📅 2018-yil 30-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 30 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 марта 2018 г. · Постановления Президента
Официальный текст. Официальный документ. Редакционные примечания не включены.
📅 30 March 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Мувофиқликни баҳолаш органларини аккредитация қилиш тизимини янада такомиллаштириш чора-тадбирлари тўғрисида
Ўтган давр мобайнида стандартлаштириш, метрология ва сертификатлаш соҳасидаги ишларни халқаро стандартлар асосида ташкил этиш, мазкур йўналишда давлат органлари ва бошқа муассасалар фаолиятини тартибга солишнинг ҳуқуқий асослари белгиланди.
Шу билан бирга, мамлакат экспорт салоҳиятини ошириш, ишлаб чиқарилаётган маҳсулотларнинг халқаро стандартларга мувофиқлигини ҳамда ушбу соҳада давлат-хусусий шерикликни ташкил этишда энг мақбул амалиётларни қўллаш механизмларини таъминлашга салбий таъсир кўрсатувчи тизимли камчиликлар мавжуд.
Ваколатли органларнинг техник жиҳатдан тартибга солиш, регуляторлик ва назорат қилиш вазифалари тизимининг эскирганлиги туфайли миллий аккредитация тизими хорижий бозорлардаги рўй бераётган ўзгаришларни ҳисобга олмаяпти, бу эса талаб юқори бўлган товарлар, ишлар (хизматлар) ишлаб чиқарилиши ва уларнинг рақобатбардошлигини таъминлашга таъсир қилмоқда.
Мувофиқликни баҳолаш органларини аккредитация қилиш тизимини янада такомиллаштириш, экспортга йўналтирилган ва рақобатбардош товарлар, ишлар (хизматлар)ни ишлаб чиқариш учун шароитлар яратиш, мамлакат истеъмол бозорини сифатсиз маҳсулотлардан ҳимоя қилиш мақсадида:
2. Қуйидагилар Марказнинг асосий вазифалари этиб белгилансин:
мувофиқликни баҳолаш органларини аккредитация қилиш соҳасида ягона давлат сиёсатини амалга ошириш;
мувофиқликни баҳолаш органларини халқаро стандартларга кўра аккредитация қилиш, шунингдек, мувофиқликни баҳолаш бўйича аккредитация қилинган органлар ва метрология хизматларининг белгиланган шартлар ва талабларни бажаришини даврий баҳолашни амалга ошириш;
халқаро ва миллий аккредитация органлари билан фаол ҳамкорлик қилиш, ушбу соҳада халқаро стандартлар ва техник регламентларни жорий этиш;
мувофиқликни баҳолаш органларини аккредитация қилиш соҳасида миллий ва халқаро илмий-тадқиқот, таълим ва бошқа муассасалар томонидан амалга оширилаётган давлат илмий-техникавий дастурлари ва лойиҳаларининг ягона буюртмачиси вазифаларини бажариш.
4. Марказ директори Ўзбекистон Республикаси Президенти Администрацияси билан келишилган ҳолда Вазирлар Маҳкамаси томонидан лавозимга тайинланади ва лавозимидан озод этилади.
5. Марказ директорига қуйидаги ҳуқуқлар берилсин:
Марказнинг тузилмасини ва штатларини тасдиқлаш.
энг илғор амалиётларга мувофиқ миллий стандартларни ишлаб чиқиш бўйича вазифаларни сифатли бажариш мақсадида шартнома асосида мустақил консультантлар ва экспертларни, шу жумладан, чет эллик мутахассисларни жалб этиш;
юқори малакали хорижий ва маҳаллий мутахассисларни ишга қабул қилиш ҳамда уларга иш ҳақи ва бошқа тўловлар миқдорини белгилаш.
Белгилаб қўйилсинки, Хизматчиларнинг асосий лавозимлари ва ишчилар касблари классификатори ишга қабул қилиш, ишчи касблар бўйича малака разрядларини белгилашда энг кам маълумот даражаси қисмида, истисно тариқасида, хорижий олий таълим муассасаларини битирган тегишли йўналишдаги мутахассисларга нисбатан Марказда қўллаш учун тавсия хусусиятига эга.
