📅 2018-yil 29-mart · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 29 март · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 29 марта 2018 г. · Указы Президента
Официальный текст. Официальный документ. Редакционные примечания не включены.
📅 29 March 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
РЎЙХАТИ
Ўзбекистон Республикасида мева-сабзавотчиликни жадал ривожлантиришга доир қўшимча чора-тадбирлар тўғрисида
Республикада ишлаб чиқаришни кенгайтириш, мева-сабзавот маҳсулотларини сақлаш, қайта ишлаш ва экспорт қилишга қаратилган комплекс чора-тадбирлар амалга оширилмоқда.
Мева-сабзавотчиликни интенсив ривожлантиришга доир лойиҳаларни амалга ошириш учун экин майдонлари сезиларли равишда кенгайтирилди, мева-сабзавот маҳсулотларини сақлаш ва қайта ишлаш бўйича қувватлар ишга туширилди, молиявий ресурслар, жумладан, халқаро молия институтлари маблағлари фаол равишда жалб этилмоқда.
Шу билан бирга хорижий мева-сабзавот маҳсулотлари бозорларидаги юқори даражадаги рақобат агротехниканинг хамда ишлаб чиқариш ва маҳсулот етказиб бериш жараёнларини бошқаришнинг замонавий услубларини жадал равишда жорий этишни талаб қилмоқда.
Бироқ қатор салбий омиллар мамлакатимиз агросаноат соҳаси салоҳиятидан самарали фойдаланиш ва уни ривожлантиришга тўсқинлик қилмоқда. Улар жумласига куйидагилар киради:
биринчидан, мева-сабзавот маҳсулоти ишлаб чиқарувчилари ва тайёрловчилари ўртасида мева-сабзавот экинлари бозорида харидоргир экинлар ва уларнинг навларини жойлаштириш масалаларида ўзаро ҳамкорликнинг бозор механизмларидан тўлиқ фойдаланмаслик;
иккинчидан, тузилган шартномаларни ўз вақтида, сифатли, тўлиқ ёки мутлақо бажармаслик каби ҳаракатларда намоён бўлувчи кичик қишлоқ хўжалиги товар ишлаб чиқарувчилари томонидан шартнома интизомига риоя қилиш даражасининг пастлиги;
учинчидан, қишлоқ хўжалиги меҳнатини механизациялаштириш, замонавий интенсив, аввало, сувни тежовчи технологияларни жорий қилиш, уларни сақлаш ва транспортировка қилиш, қишлоқ хўжалиги маҳсулотлари ишлаб чиқарувчиларининг мустақил равишда ташқи бозорга чиқиши учун молия ресурсларини жамғариш учун қулай имкониятларнинг йўқлиги;
тўртинчидан, қишлоқ хўжалиги маҳсулоти ишлаб чиқарувчиларининг бозорларда харидоргир бўлган юқори ҳосилдорликка эга ва сифатли навларнинг уруғи, кўчати билан қониқарли равишда таъминланмаганлиги;
бешинчидан, қишлоқ хўжалиги маҳсулоти ишлаб чиқарувчиларининг реал эҳтиёжларига жавоб бермайдиган кадрлар тайёрлаш тизимининг паст даражаси, жумладан, замонавий билимларга эга ўрта ва олий бўғиннинг юқори малакали мутахассисларини тайёрлаш бўйича халқаро ҳамкорлик йўлга қўйилмаганлиги;
олтинчидан, логистика ва транспорт инфратузилмаси ривожланмаганлиги ҳосилнинг бир қисми нобуд бўлиши, шунингдек, етиштирилган маҳсулотни арзон нархларда сотиш ва натижада қишлоқ хўжалиги маҳсулоти ишлаб чиқарувчиларининг қониқарсиз молиявий кўрсаткичларига сабаб бўлмоқда;
еттинчидан, турли экинлар агротехнологияларининг долзарб масалалари ва уларни амалиётга жорий этиш бўйича чуқур илмий тадқиқотларнинг йўқлиги, илмий институтлар ва қишлоқ хўжалиги маҳсулотлари ишлаб чиқарувчилари ўртасидаги ўзаро муносабатларнинг паст даражаси.
Мева-сабзавотчиликни жадал ва самарали ривожлантиришни таъминлаш, юқори сифатли ва рақобатбардош тайёр маҳсулот ишлаб чиқаришни кенгайтириш, уни йирик хорижий бозорларга чиқариш, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларнинг изчил ижросини таъминлаш мақсадида:
1. Сурхондарё вилоятида мева-сабзавот маҳсулотлари соҳасида қишлоқ хўжалиги ишлаб чиқаришида кластер усулини яратишни қўллаб-қувватлаш бўйича тажриба йўлга қўйилгани маълумот учун қабул қилинсин.
2. Ўзбекистон Республикаси Вазирлар Маҳкамаси, Қорақалпоғистон Республикаси Вазирлар Кенгаши, вилоят ва туманлар ҳокимликлари жорий қишлоқ хўжалиги йилидан бошлаб:
мева-сабзавот маҳсулотларини ишлаб чиқаришдан то сотишгача бўлган белгиланган жараённи мустақил равишда амалга оширувчи ягона ёки ўзаро боғлиқ корхоналар гуруҳи доирасида;
қишлоқ хўжалиги ишлаб чиқарувчиларига қишлоқ хўжалиги юмушларини ташкил қилиш учун экиш материали, аванс тўловларини тақдим этувчи ва улардан ишлаб чиқарилган маҳсулотни келишилган нархларда сотиб олувчи қишлоқ хўжалиги ишлаб чиқарувчилари, тайёрловчи корхоналар, қайта ишловчилар, экспорт қилувчилар ўртасида кафолатланган шартномалар асосида «уруғ-кўчат-маҳсулот етиштириш-тайёрлаш-сақлаш-қайта ишлаш-транспортировка қилиш-бозорга етказиш» тамойили бўйича узлуксиз занжирни шакллантиришни кўзда тутувчи мева-сабзавот маҳсулотлари ишлаб чиқаришни ташкил этишнинг кластер усулини (кейинги ўринларда мева-сабзавот кластерлари деб юритилади) кенг жорий этиш бўйича чора-тадбирларни қабул қилсин.
3. Ўзбекистон Республикаси Бош вазири ўринбосари З.Т. Мирзаев, Қорақалпоғистон Республикаси Вазирлар Кенгаши раиси, вилоятлар ва туманлар ҳокимлари тегишли тартибда чигитдан бўшаган ерларда қишлоқ хўжалиги экинларини экишда:
логистика марказлари (мева-сабзавот маҳсулотларини сақлаш, бирламчи ёки чуқур қайта ишлаш бўйича қувватлар, қишлоқ хўжалиги техникаси), шунингдек, ички ва ташқи бозорда мева-сабзавот маҳсулотларини сотиш тажрибасига эга;
замонавий иссиқхона хўжаликлари ва интенсив боғлар яратиш ва улардан фойдаланиш тажрибасига эга;
қўшимча қийматлар занжири бўйича кластер усулида қишлоқ хўжалиги маҳсулотлари ишлаб чиқаришни ташкил этиш учун шахсий ва жалб қилинган молиявий маблағларига эга;
мева-сабзавот маҳсулотларини етиштириш, қайта ишлаш ва сотиш, жумладан экспорт қилишни ташкил қилиш, замонавий ресурс ва сувни тежовчи технологияларни жорий этиш, янги иш ўринлари яратиш вазифаларини ўз зиммасига оладиган хўжалик юритувчи субъектларига (ўзаро боғлиқ корхоналар гуруҳига) биринчи навбатда ердан узоқ муддатли ижара шартларида фойдаланиш ҳуқуқини тақдим этсин.
