📅 2018-yil 13-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 13 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 марта 2018 г. · Постановления Президента
Официальный текст. Официальный документ. Редакционные примечания не включены.
📅 13 March 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ижро ҳужжатлари юзасидан қарздорликларни ундириш масалалари бўйича ягона идоралараро электрон ҳамкорлик тизимини яратиш тўғрисида
Суд ҳужжатлари ва бошқа органлар ҳужжатлари ижросини ташкил этишда самарали ҳамкорликни таъминлаш, замонавий ахборот-коммуникация технологиялари имкониятларидан кенг фойдаланган ҳолда қарздорликни ундириш чораларининг тезкорлиги ва таъсирчанлигини ошириш мақсадида:
1. Бош прокуратуранинг Ўзбекистон Республикаси Бош прокуратураси ҳузуридаги Мажбурий ижро бюросида (кейинги ўринларда — Бюро) қуйидагиларга мўлжалланган Ижро ҳужжатлари юзасидан қарздорликларни ундириш масалалари бўйича ягона идоралараро электрон ҳамкорлик тизимини (кейинги ўринларда — Ягона электрон ҳамкорлик тизими) яратиш ҳақидаги таклифи маъқуллансин:
қарздор-жисмоний шахслар ва уларнинг мол-мулклари, шунингдек, олиб берилиши лозим бўлган болани қидиришда Бюро ва давлат органлари, банк муассасалари ва бошқа ташкилотлар ўртасида тезкор ахборот алмашиш;
давлат ижрочиларининг қарорлари, топшириқлари, кўрсатмалари, билдиришномалари ва бошқа хабарномаларини, шунингдек, уларга жавобларни тегишли давлат органлари, банк муассасалари ва бошқа ташкилотларига электрон ҳужжат кўринишида юбориш (қабул қилиш);
суд ҳужжатлари ва бошқа органлар ҳужжатларини ижро этишдан бўйин товлаётган қарздорларга, шу жумладан уларнинг мол-мулклари ва мулкий ҳуқуқларига нисбатан чеклов чораларини ахборот-коммуникация технологияларидан фойдаланган ҳолда ўз вақтида қўллаш.
2. Суд ҳужжатлари ва бошқа органлар ҳужжатларини мажбурий ижро этишда Бюро билан электрон ҳамкорликни амалга оширувчи давлат органлари ва ташкилотлар (кейинги ўринларда — ҳамкорлик қилувчи ташкилотлар) рўйхати 1-иловага * мувофиқ тасдиқлансин.
Бюрога мазкур рўйхатни бошқа давлат органлари ва ташкилотлар билан кенгайтириш, шунингдек, улар бўйича қарздорликларни ундириш масалалари бўйича идоралараро электрон ҳамкорлик схемасини келишилган ҳолда белгилаш ҳуқуқи берилсин.
3. Белгилансинки, Бюро ва ҳамкорлик қилувчи ташкилотлар ўртасидаги қарздорликларни ундириш бўйича идоралараро электрон ҳамкорлик:
2 — 19-иловаларга * мувофиқ схемалар бўйича;
мавжуд маълумотларнинг тезкорлиги ва ҳаққонийлигини таъминлаган ва қонун ҳужжатларига мувофиқ ахборот хавфсизлигини таъминлаш бўйича ташкилий-техник чора-тадбирларни кўрган ҳолда рухсатсиз фойдаланишга имкон бермайдиган ҳимояланган телекоммуникация тармоқлари орқали;
ҳамкорлик қилувчи ташкилотларнинг ахборот тизимларига тўғридан-тўғри уланиш ёки ҳамкорлик қилувчи ташкилотларнинг маълумотлар базаларини Бюронинг ахборот тизимида такрорлаш ва мунтазам янгилаб бориш ёхуд ҳамкорлик қилувчи ташкилотларнинг ахборот тизимларини Бюронинг ахборот тизими билан интеграция қилиш йўли билан;
Бюро ва ҳамкорлик қилувчи ташкилот ўртасида тузиладиган электрон ҳамкорлик тўғрисидаги келишувлар ва технологик йўриқномаларга мувофиқ амалга оширилади.
