📅 2018-yil 12-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 12 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 12 марта 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 12 March 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Намунавий низом
Хўжалик бошқаруви органлари ва йирик давлат корхоналаридаги Инновацион фаолиятни қўллаб-қувватлаш жамғармаси тўғрисидаги Намунавий низомни тасдиқлаш ҳақида
Вазирлар Маҳкамасининг «Илмий-инновацион ишланма ва технологияларни ишлаб чиқаришга татбиқ этишнинг самарали механизмларини яратиш чора-тадбирлари тўғрисида» 2018 йил 12 январдаги 24-сон қарорига мувофиқ, шунингдек, иқтисодиёт тармоқларининг инновацион технологияларни ишлаб чиқиш билан боғлиқ тадбирларни молиялаштиришдаги иштирокини янада кенгайтириш мақсадида Вазирлар Маҳкамаси қарор қилади:
1. Хўжалик бошқаруви органлари ва йирик давлат корхоналаридаги Инновацион фаолиятни қўллаб-қувватлаш жамғармаси тўғрисидаги Намунавий низом иловага мувофиқ тасдиқлансин.
2. Хўжалик бошқаруви органлари ва йирик давлат корхоналари раҳбарларига ушбу қарор билан тасдиқланган Намунавий низомга мувофиқ Инновацион фаолиятни қўллаб-қувватлаш жамғармаси тўғрисидаги низомни бир ой муддатда ишлаб чиқиш ва тасдиқлаш тавсия этилсин.
3. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмуродов, Ўзбекистон Республикаси Инновацион ривожланиш вазири И.Ю. Абдурахмонов ва Ўзбекистон Республикаси Иқтисодиёт вазири Б.А. Ходжаев зиммасига юклансин.
Вазирлар Маҳкамасининг 2018 йил 12 мартдаги 195-сон қарорига ИЛОВА
Хўжалик бошқаруви органлари ва йирик давлат корхоналаридаги Инновацион фаолиятни қўллаб-қувватлаш жамғармаси тўғрисида
1-боб. Умумий қоидалар
1. Мазкур Намунавий низом Ўзбекистон Республикаси Вазирлар Маҳкамасининг «Илмий-инновацион ишланма ва технологияларни ишлаб чиқаришга татбиқ этишнинг самарали механизмларини яратиш чора-тадбирлари тўғрисида» 2018 йил 12 январдаги 24-сон қарорига мувофиқ хўжалик бошқаруви органлари ва йирик давлат корхоналаридаги Инновацион фаолиятни қўллаб-қувватлаш жамғармаси (кейинги ўринларда Жамғарма деб аталади) маблағларини шакллантириш, бошқариш ва улардан фойдаланиш тартибини белгилайди.
2. Жамғарма хўжалик бошқаруви органлари ва йирик давлат корхоналарида (кейинги ўринларда хўжалик юритувчи субъект деб аталади) илмий амалий тадқиқотларни, инновацион ишланмаларни, тажриба-конструкторлик ишланмаларни молиялаштириш ва уларни ишлаб чиқаришга татбиқ этиш мақсадида юридик шахс мақомига эга бўлмаган ҳолда ташкил этилади.
2-боб. Жамғарма маблағларини шакллантириш тартиби
3. Жамғарма хўжалик юритувчи субъектнинг инновацион фаолиятини қўллаб-қувватлаш ва ривожлантиришга йўналтириладиган маблағларини жамғариб боради.
4. Қўйидагилар Жамғарма маблағларини шакллантиришнинг асосий манбалари ҳисобланади:
хўжалик юритувчи субъект соф фойдасидан 10 фоиз миқдоридаги ажратмалар;
қонунчиликда тақиқланмаган бошқа манбалар.
5. Мазкур Намунавий низомнинг 4-бандида кўрсатилган Жамғарма маблағлари хўжалик юритувчи субъект томонидан унга хизмат кўрсатувчи тижорат банкларидан бирида очиладиган махсус ҳисоб рақамида жамланади.
