📅 2018-yil 12-aprel · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 12 апрель · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 12 апреля 2018 г. · Указы Президента
Официальный текст. Официальный документ. Редакционные примечания не включены.
📅 12 April 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
«Сирдарё» эркин иқтисодий зонасини ташкил этиш чора-тадбирлари тўғрисида
Сирдарё вилоятининг ишлаб чиқариш ва ресурс салоҳиятидан комплекс ҳамда оқилона фойдаланишини таъминлаш, шу аснода янги иш ўринлари ташкил этиш ва маҳаллий аҳолининг даромадларини ошириш мақсадида:
1. Ўзбекистон Республикаси Президентининг 2013 йил 18 мартдаги «Жиззах» махсус индустриал зонасини барпо этиш тўғрисида»ги ПФ-4516-сонли Фармонига асосан Жиззах вилоятида «Жиззах» эркин иқтисодий зонаси (кейинги ўринларда «Жиззах» ЭИЗ деб аталади) Сирдарё вилояти Сирдарё тумани филиали ташкил этилгани ва унинг чегаралари тасдиқлангани маълумот учун қабул қилинсин.
2. Жиззах ва Сирдарё вилоятлари ҳокимликлари, Ўзбекистон Республикаси Иқтисодиёт вазирлиги, Инвестициялар бўйича давлат қўмитаси, Хусусийлаштирилган корхоналарга кўмаклашиш ва рақобатни ривожлантириш давлат қўмитасининг «Сирдарё» эркин иқтисодий зонасини (кейинги ўринларда «Сирдарё» ЭИЗ деб аталади) «Жиззах» ЭИЗ Сирдарё вилояти Сирдарё туманидаги филиали ва Сирдарё вилоятининг Янгиер шаҳридаги кичик саноат зонаси негизида ташкил этиш тўғрисидаги таклифи қабул қилинсин.
3. Қуйидагилар «Сирдарё» эркин иқтисодий зонаси фаолиятининг асосий вазифалари ва йўналишлари этиб белгилансин:
Сирдарё вилоятининг ишлаб чиқариш ва ресурс салоҳиятидан самарали фойдаланган ҳолда маҳаллий минерал-хом ашё ресурсларини чуқур қайта ишлаш ва юқори қўшилган қийматга эга рақобатбардош, импорт ўрнини босадиган маҳсулотлар ишлаб чиқарилишини кенгайтириш;
мева-сабзавот ва қишлоқ хўжалиги маҳсулотларини чуқур қайта ишлаш, сақлаш ва қадоқлаш, тўқимачилик, пойабзал ва чарм-галантерея, экологик жиҳатдан хавфсиз кимё, фармацевтика, озиқ-овқат, электротехника саноати, машинасозлик ва автомобилсозлик, қурилиш материаллари ишлаб чиқариш ва бошқа йўналишларда замонавий ишлаб чиқаришларни ташкил қилиш учун тўғридан-тўғри хусусий инвестицияларни, шунингдек, хорижий инвестицияларни фаол жалб этиш;
эркин иқтисодий зона корхоналари ўртасида ҳамда бошқа маҳаллий корхоналар билан мустаҳкам кооперация алоқаларини ўрнатиш ва ривожлантириш асосида маҳаллий хом ашё ва материаллардан юқори технологияли маҳсулотлар ишлаб чиқаришни маҳаллийлаштириш жараёнларини чуқурлаштириш;
«Сирдарё» ЭИЗ ҳудудида ишлаб чиқариш, муҳандислик-коммуникация, йўл-транспорт ва ижтимоий инфратузилмани жадал ривожлантириш, шунингдек, ушбу ҳудудда сифатли логистика хизматлари кўрсатиш бўйича замонавий инфратузилмани шакллантириш;
эркин иқтисодий зоналарнинг соҳа кадрларига бўлган жорий ва истиқболдаги эҳтиёжларидан келиб чиқиб, юқори малакали мутахассисларни тайёрлашни ташкил этишда ва уларнинг эркин иқтисодий зонада жойлашган корхоналарда ишлаб чиқариш амалиётини ўташида қатнашиш.