4. Белгилансинки, ҳамкорлик қилувчи ташкилотларнинг ахборот тизимларидаги ёки маълумотлар базаларидаги такомиллаштиришлар ёхуд электрон ҳамкорлик тўғрисидаги технологик йўриқноманинг ўзгаришига олиб келаётган ҳар қандай ўзгартириш Бюро билан келишилган ҳолда амалга оширилади ва Ягона электрон ҳамкорлик тизимига интеграция қилинади.
5. Бюро Ўзбекистон Республикаси Ахборот технологиялари ва коммуникацияларини ривожлантириш вазирлиги ҳамда ҳамкорлик қилувчи ташкилотлар билан биргаликда 2018 йил 1 сентябрга қадар:
ҳамкорлик қилувчи ташкилотлар билан электрон ҳамкорлик тўғрисидаги келишувлар ва технологик йўриқномалар тузилишини;
ҳамкорлик қилувчи ташкилотларнинг ахборот тизимлари ва маълумотлар базалари билан интеграция қилишни инобатга олган ҳолда Ягона электрон ҳамкорлик тизими ишга туширилишини таъминласин.
Белгилансинки, ҳамкорлик қилувчи ташкилотларнинг ахборот тизимлари ва маълумотлар базаларини интеграция қилиш бўйича ишлар, шу жумладан дастурий таъминотни яратиш, ўз ходимларини электрон рақамли имзо билан таъминлаш Бюро ва ҳамкорлик қилувчи ташкилотларнинг маблағлари ҳисобидан амалга оширилади.
6. Ўзбекистон Республикаси Бош прокуратураси манфаатдор вазирлик ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида таклифларни киритсин.
7. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Бош прокурори О.Б. Муродов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 13 март,
ПҚ-3597-сон
Oʻzbekiston Respublikasi Prezidentining
Qarori
Ijro hujjatlari yuzasidan qarzdorliklarni undirish masalalari boʻyicha yagona idoralararo elektron hamkorlik tizimini yaratish toʻgʻrisida
Sud hujjatlari va boshqa organlar hujjatlari ijrosini tashkil etishda samarali hamkorlikni taʼminlash, zamonaviy axborot-kommunikatsiya texnologiyalari imkoniyatlaridan keng foydalangan holda qarzdorlikni undirish choralarining tezkorligi va taʼsirchanligini oshirish maqsadida:
1. Bosh prokuraturaning Oʻzbekiston Respublikasi Bosh prokuraturasi huzuridagi Majburiy ijro byurosida (keyingi oʻrinlarda — Byuro) quyidagilarga moʻljallangan Ijro hujjatlari yuzasidan qarzdorliklarni undirish masalalari boʻyicha yagona idoralararo elektron hamkorlik tizimini (keyingi oʻrinlarda — Yagona elektron hamkorlik tizimi) yaratish haqidagi taklifi maʼqullansin:
qarzdor-jismoniy shaxslar va ularning mol-mulklari, shuningdek, olib berilishi lozim boʻlgan bolani qidirishda Byuro va davlat organlari, bank muassasalari va boshqa tashkilotlar oʻrtasida tezkor axborot almashish;
davlat ijrochilarining qarorlari, topshiriqlari, koʻrsatmalari, bildirishnomalari va boshqa xabarnomalarini, shuningdek, ularga javoblarni tegishli davlat organlari, bank muassasalari va boshqa tashkilotlariga elektron hujjat koʻrinishida yuborish (qabul qilish);
sud hujjatlari va boshqa organlar hujjatlarini ijro etishdan boʻyin tovlayotgan qarzdorlarga, shu jumladan ularning mol-mulklari va mulkiy huquqlariga nisbatan cheklov choralarini axborot-kommunikatsiya texnologiyalaridan foydalangan holda oʻz vaqtida qoʻllash.
