📅 2018-yil 22-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 22 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 22 марта 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 22 March 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Давлат активларини сотишда ва ижарага беришда электрон савдоларни жорий этиш чора-тадбирлари тўғрисида
2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол тадбиркорлик, инновацион ғоялар ва технологияларни қўллаб-қувватлаш йили»да амалга оширишга оид давлат Дастурини ўз вақтида ва сифатли ижро этиш, шунингдек, давлат активларини сотишда ва ижарага беришда шаффофликни таъминлаш, хусусий тадбиркорлик учун қўшимча шарт-шароитлар яратиш, давлат мулки объектларини сотиш тартиботларини янада соддалаштириш мақсадида Вазирлар Маҳкамаси қарор қилади:
1. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Иқтисодиёт вазирлиги, Ахборот технологиялари ва коммуникацияларини ривожлантириш вазирлиги, Ер ресурслари, геодезия, картография ва давлат кадастри давлат қўмитаси, Тошкент вилояти ҳокимлигининг Тошкент вилоятида давлат активларини электрон савдолар орқали сотиш ва ижарага бериш механизмини эксперимент тариқасида жорий этиш тўғрисидаги таклифи қабул қилинсин.
2. Қуйидаги тартиб белгилансин, унга кўра Тошкент вилоятида давлат активларини сотиш ва ижарага бериш фақат «Электрон онлайн-аукционларни ташкил этиш» акциядорлик жамияти томонидан «E-auksion» электрон савдо платформасида онлайн-аукционлар шаклида ташкил этиладиган электрон савдолар орқали:
а) 2018 йил 10 майдан бошлаб — хусусийлаштириладиган кўчмас мулки давлат объектлари, шунингдек, масъулияти чекланган жамиятларнинг устав фондларидаги (устав капиталларидаги) давлат улушлари инвестиция ва ижтимоий мажбуриятлар қабул қилиш шарти билан сотилади;
б) 2018 йил 1 июлдан бошлаб — давлат мулки ижарага берилади.
3. Давлат активларини сотишда ва ижарага беришда электрон савдоларни ишлаб чиқиш ва жорий этиш бўйича «йўл харитаси» 1-иловага мувофиқ тасдиқлансин.
4. Белгилаб қўйилсинки:
давлат активларини электрон савдоларга қўйиш билан боғлиқ барча турдаги рўйхатдан ўтказиш ва рухсат бериш тартиботлари улар электрон савдоларга қўйилгунгача амалга оширилади;
савдоларда турган давлат мулки объектларини электрон савдога қўйишда улар қайта баҳоланмайди ҳамда электрон савдоларга қўйилган санада шаклланган нархлар бўйича савдога қўйилади;
электрон савдоларни ўтказганлик учун савдолар ташкилотчиси хизматларига ҳақ тўлаш сотувчи ёки ижарага берувчи томонидан, тегишли равишда сотиладиган давлат мулки объекти қийматининг ёки ижарага бериладиган давлат мулки учун йиллик ижара тўловининг 1 фоизидан ортиқ бўлмаган миқдорда амалга оширилади;
эркин иқтисодий ва кичик саноат зоналари ҳудудларидаги давлат активларини сотиш ва ижарага бериш тегишли норматив-ҳуқуқий ҳужжатларда белгиланадиган тартибда амалга оширилади;
жисмоний шахслар ва нодавлат ташкилотлари томонидан кўчмас мулк объектлари «E-auksion» электрон савдо платформасида ташкил этиладиган онлайн-аукционлар орқали, шунингдек, иштирокчилар учун тенг имкониятлар яратишни ҳамда электрон ҳужжатлардан, электрон хабарлар ва шахсий маълумотлардан рухсатсиз фойдаланишдан ҳимоя қилишни таъминловчи бошқа ихтисослаштирилган электрон савдо майдончаларида сотилиши мумкин.
5. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Ахборот технологиялари ва коммуникацияларини ривожлантириш вазирлиги Давлат мулки объектларини сотиш ва давлат мулкини ижарага бериш бўйича электрон савдоларни ўтказиш тартиби тўғрисидаги низом лойиҳасини тасдиқлаш учун бир ой муддатда, белгиланган тартибда Ўзбекистон Республикаси Вазирлар Маҳкамасига киритсинлар.
6. Ушбу қарорда назарда тутилган тадбирларнинг ўз вақтида бажарилиши учун масъулият Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитасига, Ахборот технологиялари ва коммуникацияларини ривожлантириш вазирлигига ҳамда Тошкент вилояти ҳокимлигига юклансин.
8. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси Ахборот технологиялари ва коммуникацияларини ривожлантириш вазирлиги, Ўзбекистон Республикаси Бош прокуратураси ҳузуридаги Мажбурий ижро бюроси билан биргаликда давлат активларини электрон савдолар орқали сотиш тизимини, унинг Тошкент вилоятидаги самарадорлигини ҳисобга олган ҳолда, эксперимент якунларига кўра бутун республика бўйича босқичма-босқич жорий этиш юзасидан 2018 йил 1 октябргача бўлган муддатда Ўзбекистон Республикаси Вазирлар Маҳкамасига таклифлар киритсин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмурадов ҳамда Хусусийлаштирилган корхоналарга кўмаклашиш ва рақобатни ривожлантириш давлат қўмитаси раиси Р.А. Гулямов ва Тошкент вилояти ҳокими Ғ.И. Ибрагимов зиммасига юклансин.
Вазирлар Маҳкамасининг 2018 йил 22 мартдаги 209-сон қарорига 1-ИЛОВА
Давлат активларини сотишда ва ижарага бериш электрон савдоларни ишлаб чиқиш ва жорий этиш бўйича «йўл харитаси»
Т/р Тадбирлар Бажариш муддатлари Масъул бажарувчилар I. Норматив-ҳуқуқий базани таъминлаш 1. Давлат мулки объектларини сотиш ва давлат мулкини ижарага бериш бўйича электрон савдоларни ўтказиш тартиби тўғрисидаги низом лойиҳасини ишлаб чиқиш Ўзбекистон Республикаси Вазирлар Маҳкамасига белгиланган тартибда киритиш. 2018 йил 20 апрель Давлат рақобат қўмитаси, Ахборот технологиялари ва коммуникацияларини ривожлантириш вазирлиги, манфаатдор вазирликлар ва идоралар II. Электрон савдоларни ўтказиш бўйича дастурий комплексни жорий этиш 2. «E-IJRO AUKSION» электрон савдо майдончасининг дастурий комплекси билан уйғунлаштирилган тегишли дастурий модулларни яратиш юзасидан техник топшириқни ишлаб чиқиш ва белгиланган тартибда тасдиқлаш. 2018 йил 15 апрель «Электрон онлайн-аукционларни ташкил этиш маркази» ДУК, Давлат рақобат қўмитаси, Ахборот технологиялари ва коммуникацияларини ривожлантириш вазирлиги 3. Кўчмас мулк давлат объектларини ва масъулияти чекланган жамиятларнинг устав фондидаги давлат улушларини сотиш, шунингдек, жисмоний шахслар ва нодавлат ташкилотлари томонидан давлат мулки бўлмаган кўчмас мулк объектларини «E-IJRO AUKSION» электрон савдо майдончасида сотиш юзасидан онлайн-аукционлар ўтказиш учун тегишли дастурий модулларни ишлаб чиқиш. 2018 йил 10 май «Электрон онлайн-аукционларни ташкил этиш маркази» ДУК, Ахборот технологиялари ва коммуникацияларини ривожлантириш вазирлиги, Давлат рақобат қўмитаси 4. Давлат мулкини «E-IJRO AUKSION» электрон савдо майдончасида ижарага бериш юзасидан онлайн-аукционлар ўтказиш учун тегишли дастурий модулларни ишлаб чиқиш. 