📅 2018-yil 13-mart · Vazirlik va idoralar hujjatlari · Axborot texnologiyalari va kommunikatsiyalarini rivojlantirish vazirligi Oʻzbekiston matbuot va axborot agentligi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 13 март · Вазирлик ва идоралар ҳужжатлари · Ахборот технологиялари ва коммуникацияларини ривожлантириш вазирлиги Ўзбекистон матбуот ва ахборот агентлиги
Расмий матн. Расмий ҳужжат. Таҳририй изоҳлар киритилмаган.
📅 13 марта 2018 г. · Документы министерств и ведомств · Министерства по развитию информационных технологий и коммуникаций Узбекского агенТства по печати и информации
Официальный текст. Официальный документ. Редакционные примечания не включены.
📅 13 March 2018 · Ministry and agency documents · Axborot texnologiyalari va kommunikatsiyalarini rivojlantirish vazirligi Oʻzbekiston matbuot va axborot agentligi
Official text. Official document. Editorial notes are not included.
Ўзбекистон Республикаси Ахборот технологиялари ва коммуникацияларини ривожлантириш вазирлиги Ўзбекистон матбуот ва ахборот агентлигининг
Қарори
Ўзбекистон Республикасида даврий босма нашрларни тарқатиш қоидаларига ўзгартириш ва қўшимчалар киритиш тўғрисида
Ўзбекистон Республикасининг «Болаларни уларнинг соғлиғига зарар етказувчи ахборотдан ҳимоя қилиш тўғрисида»ги Қонунига мувофиқ Ўзбекистон Республикаси Ахборот технологиялари ва коммуникацияларини ривожлантириш вазирлиги ҳамда Ўзбекистон матбуот ва ахборот агентлиги қарор қилади:
1. Ўзбекистон алоқа ва ахборотлаштириш агентлиги ҳамда Ўзбекистон матбуот ва ахборот агентлигининг 2008 йил 19 майдаги 10-8/1493, 04-01-сон қарори (рўйхат рақами 1826, 2008 йил 18 июнь) (Ўзбекистон Республикаси қонун ҳужжатлари тўплами, 2008 йил, 24-25-сон, 240-модда) билан тасдиқланган Ўзбекистон Республикасида даврий босма нашрларни тарқатиш қоидаларига иловага мувофиқ ўзгартириш ва қўшимчалар киритилсин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Ахборот технологиялари ва коммуникацияларини ривожлантириш вазирлиги ҳамда Ўзбекистон матбуот ва ахборот агентлигининг 2018 йил 13 мартдаги 166-мҳ, 22-сон қарорига ИЛОВА
Ўзбекистон Республикасида даврий босма нашрларни тарқатиш қоидаларига киритилаётган ўзгартириш ва қўшимчалар
1. 1-бандда :
қуйидаги мазмундаги иккинчи хатбоши билан тўлдирилсин:
« болалар соғлиғига зарар етказувчи ахборот — Ўзбекистон Республикасининг «Болаларни уларнинг соғлиғига зарар етказувчи ахборотдан ҳимоя қилиш тўғрисида»ги Қонунига мувофиқ болалар ўртасида тарқатилиши тақиқланган ёки чекланган ахборот маҳсулоти;»;
иккинчи — бешинчи хатбошилар тегишлича учинчи — олтинчи хатбошилар деб ҳисоблансин.
2. Қуйидаги мазмундаги 9 1 -банд билан тўлдирилсин:
«9 1 . Даврий босма нашрларнинг ёшга оид таснифини, шунингдек жамоат жойларида ёпиқ ўровларда тарқатилиши керак бўлган даврий босма нашрларни аниқлаш ўрнатилган тартибда таҳририятлар томонидан амалга оширилади.».
3. 13-банднинг иккинчи хатбошиси қуйидаги таҳрирда баён этилсин:
«Каталогда даврий босма нашрнинг номи ва индекси, каталогни нашр қилган тарқатувчининг телефон рақами, даврий босма нашрнинг обуна нархи, босмадан чиқиш даврийлиги, обуна даври, даврий босма нашрларнинг ёшга оид таснифи ва бошқа ахборотлар кўрсатилади.».
