📅 2018-yil 12-aprel · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 12 апрель · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 12 апреля 2018 г. · Законы и кодексы
Официальный текст. Официальный документ. Редакционные примечания не включены.
📅 12 April 2018 · Laws and codes
Official text. Official document. Editorial notes are not included.
Ўзбекистон Республикасининг Қонуни
Жамоатчилик назорати тўғрисида
Қонунчилик палатаси томонидан 2017 йил 15 ноябрда қабул қилинган Сенат томонидан 2018 йил 29 мартда маъқулланган
1-модда. Ушбу Қонуннинг мақсади
Ушбу Қонуннинг мақсади давлат органлари ва муассасалари (бундан буён матнда давлат органлари деб юритилади) фаолияти устидан жамоатчилик назоратини ташкил этиш ҳамда амалга ошириш соҳасидаги муносабатларни тартибга солишдан иборат.
2-модда. Жамоатчилик назорати тўғрисидаги қонунчилик
Жамоатчилик назорати тўғрисидаги қонунчилик ушбу Қонун ва бошқа қонунчилик ҳужжатларидан иборатдир.
Қонунчиликда касаба уюшмалари томонидан жамоатчилик назоратини амалга оширишнинг ўзига хос хусусиятлари белгиланиши мумкин.
Референдумларга, сайловларга тайёргарлик кўриш ва уларни ўтказиш, шунингдек мудофаа, жамоат хавфсизлиги ва ҳуқуқ-тартибот, тезкор-қидирув фаолияти, суриштирув, дастлабки тергов, суд ишларини юритиш, жазоларни ижро этиш соҳасида жамоатчилик назоратини амалга ошириш алоҳида қонунчилик билан тартибга солинади.
3-модда. Жамоатчилик назорати субъектлари
Ўзбекистон Республикаси фуқаролари (бундан буён матнда фуқаролар деб юритилади), фуқароларнинг ўзини ўзи бошқариш органлари, шунингдек қонунчиликда белгиланган тартибда рўйхатга олинган нодавлат нотижорат ташкилотлари, оммавий ахборот воситалари жамоатчилик назорати субъектларидир.
Жамоатчилик назорати жамоатчилик кенгашлари, комиссиялари ва бошқа жамоатчилик ташкилий тузилмалари томонидан ҳам қонунчиликка мувофиқ амалга оширилиши мумкин.
4-модда. Жамоатчилик назоратининг объекти
Давлат органларининг ва улар мансабдор шахсларининг:
қабул қилинаётган норматив-ҳуқуқий ҳужжатларда, қарорларда, шунингдек ривожланиш давлат, тармоқ ва ҳудудий дастурларида жамоатчилик манфаатларини, жамоатчилик фикрини ҳисобга олишга;
фуқароларнинг, юридик шахсларнинг ҳуқуқлари ва қонуний манфаатларини, жамият манфаатларини ҳимоя қилиш соҳасидаги қонунчилик талабларининг ижро этилишини таъминлашга;
ўз зиммасига юклатилган, ижтимоий ва жамоатчилик манфаатларига дахлдор бўлган вазифалар ва функцияларни бажаришга;
давлат хизматларини кўрсатишга;
ижтимоий шериклик доирасида амалга ошириладиган битимлар, шартномалар, лойиҳалар ва дастурларни бажаришга доир фаолияти жамоатчилик назоратининг объектидир.
5-модда. Жамоатчилик назоратининг асосий принциплари
Жамоатчилик назоратининг асосий принциплари қуйидагилардан иборат:
қонунийлик;
фуқароларнинг ҳуқуқлари, эркинликлари ва қонуний манфаатлари устуворлиги;
жамоатчилик назоратини амалга оширишда иштирок этишнинг ихтиёрийлиги;
жамоатчилик назоратини амалга оширишнинг оммавийлиги ва очиқлиги;
жамоатчилик назорати субъектларининг холислиги ва беғаразлиги;
жамоатчилик назорати натижаларининг ишончлилиги;
жамоатчилик назорати субъектларининг давлат органлари, уларнинг мансабдор шахслари фаолиятига асоссиз аралашувига ва уларга ғайриқонуний таъсир кўрсатишига йўл қўйилмаслиги.
