📅 2018-yil 28-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 28 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 28 марта 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 28 March 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Жисмоний тарбия ва спорт соҳасида тадбиркорликни ҳамда хусусий секторни янада ривожлантириш чора-тадбирлари тўғрисида
2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясига мувофиқ, шунингдек, жисмоний тарбия ва спорт соҳасида тадбиркорликни ҳамда хусусий секторни янада ривожлантириш, аҳолига кўрсатиладиган спорт-соғломлаштириш хизматлари сифатини яхшилаш, жисмоний тарбия ва спорт соҳасида давлат-хусусий шериклик учун қулай шароитлар яратиш мақсадида Вазирлар Маҳкамаси қарор қилади:
1. Ўзбекистон Республикаси Жисмоний тарбия ва спорт вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитасининг тижорат ташкилотлари томонидан Жисмоний тарбия ва спорт вазирлигининг жисмоний тарбия-соғломлаштириш ва спорт иншоотлари, шу жумладан бўш турган ва фаолият кўрсатмаётган иншоотлари, шунингдек, сузиш ҳавзалари (кейинги ўринларда спорт иншоотлари деб аталади) базасида жисмоний тарбия-спорт ҳамда соғломлаштириш хизматларини (кейинги ўринларда соғломлаштириш хизматлари деб аталади) давлат-хусусий шериклик асосида кўрсатиш тартибини жорий этиш тўғрисидаги таклифи маъқуллансин.
2. Қуйидагилар соғломлаштириш хизматларини кўрсатиш бўйича давлат-хусусий шерикликни янада ривожлантиришнинг асосий йўналишлари ва вазифалари этиб белгилансин:
иқтидорли болалар ва истеъдодли ёшларни аниқлаш ҳамда қўллаб-қувватлаш орқали жисмоний тарбия ва спорт билан шуғулланишнинг юқори сифатини таъминлайдиган қулай шарт-шароитлар яратиш;
соғлом рақобат муҳитини шакллантириш учун анъанавий хизматлар билан бир қаторда, сифатли ва оммабоп соғломлаштириш хизматларидан фойдаланишнинг муқобил имкониятларини тақдим этиш бўйича пулли соғломлаштириш хизматлари бозорини жадал ривожлантириш;
илғор халқаро тажрибани ҳисобга олган ҳолда, жисмоний тарбия ва спорт билан шуғулланиш учун инновацион шакллар, услублар ва замонавий технологиялардан фойдаланиш асосида жисмоний тарбия ва спорт соҳасида самарадорлик ва натижадорликни ошириш.
3. Ўзбекистон Республикаси Жисмоний тарбия ва спорт вазирлиги:
а) давлат-хусусий шериклик субъектларининг фаолиятини янада ривожлантиришга оид асосий йўналишлар ва вазифаларни ҳисобга олган ҳолда пулли спорт тўгараклари, секциялари ва бошқа спорт-соғломлаштириш тадбирларини ташкил этиш орқали Спорт иншоотларидан самарали ва оқилона фойдаланиш чора-тадбирлари режасини бир ой муддатда ишлаб чиқсин ҳамда тасдиқласин;
замонавий ахборот-коммуникация технологиялари ҳамда оммавий ахборот воситаларидан фойдаланган ҳолда, давлат-хусусий шериклик асосида тақдим этиладиган спорт иншоотлари тўғрисида манфаатдор жисмоний ҳамда юридик шахсларнинг кенг хабардор қилинишини таъминласин;
б) икки ой муддатда:
спорт иншоотларининг намунавий штатларини;
спорт иншоотларидан фойдаланганлик учун ижара тўловлари ставкаларини ҳисоб-китоб қилиш методикаси тўғрисида, жумладан, биринчи навбатда, давлат-хусусий шериклик асосида ташкил этилган субъектларга муайян имтиёзлар бериш назарда тутилган низомни;
ўн олти ёшгача бўлган болалар, ногиронлар ва аҳолининг ижтимоий ҳимояга муҳтож бошқа тоифаларига имтиёзли шартлар асосида ёки бепул хизматлар кўрсатиш назарда тутилган спорт иншоотларида аҳолига соғломлаштириш хизматлари кўрсатиш тартиби тўғрисидаги низомни ишлаб чиқсин ва белгиланган тартибда тасдиқласин.
4. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда соғломлаштириш хизматларини кўрсатиш фаолияти билан шуғулланадиган юридик шахсларга давлат мулки бўлган ва фойдаланилмаётган бинолар, объектлар ҳамда иншоотларнинг давлат-хусусий шериклик шартлари асосида, белгиланган тартибда сотилишини таъминласин.
5. Соғломлаштириш хизматларини кўрсатиш фаолияти билан шуғулланадиган юридик шахсларга илғор хорижий тажрибани ҳисобга олган ҳолда:
болаларда спортга муҳаббат ҳиссини, ўсиб келаётган ёш авлод онгида спорт билан шуғулланишнинг муҳимлиги, соғлом турмуш тарзини юритиш, маънавий ва жисмоний комиликка интилиш тушунчасини шакллантириш, уларни салбий таъсирлардан ҳимоя қилиш ва зарарли одатлардан халос қилиш, болаларда қатъий феъл-атвор, Ватанга муҳаббат ва ўз мамлакати билан фахрланиш туйғуларини қарор топтириш;
жисмоний тарбия-спорт жараёнини замонавий технологиялардан фойдаланган ҳолда спорт кўникмаларини чуқур ўрганиш йўналишида ташкил этиш;
жисмоний тарбия-спорт жараёнига машғулотлар ўтказиш учун хорижий тренерлар ва мутахассисларни жалб этиш, шунингдек, илғор тажрибани жорий қилиш тавсия этилсин.
6. Ўзбекистон Республикаси тижорат банкларига янги ташкил этилаётган ва ўз фаолиятини кенгайтираётган нодавлат спорт ташкилотларини қўллаб-қувватлаш мақсадида Ўзбекистон Республикаси Жисмоний тарбия ва спорт вазирлиги томонидан тақдим этиладиган манзилли рўйхатлар асосида тадбиркорларга спорт иншоотларини қуриш, реконструкция қилиш ҳамда замонавий спорт ускуналарини харид қилиш учун белгиланган тартибда кредитлар бериш тавсия этилсин.
7. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари барпо этиладиган ва реконструкция қилинадиган нодавлат спорт ҳамда спорт-соғломлаштириш иншоотларини барча зарур ташқи муҳандислик-коммуникация инфратузилмаси (электр энергияси, газ, сув таъминоти, канализация, автомобиль йўллари ва бошқалар) билан белгиланган тартибда таъминласинлар.
8. Ўзбекистон Республикаси Жисмоний тарбия ва спорт вазирлиги, Ўзбекистон ёшлар иттифоқи, Ўзбекистон Республикаси Оила ва хотин-қизлар қўмитаси аҳолини, айниқса, уюшмаган ёшларни жисмоний тарбия ва спорт билан шуғулланишга кенг жалб қилиш учун давлат-хусусий шериклик шартлари асосида соғломлаштириш хизматлари кўрсатувчи ташкил этилаётган ташкилотларни қўллаб-қувватлашга доир амалий чора-тадбирларни мунтазам амалга оширсин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари К.В. Акмалов ҳамда Ўзбекистон Республикаси Жисмоний тарбия ва спорт вазири Ш.Х. Исроилов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 28 март,
248-сон
Oʻzbekiston Respublikasi Vazirlar Mahkamasining
qarori
Jismoniy tarbiya va sport sohasida tadbirkorlikni hamda xususiy sektorni yanada rivojlantirish chora-tadbirlari toʻgʻrisida
2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasiga muvofiq, shuningdek, jismoniy tarbiya va sport sohasida tadbirkorlikni hamda xususiy sektorni yanada rivojlantirish, aholiga koʻrsatiladigan sport-sogʻlomlashtirish xizmatlari sifatini yaxshilash, jismoniy tarbiya va sport sohasida davlat-xususiy sheriklik uchun qulay sharoitlar yaratish maqsadida Vazirlar Mahkamasi qaror qiladi:
1. Oʻzbekiston Respublikasi Jismoniy tarbiya va sport vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasining tijorat tashkilotlari tomonidan Jismoniy tarbiya va sport vazirligining jismoniy tarbiya-sogʻlomlashtirish va sport inshootlari, shu jumladan boʻsh turgan va faoliyat koʻrsatmayotgan inshootlari, shuningdek, suzish havzalari (keyingi oʻrinlarda sport inshootlari deb ataladi) bazasida jismoniy tarbiya-sport hamda sogʻlomlashtirish xizmatlarini (keyingi oʻrinlarda sogʻlomlashtirish xizmatlari deb ataladi) davlat-xususiy sheriklik asosida koʻrsatish tartibini joriy etish toʻgʻrisidagi taklifi maʼqullansin.