4. Сирдарё вилояти эркин иқтисодий зоналар ва кичик саноат зоналарининг маъмурий кенгаши (Ғ.Ғ. Мирзаев) Инвестициялар бўйича давлат қўмитаси, Ер ресурслари, геодезия, картография ва давлат кадастри давлат қўмитаси, Қурилиш вазирлиги билан биргаликда бир ой муддатда «Сирдарё» ЭИЗнинг чегараларига аниқлик киритиш, кейинчалик кенгайтириш бўйича таклифларни икки ҳафта муддатда Ўзбекистон Республикаси Президентининг 2017 йил 25 октябрдаги ПҚ-3356-сон «Эркин иқтисодий зоналар ва кичик саноат зоналари фаолияти самарадорлигини ошириш борасидаги қўшимча чора-тадбирлар тўғрисида»ги қарорига асосан ташкил этилган Эркин иқтисодий зоналар ва кичик саноат зоналари маъмурий кенгашларининг фаолиятини мувофиқлаштириш бўйича Республика кенгашига киритилишини таъминласин.
5. Белгилаб қўйилсинки:
«Сирдарё» ЭИЗ таркибига киритилган ер майдонлари «Сирдарё» ЭИЗ дирекциясининг бевосита тасарруфида бўлади;
«Сирдарё» ЭИЗнинг фаолият юритиш муддати 30 йилни ташкил этади ва бу муддат кейинчалик узайтирилиши мумкин;
«Сирдарё» ЭИЗ фаолият юритадиган муддат давомида унинг ҳудудида алоҳида солиқ ва божхона тартиблари амал қилади;
«Сирдарё» ЭИЗ иштирокчиси мақоми электрон онлайн-аукцион савдо натижасига кўра «Сирдарё» ЭИЗ дирекцияси томонидан берилади;
собиқ Сирдарё вилоятининг Янгиер шаҳридаги кичик саноат зонаси иштирокчиларига нисбатан, ушбу мақомни аввал олган бўлса, Ўзбекистон Республикаси Президентининг 2017 йил 30 мартдаги «Сирдарё вилоятининг Янгиер шаҳрида кичик саноат зонасини барпо этиш тўғрисида»ги ПҚ-2860-сонли қарорида кўзда тутилган имтиёз ва енгилликлар сақланиб қолинади.
6. Шундай тартиб ўрнатилсинки, унга мувофиқ Ўзбекистон Республикаси Ахборот технологиялари ва коммуникацияларини ривожлантириш вазирлиги, Уй-жой коммунал хизмат кўрсатиш вазирлиги, Автомобиль йўллари давлат қўмитаси, «Ўзбекэнерго» АЖ, «Ўзтрансгаз» АЖ ҳамда республика ва ҳудудий даражадаги муҳандислик-коммуникация хизматлари кўрсатувчилар эркин иқтисодий зоналар иштирокчилари бўлган хўжалик юритувчи субъектларнинг коммуникацияларга, уларни «Сирдарё» ЭИЗнинг ҳудудигача белгиланган тартибда кафолатли уланишини таъминлайди.
7. Ўзбекистон Республикаси Инвестициялар ва ташқи савдо вазирлиги Ўзбекистон Республикаси Молия вазирлиги, Иқтисодий тараққиёт ва камбағалликни қисқартириш вазирлиги билан биргаликда ҳар йили келгуси йиллар учун ривожланиш давлат дастурларини шакллантиришда белгиланган тартибда уларга «Сирдарё» ЭИЗнинг муҳандислик-коммуникация, йўл-транспорт ва ишлаб чиқариш инфратузилмасини ривожлантириш бўйича лойиҳалар киритилишини назарда тутсин.
8. «Сирдарё» ЭИЗ фаолиятини оператив бошқарув функцияси Ўзбекистон Республикаси Президентининг 2017 йил 3 майдаги «Зомин-фарм», «Косонсой-фарм», «Сирдарё-фарм», «Бойсун-фарм», «Бўстонлиқ-фарм» ва «Паркент-фарм» эркин иқтисодий зоналарини ташкил этиш тўғрисида»ги ПФ-5032-сон Фармонига мувофиқ ташкил этилган «Сирдарё-фарм» ЭИЗ дирекцияси» давлат унитар корхонасига юклатилсин ва унинг номи «Сирдарё» ЭИЗ дирекцияси» давлат унитар корхонасига ўзгартирилиб, ходимлари сони 3 нафардан 5 нафарга оширилсин.