6-модда. Жамоатчилик назоратининг шакллари
Жамоатчилик назоратининг шакллари қуйидагилардан иборат:
давлат органларига мурожаатлар ва сўровлар;
давлат органларининг очиқ ҳайъат мажлисларида иштирок этиш;
жамоатчилик муҳокамаси;
жамоатчилик эшитуви;
жамоатчилик мониторинги;
жамоатчилик экспертизаси;
жамоатчилик фикрини ўрганиш;
фуқароларнинг ўзини ўзи бошқариш органлари томонидан давлат органлари мансабдор шахсларининг ҳисоботлари ва ахборотини эшитиш.
Жамоатчилик назорати қонунчиликка мувофиқ бошқа шаклларда ҳам амалга оширилиши мумкин.
7-модда. Давлат органларига мурожаатлар ва сўровлар
Жамоатчилик назорати субъектлари давлат органларига аризалар, шикоятлар ва таклифлар билан мурожаат қилишга, шунингдек қонунчиликда белгиланган тартибда уларга сўровлар юборишга ҳақли.
Жамоатчилик назорати субъектларининг мурожаатлари ва сўровлари қонунчиликда белгиланган тартибда давлат органлари томонидан кўриб чиқилади.
Жамоатчилик назорати субъектларининг ахборот олишга бўлган ҳуқуқи, агар мазкур ахборот шахсга доир маълумотлар ёхуд давлат сирларини ёки қонун билан қўриқланадиган бошқа сирни ташкил этувчи маълумотлар жумласига киритилган бўлса, чекланиши мумкин.
8-модда. Давлат органларининг очиқ ҳайъат мажлисларида иштирок этиш
Жамоатчилик назорати субъектлари қонунчиликда белгиланган тартибда давлат органларининг очиқ ҳайъат мажлисларида иштирок этиш ҳуқуқига эга.
Давлат органлари ўзининг очиқ ҳайъат мажлисларида жамоатчилик назорати субъектлари иштирок этиши учун шароитлар яратади.
9-модда. Жамоатчилик муҳокамаси
Ижтимоий аҳамиятга молик масалаларни, шунингдек норматив-ҳуқуқий ҳужжатлар, давлат органларининг бошқа қарорлари лойиҳаларини оммавий муҳокама қилиш жамоатчилик муҳокамасидир.
Жамоатчилик муҳокамасини нодавлат нотижорат ташкилотлари, фуқароларнинг ўзини ўзи бошқариш органлари ва оммавий ахборот воситалари ўтказиши мумкин.
Жамоатчилик муҳокамаси турли ижтимоий гуруҳларнинг вакиллари, шу жумладан муҳокама этилаётган масала ўз ҳуқуқлари ва қонуний манфаатларига дахлдор бўлган ёки дахлдор бўлиши мумкин бўлган шахслар иштирокида ўтказилиши мумкин.
Жамоатчилик муҳокамаси оммавий ва очиқ ўтказилади. Жамоатчилик муҳокамасининг иштирокчилари жамоатчилик муҳокамасига киритилган масалалар юзасидан ўз фикрини эркин билдиришга ва таклифлар киритишга ҳақли. Жамоатчилик муҳокамаси оммавий ахборот воситалари орқали ва ахборот-коммуникация технологияларидан фойдаланган ҳолда ҳам ўтказилиши мумкин.
Жамоатчилик муҳокамасининг ташкилотчиси жамоатчилик муҳокамасига киритилаётган масалалар, муҳокамани ўтказиш муддати ва тартиби тўғрисидаги ахборотни олдиндан эълон қилади. Бунда ташкилотчи ўз ихтиёридаги, жамоатчилик муҳокамасига киритилаётган масалаларга тааллуқли бўлган материаллардан жамоатчилик муҳокамасининг барча иштирокчилари эркин фойдаланишини таъминлайди.
10-модда. Жамоатчилик эшитуви
Давлат органларининг, улар мансабдор шахсларининг фаолиятига тааллуқли ва ижтимоий аҳамиятга эга бўлган ёхуд фуқароларнинг, юридик шахсларнинг ҳуқуқлари ва қонуний манфаатларига, жамият манфаатларига дахлдор масалаларни муҳокама қилиш учун ташкил этиладиган йиғилиш жамоатчилик эшитувидир.