4. 25-банд қуйидаги таҳрирда баён этилсин:
«25. Даврий босма нашрларнинг навбатдаги сонлари сотувга келиб тушганлиги тўғрисида харидорларни хабардор қилиш учун даврий босма нашрларнинг янги сонлари кўринадиган жойда ҳамма кўриши учун чиқариб қўйилади, болаларнинг соғлиғига зарар етказувчи ахборотни ўз ичига олган даврий босма нашрлар бундан мустасно.
Жамоат жойларида болаларнинг соғлиғига зарар етказувчи ахборотни ўз ичига олган даврий босма нашрларни фақат ёпиқ ўровларда тарқатишга йўл қўйилади.».
5. 29-банд қуйидаги мазмундаги «д 1 » кичик банд билан тўлдирилсин:
«д 1 ) даврий босма нашрларнинг тегишли ёшга оид тоифасини ҳамда жамоат жойларда ёпиқ ўровларда тарқатиладиган болаларнинг соғлиғига зарар етказувчи ахборотни ўз ичига олган даврий босма нашрларни аниқлаш ва тарқатувчига ёпиқ ўровларда (ҳар бир нусхасини) тақдим этиш;».
6. 30-бандда :
«а» кичик банддаги «тарқатувчининг» деган сўз «нашрларнинг» деган сўз билан алмаштирилсин;
қуйидаги мазмундаги «г» кичик банд билан тўлдирилсин:
«г) болаларнинг соғлиғига зарар етказувчи ахборотни ўз ичига олган даврий босма нашрларни жамоат жойларида тарқатиш учун ўровсиз ёки ўрови шикастланган ҳолатда тақдим этилганда таҳририятга қайтариш.».
7. 34-бандда :
биринчи хатбоши қуйидаги таҳрирда баён этилсин:
«Даврий босма нашрларнинг етказиб берилмаганлиги сабаби обуначи ариза берган кундан бошлаб 20 кун давомида (агар шартномада бундан камроқ муддат белгиланмаган бўлса) тарқатувчи томонидан аниқланиши ва бартараф этилиши керак.»;
иккинчи хатбошидаги «Камчиликлар» деган сўз «Аниқланган камчиликлар» деган сўзлар билан алмаштирилсин.
8. 38-бандда :
«а» кичик банд «чиқишининг кечикканлиги» деган сўзлардан кейин «ёки чиқмаганлиги» деган сўзлар билан тўлдирилсин;
қуйидаги мазмундаги «г» кичик банд билан тўлдирилсин:
«г) болаларнинг соғлиғига зарар етказувчи ахборотни ўз ичига олган даврий босма нашрларни тарқатувчига ўровсиз ёки ўрови шикастланган ҳолатда тақдим этганлиги.».
9. 39-банднинг «б» кичик банди қуйидаги таҳрирда баён этилсин:
«б) товар кўринишини йўқотган даврий босма нашрларни сотганлиги (агар обуначининг даврий босма нашрни олгунига қадар бундай камчиликлар пайдо бўлганлиги исботланса), шунингдек жамоат жойларида болаларнинг соғлиғига зарар етказувчи ахборотни ўз ичига олган даврий босма нашрларни очиқ ҳолатда тарқатганлиги;».
10. 42-банд қуйидаги таҳрирда баён этилсин:
«42. Агар даврий босма нашрнинг нусхаси (нусхалари)ни етказиб бериш форс-мажор ҳолатларининг юзага келиши оқибатида ёки обуначининг айби билан бузилганлиги исбот қилинса, шунингдек даврий босма нашрнинг чиқишини кечиктириш ёки навбатдаги сонининг чиқмаганлиги таҳририятнинг ва нашриётнинг айби билан юзага келган ҳолларда тарқатувчилар жавобгарликдан озод қилинадилар.».
11. Ушбу ўзгартириш ва қўшимчалар Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси ҳамда «Матбуот тарқатувчи» АК билан келишилган.