3-боб. Жамғармани бошқариш ва Жамғарма маблағларидан фойдаланиш тўғрисида қарорлар қабул қилиш
6. Жамғарма маблағлари ҳисобидан молиялаштириш учун тақдим этилган илмий-амалий тадқиқотлар, инновацион ишланмалар ва тажриба-конструкторлик ишлари лойиҳалари (кейинги ўринларда лойиҳа деб аталади) хўжалик юритувчи субъектнинг Илмий-техник кенгаши (кейинги ўринларда Илмий-техник кенгаш деб аталади) томонидан кўриб чиқилади.
7. Илмий-техник кенгашга кўриб чиқиш учун лойиҳалар хўжалик юритувчи субъектнинг инновацияларга буюртмалар портфелини шакллантириш ва яратилган технологияларнинг тажриба-саноат синовини ўтказиш ишларини мувофиқлаштириш, маҳсулотнинг тажриба партияларини ишлаб чиқариш ва сериялаб ишлаб чиқаришни йўлга қўйишни ташкил қилишга масъул бўлими томонидан киритилади.
8. Илмий-техник кенгаш Жамғарма маблағларидан молиялаштириладиган лойиҳаларнинг илмий-техник экспертизасини ўтказади ва қуйидагилар бўйича қарор қабул қилади:
лойиҳани Жамғарма маблағлари ҳисобидан молиялаштиришга қабул қилиш ёки лойиҳани молиялаштиришни рад этиш;
лойиҳани қайта ишлашга ёки қўшимча экспертизага юбориш.
Зарур ҳолларда тегишли соҳада етарли даражадаги билим ва малакага эга бўлган олим ва мутахассислар эксперт сифатида жалб этилади.
Муҳокамада иштирок этиш учун лойиҳа раҳбари ва ижрочилари таклиф этилиши мумкин.
Илмий-техник кенгаш қарорлари кўпчилик овоз билан қабул қилинади ва унинг раиси имзоси билан баённома тарзида расмийлаштирилади.
9. Жамғарма маблағлари Илмий-техник кенгашнинг ижобий хулосаси олингандан сўнг, хўжалик юритувчи субъект раҳбари қарори асосида Жамғарманинг тасдиқланган даромадлари ва харажатлари сметаси доирасида махсус ҳисоб рақамидан сарфланади.
10. Жамғарма маблағларини бошқариш хўжалик юритувчи субъект раҳбари томонидан амалга оширилади, унинг асосий вазифаларига қуйидагилар киради:
Жамғарманинг даромадлари ва харажатлари сметасини тасдиқлаш;
Жамғарманинг даромадлари ва харажатлари тўғрисидаги ҳисоботларни кўриб чиқиш ва тасдиқлаш;
Жамғарма маблағларининг мақсадли ва самарали сарфланишини назорат қилиш;
Жамғарма маблағларини шакллантириш ва улардан фойдаланиш билан боғлиқ бошқа ваколатларни амалга ошириш.
11. Хўжалик юритувчи субъект раҳбарининг илм-фан ва инновациялар бўйича ўринбосари:
а) Жамғарма маблағларидан самарали фойдаланишни ташкил этади ва уни ташкил этиш мақсадларига эришиш учун масъулдир;
Жамғарма маблағларидан мақсадли ва самарали фойдаланиш чораларини кўради;
Жамғарма даромадлари ва харажатларининг ижро этилиши бўйича ҳисоб ва ҳисоботларнинг юритилишини, шунингдек, уларнинг ишончлилигини таъминлайди;
б) Ўзбекистон Республикаси Инновацион ривожланиш вазирлиги билан биргаликда ҳар йили қуйидагиларни шакллантиради:
илмий-техник, инновацион лойиҳалар ва ишлаб чиқилган технологияларнинг тажриба-саноат синовларини ўтказиш ишларини, маҳсулотнинг тажриба партияларини ишлаб чиқаришни ва серияли ишлаб чиқаришни ташкил этиш учун буюртмалар портфели;
мос йўналишдаги илмий-тадқиқот ва олий таълим муассасалари билан илмий-тадқиқот ишларини бажариш бўйича тузилган шартномалар рўйхати;
моддий-техник, илмий-лаборатория базасини мустаҳкамлаш, тажриба тадқиқотларини ўтказиш, илмий ишланмаларни жорий этиш, илмий-техник кадрларни моддий рағбатлантириш ҳамда уларнинг малакасини оширишни молиявий жиҳатдан қўллаб-қувватлаш учун мос йўналишдаги илмий-тадқиқот ва олий таълим муассасаларининг рўйхати.
