📅 2018-yil 5-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 5 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 5 марта 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 5 March 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
тузилмаси
ДАСТУРИ
Тошкент тиббиёт академиясининг Термиз филиалини ташкил этиш тўғрисида
Юқори малакали тиббиёт кадрларини замонавий талаблар ва стандартлар даражасида тайёрлашни янада такомиллаштириш, Сурхондарё вилоятида тиббиёт кадрларига бўлган тақчилликни тўлдириш, илғор ахборот-коммуникация ва таълим технологияларини жорий этиш, бўлажак тиббиёт мутахассисларини назарий тайёрлашни уларнинг амалий кўникмаларни эгаллаши билан узвий боғлиқда таъминлаш асосида ўқув жараёнини ташкил этиш талабларига жавоб берадиган ўқув ва моддий-техника базасини яратиш ва мустаҳкамлаш мақсадида Вазирлар Маҳкамаси қарор қилади:
1. Ўзбекистон Республикаси Соғлиқни сақлаш вазирлиги, Олий ва ўрта махсус таълим вазирлиги, Иқтисодиёт вазирлиги ва Молия вазирлигининг Тошкент тиббиёт академиясининг Термиз филиалини (кейинги ўринларда Филиал деб аталади) ташкил этиш тўғрисидаги таклифи қабул қилинсин.
2. Қуйидагилар филиалнинг асосий вазифалари ва фаолияти йўналишлари этиб белгилансин:
замонавий талабларга жавоб берадиган ва тиббиёт соҳасида илғор технологияларни эгаллаган тиббиёт кадрлари тайёрлаш;
тиббиёт кадрлари тайёрлаш жараёнида замонавий таълим технологияларини ва илғор хорижий тажрибани қўллаган ҳолда ўқув жараёнини ташкил қилиш;
давлат ва хусусий сектор тиббиёт муассасаларида клиника базалари ташкил этиш, клиник ўқув амалиётига профессор-ўқитувчилар таркибини ва талабаларни кенг жалб этиш, касалликларга ташхис қўйиш, улар профилактикаси ва уларни даволашнинг илғор усулларини жорий этиш;
замонавий тиббиёт ютуқларидан фойдаланган ҳолда илмий-амалий тадқиқотлар ва ишланмаларни амалга ошириш.
3. Белгилаб қўйилсинки:
Филиал Тошкент тиббиёт академиясининг таркибий бўлинмаси, юридик шахс мақомига эга бўлган олий таълим муассасаси ҳисобланади, Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга ва бланкаларга, мустақил балансга ҳамда Ўзбекистон Республикаси Молия вазирлигининг Ғазначилигида зарур шахсий ҳисобварақларига эга;
Филиалда ўқиш Филиал учун мослаштирилган ўқув режалари ва дастурлари асосида ташкил этилади;
2018/2019 ўқув йилида ва кейинги ўқув йилларида Филиалга ўқишга қабул қилиш сони олий таълим муассасаларига ҳар йилги қабул квоталарини шакллантиришда белгиланган тартибда аниқланади;
Филиалнинг профессор-ўқитувчилар таркибининг бўш ўринларига ўриндошлик бўйича иш вақти бир ойлик нормагача давом этган ҳолда Филиал ходимлари ва республиканинг бошқа таълим, тиббиёт ва илмий муассасалари ходимлари ўриндошлик бўйича ишга қабул қилиниши мумкин.
Маълумот учун қабул қилинсинки, 2017/2018 ўқув йили учун бакалавриат дастури бўйича Филиалга пулли-контракт асосида 300 киши қабул қилинади, бакалавриатни тамомлаган талабаларнинг Сурхондарё вилоятидаги тиббиёт кадрлари танқис бўлган тиббиёт муассасаларида ўн йил ишлаб бериши мажбурий ҳисобланади.
4. Ўзбекистон Республикаси Соғлиқни сақлаш вазирлиги ҳамда Олий ва ўрта махсус таълим вазирлиги бир ҳафта муддатда:
Филиалнинг устави ишлаб чиқилишини ва тасдиқланишини, шунингдек, унинг белгиланган тартибда давлат рўйхатидан ўтказилишини;
Филиалнинг олий таълим ва илмий-тадқиқот муассасалари, ихтисослаштирилган илмий-амалий марказлар ва улар филиалларининг тажрибали мутахассислари, шунингдек, олий тиббиёт таълим муассасаларининг клиник ординатура ва магистратураси битирувчиларидан иборат бўлган юқори малакали кадрлар билан тўлдирилишини;
Филиал учун мослаштирилган ўқув режалари ва дастурлари ишлаб чиқилиши ва тасдиқланишини;
Филиалда ўқув-методик жараённи самарали ташкил этиш бўйича аниқ чора-тадбирлар амалга оширилишини таъминласинлар.