4. Қорақалпоғистон Республикаси Вазирлар Кенгаши, вилоят ҳокимликлари Ўзбекистон Республикаси Қишлоқ хўжалиги вазирлиги билан биргаликда:
2018 йилда ҳар бир ҳудудда 1-2 та мева-сабзавот кластерлари ташкил этсин ва 2019 йилдан бошлаб мева-сабзавот етиштиришга ихтисослашган барча туманларни қишлоқ хўжалик ишлаб чиқаришини ташкил этишнинг кластер шаклига жалб этсин;
мева-сабзавот кластерларига ички ҳамда ташқи бозордаги эҳтиёж ва тупроқ-иқлим шароитларини ҳисобга олган ҳолда қишлоқ хўжалиги экинларини экиш, маҳсулот етиштириш ҳажми, уларнинг нави ва турини белгилаш, шунингдек, фермер ва деҳқон хўжаликлари билан улар томонидан тайёрланаётган қишлоқ хўжалиги маҳсулотларини сотиб олиш юзасидан шартномалар тузиш бўйича мустақил қарор қабул қилиш ҳуқуқи тақдим этилсин;
Ўзбекистон Республикаси Сув хўжалиги вазирлиги билан ҳамкорликда қишлоқ хўжалиги маҳсулотлари ишлаб чиқарувчиларига ирригация ва коллектор қурилмаларини тозалашда ёрдам кўрсатсин.
5. Ўзбекистон Республикаси Бош вазири ўринбосари С.Р. Холмуродов Инвестициялар бўйича давлат қўмитаси билан биргаликда икки ой муддатда;
халқаро молия ташкилотлари ва институтлари кредит линияларини, жумладан мева-сабзавот кластерлари устав капиталига кейинчалик ушбу ҳиссаларни муассислар — Ўзбекистон Республикаси резидентлари томонидан сотиб олиш ҳуқуқи билан жалб этиш;
мева-сабзавот кластерларини, бошқа мева-сабзавот маҳсулотлари ишлаб чиқарувчилари ва экспортчиларини экспортолди молиялаштириш учун тижорат банкларида кредит линияларини очиш;
кўчатзорларни ташкил қилиш, мева-сабзавот кластерлари логистика марказлари, иссиқхоналар қуриш ва интенсив боғлар барпо этиш бўйича лойиҳаларни молиялаштириш учун халқаро молия институтлари кредит линиялари ҳажмини кенгайтириш;
агрономлар ва мева-сабзавот кластерлари, замонавий интенсив боғлар ва иссиқхона хўжаликларининг бошқа ходимларини бир йилгача бўлган муддатга етакчи ихтисослашган хорижий компанияларга таълим олиш ва стажировка ўташга юбориш учун грант маблағлари ва халқаро ташкилотларнинг техник кўмак маблағларини жалб этиш бўйича таклифлар киритсин.
6. Қуйидагилар 2021 йил 1 январга қадар:
кўчатхоналар ва иссиқхоналарда уруғ, кўчат ва пайвандтаг етиштирувчи ва уларни қишлоқ хўжалиги маҳсулотлари ишлаб чиқарувчиларига етказиб берувчи хўжалик юритувчи субъектлари барча турдаги солиқ ва йиғимлар тўлашдан (ягона ижтимоий тўлов бундан мустасно);
четдан олиб кирилаётган уруғлар, кўчатлар ва пайвандтаглар, минерал ўғитлар, ўсимликларни кимёвий ҳимоялаш воситалари, замонавий энергия тежовчи иссиқхоналар ва уларнинг бутловчи қисмлари иловага мувофиқ божхона тўловларидан (божхона расмийлаштируви учун йиғим бундан мустасно);
7. 2018 йилнинг 1 январидан мева-сабзавот маҳсулотлари етиштирувчи ташкилотларга даромадга воситачи ташкилотлар учун кўзда тутилган ставка бўйича солиқ солган холда мукофот суммасидан ягона солиқ тўловини тўлаш ҳуқуқи берилсин.
9. Ўзбекистон Республикаси Молия вазирлиги манфаатдор вазирликлар ва суғурта ташкилотлари билан биргаликда мева-сабзавот маҳсулотлари ишлаб чиқарувчилари ва тайёрловчилари ўртасида контрактация шартномаларини суғурталаш механизмини такомиллаштириш бўйича таклифлар киритсин.
10. Қишлоқ хўжалиги вазирлиги Инвестициялар ва ташқи савдо вазирлиги, Давлат божхона қўмитаси ва Ўсимликлар карантини ва ҳимояси агентлиги билан биргаликда, тажриба тариқасида, реал натижалардан ва ҳосилнинг сақланишидан келиб чиқиб якуний ҳисоб-китобларнинг амалга оширилиши ва мукофот олишини ҳисобга олган холда фитосанитария таъминотини, ўсимликларни зараркунандалар, касалликлар ва бегона ўтлардан ҳимоялашни таъминласин.
11. Ўзбекистон Республикаси Вазирлар Маҳкамаси ҳузуридаги Ўсимликлар карантини давлат инспекцияси Ўзбекистон Республикаси Қишлоқ хўжалиги вазирлиги билан биргаликда 2018 йилнинг 1 сентябригача бўлган муддатга Ўсимликларни зараркунандалар, касалликлар, бегона ўтлар, бактериялар ва вируслардан комплекс ҳимоялаш, фитосанитария назоратини кучайтириш ва республикада мақбул фитосанитария ҳолатини таъминлаш бўйича давлат дастурини ишлаб чиқсин.
12. Ўзбекистон Республикаси Ахборот технологиялари ва коммуникацияларини ривожлантириш вазирлиги, Ташқи савдо вазирлиги 2018 йил 1 ноябрга қадар барча қишлоқ хўжалиги ишлаб чиқарувчилари эркин фойдалана оладиган салоҳиятли хорижий бозорларнинг электрон маълумотлар базасини яратишни таъминласин, бунда мева-сабзавот маҳсулотлари турлари, навлари, асосий истеъмолчилари бўйича эҳтиёжларнинг тахминий ҳажми, шунингдек, қўйиладиган талаблари бўйича ахборот олиш имконияти кўзда тутилсин.
