UzbekAI

Ўзбекистон Республикаси Вазирлар Маҳкамасининг

қарори

Ногиронлиги бўлган шахсларнинг автотранспорт воситаларидан фойдаланиши учун қулай шарт-шароитлар яратиш чора-тадбирлари тўғрисида

Ўзбекистон Республикаси Президентининг «Ногиронлиги бўлган шахсларни давлат томонидан қўллаб-қувватлаш тизимини тубдан такомиллаштириш чора-тадбирлари тўғрисида» 2017 йил 1 декабрдаги ПФ-5270-сон Фармони ижросини таъминлаш, шунингдек, ногиронлиги бўлган шахсларнинг автотранспорт воситаларидан фойдаланиши учун қулай шарт-шароитлар яратиш мақсадида Вазирлар Маҳкамаси қарор қилади:

1. Ўзбекистон Республикаси Вазирлар Маҳкамасининг «Автомототранспорт воситалари ҳайдовчиларини тайёрлаш, қайта тайёрлаш ва уларнинг малакасини ошириш тизимини такомиллаштириш чора-тадбирлари тўғрисида» 2018 йил 23 февралдаги 139-сон қарорига мувофиқ автомототранспорт воситалари ва шаҳар электр транспорт воситалари ҳайдовчиларини тайёрлаш, қайта тайёрлаш ҳамда уларнинг малакасини ошириш фаолияти билан давлат таълим муассасалари, шунингдек, нодавлат таълим муассасалари фаолиятини амалга ошириш ҳуқуқини берувчи лицензияга эга бўлган бошқа юридик шахслар томонидан амалга оширилиши белгилаб қўйилганлиги маълумот учун қабул қилинсин.

2. Белгилаб қўйилсинки:

ногиронлиги бўлган шахсларни автотранспорт воситаларини бошқаришга ўргатиш мазкур қарорнинг 1-бандида назарда тутилган автомототранспорт воситалари ҳайдовчиларини тайёрлаш, қайта тайёрлаш ва уларнинг малакасини ошириш фаолияти билан шуғулланувчи ташкилотлар томонидан амалга оширилади;

ногиронлиги бўлган шахсларнинг фойдаланиши учун республикада ишлаб чиқарилган енгил автомобилларни махсус ускуналар билан қайта жиҳозлаш мазкур шахсларнинг буюртмаларига асосан «GM Uzbekistan» АЖ расмий дилерларининг ихтисослаштирилган сервис марказлари орқали амалга оширилади.

3. «Ўзавтосаноат» АЖ 2019 йил 1 январгача бўлган муддатда ногиронлиги бўлган шахсларнинг буюртмалари бўйича республикада ишлаб чиқариладиган «Spark» ва «Matiz» русумли енгил автомобилларни махсус ускуналар билан қайта жиҳозлаш учун «GM Uzbekistan» АЖ расмий дилерларининг ихтисослаштирилган сервис марказларини зарур воситалар ва ускуналар билан таъминласин.

4. Ўзбекистон Республикаси Соғлиқни сақлаш вазирлиги Ички ишлар вазирлиги билан биргаликда бир ой муддатда «Ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш тартиби тўғрисидаги низом»ни махсус ускуналар билан қайта жиҳозланган ва автомат узатгичли енгил автотранспорт воситаларини бошқариш учун ногиронлиги бўлган шахсларга қўйиладиган тиббий мезонларини киритган ҳолда қайта кўриб чиқсин ҳамда унинг ижросини ташкил этсин.

5. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:

бозорлар, савдо мажмуалари ва бошқа объектлар ҳудудларидаги автотранспорт воситалари тўхтаб туриш жойларининг кириш ва чиқиш қулай бўлган қисмидан белгиланган тартибда тўхтаб туриш жойи умумий майдонининг камида 5 фоизи (камида 2 та жой) I ва II гуруҳ ногиронлиги бўлган шахсларнинг автотранспорт воситалари тўхтаб туриши учун ажратилишини таъминласин;

автотранспорт воситаларининг тўхтаб туриш жойларидан узоқ ва ноқулай жойда жойлашган инфратузилма объектлари атрофида I ва II гуруҳ ногиронлиги бўлган шахсларга тегишли автотранспорт воситаларининг тўхтаб туриши учун вақтинчалик тўхтаб туриш жойларини ташкил этсин ва ушбу жойларга Вазирлар Маҳкамасининг 2015 йил 24 декабрдаги 370-сон қарори билан тасдиқланган Йўл ҳаракати қоидаларига 1-иловага мувофиқ «5.15. «Тўхтаб туриш жойи» ва «7.17. «Ногиронлар» йўл белгилари ўрнатилишини таъминласин.

6. Ўзбекистон Республикаси Ички ишлар вазирлиги Соғлиқни сақлаш вазирлиги, Автомобиль йўллари давлат қўмитаси, Автомобиль ва дарё транспорти агентлиги ҳамда «Ўзстандарт» агентлиги билан биргаликда бир ой муддатда ногиронлиги бўлган шахсларнинг автотранспорт воситаларини тўхтаб туриш жойларига қўйиладиган талабларни ишлаб чиқсин ва белгиланган тартибда амалиётга жорий этсин.

7. Белгилансинки, қуйидаги шахслардан автотранспорт воситаларининг тўхтаб туриш жойларидан фойдаланганлик учун ҳақ олинмайди:

«Ногирон ҳайдовчи бошқараётган автомобиль» таниқлик белгиси ўрнатилган автотранспорт воситасини бошқараётган I ва II гуруҳ ногиронлиги бўлган шахслар — ногиронликни тасдиқловчи тиббий маълумотномаси бўлганда;

16 ёшгача ногирон боласи бўлган ота-оналар (ёки унинг ўрнини босувчи шахслар) — 16 ёшгача ногирон бола учун тайинланган тегишли пенсия гувоҳномаси бўлганда.

8. Ўзбекистон Республикаси Ички ишлар вазирлиги Адлия вазирлиги ва бошқа манфаатдор вазирликлар ҳамда идоралар билан биргаликда бир ой муддатда ногиронлиги бўлган шахсларнинг автотранспорт воситалари тўхтаб туриш жойларидан бошқа автотранспорт воситалари ҳайдовчиларининг фойдаланганлиги учун уларнинг жавобгарлигини ўрнатиш бўйича қонун ҳужжатларига тегишли ўзгартиришлар киритиш тўғрисида Вазирлар Маҳкамасига таклиф киритсин.

9. Ўзбекистон Миллий телерадиокомпанияси, Ўзбекистон Матбуот ва ахборот агентлигига ушбу қарорнинг мазмуни ва моҳияти тўғрисида оммавий ахборот воситалари орқали кенг ёритиш тавсия этилсин.

10. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.

11. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Қ.В. Акмалов, Ўзбекистон Республикаси Бош вазирининг ўринбосари — «Ўзагротехсаноатхолдинг» АЖ бошқаруви раиси Н.С. Отажонов, ички ишлар вазири П.Р. Бобожонов ва «Ўзавтосаноат» АЖ бошқаруви раиси У.З. Салимов зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2018 йил 7 март,

183-сон

Oʻzbekiston Respublikasi Vazirlar Mahkamasining

qarori

Nogironligi boʻlgan shaxslarning avtotransport vositalaridan foydalanishi uchun qulay shart-sharoitlar yaratish chora-tadbirlari toʻgʻrisida