5. Ўзбекистон Республикаси Олий ва ўрта махсус таълим вазирлиги, Соғлиқни сақлаш вазирлиги, Иқтисодиёт вазирлиги, Молия вазирлиги ҳамда Ўзбекистон Республикаси Вазирлар Маҳкамаси ҳузуридаги Давлат тест марказининг:
2017-2018 ўқув йилида Филиалга абитуриентлар қабул қилишни Сурхондарё вилоятида доимий яшайдиган (ўқишга киришда доимий пропискага эга бўлган), 2017 йилда «Даволаш иши» таълим йўналиши бўйича республиканинг олий тиббиёт таълим муассасаларига ҳужжатлар топширган, танловдан ўтмаган ва тўпланган балларнинг изчиллиги қатъий ҳисобга олинган ҳолда кириш тест синовлари натижалари бўйича тўпланиши мумкин бўлган энг кўп балларнинг камида 30 фоизини (68,0 балл) тўплаган шахслардан ташкил этиш;
Сурхондарё вилоятида доимий яшайдиган, ҳозирги пайтда республиканинг олий тиббиёт таълим муассасаларида ўқитишнинг тўлов-контракт шаклида таълим олаётган шахслар бўлган 4-5-босқичлар талабаларини хоҳишларига кўра, бакалавриат тамомлангандан кейин ушбу талабаларнинг Сурхондарё вилоятининг тиббиёт кадрларига тақчиллик мавжуд бўлган тиббиёт муассасаларида мажбурий тартибда ўн йил ишлаб бериши шарти билан давлат гранти бўйича ўқишга ўтказиш тўғрисидаги таклифи қабул қилинсин.
6. Ўзбекистон Республикаси Соғлиқни сақлаш вазирлиги ҳамда Олий ва ўрта махсус таълим вазирлиги ва Сурхондарё вилояти ҳокимлигининг:
Термиз шаҳри, И. Каримов кўчаси, 64-уй манзилида жойлашган Термиз тиббиёт коллежининг бинолари, иншоотларини туташ ҳудуд, асосий воситалар ва бошқа мол-мулк билан биргаликда Филиални жойлаштириш ва кейинчалик унинг фаолиятини амалга ошириш учун оператив бошқарув ҳуқуқи билан Филиалга бепул бериш;
Термиз тиббиёт коллежини Филиалнинг вақтинча бўш хоналарига, шунингдек, Термиз ижтимоий-иқтисодий касб-ҳунар коллежи ва Термиз саноат-транспорт касб-ҳунар коллежи биноларига бепул фойдаланиш ҳуқуқи билан жойлаштириш ҳақидаги таклифига розилик берилсин.
7. Тошкент тиббиёт академиясининг Термиз филиали тузилмаси 1-иловага мувофиқ тасдиқлансин.
Тошкент тиббиёт академияси ректорига Ўзбекистон Республикаси Соғлиқни сақлаш вазирлиги билан келишган ҳолда, зарурат бўлганда, ходимларнинг белгиланган штатдаги ходимлари сони ва меҳнатга ҳақ тўлаш фонди доирасида, Филиал тузилмасига ўзгартиришлар киритиш ҳуқуқи берилсин.
8. Сурхондарё вилояти ҳокимлиги Ўзбекистон Республикаси Соғлиқни сақлаш вазирлиги билан биргаликда Филиалга хизмат сафарига юборилган педагоглар ва уларнинг оила аъзоларини педагоглар Филиалда ишлаган даврда турар жой билан таъминлаш, уларнинг фарзандларини мактабгача ва умумий ўрта таълим муассасаларига жойлаштириш бўйича комплекс чора-тадбирларни амалга оширсин.
9. Қуйидагилар Филиал фаолиятини молиялаштириш манбалари этиб белгилансин:
Ўзбекистон Республикаси Давлат бюджетидан ажратиладиган маблағлар;
талабаларнинг пулли-контракт асосида таълим олишидан, шартномалар асосида хизматлар кўрсатишдан тушадиган пул маблағлари;
юридик ва жисмоний шахсларнинг хайрия эҳсонлари ҳамда мақсадли бадаллари;
халқаро молия институтларининг грантлари, шунингдек, қонун ҳужжатларида тақиқланмаган бошқа манбалар.