Белгилансинки, хорижий бозорлар бўйича маълумотлар Ўзбекистон Республикаси Инвестициялар ва ташқи савдо вазирлиги томонидан, шунингдек, Ўзбекистон Республикасининг хорижий давлатлардаги элчихоналари ва савдо ваколатхоналарининг ходимларини жалб қилган ҳолда, шакллантирилади ва янгиланади.
13. Ўзбекистон Республикаси Инновацион ривожланиш вазирлиги, Қишлоқ хўжалиги вазирлиги тегишли илмий-тадқиқот институтларини жалб этган ҳолда, қурғоқчилик, касалликлар ва зараркунандаларга чидамли қишлоқ хўжалиги экинларининг селекциясини ташкил этиш бўйича чора-тадбирлар дастурини ишлаб чиқсин.
14. «Ўзбекэнерго» АЖ (У. Мустафаев), «Ўзтрансгаз» АЖ (А. Мустафаев), шунингдек, Қорақалпоғистон Республикаси Вазирлар Кенгаши ва вилоятлар ҳокимликлари раҳбарлари зиммасига мева-сабзавот кластерларининг ишлаб чиқариш ва қайта ишлаш қувватларини электр энергия ва табиий газ билан уларнинг табиий эҳтиёжларига мувофиқ узлуксиз таъминлаш учун шахсий жавобгарлик юклатилсин.
15. Ўзбекистон Республикаси Бош вазирининг биринчи ўринбосари А.Ж. Раматов, Ўзбекистон Республикаси Бош вазирининг ўринбосари Н.С. Отажонов, Ташқи савдо вазирлиги (Ж. Ходжаев) ва «Ўзбекистон темир йўллари» АЖ (Х. Хасилов)га бир ой муддатда қуйидагилар бўйича таклифлар киритсин:
мева-сабзавот маҳсулотларини экспорт қилувчиларга экспорт контрактлари бажарилишини таъминловчи муддатларда темир йўл вагонлари, шу жумладан, вагон-рефрижераторлар бериш тартибини мақбуллаштириш ва соддалаштириш;
шу жумладан, хорижий инвесторларни жалб қилган ҳолда замонавий рефрижераторли контейнерлар ишлаб чиқарилиши, халқаро регистрларда сертификациялаш ва рўйхатдан ўтказишни ташкил қилиш, шунингдек, уларни мева-сабзавот кластерлари, тайёрлов ташкилотлари ва бошқа манфаатдор фойдаланувчиларга, шу жумладан, лизинг орқали сотиш тартибини белгилаш бўйича.
16. Қишлоқ хўжалиги вазирлиги, Олий ва ўрта махсус таълим вазирлиги, Ўзбекистон Республикаси Фанлар академияси Ташқи ишлар вазирлиги билан биргаликда агротехнологиялар соҳасида юқори малакали, замонавий билимларни эгаллаган мутахассисларни тайёрлаш бўйича халқаро ҳамкорликни йўлга қўйишни таъминласин.
17. Ўзбекистон Республикаси Ташқи ишлар вазирлиги вилоятлар ҳокимликлари, мева-сабзавот кластерлари ва бошқа қишлоқ хўжалиги маҳсулотлари ишлаб чиқарувчиларининг буюртмаларига кўра жалб этиладиган хорижий мутахассислар учун 12 ойгача бўлган муддатга кириш визалари ва кўп марталик визалар расмийлаштиришни таъминласин.
18. Ўзбекистон Республикаси Ички ишлар вазирлиги вилоятлар ҳокимликлари, мева-сабзавот кластерлари ва бошқа қишлоқ хўжалиги маҳсулотлари ишлаб чиқарувчиларининг буюртмаларига кўра жалб қилинадиган хорижий мутахассислар учун давлат божини ундирмаган холда кўп марталик визаларни расмийлаштириш, бериш ва узайтириш, шунингдек, турган жойи бўйича рўйхатдан ўтказиш ҳамда муддатини узайтиришни таъминласин.
19. Ўзбекистон Республикаси Бандлик ва меҳнат муносабатлари вазирлиги мева-сабзавот кластерлари буюртмаларига кўра белгиланган тартибда Ўзбекистон Республикасига қишлоқ хўжалиги бўйича юқори малакали хорижий мутахассисларни жалб қилиш учун рухсатномалар берилиши, шунингдек, ушбу хорижий фуқароларга Ўзбекистон Республикаси ҳудудида меҳнат фаолияти билан шуғулланишга рухсат бериш (узайтириш)ни таъминласин.
20. Қишлоқ хўжалиги вазирлиги Ўзбекистон Республикаси Адлия вазирлиги, Иқтисодиёт вазирлиги ва бошқа манфаатдор идоралар билан биргаликда бир ой муддатда қонун ҳужжатларига ушбу Фармондан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
21. Ушбу Фармоннинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Бош вазирининг ўринбосарлари Н.С. Отажонов, З.Т. Мирзаев ва Ўзбекистон Республикаси Бош прокурори О.Б. Муродов зиммасига юклансин.
Ўзбекистон Республикаси Президентининг 2018 йил 29 мартдаги ПФ-5388-сон Фармонига ИЛОВА
Бож тўловларидан (божхона расмийлаштируви учун йиғимлардан ташқари) озод қилинадиган уруғлик, кўчатлар ва пайванд қўйиладиган туплар, минерал ўғитлар, ўсимликларни кимёвий ҳимоя қилиш воситалари, энергия тежайдиган замонавий иссиқхоналарнинг бутловчи буюмлари
Т/р Товарлар номланиши ТИФ ТН кодлари * 1. Кўчатлар ва пайванд қўйиладиган туплар 060210, 060220 2. Гидропоника тизими учун кокос субстрати 5305000000 3. Кокос субстрати учун ПВХ ёки ППдан тайёрланган новлар 3926909705 4. Минерал ўғитлар, инсектицидлар, родентицидлар, фунгицидлар, гербицидлар, бегона ўтлар чиқишига қарши воситалар ва ўсимликларнинг ўсиши регуляторлари, дезинфекция қилувчи воситалар 3101 — 3105, 3808 5. Тукли ариларнинг классик уялари 010641 6. Иссиқхона қопламалари 3920108900, 5608199000, 7312108909, 7326200009 7. Энергияни тежаш ва соя тушириш тизими 5603121000, 7312104900, 7326905000 8. Иссиқхонани бошқариш тизими 8501510000, 8483908909, 8425390004, 8537101000 9. Иқлимнинг компьютер назорати тизими 8537109100 10. Туманлаштириш тизими 8424890009 11. Иситиш тизими 8402200009, 8416202000, 7310299000, 8481409000 8419110000 12. Томчилатиб суғориш тизими 8424821000 13. Циркуляция қилувчи ва тортувчи вентиляторлар 8414510000, 8414598000 14. Замонавий иссиқхона комплексларининг бошқа бутловчи буюмлари ва деталлари 3926909709, 7326909807
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 29 март,
ПФ-5388-сон
Oʻzbekiston Respublikasi Prezidentining
Farmoni
ROʻYXATI
Oʻzbekiston Respublikasida meva-sabzavotchilikni jadal rivojlantirishga doir qoʻshimcha chora-tadbirlar toʻgʻrisida
Respublikada ishlab chiqarishni kengaytirish, meva-sabzavot mahsulotlarini saqlash, qayta ishlash va eksport qilishga qaratilgan kompleks chora-tadbirlar amalga oshirilmoqda.