в) ажратилган маблағлардан фойдаланиш ва келгуси ҳисобот даврида кутилаётган харажатлар тўғрисида хўжалик юритувчи субъект раҳбарига ҳар чоракда маълумот киритади.
12. Илмий-техник, инновацион лойиҳалар учун буюртмалар портфелини шакллантириш ва ишлаб чиқилган технологиялар бўйича тажриба-саноат синовларини ўтказиш, маҳсулотнинг синов партияларини чиқаришни ва серияли ишлаб чиқаришни ташкил этиш, шунингдек, илмий-тадқиқот ишларини бажариш учун шартномалар рўйхатини шакллантириш меъёрлари қуйидагилар ҳисобланади:
лойиҳаларнинг хўжалик юритувчи субъект эҳтиёжларига мувофиқлиги;
иқтисодий ва экологик самарадорлик;
меҳнат сарфи ва ресурсларни мақбуллаштириш;
маҳсулотнинг энергия самарадорлиги ва рақобатбардошлиги;
илмий ҳажмдорлик, импорт ўрнини қоплаш ва экспортга йўналтирилганлик;
маҳаллий хом ашё асосида технологияларни ишлаб чиқиш.
4-боб. Жамғарма маблағларидан фойдаланиш тартиби
13. Жамғарма маблағлари қуйидагиларга йўналтирилади:
янги техника ва технологияларни ишлаб чиқиш, зарур тажриба-саноат синовларини ўтказиш, маҳсулотларнинг тажриба партияларини ишлаб чиқариш ва сериялаб ишлаб чиқаришни йўлга қўйишга тайёрлаш чора-тадбирларини амалга ошириш билан боғлиқ тадбирларни молиялаштириш;
мос йўналишдаги илмий-тадқиқот ва олий таълим муассасалари билан илмий-тадқиқот ишларини бажариш бўйича тузилган шартномаларни молиялаштириш;
мос йўналишдаги илмий-тадқиқот ва олий таълим муассасаларининг моддий-техник ва илмий-лаборатория базасини мустаҳкамлаш, уларни эскпериментал тадқиқотлар ўтказиш, илмий ишланмаларни жорий этиш, илмий-техник ходимларни моддий рағбатлантириш ва малакасини оширишда молиявий қўллаб-қувватлаш.
14. Жамғарманинг жорий йилда фойдаланилмаган маблағлари қайтариб олинмайди ва мазкур Низомда белгиланган тартибда келгусида фойдаланиш учун хўжалик юритувчи субъектнинг махсус ҳисоб рақамида сақланади.
5-боб. Якунловчи қоида
15. Жамғарма маблағларини тўғри шакллантириш ва улардан мақсадли фойдаланиш учун жавобгарлик хўжалик юритувчи субъект раҳбари ва унинг илм-фан ва инновациялар бўйича ўринбосари зиммасига юкланади.
