hajmlaridan ortiqcha boshoqli don yetishtiruvchi fermer xoʻjaliklariga kreditlar ajratish uchun yillik 5 foiz stavka boʻyicha depozitga 150 milliard soʻm miqdorida yillik 10 foizgacha stavka boʻyicha mablagʻlar joylashtirilishini;
Qoraqalpogʻiston Respublikasi budjetida va viloyatlarning mahalliy budjetida past hosilli yerlarda paxta xom ashyosi yetishtiruvchi fermer xoʻjaliklarini moliyaviy qoʻllab-quvvatlash uchun zararkunandalarga qarshi kurashish hamda favqulodda vaziyatlarda hosilning saqlanishi boʻyicha xarajatlarni qoplashga respublika budjetida nazarda tutilgan mablagʻlar hisobiga 50 milliard soʻm miqdorida mablagʻlar shakllantirilishini taʼminlasin.
9. Oʻzbekiston Respublikasi Hisob palatasi (M.M. Ikramov) har bir hudud boʻyicha masʼul xodimlar belgilangan holda Jamgʻarma mablagʻlari oʻz vaqtida ajratilishi va ulardan maqsadli foydalanilishi ustidan tizimli nazoratni taʼminlasin.
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi va “Agrobank” ATB bir oy muddatda Oʻzbekiston Respublikasi qonun hujjatlari talablariga muvofiq paxta xom ashyosi va boshoqli don xarid qilish uchun mablagʻlar oʻz vaqtida ajratilishi va ulardan maqsadli foydalanilishi ustidan real vaqt rejimida nazorat qilish imkonini beradigan Oʻzbekiston Respublikasi Hisob palatasining “Agrobank” ATBning maʼlumotlar bazasidan foydalanishini taʼminlasinlar.
10. Chora-tadbirlar soʻzsiz amalga oshirilishini va Qishloq xoʻjaligi mahsulotlari yetishtiruvchilarni oʻz vaqtida moliyalashtirish boʻyicha talablarga soʻzsiz rioya qilinishini, ularga mineral oʻgʻitlar va yoqilgʻi-moylash materiallarining zarur hajmlari yetkazib berilishini taʼminlash, shuningdek, ularga narxlar spekulyativ tarzda oʻsib ketishiga yoʻl qoʻymaslik uchun Bosh prokuror O.B. Murodov, Bosh vazirning oʻrinbosarlari Z.T. Mirzayev, J.A. Qoʻchqorov, A.S. Sultanov, N.S. Otajonov, Oʻzbekiston Respublikasi Hisob palatasi raisi M.M. Ikramovga shaxsiy masʼuliyat belgilansin.
11. Qishloq xoʻjaligi vazirligi Suv xoʻjaligi vazirligi, Moliya vazirligi, Adliya vazirligi va boshqa manfaatdor vazirliklar va idoralar bilan birgalikda Oʻzbekiston Respublikasi Vazirlar Mahkamasiga qonun hujjatlariga ushbu qarordan kelib chiqadigan oʻzgartirish va qoʻshimchalar yuzasidan ikki hafta muddatda takliflar kiritsin.
12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Hisob palatasi raisi M.M. Ikramov va Oʻzbekiston Respublikasi Bosh prokurori O.B. Murodov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 28-fevral,
PQ-3574-son
Президента Республики Узбекистан
Постановление
О мерах по коренному совершенствованию системы финансирования производства хлопка-сырца и зерновых колосовых
В целях широкого внедрения рыночных отношений и коренного совершенствования механизмов финансирования и взаиморасчетов в сельском хозяйстве, улучшения на этой основе финансово-экономического состояния, повышения рентабельности производителей сельскохозяйственной продукции и обслуживающих их предприятий, обеспечения устойчивого роста объема производимой продукции:
1. Одобрить предложения Министерства финансов, Министерства экономики, Министерства сельского хозяйства Республики Узбекистан, Совета фермерских, дехканских хозяйств и владельцев приусадебных земель Узбекистана, АО «Узпахтасаноат» и АК «Уздонмахсулот»:
а) об установлении с 1 марта 2018 года гарантированных государством цен на закуп хлопка-сырца и зерновых колосовых в разрезе сортов и классов, обеспечивающих повышение рентабельности производителей и стимулирование выращивания высококачественной продукции;
б) о не размещении государственного заказа на хлопок-сырец на землях с низким плодородием почвы и урожайностью менее 15 центнеров с гектара в течение последних 3 лет.
Кабинету Министров Республики Узбекистан в двухнедельный срок на основании предложений Совета Министров Республики Каракалпакстан, хокимиятов областей и районов принять правительственное решение о размещении сельскохозяйственных культур, прежде всего кормовых и масличных культур, реализации плодоовощеводческих и животноводческих проектов на высвобождаемых в соответствии с настоящим пунктом землях.
2. Установить, что:
окончательные расчеты за хлопок-сырец и зерновые колосовые осуществляются в полном объеме до конца года сбора урожая;
на период до конца 2018 года действуют единые розничные цены на дизельное топливо и дизельное топливо ЭКО, устанавливаемые Кабинетом Министров для реализации производителям сельскохозяйственной продукции и автозаправочным станциям по прямым договорам;
реализация минеральных удобрений осуществляется на биржевых торгах с учетом особых условий, определяемых Кабинетом Министров Республики Узбекистан;
стоимость электроэнергии, потребляемой насосными агрегатами фермерских хозяйств и ассоциаций водопотребителей, покрывается за счет субсидий из Государственного бюджета в порядке, определяемом Кабинетом Министров Республики Узбекистан.