9. Белгилансинки, «Жиззах» ЭИЗ дирекцияси» давлат унитар корхонасининг ва «Жиззах» ЭИЗ иштирокчиларининг Сирдарё вилояти Сирдарё туманидаги «Жиззах» ЭИЗнинг филиали бўйича ҳуқуқ ва бурчлари белгиланган тартибда «Сирдарё» ЭИЗ дирекцияси» давлат унитар корхонаси ва «Сирдарё» ЭИЗ иштирокчиларига ўтади.
10. Ўзбекистон Республикаси Президентининг 2016 йил 26 октябрдаги «Эркин иқтисодий зоналар фаолиятини фаоллаштириш ва кенгайтиришга доир қўшимча чора-тадбирлар тўғрисида»ги ПФ-4853-сон Фармонининг 3- , 4- ва 5-бандлари қоидалари «Сирдарё» ЭИЗ иштирокчиларига ва Ўзбекистон Республикаси Президентининг 2017 йил 12 январдаги «Ургут», «Ғиждувон», «Қўқон» ва «Ҳазорасп» эркин иқтисодий зоналарини ташкил этиш тўғрисида»ги ПФ-4931-сонли Фармонининг 8-банди қоидалари «Сирдарё» ЭИЗ дирекциясига татбиқ этилсин.
11. Ўзбекистон Республикаси Президентининг 2013 йил 18 мартдаги «Жиззах» махсус индустриал зонасини барпо этиш тўғрисида»ги ПФ-4516-сон Фармонига иловага мувофиқ ўзгартиришлар киритилсин.
12. Ўзбекистон Республикаси Инвестициялар бўйича давлат қўмитаси, Ўзбекистон Республикаси Иқтисодиёт вазирлиги, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Сирдарё вилояти Эркин иқтисодий зоналар ва кичик саноат зоналари маъмурий кенгаши билан биргаликда:
бир ой муддатда қонун ҳужжатларига ушбу Фармондан келиб чиқадиган ўзгартиш ва қўшимчалар тўғрисидаги таклифларни Ўзбекистон Республикаси Вазирлар Маҳкамасига киритсин;
икки ой муддатда Сирдарё вилоятининг мавжуд минерал-хом ашё ресурсларини инобатга олган ҳолда, «Сирдарё» ЭИЗ ҳудудида импорт ўрнини босувчи ва экспортга йўналтирилган тайёр маҳсулотлар, материаллар ва бутловчи буюмлар турларини ишлаб чиқариш корхоналарини жойлаштириш бўйича аниқ таклифлар — «йўл харита»лари ишлаб чиқилишини таъминласин.
13. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмурадов ва Сирдарё вилояти ҳокими Ғ.Ғ. Мирзаев зиммасига юклансин.
Ўзбекистон Республикаси Президентининг 2018 йил 12 апрелдаги ПФ-5412-сонли Фармонига ИЛОВА
Ўзбекистон Республикаси Президентининг «Жиззах» эркин иқтисодий зонасини барпо этиш тўғрисида»ги 2013 йил 18 мартдаги ПФ-4516-сонли Фармонига киритиладиган ўзгартиришлар
Ўзбекистон Республикаси Президентининг «Жиззах» эркин иқтисодий зонасини барпо этиш тўғрисида»ги 2013 йил 18 мартдаги ПФ-4516-сон Фармонига куйидаги ўзгартиришлар киритилсин:
а) 1-банднинг бешинчи хатбоши чиқариб ташлансин;
б) 6-банднинг биринчи хатбоши куйидаги таҳрирда баён қилинсин:
«Жиззах вилоят ҳокимлиги Жиззах вилояти Эркин иқтисодий зоналар ва кичик саноат зоналари маъмурий кенгашининг қарорларига асосан «Жиззах» ЭИЗда лойиҳаларни амалга оширувчи инвесторлар учун белгиланган тартибда қуйидагиларни таъминласин»;
в) 7-банддаги «Жиззах ва Сирдарё вилоятлари ҳокимлиги» сўзлари «Жиззах вилояти ҳокимлиги» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 12 апрель,
ПФ-5412-сон
Oʻzbekiston Respublikasi Prezidentining
Farmoni
“Sirdaryo” erkin iqtisodiy zonasini tashkil etish chora-tadbirlari toʻgʻrisida
Sirdaryo viloyatining ishlab chiqarish va resurs salohiyatidan kompleks hamda oqilona foydalanishini taʼminlash, shu asnoda yangi ish oʻrinlari tashkil etish va mahalliy aholining daromadlarini oshirish maqsadida:
1. Oʻzbekiston Respublikasi Prezidentining 2013-yil 18-martdagi “Jizzax” maxsus industrial zonasini barpo etish toʻgʻrisida”gi PF-4516-sonli Farmoniga asosan Jizzax viloyatida “Jizzax” erkin iqtisodiy zonasi (keyingi oʻrinlarda “Jizzax” EIZ deb ataladi) Sirdaryo viloyati Sirdaryo tumani filiali tashkil etilgani va uning chegaralari tasdiqlangani maʼlumot uchun qabul qilinsin.