Белгилансинки, 2017/2018 ўқув йилида Филиални сақлашга бюджетдан ажратиладиган маблағлар Ўзбекистон Республикаси Соғлиқни сақлаш вазирлигининг асосланган ҳисоб-китоблари бўйича, Ўзбекистон Республикаси Давлат бюджетининг 2018 йил учун ижтимоий соҳага тасдиқланган параметрлари доирасида ажратилади, 2019 йилдан бошлаб эса Ўзбекистон Республикаси Давлат бюджетининг ушбу соҳага ажратиладиган харажатлари параметрларида назарда тутилади.
10. Филиалга иккита енгил автотранспорт воситасини, шу жумладан, битта шахсий ва битта навбатчи автотранспортни сақлашга лимит ажратилсин.
11. Тошкент тиббиёт академиясининг Термиз филиалини 2018 — 2020 йиллар даврида ўқув-лаборатория комплекслари билан жиҳозлаш дастури 2-иловага мувофиқ тасдиқлансин.
12. Ўзбекистон Республикаси Инвестициялар бўйича давлат қўмитаси Соғлиқни сақлаш вазирлигининг асосланган ҳисоб-китобларига биноан 2019 йил ва кейинги йиллар учун Ўзбекистон Республикасини ривожлантириш давлат дастурларини шакллантиришда таъмирлаш-тиклаш ишлари ва Филиални ўқув-лаборатория комплекслари ва ахборот-коммуникация технологиялари воситалари билан жиҳозлаш бўйича лойиҳаларнинг уларга белгиланган тартибда киритилишини назарда тутсин.
13. Ўзбекистон Республикаси Соғлиқни сақлаш вазирлиги Ахборот технологиялари ва коммуникацияларини ривожлантириш вазирлиги билан биргаликда Филиалда ахборот ва мультимедиа ускуналари қўлланилган, шу жумладан, масофадан ўқитишдан, ўқув жараёнида вебинарлар, телемаслаҳатлар ва телетиббиётдан фойдаланишни назарда тутган ҳолда замонавий таълим технологияларини жорий этиш бўйича аниқ тадбирлар режасини бир ҳафта муддатда ишлаб чиқсин ва тасдиқласин.
14. Ўзбекистон Республикаси Соғлиқни сақлаш вазирлиги манфаатдор вазирликлар ва идоралар билан биргаликда икки ой муддатда:
ўқитишнинг тўлов-контракт шаклидан давлат гранти бўйича таълим олишга ўтказилган талабаларнинг мажбурий тартибда ўн йил ишлаб бериши тўғрисидаги низомни ишлаб чиқсин ва тасдиқласин;
қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин;
ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
15. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Қ.В. Акмалов, Ўзбекистон Республикаси Соғлиқни сақлаш вазири А.К. Шадманов, Ўзбекистон Республикаси Олий ва ўрта махсус таълим вазири И.У. Маджидов ва Сурхондарё вилояти ҳокими Э.О. Турдимов зиммасига юклансин.
Вазирлар Маҳкамасининг 2018 йил 5 мартдаги 172-сон қарорига 1-ИЛОВА
Тошкент тиббиёт академиясининг Термиз филиали
Вазирлар Маҳкамасининг 2018 йил 5 мартдаги 172-сон қарорига 2-ИЛОВА
2018 — 2020 йиллар даврида Тошкент тиббиёт академиясининг Термиз филиалини ўқув-лаборатория комплекслари билан жиҳозлаш
Т/р Ўқув-лаборатория комплексларининг номи Молиявий харажатлар * (млн сўм) 2018 йил 1 . Физика бўйича ўқув-лаборатория комплекси 1 105,4 2 . Кимё бўйича ўқув-лаборатория комплекси 1 560,7 3 . Биология бўйича ўқув-лаборатория комплекси 551,0 Жами: 3 217,1 2019 йил 1 . Микробиология бўйича ўқув-лаборатория комплекси 829,6 2 . Физиология, патологик физиология ва анатомия бўйича ўқув-лаборатория мажмуаси 1 280,5 Жами: 2 110,1 2020 йил 1 . Ўқув-лаборатория комплекси — қишлоқ врачлик пункти модели 147,5 2 . Ўқув-лаборатория симуляция маркази — фантом зали 730,3 Жами: 877,8 Ҳаммаси: 6 205,0
Ўзбекистон Республикасининг Бош вазири А. АРИПОВ
Тошкент ш.,
2018 йил 5 март,
172-сон
Oʻzbekiston Respublikasi Vazirlar Mahkamasining
qarori
tuzilmasi
DASTURI
Toshkent tibbiyot akademiyasining Termiz filialini tashkil etish toʻgʻrisida
Yuqori malakali tibbiyot kadrlarini zamonaviy talablar va standartlar darajasida tayyorlashni yanada takomillashtirish, Surxondaryo viloyatida tibbiyot kadrlariga boʻlgan taqchillikni toʻldirish, ilgʻor axborot-kommunikatsiya va taʼlim texnologiyalarini joriy etish, boʻlajak tibbiyot mutaxassislarini nazariy tayyorlashni ularning amaliy koʻnikmalarni egallashi bilan uzviy bogʻliqda taʼminlash asosida oʻquv jarayonini tashkil etish talablariga javob beradigan oʻquv va moddiy-texnika bazasini yaratish va mustahkamlash maqsadida Vazirlar Mahkamasi qaror qiladi:
1. Oʻzbekiston Respublikasi Sogʻliqni saqlash vazirligi, Oliy va oʻrta maxsus taʼlim vazirligi, Iqtisodiyot vazirligi va Moliya vazirligining Toshkent tibbiyot akademiyasining Termiz filialini (keyingi oʻrinlarda Filial deb ataladi) tashkil etish toʻgʻrisidagi taklifi qabul qilinsin.
