📅 2018-yil 14-mart · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 14 март · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 14 марта 2018 г. · Указы Президента
Официальный текст. Официальный документ. Редакционные примечания не включены.
📅 14 March 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ТАВСИФИ
ТАВСИФИ
Ўзбекистон Республикасининг давлат хавфсизлиги тизимини такомиллаштириш чора-тадбирлари тўғрисида
Давлат тузилмаси ва давлат чегаралари дахлсизлигини ишончли ҳимоя қилиш, инсон ҳуқуқлари ва эркинликларига оғишмай риоя этиш, жамиятдаги миллатлараро тотувлик, диний бағрикенглик, тинчлик ва осойишталик — демократик ҳуқуқий давлат қуришнинг ҳамда мамлакатни жадал ижтимоий-иқтисодий ривожлантиришнинг муҳим шартларидан ҳисобланади.
Ўзбекистон Республикаси Миллий хавфсизлик хизмати мамлакатнинг конституциявий тузуми, суверенитети, ҳудудий яхлитлиги, иқтисодий ва мудофаа салоҳиятини ташқи ва ички таҳдидлардан ҳимоя қилиш тизимида алоҳида ўрин тутади.
Шу билан бирга, Миллий хавфсизлик хизматининг мақоми, вазифалари ва ваколатлари доирасини аниқ белгилаб берувчи қонун ҳужжати яратилмай туриб, унга миллий хавфсизликни таъминлашнинг барча жиҳатлари юклатилгани ушбу идоранинг давлат органлари фаолиятининг барча соҳаларига асоссиз аралашувига шарт-шароит яратиб берди.
Мамлакатни ривожлантиришнинг ҳозирги босқичидаги устувор йўналишлар, давлат ва ижтимоий ҳаётнинг барча соҳаларини ислоҳ қилиш борасидаги вазифаларни самарали амалга ошириш давлат хавфсизлигини таъминлашнинг сифат жиҳатдан янги тизимини шакллантиришни тақозо этади.
Ўзбекистон Республикасининг конституциявий тузуми, суверенитети, ҳудудий яхлитлиги ва манфаатларини ташқи ва ички таҳдидлардан ҳимоя қилиш борасидаги фаолиятни тубдан такомиллаштириш мақсадида, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси вазифаларига мувофиқ:
1. Ўзбекистон Республикаси Миллий хавфсизлик хизмати Ўзбекистон Республикаси Давлат хавфсизлик хизмати сифатида қайта ташкил этилсин.
Белгилансинки, Ўзбекистон Республикаси Давлат хавфсизлик хизмати Ўзбекистон Республикаси Миллий хавфсизлик хизматининг ҳуқуқлари, мажбуриятлари ва шартномалари бўйича ҳуқуқий ворис ҳисобланади.
Ўзбекистон Республикаси Давлат хавфсизлик хизмати Ўзбекистон Республикасининг конституциявий тузуми, суверенитети, ҳудудий яхлитлиги ва манфаатларини ташқи ва ички таҳдидлардан ҳимоя қилувчи махсус ваколатли орган этиб белгилансин.
2. Ўзбекистон Республикаси Давлат хавфсизлик хизмати (бундан буён Хизмат деб юритилади) фаолиятини ташкил этишнинг устувор йўналишлари этиб қуйидагилар белгилансин:
Хизматнинг махсус ваколатли давлат хавфсизлик органи сифатидаги ҳуқуқий мақоми, ваколатлари ва фаолият йўналишларини аниқ белгилаб берувчи мустаҳкам қонунчилик базасини яратиш;
бугунги кундаги хавф-хатарлар ва таҳдидларга қарши курашишнинг таъсирчан шакл ҳамда услубларини жорий этиш;
юзага келаётган ижтимоий-сиёсий ва социал-иқтисодий вазиятни инобатга олган ҳолда давлат хавфсизлигини таъминлаш борасидаги вазифаларни бажаришда мавжуд куч ҳамда воситалардан самарали фойдаланиш имконини берувчи ташкилий тузилмани шакллантириш;
Хизмат фаолиятини давлат хавфсизлигини таъминлаш ишларининг шакл ва услублари, шунингдек, Хизмат ҳарбий хизматчиларининг идоравий мансублиги ҳақидаги маълумотлар ошкор бўлишини истисно этувчи конспирация тамойили асосида ташкил этиш;
фуқароларнинг ҳуқуқлари, эркинликлари ва қонуний манфаатларига оғишмай риоя этилишини кафолатлайдиган таъсирчан механизмларни жорий қилиш;
Ўзбекистон Республикасининг манфаатларини муносиб ҳимоя қилишга қодир, ҳар томонлама етук ва ватанпарвар ёшларни Хизматга жалб этишга қаратилган кадрларни танлаш ва тайёрлашнинг мутлақо янги тизимини яратиш;
меҳнатга муносиб ҳақ тўлаш, уй-жой ва маиший шарт-шароитларни яхшилаш, соғлиқни сақлаш тизимини такомиллаштириш орқали Хизмат ҳарбий хизматчиларининг ижтимоий ҳимоясини кучайтириш.