Meva-sabzavotchilikni intensiv rivojlantirishga doir loyihalarni amalga oshirish uchun ekin maydonlari sezilarli ravishda kengaytirildi, meva-sabzavot mahsulotlarini saqlash va qayta ishlash boʻyicha quvvatlar ishga tushirildi, moliyaviy resurslar, jumladan, xalqaro moliya institutlari mablagʻlari faol ravishda jalb etilmoqda.
Shu bilan birga xorijiy meva-sabzavot mahsulotlari bozorlaridagi yuqori darajadagi raqobat agrotexnikaning xamda ishlab chiqarish va mahsulot yetkazib berish jarayonlarini boshqarishning zamonaviy uslublarini jadal ravishda joriy etishni talab qilmoqda.
Biroq qator salbiy omillar mamlakatimiz agrosanoat sohasi salohiyatidan samarali foydalanish va uni rivojlantirishga toʻsqinlik qilmoqda. Ular jumlasiga kuyidagilar kiradi:
birinchidan, meva-sabzavot mahsuloti ishlab chiqaruvchilari va tayyorlovchilari oʻrtasida meva-sabzavot ekinlari bozorida xaridorgir ekinlar va ularning navlarini joylashtirish masalalarida oʻzaro hamkorlikning bozor mexanizmlaridan toʻliq foydalanmaslik;
ikkinchidan, tuzilgan shartnomalarni oʻz vaqtida, sifatli, toʻliq yoki mutlaqo bajarmaslik kabi harakatlarda namoyon boʻluvchi kichik qishloq xoʻjaligi tovar ishlab chiqaruvchilari tomonidan shartnoma intizomiga rioya qilish darajasining pastligi;
uchinchidan, qishloq xoʻjaligi mehnatini mexanizatsiyalashtirish, zamonaviy intensiv, avvalo, suvni tejovchi texnologiyalarni joriy qilish, ularni saqlash va transportirovka qilish, qishloq xoʻjaligi mahsulotlari ishlab chiqaruvchilarining mustaqil ravishda tashqi bozorga chiqishi uchun moliya resurslarini jamgʻarish uchun qulay imkoniyatlarning yoʻqligi;
toʻrtinchidan, qishloq xoʻjaligi mahsuloti ishlab chiqaruvchilarining bozorlarda xaridorgir boʻlgan yuqori hosildorlikka ega va sifatli navlarning urugʻi, koʻchati bilan qoniqarli ravishda taʼminlanmaganligi;
beshinchidan, qishloq xoʻjaligi mahsuloti ishlab chiqaruvchilarining real ehtiyojlariga javob bermaydigan kadrlar tayyorlash tizimining past darajasi, jumladan, zamonaviy bilimlarga ega oʻrta va oliy boʻgʻinning yuqori malakali mutaxassislarini tayyorlash boʻyicha xalqaro hamkorlik yoʻlga qoʻyilmaganligi;
oltinchidan, logistika va transport infratuzilmasi rivojlanmaganligi hosilning bir qismi nobud boʻlishi, shuningdek, yetishtirilgan mahsulotni arzon narxlarda sotish va natijada qishloq xoʻjaligi mahsuloti ishlab chiqaruvchilarining qoniqarsiz moliyaviy koʻrsatkichlariga sabab boʻlmoqda;
yettinchidan, turli ekinlar agrotexnologiyalarining dolzarb masalalari va ularni amaliyotga joriy etish boʻyicha chuqur ilmiy tadqiqotlarning yoʻqligi, ilmiy institutlar va qishloq xoʻjaligi mahsulotlari ishlab chiqaruvchilari oʻrtasidagi oʻzaro munosabatlarning past darajasi.
Meva-sabzavotchilikni jadal va samarali rivojlantirishni taʼminlash, yuqori sifatli va raqobatbardosh tayyor mahsulot ishlab chiqarishni kengaytirish, uni yirik xorijiy bozorlarga chiqarish, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarning izchil ijrosini taʼminlash maqsadida:
1. Surxondaryo viloyatida meva-sabzavot mahsulotlari sohasida qishloq xoʻjaligi ishlab chiqarishida klaster usulini yaratishni qoʻllab-quvvatlash boʻyicha tajriba yoʻlga qoʻyilgani maʼlumot uchun qabul qilinsin.
2. Oʻzbekiston Respublikasi Vazirlar Mahkamasi, Qoraqalpogʻiston Respublikasi Vazirlar Kengashi, viloyat va tumanlar hokimliklari joriy qishloq xoʻjaligi yilidan boshlab:
meva-sabzavot mahsulotlarini ishlab chiqarishdan to sotishgacha boʻlgan belgilangan jarayonni mustaqil ravishda amalga oshiruvchi yagona yoki oʻzaro bogʻliq korxonalar guruhi doirasida;
qishloq xoʻjaligi ishlab chiqaruvchilariga qishloq xoʻjaligi yumushlarini tashkil qilish uchun ekish materiali, avans toʻlovlarini taqdim etuvchi va ulardan ishlab chiqarilgan mahsulotni kelishilgan narxlarda sotib oluvchi qishloq xoʻjaligi ishlab chiqaruvchilari, tayyorlovchi korxonalar, qayta ishlovchilar, eksport qiluvchilar oʻrtasida kafolatlangan shartnomalar asosida “urugʻ-koʻchat-mahsulot yetishtirish-tayyorlash-saqlash-qayta ishlash-transportirovka qilish-bozorga yetkazish” tamoyili boʻyicha uzluksiz zanjirni shakllantirishni koʻzda tutuvchi meva-sabzavot mahsulotlari ishlab chiqarishni tashkil etishning klaster usulini (keyingi oʻrinlarda meva-sabzavot klasterlari deb yuritiladi) keng joriy etish boʻyicha chora-tadbirlarni qabul qilsin.
3. Oʻzbekiston Respublikasi Bosh vaziri oʻrinbosari Z.T. Mirzayev, Qoraqalpogʻiston Respublikasi Vazirlar Kengashi raisi, viloyatlar va tumanlar hokimlari tegishli tartibda chigitdan boʻshagan yerlarda qishloq xoʻjaligi ekinlarini ekishda:
logistika markazlari (meva-sabzavot mahsulotlarini saqlash, birlamchi yoki chuqur qayta ishlash boʻyicha quvvatlar, qishloq xoʻjaligi texnikasi), shuningdek, ichki va tashqi bozorda meva-sabzavot mahsulotlarini sotish tajribasiga ega;
zamonaviy issiqxona xoʻjaliklari va intensiv bogʻlar yaratish va ulardan foydalanish tajribasiga ega;
qoʻshimcha qiymatlar zanjiri boʻyicha klaster usulida qishloq xoʻjaligi mahsulotlari ishlab chiqarishni tashkil etish uchun shaxsiy va jalb qilingan moliyaviy mablagʻlariga ega;
meva-sabzavot mahsulotlarini yetishtirish, qayta ishlash va sotish, jumladan eksport qilishni tashkil qilish, zamonaviy resurs va suvni tejovchi texnologiyalarni joriy etish, yangi ish oʻrinlari yaratish vazifalarini oʻz zimmasiga oladigan xoʻjalik yurituvchi subyektlariga (oʻzaro bogʻliq korxonalar guruhiga) birinchi navbatda yerdan uzoq muddatli ijara shartlarida foydalanish huquqini taqdim etsin.