2. Quyidagilar filialning asosiy vazifalari va faoliyati yoʻnalishlari etib belgilansin:
zamonaviy talablarga javob beradigan va tibbiyot sohasida ilgʻor texnologiyalarni egallagan tibbiyot kadrlari tayyorlash;
tibbiyot kadrlari tayyorlash jarayonida zamonaviy taʼlim texnologiyalarini va ilgʻor xorijiy tajribani qoʻllagan holda oʻquv jarayonini tashkil qilish;
davlat va xususiy sektor tibbiyot muassasalarida klinika bazalari tashkil etish, klinik oʻquv amaliyotiga professor-oʻqituvchilar tarkibini va talabalarni keng jalb etish, kasalliklarga tashxis qoʻyish, ular profilaktikasi va ularni davolashning ilgʻor usullarini joriy etish;
zamonaviy tibbiyot yutuqlaridan foydalangan holda ilmiy-amaliy tadqiqotlar va ishlanmalarni amalga oshirish.
3. Belgilab qoʻyilsinki:
Filial Toshkent tibbiyot akademiyasining tarkibiy boʻlinmasi, yuridik shaxs maqomiga ega boʻlgan oliy taʼlim muassasasi hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga hamda Oʻzbekiston Respublikasi Moliya vazirligining Gʻaznachiligida zarur shaxsiy hisobvaraqlariga ega;
Filialda oʻqish Filial uchun moslashtirilgan oʻquv rejalari va dasturlari asosida tashkil etiladi;
2018/2019 oʻquv yilida va keyingi oʻquv yillarida Filialga oʻqishga qabul qilish soni oliy taʼlim muassasalariga har yilgi qabul kvotalarini shakllantirishda belgilangan tartibda aniqlanadi;
Filialning professor-oʻqituvchilar tarkibining boʻsh oʻrinlariga oʻrindoshlik boʻyicha ish vaqti bir oylik normagacha davom etgan holda Filial xodimlari va respublikaning boshqa taʼlim, tibbiyot va ilmiy muassasalari xodimlari oʻrindoshlik boʻyicha ishga qabul qilinishi mumkin.
Maʼlumot uchun qabul qilinsinki, 2017/2018 oʻquv yili uchun bakalavriat dasturi boʻyicha Filialga pulli-kontrakt asosida 300 kishi qabul qilinadi, bakalavriatni tamomlagan talabalarning Surxondaryo viloyatidagi tibbiyot kadrlari tanqis boʻlgan tibbiyot muassasalarida oʻn yil ishlab berishi majburiy hisoblanadi.
4. Oʻzbekiston Respublikasi Sogʻliqni saqlash vazirligi hamda Oliy va oʻrta maxsus taʼlim vazirligi bir hafta muddatda:
Filialning ustavi ishlab chiqilishini va tasdiqlanishini, shuningdek, uning belgilangan tartibda davlat roʻyxatidan oʻtkazilishini;
Filialning oliy taʼlim va ilmiy-tadqiqot muassasalari, ixtisoslashtirilgan ilmiy-amaliy markazlar va ular filiallarining tajribali mutaxassislari, shuningdek, oliy tibbiyot taʼlim muassasalarining klinik ordinatura va magistraturasi bitiruvchilaridan iborat boʻlgan yuqori malakali kadrlar bilan toʻldirilishini;
Filial uchun moslashtirilgan oʻquv rejalari va dasturlari ishlab chiqilishi va tasdiqlanishini;
Filialda oʻquv-metodik jarayonni samarali tashkil etish boʻyicha aniq chora-tadbirlar amalga oshirilishini taʼminlasinlar.