Келишилган:
Ахборот технологиялари ва коммуникацияларини ривожлантириш вазири А. АХМЕДХАДЖАЕВ
Ўзбекистон матбуот ва ахборот агентлиги Бош директори Л. ТАНГРИЕВ
Хусусийлаштирилган корхоналарга кўмаклашиш ва рақобатни ривожлантириш давлат қўмитаси раиси Р. ГУЛЯМОВ
«Матбуот тарқатувчи» АК Бош директори С. НАЖБИДДИНОВ
Тошкент ш.,
2018 йил 13 март,
Тошкент ш.,
2018 йил 13 март,
2018 йил 12 март
2018 йил 12 март
166-мҳ-сон
22-сон
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Oʻzbekiston matbuot va axborot agentligining
Qarori
Oʻzbekiston Respublikasida davriy bosma nashrlarni tarqatish qoidalariga oʻzgartirish va qoʻshimchalar kiritish toʻgʻrisida
Oʻzbekiston Respublikasining “Bolalarni ularning sogʻligʻiga zarar yetkazuvchi axborotdan himoya qilish toʻgʻrisida”gi Qonuniga muvofiq Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi hamda Oʻzbekiston matbuot va axborot agentligi qaror qiladi:
1. Oʻzbekiston aloqa va axborotlashtirish agentligi hamda Oʻzbekiston matbuot va axborot agentligining 2008-yil 19-maydagi 10-8/1493, 04-01-son qarori (roʻyxat raqami 1826, 2008-yil 18-iyun) (Oʻzbekiston Respublikasi qonun hujjatlari toʻplami, 2008-yil, 24-25-son, 240-modda) bilan tasdiqlangan Oʻzbekiston Respublikasida davriy bosma nashrlarni tarqatish qoidalariga ilovaga muvofiq oʻzgartirish va qoʻshimchalar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi hamda Oʻzbekiston matbuot va axborot agentligining 2018-yil 13-martdagi 166-mh, 22-son qaroriga ILOVA
Oʻzbekiston Respublikasida davriy bosma nashrlarni tarqatish qoidalariga kiritilayotgan oʻzgartirish va qoʻshimchalar
1. 1-bandda :
quyidagi mazmundagi ikkinchi xatboshi bilan toʻldirilsin:
“ bolalar sogʻligʻiga zarar yetkazuvchi axborot — Oʻzbekiston Respublikasining “Bolalarni ularning sogʻligʻiga zarar yetkazuvchi axborotdan himoya qilish toʻgʻrisida”gi Qonuniga muvofiq bolalar oʻrtasida tarqatilishi taqiqlangan yoki cheklangan axborot mahsuloti;”;
ikkinchi — beshinchi xatboshilar tegishlicha uchinchi — oltinchi xatboshilar deb hisoblansin.
2. Quyidagi mazmundagi 9 1 -band bilan toʻldirilsin:
“9 1 . Davriy bosma nashrlarning yoshga oid tasnifini, shuningdek jamoat joylarida yopiq oʻrovlarda tarqatilishi kerak boʻlgan davriy bosma nashrlarni aniqlash oʻrnatilgan tartibda tahririyatlar tomonidan amalga oshiriladi.”.
3. 13-bandning ikkinchi xatboshisi quyidagi tahrirda bayon etilsin:
“Katalogda davriy bosma nashrning nomi va indeksi, katalogni nashr qilgan tarqatuvchining telefon raqami, davriy bosma nashrning obuna narxi, bosmadan chiqish davriyligi, obuna davri, davriy bosma nashrlarning yoshga oid tasnifi va boshqa axborotlar koʻrsatiladi.”.
4. 25-band quyidagi tahrirda bayon etilsin:
“25. Davriy bosma nashrlarning navbatdagi sonlari sotuvga kelib tushganligi toʻgʻrisida xaridorlarni xabardor qilish uchun davriy bosma nashrlarning yangi sonlari koʻrinadigan joyda hamma koʻrishi uchun chiqarib qoʻyiladi, bolalarning sogʻligʻiga zarar yetkazuvchi axborotni oʻz ichiga olgan davriy bosma nashrlar bundan mustasno.