Oʻzbekiston Respublikasi Prezidentining “Nogironligi boʻlgan shaxslarni davlat tomonidan qoʻllab-quvvatlash tizimini tubdan takomillashtirish chora-tadbirlari toʻgʻrisida” 2017-yil 1-dekabrdagi PF-5270-son Farmoni ijrosini taʼminlash, shuningdek, nogironligi boʻlgan shaxslarning avtotransport vositalaridan foydalanishi uchun qulay shart-sharoitlar yaratish maqsadida Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasining “Avtomototransport vositalari haydovchilarini tayyorlash, qayta tayyorlash va ularning malakasini oshirish tizimini takomillashtirish chora-tadbirlari toʻgʻrisida” 2018-yil 23-fevraldagi 139-son qaroriga muvofiq avtomototransport vositalari va shahar elektr transport vositalari haydovchilarini tayyorlash, qayta tayyorlash hamda ularning malakasini oshirish faoliyati bilan davlat taʼlim muassasalari, shuningdek, nodavlat taʼlim muassasalari faoliyatini amalga oshirish huquqini beruvchi litsenziyaga ega boʻlgan boshqa yuridik shaxslar tomonidan amalga oshirilishi belgilab qoʻyilganligi maʼlumot uchun qabul qilinsin.

2. Belgilab qoʻyilsinki:

nogironligi boʻlgan shaxslarni avtotransport vositalarini boshqarishga oʻrgatish mazkur qarorning 1-bandida nazarda tutilgan avtomototransport vositalari haydovchilarini tayyorlash, qayta tayyorlash va ularning malakasini oshirish faoliyati bilan shugʻullanuvchi tashkilotlar tomonidan amalga oshiriladi;

nogironligi boʻlgan shaxslarning foydalanishi uchun respublikada ishlab chiqarilgan yengil avtomobillarni maxsus uskunalar bilan qayta jihozlash mazkur shaxslarning buyurtmalariga asosan “GM Uzbekistan” AJ rasmiy dilerlarining ixtisoslashtirilgan servis markazlari orqali amalga oshiriladi.

3. “Oʻzavtosanoat” AJ 2019-yil 1-yanvargacha boʻlgan muddatda nogironligi boʻlgan shaxslarning buyurtmalari boʻyicha respublikada ishlab chiqariladigan “Spark” va “Matiz” rusumli yengil avtomobillarni maxsus uskunalar bilan qayta jihozlash uchun “GM Uzbekistan” AJ rasmiy dilerlarining ixtisoslashtirilgan servis markazlarini zarur vositalar va uskunalar bilan taʼminlasin.

4. Oʻzbekiston Respublikasi Sogʻliqni saqlash vazirligi Ichki ishlar vazirligi bilan birgalikda bir oy muddatda “Haydovchi va haydovchilikka nomzodlarni transport vositalarini boshqarishga yaroqliligini tekshirish uchun tibbiy koʻrikdan oʻtkazish tartibi toʻgʻrisidagi nizom”ni maxsus uskunalar bilan qayta jihozlangan va avtomat uzatgichli yengil avtotransport vositalarini boshqarish uchun nogironligi boʻlgan shaxslarga qoʻyiladigan tibbiy mezonlarini kiritgan holda qayta koʻrib chiqsin hamda uning ijrosini tashkil etsin.

5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

bozorlar, savdo majmualari va boshqa obyektlar hududlaridagi avtotransport vositalari toʻxtab turish joylarining kirish va chiqish qulay boʻlgan qismidan belgilangan tartibda toʻxtab turish joyi umumiy maydonining kamida 5 foizi (kamida 2 ta joy) I va II guruh nogironligi boʻlgan shaxslarning avtotransport vositalari toʻxtab turishi uchun ajratilishini taʼminlasin;

avtotransport vositalarining toʻxtab turish joylaridan uzoq va noqulay joyda joylashgan infratuzilma obyektlari atrofida I va II guruh nogironligi boʻlgan shaxslarga tegishli avtotransport vositalarining toʻxtab turishi uchun vaqtinchalik toʻxtab turish joylarini tashkil etsin va ushbu joylarga Vazirlar Mahkamasining 2015-yil 24-dekabrdagi 370-son qarori bilan tasdiqlangan Yoʻl harakati qoidalariga 1-ilovaga muvofiq “5.15. “Toʻxtab turish joyi” va “7.17. “Nogironlar” yoʻl belgilari oʻrnatilishini taʼminlasin.