2. Quyidagilar sogʻlomlashtirish xizmatlarini koʻrsatish boʻyicha davlat-xususiy sheriklikni yanada rivojlantirishning asosiy yoʻnalishlari va vazifalari etib belgilansin:
iqtidorli bolalar va isteʼdodli yoshlarni aniqlash hamda qoʻllab-quvvatlash orqali jismoniy tarbiya va sport bilan shugʻullanishning yuqori sifatini taʼminlaydigan qulay shart-sharoitlar yaratish;
sogʻlom raqobat muhitini shakllantirish uchun anʼanaviy xizmatlar bilan bir qatorda, sifatli va ommabop sogʻlomlashtirish xizmatlaridan foydalanishning muqobil imkoniyatlarini taqdim etish boʻyicha pulli sogʻlomlashtirish xizmatlari bozorini jadal rivojlantirish;
ilgʻor xalqaro tajribani hisobga olgan holda, jismoniy tarbiya va sport bilan shugʻullanish uchun innovatsion shakllar, uslublar va zamonaviy texnologiyalardan foydalanish asosida jismoniy tarbiya va sport sohasida samaradorlik va natijadorlikni oshirish.
3. Oʻzbekiston Respublikasi Jismoniy tarbiya va sport vazirligi:
a) davlat-xususiy sheriklik subyektlarining faoliyatini yanada rivojlantirishga oid asosiy yoʻnalishlar va vazifalarni hisobga olgan holda pulli sport toʻgaraklari, seksiyalari va boshqa sport-sogʻlomlashtirish tadbirlarini tashkil etish orqali Sport inshootlaridan samarali va oqilona foydalanish chora-tadbirlari rejasini bir oy muddatda ishlab chiqsin hamda tasdiqlasin;
zamonaviy axborot-kommunikatsiya texnologiyalari hamda ommaviy axborot vositalaridan foydalangan holda, davlat-xususiy sheriklik asosida taqdim etiladigan sport inshootlari toʻgʻrisida manfaatdor jismoniy hamda yuridik shaxslarning keng xabardor qilinishini taʼminlasin;
b) ikki oy muddatda:
sport inshootlarining namunaviy shtatlarini;
sport inshootlaridan foydalanganlik uchun ijara toʻlovlari stavkalarini hisob-kitob qilish metodikasi toʻgʻrisida, jumladan, birinchi navbatda, davlat-xususiy sheriklik asosida tashkil etilgan subyektlarga muayyan imtiyozlar berish nazarda tutilgan nizomni;
oʻn olti yoshgacha boʻlgan bolalar, nogironlar va aholining ijtimoiy himoyaga muhtoj boshqa toifalariga imtiyozli shartlar asosida yoki bepul xizmatlar koʻrsatish nazarda tutilgan sport inshootlarida aholiga sogʻlomlashtirish xizmatlari koʻrsatish tartibi toʻgʻrisidagi nizomni ishlab chiqsin va belgilangan tartibda tasdiqlasin.
4. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda sogʻlomlashtirish xizmatlarini koʻrsatish faoliyati bilan shugʻullanadigan yuridik shaxslarga davlat mulki boʻlgan va foydalanilmayotgan binolar, obyektlar hamda inshootlarning davlat-xususiy sheriklik shartlari asosida, belgilangan tartibda sotilishini taʼminlasin.
