📅 2018-yil 24-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 24 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 марта 2018 г. · Постановления Президента
Официальный текст. Официальный документ. Редакционные примечания не включены.
📅 24 March 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ташқи савдони янада эркинлаштириш ва савдо операцияларининг самарадорлигини ошириш чора-тадбирлари тўғрисида
Ташқи савдони янада эркинлаштириш, тадбиркорлик субъектларининг ташқи иқтисодий фаолиятда кенг иштирок этиши учун тенг ва қулай шароитлар яратиш, шунингдек, савдо операцияларини амалга оширишда ортиқча тўсиқ ва ғовларни бартараф этиш мақсадида:
1. Ўзбекистон Республикаси Президенти ҳузуридаги Лойиҳа бошқаруви миллий агентлиги ва «Ўзстандарт» агентлигининг Ўзбекистон Республикасига импорт қилинадиган товарларни юклашдан олдин мажбурий инспекциядан ўтказиш тартиботини бекор қилиш ҳақидаги таклифи қабул қилинсин.
2. Белгилаб қўйилсинки:
Ўзбекистон Республикасига импорт қилинадиган товарларни юклашдан олдин инспекциядан ўтказиш ихтиёрий асосда амалга оширилади;
Ўзбекистон Республикасига импорт қилинадиган товарларни юклашдан олдин инспекциядан ўтказиш хизматларини кўрсатиш ҳуқуқига ваколатли орган томонидан халқаро стандартлар талабларига мувофиқ аккредитация қилинган инспекция органлари эга;
инспекция органларининг хизматлари, шу жумладан юк ортишдан олдин инспекциядан ўтказиш хизматлари учун ҳақ тўлаш уларнинг Ўзбекистон Республикаси ҳудудидаги банкларда очилган ҳисоб рақамлари орқали амалга оширилади;
Ўзбекистон Республикасига импорт қилинадиган товарлар сифати, миқдори ва нархларининг «Ўзбекистон Республикаси Иқтисодиёт ва саноат вазирлиги ҳузуридаги Лойиҳалар ва импорт контрактларини комплекс экспертиза қилиш маркази» ДУКда (кейинги ўринларда — Марказ) рўйхатдан ўтган импорт контрактлари шартларига мувофиқлигини таъминлаш бўйича зарур чораларни кўриш учун жавобгарлик импорт қилувчининг мансабдор шахслари зиммасига юклатилади;
давлат божхона хизмати органлари Марказда рўйхатдан ўтган импорт контрактлари доирасида эркин муомалага чиқарилган товарларнинг миқдори ва нархлари ҳақидаги маълумотларни ахборот тизимларидан фойдаланган ҳолда Марказга тақдим этади.
3. Давлат органлари ва ташкилотларига, шунингдек, тижорат банкларига юк ортишдан олдин инспекцияни ўтказувчи инспекция органини танлаш ҳақида импорт қилувчиларга тавсиялар бериш тақиқлансин.
4. Ўзбекистон Республикаси Бош прокуратураси ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаменти «Ўзстандарт» агентлиги ва Давлат божхона қўмитаси билан биргаликда икки ой муддатда, мазкур қарор талабларидан келиб чиқиб, давлат манфаатларига етказилган зарарни қоплаш кафолатларини таъминловчи механизмларни жорий этган ҳолда импорт қилувчилар ва ваколатли давлат органлари мансабдор шахсларининг жавобгарлигини кучайтириш бўйича таклифлар киритсин.
5. Ўзбекистон Республикаси Молия вазирлиги бир ой муддатда аккредитация объектлари томонидан ваколатли органга ўтказиладиган тўловларни ундириш шартлари ва миқдорларининг танқидий қайта кўриб чиқилишини таъминласин.
6. Белгилансинки, Марказ фаолияти соҳаси татбиқ этиладиган товарлар, ишлар ва хизматлар харидларини ўтказиш (харид тартиботларини бажариш, реклама ишларини ташкил этиш, тендер ва бошқа ҳужжатларни расмийлаштириш ва бошқалар) бўйича ихтисослашган ташкилотни танлаш Ўзбекистон Республикаси Молия вазирлиги томонидан ўрнатиладиган талабларга жавоб берадиган ихтисослашган ташкилотлар орасидан танлов асосида амалга оширилади.
