📅 2018-yil 29-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 29 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 29 марта 2018 г. · Постановления Президента
Официальный текст. Официальный документ. Редакционные примечания не включены.
📅 29 March 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Президентининг «Тадбиркорлик фаолиятини ривожлантиришни кўллаб-қувватлаш давлат жамғармасини ташкил этиш тўғрисида» 2017 йил 17 августдаги ПҚ-3225-сонли қарорига ўзгартиш ва қўшимчалар киритиш тўғрисида
Кичик тадбиркорлик субъектларининг давлат молиявий кўмагидан фойдаланиш имкониятларини янада кенгайтириш ва Ўзбекистон Республикаси Вазирлар Маҳкамаси ҳузуридаги Тадбиркорлик фаолиятини ривожлантиришни кўллаб-қувватлаш давлат жамғармаси фаолиятини такомиллаштириш мақсадида:
1. Ўзбекистон Республикаси Президентининг «Тадбиркорлик фаолиятини ривожлантиришни кўллаб-қувватлаш давлат жамғармасини ташкил этиш тўғрисида» 2017 йил 17 августдаги ПҚ-3225-сонли қарорига иловага мувофиқ ўзгартиш ва қўшимчалар киритилсин.
2. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров ва Ўзбекистон Республикаси Марказий банки раиси М.Б. Нурмуратов зиммасига юклансин.
Ўзбекистон Республикаси Президентининг 2018 йил 29 мартдаги ПҚ-3634-сонли қарорига ИЛОВА
Ўзбекистон Республикаси Президентининг «Тадбиркорлик фаолиятини ривожлантиришни қўллаб-қувватлаш давлат жамғармасини ташкил этиш тўғрисида» 2017 йил 17 августдаги ПҚ-3225-сонли қарорига киритиладиган ўзгартиш ва қўшимчалар
1. 1-бандининг :
а) «а» кичик банди ўз кучини йўқотган деб ҳисоблансин;
б) «в» кичик бандидаги :
иккинчи хатбоши куйидаги таҳрирда баён этилсин:
«миллий валютада, қайта молиялаштириш ставкасининг 1,5 бараваридан ошмайдиган фоиз ставкасида — 5 фоизли пункт миқдорида»;
қуйидагича мазмундаги учинчи хатбоши билан тўлдирилсин:
«миллий валютада — ёш тадбиркорлар ташаббуси билан ишлаб чиқилган лойиҳаларни амалга ошириш учун Ўзбекистон Ёшлар иттифоқининг тавсияси билан жамғариб бориладиган пенсия тизими маблағлари ҳисобидан ажратиладиган имтиёзли кредитлар бўйича — банклар харажатларини қоплаш учун 3 фоизли пункт миқдорида»;
учинчи хатбоши тўртинчи хатбоши деб ҳисоблансин;
в) еттинчи хатбошидаги «ва тижорат банкларига ресурсларни тақдим этади» сўзлари чиқариб ташлансин.
2. 3-банди куйидаги таҳрирда баён этилсин:
«3. Белгилансинки, Жамғарма кичик тадбиркорлик субъектларига:
а) тижорат банкларининг кредитлари бўйича кафолатлар беради, куйидагилар назарда тутилган кредитлар бундан мустасно:
аввал олинган кредитлар ёки бошқа ҳар қандай қарзларни қайтариш;
спиртли ичимликлар ва тамаки маҳсулотлари ишлаб чиқариш;
савдо-воситачилик ташкилотлари ва умумий овқатланиш корхоналарининг айланма маблағларини шакллантириш;
савдо объектлари ва умумий овқатланиш объектлари қурилишини молиялаштириш;
таваккалчиликка асосланган қимор ўйинлари ва бошқа ўйинларни ташкил этиш, шунингдек, ушбу мақсадлар учун ускуналар харид қилиш.