2018 йил 1 июнь «Электрон онлайн-аукционларни ташкил этиш маркази» ДУК, Ахборот технологиялари ва коммуникацияларини ривожлантириш вазирлиги, Давлат рақобат қўмитаси 5. Кўчмас мулк давлат объектларини ва масъулияти чекланган жамиятларнинг устав фондидаги давлат улушларини сотиш, шунингдек, Давлат мулкини «E-auksion» электрон савдо платформасида ижарага бериш юзасидан онлайн-аукционлар ўтказиш учун дастурий модулларни уларнинг ахборот хавфсизлиги талабларига ва электрон тижорат тўғрисидаги қонун ҳужжатларига мувофиқлиги бўйича экспертизадан ўтказиш. Дастурий модулларни ишлаб чиқиш якунлари бўйича бир ой муддатда Рақамли технологиялар вазирлиги, «Электрон онлайн-аукционларни ташкил этиш» АЖ 6. Электрон савдолар ўтказиш юзасидан электрон хизматлар кўрсатиш бўйича «Электрон онлайн-аукционларни ташкил этиш маркази» ДУК билан шартнома тузиш. 2018 йил 15 апрель Давлат рақобат қўмитаси, Тошкент вилояти ҳокимлиги 7. Тошкент вилоятида ўтказилаётган электрон савдолар натижалари асосида ҳамда уларнинг самарадорлиги таҳлилини ҳисобга олган ҳолда бутун республика бўйича давлат активларини электрон савдолар орқали сотиш тизимини босқичма-босқич жорий этиш юзасидан Вазирлар Маҳкамаси таклифлар киритиш. 2018 йил 1 октябрь Давлат рақобат қўмитаси, Бош прокуратура ҳузуридаги Мажбурий ижро бюроси, Ахборот технологиялари ва коммуникацияларини ривожлантириш вазирлиги III. Давлат мулки объектларини электрон савдоларга қўйиш 8. Кўчмас мулк объектларини, шу жумладан «ноль» харид қиймати бўйича, шунингдек, масъулияти чекланган жамиятларнинг устав фондидаги давлат улушларини «E-IJRO AUKSION» ягона электрон савдо майдончасида савдога қўйиш. 2018 йил 10 май Давлат рақобат қўмитаси, Тошкент вилояти ҳокимлиги, «Электрон онлайн-аукционларни ташкил этиш маркази» ДУК 9. Ижарага бериладиган давлат мулкини «E-IJRO AUKSION» ягона электрон савдо майдончасида савдога қўйиш. 2018 йил 1 июль Давлат рақобат қўмитаси, Тошкент вилояти ҳокимлиги, «Электрон онлайн-аукционларни ташкил этиш маркази» ДУК 10. Тошкент вилоятида давлат активларини сотиш ва ижарага бериш юзасидан онлайн-аукционларда иштирок этиш имкониятларини оммавий ахборот воситаларида ва Интернет тармоғида ёритиш. 2018 йил апрель — август Ўзбекистон Миллий ахборот агентлиги, Ўзбекистон миллий телерадиокомпанияси, Тошкент вилояти ҳокимлиги
Ўзбекистон Республикасининг Бош вазири А. АРИПОВ
Тошкент ш.,
2018 йил 22 март,
209-сон
Oʻzbekiston Respublikasi Vazirlar Mahkamasining
qarori
Davlat aktivlarini sotishda va ijaraga berishda elektron savdolarni joriy etish chora-tadbirlari toʻgʻrisida
2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol tadbirkorlik, innovatsion gʻoyalar va texnologiyalarni qoʻllab-quvvatlash yili”da amalga oshirishga oid davlat Dasturini oʻz vaqtida va sifatli ijro etish, shuningdek, davlat aktivlarini sotishda va ijaraga berishda shaffoflikni taʼminlash, xususiy tadbirkorlik uchun qoʻshimcha shart-sharoitlar yaratish, davlat mulki obyektlarini sotish tartibotlarini yanada soddalashtirish maqsadida Vazirlar Mahkamasi qaror qiladi:
1. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Iqtisodiyot vazirligi, Axborot texnologiyalari va kommunikatsiyalarini rivojlantirish vazirligi, Yer resurslari, geodeziya, kartografiya va davlat kadastri davlat qoʻmitasi, Toshkent viloyati hokimligining Toshkent viloyatida davlat aktivlarini elektron savdolar orqali sotish va ijaraga berish mexanizmini eksperiment tariqasida joriy etish toʻgʻrisidagi taklifi qabul qilinsin.