Жамоатчилик эшитувини нодавлат нотижорат ташкилотлари, фуқароларнинг ўзини ўзи бошқариш органлари ва оммавий ахборот воситалари ўтказиши мумкин.
Жамоатчилик эшитуви турли ижтимоий гуруҳларнинг вакиллари, шу жумладан муҳокама этилаётган масала ўз ҳуқуқлари ва қонуний манфаатларига дахлдор бўлган ёки дахлдор бўлиши мумкин бўлган шахслар иштирокида ўтказилиши мумкин.
Жамоатчилик эшитуви оммавий ва очиқ ўтказилади. Жамоатчилик эшитувининг иштирокчилари жамоатчилик эшитувига киритилган масалалар юзасидан ўз фикрини эркин билдиришга ва таклифлар киритишга ҳақли.
Жамоатчилик эшитувининг ташкилотчиси жамоатчилик эшитувига киритилаётган масалалар, эшитувни ўтказиш муддати ва тартиби тўғрисидаги ахборотни олдиндан эълон қилади. Бунда ташкилотчи ўз ихтиёридаги, жамоатчилик эшитувига киритилаётган масалаларга тааллуқли бўлган материаллардан жамоатчилик эшитувининг барча иштирокчилари эркин фойдаланишини таъминлайди.
11-модда. Жамоатчилик мониторинги
Давлат органларининг ва улар мансабдор шахсларининг фаолиятини жамоатчилик манфаатига дахлдор ахборотни йиғиш, умумлаштириш ва таҳлил этиш орқали кузатиш жамоатчилик мониторингидир.
Жамоатчилик мониторингини нодавлат нотижорат ташкилотлари, фуқароларнинг ўзини ўзи бошқариш органлари ва жамоатчилик назоратининг бошқа субъектлари қонунчиликда назарда тутилган ҳолларда ўтказиши мумкин.
Жамоатчилик мониторинги оммавий ва очиқ ўтказилади. Жамоатчилик мониторинги ахборот-коммуникация технологияларидан фойдаланган ҳолда ҳам ўтказилиши мумкин.
Жамоатчилик мониторингининг ташкилотчиси жамоатчилик мониторингининг объекти, уни ўтказиш муддати ва тартиби тўғрисидаги ахборотни олдиндан эълон қилади.
12-модда. Жамоатчилик экспертизаси
Жамоатчилик экспертизаси норматив-ҳуқуқий ҳужжатлар ва давлат органларининг бошқа қарорлари лойиҳалари фуқароларнинг, юридик шахсларнинг ҳуқуқлари ва қонуний манфаатларига, жамият манфаатларига мувофиқлигини аниқлаш учун уларни ўрганиш ҳамда баҳолашдан иборатдир.
Жамоатчилик экспертизасини нодавлат нотижорат ташкилотлари, фуқароларнинг ўзини ўзи бошқариш органлари ва оммавий ахборот воситалари қонунчиликда назарда тутилган ҳолларда ўтказиши мумкин.
Жамоатчилик экспертизасининг ташкилотчиси тегишли соҳада зарур билим ва тажрибага эга бўлган мутахассисларни жамоатчилик асосида жалб этиши ҳам мумкин.
13-модда. Жамоатчилик фикрини ўрганиш
Жамоатчилик фикрини ўрганиш турли ижтимоий гуруҳларнинг норматив-ҳуқуқий ҳужжатлар лойиҳалари тўғрисидаги, давлат органларининг, улар мансабдор шахсларининг қонунчилик талабларига риоя этишига, фуқароларнинг, юридик шахсларнинг ҳуқуқлари ва қонуний манфаатларини, жамият манфаатларини таъминлашга доир фаолияти тўғрисидаги фикрини баҳолаш мақсадида ахборотни йиғиш, умумлаштириш ҳамда таҳлил этишдан иборатдир.