6. Марказ 2021 йилнинг 1 апрелигача бўлган муддатда белгиланган тартибда тасдиқланадиган рўйхатлар бўйича Ўзбекистон Республикасида ишлаб чиқарилмайдиган асбоб-ускуналар, компьютер ва сервер техникаси, техника воситалари, дастурий маҳсулот, ихтисослаштирилган автотранспорт воситалари, шунингдек, бошқа моддий-техника ресурсларини олиб кириш учун божхона тўловларини (божхона расмийлаштируви учун йиғимлар бундан мустасно) тўлашдан озод этилсин.
7. Ўзбекистон Республикаси Президенти ҳузуридаги Лойиҳа бошқаруви миллий агентлиги:
Марказ Уставини тасдиқласин ва белгиланган тартибда унинг давлат рўйхатидан ўтказилишини таъминласин;
бир ой муддатда Марказни унинг фаолиятини самарали ташкил этишни юқори профессионал даражада таъминлашга қодир бўлган малакали кадрлар билан тўлдирсин;
Ўзбекистон Республикаси Бош прокуратураси билан ҳамкорликда икки ой муддатда барча илгари берилган амалдаги аккредитация гувоҳномаларини тўлиқ инвентаризациядан ўтказиб, қонун ҳужжатларига мувофиқ зарур чора-тадбирларни кўрсин.
8. Ўзбекистон Республикаси Ички ишлар вазирлиги Марказнинг буюртмаларига асосан унга юклатилган вазифаларни бажариш учун жалб этилаётган хорижий мутахассисларга давлат божи ундирилмасдан кўп марталик визалар расмийлаштирилиши, берилиши ва муддати узайтирилишини, шунингдек, турган жойи бўйича рўйхатдан ўтказиш ҳамда муддати узайтирилишини таъминласин.
9. Ўзбекистон Республикаси Бандлик ва меҳнат муносабатлари вазирлиги Марказнинг буюртмаларига асосан унга юклатилган вазифаларни бажариши учун хорижий мутахассисларни республикага жалб қилишга рухсатномалар берилишини (узайтирилишини), шунингдек, жалб этилаётган хорижий мутахассисларга Ўзбекистон Республикаси ҳудудида меҳнат фаолиятини амалга ошириш ҳуқуқига доир тасдиқномалар берилишини (узайтирилишини) таъминласин.
10. Ўзбекистон Республикаси Ахборот технологиялари ва коммуникацияларини ривожлантириш вазирлиги Марказни белгиланган тартибда зарур алоқа воситалари, шу жумладан, ҳукумат алоқа воситалари билан ҳамда юқори тезликдаги Интернет тармоғига уланишини таъминласин.
11. Ўзбекистон Республикаси Президенти ҳузуридаги Лойиҳа бошқаруви миллий агентлиги тегишли вазирликлар ва идоралар билан ҳамкорликда бир ой муддатда Мувофиқликни баҳолаш органларини аккредитациядан ўтказиш тартиби тўғрисидаги низом лойиҳасини тасдиқлаш учун киритсин.
12. Марказ Тошкент шаҳри, Ислом Каримов кўчаси, 1-уйда жойлаштирилсин.
13. Ўзбекистон Республикаси Президенти ҳузуридаги Лойиҳа бошқаруви миллий агентлиги тегишли вазирликлар ва идоралар билан ҳамкорликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида таклифлар киритсин.
14. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти ҳузуридаги Лойиҳа бошқаруви миллий агентлиги директори Ш.М. Содиқов ва Ўзбекистон Республикасининг Бош прокурори О.Б. Муродов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 30 март,
ПҚ-3643-сон
Oʻzbekiston Respublikasi Prezidentining
Qarori
Muvofiqlikni baholash organlarini akkreditatsiya qilish tizimini yanada takomillashtirish chora-tadbirlari toʻgʻrisida
Oʻtgan davr mobaynida standartlashtirish, metrologiya va sertifikatlash sohasidagi ishlarni xalqaro standartlar asosida tashkil etish, mazkur yoʻnalishda davlat organlari va boshqa muassasalar faoliyatini tartibga solishning huquqiy asoslari belgilandi.