2. Sud hujjatlari va boshqa organlar hujjatlarini majburiy ijro etishda Byuro bilan elektron hamkorlikni amalga oshiruvchi davlat organlari va tashkilotlar (keyingi oʻrinlarda — hamkorlik qiluvchi tashkilotlar) roʻyxati 1-ilovaga * muvofiq tasdiqlansin.
Byuroga mazkur roʻyxatni boshqa davlat organlari va tashkilotlar bilan kengaytirish, shuningdek, ular boʻyicha qarzdorliklarni undirish masalalari boʻyicha idoralararo elektron hamkorlik sxemasini kelishilgan holda belgilash huquqi berilsin.
3. Belgilansinki, Byuro va hamkorlik qiluvchi tashkilotlar oʻrtasidagi qarzdorliklarni undirish boʻyicha idoralararo elektron hamkorlik:
2 — 19-ilovalarga * muvofiq sxemalar boʻyicha;
mavjud maʼlumotlarning tezkorligi va haqqoniyligini taʼminlagan va qonun hujjatlariga muvofiq axborot xavfsizligini taʼminlash boʻyicha tashkiliy-texnik chora-tadbirlarni koʻrgan holda ruxsatsiz foydalanishga imkon bermaydigan himoyalangan telekommunikatsiya tarmoqlari orqali;
hamkorlik qiluvchi tashkilotlarning axborot tizimlariga toʻgʻridan-toʻgʻri ulanish yoki hamkorlik qiluvchi tashkilotlarning maʼlumotlar bazalarini Byuroning axborot tizimida takrorlash va muntazam yangilab borish yoxud hamkorlik qiluvchi tashkilotlarning axborot tizimlarini Byuroning axborot tizimi bilan integratsiya qilish yoʻli bilan;
Byuro va hamkorlik qiluvchi tashkilot oʻrtasida tuziladigan elektron hamkorlik toʻgʻrisidagi kelishuvlar va texnologik yoʻriqnomalarga muvofiq amalga oshiriladi.
4. Belgilansinki, hamkorlik qiluvchi tashkilotlarning axborot tizimlaridagi yoki maʼlumotlar bazalaridagi takomillashtirishlar yoxud elektron hamkorlik toʻgʻrisidagi texnologik yoʻriqnomaning oʻzgarishiga olib kelayotgan har qanday oʻzgartirish Byuro bilan kelishilgan holda amalga oshiriladi va Yagona elektron hamkorlik tizimiga integratsiya qilinadi.
5. Byuro Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi hamda hamkorlik qiluvchi tashkilotlar bilan birgalikda 2018-yil 1-sentabrga qadar:
hamkorlik qiluvchi tashkilotlar bilan elektron hamkorlik toʻgʻrisidagi kelishuvlar va texnologik yoʻriqnomalar tuzilishini;
hamkorlik qiluvchi tashkilotlarning axborot tizimlari va maʼlumotlar bazalari bilan integratsiya qilishni inobatga olgan holda Yagona elektron hamkorlik tizimi ishga tushirilishini taʼminlasin.
Belgilansinki, hamkorlik qiluvchi tashkilotlarning axborot tizimlari va maʼlumotlar bazalarini integratsiya qilish boʻyicha ishlar, shu jumladan dasturiy taʼminotni yaratish, oʻz xodimlarini elektron raqamli imzo bilan taʼminlash Byuro va hamkorlik qiluvchi tashkilotlarning mablagʻlari hisobidan amalga oshiriladi.
6. Oʻzbekiston Respublikasi Bosh prokuraturasi manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida takliflarni kiritsin.