Ўзбекистон Республикасининг Бош вазири А. АРИПОВ
Тошкент ш.,
2018 йил 12 март,
195-сон
Oʻzbekiston Respublikasi Vazirlar Mahkamasining
qarori
Namunaviy nizom
Xoʻjalik boshqaruvi organlari va yirik davlat korxonalaridagi Innovatsion faoliyatni qoʻllab-quvvatlash jamgʻarmasi toʻgʻrisidagi Namunaviy nizomni tasdiqlash haqida
Vazirlar Mahkamasining “Ilmiy-innovatsion ishlanma va texnologiyalarni ishlab chiqarishga tatbiq etishning samarali mexanizmlarini yaratish chora-tadbirlari toʻgʻrisida” 2018-yil 12-yanvardagi 24-son qaroriga muvofiq, shuningdek, iqtisodiyot tarmoqlarining innovatsion texnologiyalarni ishlab chiqish bilan bogʻliq tadbirlarni moliyalashtirishdagi ishtirokini yanada kengaytirish maqsadida Vazirlar Mahkamasi qaror qiladi:
1. Xoʻjalik boshqaruvi organlari va yirik davlat korxonalaridagi Innovatsion faoliyatni qoʻllab-quvvatlash jamgʻarmasi toʻgʻrisidagi Namunaviy nizom ilovaga muvofiq tasdiqlansin.
2. Xoʻjalik boshqaruvi organlari va yirik davlat korxonalari rahbarlariga ushbu qaror bilan tasdiqlangan Namunaviy nizomga muvofiq Innovatsion faoliyatni qoʻllab-quvvatlash jamgʻarmasi toʻgʻrisidagi nizomni bir oy muddatda ishlab chiqish va tasdiqlash tavsiya etilsin.
3. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmurodov, Oʻzbekiston Respublikasi Innovatsion rivojlanish vaziri I.Yu. Abduraxmonov va Oʻzbekiston Respublikasi Iqtisodiyot vaziri B.A. Xodjayev zimmasiga yuklansin.
Vazirlar Mahkamasining 2018-yil 12-martdagi 195-son qaroriga ILOVA
Xoʻjalik boshqaruvi organlari va yirik davlat korxonalaridagi Innovatsion faoliyatni qoʻllab-quvvatlash jamgʻarmasi toʻgʻrisida
1-bob. Umumiy qoidalar
1. Mazkur Namunaviy nizom Oʻzbekiston Respublikasi Vazirlar Mahkamasining “Ilmiy-innovatsion ishlanma va texnologiyalarni ishlab chiqarishga tatbiq etishning samarali mexanizmlarini yaratish chora-tadbirlari toʻgʻrisida” 2018-yil 12-yanvardagi 24-son qaroriga muvofiq xoʻjalik boshqaruvi organlari va yirik davlat korxonalaridagi Innovatsion faoliyatni qoʻllab-quvvatlash jamgʻarmasi (keyingi oʻrinlarda Jamgʻarma deb ataladi) mablagʻlarini shakllantirish, boshqarish va ulardan foydalanish tartibini belgilaydi.
2. Jamgʻarma xoʻjalik boshqaruvi organlari va yirik davlat korxonalarida (keyingi oʻrinlarda xoʻjalik yurituvchi subyekt deb ataladi) ilmiy amaliy tadqiqotlarni, innovatsion ishlanmalarni, tajriba-konstruktorlik ishlanmalarni moliyalashtirish va ularni ishlab chiqarishga tatbiq etish maqsadida yuridik shaxs maqomiga ega boʻlmagan holda tashkil etiladi.
2-bob. Jamgʻarma mablagʻlarini shakllantirish tartibi
3. Jamgʻarma xoʻjalik yurituvchi subyektning innovatsion faoliyatini qoʻllab-quvvatlash va rivojlantirishga yoʻnaltiriladigan mablagʻlarini jamgʻarib boradi.
4. Qoʻyidagilar Jamgʻarma mablagʻlarini shakllantirishning asosiy manbalari hisoblanadi:
xoʻjalik yurituvchi subyekt sof foydasidan 10 foiz miqdoridagi ajratmalar;
qonunchilikda taqiqlanmagan boshqa manbalar.
5. Mazkur Namunaviy nizomning 4-bandida koʻrsatilgan Jamgʻarma mablagʻlari xoʻjalik yurituvchi subyekt tomonidan unga xizmat koʻrsatuvchi tijorat banklaridan birida ochiladigan maxsus hisob raqamida jamlanadi.