2. Quyidagi tartib belgilansin, unga koʻra Toshkent viloyatida davlat aktivlarini sotish va ijaraga berish faqat “Elektron onlayn-auksionlarni tashkil etish” aksiyadorlik jamiyati tomonidan “E-auksion” elektron savdo platformasida onlayn-auksionlar shaklida tashkil etiladigan elektron savdolar orqali:
a) 2018-yil 10-maydan boshlab — xususiylashtiriladigan koʻchmas mulki davlat obyektlari, shuningdek, masʼuliyati cheklangan jamiyatlarning ustav fondlaridagi (ustav kapitallaridagi) davlat ulushlari investitsiya va ijtimoiy majburiyatlar qabul qilish sharti bilan sotiladi;
b) 2018-yil 1-iyuldan boshlab — davlat mulki ijaraga beriladi.
3. Davlat aktivlarini sotishda va ijaraga berishda elektron savdolarni ishlab chiqish va joriy etish boʻyicha “yoʻl xaritasi” 1-ilovaga muvofiq tasdiqlansin.
4. Belgilab qoʻyilsinki:
davlat aktivlarini elektron savdolarga qoʻyish bilan bogʻliq barcha turdagi roʻyxatdan oʻtkazish va ruxsat berish tartibotlari ular elektron savdolarga qoʻyilgungacha amalga oshiriladi;
savdolarda turgan davlat mulki obyektlarini elektron savdoga qoʻyishda ular qayta baholanmaydi hamda elektron savdolarga qoʻyilgan sanada shakllangan narxlar boʻyicha savdoga qoʻyiladi;
elektron savdolarni oʻtkazganlik uchun savdolar tashkilotchisi xizmatlariga haq toʻlash sotuvchi yoki ijaraga beruvchi tomonidan, tegishli ravishda sotiladigan davlat mulki obyekti qiymatining yoki ijaraga beriladigan davlat mulki uchun yillik ijara toʻlovining 1 foizidan ortiq boʻlmagan miqdorda amalga oshiriladi;
erkin iqtisodiy va kichik sanoat zonalari hududlaridagi davlat aktivlarini sotish va ijaraga berish tegishli normativ-huquqiy hujjatlarda belgilanadigan tartibda amalga oshiriladi;
jismoniy shaxslar va nodavlat tashkilotlari tomonidan koʻchmas mulk obyektlari “E-auksion” elektron savdo platformasida tashkil etiladigan onlayn-auksionlar orqali, shuningdek, ishtirokchilar uchun teng imkoniyatlar yaratishni hamda elektron hujjatlardan, elektron xabarlar va shaxsiy maʼlumotlardan ruxsatsiz foydalanishdan himoya qilishni taʼminlovchi boshqa ixtisoslashtirilgan elektron savdo maydonchalarida sotilishi mumkin.
5. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Axborot texnologiyalari va kommunikatsiyalarini rivojlantirish vazirligi Davlat mulki obyektlarini sotish va davlat mulkini ijaraga berish boʻyicha elektron savdolarni oʻtkazish tartibi toʻgʻrisidagi nizom loyihasini tasdiqlash uchun bir oy muddatda, belgilangan tartibda Oʻzbekiston Respublikasi Vazirlar Mahkamasiga kiritsinlar.