2. Jizzax va Sirdaryo viloyatlari hokimliklari, Oʻzbekiston Respublikasi Iqtisodiyot vazirligi, Investitsiyalar boʻyicha davlat qoʻmitasi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasining “Sirdaryo” erkin iqtisodiy zonasini (keyingi oʻrinlarda “Sirdaryo” EIZ deb ataladi) “Jizzax” EIZ Sirdaryo viloyati Sirdaryo tumanidagi filiali va Sirdaryo viloyatining Yangiyer shahridagi kichik sanoat zonasi negizida tashkil etish toʻgʻrisidagi taklifi qabul qilinsin.
3. Quyidagilar “Sirdaryo” erkin iqtisodiy zonasi faoliyatining asosiy vazifalari va yoʻnalishlari etib belgilansin:
Sirdaryo viloyatining ishlab chiqarish va resurs salohiyatidan samarali foydalangan holda mahalliy mineral-xomashyo resurslarini chuqur qayta ishlash va yuqori qoʻshilgan qiymatga ega raqobatbardosh, import oʻrnini bosadigan mahsulotlar ishlab chiqarilishini kengaytirish;
meva-sabzavot va qishloq xoʻjaligi mahsulotlarini chuqur qayta ishlash, saqlash va qadoqlash, toʻqimachilik, poyabzal va charm-galantereya, ekologik jihatdan xavfsiz kimyo, farmatsevtika, oziq-ovqat, elektrotexnika sanoati, mashinasozlik va avtomobilsozlik, qurilish materiallari ishlab chiqarish va boshqa yoʻnalishlarda zamonaviy ishlab chiqarishlarni tashkil qilish uchun toʻgʻridan-toʻgʻri xususiy investitsiyalarni, shuningdek, xorijiy investitsiyalarni faol jalb etish;
erkin iqtisodiy zona korxonalari oʻrtasida hamda boshqa mahalliy korxonalar bilan mustahkam kooperatsiya aloqalarini oʻrnatish va rivojlantirish asosida mahalliy xomashyo va materiallardan yuqori texnologiyali mahsulotlar ishlab chiqarishni mahalliylashtirish jarayonlarini chuqurlashtirish;
“Sirdaryo” EIZ hududida ishlab chiqarish, muhandislik-kommunikatsiya, yoʻl-transport va ijtimoiy infratuzilmani jadal rivojlantirish, shuningdek, ushbu hududda sifatli logistika xizmatlari koʻrsatish boʻyicha zamonaviy infratuzilmani shakllantirish;
erkin iqtisodiy zonalarning soha kadrlariga boʻlgan joriy va istiqboldagi ehtiyojlaridan kelib chiqib, yuqori malakali mutaxassislarni tayyorlashni tashkil etishda va ularning erkin iqtisodiy zonada joylashgan korxonalarda ishlab chiqarish amaliyotini oʻtashida qatnashish.