Jamoat joylarida bolalarning sogʻligʻiga zarar yetkazuvchi axborotni oʻz ichiga olgan davriy bosma nashrlarni faqat yopiq oʻrovlarda tarqatishga yoʻl qoʻyiladi.”.
5. 29-band quyidagi mazmundagi “d 1 ” kichik band bilan toʻldirilsin:
“d 1 ) davriy bosma nashrlarning tegishli yoshga oid toifasini hamda jamoat joylarda yopiq oʻrovlarda tarqatiladigan bolalarning sogʻligʻiga zarar yetkazuvchi axborotni oʻz ichiga olgan davriy bosma nashrlarni aniqlash va tarqatuvchiga yopiq oʻrovlarda (har bir nusxasini) taqdim etish;”.
6. 30-bandda :
“a” kichik banddagi “tarqatuvchining” degan soʻz “nashrlarning” degan soʻz bilan almashtirilsin;
quyidagi mazmundagi “g” kichik band bilan toʻldirilsin:
“g) bolalarning sogʻligʻiga zarar yetkazuvchi axborotni oʻz ichiga olgan davriy bosma nashrlarni jamoat joylarida tarqatish uchun oʻrovsiz yoki oʻrovi shikastlangan holatda taqdim etilganda tahririyatga qaytarish.”.
7. 34-bandda :
birinchi xatboshi quyidagi tahrirda bayon etilsin:
“Davriy bosma nashrlarning yetkazib berilmaganligi sababi obunachi ariza bergan kundan boshlab 20 kun davomida (agar shartnomada bundan kamroq muddat belgilanmagan boʻlsa) tarqatuvchi tomonidan aniqlanishi va bartaraf etilishi kerak.”;
ikkinchi xatboshidagi “Kamchiliklar” degan soʻz “Aniqlangan kamchiliklar” degan soʻzlar bilan almashtirilsin.
8. 38-bandda :
“a” kichik band “chiqishining kechikkanligi” degan soʻzlardan keyin “yoki chiqmaganligi” degan soʻzlar bilan toʻldirilsin;
quyidagi mazmundagi “g” kichik band bilan toʻldirilsin:
“g) bolalarning sogʻligʻiga zarar yetkazuvchi axborotni oʻz ichiga olgan davriy bosma nashrlarni tarqatuvchiga oʻrovsiz yoki oʻrovi shikastlangan holatda taqdim etganligi.”.
9. 39-bandning “b” kichik bandi quyidagi tahrirda bayon etilsin:
“b) tovar koʻrinishini yoʻqotgan davriy bosma nashrlarni sotganligi (agar obunachining davriy bosma nashrni olguniga qadar bunday kamchiliklar paydo boʻlganligi isbotlansa), shuningdek jamoat joylarida bolalarning sogʻligʻiga zarar yetkazuvchi axborotni oʻz ichiga olgan davriy bosma nashrlarni ochiq holatda tarqatganligi;”.
10. 42-band quyidagi tahrirda bayon etilsin:
“42. Agar davriy bosma nashrning nusxasi (nusxalari)ni yetkazib berish fors-major holatlarining yuzaga kelishi oqibatida yoki obunachining aybi bilan buzilganligi isbot qilinsa, shuningdek davriy bosma nashrning chiqishini kechiktirish yoki navbatdagi sonining chiqmaganligi tahririyatning va nashriyotning aybi bilan yuzaga kelgan hollarda tarqatuvchilar javobgarlikdan ozod qilinadilar.”.
11. Ushbu oʻzgartirish va qoʻshimchalar Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi hamda “Matbuot tarqatuvchi” AK bilan kelishilgan.
Kelishilgan:
Axborot texnologiyalari va kommunikatsiyalarini rivojlantirish vaziri A. AXMEDXADJAYEV
Oʻzbekiston matbuot va axborot agentligi Bosh direktori L. TANGRIYEV
Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisi R. GULYAMOV
“Matbuot tarqatuvchi” AK Bosh direktori S. NAJBIDDINOV
Toshkent sh.,
2018-yil 13-mart,
Toshkent sh.,
2018-yil 13-mart,
2018-yil 12-mart
2018-yil 12-mart
166-mh-son
22-son