4. Qoraqalpogʻiston Respublikasi Vazirlar Kengashi, viloyat hokimliklari Oʻzbekiston Respublikasi Qishloq xoʻjaligi vazirligi bilan birgalikda:
2018-yilda har bir hududda 1-2 ta meva-sabzavot klasterlari tashkil etsin va 2019-yildan boshlab meva-sabzavot yetishtirishga ixtisoslashgan barcha tumanlarni qishloq xoʻjalik ishlab chiqarishini tashkil etishning klaster shakliga jalb etsin;
meva-sabzavot klasterlariga ichki hamda tashqi bozordagi ehtiyoj va tuproq-iqlim sharoitlarini hisobga olgan holda qishloq xoʻjaligi ekinlarini ekish, mahsulot yetishtirish hajmi, ularning navi va turini belgilash, shuningdek, fermer va dehqon xoʻjaliklari bilan ular tomonidan tayyorlanayotgan qishloq xoʻjaligi mahsulotlarini sotib olish yuzasidan shartnomalar tuzish boʻyicha mustaqil qaror qabul qilish huquqi taqdim etilsin;
Oʻzbekiston Respublikasi Suv xoʻjaligi vazirligi bilan hamkorlikda qishloq xoʻjaligi mahsulotlari ishlab chiqaruvchilariga irrigatsiya va kollektor qurilmalarini tozalashda yordam koʻrsatsin.
5. Oʻzbekiston Respublikasi Bosh vaziri oʻrinbosari S.R. Xolmurodov Investitsiyalar boʻyicha davlat qoʻmitasi bilan birgalikda ikki oy muddatda;
xalqaro moliya tashkilotlari va institutlari kredit liniyalarini, jumladan meva-sabzavot klasterlari ustav kapitaliga keyinchalik ushbu hissalarni muassislar — Oʻzbekiston Respublikasi rezidentlari tomonidan sotib olish huquqi bilan jalb etish;
meva-sabzavot klasterlarini, boshqa meva-sabzavot mahsulotlari ishlab chiqaruvchilari va eksportchilarini eksportoldi moliyalashtirish uchun tijorat banklarida kredit liniyalarini ochish;
koʻchatzorlarni tashkil qilish, meva-sabzavot klasterlari logistika markazlari, issiqxonalar qurish va intensiv bogʻlar barpo etish boʻyicha loyihalarni moliyalashtirish uchun xalqaro moliya institutlari kredit liniyalari hajmini kengaytirish;
agronomlar va meva-sabzavot klasterlari, zamonaviy intensiv bogʻlar va issiqxona xoʻjaliklarining boshqa xodimlarini bir yilgacha boʻlgan muddatga yetakchi ixtisoslashgan xorijiy kompaniyalarga taʼlim olish va stajirovka oʻtashga yuborish uchun grant mablagʻlari va xalqaro tashkilotlarning texnik koʻmak mablagʻlarini jalb etish boʻyicha takliflar kiritsin.
6. Quyidagilar 2021-yil 1-yanvarga qadar:
koʻchatxonalar va issiqxonalarda urugʻ, koʻchat va payvandtag yetishtiruvchi va ularni qishloq xoʻjaligi mahsulotlari ishlab chiqaruvchilariga yetkazib beruvchi xoʻjalik yurituvchi subyektlari barcha turdagi soliq va yigʻimlar toʻlashdan (yagona ijtimoiy toʻlov bundan mustasno);
chetdan olib kirilayotgan urugʻlar, koʻchatlar va payvandtaglar, mineral oʻgʻitlar, oʻsimliklarni kimyoviy himoyalash vositalari, zamonaviy energiya tejovchi issiqxonalar va ularning butlovchi qismlari ilovaga muvofiq bojxona toʻlovlaridan (bojxona rasmiylashtiruvi uchun yigʻim bundan mustasno);
7. 2018-yilning 1-yanvaridan meva-sabzavot mahsulotlari yetishtiruvchi tashkilotlarga daromadga vositachi tashkilotlar uchun koʻzda tutilgan stavka boʻyicha soliq solgan xolda mukofot summasidan yagona soliq toʻlovini toʻlash huquqi berilsin.
9. Oʻzbekiston Respublikasi Moliya vazirligi manfaatdor vazirliklar va sugʻurta tashkilotlari bilan birgalikda meva-sabzavot mahsulotlari ishlab chiqaruvchilari va tayyorlovchilari oʻrtasida kontraktatsiya shartnomalarini sugʻurtalash mexanizmini takomillashtirish boʻyicha takliflar kiritsin.
10. Qishloq xoʻjaligi vazirligi Investitsiyalar va tashqi savdo vazirligi, Davlat bojxona qoʻmitasi va Oʻsimliklar karantini va himoyasi agentligi bilan birgalikda, tajriba tariqasida, real natijalardan va hosilning saqlanishidan kelib chiqib yakuniy hisob-kitoblarning amalga oshirilishi va mukofot olishini hisobga olgan xolda fitosanitariya taʼminotini, oʻsimliklarni zararkunandalar, kasalliklar va begona oʻtlardan himoyalashni taʼminlasin.
11. Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasi Oʻzbekiston Respublikasi Qishloq xoʻjaligi vazirligi bilan birgalikda 2018-yilning 1-sentabrigacha boʻlgan muddatga Oʻsimliklarni zararkunandalar, kasalliklar, begona oʻtlar, bakteriyalar va viruslardan kompleks himoyalash, fitosanitariya nazoratini kuchaytirish va respublikada maqbul fitosanitariya holatini taʼminlash boʻyicha davlat dasturini ishlab chiqsin.
12. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Tashqi savdo vazirligi 2018-yil 1-noyabrga qadar barcha qishloq xoʻjaligi ishlab chiqaruvchilari erkin foydalana oladigan salohiyatli xorijiy bozorlarning elektron maʼlumotlar bazasini yaratishni taʼminlasin, bunda meva-sabzavot mahsulotlari turlari, navlari, asosiy isteʼmolchilari boʻyicha ehtiyojlarning taxminiy hajmi, shuningdek, qoʻyiladigan talablari boʻyicha axborot olish imkoniyati koʻzda tutilsin.