5. Sogʻlomlashtirish xizmatlarini koʻrsatish faoliyati bilan shugʻullanadigan yuridik shaxslarga ilgʻor xorijiy tajribani hisobga olgan holda:
bolalarda sportga muhabbat hissini, oʻsib kelayotgan yosh avlod ongida sport bilan shugʻullanishning muhimligi, sogʻlom turmush tarzini yuritish, maʼnaviy va jismoniy komilikka intilish tushunchasini shakllantirish, ularni salbiy taʼsirlardan himoya qilish va zararli odatlardan xalos qilish, bolalarda qatʼiy feʼl-atvor, Vatanga muhabbat va oʻz mamlakati bilan faxrlanish tuygʻularini qaror toptirish;
jismoniy tarbiya-sport jarayonini zamonaviy texnologiyalardan foydalangan holda sport koʻnikmalarini chuqur oʻrganish yoʻnalishida tashkil etish;
jismoniy tarbiya-sport jarayoniga mashgʻulotlar oʻtkazish uchun xorijiy trenerlar va mutaxassislarni jalb etish, shuningdek, ilgʻor tajribani joriy qilish tavsiya etilsin.
6. Oʻzbekiston Respublikasi tijorat banklariga yangi tashkil etilayotgan va oʻz faoliyatini kengaytirayotgan nodavlat sport tashkilotlarini qoʻllab-quvvatlash maqsadida Oʻzbekiston Respublikasi Jismoniy tarbiya va sport vazirligi tomonidan taqdim etiladigan manzilli roʻyxatlar asosida tadbirkorlarga sport inshootlarini qurish, rekonstruksiya qilish hamda zamonaviy sport uskunalarini xarid qilish uchun belgilangan tartibda kreditlar berish tavsiya etilsin.
7. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari barpo etiladigan va rekonstruksiya qilinadigan nodavlat sport hamda sport-sogʻlomlashtirish inshootlarini barcha zarur tashqi muhandislik-kommunikatsiya infratuzilmasi (elektr energiyasi, gaz, suv taʼminoti, kanalizatsiya, avtomobil yoʻllari va boshqalar) bilan belgilangan tartibda taʼminlasinlar.
8. Oʻzbekiston Respublikasi Jismoniy tarbiya va sport vazirligi, Oʻzbekiston yoshlar ittifoqi, Oʻzbekiston Respublikasi Oila va xotin-qizlar qoʻmitasi aholini, ayniqsa, uyushmagan yoshlarni jismoniy tarbiya va sport bilan shugʻullanishga keng jalb qilish uchun davlat-xususiy sheriklik shartlari asosida sogʻlomlashtirish xizmatlari koʻrsatuvchi tashkil etilayotgan tashkilotlarni qoʻllab-quvvatlashga doir amaliy chora-tadbirlarni muntazam amalga oshirsin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari K.V. Akmalov hamda Oʻzbekiston Respublikasi Jismoniy tarbiya va sport vaziri Sh.X. Isroilov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 28-mart,
248-son
Кабинета Министров Республики Узбекистан
Постановление
О мерах по дальнейшему развитию предпринимательства и частного сектора в сфере физической культуры и спорта
В соответствии со Стратегией действий по пяти приоритетным направлениям развития Республики Узбекистан на 2017 — 2021 годы, а также в целях дальнейшего развития деятельности частного сектора в сфере физической культуры и спорта, улучшения качества спортивно-оздоровительных услуг населению и создания благоприятных условий для государственно-частного партнерства в сфере физической культуры и спорта Кабинет Министров постановляет:
1. Согласиться с предложением Министерства физической культуры и спорта Республики Узбекистан и Государственного комитета Республики Узбекистан по содействию приватизированным предприятиям и развитию конкуренции о внедрении порядка оказания физкультурно-спортивных и оздоровительных услуг (далее — оздоровительные услуги) на базе физкультурно-оздоровительных и спортивных сооружений, в том числе пустующих и не функционирующих, а также плавательных бассейнов Министерства физической культуры и спорта Республики Узбекистан (далее — спортивные сооружения), коммерческими организациями, на основе государственно-частного партнерства.