6. Oʻzbekiston Respublikasi Ichki ishlar vazirligi Sogʻliqni saqlash vazirligi, Avtomobil yoʻllari davlat qoʻmitasi, Avtomobil va daryo transporti agentligi hamda “Oʻzstandart” agentligi bilan birgalikda bir oy muddatda nogironligi boʻlgan shaxslarning avtotransport vositalarini toʻxtab turish joylariga qoʻyiladigan talablarni ishlab chiqsin va belgilangan tartibda amaliyotga joriy etsin.

7. Belgilansinki, quyidagi shaxslardan avtotransport vositalarining toʻxtab turish joylaridan foydalanganlik uchun haq olinmaydi:

“Nogiron haydovchi boshqarayotgan avtomobil” taniqlik belgisi oʻrnatilgan avtotransport vositasini boshqarayotgan I va II guruh nogironligi boʻlgan shaxslar — nogironlikni tasdiqlovchi tibbiy maʼlumotnomasi boʻlganda;

16 yoshgacha nogiron bolasi boʻlgan ota-onalar (yoki uning oʻrnini bosuvchi shaxslar) — 16 yoshgacha nogiron bola uchun tayinlangan tegishli pensiya guvohnomasi boʻlganda.

8. Oʻzbekiston Respublikasi Ichki ishlar vazirligi Adliya vazirligi va boshqa manfaatdor vazirliklar hamda idoralar bilan birgalikda bir oy muddatda nogironligi boʻlgan shaxslarning avtotransport vositalari toʻxtab turish joylaridan boshqa avtotransport vositalari haydovchilarining foydalanganligi uchun ularning javobgarligini oʻrnatish boʻyicha qonun hujjatlariga tegishli oʻzgartirishlar kiritish toʻgʻrisida Vazirlar Mahkamasiga taklif kiritsin.

9. Oʻzbekiston Milliy teleradiokompaniyasi, Oʻzbekiston Matbuot va axborot agentligiga ushbu qarorning mazmuni va mohiyati toʻgʻrisida ommaviy axborot vositalari orqali keng yoritish tavsiya etilsin.

10. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Q.V. Akmalov, Oʻzbekiston Respublikasi Bosh vazirining oʻrinbosari — “Oʻzagrotexsanoatxolding” AJ boshqaruvi raisi N.S. Otajonov, ichki ishlar vaziri P.R. Bobojonov va “Oʻzavtosanoat” AJ boshqaruvi raisi U.Z. Salimov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2018-yil 7-mart,

183-son

Кабинета Министров Республики Узбекистан

Постановление

О мерах по созданию благоприятных условий для пользования лицами с инвалидностью автотранспортными средствами

Во исполнение Указа Президента Республики Узбекистан от 1 декабря 2017 года № УП-5270 «О мерах по кардинальному совершенствованию системы государственной поддержки лиц с инвалидностью», а также в целях создания благоприятных условий для пользования лицами с инвалидностью автотранспортных средств Кабинет Министров постановляет:

1. Принять к сведению, что в соответствии с постановлением Кабинета Министров от 23 февраля 2018 года № 139 «О мерах по совершенствованию системы подготовки, переподготовки и повышения квалификации водителей автомототранспортных средств» установлено, что деятельность по подготовке, переподготовке и повышению квалификации водителей автомототранспортных средств и средств городского электрического транспорта осуществляется государственными образовательными учреждениями, а также другими юридическими лицами, имеющими лицензию на право осуществления деятельности негосударственных образовательных учреждений.