Belgilansinki, xorijiy bozorlar boʻyicha maʼlumotlar Oʻzbekiston Respublikasi Investitsiyalar va tashqi savdo vazirligi tomonidan, shuningdek, Oʻzbekiston Respublikasining xorijiy davlatlardagi elchixonalari va savdo vakolatxonalarining xodimlarini jalb qilgan holda, shakllantiriladi va yangilanadi.
13. Oʻzbekiston Respublikasi Innovatsion rivojlanish vazirligi, Qishloq xoʻjaligi vazirligi tegishli ilmiy-tadqiqot institutlarini jalb etgan holda, qurgʻoqchilik, kasalliklar va zararkunandalarga chidamli qishloq xoʻjaligi ekinlarining seleksiyasini tashkil etish boʻyicha chora-tadbirlar dasturini ishlab chiqsin.
14. “Oʻzbekenergo” AJ (U. Mustafayev), “Oʻztransgaz” AJ (A. Mustafayev), shuningdek, Qoraqalpogʻiston Respublikasi Vazirlar Kengashi va viloyatlar hokimliklari rahbarlari zimmasiga meva-sabzavot klasterlarining ishlab chiqarish va qayta ishlash quvvatlarini elektr energiya va tabiiy gaz bilan ularning tabiiy ehtiyojlariga muvofiq uzluksiz taʼminlash uchun shaxsiy javobgarlik yuklatilsin.
15. Oʻzbekiston Respublikasi Bosh vazirining birinchi oʻrinbosari A.J. Ramatov, Oʻzbekiston Respublikasi Bosh vazirining oʻrinbosari N.S. Otajonov, Tashqi savdo vazirligi (J. Xodjayev) va “Oʻzbekiston temir yoʻllari” AJ (X. Xasilov)ga bir oy muddatda quyidagilar boʻyicha takliflar kiritsin:
meva-sabzavot mahsulotlarini eksport qiluvchilarga eksport kontraktlari bajarilishini taʼminlovchi muddatlarda temir yoʻl vagonlari, shu jumladan, vagon-refrijeratorlar berish tartibini maqbullashtirish va soddalashtirish;
shu jumladan, xorijiy investorlarni jalb qilgan holda zamonaviy refrijeratorli konteynerlar ishlab chiqarilishi, xalqaro registrlarda sertifikatsiyalash va roʻyxatdan oʻtkazishni tashkil qilish, shuningdek, ularni meva-sabzavot klasterlari, tayyorlov tashkilotlari va boshqa manfaatdor foydalanuvchilarga, shu jumladan, lizing orqali sotish tartibini belgilash boʻyicha.
16. Qishloq xoʻjaligi vazirligi, Oliy va oʻrta maxsus taʼlim vazirligi, Oʻzbekiston Respublikasi Fanlar akademiyasi Tashqi ishlar vazirligi bilan birgalikda agrotexnologiyalar sohasida yuqori malakali, zamonaviy bilimlarni egallagan mutaxassislarni tayyorlash boʻyicha xalqaro hamkorlikni yoʻlga qoʻyishni taʼminlasin.
17. Oʻzbekiston Respublikasi Tashqi ishlar vazirligi viloyatlar hokimliklari, meva-sabzavot klasterlari va boshqa qishloq xoʻjaligi mahsulotlari ishlab chiqaruvchilarining buyurtmalariga koʻra jalb etiladigan xorijiy mutaxassislar uchun 12 oygacha boʻlgan muddatga kirish vizalari va koʻp martalik vizalar rasmiylashtirishni taʼminlasin.
18. Oʻzbekiston Respublikasi Ichki ishlar vazirligi viloyatlar hokimliklari, meva-sabzavot klasterlari va boshqa qishloq xoʻjaligi mahsulotlari ishlab chiqaruvchilarining buyurtmalariga koʻra jalb qilinadigan xorijiy mutaxassislar uchun davlat bojini undirmagan xolda koʻp martalik vizalarni rasmiylashtirish, berish va uzaytirish, shuningdek, turgan joyi boʻyicha roʻyxatdan oʻtkazish hamda muddatini uzaytirishni taʼminlasin.
19. Oʻzbekiston Respublikasi Bandlik va mehnat munosabatlari vazirligi meva-sabzavot klasterlari buyurtmalariga koʻra belgilangan tartibda Oʻzbekiston Respublikasiga qishloq xoʻjaligi boʻyicha yuqori malakali xorijiy mutaxassislarni jalb qilish uchun ruxsatnomalar berilishi, shuningdek, ushbu xorijiy fuqarolarga Oʻzbekiston Respublikasi hududida mehnat faoliyati bilan shugʻullanishga ruxsat berish (uzaytirish)ni taʼminlasin.
20. Qishloq xoʻjaligi vazirligi Oʻzbekiston Respublikasi Adliya vazirligi, Iqtisodiyot vazirligi va boshqa manfaatdor idoralar bilan birgalikda bir oy muddatda qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
21. Ushbu Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining oʻrinbosarlari N.S. Otajonov, Z.T. Mirzayev va Oʻzbekiston Respublikasi Bosh prokurori O.B. Murodov zimmasiga yuklansin.
Oʻzbekiston Respublikasi Prezidentining 2018-yil 29-martdagi PF-5388-son Farmoniga ILOVA
Boj toʻlovlaridan (bojxona rasmiylashtiruvi uchun yigʻimlardan tashqari) ozod qilinadigan urugʻlik, koʻchatlar va payvand qoʻyiladigan tuplar, mineral oʻgʻitlar, oʻsimliklarni kimyoviy himoya qilish vositalari, energiya tejaydigan zamonaviy issiqxonalarning butlovchi buyumlari
T/r Tovarlar nomlanishi TIF TN kodlari * 1. Koʻchatlar va payvand qoʻyiladigan tuplar 060210, 060220 2. Gidroponika tizimi uchun kokos substrati 5305000000 3. Kokos substrati uchun PVX yoki PPdan tayyorlangan novlar 3926909705 4. Mineral oʻgʻitlar, insektitsidlar, rodentitsidlar, fungitsidlar, gerbitsidlar, begona oʻtlar chiqishiga qarshi vositalar va oʻsimliklarning oʻsishi regulatorlari, dezinfeksiya qiluvchi vositalar 3101 — 3105, 3808 5. Tukli arilarning klassik uyalari 010641 6. Issiqxona qoplamalari 3920108900, 5608199000, 7312108909, 7326200009 7. Energiyani tejash va soya tushirish tizimi 5603121000, 7312104900, 7326905000 8. Issiqxonani boshqarish tizimi 8501510000, 8483908909, 8425390004, 8537101000 9. Iqlimning kompyuter nazorati tizimi 8537109100 10. Tumanlashtirish tizimi 8424890009 11. Isitish tizimi 8402200009, 8416202000, 7310299000, 8481409000 8419110000 12. Tomchilatib sugʻorish tizimi 8424821000 13. Sirkulyatsiya qiluvchi va tortuvchi ventilyatorlar 8414510000, 8414598000 14. Zamonaviy issiqxona komplekslarining boshqa butlovchi buyumlari va detallari 3926909709, 7326909807
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 29-mart,
PF-5388-son
Президента Республики Узбекистан
Указ
ПЕРЕЧЕНЬ
О дополнительных мерах по ускоренному развитию плодоовощеводства в Республике Узбекистан
В республике реализуются комплексные меры, направленные на расширение производства, хранение, переработку и экспорт плодоовощной продукции.