б) тижорат банкларининг куйидаги лойиҳаларни молиялаштириш учун ажратиладиган кредитлари бўйича фоиз харажатларини қоплашга компенсациялар беради:
қишлоқ хўжалигида, биринчи навбатда, энергия самарадор замонавий иссиқхоналарни ташкил этишга, чорвачилик, паррандачилик, балиқчилик, қуёнчилик, асаларичилик, узумчилик ва боғдорчиликни, шу жумладан интенсив боғларни ривожлантиришга;
қишлоқ хўжалиги маҳсулотларини қайта ишлаш соҳасида, мева- сабзавот маҳсулотларини сақлаш бўйича инфратузилма ва ушбу маҳсулотларни транспортда ташиш билан боғлик логистика марказларини ташкил этишга;
кўп квартирали уйларда умумий фойдаланиладиган жойларни хусусий уй-жой мулкдорлари ширкатлари ва бошқарувчи компаниялар томонидан ободонлаштириш ва таъмирлашга йўналтирилган лойиҳалар;
Тадбиркорлик фаолиятини ривожлантиришни кўллаб-қувватлаш давлат жамғармасини бошқариш бўйича Кенгаш (кейинги ўринларда — Жамғармани бошқариш бўйича кенгаш) белгилайдиган тадбиркорлик фаолиятининг бошқа йўналишларидаги лойиҳалар».
3. Қуйидагича мазмундаги 3 1 банди билан тўлдирилсин:
«3 1 Шундай тартиб ўрнатилсинки, унга мувофиқ Жамғарма томонидан тақдим этиладиган кафолатларнинг максимал умумий миқдори Жамғарма маблағларининг 10 баробари миқдоридан ошмаслиги керак».
4. 4-бандининг иккинчи хатбошидаги «(кейинги ўринларда — Жамғармани бошқариш бўйича Кенгаш)» сўзлари чиқариб ташлансин.
5. Қуйидагича мазмундаги 5 1 -банди билан тўлдирилсин:
«5 1 . Жамғарма Тошкент шаҳри, Қоратош кўчаси, 1-уй, (7-қават) манзили бўйича беғараз фойдаланиш ҳуқуқи асосида жойлаштирилсин ва Ўзбекистон Банклари ассоциациясининг «Moliya Binokor Xizmat» шуъба корхонаси Жамғармага беғараз тақдим этилган хизмат биноси бўйича ягона солиқ тўловидан озод этилсин».
6. 2-илованинг матни қуйидаги таҳрирда баён этилсин:
«Ўзбекистон Республикаси Вазирлар Маҳкамаси ҳузуридаги Тадбиркорлик фаолиятини ривожлантиришни қўллаб-қувватлаш давлат жамғармасини бошқариш бўйича Кенгаш ТАРКИБИ
Ж.А. Қўчкоров — Ўзбекистон Республикаси Бош вазирининг ўринбосари-молия вазири, Кенгаш раиси Т.А. Ишметов — Ўзбекистон Республикаси Марказий банки раисининг биринчи ўринбосари, Кенгаш раиси ўринбосари М.М. Мирзаев — Ўзбекистон Республикаси иқтисодиёт вазирининг биринчи ўринбосари, Кенгаш раиси ўринбосари У.У. Бутаев — Ўзбекистон Республикаси Савдо-саноат палатаси раисининг ўринбосари А.Р. Каримов — Ўзбекистон Республикаси молия вазирининг ўринбосари Б.М. Низомов — Ўзбекистон Республикаси бандлик ва меҳнат муносабатлари вазирининг ўринбосари Н.Ш. Шарипов — Ўзбекистон Республикаси Вазирлар Маҳкамаси Йиғма ахборот-таҳлил департаментининг Хусусий тадбиркорлик ва кичик бизнесни ривожлантириш масалалари шуъбаси мудири, Кенгаш котиби
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 29 март,
ПҚ-3634-сон
Oʻzbekiston Respublikasi Prezidentining
Qarori
Oʻzbekiston Respublikasi Prezidentining “Tadbirkorlik faoliyatini rivojlantirishni koʻllab-quvvatlash davlat jamgʻarmasini tashkil etish toʻgʻrisida” 2017-yil 17-avgustdagi PQ-3225-sonli qaroriga oʻzgartish va qoʻshimchalar kiritish toʻgʻrisida
Kichik tadbirkorlik subyektlarining davlat moliyaviy koʻmagidan foydalanish imkoniyatlarini yanada kengaytirish va Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni koʻllab-quvvatlash davlat jamgʻarmasi faoliyatini takomillashtirish maqsadida:
1. Oʻzbekiston Respublikasi Prezidentining “Tadbirkorlik faoliyatini rivojlantirishni koʻllab-quvvatlash davlat jamgʻarmasini tashkil etish toʻgʻrisida” 2017-yil 17-avgustdagi PQ-3225-sonli qaroriga ilovaga muvofiq oʻzgartish va qoʻshimchalar kiritilsin.
2. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Oʻzbekiston Respublikasi Markaziy banki raisi M.B. Nurmuratov zimmasiga yuklansin.
Oʻzbekiston Respublikasi Prezidentining 2018-yil 29-martdagi PQ-3634-sonli qaroriga ILOVA
Oʻzbekiston Respublikasi Prezidentining “Tadbirkorlik faoliyatini rivojlantirishni qoʻllab-quvvatlash davlat jamgʻarmasini tashkil etish toʻgʻrisida” 2017-yil 17-avgustdagi PQ-3225-sonli qaroriga kiritiladigan oʻzgartish va qoʻshimchalar
1. 1-bandining :
a) “a” kichik bandi oʻz kuchini yoʻqotgan deb hisoblansin;
b) “v” kichik bandidagi :
ikkinchi xatboshi kuyidagi tahrirda bayon etilsin:
“milliy valyutada, qayta moliyalashtirish stavkasining 1,5 baravaridan oshmaydigan foiz stavkasida — 5 foizli punkt miqdorida”;
quyidagicha mazmundagi uchinchi xatboshi bilan toʻldirilsin:
“milliy valyutada — yosh tadbirkorlar tashabbusi bilan ishlab chiqilgan loyihalarni amalga oshirish uchun Oʻzbekiston Yoshlar ittifoqining tavsiyasi bilan jamgʻarib boriladigan pensiya tizimi mablagʻlari hisobidan ajratiladigan imtiyozli kreditlar boʻyicha — banklar xarajatlarini qoplash uchun 3 foizli punkt miqdorida”;
uchinchi xatboshi toʻrtinchi xatboshi deb hisoblansin;
v) yettinchi xatboshidagi “va tijorat banklariga resurslarni taqdim etadi” soʻzlari chiqarib tashlansin.
2. 3-bandi kuyidagi tahrirda bayon etilsin:
“3. Belgilansinki, Jamgʻarma kichik tadbirkorlik subyektlariga:
a) tijorat banklarining kreditlari boʻyicha kafolatlar beradi, kuyidagilar nazarda tutilgan kreditlar bundan mustasno:
avval olingan kreditlar yoki boshqa har qanday qarzlarni qaytarish;
spirtli ichimliklar va tamaki mahsulotlari ishlab chiqarish;
savdo-vositachilik tashkilotlari va umumiy ovqatlanish korxonalarining aylanma mablagʻlarini shakllantirish;
savdo obyektlari va umumiy ovqatlanish obyektlari qurilishini moliyalashtirish;
tavakkalchilikka asoslangan qimor oʻyinlari va boshqa oʻyinlarni tashkil etish, shuningdek, ushbu maqsadlar uchun uskunalar xarid qilish.
b) tijorat banklarining kuyidagi loyihalarni moliyalashtirish uchun ajratiladigan kreditlari boʻyicha foiz xarajatlarini qoplashga kompensatsiyalar beradi:
qishloq xoʻjaligida, birinchi navbatda, energiya samarador zamonaviy issiqxonalarni tashkil etishga, chorvachilik, parrandachilik, baliqchilik, quyonchilik, asalarichilik, uzumchilik va bogʻdorchilikni, shu jumladan intensiv bogʻlarni rivojlantirishga;
qishloq xoʻjaligi mahsulotlarini qayta ishlash sohasida, meva- sabzavot mahsulotlarini saqlash boʻyicha infratuzilma va ushbu mahsulotlarni transportda tashish bilan bogʻlik logistika markazlarini tashkil etishga;
koʻp kvartirali uylarda umumiy foydalaniladigan joylarni xususiy uy-joy mulkdorlari shirkatlari va boshqaruvchi kompaniyalar tomonidan obodonlashtirish va taʼmirlashga yoʻnaltirilgan loyihalar;
Tadbirkorlik faoliyatini rivojlantirishni koʻllab-quvvatlash davlat jamgʻarmasini boshqarish boʻyicha Kengash (keyingi oʻrinlarda — Jamgʻarmani boshqarish boʻyicha kengash) belgilaydigan tadbirkorlik faoliyatining boshqa yoʻnalishlaridagi loyihalar”.