3. Хизматнинг асосий вазифалари ва фаолият йўналишлари этиб қуйидагилар белгилансин:
Ўзбекистон Республикасининг давлат хавфсизлиги ва манфаатларини ташқи ва ички таҳдидлардан ҳимоя қилишни таъминлаш, мазкур соҳада қонунийлик ва қонун устуворлигини мустаҳкамлаш, ҳуқуқбузарликларнинг олдини олиш, уларни аниқлаш ва уларга барҳам бериш;
Ўзбекистон Республикасининг конституциявий тузуми, суверенитети ва ҳудудий яхлитлигига тажовузларнинг олдини олиш, уларни аниқлаш ҳамда уларга барҳам бериш бўйича разведка ва контрразведка фаолиятини амалга ошириш;
Ўзбекистон Республикасининг Давлат чегараларини қўриқлаш ва ҳимоя қилиш;
Ўзбекистон Республикасининг Қуролли Кучлари ва мудофаа-саноат мажмуасини давлат хавфсизлигига хавф-хатарлар ҳамда таҳдидлардан ҳимоя қилиш, мамлакат мудофаа қобилиятини мустаҳкамлаш бўйича стратегик ташаббусларни амалга оширишда иштирок этиш;
терроризм, экстремизм, уюшган жиноятчиликка, қурол-яроғ, гиёҳвандлик воситалари ва психотроп моддаларнинг ноқонуний муомаласига қарши курашиш;
давлат манфаатлари ва хавфсизлигига таҳдид солувчи миллий, ирқий ва диний адоватни тарғиб этишга қаратилган бузғунчилик фаолиятининг олдини олиш, уни аниқлаш ва унга барҳам бериш;
иқтисодий, илмий-техникавий, ижтимоий ва ахборот соҳаларида давлат хавфсизлигини таъминлаш, Ўзбекистон Республикаси халқининг тарихий-маданий ва бой маънавий меросини ҳимоя қилиш;
давлат органлари ва бошқа ташкилотларда давлат манфаатлари ва хавфсизлигига таҳдид солувчи коррупция ҳолатларига қарши курашиш;
телекоммуникация ва транспорт соҳасида давлат хавфсизлигини таъминлаш, фавқулодда ҳолатларни юзага келтирувчи омилларнинг олдини олиш, аниқлаш ва уларга барҳам бериш;
Хизмат тергов қилиш ваколатига кирувчи жиноят ишлари бўйича терговга қадар текширув ва дастлабки тергов олиб бориш ва тезкор-қидирув фаолиятини амалга ошириш;
давлат органлари ва бошқа ташкилотларда давлат сирлари сақланиши, махсус алоқа хавфсизлигининг таъминланиши ҳамда ахборотларни криптографик ҳимоя қилишни ташкил этиш устидан назоратни амалга ошириш;
давлат манфаатлари ва хавфсизлигига таҳдид солувчи ҳуқуқбузарликлар содир этилишига имкон берадиган сабаб ва шарт-шароитларни аниқлаш ҳамда бартараф этиш;
Хизматнинг жанговар ва сафарбарлик тайёргарлиги ҳолатини такомиллаштириш ва сақлаб туриш, куч ва воситаларни фавқулодда вазиятлар юзага келган ҳамда ҳарбий ҳолат жорий қилингандаги ҳаракатларга тайёрлаш.
4. Қуйидаги функциялар:
2018 йил 1 апрелдан режимли мудофаа объектларини лойиҳалаш, қуриш, улардан фойдаланиш ва уларни таъмирлаш учун лицензия талабгорларига рухсат этилганлиги ҳақида маълумотнома бериш — Ўзбекистон Республикаси Мудофаа вазирлигига;
Ўзбекистон Республикасининг ўта муҳим ва тоифаланган объектларида қўриқлашнинг техник воситаларини лойиҳалаш, монтаж қилиш, созлаш, таъмирлаш ва уларга техник хизмат кўрсатиш бўйича ишларни бажаришга рухсат бериш — Ўзбекистон Республикаси Миллий гвардиясига ўтказилсин.
5. Ўзбекистон Республикаси Президентининг 2018 йил 22 январдаги ПФ-5308-сон «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол тадбиркорлик, инновацион ғоялар ва технологияларни қўллаб-қувватлаш йили»да амалга оширишга оид давлат дастури тўғрисида»ги Фармонига мувофиқ Ўзбекистон Республикаси Олий Мажлиси Қонунчилик палатасининг бир гуруҳ депутатлари томонидан «Ўзбекистон Республикасининг Миллий хавфсизлик хизмати тўғрисида»ги Ўзбекистон Республикаси қонуни лойиҳаси ишлаб чиқилганлиги маълумот учун қабул қилинсин.