3-bob. Jamgʻarmani boshqarish va Jamgʻarma mablagʻlaridan foydalanish toʻgʻrisida qarorlar qabul qilish
6. Jamgʻarma mablagʻlari hisobidan moliyalashtirish uchun taqdim etilgan ilmiy-amaliy tadqiqotlar, innovatsion ishlanmalar va tajriba-konstruktorlik ishlari loyihalari (keyingi oʻrinlarda loyiha deb ataladi) xoʻjalik yurituvchi subyektning Ilmiy-texnik kengashi (keyingi oʻrinlarda Ilmiy-texnik kengash deb ataladi) tomonidan koʻrib chiqiladi.
7. Ilmiy-texnik kengashga koʻrib chiqish uchun loyihalar xoʻjalik yurituvchi subyektning innovatsiyalarga buyurtmalar portfelini shakllantirish va yaratilgan texnologiyalarning tajriba-sanoat sinovini oʻtkazish ishlarini muvofiqlashtirish, mahsulotning tajriba partiyalarini ishlab chiqarish va seriyalab ishlab chiqarishni yoʻlga qoʻyishni tashkil qilishga masʼul boʻlimi tomonidan kiritiladi.
8. Ilmiy-texnik kengash Jamgʻarma mablagʻlaridan moliyalashtiriladigan loyihalarning ilmiy-texnik ekspertizasini oʻtkazadi va quyidagilar boʻyicha qaror qabul qiladi:
loyihani Jamgʻarma mablagʻlari hisobidan moliyalashtirishga qabul qilish yoki loyihani moliyalashtirishni rad etish;
loyihani qayta ishlashga yoki qoʻshimcha ekspertizaga yuborish.
Zarur hollarda tegishli sohada yetarli darajadagi bilim va malakaga ega boʻlgan olim va mutaxassislar ekspert sifatida jalb etiladi.
Muhokamada ishtirok etish uchun loyiha rahbari va ijrochilari taklif etilishi mumkin.
Ilmiy-texnik kengash qarorlari koʻpchilik ovoz bilan qabul qilinadi va uning raisi imzosi bilan bayonnoma tarzida rasmiylashtiriladi.
9. Jamgʻarma mablagʻlari Ilmiy-texnik kengashning ijobiy xulosasi olingandan soʻng, xoʻjalik yurituvchi subyekt rahbari qarori asosida Jamgʻarmaning tasdiqlangan daromadlari va xarajatlari smetasi doirasida maxsus hisob raqamidan sarflanadi.
10. Jamgʻarma mablagʻlarini boshqarish xoʻjalik yurituvchi subyekt rahbari tomonidan amalga oshiriladi, uning asosiy vazifalariga quyidagilar kiradi:
Jamgʻarmaning daromadlari va xarajatlari smetasini tasdiqlash;
Jamgʻarmaning daromadlari va xarajatlari toʻgʻrisidagi hisobotlarni koʻrib chiqish va tasdiqlash;
Jamgʻarma mablagʻlarining maqsadli va samarali sarflanishini nazorat qilish;
Jamgʻarma mablagʻlarini shakllantirish va ulardan foydalanish bilan bogʻliq boshqa vakolatlarni amalga oshirish.