Для реализации проектов по интенсивному развитию плодоовощеводства существенно расширены посевные площади, созданы мощности по хранению и переработке плодоовощной продукции, активно привлекаются финансовые ресурсы, в том числе средства международных финансовых институтов.
Вместе с тем, высокий уровень конкуренции на зарубежных рынках плодоовощной продукции требует ускоренного внедрения современных методов агротехники, а также управления процессами производства и доставки продукции.
Однако, ряд негативных факторов препятствует эффективному использованию потенциала и развитию агропромышленной сферы страны, в числе которых:
первое, не полноценное использование рыночных механизмов взаимодействия производителей и заготовителей плодоовощной продукции в вопросах размещения посевов, востребованных на рынке плодоовощных культур и их сортов;
второе, низкая договорная дисциплина мелких сельхозпроизводителей, выражающаяся в несвоевременном, некачественном, неполном выполнении или вовсе невыполнении заключенных контрактов;
третье, отсутствие благоприятных условий накопления финансовых ресурсов для механизации сельскохозяйственного труда, внедрения современных интенсивных технологий, прежде всего водосберегающих, расширения мощностей хранения и транспортировки, самостоятельного выхода производителей сельскохозяйственной продукции на внешние рынки;
четвертое, неудовлетворительная обеспеченность производителей сельскохозяйственной продукции семенами, рассадой и саженцами высокоурожайных сортов и требуемого качества, востребованных на рынках;
пятое, низкий уровень системы подготовки кадров, не отвечающей реальным потребностям производителей сельскохозяйственной продукции, в том числе в связи с отсутствием международного сотрудничества по подготовке высококвалифицированных, обладающих современными знаниями специалистов среднего и высшего звена;
шестое, не развитость логистической и транспортной инфраструктуры приводят к потере части урожая, а также реализации выращенной продукции по заниженным ценам и, как следствие, низким финансовым показателям производителей сельскохозяйственной продукции;
седьмое, отсутствие углубленных научных исследований по актуальным вопросам агротехнологий различных культур и их внедрению в практику и низкий уровень взаимодействия между научными институтами и производителями сельскохозяйственной продукции.
В целях обеспечения ускоренного и эффективного развития плодоовощеводства, расширения производства высококачественной и конкурентоспособной готовой продукции, дальнейшего ее продвижения на крупные зарубежные рынки, а также последовательной реализации задач, определенных Стратегией действий по пяти приоритетным направлениям развития Республики Узбекистан в 2017 — 2021 годах:
1. Принять к сведению, что в Сурхандарьинской области налажен опыт по поддержке создания кластерной формы сельскохозяйственного производства в сфере плодоовощной продукции.
2. Кабинету Министров Республики Узбекистан, Совету Министров Республики Каракалпакстан, хокимиятам областей и районов, начиная с текущего сельскохозяйственного года, принять меры по широкому внедрению кластерной формы организации производства плодоовощной продукции (далее — плодоовощные кластеры), предусматривающей формирование цепочки по принципу «семена — рассада (саженцы) — выращивание продукции — заготовка — хранение — переработка — транспортировка — поставка на рынок»:
в рамках единого или группы взаимосвязанных предприятий, самостоятельно осуществляющих весь указанный цикл от производства до реализации плодоовощной продукции;
на основе гарантированных контрактов между производителями сельскохозяйственной продукции и предприятиями заготовителями, переработчиками, экспортерами, предоставляющими производителям сельскохозяйственной продукции посадочный материал, авансовые ресурсы для организации сельскохозяйственных работ и закупающим у них произведенную продукцию по договорным ценам.
3. Заместителю Премьер-министра Республики Узбекистан З.Т. Мирзаеву, председателю Совету Министров Республики Каракалпакстан, хокимам областей и районов в установленном порядке, при размещении посевов сельскохозяйственных культур на высвобождаемых от посевов хлопчатника землях, предоставлять право пользования землями на условиях долгосрочной аренды преимущественно хозяйствующим субъектам (группе взаимосвязанных предприятий):
имеющим логистические центры (мощности по хранению, первичной или глубокой переработке плодоовощной продукции, сельскохозяйственную технику), а также опыт реализации плодоовощной продукции на внутреннем и внешнем рынках;
обладающим опытом создания и эксплуатации современных тепличных хозяйств и интенсивных садов;
располагающим собственными и привлеченными финансовыми ресурсами для организации производства сельскохозяйственной продукции по цепочке добавленных стоимостей в кластерной форме;
принимающим на себя обязательства по организации выращивания, переработки и реализации плодоовощной продукции, в том числе на экспорт, внедрению самых современных ресурсо- и водосберегающих технологий, созданию новых рабочих мест.
4. Совету Министров Республики Каракалпакстан, хокимиятам областей совместно с Министерством сельского хозяйства Республики Узбекистан:
обеспечить в 2018 году создание в каждом регионе 1-2 плодоовощных кластеров и вовлечение с 2019 года в кластерную форму организации сельскохозяйственного производства всех районов, специализированных на выращивании плодоовощной продукции;
предоставить плодоовощным кластерам право самостоятельно принимать решения по размещению посевов сельскохозяйственных культур, определению объемов выращивания продукции, их видов и сортов, применению агротехнологических методов с учетом почвенно-климатических условий и ориентацией на спрос на внутреннем и внешнем рынках, а также заключению договоров контрактации с фермерскими и дехканскими хозяйствами на заготовку производимой ими сельскохозяйственной продукции;
совместно с Министерством водного хозяйства Республики Узбекистан оказывать содействие производителям сельскохозяйственной продукции в очистке ирригационных и коллекторных сооружений.
5. Заместителю Премьер-министра Республики Узбекистан С.Р. Холмурадову совместно с Государственным комитетом по инвестициям в двухмесячный срок внести предложения по:
привлечению кредитных линий международных финансовых организаций и институтов, в том числе для участия в уставном капитале плодоовощных кластеров с правом последующего выкупа этих долей учредителями — резидентами Республики Узбекистан;
открытию в коммерческих банках кредитных линий для предэкспортного финансирования плодоовощных кластеров и других производителей и экспортеров плодоовощной продукции;
расширению объемов кредитных линий международных финансовых институтов для финансирования проектов по созданию питомников рассады и саженцев, логистических центров плодоовощных кластеров, строительству теплиц и созданию интенсивных садов;
привлечению грантовых средств и средств технического содействия международных организаций для направления агрономов и других работников плодоовощных кластеров, современных интенсивных садов и тепличных хозяйств в ведущие профильные зарубежные компании на обучение и стажировку сроком до одного года.