3. Отсрочить на 3 года образовавшуюся по состоянию на 1 января 2018 года задолженность фермерских хозяйств, выращивающих хлопок-сырец и зерновые колосовые, перед обслуживающими организациями, включая внутриотраслевую задолженность, а также перед бюджетом и государственными целевыми фондами со списанием начисленных пени и штрафов.
Кабинету Министров Республики Узбекистан в месячный срок обеспечить проведение сплошной инвентаризации задолженности фермерских хозяйств, выращивающих хлопок-сырец и зерновые колосовые, перед бюджетом, государственными целевыми фондами, обслуживающими организациями, включая внутриотраслевую задолженность, образовавшейся по состоянию на 1 января 2018 года, а также принятие соответствующих мер по ее упорядочению.
4. Согласиться с предложением Министерства финансов, Министерства экономики, Министерства сельского хозяйства Республики Узбекистан о:
преобразовании Фонда целевого финансирования государственных закупок сельскохозяйственной продукции и оснащения техникой сельского хозяйства при Кабинете Министров Республики Узбекистан в Фонд государственной поддержки сельского хозяйства (далее — Фонд) и его передаче в ведение Министерства финансов Республики Узбекистан;
формировании страхового счета Фонда на случай резкого снижения мировых цен на хлопковое волокно за счет положительной разницы между прейскурантными и мировыми ценами на хлопковое волокно.
5. Кабинету Министров Республики Узбекистан в недельный срок принять правительственное решение, предусматривающее:
утверждение гарантированных государством цен на закуп хлопка-сырца и зерновых колосовых в разрезе сортов и классов;
особые условия реализации минеральных удобрений на биржевых торгах;
порядок выделения субсидий из Государственного бюджета для покрытия стоимости электроэнергии, потребляемой насосными агрегатами фермерских хозяйств и ассоциаций водопотребителей;
определение объемов кредитных ресурсов в разрезе районов, выделяемых из Фонда, для обеспечения своевременного проведения агротехнических мероприятий по выращиванию хлопка-сырца и зерновых колосовых урожая 2018 года;
определение конкретной сферы ответственности и механизмов контроля за выделением и целевым использованием финансовых ресурсов, осуществлением своевременных и в полном объеме поставок горюче-смазочных материалов, минеральных удобрений, химических средств защиты и других ресурсов и услуг, необходимых для выращивания сельскохозяйственной продукции, соблюдением условий заключенных договоров, а также проведением своевременных взаиморасчетов и возвратом выделяемых кредитных ресурсов;
меры по организации деятельности Фонда;
утверждение баланса производства и реализации минеральных удобрений на 2018 год, учитывая, в первую очередь, удовлетворение потребностей в них производителей сельскохозяйственной продукции.
8. Министерству финансов Республики Узбекистан в недельный срок обеспечить:
размещение в АКБ «Агробанк» средств в размере 150 миллиардов сумов на депозит по ставке 5 процентов годовых для выделения кредитов фермерским хозяйствам, выращивающим зерновые колосовые сверх предусмотренных объемов государственных закупок, по ставке до 10 процентов годовых;
формирование в бюджете Республики Каракалпакстан и местных бюджетах областей целевых средств в размере 50 миллиардов сумов на покрытие расходов по борьбе с вредителями, а также сохранность урожая при чрезвычайных ситуациях за счет предусмотренных в республиканском бюджете средств для финансовой поддержки фермерских хозяйств, выращивающих хлопок-сырец на низкоурожайных землях.
9. Счетной палате Республики Узбекистан (М. Икрамов) обеспечить системный контроль за своевременным выделением и целевым использованием средств Фонда с определением ответственных работников по каждому региону.
Министерству по развитию информационных технологий и коммуникаций Республики Узбекистан и АКБ «Агробанк» в месячный срок обеспечить доступ Счетной палате Республики Узбекистан к базе данных АКБ «Агробанк», позволяющей в режиме реального времени осуществлять контроль за своевременным выделением и целевым использованием средств, выделяемых на закупку хлопка-сырца и зерновых колосовых, в соответствии с требованиями законодательства.
10. Установить персональную ответственность Генерального прокурора О.Б. Муродова, заместителей Премьер-министра З.Т. Мирзаева, Ж.А. Кучкарова, А.С. Султанова, Н.С. Отажонова и председателя Счетной палаты Республики Узбекистан М.М. Икрамова за обеспечение безусловной реализации мер и неукоснительного соблюдения требований по своевременному финансированию производителей сельскохозяйственной продукции, поставке им необходимых объемов минеральных удобрений и горюче-смазочных материалов, а также недопущению спекулятивного роста цен на них.
11. Министерству сельского хозяйства совместно с Министерством водного хозяйства, Министерством финансов, Министерством юстиции и другими заинтересованными ведомствами в двухнедельный срок внести в Кабинет Министров Республики Узбекистан предложения по изменениям и дополнениям в законодательство, вытекающим из настоящего постановления.
12. Контроль за исполнением настоящего постановления возложить на Премьер-министра Республики Узбекистан А.Н. Арипова, председателя Счетной палаты Республики Узбекистан М.М. Икрамова и Генерального прокурора Республики Узбекистан О.Б. Муродова.
Президент Республики Узбекистан Ш. МИРЗИЁЕВ
г. Ташкент,
28 февраля 2018 г.,
№ ПП-3574