11. Xoʻjalik yurituvchi subyekt rahbarining ilm-fan va innovatsiyalar boʻyicha oʻrinbosari:
a) Jamgʻarma mablagʻlaridan samarali foydalanishni tashkil etadi va uni tashkil etish maqsadlariga erishish uchun masʼuldir;
Jamgʻarma mablagʻlaridan maqsadli va samarali foydalanish choralarini koʻradi;
Jamgʻarma daromadlari va xarajatlarining ijro etilishi boʻyicha hisob va hisobotlarning yuritilishini, shuningdek, ularning ishonchliligini taʼminlaydi;
b) Oʻzbekiston Respublikasi Innovatsion rivojlanish vazirligi bilan birgalikda har yili quyidagilarni shakllantiradi:
ilmiy-texnik, innovatsion loyihalar va ishlab chiqilgan texnologiyalarning tajriba-sanoat sinovlarini oʻtkazish ishlarini, mahsulotning tajriba partiyalarini ishlab chiqarishni va seriyali ishlab chiqarishni tashkil etish uchun buyurtmalar portfeli;
mos yoʻnalishdagi ilmiy-tadqiqot va oliy taʼlim muassasalari bilan ilmiy-tadqiqot ishlarini bajarish boʻyicha tuzilgan shartnomalar roʻyxati;
moddiy-texnik, ilmiy-laboratoriya bazasini mustahkamlash, tajriba tadqiqotlarini oʻtkazish, ilmiy ishlanmalarni joriy etish, ilmiy-texnik kadrlarni moddiy ragʻbatlantirish hamda ularning malakasini oshirishni moliyaviy jihatdan qoʻllab-quvvatlash uchun mos yoʻnalishdagi ilmiy-tadqiqot va oliy taʼlim muassasalarining roʻyxati.
v) ajratilgan mablagʻlardan foydalanish va kelgusi hisobot davrida kutilayotgan xarajatlar toʻgʻrisida xoʻjalik yurituvchi subyekt rahbariga har chorakda maʼlumot kiritadi.
12. Ilmiy-texnik, innovatsion loyihalar uchun buyurtmalar portfelini shakllantirish va ishlab chiqilgan texnologiyalar boʻyicha tajriba-sanoat sinovlarini oʻtkazish, mahsulotning sinov partiyalarini chiqarishni va seriyali ishlab chiqarishni tashkil etish, shuningdek, ilmiy-tadqiqot ishlarini bajarish uchun shartnomalar roʻyxatini shakllantirish meʼyorlari quyidagilar hisoblanadi:
loyihalarning xoʻjalik yurituvchi subyekt ehtiyojlariga muvofiqligi;
iqtisodiy va ekologik samaradorlik;
mehnat sarfi va resurslarni maqbullashtirish;
mahsulotning energiya samaradorligi va raqobatbardoshligi;
ilmiy hajmdorlik, import oʻrnini qoplash va eksportga yoʻnaltirilganlik;
mahalliy xom ashyo asosida texnologiyalarni ishlab chiqish.
4-bob. Jamgʻarma mablagʻlaridan foydalanish tartibi
13. Jamgʻarma mablagʻlari quyidagilarga yoʻnaltiriladi:
yangi texnika va texnologiyalarni ishlab chiqish, zarur tajriba-sanoat sinovlarini oʻtkazish, mahsulotlarning tajriba partiyalarini ishlab chiqarish va seriyalab ishlab chiqarishni yoʻlga qoʻyishga tayyorlash chora-tadbirlarini amalga oshirish bilan bogʻliq tadbirlarni moliyalashtirish;
mos yoʻnalishdagi ilmiy-tadqiqot va oliy taʼlim muassasalari bilan ilmiy-tadqiqot ishlarini bajarish boʻyicha tuzilgan shartnomalarni moliyalashtirish;
mos yoʻnalishdagi ilmiy-tadqiqot va oliy taʼlim muassasalarining moddiy-texnik va ilmiy-laboratoriya bazasini mustahkamlash, ularni eskperimental tadqiqotlar oʻtkazish, ilmiy ishlanmalarni joriy etish, ilmiy-texnik xodimlarni moddiy ragʻbatlantirish va malakasini oshirishda moliyaviy qoʻllab-quvvatlash.
14. Jamgʻarmaning joriy yilda foydalanilmagan mablagʻlari qaytarib olinmaydi va mazkur Nizomda belgilangan tartibda kelgusida foydalanish uchun xoʻjalik yurituvchi subyektning maxsus hisob raqamida saqlanadi.