4. Sirdaryo viloyati erkin iqtisodiy zonalar va kichik sanoat zonalarining maʼmuriy kengashi (Gʻ.Gʻ. Mirzayev) Investitsiyalar boʻyicha davlat qoʻmitasi, Yer resurslari, geodeziya, kartografiya va davlat kadastri davlat qoʻmitasi, Qurilish vazirligi bilan birgalikda bir oy muddatda “Sirdaryo” EIZning chegaralariga aniqlik kiritish, keyinchalik kengaytirish boʻyicha takliflarni ikki hafta muddatda Oʻzbekiston Respublikasi Prezidentining 2017-yil 25-oktabrdagi PQ-3356-son “Erkin iqtisodiy zonalar va kichik sanoat zonalari faoliyati samaradorligini oshirish borasidagi qoʻshimcha chora-tadbirlar toʻgʻrisida”gi qaroriga asosan tashkil etilgan Erkin iqtisodiy zonalar va kichik sanoat zonalari maʼmuriy kengashlarining faoliyatini muvofiqlashtirish boʻyicha Respublika kengashiga kiritilishini taʼminlasin.
5. Belgilab qoʻyilsinki:
“Sirdaryo” EIZ tarkibiga kiritilgan yer maydonlari “Sirdaryo” EIZ direksiyasining bevosita tasarrufida boʻladi;
“Sirdaryo” EIZning faoliyat yuritish muddati 30 yilni tashkil etadi va bu muddat keyinchalik uzaytirilishi mumkin;
“Sirdaryo” EIZ faoliyat yuritadigan muddat davomida uning hududida alohida soliq va bojxona tartiblari amal qiladi;
“Sirdaryo” EIZ ishtirokchisi maqomi elektron onlayn-auksion savdo natijasiga koʻra “Sirdaryo” EIZ direksiyasi tomonidan beriladi;
sobiq Sirdaryo viloyatining Yangiyer shahridagi kichik sanoat zonasi ishtirokchilariga nisbatan, ushbu maqomni avval olgan boʻlsa, Oʻzbekiston Respublikasi Prezidentining 2017-yil 30-martdagi “Sirdaryo viloyatining Yangiyer shahrida kichik sanoat zonasini barpo etish toʻgʻrisida”gi PQ-2860-sonli qarorida koʻzda tutilgan imtiyoz va yengilliklar saqlanib qolinadi.
6. Shunday tartib oʻrnatilsinki, unga muvofiq Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Uy-joy kommunal xizmat koʻrsatish vazirligi, Avtomobil yoʻllari davlat qoʻmitasi, “Oʻzbekenergo” AJ, “Oʻztransgaz” AJ hamda respublika va hududiy darajadagi muhandislik-kommunikatsiya xizmatlari koʻrsatuvchilar erkin iqtisodiy zonalar ishtirokchilari boʻlgan xoʻjalik yurituvchi subyektlarning kommunikatsiyalarga, ularni “Sirdaryo” EIZning hududigacha belgilangan tartibda kafolatli ulanishini taʼminlaydi.
7. Oʻzbekiston Respublikasi Investitsiyalar va tashqi savdo vazirligi Oʻzbekiston Respublikasi Moliya vazirligi, Iqtisodiy taraqqiyot va kambagʻallikni qisqartirish vazirligi bilan birgalikda har yili kelgusi yillar uchun rivojlanish davlat dasturlarini shakllantirishda belgilangan tartibda ularga “Sirdaryo” EIZning muhandislik-kommunikatsiya, yoʻl-transport va ishlab chiqarish infratuzilmasini rivojlantirish boʻyicha loyihalar kiritilishini nazarda tutsin.
8. “Sirdaryo” EIZ faoliyatini operativ boshqaruv funksiyasi Oʻzbekiston Respublikasi Prezidentining 2017-yil 3-maydagi “Zomin-farm”, “Kosonsoy-farm”, “Sirdaryo-farm”, “Boysun-farm”, “Boʻstonliq-farm” va “Parkent-farm” erkin iqtisodiy zonalarini tashkil etish toʻgʻrisida”gi PF-5032-son Farmoniga muvofiq tashkil etilgan “Sirdaryo-farm” EIZ direksiyasi” davlat unitar korxonasiga yuklatilsin va uning nomi “Sirdaryo” EIZ direksiyasi” davlat unitar korxonasiga oʻzgartirilib, xodimlari soni 3 nafardan 5 nafarga oshirilsin.