6. Ushbu qarorda nazarda tutilgan tadbirlarning oʻz vaqtida bajarilishi uchun masʼuliyat Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasiga, Axborot texnologiyalari va kommunikatsiyalarini rivojlantirish vazirligiga hamda Toshkent viloyati hokimligiga yuklansin.
8. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Axborot texnologiyalari va kommunikatsiyalarini rivojlantirish vazirligi, Oʻzbekiston Respublikasi Bosh prokuraturasi huzuridagi Majburiy ijro byurosi bilan birgalikda davlat aktivlarini elektron savdolar orqali sotish tizimini, uning Toshkent viloyatidagi samaradorligini hisobga olgan holda, eksperiment yakunlariga koʻra butun respublika boʻyicha bosqichma-bosqich joriy etish yuzasidan 2018-yil 1-oktabrgacha boʻlgan muddatda Oʻzbekiston Respublikasi Vazirlar Mahkamasiga takliflar kiritsin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov hamda Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisi R.A. Gulyamov va Toshkent viloyati hokimi Gʻ.I. Ibragimov zimmasiga yuklansin.
Vazirlar Mahkamasining 2018-yil 22-martdagi 209-son qaroriga 1-ILOVA
Davlat aktivlarini sotishda va ijaraga berish elektron savdolarni ishlab chiqish va joriy etish boʻyicha “yoʻl xaritasi”
T/r Tadbirlar Bajarish muddatlari Masʼul bajaruvchilar I. Normativ-huquqiy bazani taʼminlash 1. Davlat mulki obyektlarini sotish va davlat mulkini ijaraga berish boʻyicha elektron savdolarni oʻtkazish tartibi toʻgʻrisidagi nizom loyihasini ishlab chiqish Oʻzbekiston Respublikasi Vazirlar Mahkamasiga belgilangan tartibda kiritish. 2018-yil 20-aprel Davlat raqobat qoʻmitasi, Axborot texnologiyalari va kommunikatsiyalarini rivojlantirish vazirligi, manfaatdor vazirliklar va idoralar II. Elektron savdolarni oʻtkazish boʻyicha dasturiy kompleksni joriy etish 2. “E-IJRO AUKSION” elektron savdo maydonchasining dasturiy kompleksi bilan uygʻunlashtirilgan tegishli dasturiy modullarni yaratish yuzasidan texnik topshiriqni ishlab chiqish va belgilangan tartibda tasdiqlash. 2018-yil 15-aprel “Elektron onlayn-auksionlarni tashkil etish markazi” DUK, Davlat raqobat qoʻmitasi, Axborot texnologiyalari va kommunikatsiyalarini rivojlantirish vazirligi 3. Koʻchmas mulk davlat obyektlarini va masʼuliyati cheklangan jamiyatlarning ustav fondidagi davlat ulushlarini sotish, shuningdek, jismoniy shaxslar va nodavlat tashkilotlari tomonidan davlat mulki boʻlmagan koʻchmas mulk obyektlarini “E-IJRO AUKSION” elektron savdo maydonchasida sotish yuzasidan onlayn-auksionlar oʻtkazish uchun tegishli dasturiy modullarni ishlab chiqish. 2018-yil 10-may “Elektron onlayn-auksionlarni tashkil etish markazi” DUK, Axborot texnologiyalari va kommunikatsiyalarini rivojlantirish vazirligi, Davlat raqobat qoʻmitasi 4. Davlat mulkini “E-IJRO AUKSION” elektron savdo maydonchasida ijaraga berish yuzasidan onlayn-auksionlar oʻtkazish uchun tegishli dasturiy modullarni ishlab chiqish. 2018-yil 1-iyun “Elektron onlayn-auksionlarni tashkil etish markazi” DUK, Axborot texnologiyalari va kommunikatsiyalarini rivojlantirish vazirligi, Davlat raqobat qoʻmitasi 5. Koʻchmas mulk davlat obyektlarini va masʼuliyati cheklangan jamiyatlarning ustav fondidagi davlat ulushlarini sotish, shuningdek, Davlat mulkini “E-auksion” elektron savdo platformasida ijaraga berish yuzasidan onlayn-auksionlar oʻtkazish uchun dasturiy modullarni ularning axborot xavfsizligi talablariga va elektron tijorat toʻgʻrisidagi qonun hujjatlariga muvofiqligi boʻyicha ekspertizadan oʻtkazish. Dasturiy modullarni ishlab chiqish yakunlari boʻyicha bir oy muddatda Raqamli texnologiyalar vazirligi, “Elektron onlayn-auksionlarni tashkil etish” AJ 6. Elektron savdolar oʻtkazish yuzasidan elektron xizmatlar koʻrsatish boʻyicha “Elektron onlayn-auksionlarni tashkil etish markazi” DUK bilan shartnoma tuzish. 