5-bob. Yakunlovchi qoida
15. Jamgʻarma mablagʻlarini toʻgʻri shakllantirish va ulardan maqsadli foydalanish uchun javobgarlik xoʻjalik yurituvchi subyekt rahbari va uning ilm-fan va innovatsiyalar boʻyicha oʻrinbosari zimmasiga yuklanadi.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 12-mart,
195-son
Кабинета Министров Республики Узбекистан
Постановление
ТИПОВОЕ ПОЛОЖЕНИЕ
Об утверждении Типового положения о Фонде поддержки инновационной деятельности в органах хозяйственного управления и крупных государственных предприятиях
В соответствии с постановлением Кабинета Министров от 12 января 2018 года № 24 «О мерах по созданию эффективных механизмов внедрения научно-инновационных разработок и технологий в производство», а также в целях дальнейшего расширения участия отраслей экономики в финансировании мероприятий, связанных с разработкой инновационных технологий Кабинет Министров постановляет:
1. Утвердить Типовое положение о Фонде поддержки инновационной деятельности в органах хозяйственного управления и крупных государственных предприятиях согласно приложению .
2. Руководителям органов хозяйственного управления и крупных государственных предприятий рекомендовать в месячный срок в соответствии с утвержденным настоящим постановлением Типовым положением разработать и утвердить положения о Фонде поддержки инновационной деятельности.
3. Контроль за исполнением настоящего постановления возложить на заместителя Премьер-министра Республики Узбекистан — председателя Государственного комитета по инвестициям Республики Узбекистан С.Р. Холмуродова, министра инновационного развития Республики Узбекистан И.Ю. Абдурахмонова и министра экономики Республики Узбекистан Б.А. Ходжаева.
ПРИЛОЖЕНИЕ к постановлению Кабинета Министров от 12 марта 2018 года № 195
о Фонде поддержки инновационной деятельности в органах хозяйственного управления и крупных государственных предприятиях
Глава 1. Общие положения
1. Настоящее Типовое положение в соответствии с постановлением Кабинета Министров Республики Узбекистан от 12 января 2018 года № 24 «О мерах по созданию эффективных механизмов внедрения научно-инновационных разработок и технологий в производство» определяет порядок формирования, управления и использования средств Фонда поддержки инновационной деятельности в органах хозяйственного управления и крупных государственных предприятиях (далее — Фонд).
2. Фонд создается в органах хозяйственного управления и крупных государственных предприятиях (далее — хозяйствующий субъект) без образования юридического лица в целях финансирования научных прикладных исследований, инновационных разработок, опытно-конструкторских работ и их внедрения в производство.
Глава 2. Порядок формирования средств Фонда
3. Фонд аккумулирует средства, направляемые на поддержку и развитие инновационной деятельности хозяйствующего субъекта.
4. Основными источниками формирования средств Фонда являются:
отчисления в размере 10 процентов от чистой прибыли хозяйствующего субъекта;
другие источники, не запрещенные законодательством.
5. Аккумулирование средств Фонда, указанных в пункте 4 настоящего Типового положения, осуществляются на специальном счете, открываемом хозяйствующим субъектом в одном из обслуживающих его коммерческих банках.
Глава 3. Управление Фондом и принятие решений об использовании средств Фонда
6. Проекты научных прикладных исследований, инновационных разработок и опытно-конструкторских работ (далее — проект), представленные для финансирования за счет средств Фонда рассматриваются Научно-техническим советом хозяйствующего субъекта (далее — Научно-технический совет).
7. Проекты вносятся на рассмотрение Научно-технического совета подразделением хозяйствующего субъекта, ответственного за формирование портфеля заказов для реализации инновационных проектов и координации работ по проведению опытно-промышленных испытаний разработанных технологий, организации выпуска опытных партий продукции и запуска серийного производства.
8. Научно-технический совет проводит научно-техническую экспертизу проектов, финансируемых из средств Фонда и принимает решение:
о принятии проекта к финансированию из средств Фонда или об отказе в финансировании проекта;
о направлении проекта на доработку или дополнительную экспертизу.