9. Belgilansinki, “Jizzax” EIZ direksiyasi” davlat unitar korxonasining va “Jizzax” EIZ ishtirokchilarining Sirdaryo viloyati Sirdaryo tumanidagi “Jizzax” EIZning filiali boʻyicha huquq va burchlari belgilangan tartibda “Sirdaryo” EIZ direksiyasi” davlat unitar korxonasi va “Sirdaryo” EIZ ishtirokchilariga oʻtadi.
10. Oʻzbekiston Respublikasi Prezidentining 2016-yil 26-oktabrdagi “Erkin iqtisodiy zonalar faoliyatini faollashtirish va kengaytirishga doir qoʻshimcha chora-tadbirlar toʻgʻrisida”gi PF-4853-son Farmonining 3- , 4- va 5-bandlari qoidalari “Sirdaryo” EIZ ishtirokchilariga va Oʻzbekiston Respublikasi Prezidentining 2017-yil 12-yanvardagi “Urgut”, “Gʻijduvon”, “Qoʻqon” va “Hazorasp” erkin iqtisodiy zonalarini tashkil etish toʻgʻrisida”gi PF-4931-sonli Farmonining 8-bandi qoidalari “Sirdaryo” EIZ direksiyasiga tatbiq etilsin.
11. Oʻzbekiston Respublikasi Prezidentining 2013-yil 18-martdagi “Jizzax” maxsus industrial zonasini barpo etish toʻgʻrisida”gi PF-4516-son Farmoniga ilovaga muvofiq oʻzgartirishlar kiritilsin.
12. Oʻzbekiston Respublikasi Investitsiyalar boʻyicha davlat qoʻmitasi, Oʻzbekiston Respublikasi Iqtisodiyot vazirligi, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Sirdaryo viloyati Erkin iqtisodiy zonalar va kichik sanoat zonalari maʼmuriy kengashi bilan birgalikda:
bir oy muddatda qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisidagi takliflarni Oʻzbekiston Respublikasi Vazirlar Mahkamasiga kiritsin;
ikki oy muddatda Sirdaryo viloyatining mavjud mineral-xomashyo resurslarini inobatga olgan holda, “Sirdaryo” EIZ hududida import oʻrnini bosuvchi va eksportga yoʻnaltirilgan tayyor mahsulotlar, materiallar va butlovchi buyumlar turlarini ishlab chiqarish korxonalarini joylashtirish boʻyicha aniq takliflar — “yoʻl xarita”lari ishlab chiqilishini taʼminlasin.
13. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov va Sirdaryo viloyati hokimi Gʻ.Gʻ. Mirzayev zimmasiga yuklansin.
Oʻzbekiston Respublikasi Prezidentining 2018-yil 12-apreldagi PF-5412-sonli Farmoniga ILOVA
Oʻzbekiston Respublikasi Prezidentining “Jizzax” erkin iqtisodiy zonasini barpo etish toʻgʻrisida”gi 2013-yil 18-martdagi PF-4516-sonli Farmoniga kiritiladigan oʻzgartirishlar
Oʻzbekiston Respublikasi Prezidentining “Jizzax” erkin iqtisodiy zonasini barpo etish toʻgʻrisida”gi 2013-yil 18-martdagi PF-4516-son Farmoniga kuyidagi oʻzgartirishlar kiritilsin:
a) 1-bandning beshinchi xatboshi chiqarib tashlansin;
b) 6-bandning birinchi xatboshi kuyidagi tahrirda bayon qilinsin:
“Jizzax viloyat hokimligi Jizzax viloyati Erkin iqtisodiy zonalar va kichik sanoat zonalari maʼmuriy kengashining qarorlariga asosan “Jizzax” EIZda loyihalarni amalga oshiruvchi investorlar uchun belgilangan tartibda quyidagilarni taʼminlasin”;
v) 7-banddagi “Jizzax va Sirdaryo viloyatlari hokimligi” soʻzlari “Jizzax viloyati hokimligi” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 12-aprel,
PF-5412-son
Президента Республики Узбекистан
Указ
О мерах по созданию свободной экономической зоны «Сирдарё»
В целях комплексного и рационального использования производственного и ресурсного потенциала Сырдарьинской области, создания на этой основе новых рабочих мест и повышения доходов населения:
1. Принять к сведению, что Указом Президента Республики Узбекистан от 18 марта 2013 года № УП-4516 «О создании специальной индустриальной зоны «Джизак» создана свободная экономическая зона «Джизак» (далее — СЭЗ «Джизак») в Джизакской области с филиалом в Сырдарьинском районе Сырдарьинской области и утверждены ее границы.