3. Quyidagicha mazmundagi 3 1 bandi bilan toʻldirilsin:
“3 1 Shunday tartib oʻrnatilsinki, unga muvofiq Jamgʻarma tomonidan taqdim etiladigan kafolatlarning maksimal umumiy miqdori Jamgʻarma mablagʻlarining 10 barobari miqdoridan oshmasligi kerak”.
4. 4-bandining ikkinchi xatboshidagi “(keyingi oʻrinlarda — Jamgʻarmani boshqarish boʻyicha Kengash)” soʻzlari chiqarib tashlansin.
5. Quyidagicha mazmundagi 5 1 -bandi bilan toʻldirilsin:
“5 1 . Jamgʻarma Toshkent shahri, Qoratosh koʻchasi, 1-uy, (7-qavat) manzili boʻyicha begʻaraz foydalanish huquqi asosida joylashtirilsin va Oʻzbekiston Banklari assotsiatsiyasining “Moliya Binokor Xizmat” shuʼba korxonasi Jamgʻarmaga begʻaraz taqdim etilgan xizmat binosi boʻyicha yagona soliq toʻlovidan ozod etilsin”.
6. 2-ilovaning matni quyidagi tahrirda bayon etilsin:
“Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasini boshqarish boʻyicha Kengash TARKIBI
J.A. Qoʻchkorov — Oʻzbekiston Respublikasi Bosh vazirining oʻrinbosari-moliya vaziri, Kengash raisi T.A. Ishmetov — Oʻzbekiston Respublikasi Markaziy banki raisining birinchi oʻrinbosari, Kengash raisi oʻrinbosari M.M. Mirzayev — Oʻzbekiston Respublikasi iqtisodiyot vazirining birinchi oʻrinbosari, Kengash raisi oʻrinbosari U.U. Butayev — Oʻzbekiston Respublikasi Savdo-sanoat palatasi raisining oʻrinbosari A.R. Karimov — Oʻzbekiston Respublikasi moliya vazirining oʻrinbosari B.M. Nizomov — Oʻzbekiston Respublikasi bandlik va mehnat munosabatlari vazirining oʻrinbosari N.Sh. Sharipov — Oʻzbekiston Respublikasi Vazirlar Mahkamasi Yigʻma axborot-tahlil departamentining Xususiy tadbirkorlik va kichik biznesni rivojlantirish masalalari shuʼbasi mudiri, Kengash kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 29-mart,
PQ-3634-son
Президента Республики Узбекистан
Постановление
О внесении изменений и дополнений в постановление Президента Республики Узбекистан от 17 августа 2017 года № ПП-3225 «О создании Государственного фонда поддержки развития предпринимательской деятельности»
В целях дальнейшего расширения доступа субъектов малого предпринимательства к государственной финансовой поддержке, а также совершенствования деятельности Государственного фонда поддержки развития предпринимательской деятельности при Кабинете Министров Республики Узбекистан:
1. Внести изменения и дополнения в постановление Президента Республики Узбекистан от 17 августа 2017 года № ПП-3225 «О создании Государственного фонда поддержки развития предпринимательской деятельности» согласно приложению .
2. Контроль за исполнением настоящего постановления возложить на заместителя Премьер-министра — министра финансов Республики Узбекистан Д.А. Кучкарова и председателя Центрального банка Республики Узбекистан М.Б. Нурмуратова.