Shu bilan birga, mamlakat eksport salohiyatini oshirish, ishlab chiqarilayotgan mahsulotlarning xalqaro standartlarga muvofiqligini hamda ushbu sohada davlat-xususiy sheriklikni tashkil etishda eng maqbul amaliyotlarni qoʻllash mexanizmlarini taʼminlashga salbiy taʼsir koʻrsatuvchi tizimli kamchiliklar mavjud.
Vakolatli organlarning texnik jihatdan tartibga solish, regulatorlik va nazorat qilish vazifalari tizimining eskirganligi tufayli milliy akkreditatsiya tizimi xorijiy bozorlardagi roʻy berayotgan oʻzgarishlarni hisobga olmayapti, bu esa talab yuqori boʻlgan tovarlar, ishlar (xizmatlar) ishlab chiqarilishi va ularning raqobatbardoshligini taʼminlashga taʼsir qilmoqda.
Muvofiqlikni baholash organlarini akkreditatsiya qilish tizimini yanada takomillashtirish, eksportga yoʻnaltirilgan va raqobatbardosh tovarlar, ishlar (xizmatlar)ni ishlab chiqarish uchun sharoitlar yaratish, mamlakat isteʼmol bozorini sifatsiz mahsulotlardan himoya qilish maqsadida:
2. Quyidagilar Markazning asosiy vazifalari etib belgilansin:
muvofiqlikni baholash organlarini akkreditatsiya qilish sohasida yagona davlat siyosatini amalga oshirish;
muvofiqlikni baholash organlarini xalqaro standartlarga koʻra akkreditatsiya qilish, shuningdek, muvofiqlikni baholash boʻyicha akkreditatsiya qilingan organlar va metrologiya xizmatlarining belgilangan shartlar va talablarni bajarishini davriy baholashni amalga oshirish;
xalqaro va milliy akkreditatsiya organlari bilan faol hamkorlik qilish, ushbu sohada xalqaro standartlar va texnik reglamentlarni joriy etish;
muvofiqlikni baholash organlarini akkreditatsiya qilish sohasida milliy va xalqaro ilmiy-tadqiqot, taʼlim va boshqa muassasalar tomonidan amalga oshirilayotgan davlat ilmiy-texnikaviy dasturlari va loyihalarining yagona buyurtmachisi vazifalarini bajarish.
4. Markaz direktori Oʻzbekiston Respublikasi Prezidenti Administratsiyasi bilan kelishilgan holda Vazirlar Mahkamasi tomonidan lavozimga tayinlanadi va lavozimidan ozod etiladi.
5. Markaz direktoriga quyidagi huquqlar berilsin:
Markazning tuzilmasini va shtatlarini tasdiqlash.
eng ilgʻor amaliyotlarga muvofiq milliy standartlarni ishlab chiqish boʻyicha vazifalarni sifatli bajarish maqsadida shartnoma asosida mustaqil konsultantlar va ekspertlarni, shu jumladan, chet ellik mutaxassislarni jalb etish;
yuqori malakali xorijiy va mahalliy mutaxassislarni ishga qabul qilish hamda ularga ish haqi va boshqa toʻlovlar miqdorini belgilash.
Belgilab qoʻyilsinki, Xizmatchilarning asosiy lavozimlari va ishchilar kasblari klassifikatori ishga qabul qilish, ishchi kasblar boʻyicha malaka razryadlarini belgilashda eng kam maʼlumot darajasi qismida, istisno tariqasida, xorijiy oliy taʼlim muassasalarini bitirgan tegishli yoʻnalishdagi mutaxassislarga nisbatan Markazda qoʻllash uchun tavsiya xususiyatiga ega.
6. Markaz 2021-yilning 1-apreligacha boʻlgan muddatda belgilangan tartibda tasdiqlanadigan roʻyxatlar boʻyicha Oʻzbekiston Respublikasida ishlab chiqarilmaydigan asbob-uskunalar, kompyuter va server texnikasi, texnika vositalari, dasturiy mahsulot, ixtisoslashtirilgan avtotransport vositalari, shuningdek, boshqa moddiy-texnika resurslarini olib kirish uchun bojxona toʻlovlarini (bojxona rasmiylashtiruvi uchun yigʻimlar bundan mustasno) toʻlashdan ozod etilsin.