При необходимости в качестве эксперта привлекаются ученые и специалисты, обладающие достаточным уровнем знаний и квалификации в соответствующей отрасли.
К участию в обсуждении могут быть приглашены научный руководитель и исполнители проекта.
Решения Научно-технического совета принимаются большинством голосов и оформляются протоколом за подписью его председателя.
9. Расходование средств Фонда осуществляется со специального счета на основании решения руководителя хозяйствующего субъекта в пределах утвержденной сметы доходов и расходов Фонда, после положительного заключения Научно-технического совета.
10. Управление средствами Фонда осуществляется руководителем хозяйствующего субъекта, основными задачами которого являются:
утверждение сметы доходов и расходов Фонда;
рассмотрение и утверждение отчетов о доходах и расходах средств Фонда;
контроль за целевым и эффективным использованием средств Фонда;
осуществление других полномочий, связанных с формированием и использованием средств Фонда.
11. Заместитель руководителя хозяйствующего субъекта по науке и инновациям:
а) организует эффективное использование средств Фонда и несет ответственность за достижение целей его создания;
осуществляет меры по целевому и эффективному использованию средств Фонда;
обеспечивает ведение учета и отчетности об исполнении доходов и расходов Фонда, а также обеспечивает их достоверность;
б) совместно с Министерством инновационного развития Республики Узбекистан ежегодно формирует:
портфель заказов для научно-технических, инновационных проектов и проведение опытно-промышленных испытаний разработанных технологий, организацию выпуска опытных партий продукции и запуска серийного производства;
перечень договоров на выполнение научно-исследовательских работ, заключенных с профильными научно-исследовательскими и высшими образовательными учреждениями;
перечень профильных научно-исследовательских и высших образовательных учреждений для оказания финансовой поддержки в укреплении их материально-технической, научно-лабораторной базы, проведении экспериментальных исследований, внедрении научных разработок, материальном стимулировании и повышении квалификации научно-технических кадров.
в) ежеквартально вносит информацию об использовании выделенных средств и ожидаемых расходах последующего отчетного периода на рассмотрение руководителя хозяйствующего субъекта.
12. Критериями формирования портфеля заказов для научно-технических, инновационных проектов и проведения опытно-промышленных испытаний разработанных технологий, организации выпуска опытной партии продукции и запуска серийного производства, а также перечня договоров на выполнение научно-исследовательских работ являются:
соответствие проектов потребностям хозяйствующего субъекта;
экономическая и экологическая эффективность;
оптимизация трудозатрат и ресурсов;
энергоэффективность и конкурентоспособность продукции;
наукоемкость, импортозамещение и экспорториентированность;
разработка технологий на основе местного сырья.
Глава 4. Порядок использования средств Фонда
13. Средства Фонда направляются на:
финансирование мероприятий, связанных с разработкой новой техники и технологий, проведением необходимых опытно-промышленных испытаний, выпуском опытной партии продукции и реализацией подготовительных мероприятий для запуска серийного производства;
финансирование договоров на выполнение научно-исследовательских работ, заключенных с профильными научно-исследовательскими и высшими образовательными учреждениями;
оказание финансовой поддержки профильным научно-исследовательским и высшим образовательным учреждениям в укреплении их материально-технической и научно-лабораторной базы, проведении экспериментальных исследований, внедрении научных разработок, материальном стимулировании и повышении квалификации научно-технических работников.
14. Неиспользованные в текущем году средства Фонда не подлежат изъятию и остаются на специальном счете хозяйствующего субъекта для последующего использования в порядке, предусмотренном настоящим Положением.
Глава 5. Заключительное положение
15. Ответственность за правильность формирования и целевое использование средств Фонда возлагается на руководителя хозяйствующего субъекта и его заместителя по науке и инновациям.
Премьер-министр Республики Узбекистан А. АРИПОВ
г. Ташкент,
12 марта 2018 г.,
№ 195