Жамоатчилик фикрини ўрганишни нодавлат нотижорат ташкилотлари, фуқароларнинг ўзини ўзи бошқариш органлари ва оммавий ахборот воситалари қонунчиликка мувофиқ ўтказиши мумкин.
14-модда. Фуқароларнинг ўзини ўзи бошқариш органлари томонидан давлат органлари мансабдор шахсларининг ҳисоботлари ва ахборотини эшитиш
Фуқаролар йиғини:
Қорақалпоғистон Республикаси, вилоятлар, Тошкент шаҳар, туманлар ва шаҳарлар ижро этувчи ҳокимият органлари раҳбарларининг фуқаролар йиғинлари фаолияти соҳасига кирувчи масалалар юзасидан ҳисоботларини;
ички ишлар органлари профилактика инспекторларининг, жойлардаги таълим муассасалари раҳбарларининг ҳисоботларини;
тегишинча оилавий поликлиникалар ва қишлоқ врачлик пунктлари раҳбарларининг ахборотини;
тегишли ҳудудда жойлашган ташкилотлар раҳбарларининг атроф-муҳитни муҳофаза қилиш, ҳудуднинг санитария ҳолати, уни ободонлаштириш ва кўкаламзорлаштириш масалаларига доир ҳисоботларини эшитади.
15-модда. Жамоатчилик назорати субъектларининг ҳуқуқ ва мажбуриятлари
Жамоатчилик назорати субъектлари:
жамоатчилик назоратини амалга ошираётганда тадбирлар ўтказиш ташаббуси билан чиқишга, уларни ташкил этишга, шунингдек уларда иштирок этишга;
жамоатчилик назоратини амалга ошириш учун зарур бўлган ахборотни қонунчиликка мувофиқ давлат органларидан сўраб олишга;
жамоатчилик назорати натижаларига кўра таклифлар ва тавсиялар тайёрлашга ҳамда уларни тегишли давлат органларига кўриб чиқиш учун юборишга;
фуқароларнинг, юридик шахсларнинг ҳуқуқлари ва қонуний манфаатлари, жамият манфаатлари бузилганлиги фактлари аниқланган тақдирда, материалларни ҳуқуқни муҳофаза қилувчи органларга юборишга;
давлат органларининг қонунга хилоф қарорлари, улар мансабдор шахсларининг хатти-ҳаракатлари (ҳаракатсизлиги) устидан бўйсунув тартибида юқори турувчи органга ёки мансабдор шахсга ёхуд қонунда белгиланган тартибда судга шикоят қилишга;
жамоатчилик назорати натижаларини эълон қилишга ҳақлидир.
Жамоатчилик назорати субъектлари қонунчиликка мувофиқ бошқа ҳуқуқларга ҳам эга бўлиши мумкин.
Жамоатчилик назорати субъектлари:
жамоатчилик назорати тўғрисидаги қонунчилик талабларига риоя этиши;
қонунда белгиланган, давлат органларининг фаолияти билан боғлиқ бўлган чекловларга риоя этиши;
давлат органларининг, улар мансабдор шахсларининг ўз ваколатлари доирасида амалга оширадиган фаолиятига аралашмаслиги;
давлат органларининг фаолият кўрсатиши, шунингдек улар мансабдор шахсларининг фаолияти учун тўсиқлар яратмаслиги;
фуқароларнинг шаъни ва қадр-қиммати камситилишига, уларнинг шахсий ҳаётига аралашишга йўл қўймаслиги;
жамоатчилик назоратини амалга ошириш чоғида олинган ахборотнинг тарқатилиши қонун билан чекланган бўлса, унинг махфийлигига риоя этиши шарт.
Жамоатчилик назорати субъектларининг зиммасида қонунчиликка мувофиқ бошқа мажбуриятлар ҳам бўлиши мумкин.
16-модда. Давлат органларининг жамоатчилик назорати соҳасидаги ҳуқуқ ва мажбуриятлари
Давлат органлари:
жамоатчилик назорати субъектларидан жамоатчилик назоратини амалга ошириш тўғрисида ва унинг натижалари ҳақида ахборот олишга;
жамоатчилик назорати натижаларига кўра тайёрланган якуний ҳужжатларда кўрсатилган таклифлар ва тавсияларга нисбатан асослантирилган эътирозларини жамоатчилик назорати субъектларига юборишга;
ўзи амалга ошираётган фаолият устидан жамоатчилик назорати масалаларига доир ахборотни ўз расмий веб-сайтларида, шунингдек оммавий ахборот воситаларида жойлаштиришга;
жамоатчилик назоратини ўтказиш ташаббуси билан чиқишга ҳақли.