7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Bosh prokurori O.B. Murodov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 13-mart,
PQ-3597-son
Президента Республики Узбекистан
Постановление
О создании Единой системы межведомственного электронного взаимодействия по вопросам взыскания задолженностей по исполнительным документам
В целях обеспечения эффективного взаимодействия при организации исполнения судебных актов и актов иных органов, повышения оперативности и действенности мер по взысканию задолженностей путем широкого использования возможностей современных информационно-коммуникационных технологий:
1. Согласиться с предложением Генеральной прокуратуры о создании в Бюро принудительного исполнения при Генеральной прокуратуре Республики Узбекистан (далее — Бюро) Единой системы межведомственного электронного взаимодействия по вопросам взыскания задолженностей по исполнительным документам (далее — Единая система электронного взаимодействия), предназначенной для:
оперативного обмена информацией между Бюро и государственными органами, банковскими учреждениями и иными организациями при розыске должников-физических лиц и их имущества, а также ребенка, подлежащего отобранию;
отправки (получения) постановлений, поручений, указаний, уведомлений и иных извещений государственных исполнителей, направляемых соответствующим государственным органам, банковским учреждениям и иным организациям в виде электронного документа, а также ответов на них;
своевременного применения с использованием информационно-коммуникационных технологий ограничительных мер в отношении должников, уклоняющихся от исполнения судебных актов и актов иных органов, включая их имущество и имущественные права.
2. Утвердить Перечень государственных органов и организаций, осуществляющих электронное взаимодействие с Бюро при обеспечении принудительного исполнения судебных актов и актов иных органов (далее — взаимодействующие организации), согласно приложению № 1 * .
Предоставить Бюро право расширять настоящий перечень другими государственными органами и организациями, а также определять по ним согласованную схему межведомственного электронного взаимодействия по вопросам взыскания задолженностей.
3. Установить, что межведомственное электронное взаимодействие по вопросам взыскания задолженностей между Бюро и взаимодействующими организациями осуществляется:
по схемам согласно приложениям №№ 2 — 19 * ;
через защищенные сети телекоммуникаций, исключающие несанкционированный доступ, с обеспечением оперативности и достоверности имеющейся информации и принятием организационно-технических мер по обеспечению информационной безопасности в соответствии с законодательством;
путем обеспечения прямого доступа к информационным системам взаимодействующих организаций или дублирования и периодического обновления баз данных взаимодействующих организаций в информационной системе Бюро либо интеграции информационных систем взаимодействующих организаций с информационной системой Бюро;
в соответствии с соглашениями и технологическими инструкциями об электронном взаимодействии, заключаемыми между Бюро и взаимодействующей организацией.
4. Определить, что совершенствование или иное любое изменение в информационных системах или базах данных взаимодействующих организаций, приводящее к изменению технологической инструкции об электронном взаимодействии, осуществляется по согласованию с Бюро и интегрируется в Единую систему электронного взаимодействия.
5. Бюро совместно с Министерством по развитию информационных технологий и коммуникаций Республики Узбекистан и взаимодействующими организациями в срок до 1 сентября 2018 года обеспечить:
заключение с взаимодействующими организациями соглашений и технологических инструкций об электронном взаимодействии;
запуск Единой системы электронного взаимодействия с учетом ее интеграции с информационными системами и базами данных взаимодействующих организаций.
Определить, что работы по интеграции информационных систем и баз данных взаимодействующих организаций, включая разработку программного обеспечения, обеспечение своих работников электронной цифровой подписью, осуществляются за счет средств Бюро и взаимодействующих организаций.
6. Генеральной прокуратуре Республики Узбекистан совместно с заинтересованными министерствами и ведомствами в месячный срок внести предложения об изменениях и дополнениях в законодательство, вытекающих из настоящего постановления.
7. Контроль за исполнением настоящего постановления возложить на Премьер-министра Республики Узбекистан А.Н. Арипова и Генерального прокурора Республики Узбекистан О.Б. Муродова.
Президент Республики Узбекистан Ш. МИРЗИЁЕВ
г. Ташкент,
13 марта 2018 г.,
№ ПП-3597