2. Принять предложение хокимиятов Сырдарьинской и Джизакской областей, Министерства экономики Республики Узбекистан, Государственного комитета Республики Узбекистан по инвестициям, Государственного комитета Республики Узбекистан по содействию приватизированным предприятиям и развитию конкуренции о создании свободной экономической зоны «Сирдарё» (далее — СЭЗ «Сирдарё») на базе филиала СЭЗ «Джизак» в Сырдарьинском районе Сырдарьинской области и территории малой промышленной зоны в городе Янгиер Сырдарьинской области.
3. Определить основными задачами и направлениями деятельности СЭЗ «Сирдарё»:
обеспечение комплексного и эффективного использования производственного и ресурсного потенциала Сырдарьинской области на основе глубокой переработки минерально-сырьевых ресурсов, расширение выпуска востребованной на внешних рынках, а также импортозамещающей продукции с высокой добавленной стоимостью;
привлечение прямых частных инвестиций, в том числе иностранных, и передовых технологий для создания современных производств в сферах глубокой переработки, хранения и упаковки плодоовощной и сельскохозяйственной продукции, текстильной, обувной, кожгалантерейной, химической, пищевой, электротехнической промышленности, сельскохозяйственного машиностроения, промышленности строительных материалов и других;
углубление процессов локализации производства высокотехнологичной продукции на базе местного сырья и материалов, установление и укрепление тесных кооперационных связей между участниками СЭЗ «Сирдарё» и другими отечественными предприятиями;
опережающее развитие инженерно-коммуникационной, дорожно-транспортной и социальной инфраструктуры СЭЗ «Сирдарё», а также формирование на ее территории современной инфраструктуры качественных логистических услуг;
участие в подготовке высококвалифицированных специалистов, исходя из текущих и перспективных потребностей СЭЗ «Сирдарё» в профильных кадрах, в том числе в прохождении ими производственной практики на предприятиях, расположенных на территории свободной экономической зоны.
4. Административному совету свободных экономических зон и малых промышленных зон Сырдарьинской области (Г.Г. Мирзаев) совместно с Государственным комитетом по инвестициям, Государственным комитетом по земельным ресурсам, геодезии, картографии и государственному кадастру, Министерством строительства Республики Узбекистан в двухнедельный срок внести в установленном порядке в Республиканский совет по координации деятельности административных советов свободных экономических зон и малых промышленных зон, образованный постановлением Президента Республики Узбекистан «О дополнительных мерах по повышению эффективности деятельности свободных экономических зон и малых промышленных зон» от 25 октября 2017 года № ПП-3356, предложения по уточнению границ территории СЭЗ «Сирдарё» с возможностью дальнейшего ее расширения.
5. Установить, что:
земельные участки, включенные в состав СЭЗ «Сирдарё», находятся в прямом ведении дирекции СЭЗ «Сирдарё»;
срок функционирования СЭЗ «Сирдарё» составляет 30 лет с момента ее создания с возможностью его последующего продления;
в течение срока функционирования СЭЗ «Сирдарё» на ее территории действуют особые налоговые и таможенные режимы;
статус участника СЭЗ «Сирдарё» предоставляется дирекцией СЭЗ «Сирдарё», на основе результатов электронных онлайн-аукционных торгов;
за участниками бывшей малой промышленной зоны в городе Янгиер, получившими ранее указанный статус, сохраняются льготы и преференций, предусмотренные постановлением Президента Республики Узбекистан от 30 марта 2017 года № ПП-2860 «О создании малой промышленной зоны в городе Янгиере Сырдарьинской области».