Давлат органлари қонунчиликка мувофиқ бошқа ҳуқуқларга ҳам эга бўлиши мумкин.
Давлат органлари:
жамоатчилик назорати субъектларига жамоатчилик манфаатига дахлдор бўлган ўз фаолияти тўғрисидаги ахборотни қонунчиликда белгиланган ҳолларда ва тартибда тақдим этиши;
ўзига жамоатчилик назорати субъектлари томонидан юборилган мурожаатлар ва сўровларни қонунчиликда белгиланган тартибда ва муддатларда кўриб чиқиши, мурожаатларга ва сўралаётган ахборотга жавоблар тақдим этиши, бундан давлат сирларини ёки қонун билан қўриқланадиган бошқа сирни ташкил этувчи маълумотлар ёхуд топширилиши жамоат тартибига ва фуқароларнинг ҳаётига таҳдид солиши мумкин бўлган маълумотлар мустасно;
жамоатчилик назорати субъектлари томонидан юборилган таклифлар ва тавсияларни, шунингдек якуний ҳужжатлар ва материалларни кўриб чиқиши шарт.
Давлат органларининг зиммасида қонунчиликка мувофиқ бошқа мажбуриятлар ҳам бўлиши мумкин.
17-модда. Жамоатчилик назоратининг натижалари
Жамоатчилик назоратининг натижаларига кўра баённома, хулоса, маълумотнома шаклида ёхуд қонунчиликда назарда тутилган бошқа шаклда якуний ҳужжат тайёрланиши мумкин.
Якуний ҳужжат ахборот ва тавсия хусусиятига эга бўлади.
Якуний ҳужжатда баён этилган ахборот, тавсия ва таклифлар давлат органлари томонидан мажбурий тартибда кўриб чиқилади ҳамда улар юзасидан қонуний қарорлар қабул қилинади.
Якуний ҳужжат давлат органига келиб тушган кундан эътиборан бир ойгача бўлган муддатда кўриб чиқилади, бундан қўшимча ўрганишни талаб этадиган якуний ҳужжатлар мустасно бўлиб, бу ҳақда якуний ҳужжатни киритган жамоатчилик назорати субъектига ўн кунлик муддатда ёзма шаклда хабар қилинади.
18-модда. Жамоатчилик назорати тўғрисидаги қонунчиликни бузганлик учун жавобгарлик
Жамоатчилик назорати тўғрисидаги қонунчиликни бузганликда айбдор шахслар белгиланган тартибда жавобгар бўлади.
19-модда. Ушбу Қонуннинг ижросини, етказилишини, моҳияти ва аҳамияти тушунтирилишини таъминлаш
Ўзбекистон Республикаси Вазирлар Маҳкамаси ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
20-модда. Қонунчиликни ушбу Қонунга мувофиқлаштириш
Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
21-модда. Ушбу Қонуннинг кучга кириши
Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2018 йил 12 апрель,
ЎРҚ-474-сон
Oʻzbekiston Respublikasining Qonuni
Jamoatchilik nazorati toʻgʻrisida
Qonunchilik palatasi tomonidan 2017-yil 15-noyabrda qabul qilingan Senat tomonidan 2018-yil 29-martda maʼqullangan
1-modda. Ushbu Qonunning maqsadi
Ushbu Qonunning maqsadi davlat organlari va muassasalari (bundan buyon matnda davlat organlari deb yuritiladi) faoliyati ustidan jamoatchilik nazoratini tashkil etish hamda amalga oshirish sohasidagi munosabatlarni tartibga solishdan iborat.
2-modda. Jamoatchilik nazorati toʻgʻrisidagi qonunchilik
Jamoatchilik nazorati toʻgʻrisidagi qonunchilik ushbu Qonun va boshqa qonunchilik hujjatlaridan iboratdir.