6. Освободить сроком до 1 января 2021 года:
хозяйствующие субъекты от всех видов налогов и сборов (за исключением единого социального платежа), в части производства семян, рассады, саженцев и подвоев в питомниках и теплицах и поставляющие их производителям сельскохозяйственной продукции;
от таможенных платежей (за исключением сбора за таможенное оформление) завозимые семена, саженцы и подвои, минеральные удобрения, химические средства защиты растений, современные энергосберегающие теплицы и комплектующие к ним согласно приложению ;
7. Предоставить с 1 января 2018 года организациям, осуществляющим заготовку плодоовощной продукции, право уплачивать единый налоговый платеж с суммы вознаграждения, с обложением дохода по ставке, предусмотренной для посреднических организаций.
9. Министерству финансов Республики Узбекистан совместно с заинтересованными министерствами и страховыми организациями внести предложения по совершенствованию механизма страхования договоров контрактации между производителями и заготовителями плодоовощной продукции.
10. Министерству сельского хозяйства совместно с Министерством инвестиций и внешней торговли, Государственным таможенным комитетом и Агентством по карантину и защите растений обеспечить фитосанитарное сопровождение, защиту растений от вредителей, болезней и сорняков, в качестве эксперимента, на основе договора с плодоовощными кластерами с учетом произведения окончательных расчетов и получения вознаграждений исходя из реальных результатов и сохранности урожая.
11. Государственной инспекции по карантину растений при Кабинете Министров Республики Узбекистан совместно с Министерством сельского хозяйства Республики Узбекистан в срок до 1 сентября 2018 года разработать Государственную программу по комплексной защите растений от вредителей, болезней, сорняков, бактерий и вирусов, усилению фитосанитарного надзора и обеспечению благополучного фитосанитарного состояния в республике.
12. Министерству по развитию информационных технологий и коммуникаций, Министерству внешней торговли Республики Узбекистан в срок до 1 ноября 2018 года обеспечить создание доступной для всех производителей сельскохозяйственной продукции электронной базы данных потенциальных зарубежных рынков, предусмотрев возможность получения информации в разрезе видов, сортов, ориентировочного объема потребности по основным потребителям, а также по предъявляемым ими требованиям.
Определить, что информация по зарубежным рынкам формируется и обновляется Министерством инвестиций и внешней торговли Республики Узбекистан, в том числе с привлечением сотрудников посольств и торговых представителей Республики Узбекистан за рубежом.
13. Министерству инновационного развития, Министерству сельского хозяйства Республики Узбекистан с привлечением профильных научно- исследовательских институтов разработать программу мер по организации селекции высокоурожайных сортов сельскохозяйственных культур, устойчивых к засухе, болезням и вредителям.
14. Возложить персональную ответственность на руководителей АО «Узбекэнерго» (У. Мустафаев), АК «Узтрансгаз» (А. Мустафаев), а также Совета Министров Республики Каракалпакстан и хокимиятов областей за бесперебойное обеспечение производственных и перерабатывающих мощностей плодоовощных кластеров электроэнергией и природным газом в соответствии с их производственными потребностями.
15. Первому заместителю Премьер-министра Республики Узбекистан А.Ж. Раматову, заместителю Премьер-министра Республики Узбекистан Н.С. Отажонову, Министерству внешней торговли (Ж. Ходжаев), АО «Узбекистон темир йуллари» (Хасилов Х.) в месячный срок внести предложения по:
оптимизации и упрощению порядка предоставления железнодорожных вагонов, в том числе вагонов-рефрижераторов, экспортерам плодоовощной продукции в сроки, обеспечивающие выполнение экспортных контрактов:
организации производства современных рефрижераторных контейнеров, в том числе с привлечением иностранных инвесторов, сертификации и регистрации в международных регистрах, а также определению порядка их реализации (предоставления) плодоовощным кластерам, заготовительным организациям и другим заинтересованным пользователям, в том числе по лизингу.
16. Министерству сельского хозяйства, Министерству высшего и среднего специального образования, Академии наук Республики Узбекистан совместно с Министерством иностранных дел обеспечить налаживание международного сотрудничества в сфере подготовки высококвалифицированных, обладающих современными знаниями специалистов в сфере агротехнологий.
17. Министерству иностранных дел Республики Узбекистан обеспечить оформление въездных и многократных виз иностранным специалистам, привлекаемым по заявкам хокимиятов областей, плодоовощных кластеров и других сельскохозяйственных производителей сроком до 12 месяцев.
18. Министерству внутренних дел Республики Узбекистан обеспечить по заявкам хокимиятов областей, плодоовощных кластеров и других сельскохозяйственных производителей оформление, выдачу и продление многократных виз, а также регистрацию по месту пребывания и продление ее срока иностранным специалистам без взимания государственной пошлины.
19. Министерству занятости и трудовых отношений Республики Узбекистан обеспечивать, по заявкам плодоовощных кластеров, выдачу (продление) в установленном порядке разрешений на привлечение в Республику Узбекистан высококвалифицированных иностранных специалистов по сельскому хозяйству, а также выдачу (продление) указанным иностранным гражданам подтверждений на право трудовой деятельности на территории Республики Узбекистан.
20. Министерству сельского хозяйства совместно с Министерством юстиции, Министерством экономики Республики Узбекистан и другими заинтересованными ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
21. Контроль за исполнением настоящего Указа возложить на Премьер-министра Республики Узбекистан А.Н. Арипова, заместителей Премьер-министра Республики Узбекистан Н.С. Отажонова, З.Т. Мирзаева и Генерального прокурора Республики Узбекистан О.Б. Муродова.
ПРИЛОЖЕНИЕ к Указу Президента Республики Узбекистан от 29 марта 2018 года № УП-5388
освобождаемых от таможенных платежей (за исключением сбора за таможенное оформление) семян, саженцев и подвоев, минеральных удобрений, химических средств зашиты растений, комплектующих к современным энергосберегающим теплицам
№ Наименование товаров Коды ТН ВЭД * 1. Саженцы и подвои 060210, 060220 2. Кокосовый субстрат для системы гидропоники 5305000000 3. Лоток из ПВХ или ПП для кокосового субстрата 3926909705 4. Минеральные удобрения, инсектициды, родентициды, фунгициды, гербициды, противовсходовые средства и регуляторы роста растений, средства дезинфицирующие 3101 — 3105, 3808 5. Классический шмелиный улей 010641 6. Покрытие теплицы 3920108900, 5608199000, 7312108909, 7326200009 7. Система энергосбережения и затенения 5603121000, 7312104900, 7326905000 8. Система управления теплицы 8501510000, 8483908909. 8425390004, 8537101000 9. Система компьютерного контроля климата 8537109100 10. Система затуманивания 8424890009 11. Система отопления 8402200009, 8416202000, 7310299000, 8481409000, 8419110000 12. Система капельного орошения 8424821000 13. Циркуляционные и вытяжные вентиляторы 8414510000, 8414598000 14. Другие комплектующие изделия и детали современных тепличных комплексов 3926909709, 7326909807
Президент Республики Узбекистан Ш. МИРЗИЁЕВ
г. Ташкент,
29 марта 2018 г.,
№ УП-5388