Ўзбекистон Республикаси Олий Мажлиси Қонунчилик палатасига мазкур Фармон қоидаларидан келиб чиққан ҳолда қонун лойиҳасини қайта ишлаш тавсия этилсин.
6. Ўзбекистон Республикаси Вазирлар Маҳкамаси Хизмат билан биргаликда бир ой муддатда 2018 — 2022 йилларда Ўзбекистон Республикаси Давлат хавфсизлик хизматининг ҳарбий хизматчилари учун арзон уй-жойларни қуриш дастурини ишлаб чиқсин ва тасдиқласин.
7. Ўзбекистон Республикаси Давлат хавфсизлик хизматининг байроғи ва эмблемаси намуналари 1 ва 2-иловаларга мувофиқ тасдиқлансин.
Белгилансинки, байроқ ва эмблемадан фойдаланиш тартиби Хизмат раиси томонидан тасдиқланади.
8. Хизмат икки ой муддатда:
Хизмат фаолиятини ташкил этиш;
Хизматнинг таълим муассасалари фаолиятини такомиллаштириш;
Ўзбекистон Республикаси Давлат чегарасини қўриқлаш тизимининг самарадорлигини оширишни назарда тутувчи Ўзбекистон Республикаси Президенти қарорлари лойиҳаларини киритсин.
9. Ўзбекистон Республикаси Адлия вазирлиги Хизмат ва бошқа манфаатдор идоралар билан биргаликда бир ой муддатда қонун ҳужжатларига мазкур Фармондан келиб чиқадиган ўзгартиш ва қўшимчалар тўғрисидаги таклифларни Ўзбекистон Республикаси Вазирлар Маҳкамасига киритсин.
10. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президентининг 2018 йил 14 мартдаги ПФ-5379-сон Фармонига 1-ИЛОВА
Ўзбекистон Республикаси Давлат хавфсизлик хизмати байроғининг
Ўзбекистон Республикаси Давлат хавфсизлик хизмати байроғи барқарорлик, матонат, содиқлик, фидоийлик ва мардликни ифода этувчи тўқ кўк рангли тўғри бурчакли мато кўринишига эга.
Байроқ марказида геральдик белги — Ўзбекистон Республикаси Давлат хавфсизлик хизматининг эмблемаси тасвирланган.
Ўзбекистон Республикаси Давлат хавфсизлик хизмати байроғининг узунлиги — 250 см, эни — 125 см.
Ўзбекистон Республикаси Президентининг 2018 йил 14 мартдаги ПФ-5379-сон Фармонига 2-ИЛОВА
Ўзбекистон Республикаси Давлат хавфсизлик хизмати эмблемаси — геральдик белги
Геральдик белги — Ўзбекистон Республикаси Давлат хавфсизлик хизмати эмблемаси тўқ кўк рангли айлана тасмаси бўлган кумуш ранг доирадан иборат.
Айлана тасманинг юқори қисмида оқ рангли бош ҳарфлар билан лотин алифбосида: «OʼZBEKISTON RESPUBLIKASI», пастки қисмида: «DAVLAT XAVFSIZLIK XIZMATI» деб ёзилган. Ушбу ёзувлар ҳурлик маъносини англатувчи саккиз қиррали иккита юлдуз билан ажратилган.
Доира марказида давлат ва жамиятни ташқи ва ички таҳдидлардан ҳимоя қилиш рамзини англатувчи, пастки қисми чўзилган, юқори бурчаклари кесилган учбурчак кўринишига эга қалқон тасвирланган. Қалқон юзаси кумуш рангда. Қалқоннинг марказида Ўзбекистон Республикаси Давлат герби тасвирланган.
Ўзбекистон Республикаси Давлат гербидан қалқоннинг камбар ҳошияларига қадар қуёш нурларини ифодаловчи тўғри чизиқлар тортилган.
Қалқоннинг кесилган икки юқори ва пастки бурчакларида шахс, жамият ва давлат манфаатлари муҳофазасини англатувчи учта ҳалқа тасвирланган.
Қалқон ортида симметрия ўқи бўйича тиғи пастга йўналтирилган қилич жойлашган. Қилич куч, шаън, адолат, жасорат ва ҳушёрликни англатади.
Қилич кумуш рангда. Қилич дастаги еттита ҳалқадан иборат бўлиб, улар Ўзбекистон Республикаси Давлат хавфсизлик хизмати фаолиятининг асосий тамойилларини англатади.
Қалқон ва қилич ортида симметрик равишда икки томонга ҳилпираётган Ўзбекистон Республикаси Давлат байроғи тасвирланган.