2018-yil 15-aprel Davlat raqobat qoʻmitasi, Toshkent viloyati hokimligi 7. Toshkent viloyatida oʻtkazilayotgan elektron savdolar natijalari asosida hamda ularning samaradorligi tahlilini hisobga olgan holda butun respublika boʻyicha davlat aktivlarini elektron savdolar orqali sotish tizimini bosqichma-bosqich joriy etish yuzasidan Vazirlar Mahkamasi takliflar kiritish. 2018-yil 1-oktabr Davlat raqobat qoʻmitasi, Bosh prokuratura huzuridagi Majburiy ijro byurosi, Axborot texnologiyalari va kommunikatsiyalarini rivojlantirish vazirligi III. Davlat mulki obyektlarini elektron savdolarga qoʻyish 8. Koʻchmas mulk obyektlarini, shu jumladan “nol” xarid qiymati boʻyicha, shuningdek, masʼuliyati cheklangan jamiyatlarning ustav fondidagi davlat ulushlarini “E-IJRO AUKSION” yagona elektron savdo maydonchasida savdoga qoʻyish. 2018-yil 10-may Davlat raqobat qoʻmitasi, Toshkent viloyati hokimligi, “Elektron onlayn-auksionlarni tashkil etish markazi” DUK 9. Ijaraga beriladigan davlat mulkini “E-IJRO AUKSION” yagona elektron savdo maydonchasida savdoga qoʻyish. 2018-yil 1-iyul Davlat raqobat qoʻmitasi, Toshkent viloyati hokimligi, “Elektron onlayn-auksionlarni tashkil etish markazi” DUK 10. Toshkent viloyatida davlat aktivlarini sotish va ijaraga berish yuzasidan onlayn-auksionlarda ishtirok etish imkoniyatlarini ommaviy axborot vositalarida va Internet tarmogʻida yoritish. 2018-yil aprel — avgust Oʻzbekiston Milliy axborot agentligi, Oʻzbekiston milliy teleradiokompaniyasi, Toshkent viloyati hokimligi
Oʻzbekiston Respublikasining Bosh vaziri A. ARIPOV
Toshkent sh.,
2018-yil 22-mart,
209-son
Кабинета Министров Республики Узбекистан
Постановление
О мерах по внедрению электронных торгов при реализации и предоставлении в аренду государственных активов
В целях своевременного и качественного исполнения Государственной программы по реализации Стратегии действий по пяти приоритетным направлениям развития Республики Узбекистан в 2017 — 2021 годах в Год поддержки активного предпринимательства, инновационных идей и технологий, а также обеспечения прозрачности торгов при реализации и предоставлении в аренду государственных активов, создания дополнительных условий для частного предпринимательства, дальнейшего упрощения процедур реализации объектов государственной собственности Кабинет Министров постановляет:
1. Согласиться с предложением Государственного комитета Республики Узбекистан по содействию приватизированным предприятиям и развитию конкуренции, Министерства экономики, Министерства по развитию информационных технологий и коммуникаций Республики Узбекистан, Государственного комитета Республики Узбекистан по земельным ресурсам, геодезии, картографии и государственному кадастру, хокимията Ташкентской области о внедрении в порядке эксперимента в Ташкентской области механизма реализации и предоставления в аренду государственных активов через электронные торги.