7. «Ўзстандарт» агентлиги манфаатдор вазирликлар ва идоралар билан биргаликда бир ой муддатда қонун ҳужжатларига мазкур қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
8. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
9. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикасининг Бош прокурори О.Б. Муродов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 24 март,
ПҚ-3624-сон
Oʻzbekiston Respublikasi Prezidentining
Qarori
Tashqi savdoni yanada erkinlashtirish va savdo operatsiyalarining samaradorligini oshirish chora-tadbirlari toʻgʻrisida
Tashqi savdoni yanada erkinlashtirish, tadbirkorlik subyektlarining tashqi iqtisodiy faoliyatda keng ishtirok etishi uchun teng va qulay sharoitlar yaratish, shuningdek, savdo operatsiyalarini amalga oshirishda ortiqcha toʻsiq va gʻovlarni bartaraf etish maqsadida:
1. Oʻzbekiston Respublikasi Prezidenti huzuridagi Loyiha boshqaruvi milliy agentligi va “Oʻzstandart” agentligining Oʻzbekiston Respublikasiga import qilinadigan tovarlarni yuklashdan oldin majburiy inspeksiyadan oʻtkazish tartibotini bekor qilish haqidagi taklifi qabul qilinsin.
2. Belgilab qoʻyilsinki:
Oʻzbekiston Respublikasiga import qilinadigan tovarlarni yuklashdan oldin inspeksiyadan oʻtkazish ixtiyoriy asosda amalga oshiriladi;
Oʻzbekiston Respublikasiga import qilinadigan tovarlarni yuklashdan oldin inspeksiyadan oʻtkazish xizmatlarini koʻrsatish huquqiga vakolatli organ tomonidan xalqaro standartlar talablariga muvofiq akkreditatsiya qilingan inspeksiya organlari ega;
inspeksiya organlarining xizmatlari, shu jumladan yuk ortishdan oldin inspeksiyadan oʻtkazish xizmatlari uchun haq toʻlash ularning Oʻzbekiston Respublikasi hududidagi banklarda ochilgan hisob raqamlari orqali amalga oshiriladi;
Oʻzbekiston Respublikasiga import qilinadigan tovarlar sifati, miqdori va narxlarining “Oʻzbekiston Respublikasi Iqtisodiyot va sanoat vazirligi huzuridagi Loyihalar va import kontraktlarini kompleks ekspertiza qilish markazi” DUKda (keyingi oʻrinlarda — Markaz) roʻyxatdan oʻtgan import kontraktlari shartlariga muvofiqligini taʼminlash boʻyicha zarur choralarni koʻrish uchun javobgarlik import qiluvchining mansabdor shaxslari zimmasiga yuklatiladi;
davlat bojxona xizmati organlari Markazda roʻyxatdan oʻtgan import kontraktlari doirasida erkin muomalaga chiqarilgan tovarlarning miqdori va narxlari haqidagi maʼlumotlarni axborot tizimlaridan foydalangan holda Markazga taqdim etadi.
3. Davlat organlari va tashkilotlariga, shuningdek, tijorat banklariga yuk ortishdan oldin inspeksiyani oʻtkazuvchi inspeksiya organini tanlash haqida import qiluvchilarga tavsiyalar berish taqiqlansin.
4. Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti “Oʻzstandart” agentligi va Davlat bojxona qoʻmitasi bilan birgalikda ikki oy muddatda, mazkur qaror talablaridan kelib chiqib, davlat manfaatlariga yetkazilgan zararni qoplash kafolatlarini taʼminlovchi mexanizmlarni joriy etgan holda import qiluvchilar va vakolatli davlat organlari mansabdor shaxslarining javobgarligini kuchaytirish boʻyicha takliflar kiritsin.
5. Oʻzbekiston Respublikasi Moliya vazirligi bir oy muddatda akkreditatsiya obyektlari tomonidan vakolatli organga oʻtkaziladigan toʻlovlarni undirish shartlari va miqdorlarining tanqidiy qayta koʻrib chiqilishini taʼminlasin.