2. Установить, что:

обучение управлению автомототранспортными средствами лиц с инвалидностью осуществляется организациями, занимающимися подготовкой, переподготовкой и повышением квалификации водителей автомототранспортных средств, предусмотренных в пункте 1 настоящего постановления;

переоснащение специальным оборудованием легковых автомобилей отечественного производства, приспособленных для эксплуатации лицами с инвалидностью осуществляется через специализированные сервисные центры официальных дилеров ОА «GM Uzbekistan».

3. АО «Узавтопром» обеспечить до 1 января 2019 года специализированные сервисные центры официальных дилеров ОА «GM Uzbekistan» необходимыми средствами и оборудованием для переоснащения легковых автомобилей «Spark» и «Matiz» отечественного производства по заказам лиц с инвалидностью специальными приспособлениями (устройствами).

4. Министерству здравоохранения совместно с Министерством внутренних дел Республики Узбекистан в месячный срок пересмотреть «Положение о порядке проведения медицинского осмотра водителей и кандидатов в водители для проверки их годности к управлению транспортными средствами» с внедрением медицинских критериев для лиц с инвалидностью для управления легковыми автомобилями с автоматическими коробками передач и переоснащенными специальным приспособлением (устройством), а также обеспечить его исполнение.

5. Совету Министров Республики Каракалпакстан, хокимиятам областей и города Ташкента обеспечить:

выделение в установленном порядке мест для стоянки автотранспортных средств лиц с инвалидностью I и II группы (не менее 5 % от общей территории стоянки и не менее двух мест) в удобных для входа и выхода частях стоянок для автотранспортных средств, расположенных на территориях рынков, торговых комплексов и других объектов;

организацию мест временной стоянки для автотранспортных средств лиц с инвалидностью I и II группы в окрестностях объектов инфраструктуры, расположенных в труднодоступных местах и далеко от мест стоянок автотранспортных средств, и установление в этих местах дорожных знаков «5.15. «Место стоянки». и «7.17. «Инвалиды» согласно приложению № 1 Правил дорожного движения, утвержденных постановлением Кабинета Министров от 24 декабря 2015 года № 370.

6. Министерству внутренних дел, Министерству здравоохранения Республики Узбекистан, Государственному комитету по автомобильным дорогам, Узбекскому агентству автомобильного и речного транспорта совместно с Агентством «Узстандарт» в месячный срок разработать и ввести в установленном порядке в практику требования, устанавливаемые к местам для стоянок автотранспортных средств лиц с инвалидностью.

7. Установить, что за пользование местами для стоянки автотранспортных средств не взимается плата у:

лиц с инвалидностью I и II группы, управляющих автотранспортными средствами с отличительным знаком — «Автомобиль, управляемый водителем с инвалидностью» — при наличии медицинской справки, подтверждающей инвалидность;

родителей (или лиц заменяющих их) ребенка с инвалидностью до 16 лет — при наличии соответствующего пенсионного удостоверения.

8. Министерству внутренних дел, Министерству юстиции совместно с другими заинтересованными министерствами и ведомствами в месячный срок внести в Кабинет Министров предложения о внесении соответствующих изменений в акты законодательства в части установления ответственности за использование мест для стоянки автотранспортных средств лиц с инвалидностью другими лицами.

9. Рекомендовать Национальной телерадиокомпании Узбекистана, Узбекскому агентству по печати и информации обеспечить широкое освещение в средствах массовой информации сути и содержания настоящего постановления.

10. Министерствам и ведомствам привести в месячный срок свои ведомственные нормативные акты в соответствие с настоящим постановлением.

11. Контроль за выполнением настоящего постановления возложить на заместителя Премьер-министра Республики Узбекистан К.В. Акмалова, заместителя Премьер-министра Республики Узбекистан — председателя правления АО «Узагротехсаноатхолдинг» Н.С. Отажонова, министра внутренних дел П.Р. Бобожонова и председателя правления АО «Узавтосаноат» У.З. Салимова.

Премьер-министр Республики Узбекистан А. АРИПОВ

г. Ташкент,

7 марта 2018 г.,

№ 183