Ўзбекистон Республикаси Давлат байроғининг қалқон ва қилич ортида жойлашуви конституциявий тузум, суверенитет, ҳудудий яхлитлик ва давлат манфаатларининг ташқи ва ички таҳдидлардан ҳимояланганлигини англатади.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 14 март,
ПФ-5379-сон
Oʻzbekiston Respublikasi Prezidentining
Farmoni
TAVSIFI
TAVSIFI
Oʻzbekiston Respublikasining davlat xavfsizligi tizimini takomillashtirish chora-tadbirlari toʻgʻrisida
Davlat tuzilmasi va davlat chegaralari daxlsizligini ishonchli himoya qilish, inson huquqlari va erkinliklariga ogʻishmay rioya etish, jamiyatdagi millatlararo totuvlik, diniy bagʻrikenglik, tinchlik va osoyishtalik — demokratik huquqiy davlat qurishning hamda mamlakatni jadal ijtimoiy-iqtisodiy rivojlantirishning muhim shartlaridan hisoblanadi.
Oʻzbekiston Respublikasi Milliy xavfsizlik xizmati mamlakatning konstitutsiyaviy tuzumi, suvereniteti, hududiy yaxlitligi, iqtisodiy va mudofaa salohiyatini tashqi va ichki tahdidlardan himoya qilish tizimida alohida oʻrin tutadi.
Shu bilan birga, Milliy xavfsizlik xizmatining maqomi, vazifalari va vakolatlari doirasini aniq belgilab beruvchi qonun hujjati yaratilmay turib, unga milliy xavfsizlikni taʼminlashning barcha jihatlari yuklatilgani ushbu idoraning davlat organlari faoliyatining barcha sohalariga asossiz aralashuviga shart-sharoit yaratib berdi.
Mamlakatni rivojlantirishning hozirgi bosqichidagi ustuvor yoʻnalishlar, davlat va ijtimoiy hayotning barcha sohalarini isloh qilish borasidagi vazifalarni samarali amalga oshirish davlat xavfsizligini taʼminlashning sifat jihatdan yangi tizimini shakllantirishni taqozo etadi.
Oʻzbekiston Respublikasining konstitutsiyaviy tuzumi, suvereniteti, hududiy yaxlitligi va manfaatlarini tashqi va ichki tahdidlardan himoya qilish borasidagi faoliyatni tubdan takomillashtirish maqsadida, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasi vazifalariga muvofiq:
1. Oʻzbekiston Respublikasi Milliy xavfsizlik xizmati Oʻzbekiston Respublikasi Davlat xavfsizlik xizmati sifatida qayta tashkil etilsin.
Belgilansinki, Oʻzbekiston Respublikasi Davlat xavfsizlik xizmati Oʻzbekiston Respublikasi Milliy xavfsizlik xizmatining huquqlari, majburiyatlari va shartnomalari boʻyicha huquqiy voris hisoblanadi.
Oʻzbekiston Respublikasi Davlat xavfsizlik xizmati Oʻzbekiston Respublikasining konstitutsiyaviy tuzumi, suvereniteti, hududiy yaxlitligi va manfaatlarini tashqi va ichki tahdidlardan himoya qiluvchi maxsus vakolatli organ etib belgilansin.
2. Oʻzbekiston Respublikasi Davlat xavfsizlik xizmati (bundan buyon Xizmat deb yuritiladi) faoliyatini tashkil etishning ustuvor yoʻnalishlari etib quyidagilar belgilansin:
Xizmatning maxsus vakolatli davlat xavfsizlik organi sifatidagi huquqiy maqomi, vakolatlari va faoliyat yoʻnalishlarini aniq belgilab beruvchi mustahkam qonunchilik bazasini yaratish;
bugungi kundagi xavf-xatarlar va tahdidlarga qarshi kurashishning taʼsirchan shakl hamda uslublarini joriy etish;
yuzaga kelayotgan ijtimoiy-siyosiy va sotsial-iqtisodiy vaziyatni inobatga olgan holda davlat xavfsizligini taʼminlash borasidagi vazifalarni bajarishda mavjud kuch hamda vositalardan samarali foydalanish imkonini beruvchi tashkiliy tuzilmani shakllantirish;
Xizmat faoliyatini davlat xavfsizligini taʼminlash ishlarining shakl va uslublari, shuningdek, Xizmat harbiy xizmatchilarining idoraviy mansubligi haqidagi maʼlumotlar oshkor boʻlishini istisno etuvchi konspiratsiya tamoyili asosida tashkil etish;
fuqarolarning huquqlari, erkinliklari va qonuniy manfaatlariga ogʻishmay rioya etilishini kafolatlaydigan taʼsirchan mexanizmlarni joriy qilish;
Oʻzbekiston Respublikasining manfaatlarini munosib himoya qilishga qodir, har tomonlama yetuk va vatanparvar yoshlarni Xizmatga jalb etishga qaratilgan kadrlarni tanlash va tayyorlashning mutlaqo yangi tizimini yaratish;
mehnatga munosib haq toʻlash, uy-joy va maishiy shart-sharoitlarni yaxshilash, sogʻliqni saqlash tizimini takomillashtirish orqali Xizmat harbiy xizmatchilarining ijtimoiy himoyasini kuchaytirish.