5. Oʻzbekiston Respublikasi Oliy va oʻrta maxsus taʼlim vazirligi, Sogʻliqni saqlash vazirligi, Iqtisodiyot vazirligi, Moliya vazirligi hamda Oʻzbekiston Respublikasi Vazirlar Mahkamasi huzuridagi Davlat test markazining:
2017-2018 oʻquv yilida Filialga abituriyentlar qabul qilishni Surxondaryo viloyatida doimiy yashaydigan (oʻqishga kirishda doimiy propiskaga ega boʻlgan), 2017-yilda “Davolash ishi” taʼlim yoʻnalishi boʻyicha respublikaning oliy tibbiyot taʼlim muassasalariga hujjatlar topshirgan, tanlovdan oʻtmagan va toʻplangan ballarning izchilligi qatʼiy hisobga olingan holda kirish test sinovlari natijalari boʻyicha toʻplanishi mumkin boʻlgan eng koʻp ballarning kamida 30 foizini (68,0 ball) toʻplagan shaxslardan tashkil etish;
Surxondaryo viloyatida doimiy yashaydigan, hozirgi paytda respublikaning oliy tibbiyot taʼlim muassasalarida oʻqitishning toʻlov-kontrakt shaklida taʼlim olayotgan shaxslar boʻlgan 4-5-bosqichlar talabalarini xohishlariga koʻra, bakalavriat tamomlangandan keyin ushbu talabalarning Surxondaryo viloyatining tibbiyot kadrlariga taqchillik mavjud boʻlgan tibbiyot muassasalarida majburiy tartibda oʻn yil ishlab berishi sharti bilan davlat granti boʻyicha oʻqishga oʻtkazish toʻgʻrisidagi taklifi qabul qilinsin.
6. Oʻzbekiston Respublikasi Sogʻliqni saqlash vazirligi hamda Oliy va oʻrta maxsus taʼlim vazirligi va Surxondaryo viloyati hokimligining:
Termiz shahri, I. Karimov koʻchasi, 64-uy manzilida joylashgan Termiz tibbiyot kollejining binolari, inshootlarini tutash hudud, asosiy vositalar va boshqa mol-mulk bilan birgalikda Filialni joylashtirish va keyinchalik uning faoliyatini amalga oshirish uchun operativ boshqaruv huquqi bilan Filialga bepul berish;
Termiz tibbiyot kollejini Filialning vaqtincha boʻsh xonalariga, shuningdek, Termiz ijtimoiy-iqtisodiy kasb-hunar kolleji va Termiz sanoat-transport kasb-hunar kolleji binolariga bepul foydalanish huquqi bilan joylashtirish haqidagi taklifiga rozilik berilsin.
7. Toshkent tibbiyot akademiyasining Termiz filiali tuzilmasi 1-ilovaga muvofiq tasdiqlansin.
Toshkent tibbiyot akademiyasi rektoriga Oʻzbekiston Respublikasi Sogʻliqni saqlash vazirligi bilan kelishgan holda, zarurat boʻlganda, xodimlarning belgilangan shtatdagi xodimlari soni va mehnatga haq toʻlash fondi doirasida, Filial tuzilmasiga oʻzgartirishlar kiritish huquqi berilsin.
8. Surxondaryo viloyati hokimligi Oʻzbekiston Respublikasi Sogʻliqni saqlash vazirligi bilan birgalikda Filialga xizmat safariga yuborilgan pedagoglar va ularning oila aʼzolarini pedagoglar Filialda ishlagan davrda turar joy bilan taʼminlash, ularning farzandlarini maktabgacha va umumiy oʻrta taʼlim muassasalariga joylashtirish boʻyicha kompleks chora-tadbirlarni amalga oshirsin.
9. Quyidagilar Filial faoliyatini moliyalashtirish manbalari etib belgilansin:
Oʻzbekiston Respublikasi Davlat budjetidan ajratiladigan mablagʻlar;
talabalarning pulli-kontrakt asosida taʼlim olishidan, shartnomalar asosida xizmatlar koʻrsatishdan tushadigan pul mablagʻlari;
yuridik va jismoniy shaxslarning xayriya ehsonlari hamda maqsadli badallari;
xalqaro moliya institutlarining grantlari, shuningdek, qonun hujjatlarida taqiqlanmagan boshqa manbalar.
Belgilansinki, 2017/2018 oʻquv yilida Filialni saqlashga budjetdan ajratiladigan mablagʻlar Oʻzbekiston Respublikasi Sogʻliqni saqlash vazirligining asoslangan hisob-kitoblari boʻyicha, Oʻzbekiston Respublikasi Davlat budjetining 2018-yil uchun ijtimoiy sohaga tasdiqlangan parametrlari doirasida ajratiladi, 2019-yildan boshlab esa Oʻzbekiston Respublikasi Davlat budjetining ushbu sohaga ajratiladigan xarajatlari parametrlarida nazarda tutiladi.