2. Определить основными направлениями и задачами дальнейшего развития государственно-частного партнерства по оказанию оздоровительных услуг:
создание благоприятных условий, обеспечивающих высокое качество занятий физической культурой и спортом, в том числе за счет выявления и поддержки одаренных детей и талантливой молодежи;
ускоренное развитие рынка платных оздоровительных услуг для формирования здоровой конкурентной среды по предоставлению, наряду с устоявшимися, альтернативных возможностей по получению качественных и доступных оздоровительных услуг;
повышение эффективности и результативности в сфере физической культуры и спорта на основе использования инновационных форм, методов и современных технологий для занятия физической культурой и спортом с учетом передового международного опыта.
3. Министерству физической культуры и спорта Республики Узбекистан:
а) с учетом основных направлений и задач по дальнейшему развитию деятельности субъектов государственно-частного партнерства в месячный срок разработать и утвердить План мер по эффективному и рациональному использованию спортивных сооружений, путем организации платных спортивных кружков, секций и других спортивно-оздоровительных мероприятий;
обеспечить с использованием современных информационно-коммуникационных технологий и средств массовой информации широкое информирование заинтересованных физических и юридических лиц о спортивных сооружениях, предоставляемых на основе государственно-частного партнерства;
б) в двухмесячный срок разработать и утвердить в установленном порядке:
типовые штаты спортивных сооружений;
положение о методике расчета ставки арендной платы за пользование спортивными сооружениями, в том числе предусматривающее предоставление определенных льгот приоритетно субъектам, созданным на основе государственно-частного партнерства;
положение о порядке оказания оздоровительных услуг населению в спортивных сооружениях, в том числе предусмотрев в нем оказание услуг на льготных условиях или бесплатно детям до шестнадцати лет, инвалидам и другим, социально уязвимым категориям населения.
4. Государственному комитету Республики Узбекистан по содействию приватизированным предприятиям и развитию конкуренции совместно с Советом Министров Республики Каракалпакстан, хокимиятами областей и города Ташкента осуществлять в установленном порядке реализацию юридическим лицам, занимающимся деятельностью по оказанию оздоровительных услуг, неиспользуемых зданий, объектов и помещений, находящихся в государственной собственности, на условиях государственно-частного партнерства.
5. Рекомендовать юридическим лицам, занимающимся деятельностью по оказанию оздоровительных услуг, с учетом передового зарубежного опыта:
осуществлять меры по привитию детям любви к спорту, формированию у подрастающего поколения понимания необходимости занятия спортом, ведения здорового образа жизни, стремления к духовному и физическому совершенствованию, ограждения их от негативного влияния и избавления от вредных привычек, воспитанию в детях цельного характера, любви к Родине и гордости за свою страну;
организовывать физкультурно-спортивный процесс в направлении углубленного изучения спортивных навыков с использованием самых современных технологий;
привлекать к физкультурно-спортивному процессу зарубежных тренеров и специалистов для занятий, а также внедрения передового опыта.
6. Рекомендовать коммерческим банкам Республики Узбекистан в целях поддержки вновь создаваемых и расширяющих свою деятельность негосударственных спортивных организаций, на основании вносимых Министерством физической культуры и спорта Республики Узбекистан адресных списков, предоставлять в установленном порядке предпринимателям кредиты для строительства, реконструкции спортивных сооружений и приобретения ими современного спортивного оборудования.
7. Совету Министров Республики Каракалпакстан, хокимиятам областей и г. Ташкента обеспечить в установленном порядке всей необходимой внешней инженерно-коммуникационной инфраструктурой (электрической энергией, газоснабжением, водоснабжением, канализацией, автомобильными дорогами и другими) строящиеся и реконструируемые негосударственные спортивные и спортивно-оздоровительные сооружения.
8. Министерству физической культуры и спорта Республики Узбекистан, Союзу молодежи Узбекистана, комитету семьи и женщин Республики Узбекистан осуществлять на постоянной основе практические меры по поддержке создаваемых организаций, оказывающих оздоровительные услуги на условиях государственно-частного партнерства, для широкого привлечения населения, особенно неорганизованной молодежи, к занятиям физической культурой и спортом.
9. Контроль за исполнением настоящего постановления возложить на заместителя Премьер-министра Республики Узбекистан К.В. Акмалова и министра физической культуры и спорта Республики Узбекистан Ш.Х. Исроилова.
Премьер-министр Республики Узбекистан А. АРИПОВ
г. Ташкент,
28 марта 2018 г.,
№ 248