3. Xizmatning asosiy vazifalari va faoliyat yoʻnalishlari etib quyidagilar belgilansin:
Oʻzbekiston Respublikasining davlat xavfsizligi va manfaatlarini tashqi va ichki tahdidlardan himoya qilishni taʼminlash, mazkur sohada qonuniylik va qonun ustuvorligini mustahkamlash, huquqbuzarliklarning oldini olish, ularni aniqlash va ularga barham berish;
Oʻzbekiston Respublikasining konstitutsiyaviy tuzumi, suvereniteti va hududiy yaxlitligiga tajovuzlarning oldini olish, ularni aniqlash hamda ularga barham berish boʻyicha razvedka va kontrrazvedka faoliyatini amalga oshirish;
Oʻzbekiston Respublikasining Davlat chegaralarini qoʻriqlash va himoya qilish;
Oʻzbekiston Respublikasining Qurolli Kuchlari va mudofaa-sanoat majmuasini davlat xavfsizligiga xavf-xatarlar hamda tahdidlardan himoya qilish, mamlakat mudofaa qobiliyatini mustahkamlash boʻyicha strategik tashabbuslarni amalga oshirishda ishtirok etish;
terrorizm, ekstremizm, uyushgan jinoyatchilikka, qurol-yarogʻ, giyohvandlik vositalari va psixotrop moddalarning noqonuniy muomalasiga qarshi kurashish;
davlat manfaatlari va xavfsizligiga tahdid soluvchi milliy, irqiy va diniy adovatni targʻib etishga qaratilgan buzgʻunchilik faoliyatining oldini olish, uni aniqlash va unga barham berish;
iqtisodiy, ilmiy-texnikaviy, ijtimoiy va axborot sohalarida davlat xavfsizligini taʼminlash, Oʻzbekiston Respublikasi xalqining tarixiy-madaniy va boy maʼnaviy merosini himoya qilish;
davlat organlari va boshqa tashkilotlarda davlat manfaatlari va xavfsizligiga tahdid soluvchi korrupsiya holatlariga qarshi kurashish;
telekommunikatsiya va transport sohasida davlat xavfsizligini taʼminlash, favqulodda holatlarni yuzaga keltiruvchi omillarning oldini olish, aniqlash va ularga barham berish;
Xizmat tergov qilish vakolatiga kiruvchi jinoyat ishlari boʻyicha tergovga qadar tekshiruv va dastlabki tergov olib borish va tezkor-qidiruv faoliyatini amalga oshirish;
davlat organlari va boshqa tashkilotlarda davlat sirlari saqlanishi, maxsus aloqa xavfsizligining taʼminlanishi hamda axborotlarni kriptografik himoya qilishni tashkil etish ustidan nazoratni amalga oshirish;
davlat manfaatlari va xavfsizligiga tahdid soluvchi huquqbuzarliklar sodir etilishiga imkon beradigan sabab va shart-sharoitlarni aniqlash hamda bartaraf etish;
Xizmatning jangovar va safarbarlik tayyorgarligi holatini takomillashtirish va saqlab turish, kuch va vositalarni favqulodda vaziyatlar yuzaga kelgan hamda harbiy holat joriy qilingandagi harakatlarga tayyorlash.
4. Quyidagi funksiyalar:
2018-yil 1-apreldan rejimli mudofaa obyektlarini loyihalash, qurish, ulardan foydalanish va ularni taʼmirlash uchun litsenziya talabgorlariga ruxsat etilganligi haqida maʼlumotnoma berish — Oʻzbekiston Respublikasi Mudofaa vazirligiga;
Oʻzbekiston Respublikasining oʻta muhim va toifalangan obyektlarida qoʻriqlashning texnik vositalarini loyihalash, montaj qilish, sozlash, taʼmirlash va ularga texnik xizmat koʻrsatish boʻyicha ishlarni bajarishga ruxsat berish — Oʻzbekiston Respublikasi Milliy gvardiyasiga oʻtkazilsin.
5. Oʻzbekiston Respublikasi Prezidentining 2018-yil 22-yanvardagi PF-5308-son “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol tadbirkorlik, innovatsion gʻoyalar va texnologiyalarni qoʻllab-quvvatlash yili”da amalga oshirishga oid davlat dasturi toʻgʻrisida”gi Farmoniga muvofiq Oʻzbekiston Respublikasi Oliy Majlisi Qonunchilik palatasining bir guruh deputatlari tomonidan “Oʻzbekiston Respublikasining Milliy xavfsizlik xizmati toʻgʻrisida”gi Oʻzbekiston Respublikasi qonuni loyihasi ishlab chiqilganligi maʼlumot uchun qabul qilinsin.