6. Belgilansinki, Markaz faoliyati sohasi tatbiq etiladigan tovarlar, ishlar va xizmatlar xaridlarini oʻtkazish (xarid tartibotlarini bajarish, reklama ishlarini tashkil etish, tender va boshqa hujjatlarni rasmiylashtirish va boshqalar) boʻyicha ixtisoslashgan tashkilotni tanlash Oʻzbekiston Respublikasi Moliya vazirligi tomonidan oʻrnatiladigan talablarga javob beradigan ixtisoslashgan tashkilotlar orasidan tanlov asosida amalga oshiriladi.
7. “Oʻzstandart” agentligi manfaatdor vazirliklar va idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
8. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
9. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasining Bosh prokurori O.B. Murodov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 24-mart,
PQ-3624-son
Президента Республики Узбекистан
Постановление
О мерах по дальнейшей либерализации внешней торговли и повышению эффективности торговых операций
В целях дальнейшей либерализации внешней торговли, создания равных и благоприятных условий для широкого участия субъектов предпринимательства во внешнеэкономической деятельности, а также устранения излишних барьеров и преград при осуществлении торговых операций:
1. Принять предложение Национального агентства проектного управления при Президенте Республики Узбекистан и Агентства «Узстандарт» об отмене процедуры обязательной предотгрузочной инспекции товаров, импортируемых в Республику Узбекистан.
2. Установить, что:
предотгрузочная инспекция товаров, импортируемых в Республику Узбекистан, осуществляется на добровольной основе;
услуги по предотгрузочной инспекции товаров, импортируемых в Республику Узбекистан, имеют право оказывать инспекционные органы, аккредитованные уполномоченным органом в соответствии с требованиями международных стандартов;
оплата услуг инспекционных органов, в том числе по проведению предотгрузочной инспекции, производится на их счета, открытые в коммерческих банках на территории Республики Узбекистан;
ответственность за принятие необходимых мер по обеспечению соответствия качества, количества и цены товаров, импортируемых в Республику Узбекистан, условиям импортных контрактов, зарегистрированных в ГУП «Центр комплексной экспертизы проектов и импортных контрактов при Министерстве экономики и промышленности Республики Узбекистан» (далее — Центр), несут должностные лица импортера;
органы государственной таможенной службы с использованием информационных систем осуществляют передачу в Центр информации о количестве и ценах на товары, выпущенные в свободное обращение в рамках импортных контрактов, зарегистрированных Центром.
3. Запретить государственным органам и организациям, а также коммерческим банкам давать импортерам рекомендации о выборе инспекционного органа, осуществляющего предотгрузочную инспекцию.
4. Департаменту по борьбе с налоговыми, валютными преступлениями и легализацией преступных доходов при Генеральной прокуратуре совместно с Агентством «Узстандарт» и Государственным таможенным комитетом Республики Узбекистан в двухмесячный срок внести предложения об усилении ответственности должностных лиц импортеров и уполномоченных государственных органов исходя из требований настоящего постановления, с внедрением механизмов обеспечения гарантирования возмещения ущерба, нанесенного государственным интересам.
5. Министерству финансов Республики Узбекистан в месячный срок обеспечить критический пересмотр условий взимания и размеров платежей, уплачиваемых объектами аккредитации уполномоченному органу.
6. Определить, что выбор специализированной организации по проведению закупок товаров, работ и услуг (выполнение закупочных процедур, организация рекламной работы, оформление тендерной и иной документации и другие), на которые распространяется сфера деятельности Центра, производится на конкурсной основе из числа специализированных организаций, отвечающих требованиям, устанавливаемым Министерством финансов Республики Узбекистан.
7. Агентству «Узстандарт» совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
8. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
9. Контроль за исполнением настоящего постановления возложить на Премьер-министра Республики Узбекистан А.Н. Арипова и Генерального прокурора Республики Узбекистан О.Б. Муродова.
Президент Республики Узбекистан Ш. МИРЗИЁЕВ
г. Ташкент,
24 марта 2018 г.,
№ ПП-3624