📅 2018-yil 18-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 18 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 18 марта 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 18 March 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси ҳудудида хорижий давлатлар оммавий ахборот воситалари мухбирларининг касб фаолиятини тартибга солувчи Асосий қоидаларга ўзгартириш ва қўшимчалар киритиш тўғрисида
Ўзбекистон Республикаси Президентининг «Кириш туризмини ривожлантириш чора-тадбирлари тўғрисида» 2018 йил 6 февралдаги ПҚ-3509-сон қарорига 2-илованинг 13-бандига мувофиқ ҳамда туризм соҳасида давлат сиёсатини амалга ошириш, миллий туристик маҳсулотлар ва брендларни халқаро майдонларга фаол киритиш, шунингдек, Ўзбекистонга ташрифлар давомида хорижий мамлакатларнинг расмий делегацияларига ҳамроҳлик қилаётган оммавий ахборот воситалари вакилларини аккредитациядан ўтказиш тартибига аниқликлар киритиш мақсадида Вазирлар Маҳкамаси қарор қилади:
1. Вазирлар Маҳкамасининг 2006 йил 24 февралдаги 33-сон қарори (Ўзбекистон Республикаси ҚҲТ, 2006 й., 9-сон, 65-модда) билан тасдиқланган Ўзбекистон Республикаси ҳудудида хорижий давлатлар оммавий ахборот воситалари мухбирларининг касб фаолиятини тартибга солувчи Асосий қоидаларга иловага мувофиқ ўзгартириш ва қўшимчалар киритилсин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмурадов, Ўзбекистон Республикаси Ташқи ишлар вазири А.Х. Комилов ҳамда Ўзбекистон Республикаси Туризмни ривожлантириш давлат қўмитаси раиси А.А. Абдухакимов зиммасига юклансин.
Вазирлар Маҳкамасининг 2018 йил 18 мартдаги 207-сон қарорига ИЛОВА
Вазирлар Маҳкамасининг 2006 йил 24 февралдаги 33-сон қарори билан тасдиқланган Ўзбекистон Республикаси ҳудудида хорижий давлатлар оммавий ахборот воситалари мухбирларининг касб фаолиятини тартибга солувчи Асосий қоидаларга киритилаётган ўзгартириш ва қўшимчалар
1. 7-бандда :
а) «олти ойгача» сўзлари «уч ойгача» сўзлари билан алмаштирилсин;
б) қуйидаги мазмундаги иккинчи хатбоши қўшилсин:
«Ўзбекистон Республикасида материалларни, шу жумладан, кинохроникал, Ўзбекистоннинг туристик салоҳияти, табиати, маданияти, анъаналари ва аҳоли турмуш тарзи тўғрисидаги дастурларни, публицистик ва тарихий материалларни суратга олишни мўлжаллаётган хорижий оммавий ахборот воситалари вакиллари учун Ўзбекистон Республикаси Туризмни ривожлантириш давлат қўмитасининг илтимосномаси мавжуд бўлган тақдирда вақтинча хорижий мухбир сифатида аккредитациядан ўтказилганлик тўғрисидаги гувоҳнома мурожаатнома Ўзбекистон Республикаси Ташқи ишлар вазирлигига тушгандан кейин беш иш кунигача муддатда берилади».
2. 13-бандга қуйидаги мазмундаги иккинчи ва учинчи хатбошилар қўшилсин:
«Ўзбекистон Республикасига ташрифни ёритиш учун хорижий давлатларнинг расмий делегацияларига фотограф ёки видеооператор сифатида ҳамроҳлик қилаётган хорижий мамлакатлар давлат органларининг ходимларини аккредитациядан ўтказиш талаб этилмайди.
Хорижий давлатларнинг расмий делегацияларига ҳамроҳлик қилаётган оммавий ахборот воситалари вакилларини вақтинча аккредитациядан ўтказиш тўғрисидаги қарор хорижий давлатнинг Ўзбекистон Республикаси Ташқи ишлар вазирлигига ёки Ўзбекистон Республикасининг хориждаги дипломатик ваколатхоналарига юборилган расмий вербал нотаси асосида беш иш кунидан кечикмасдан қабул қилинади. Ушбу ҳолатда Асосий қоидаларнинг 5-бандида назарда тутилган ҳужжатларни тақдим этиш талаб қилинмайди».