10. Filialga ikkita yengil avtotransport vositasini, shu jumladan, bitta shaxsiy va bitta navbatchi avtotransportni saqlashga limit ajratilsin.
11. Toshkent tibbiyot akademiyasining Termiz filialini 2018 — 2020-yillar davrida oʻquv-laboratoriya komplekslari bilan jihozlash dasturi 2-ilovaga muvofiq tasdiqlansin.
12. Oʻzbekiston Respublikasi Investitsiyalar boʻyicha davlat qoʻmitasi Sogʻliqni saqlash vazirligining asoslangan hisob-kitoblariga binoan 2019-yil va keyingi yillar uchun Oʻzbekiston Respublikasini rivojlantirish davlat dasturlarini shakllantirishda taʼmirlash-tiklash ishlari va Filialni oʻquv-laboratoriya komplekslari va axborot-kommunikatsiya texnologiyalari vositalari bilan jihozlash boʻyicha loyihalarning ularga belgilangan tartibda kiritilishini nazarda tutsin.
13. Oʻzbekiston Respublikasi Sogʻliqni saqlash vazirligi Axborot texnologiyalari va kommunikatsiyalarini rivojlantirish vazirligi bilan birgalikda Filialda axborot va multimedia uskunalari qoʻllanilgan, shu jumladan, masofadan oʻqitishdan, oʻquv jarayonida vebinarlar, telemaslahatlar va teletibbiyotdan foydalanishni nazarda tutgan holda zamonaviy taʼlim texnologiyalarini joriy etish boʻyicha aniq tadbirlar rejasini bir hafta muddatda ishlab chiqsin va tasdiqlasin.
14. Oʻzbekiston Respublikasi Sogʻliqni saqlash vazirligi manfaatdor vazirliklar va idoralar bilan birgalikda ikki oy muddatda:
oʻqitishning toʻlov-kontrakt shaklidan davlat granti boʻyicha taʼlim olishga oʻtkazilgan talabalarning majburiy tartibda oʻn yil ishlab berishi toʻgʻrisidagi nizomni ishlab chiqsin va tasdiqlasin;
qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin;
oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
15. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Q.V. Akmalov, Oʻzbekiston Respublikasi Sogʻliqni saqlash vaziri A.K. Shadmanov, Oʻzbekiston Respublikasi Oliy va oʻrta maxsus taʼlim vaziri I.U. Madjidov va Surxondaryo viloyati hokimi E.O. Turdimov zimmasiga yuklansin.
Vazirlar Mahkamasining 2018-yil 5-martdagi 172-son qaroriga 1-ILOVA
Toshkent tibbiyot akademiyasining Termiz filiali
Vazirlar Mahkamasining 2018-yil 5-martdagi 172-son qaroriga 2-ILOVA
2018 — 2020-yillar davrida Toshkent tibbiyot akademiyasining Termiz filialini oʻquv-laboratoriya komplekslari bilan jihozlash
T/r Oʻquv-laboratoriya komplekslarining nomi Moliyaviy xarajatlar * (mln soʻm) 2018-yil 1 . Fizika boʻyicha oʻquv-laboratoriya kompleksi 1 105,4 2 . Kimyo boʻyicha oʻquv-laboratoriya kompleksi 1 560,7 3 . Biologiya boʻyicha oʻquv-laboratoriya kompleksi 551,0 Jami: 3 217,1 2019-yil 1 . Mikrobiologiya boʻyicha oʻquv-laboratoriya kompleksi 829,6 2 . Fiziologiya, patologik fiziologiya va anatomiya boʻyicha oʻquv-laboratoriya majmuasi 1 280,5 Jami: 2 110,1 2020-yil 1 . Oʻquv-laboratoriya kompleksi — qishloq vrachlik punkti modeli 147,5 2 . Oʻquv-laboratoriya simulyatsiya markazi — fantom zali 730,3 Jami: 877,8 Hammasi: 6 205,0
Oʻzbekiston Respublikasining Bosh vaziri A. ARIPOV
Toshkent sh.,
2018-yil 5-mart,
172-son
Кабинета Министров Республики Узбекистан
Постановление
Структура
Программа
Об образовании Термезского филиала Ташкентской медицинской академии
В целях дальнейшего совершенствования системы подготовки высококвалифицированных медицинских кадров на уровне современных требований и стандартов, восполнения дефицита медицинских кадров в Сурхандарьинской области, создания учебной и укрепления материально-технической базы, отвечающей требованиям организации учебного процесса, на основе внедрения передовых информационно-коммуникационных и образовательных технологий, обеспечения тесной увязки теоретической подготовки будущих медицинских специалистов с овладением ими практическими навыками Кабинет Министров постановляет:
1. Принять предложение Министерства здравоохранения, Министерства высшего и среднего специального образования, Министерства экономики и Министерства финансов Республики Узбекистан об образовании Термезского филиала Ташкентской медицинской академии (далее — Филиал).