6. Установить порядок, в соответствии с которым Министерство по развитию информационных технологий и коммуникаций, Министерство жилищно-коммунального обслуживания, Государственный комитет Республики Узбекистан по автомобильным дорогам, АО «Узбекэнерго», АО «Узтрансгаз» и поставщики инженерно-коммуникационных услуг республиканского и территориального уровня обеспечивают гарантированное подключение хозяйствующих субъектов — участников СЭЗ «Сирдарё» к коммуникациям с своевременным их подведением к территории СЭЗ «Сирдарё».
7. Министерству инвестиций и внешней торговли совместно с Министерством финансов, Министерством экономического развития и сокращения бедности Республики Узбекистан ежегодно при формировании государственных программ развития на предстоящие годы предусматривать в установленном порядке включение в них проектов по развитию инженерно-коммуникационной и дорожно-транспортной инфраструктуры СЭЗ «Сирдарё».
8. Возложить функции оперативного управления деятельностью СЭЗ «Сирдарё» на Государственное унитарное предприятие «Дирекция СЭЗ «Сирдарё-фарм», созданное в соответствии с Указом Президента Республики Узбекистан от 3 мая 2017 года № УП-5032 «О создании свободных экономических зон «Зомин-фарм», «Косонсой-фарм», «Сирдарё-фарм», «Бойсун-фарм», «Бустонлик-фарм» и «Паркент-фарм», переименовав его в Государственное унитарное предприятие «Дирекция СЭЗ «Сирдарё» (далее — Дирекция СЭЗ «Сирдарё»), с увеличением численности управленческого персонала с 3 до 5 единиц.
9. Установить, что Дирекции СЭЗ «Сирдарё» и участникам СЭЗ «Сирдарё» переходят в установленном порядке права и обязанности Государственного унитарного предприятия «Дирекция СЭЗ «Джизак» и участников СЭЗ «Джизак», соответственно, в части, касающейся его филиала в Сырдарьинском районе Сырдарьинской области.
10. Распространить:
на участников СЭЗ «Сирдарё» положения пунктов 3 , 4 и 5 Указа Президента Республики Узбекистан от 26 октября 2016 года № УП-4853 «О дополнительных мерах по активизации и расширению деятельности свободных экономических зон»;
на Дирекцию СЭЗ «Сирдарё» положения пункта 8 Указа Президента Республики Узбекистан от 12 января 2017 года № УП-4931 «О создании свободных экономических зон «Ургут», Гиждуван», «Коканд» и «Хазарасп».
11. Внести изменения в Указ Президента Республики Узбекистан от 18 марта 2013 года № УП-4516 «О создании специальной индустриальной зоны «Джизак» согласно приложению .
12. Государственному комитету по инвестициям совместно с Министерством экономики, Государственным комитетом Республики Узбекистан по содействию приватизированным предприятиям и развитию конкуренции, Административным советом свободных экономических зон и малых промышленных зон Сырдарьинской области:
в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа;
в двухмесячный срок обеспечить разработку конкретных предложений — «дорожных карт» по размещению на территории СЭЗ «Сирдарё» производств по выпуску импортозамещающих и экспортоориентированных видов готовой продукции, материалов и комплектующих изделий с учетом имеющихся минерально-сырьевых ресурсов Сырдарьинской области.
13. Контроль за исполнением настоящего Указа возложить на заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмурадова и хокима Сырдарьинской области Г.Г. Мирзаева.
ПРИЛОЖЕНИЕ к Указу Президента Республики Узбекистан от 12 апреля 2018 года № УП-5412
Изменения, вносимые в Указ Президента Республики Узбекистан от 18 марта 2013 года № УП-4516 «О создании свободной экономической зоны «Джизак»»
В Указе Президента Республики Узбекистан от 18 марта 2013 года № УП-4516 «О создании свободной экономической зоны «Джизак»»:
а) абзац пятый пункта 1 исключить;
б) абзац первый пункта 6 изложить в следующей редакции:
«Хокимияту Джизакской области по решениям Административного совета свободных экономических зон и малых промышленных зон Джизакской области обеспечить в установленном порядке для инвесторов, реализующих проекты в СЭЗ «Джизак»;
в) в пункте 7 слова «хокимиятов Джизакской и Сырдарьинской областей» заменить словами «хокимията Джизакской области».
Президент Республики Узбекистан Ш. МИРЗИЁЕВ
г. Ташкент,
12 апреля 2018 г.,
№ УП-5412