2. Установить порядок, в соответствии с которым реализация и предоставление в аренду государственных активов в Ташкентской области осуществляется исключительно через электронные торги в форме онлайн-аукционов на электронной торговой платформе «E-auksion», организуемых государственным унитарным предприятием «Центр по организации электронных онлайн-аукционов»:
а) с 10 мая 2018 года — реализация государственных объектов недвижимости, подлежащих приватизации, в том числе по «нулевой» выкупной стоимости, с условием принятия инвестиционных и социальных обязательств, а также государственных долей в уставных фондах (уставных капиталах) обществ с ограниченной ответственностью;
б) с 1 июля 2018 года — предоставление государственного имущества в аренду.
3. Утвердить «Дорожную карту» по разработке и внедрению электронных торгов при реализации и предоставлении в аренду государственных активов согласно приложению № 1 .
4. Определить, что:
все виды регистрационных и разрешительных процедур, связанных с выставлением государственных активов на электронные торги, осуществляются до их выставления на электронные торги;
объекты государственной собственности, находящиеся на торгах, при выставлении на электронные торги не подлежат переоценке и выставляются по цене, сформированной на дату их выставления на электронные торги;
оплата услуг организатору торгов за проведение электронных торгов осуществляется продавцом или арендодателем в размере не более 1 процента от стоимости реализуемого объекта государственной собственности или годовой арендной платы за предоставляемое государственное имущество, соответственно;
реализация и предоставление в аренду государственных активов на территориях свободных экономических зон и малых промышленных зон осуществляются в порядке, определяемым соответствующими нормативно-правовыми актами;
физическими лицами и негосударственными организациями реализация объектов недвижимости может осуществляться через онлайн-аукционы, организуемые на электронной торговой платформе «E-auksion», а также на других специализированных электронных торговых площадках, с использованием программных продуктов, обеспечивающих равный доступ для участников и меры защиты электронных документов, электронных сообщений и персональных данных от несанкционированного доступа.
5. Государственному комитету Республики Узбекистан по содействию приватизированным предприятиям и развитию конкуренции совместно с Министерством по развитию информационных технологий и коммуникаций в месячный срок в установленном порядке внести на утверждение в Кабинет Министров Республики Узбекистан проект Положения о порядке проведения электронных торгов по реализации объектов государственной собственности и предоставления в аренду государственного имущества.
6. Возложить ответственность за своевременное выполнение мероприятий, предусмотренных настоящим постановлением, на Государственный комитет Республики Узбекистан по содействию приватизированным предприятиям и развитию конкуренции, Министерство по развитию информационных технологий и коммуникаций и хокимият Ташкентской области.
8. Государственному комитету Республики Узбекистан по содействию приватизированным предприятиям и развитию конкуренции совместно с Министерством по развитию информационных технологий и коммуникаций, Бюро принудительного исполнения при Генеральной прокуратуре Республики Узбекистан по итогам эксперимента в срок до 1 октября 2018 года внести в Кабинет Министров Республики Узбекистан предложения по поэтапному внедрению системы реализации государственных активов через электронные торги по всей республике, с учетом анализа эффективности ее функционирования в Ташкентской области.
9. Контроль за исполнением настоящего постановления возложить на заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмурадова, председателя Государственного комитета Республики Узбекистан по содействию приватизированным предприятиям и развитию конкуренции Р.А. Гулямова и хокима Ташкентской области Г.И. Ибрагимова.