Oʻzbekiston Respublikasi Oliy Majlisi Qonunchilik palatasiga mazkur Farmon qoidalaridan kelib chiqqan holda qonun loyihasini qayta ishlash tavsiya etilsin.
6. Oʻzbekiston Respublikasi Vazirlar Mahkamasi Xizmat bilan birgalikda bir oy muddatda 2018 — 2022-yillarda Oʻzbekiston Respublikasi Davlat xavfsizlik xizmatining harbiy xizmatchilari uchun arzon uy-joylarni qurish dasturini ishlab chiqsin va tasdiqlasin.
7. Oʻzbekiston Respublikasi Davlat xavfsizlik xizmatining bayrogʻi va emblemasi namunalari 1 va 2-ilovalarga muvofiq tasdiqlansin.
Belgilansinki, bayroq va emblemadan foydalanish tartibi Xizmat raisi tomonidan tasdiqlanadi.
8. Xizmat ikki oy muddatda:
Xizmat faoliyatini tashkil etish;
Xizmatning taʼlim muassasalari faoliyatini takomillashtirish;
Oʻzbekiston Respublikasi Davlat chegarasini qoʻriqlash tizimining samaradorligini oshirishni nazarda tutuvchi Oʻzbekiston Respublikasi Prezidenti qarorlari loyihalarini kiritsin.
9. Oʻzbekiston Respublikasi Adliya vazirligi Xizmat va boshqa manfaatdor idoralar bilan birgalikda bir oy muddatda qonun hujjatlariga mazkur Farmondan kelib chiqadigan oʻzgartish va qoʻshimchalar toʻgʻrisidagi takliflarni Oʻzbekiston Respublikasi Vazirlar Mahkamasiga kiritsin.
10. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidentining 2018-yil 14-martdagi PF-5379-son Farmoniga 1-ILOVA
Oʻzbekiston Respublikasi Davlat xavfsizlik xizmati bayrogʻining
Oʻzbekiston Respublikasi Davlat xavfsizlik xizmati bayrogʻi barqarorlik, matonat, sodiqlik, fidoiylik va mardlikni ifoda etuvchi toʻq koʻk rangli toʻgʻri burchakli mato koʻrinishiga ega.
Bayroq markazida geraldik belgi — Oʻzbekiston Respublikasi Davlat xavfsizlik xizmatining emblemasi tasvirlangan.
Oʻzbekiston Respublikasi Davlat xavfsizlik xizmati bayrogʻining uzunligi — 250 sm, eni — 125 sm.
Oʻzbekiston Respublikasi Prezidentining 2018-yil 14-martdagi PF-5379-son Farmoniga 2-ILOVA
Oʻzbekiston Respublikasi Davlat xavfsizlik xizmati emblemasi — geraldik belgi
Geraldik belgi — Oʻzbekiston Respublikasi Davlat xavfsizlik xizmati emblemasi toʻq koʻk rangli aylana tasmasi boʻlgan kumush rang doiradan iborat.
Aylana tasmaning yuqori qismida oq rangli bosh harflar bilan lotin alifbosida: “OʼZBEKISTON RESPUBLIKASI”, pastki qismida: “DAVLAT XAVFSIZLIK XIZMATI” deb yozilgan. Ushbu yozuvlar hurlik maʼnosini anglatuvchi sakkiz qirrali ikkita yulduz bilan ajratilgan.
Doira markazida davlat va jamiyatni tashqi va ichki tahdidlardan himoya qilish ramzini anglatuvchi, pastki qismi choʻzilgan, yuqori burchaklari kesilgan uchburchak koʻrinishiga ega qalqon tasvirlangan. Qalqon yuzasi kumush rangda. Qalqonning markazida Oʻzbekiston Respublikasi Davlat gerbi tasvirlangan.
Oʻzbekiston Respublikasi Davlat gerbidan qalqonning kambar hoshiyalariga qadar quyosh nurlarini ifodalovchi toʻgʻri chiziqlar tortilgan.
Qalqonning kesilgan ikki yuqori va pastki burchaklarida shaxs, jamiyat va davlat manfaatlari muhofazasini anglatuvchi uchta halqa tasvirlangan.
Qalqon ortida simmetriya oʻqi boʻyicha tigʻi pastga yoʻnaltirilgan qilich joylashgan. Qilich kuch, shaʼn, adolat, jasorat va hushyorlikni anglatadi.
Qilich kumush rangda. Qilich dastagi yettita halqadan iborat boʻlib, ular Oʻzbekiston Respublikasi Davlat xavfsizlik xizmati faoliyatining asosiy tamoyillarini anglatadi.
Qalqon va qilich ortida simmetrik ravishda ikki tomonga hilpirayotgan Oʻzbekiston Respublikasi Davlat bayrogʻi tasvirlangan.