Qonunchilikda kasaba uyushmalari tomonidan jamoatchilik nazoratini amalga oshirishning oʻziga xos xususiyatlari belgilanishi mumkin.
Referendumlarga, saylovlarga tayyorgarlik koʻrish va ularni oʻtkazish, shuningdek mudofaa, jamoat xavfsizligi va huquq-tartibot, tezkor-qidiruv faoliyati, surishtiruv, dastlabki tergov, sud ishlarini yuritish, jazolarni ijro etish sohasida jamoatchilik nazoratini amalga oshirish alohida qonunchilik bilan tartibga solinadi.
3-modda. Jamoatchilik nazorati subyektlari
Oʻzbekiston Respublikasi fuqarolari (bundan buyon matnda fuqarolar deb yuritiladi), fuqarolarning oʻzini oʻzi boshqarish organlari, shuningdek qonunchilikda belgilangan tartibda roʻyxatga olingan nodavlat notijorat tashkilotlari, ommaviy axborot vositalari jamoatchilik nazorati subyektlaridir.
Jamoatchilik nazorati jamoatchilik kengashlari, komissiyalari va boshqa jamoatchilik tashkiliy tuzilmalari tomonidan ham qonunchilikka muvofiq amalga oshirilishi mumkin.
4-modda. Jamoatchilik nazoratining obyekti
Davlat organlarining va ular mansabdor shaxslarining:
qabul qilinayotgan normativ-huquqiy hujjatlarda, qarorlarda, shuningdek rivojlanish davlat, tarmoq va hududiy dasturlarida jamoatchilik manfaatlarini, jamoatchilik fikrini hisobga olishga;
fuqarolarning, yuridik shaxslarning huquqlari va qonuniy manfaatlarini, jamiyat manfaatlarini himoya qilish sohasidagi qonunchilik talablarining ijro etilishini taʼminlashga;
oʻz zimmasiga yuklatilgan, ijtimoiy va jamoatchilik manfaatlariga daxldor boʻlgan vazifalar va funksiyalarni bajarishga;
davlat xizmatlarini koʻrsatishga;
ijtimoiy sheriklik doirasida amalga oshiriladigan bitimlar, shartnomalar, loyihalar va dasturlarni bajarishga doir faoliyati jamoatchilik nazoratining obyektidir.
5-modda. Jamoatchilik nazoratining asosiy prinsiplari
Jamoatchilik nazoratining asosiy prinsiplari quyidagilardan iborat:
qonuniylik;
fuqarolarning huquqlari, erkinliklari va qonuniy manfaatlari ustuvorligi;
jamoatchilik nazoratini amalga oshirishda ishtirok etishning ixtiyoriyligi;
jamoatchilik nazoratini amalga oshirishning ommaviyligi va ochiqligi;
jamoatchilik nazorati subyektlarining xolisligi va begʻarazligi;
jamoatchilik nazorati natijalarining ishonchliligi;
jamoatchilik nazorati subyektlarining davlat organlari, ularning mansabdor shaxslari faoliyatiga asossiz aralashuviga va ularga gʻayriqonuniy taʼsir koʻrsatishiga yoʻl qoʻyilmasligi.
6-modda. Jamoatchilik nazoratining shakllari
Jamoatchilik nazoratining shakllari quyidagilardan iborat:
davlat organlariga murojaatlar va soʻrovlar;
davlat organlarining ochiq hayʼat majlislarida ishtirok etish;
jamoatchilik muhokamasi;
jamoatchilik eshituvi;
jamoatchilik monitoringi;
jamoatchilik ekspertizasi;
jamoatchilik fikrini oʻrganish;
fuqarolarning oʻzini oʻzi boshqarish organlari tomonidan davlat organlari mansabdor shaxslarining hisobotlari va axborotini eshitish.
Jamoatchilik nazorati qonunchilikka muvofiq boshqa shakllarda ham amalga oshirilishi mumkin.
7-modda. Davlat organlariga murojaatlar va soʻrovlar
Jamoatchilik nazorati subyektlari davlat organlariga arizalar, shikoyatlar va takliflar bilan murojaat qilishga, shuningdek qonunchilikda belgilangan tartibda ularga soʻrovlar yuborishga haqli.
