📅 2018-yil 12-mart · Vazirlik va idoralar hujjatlari · Adliya vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 12 март · Вазирлик ва идоралар ҳужжатлари · Адлия вазири
Расмий матн. Расмий ҳужжат. Таҳририй изоҳлар киритилмаган.
📅 12 марта 2018 г. · Документы министерств и ведомств · Министр юстиции
Официальный текст. Официальный документ. Редакционные примечания не включены.
📅 12 March 2018 · Ministry and agency documents · Adliya vaziri
Official text. Official document. Editorial notes are not included.
Ўзбекистон Республикаси Адлия вазирининг
буйруғи
Идоравий норматив-ҳуқуқий ҳужжатни давлат реестридан чиқариш тўғрисида
Идоравий норматив-ҳуқуқий ҳужжатни давлат реестридан чиқариш бўйича 2018 йил 9 мартдаги хулосага мувофиқ ҳамда Ўзбекистон Республикаси Президентининг 2011 йил 23 августдаги ПҚ-1602-сон «Ўзбекистон Республикаси Адлия вазирлиги фаолиятини янада такомиллаштириш чора-тадбирлари тўғрисида»ги қарорига , Вазирлар Маҳкамасининг 1997 йил 9 октябрдаги 469-сон « Вазирликлар, давлат қўмиталари ва идоралар меъёрий ҳужжатларининг қонунийлигини таъминлаш чора-тадбирлари тўғрисида »ги ҳамда 2000 йил 19 майдаги 197-сон « Вазирликлар, давлат қўмиталари ва идораларнинг меъёрий ҳужжатларини қабул қилиш тартибини такомиллаштириш тўғрисида »ги қарорларига асосан, буюраман:
1. Ўзбекистон Республикаси Марказий банкининг 2018 йил 1 мартдаги 32-12/554-сон ва Молия вазирлигининг 2018 йил 14 февралдаги АХ/03-02-32-28/38-сон «Бюджет ва давлат мақсадли жамғармаларига тўловлар бўйича қарзларни тўлаш муддатини кечиктириш ва (ёки) бўлиб-бўлиб тўлаш имконини бериш, пеня ҳисоблашни тўхтатиш, шунингдек пеня ва жарима санкцияларини ҳисобдан чиқариш тўғрисидаги низомни тасдиқлаш ҳақида»ги қарор (рўйхат рақами 1442, 2005 йил 14 январь), шунингдек унга ўзгартиришларни (рўйхат рақами 1442-1 , 2016 йил 20 июнь), (рўйхат рақами 1442-2 , 2017 йил 4 декабрь) Идоравий норматив-ҳуқуқий ҳужжатларнинг давлат реестридан чиқариш масаласи юзасидан хатлари маълумот учун қабул қилинсин.
2. Қуйидагилар:
Муддати ўтказиб юборилган дебиторлик ва кредиторлик қарзларни қисқартиш ва бюджетга тўловлар интизомини мустаҳкамлаш бўйича Республика комиссиясининг 2004 йил 10 декабрдаги 60-сон «Бюджет ва давлат мақсадли жамғармаларига тўловлар бўйича қарзларни тўлаш муддатини кечиктириш ва (ёки) бўлиб-бўлиб тўлаш имконини бериш, пеня ҳисоблашни тўхтатиш, шунингдек пеня ва жарима санкцияларини ҳисобдан чиқариш тўғрисидаги низомни тасдиқлаш ҳақида»ги қарори (рўйхат рақами 1442, 2005 йил 14 январь);
Муддати ўтказиб юборилган дебиторлик ва кредиторлик қарзларни қисқартиш ва бюджетга тўловлар интизомини мустаҳкамлаш бўйича Республика комиссиясининг 2016 йил 10 июндаги 37-сон «Бюджет ва давлат мақсадли жамғармаларига тўловлар бўйича қарзларни тўлаш муддатини кечиктириш ва (ёки) бўлиб-бўлиб тўлаш имконини бериш, пеня ҳисоблашни тўхтатиш, шунингдек пеня ва жарима санкцияларини ҳисобдан чиқариш тўғрисидаги низомга ўзгартиришлар киритиш тўғрисида»ги қарори (рўйхат рақами 1442-1, 2016 йил 20 июнь);
Муддати ўтказиб юборилган дебиторлик ва кредиторлик қарзларни қисқартиш ва бюджетга тўловлар интизомини мустаҳкамлаш бўйича Республика комиссиясининг 2017 йил 24 ноябрдаги 415, 162-сон «Бюджет ва давлат мақсадли жамғармаларига тўловлар бўйича қарзларни тўлаш муддатини кечиктириш ва (ёки) бўлиб-бўлиб тўлаш имконини бериш, пеня ҳисоблашни тўхтатиш, шунингдек пеня ва жарима санкцияларини ҳисобдан чиқариш тўғрисидаги низомга ўзгартиришлар киритиш тўғрисида»ги қарори (рўйхат рақами 1442-2, 2017 йил 4 декабрь) Идоравий норматив-ҳуқуқий ҳужжатларнинг давлат реестридан чиқарилсин.
3. Мазкур буйруқ давлат рўйхатидан ўтказилсин ва бу ҳақда Идоравий норматив-ҳуқуқий ҳужжатларнинг давлат реестрига тегишли ёзув киритилсин.
4. Ҳуқуқий тарғибот ва ахборот бошқармаси ушбу буйруқни «Ўзбекистон Республикаси қонун ҳужжатлари тўплами» — «Собрание законодательства Республики Узбекистан»да ҳамда Ўзбекистон Республикаси Қонун ҳужжатлари маълумотлари миллий базасида эълон қилинишини таъминласин.