Oʻzbekiston Respublikasi Davlat bayrogʻining qalqon va qilich ortida joylashuvi konstitutsiyaviy tuzum, suverenitet, hududiy yaxlitlik va davlat manfaatlarining tashqi va ichki tahdidlardan himoyalanganligini anglatadi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 14-mart,
PF-5379-son
Президента Республики Узбекистан
Указ
ОПИСАНИЕ
ОПИСАНИЕ
О мерах по совершенствованию системы государственной безопасности Республики Узбекистан
Надежная защита государственного устройства, неприкосновенность государственных границ, неукоснительное соблюдение прав и свобод человека, межнациональное согласие, религиозная толерантность, мир и спокойствие в обществе являются важнейшими условиями построения демократического правового государства, ускоренного социально-экономического развития страны.
Служба национальной безопасности Республики Узбекистан занимает особое место в системе защиты конституционного строя, суверенитета, территориальной целостности, экономического и оборонного потенциала страны от внешних и внутренних угроз.
Вместе с тем, возложение на Службу национальной безопасности всех аспектов обеспечения национальной безопасности при отсутствии законодательного акта, четко определяющего ее статус, задачи и пределы полномочий, способствовало необоснованному вмешательству данного ведомства во все сферы деятельности государственных органов.
Приоритетные направления развития страны на современном этапе, успешная реализация задач по реформированию всех сфер государственной и общественной жизни требуют формирования качественно новой системы обеспечения государственной безопасности.
В целях коренного совершенствования деятельности по защите конституционного строя, суверенитета, территориальной целостности и интересов Республики Узбекистан от внешних и внутренних угроз, а также в соответствии с задачами Стратегии действий по пяти приоритетным направлениям развития Республики Узбекистан в 2017 — 2021 годах:
1. Преобразовать Службу национальной безопасности Республики Узбекистан в Службу государственной безопасности Республики Узбекистан.
Установить, что Служба государственной безопасности Республики Узбекистан является правопреемником Службы национальной безопасности Республики Узбекистан по ее правам, обязательствам и договорам.
Определить Службу государственной безопасности Республики Узбекистан специально уполномоченным органом, осуществляющим защиту конституционного строя, суверенитета, территориальной целостности и интересов Республики Узбекистан от внешних и внутренних угроз.
2. Определить приоритетными направлениями организации деятельности Службы государственной безопасности Республики Узбекистан (далее — Служба):
создание прочной законодательной базы, четко определяющей правовой статус, полномочия и направления деятельности Службы в качестве специально уполномоченного органа государственной безопасности;
внедрение действенных форм и методов противодействия современным вызовам и угрозам;
формирование организационной структуры, позволяющей эффективно использовать имеющиеся силы и средства в решении задач по обеспечению государственной безопасности с учетом складывающейся общественно-политической и социально-экономической ситуации;
организацию деятельности Службы на основе принципа конспирации, исключающего огласку сведений о формах и методах работы по обеспечению государственной безопасности, а также ведомственной принадлежности военнослужащих Службы;
внедрение действенных механизмов, гарантирующих неукоснительное соблюдение прав, свобод и законных интересов граждан;
создание принципиально новой системы отбора и подготовки кадров, нацеленной на привлечение в Службу всесторонне развитой и патриотичной молодежи, способной достойно защищать интересы Республики Узбекистан;
усиление социальной защиты военнослужащих Службы путем обеспечения достойной оплаты труда, улучшения жилищно-бытовых условий и совершенствования системы охраны здоровья.
3. Основными задачами и направлениями деятельности Службы определить:
обеспечение государственной безопасности и защиты интересов Республики Узбекистан от внешних и внутренних угроз, укрепление законности и верховенства закона, предупреждение, выявление и пресечение правонарушений в данной сфере;
осуществление разведывательной и контрразведывательной деятельности по предупреждению, выявлению и пресечению посягательств на конституционный строй, суверенитет и территориальную целостность Республики Узбекистан;
охрану и защиту Государственной границы Республики Узбекистан;
ограждение Вооруженных Сил и оборонно-промышленного комплекса Республики Узбекистан от вызовов, рисков и угроз государственной безопасности, участие в реализации стратегических инициатив по укреплению обороноспособности страны;
борьбу с терроризмом, экстремизмом, организованной преступностью, незаконным оборотом оружия, наркотических средств и психотропных веществ;
предупреждение, выявление и пресечение деструктивной деятельности, направленной на пропаганду национальной, этнической и религиозной вражды, представляющей угрозу государственным интересам и безопасности;
обеспечение государственной безопасности в экономической, научно-технической, социальной и информационной сферах, защиту культурно-исторического и богатого духовного наследия народа Республики Узбекистан;
противодействие проявлениям коррупции в государственных органах и иных организациях, представляющим угрозу государственным интересам и безопасности;
обеспечение государственной безопасности в сфере телекоммуникаций и транспорта, предупреждение, выявление и пресечение предпосылок к чрезвычайным ситуациям;
осуществление оперативно-розыскной деятельности, проведение доследственной проверки и предварительного следствия по делам о преступлениях, расследование которых отнесено к компетенции Службы;
контроль за обеспечением сохранности государственных секретов, безопасности специальной связи и организацией криптографической защиты информации в государственных органах и иных организациях;
выявление и устранение причин и условий, способствующих совершению правонарушений, представляющих угрозу государственным интересам и безопасности;
совершенствование и поддержание состояния боевой и мобилизационной готовности Службы, подготовку сил и средств к действиям при возникновении чрезвычайных ситуаций и введении военного положения.