2. Определить основными задачами и направлениями деятельности Филиала:
подготовку высококвалифицированных медицинских кадров, отвечающих современным требованиям и владеющих передовыми технологиями в области медицины;
организацию учебного процесса с применением современных образовательных технологий и передового зарубежного опыта в процессе подготовки медицинских кадров;
создание клинических баз в медицинских учреждениях государственного и частного сектора, широкое привлечение профессорско-преподавательского состава и студентов в процесс клинической учебной практики, внедрение передовых методов диагностики, профилактики и лечения заболеваний;
осуществление научно-практических исследований и разработок с использованием передовых достижений современной медицины.
3. Установить, что:
Филиал является структурным подразделением Ташкентской медицинской академии — высшим образовательным учреждением со статусом юридического лица, имеет печать и бланки с изображением Государственного герба Республики Узбекистан и наименованием на государственном языке, самостоятельный баланс и необходимые лицевые счета в Казначействе Министерства финансов Республики Узбекистан;
обучение в Филиале организуется по адаптированным для Филиала учебным планам и программам;
количество приема в Филиал на 2018/2019 учебный год и в последующем определяется в установленном порядке при формировании ежегодных квот приема в высшие образовательные учреждения;
на вакантные места профессорско-преподавательского состава Филиала могут приниматься на работу по совместительству работники Филиала и других образовательных, медицинских и научных учреждений республики с продолжительностью рабочего времени по совместительству до одной месячной нормы рабочего времени.
Принять к сведению, что прием в Филиал по программе бакалавриата на 2017/2018 учебный год осуществляется на платно-контрактной основе в количестве 300 человек, с обязательной десятилетней отработкой студентами после окончания бакалавриата в медицинских учреждениях Сурхандарьинской области, в которых имеется дефицит медицинских кадров.
4. Министерству здравоохранения и Министерству высшего и среднего специального образования Республики Узбекистан обеспечить:
в недельный срок разработку и утверждение устава Филиала, а также его государственную регистрацию в установленном порядке;
укомплектование Филиала высококвалифицированными кадрами из числа опытных специалистов высших образовательных и научно-исследовательских учреждений, научно-практических специализированных центров и их филиалов, а также выпускников клинической ординатуры и магистратуры медицинских высших образовательных учреждений;
разработку и утверждение адаптированных для Филиала учебных планов и программ;
реализацию конкретных мер по эффективной организации учебно-методического процесса в Филиале.
5. Принять предложение Министерства высшего и среднего специального образования, Министерства здравоохранения, Министерства экономики, Министерства финансов и Государственного центра тестирования при Кабинете Министров Республики Узбекистан об организации:
приема абитуриентов в Филиал на 2017/2018 учебный год из числа лиц, постоянно проживающих в Сурхандарьинской области (имеющих постоянную прописку на момент зачисления), подавших в 2017 году документы в медицинские высшие образовательные учреждения республики по направлению образования «Лечебное дело», не прошедших по конкурсу и набравших по результатам вступительных тестовых испытаний не менее 30 процентов от максимального количества баллов (68,0 баллов), со строгим учетом последовательности набранных баллов;
в 2017/2018 учебном году перевода изъявивших желание студентов 4-5-х курсов из числа лиц, постоянно проживающих в Сурхандарьинской области, обучающихся на данный период в медицинских высших образовательных учреждениях республики по направлению образования «Лечебное дело», с платно-контрактной формы обучения на обучение по государственному гранту, с условием обязательной десятилетней отработки студентами после окончания бакалавриата в медицинских учреждениях Сурхандарьинской области, в которых имеется дефицит медицинских кадров.
6. Согласиться с предложениями Министерства здравоохранения, Министерства высшего и среднего специального образования Республики Узбекистан и хокимията Сурхандарьинской области о:
безвозмездной передаче Филиалу на праве оперативного управления зданий и сооружений с прилегающей территорией, основных средств и другого имущества Термезского медицинского колледжа, расположенного по адресу: г. Термез, ул. И. Каримова, 64, для размещения и последующего осуществления деятельности Филиала;
размещении Термезского медицинского колледжа во временно пустующих помещениях Филиала, а также в зданиях Термезского социально-экономического профессионального колледжа и Термезского промышленно-транспортного профессионального колледжа на праве безвозмездного пользования.