5. Мазкур буйруқ расмий эълон қилинган кундан эътиборан кучга киради.
6. Мазкур буйруқнинг ижросини назорат қилиш вазирнинг биринчи ўринбосари Н. Жўраев зиммасига юклансин.
Вазир Р. ДАВЛЕТОВ
Тошкент ш.,
2018 йил 12 март,
145-мҳ-сон
Oʻzbekiston Respublikasi Adliya vazirining
buyrugʻi
Idoraviy normativ-huquqiy hujjatni davlat reyestridan chiqarish toʻgʻrisida
Idoraviy normativ-huquqiy hujjatni davlat reyestridan chiqarish boʻyicha 2018-yil 9-martdagi xulosaga muvofiq hamda Oʻzbekiston Respublikasi Prezidentining 2011-yil 23-avgustdagi PQ-1602-son “Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida”gi qaroriga , Vazirlar Mahkamasining 1997-yil 9-oktabrdagi 469-son “ Vazirliklar, davlat qoʻmitalari va idoralar meʼyoriy hujjatlarining qonuniyligini taʼminlash chora-tadbirlari toʻgʻrisida ”gi hamda 2000-yil 19-maydagi 197-son “ Vazirliklar, davlat qoʻmitalari va idoralarning meʼyoriy hujjatlarini qabul qilish tartibini takomillashtirish toʻgʻrisida ”gi qarorlariga asosan, buyuraman:
1. Oʻzbekiston Respublikasi Markaziy bankining 2018-yil 1-martdagi 32-12/554-son va Moliya vazirligining 2018-yil 14-fevraldagi AX/03-02-32-28/38-son “Budjet va davlat maqsadli jamgʻarmalariga toʻlovlar boʻyicha qarzlarni toʻlash muddatini kechiktirish va (yoki) boʻlib-boʻlib toʻlash imkonini berish, penya hisoblashni toʻxtatish, shuningdek penya va jarima sanksiyalarini hisobdan chiqarish toʻgʻrisidagi nizomni tasdiqlash haqida”gi qaror (roʻyxat raqami 1442, 2005-yil 14-yanvar), shuningdek unga oʻzgartirishlarni (roʻyxat raqami 1442-1 , 2016-yil 20-iyun), (roʻyxat raqami 1442-2 , 2017-yil 4-dekabr) Idoraviy normativ-huquqiy hujjatlarning davlat reyestridan chiqarish masalasi yuzasidan xatlari maʼlumot uchun qabul qilinsin.
2. Quyidagilar:
Muddati oʻtkazib yuborilgan debitorlik va kreditorlik qarzlarni qisqartish va budjetga toʻlovlar intizomini mustahkamlash boʻyicha Respublika komissiyasining 2004-yil 10-dekabrdagi 60-son “Budjet va davlat maqsadli jamgʻarmalariga toʻlovlar boʻyicha qarzlarni toʻlash muddatini kechiktirish va (yoki) boʻlib-boʻlib toʻlash imkonini berish, penya hisoblashni toʻxtatish, shuningdek penya va jarima sanksiyalarini hisobdan chiqarish toʻgʻrisidagi nizomni tasdiqlash haqida”gi qarori (roʻyxat raqami 1442, 2005-yil 14-yanvar);
Muddati oʻtkazib yuborilgan debitorlik va kreditorlik qarzlarni qisqartish va budjetga toʻlovlar intizomini mustahkamlash boʻyicha Respublika komissiyasining 2016-yil 10-iyundagi 37-son “Budjet va davlat maqsadli jamgʻarmalariga toʻlovlar boʻyicha qarzlarni toʻlash muddatini kechiktirish va (yoki) boʻlib-boʻlib toʻlash imkonini berish, penya hisoblashni toʻxtatish, shuningdek penya va jarima sanksiyalarini hisobdan chiqarish toʻgʻrisidagi nizomga oʻzgartirishlar kiritish toʻgʻrisida”gi qarori (roʻyxat raqami 1442-1, 2016-yil 20-iyun);
Muddati oʻtkazib yuborilgan debitorlik va kreditorlik qarzlarni qisqartish va budjetga toʻlovlar intizomini mustahkamlash boʻyicha Respublika komissiyasining 2017-yil 24-noyabrdagi 415, 162-son “Budjet va davlat maqsadli jamgʻarmalariga toʻlovlar boʻyicha qarzlarni toʻlash muddatini kechiktirish va (yoki) boʻlib-boʻlib toʻlash imkonini berish, penya hisoblashni toʻxtatish, shuningdek penya va jarima sanksiyalarini hisobdan chiqarish toʻgʻrisidagi nizomga oʻzgartirishlar kiritish toʻgʻrisida”gi qarori (roʻyxat raqami 1442-2, 2017-yil 4-dekabr) Idoraviy normativ-huquqiy hujjatlarning davlat reyestridan chiqarilsin.
3. Mazkur buyruq davlat roʻyxatidan oʻtkazilsin va bu haqda Idoraviy normativ-huquqiy hujjatlarning davlat reyestriga tegishli yozuv kiritilsin.
4. Huquqiy targʻibot va axborot boshqarmasi ushbu buyruqni “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da hamda Oʻzbekiston Respublikasi Qonun hujjatlari maʼlumotlari milliy bazasida eʼlon qilinishini taʼminlasin.
5. Mazkur buyruq rasmiy eʼlon qilingan kundan eʼtiboran kuchga kiradi.
6. Mazkur buyruqning ijrosini nazorat qilish vazirning birinchi oʻrinbosari N. Joʻrayev zimmasiga yuklansin.
Vazir R. DAVLETOV
Toshkent sh.,
2018-yil 12-mart,
145-mh-son