4. Передать функции по выдаче:
справок о допуске соискателей лицензии на проектирование, строительство, эксплуатацию и ремонт режимных оборонных объектов с 1 апреля 2018 года Министерству обороны Республики Узбекистан;
допусков к выполнению работ по проектированию, монтажу, наладке, ремонту и техническому обслуживанию технических средств охраны на особо важных и категорированных объектах Республики Узбекистан Национальной гвардии Республики Узбекистан.
5. Принять к сведению, что в соответствии с Указом Президента Республики Узбекистан от 22 января 2018 года № УП-5308 «О Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год поддержки активного предпринимательства, инновационных идей и технологий» группой депутатов Законодательной палаты Олий Мажлиса Республики Узбекистан подготовлен проект закона Республики Узбекистан «О Службе национальной безопасности Республики Узбекистан».
Рекомендовать Законодательной палате Олий Мажлиса Республики Узбекистан доработать проект закона с учетом положений настоящего Указа.
6. Кабинету Министров Республики Узбекистан совместно со Службой в месячный срок разработать и утвердить Программу строительства доступных жилых домов для военнослужащих Службы государственной безопасности Республики Узбекистан на 2018 — 2022 годы.
7. Утвердить образцы флага и эмблемы Службы государственной безопасности Республики Узбекистан согласно приложениям №№ 1 и 2 .
Установить, что порядок использования флага и эмблемы утверждается председателем Службы.
8. Службе в двухмесячный срок внести проекты постановлений Президента Республики Узбекистан, предусматривающие:
организацию деятельности Службы;
совершенствование деятельности образовательных учреждений Службы;
повышение эффективности системы охраны Государственной границы Республики Узбекистан.
9. Министерству юстиции совместно со Службой и другими заинтересованными ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
10. Контроль за исполнением настоящего Указа возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
ПРИЛОЖЕНИЕ № 1 к Указу Президента Республики Узбекистан от 14 марта 2018 года № УП-5379
флага Службы государственной безопасности Республики Узбекистан
Флаг Службы государственной безопасности Республики Узбекистан представляет собой прямоугольное полотнище темно-синего цвета, символизирующего постоянство, мужество, преданность, самоотверженность и храбрость.
В центре флага изображен геральдический знак — эмблема Службы государственной безопасности Республики Узбекистан.
Длина флага Службы государственной безопасности Республики Узбекистан — 250 см, ширина — 125 см.
ПРИЛОЖЕНИЕ № 2 к Указу Президента Республики Узбекистан от 14 марта 2018 года № УП-5379
геральдического знака — эмблемы Службы государственной безопасности Республики Узбекистан
Геральдический знак — эмблема Службы государственной безопасности Республики Узбекистан представляет собой серебристый круг, с кольцевой полосой по краю темно-синего цвета.
На кольцевой полосе сверху надпись белыми прямыми литерами латинского алфавита: «OʼZBEKISTON RESPUBLIKASI», снизу: «DAVLAT XAVFSIZLIK XIZMATI». Надписи разделены между собой двумя восьмиконечными звездами, символизирующими знак утверждения.
В центре круга изображен треугольный, вытянутый книзу щит с вырезанными верхними углами, символизирующий защиту государства и общества от внешних и внутренних угроз. Поле щита серебряное. В центре щита изображен Государственный герб Республики Узбекистан.
От Государственного герба Республики Узбекистан до каемки щита растянуты прямые линии, символизирующие лучи солнца.
В двух вырезанных верхних и нижнем углах щита изображены 3 кольца, символизирующие охрану интересов личности, общества и государства.
За щитом — меч, вертикально установленный по оси симметрии острием вниз. Меч символизирует силу, честь, справедливость, отвагу и бдительность.
Меч серебристого цвета. Рукоять меча состоит из семи ободков, символизирующих основные принципы деятельности Службы государственной безопасности Республики Узбекистан.
За щитом и мечом изображен симметрично развевающийся в стороны Государственный флаг Республики Узбекистан.
Расположение Государственного флага Республики Узбекистан за щитом и мечом символизирует защищенность конституционного строя, суверенитета, территориальной целостности и государственных интересов от внешних и внутренних угроз.
Президент Республики Узбекистан Ш. МИРЗИЁЕВ
г. Ташкент,
14 марта 2018 г.,
№ УП-5379