7. Утвердить структуру Термезского филиала Ташкентской медицинской академии согласно приложению № 1 .
Предоставить право ректору Ташкентской медицинской академии по согласованию с Министерством здравоохранения Республики Узбекистан вносить, при необходимости, изменения в структуру Филиала в пределах установленной штатной численности работников и фонда оплаты труда.
8. Хокимияту Сурхандарьинской области совместно с Министерством здравоохранения Республики Узбекистан реализовать комплекс мер по обеспечению жильем откомандированных в Филиал педагогов и членов их семей, устройству их детей в дошкольные и общие средние образовательные учреждения на период работы педагогов в Филиале.
9. Определить источниками финансирования деятельности Филиала:
ассигнования, выделяемые из Государственного бюджета Республики Узбекистан;
денежные средства от поступлений за обучение студентов на платно-контрактной основе, оказания услуг на основании договоров;
благотворительные пожертвования и целевые взносы юридических и физических лиц;
гранты международных финансовых институтов, а также иные источники, не запрещенные законодательством.
Установить, что бюджетные ассигнования на содержание Филиала в 2017/2018 учебном году выделяются по обоснованным расчетам Министерства здравоохранения Республики Узбекистан в пределах утвержденных параметров Государственного бюджета Республики Узбекистан 2018 года на социальную сферу, а начиная с 2019 года предусматриваются в параметрах расходов Государственного бюджета Республики Узбекистан, выделяемых на данную сферу.
10. Выделить Филиалу лимит на содержание двух легковых автотранспортных средств, в том числе одного персонального и одного дежурного.
11. Утвердить Программу оснащения Термезского филиала Ташкентской медицинской академии учебно-лабораторными комплексами на период 2018 — 2020 годы согласно приложению № 2 .
12. Государственному комитету Республики Узбекистан по инвестициям по обоснованным расчетам Министерства здравоохранения Республики Узбекистан при формировании государственных программ развития Республики Узбекистан на 2019 и последующие годы предусматривать в установленном порядке включение в них проектов по ремонтно-восстановительным работам и оснащению Филиала учебно-лабораторными комплексами и средствами информационно-коммуникационных технологий.
13. Министерству здравоохранения совместно с Министерством по развитию информационных технологий и коммуникаций Республики Узбекистан в недельный срок разработать и утвердить план конкретных мер по внедрению в Филиале современных образовательных технологий с применением информационного и мультимедийного оборудования, в том числе предусмотрев использование дистанционной формы обучения, вебинаров, телеконсультаций и телемедицины в учебном процессе.
14. Министерству здравоохранения Республики Узбекистан совместно с заинтересованными министерствами и ведомствами в двухмесячный срок:
разработать и утвердить Положение о порядке обязательной десятилетней отработки студентами, переведенными с платно-контрактной формы обучения на обучение по государственному гранту;
внести в Кабинет Министров предложения об изменениях и дополнениях в законодательство, вытекающих из настоящего постановления;
привести принятые ими нормативно-правовые акты в соответствие с настоящим постановлением.
15. Контроль за исполнением настоящего постановления возложить на заместителя Премьер-министра Республики Узбекистан К.В. Акмалова, министра здравоохранения Республики Узбекистан А.К. Шадманова, министра высшего и среднего специального образования Республики Узбекистан И.У. Маджидова и хокима Сурхандарьинской области Э.О. Турдимова
ПРИЛОЖЕНИЕ № 1 к постановлению Кабинета Министров от 5 марта 2018 года № 172
Термезского филиала Ташкентской медицинской академии
ПРИЛОЖЕНИЕ № 2 к постановлению Кабинета Министров от 5 марта 2018 года № 172
оснащения Термезского филиала Ташкентской медицинской академии учебно-лабораторными комплексами на период 2018 — 2020 годы
№ Наименование учебно-лабораторных комплексов Финансовые затраты * (млн. сум) 2018 год 1 . Учебно-лабораторный комплекс по физике 1 105,4 2 . Учебно-лабораторный комплекс по химии 1 560,7 3 . Учебно-лабораторный комплекс по биологии 551,0 Итого: 3 217,1 2019 год 1 . Учебно-лабораторный комплекс по микробиологии 829,6 2 . Учебно-лабораторный комплекс по физиологии, патологической физиологии и анатомии 1 280,5 Итого: 2 110,1 2020 год 1 . Учебно-лабораторный комплекс — модель сельского врачебного пункта 147,5 2 . Учебно-лабораторный симуляционный центр — фантомный зал 730,3 Итого: 877,8 Всего 6 205,0
Премьер-министр Республики Узбекистан А. АРИПОВ
г. Ташкент,
5 марта 2018 г.,
№ 172