ПРИЛОЖЕНИЕ № 1 к постановлению Кабинета Министров от 22 марта 2018 года № 209
«ДОРОЖНАЯ КАРТА» по разработке и внедрению электронных торгов при реализации и предоставлении в аренду государственных активов
№ Мероприятия Сроки исполнения Ответственные исполнители I. Обеспечение нормативно-правовой базы 1 Разработка и внесение в установленном порядке в Кабинет Министров Республики Узбекистан проекта Положения о порядке проведения электронных торгов по реализации объектов государственной собственности и предоставления в аренду государственного имущества 20 апреля 2018 г. Госкомконкуренции, Мининфоком, заинтересованные министерства и ведомства II. Внедрение программного комплекса по проведению электронных торгов 2 Разработка и утверждение в установленном порядке технического задания на создание соответствующих программных модулей, совмещенных с программным комплексом электронной торговой площадки «E-IJRO AUKSIO N » 15 апреля 2018 г. ГУП «Центр по организации электронных онлайн-аукционов», Госкомконкуренции, Мининфоком 3 Разработка соответствующих программных модулей для проведения онлайн-аукционов для реализации государственных объектов недвижимости и государственных долей в уставных фондах обществ с ограниченной ответственностью, а также для реализации физическими лицами и негосударственными организациями объектов недвижимости, не являющихся государственной собственностью, на электронной торговой площадке «E-IJRO AUKSIO N » 10 мая 2018 г. ГУП «Центр по организации электронных онлайн-аукционов», Мининфоком, Госкомконкуренции 4 Разработка соответствующих программных модулей для проведения онлайн-аукционов по предоставлению государственного имущества в аренду на электронной торговой площадке «E-IJRO AUKSIO N » 1 июня 2018 г. ГУП «Центр по организации электронных онлайн-аукционов», Мининфоком, Госкомконкуренции 5 Проведение экспертизы программных модулей для проведения онлайн-аукционов по реализации объектов недвижимости и государственных долей в уставных фондах обществ с ограниченной ответственностью, а также предоставлению государственного имущества в аренду на электронной торговой площадке «E-IJRO AUKSIO N » на соответствие требованиям информационной безопасности и законодательства об электронной коммерции В месячный срок по итогам разработки программных модулей Мининфоком, ГУП «Центр по организации электронных онлайн-аукционов» 6 Заключение с ГУП «Центр по организации электронных онлайн-аукционов» договора на оказание электронных услуг по проведению электронных торгов 15 апреля 2018 г. Госкомконкуренции, хокимият Ташкентской области 7 Внесение в Кабинет Министров на основе результатов проводимых в Ташкентской области электронных торгов и с учетом анализа эффективности их функционирования, предложений по поэтапному внедрению системы реализации государственных активов через электронные торги по всей республике 1 октября 2018 г. Госкомконкуренции, Бюро принудительного исполнения при Генеральной прокуратуре, Мининфоком III. Выставление на электронные торги объектов государственной собственности 8 Выставление на электронную единую торговую площадку «E-IJRO AUKSIO N » государственных объектов недвижимости, в том числе по «нулевой» выкупной стоимости, а также государственных долей в уставных фондах обществ с ограниченной ответственностью 10 мая 2018 г. Госкомконкуренции, хокимият Ташкентской области, ГУП «Центр по организации электронных онлайн-аукционов» 9 Выставление на электронную единую торговую площадку «E-IJRO AUKSIO N » государственного имущества, предоставляемого в аренду 1 июля 2018 г. Госкомконкуренции, хокимият Ташкентской области, ГУП «Центр по организации электронных онлайн-аукционов» 10 Освещение в средствах массовой информации и сети Интернет возможности участия в онлайн-аукционах по реализации и аренде государственных активов в Ташкентской области апрель — август 2018 г. Национальное информационное агентство Узбекистана, Национальная телерадиокомпания Узбекистана, хокимият Ташкентской области
Премьер-министр Республики Узбекистан А. АРИПОВ
г. Ташкент,
22 марта 2018 г.,
№ 209