Ўзбекистон Республикасининг Бош вазири А. АРИПОВ
Тошкент ш.,
2018 йил 18 март,
207-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi hududida xorijiy davlatlar ommaviy axborot vositalari muxbirlarining kasb faoliyatini tartibga soluvchi Asosiy qoidalarga oʻzgartirish va qoʻshimchalar kiritish toʻgʻrisida
Oʻzbekiston Respublikasi Prezidentining “Kirish turizmini rivojlantirish chora-tadbirlari toʻgʻrisida” 2018-yil 6-fevraldagi PQ-3509-son qaroriga 2-ilovaning 13-bandiga muvofiq hamda turizm sohasida davlat siyosatini amalga oshirish, milliy turistik mahsulotlar va brendlarni xalqaro maydonlarga faol kiritish, shuningdek, Oʻzbekistonga tashriflar davomida xorijiy mamlakatlarning rasmiy delegatsiyalariga hamrohlik qilayotgan ommaviy axborot vositalari vakillarini akkreditatsiyadan oʻtkazish tartibiga aniqliklar kiritish maqsadida Vazirlar Mahkamasi qaror qiladi:
1. Vazirlar Mahkamasining 2006-yil 24-fevraldagi 33-son qarori (Oʻzbekiston Respublikasi QHT, 2006-y., 9-son, 65-modda) bilan tasdiqlangan Oʻzbekiston Respublikasi hududida xorijiy davlatlar ommaviy axborot vositalari muxbirlarining kasb faoliyatini tartibga soluvchi Asosiy qoidalarga ilovaga muvofiq oʻzgartirish va qoʻshimchalar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov, Oʻzbekiston Respublikasi Tashqi ishlar vaziri A.X. Komilov hamda Oʻzbekiston Respublikasi Turizmni rivojlantirish davlat qoʻmitasi raisi A.A. Abduxakimov zimmasiga yuklansin.
Vazirlar Mahkamasining 2018-yil 18-martdagi 207-son qaroriga ILOVA
Vazirlar Mahkamasining 2006-yil 24-fevraldagi 33-son qarori bilan tasdiqlangan Oʻzbekiston Respublikasi hududida xorijiy davlatlar ommaviy axborot vositalari muxbirlarining kasb faoliyatini tartibga soluvchi Asosiy qoidalarga kiritilayotgan oʻzgartirish va qoʻshimchalar
1. 7-bandda :
a) “olti oygacha” soʻzlari “uch oygacha” soʻzlari bilan almashtirilsin;
b) quyidagi mazmundagi ikkinchi xatboshi qoʻshilsin:
“Oʻzbekiston Respublikasida materiallarni, shu jumladan, kinoxronikal, Oʻzbekistonning turistik salohiyati, tabiati, madaniyati, anʼanalari va aholi turmush tarzi toʻgʻrisidagi dasturlarni, publitsistik va tarixiy materiallarni suratga olishni moʻljallayotgan xorijiy ommaviy axborot vositalari vakillari uchun Oʻzbekiston Respublikasi Turizmni rivojlantirish davlat qoʻmitasining iltimosnomasi mavjud boʻlgan taqdirda vaqtincha xorijiy muxbir sifatida akkreditatsiyadan oʻtkazilganlik toʻgʻrisidagi guvohnoma murojaatnoma Oʻzbekiston Respublikasi Tashqi ishlar vazirligiga tushgandan keyin besh ish kunigacha muddatda beriladi”.
2. 13-bandga quyidagi mazmundagi ikkinchi va uchinchi xatboshilar qoʻshilsin:
“Oʻzbekiston Respublikasiga tashrifni yoritish uchun xorijiy davlatlarning rasmiy delegatsiyalariga fotograf yoki videooperator sifatida hamrohlik qilayotgan xorijiy mamlakatlar davlat organlarining xodimlarini akkreditatsiyadan oʻtkazish talab etilmaydi.