ПРИЛОЖЕНИЕ к постановлению Президента Республики Узбекистан от 29 марта 2018 года № ПП-3634
Изменения и дополнения, вносимые в постановление Президента Республики Узбекистан от 17 августа 2017 года № ПП-3225 «О создании Государственного фонда поддержки развития предпринимательской деятельности»
1. В пункте 1 :
а) подпункт «а» признать утратившим силу;
б) в подпункте «в»:
абзац второй изложить в следующей редакции:
«в национальной валюте, с процентной ставкой, не превышающей 1,5-кратного размера ставки рефинансирования — в размере 5 процентных пунктов»:
дополнить абзацем третьим следующего содержания:
«в национальной валюте — по льготным кредитам, выделяемым за счет средств накопительной пенсионной системы, на реализацию инициированных молодыми предпринимателями проектов, по рекомендациям Союза молодежи Узбекистана — в размере 3 процентных пунктов для покрытия расходов банка»;
абзац третий считать абзацем четвертым;
в) из абзаца седьмого слова «и предоставление коммерческим банкам ресурсов» исключить.
2. Пункт 3 изложить в следующей редакции:
«3. Установить, что Фонд предоставляет субъектам малого предпринимательства:
а) поручительства по кредитам коммерческих банков, за исключением кредитов, предусматривающих:
возврат ранее полученных кредитов или любых других задолженностей;
производство алкоголя и табачных изделий;
формирование оборотных средств торгово-посреднических организаций и предприятий общественного питания;
финансирование строительства торговых объектов и объектов общественного питания:
организацию проведения азартных и других игр, основанных на риске, а также приобретение оборудования для этих целей:
б) компенсации на покрытие процентных расходов по кредитам коммерческих банков, выделяемых для финансирования проектов:
в сельском хозяйстве, в первую очередь, направленных на создание современных энергоэффективных теплиц. развитие животноводства, птицеводства, рыбоводства, кролиководства, пчеловодства, виноградарства и садоводства, в том числе интенсивных садов;
в сфере переработки сельскохозяйственной продукции, создания инфраструктуры по хранению плодоовощной продукции и логистических центров, связанных с ее транспортировкой;
по обустройству и ремонту мест общего пользования в многоквартирных жилых домах, осуществляемых товариществами частных собственников жилья и управляющими компаниями:
в других направлениях предпринимательской деятельности, определяемых Советом по управлению Государственным фондом поддержки развития предпринимательской деятельности (далее — Совет по управлению Фондом)».
3. Дополнить пунктом 3 1 следующего содержания:
«3 1 . Установить порядок, в соответствии с которым максимальный совокупный размер предоставляемых Фондом поручительств не может превышать 10-кратного размера средств Фонда».
4. Из абзаца второго пункта 4 слова «(далее — Совет по управлению Фондом)» исключить.
5. Дополнить пунктом 5 1 следующего содержания:
«5 1 . Разместить Фонд по адресу: город Ташкент, улица Коратош, дом 1 (7-й этаж), на праве безвозмездного пользования, освободив дочернее предприятие «Moliya Binokor Xizmat» Ассоциации банков Узбекистана от уплаты единого налогового платежа в части безвозмездно предоставленного служебного помещения Фонду».
6. Текст приложения № 2 изложить в следующей редакции:
«СОСТАВ Совета по управлению Государственным фондом поддержки развития предпринимательской деятельности при Кабинете Министров Республики Узбекистан
Д.А. Кучкаров — заместитель Премьер-министра — министр финансов Республики Узбекистан, председатель Совета Т.А. Ишметов — первый заместитель председателя Центрального банка Республики Узбекистан, заместитель председателя Совета М.М. Мирзаев — первый заместитель министра экономики Республики Узбекистан, заместитель председателя Совета У.У. Бутаев — заместитель председателя Торгово-промышленной палаты Республики Узбекистан А.Р. Каримов — заместитель министра финансов Республики Узбекистан Б.М. Низомов — заместитель министра занятости и трудовых отношений Республики Узбекистан Н.Ш. Шарипов — заведующий сектором по вопросам развития частного предпринимательства и малого бизнеса Сводного НАД Кабинета Министров Республики Узбекистан, секретарь Совета
Президент Республики Узбекистан Ш. МИРЗИЁЕВ
г. Ташкент,
29 мартa 2018 г.,
№ ПП-3634