7. Oʻzbekiston Respublikasi Prezidenti huzuridagi Loyiha boshqaruvi milliy agentligi:
Markaz Ustavini tasdiqlasin va belgilangan tartibda uning davlat roʻyxatidan oʻtkazilishini taʼminlasin;
bir oy muddatda Markazni uning faoliyatini samarali tashkil etishni yuqori professional darajada taʼminlashga qodir boʻlgan malakali kadrlar bilan toʻldirsin;
Oʻzbekiston Respublikasi Bosh prokuraturasi bilan hamkorlikda ikki oy muddatda barcha ilgari berilgan amaldagi akkreditatsiya guvohnomalarini toʻliq inventarizatsiyadan oʻtkazib, qonun hujjatlariga muvofiq zarur chora-tadbirlarni koʻrsin.
8. Oʻzbekiston Respublikasi Ichki ishlar vazirligi Markazning buyurtmalariga asosan unga yuklatilgan vazifalarni bajarish uchun jalb etilayotgan xorijiy mutaxassislarga davlat boji undirilmasdan koʻp martalik vizalar rasmiylashtirilishi, berilishi va muddati uzaytirilishini, shuningdek, turgan joyi boʻyicha roʻyxatdan oʻtkazish hamda muddati uzaytirilishini taʼminlasin.
9. Oʻzbekiston Respublikasi Bandlik va mehnat munosabatlari vazirligi Markazning buyurtmalariga asosan unga yuklatilgan vazifalarni bajarishi uchun xorijiy mutaxassislarni respublikaga jalb qilishga ruxsatnomalar berilishini (uzaytirilishini), shuningdek, jalb etilayotgan xorijiy mutaxassislarga Oʻzbekiston Respublikasi hududida mehnat faoliyatini amalga oshirish huquqiga doir tasdiqnomalar berilishini (uzaytirilishini) taʼminlasin.
10. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Markazni belgilangan tartibda zarur aloqa vositalari, shu jumladan, hukumat aloqa vositalari bilan hamda yuqori tezlikdagi Internet tarmogʻiga ulanishini taʼminlasin.
11. Oʻzbekiston Respublikasi Prezidenti huzuridagi Loyiha boshqaruvi milliy agentligi tegishli vazirliklar va idoralar bilan hamkorlikda bir oy muddatda Muvofiqlikni baholash organlarini akkreditatsiyadan oʻtkazish tartibi toʻgʻrisidagi nizom loyihasini tasdiqlash uchun kiritsin.
12. Markaz Toshkent shahri, Islom Karimov koʻchasi, 1-uyda joylashtirilsin.
13. Oʻzbekiston Respublikasi Prezidenti huzuridagi Loyiha boshqaruvi milliy agentligi tegishli vazirliklar va idoralar bilan hamkorlikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida takliflar kiritsin.
14. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti huzuridagi Loyiha boshqaruvi milliy agentligi direktori Sh.M. Sodiqov va Oʻzbekiston Respublikasining Bosh prokurori O.B. Murodov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 30-mart,
PQ-3643-son
Президента Республики Узбекистан
Постановление
О мерах по дальнейшему совершенствованию системы аккредитации органов по оценке соответствия
За прошедший период определены правовые основы организации работы в сфере стандартизации, метрологии и сертификации на основе международных стандартов, регулирования деятельности государственных органов и иных учреждений в данном направлении.
Вместе с тем имеются системные недостатки, негативно влияющие на повышение экспортного потенциала страны, обеспечение соответствия производимой продукции международным стандартам, а также механизмов практического применения наилучших практик в организации государственно-частного партнерства в данной сфере.
Вследствие устаревшей системы технического регулирования, регуляторных и инспекционных функций уполномоченных органов национальная система аккредитации не учитывает происходящие изменения на зарубежных рынках, что сказывается на производстве востребованных товаров, работ (услуг) и обеспечении их конкурентоспособности.