Xorijiy davlatlarning rasmiy delegatsiyalariga hamrohlik qilayotgan ommaviy axborot vositalari vakillarini vaqtincha akkreditatsiyadan oʻtkazish toʻgʻrisidagi qaror xorijiy davlatning Oʻzbekiston Respublikasi Tashqi ishlar vazirligiga yoki Oʻzbekiston Respublikasining xorijdagi diplomatik vakolatxonalariga yuborilgan rasmiy verbal notasi asosida besh ish kunidan kechikmasdan qabul qilinadi. Ushbu holatda Asosiy qoidalarning 5-bandida nazarda tutilgan hujjatlarni taqdim etish talab qilinmaydi”.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 18-mart,
207-son
Кабинета Министров Республики Узбекистан
Постановление
О внесении изменения и дополнений в Основные правила, регулирующие профессиональную деятельность корреспондентов средств массовой информации иностранных государств на территории Республики Узбекистан
В соответствии с пунктом 13 приложения № 2 к постановлению Президента Республики Узбекистан от 6 февраля 2018 года № ПП-3509 «О мерах по развитию въездного туризма» и в целях реализации государственной политики в сфере туризма, активного продвижения национальных туристских продуктов и брендов на международной арене, а также внесения уточнения в порядок аккредитации представителей средств массовой информации, сопровождающих официальные делегации зарубежных стран в ходе визитов в Узбекистан, Кабинет Министров постановляет:
1. Внести изменение и дополнения в Основные правила , регулирующие профессиональную деятельность корреспондентов средств массовой информации иностранных государств на территории Республики Узбекистан, утвержденные постановлением Кабинета Министров от 24 февраля 2006 г. № 33 (СЗ Республики Узбекистан, 2006 г., № 9, ст. 65), согласно приложению .
2. Контроль за исполнением настоящего постановления возложить на заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмурадова, министра иностранных дел Республики Узбекистан А.Х. Камилова и председателя Государственного комитета Республики Узбекистан по развитию туризма А.А. Абдухакимова.
ПРИЛОЖЕНИЕ к постановлению Кабинета Министров от 18 марта 2018 года № 207
Изменение и дополнения, вносимые в Основные правила, регулирующие профессиональную деятельность корреспондентов средств массовой информации иностранных государств на территории Республики Узбекистан, утвержденные постановлением Кабинета Министров от 24 февраля 2006 г. № 33
1. В пункте 7 :
а) слова «до шести месяцев» заменить словами «до трех месяцев»;
б) дополнить абзацем вторым следующего содержания:
«При наличии ходатайства Государственного комитета Республики Узбекистан по развитию туризма представителям иностранных средств массовой информации, намеревающимся снимать в Республике Узбекистан материалы, в том числе кинохроникальные программы, о его туристском потенциале, природе, культуре, традициях и быте населения, публицистические и исторические материалы, удостоверение об аккредитации в качестве временного иностранного корреспондента выдается в срок до пяти рабочих дней после поступления обращения в МИД Республики Узбекистан».
2. Пункт 13 дополнить абзацами вторым и третьим следующего содержания:
«Не требуется аккредитация работникам государственных органов зарубежных стран, сопровождающим официальные делегации иностранных государств в качестве фотографа или видеооператора для освещения визита в Республике Узбекистан.
Решение о временной аккредитации представителей средств массовой информации, сопровождающих официальные делегации иностранных государств, принимается не позднее пяти рабочих дней на основе официальной вербальной ноты зарубежного государства в МИД Республики Узбекистан или дипломатические представительства Республики Узбекистан за рубежом. В этом случае не требуется предоставление документов, предусмотренных пунктом 5 настоящих Основных правил».
Премьер-министр Республики Узбекистан А. АРИПОВ
г. Ташкент,
18 марта 2018 г.,
№ 207