В целях дальнейшего совершенствования системы аккредитации органов по оценке соответствия, создания условий для производства экспортоориентированных и конкурентоспособных товаров, работ (услуг), защиты потребительского рынка страны от недоброкачественной продукции:
2. Основными задачами Центра определить:
осуществление единой государственной политики в области аккредитации органов по оценке соответствия;
аккредитацию в соответствии с международными стандартами органов по оценке соответствия, а также осуществление периодической оценки выполнения аккредитованными органами по оценке соответствия и метрологическими службами установленных условий и требований;
активное взаимодействие с международными и национальными органами по аккредитации, внедрение международных стандартов и технических регламентов в данной сфере;
выполнение функций единого заказчика государственных научно-технических программ и проектов, реализуемых национальными и международными научно-исследовательскими, образовательными и другими учреждениями в области аккредитации органов по оценке соответствия.
4. Директор Центра назначается на должность и освобождается от должности Кабинетом Министров по согласованию с Администрацией Президента Республики Узбекистан.
5. Предоставить директору Центра право:
утверждать структуру и штаты Центра.
привлекать на договорной основе независимых консультантов и экспертов, в том числе иностранных, в целях качественного выполнения задач по разработке национальных стандартов в соответствии с наилучшими практиками;
принимать на работу высококвалифицированных иностранных и отечественных специалистов, а также устанавливать им размеры заработной платы и иных выплат.
Определить, что Классификатор основных должностей служащих и профессий рабочих в части минимального уровня образования при приеме на работу, установления квалификационных разрядов по профессиям рабочих носит, в порядке исключения, рекомендательный характер для применения в Центре в отношении специалистов соответствующего направления, окончивших высшие образовательные учреждения за рубежом.
6. Освободить Центр сроком до 1 апреля 2021 года от уплаты таможенных платежей (за исключением сборов за таможенное оформление) за ввозимые оборудование, компьютерную и серверную технику, технические средства, программную продукцию, специализированные автотранспортные средства, а также другие материально-технические ресурсы, не производимые в Республике Узбекистан, по перечням, утверждаемым в установленном порядке.
7. Национальному агентству проектного управления при Президенте Республики Узбекистан:
утвердить Устав Центра и обеспечить его государственную регистрацию в установленном порядке;
в месячный срок укомплектовать Центр квалифицированными кадрами, способными на высоком профессиональном уровне обеспечить эффективную организацию его деятельности;
совместно с Генеральной прокуратурой Республики Узбекистан в двухмесячный срок провести полную инвентаризацию всех ранее выданных действующих свидетельств об аккредитации с последующим принятием необходимых мер в соответствии с законодательством.
8. Министерству внутренних дел Республики Узбекистан обеспечить по заявкам Центра оформление, выдачу и продление многократных виз, а также регистрацию по месту пребывания и продление ее срока иностранным специалистам, привлекаемым для исполнения возложенных на него задач, без взимания государственной пошлины.
9. Министерству занятости и трудовых отношений обеспечить по заявкам Центра выдачу (продление) разрешений на привлечение в республику иностранных специалистов для исполнения возложенных на него задач, а также выдачу (продление) привлекаемым иностранным специалистам подтверждений на право трудовой деятельности на территории Республики Узбекистан.
10. Министерству по развитию информационных технологий и коммуникаций Республики Узбекистан в установленном порядке обеспечить Центр необходимыми средствами связи, включая правительственную, а также подключение к высокоскоростной сети Интернет.
11. Национальному агентству проектного управления при Президенте Республики Узбекистан совместно с заинтересованными министерствами и ведомствами в месячный срок внести на утверждение проект Положения о порядке проведения аккредитации органов по оценке соответствия.
12. Разместить Центр по адресу: город Ташкент, улица Ислама Каримова, 1.
13. Национальному агентству проектного управления при Президенте Республики Узбекистан совместно с заинтересованными министерствами и ведомствами в месячный срок внести предложения по изменениям и дополнениям в законодательство, вытекающим из настоящего постановления.
14. Контроль за исполнением настоящего постановления возложить на Премьер-министра Республики Узбекистан А.Н. Арипова, директора Национального агентства проектного управления при Президенте Республики Узбекистан Ш.М. Садикова и Генерального прокурора Республики Узбекистан О.Б. Муродова.
Президент Республики Узбекистан Ш. МИРЗИЁЕВ
г. Ташкент,
30 марта 2018 г.,
№ ПП-3643