Jamoatchilik nazorati subyektlarining murojaatlari va soʻrovlari qonunchilikda belgilangan tartibda davlat organlari tomonidan koʻrib chiqiladi.
Jamoatchilik nazorati subyektlarining axborot olishga boʻlgan huquqi, agar mazkur axborot shaxsga doir maʼlumotlar yoxud davlat sirlarini yoki qonun bilan qoʻriqlanadigan boshqa sirni tashkil etuvchi maʼlumotlar jumlasiga kiritilgan boʻlsa, cheklanishi mumkin.
8-modda. Davlat organlarining ochiq hayʼat majlislarida ishtirok etish
Jamoatchilik nazorati subyektlari qonunchilikda belgilangan tartibda davlat organlarining ochiq hayʼat majlislarida ishtirok etish huquqiga ega.
Davlat organlari oʻzining ochiq hayʼat majlislarida jamoatchilik nazorati subyektlari ishtirok etishi uchun sharoitlar yaratadi.
9-modda. Jamoatchilik muhokamasi
Ijtimoiy ahamiyatga molik masalalarni, shuningdek normativ-huquqiy hujjatlar, davlat organlarining boshqa qarorlari loyihalarini ommaviy muhokama qilish jamoatchilik muhokamasidir.
Jamoatchilik muhokamasini nodavlat notijorat tashkilotlari, fuqarolarning oʻzini oʻzi boshqarish organlari va ommaviy axborot vositalari oʻtkazishi mumkin.
Jamoatchilik muhokamasi turli ijtimoiy guruhlarning vakillari, shu jumladan muhokama etilayotgan masala oʻz huquqlari va qonuniy manfaatlariga daxldor boʻlgan yoki daxldor boʻlishi mumkin boʻlgan shaxslar ishtirokida oʻtkazilishi mumkin.
Jamoatchilik muhokamasi ommaviy va ochiq oʻtkaziladi. Jamoatchilik muhokamasining ishtirokchilari jamoatchilik muhokamasiga kiritilgan masalalar yuzasidan oʻz fikrini erkin bildirishga va takliflar kiritishga haqli. Jamoatchilik muhokamasi ommaviy axborot vositalari orqali va axborot-kommunikatsiya texnologiyalaridan foydalangan holda ham oʻtkazilishi mumkin.
Jamoatchilik muhokamasining tashkilotchisi jamoatchilik muhokamasiga kiritilayotgan masalalar, muhokamani oʻtkazish muddati va tartibi toʻgʻrisidagi axborotni oldindan eʼlon qiladi. Bunda tashkilotchi oʻz ixtiyoridagi, jamoatchilik muhokamasiga kiritilayotgan masalalarga taalluqli boʻlgan materiallardan jamoatchilik muhokamasining barcha ishtirokchilari erkin foydalanishini taʼminlaydi.
10-modda. Jamoatchilik eshituvi
Davlat organlarining, ular mansabdor shaxslarining faoliyatiga taalluqli va ijtimoiy ahamiyatga ega boʻlgan yoxud fuqarolarning, yuridik shaxslarning huquqlari va qonuniy manfaatlariga, jamiyat manfaatlariga daxldor masalalarni muhokama qilish uchun tashkil etiladigan yigʻilish jamoatchilik eshituvidir.
Jamoatchilik eshituvini nodavlat notijorat tashkilotlari, fuqarolarning oʻzini oʻzi boshqarish organlari va ommaviy axborot vositalari oʻtkazishi mumkin.
Jamoatchilik eshituvi turli ijtimoiy guruhlarning vakillari, shu jumladan muhokama etilayotgan masala oʻz huquqlari va qonuniy manfaatlariga daxldor boʻlgan yoki daxldor boʻlishi mumkin boʻlgan shaxslar ishtirokida oʻtkazilishi mumkin.
Jamoatchilik eshituvi ommaviy va ochiq oʻtkaziladi. Jamoatchilik eshituvining ishtirokchilari jamoatchilik eshituviga kiritilgan masalalar yuzasidan oʻz fikrini erkin bildirishga va takliflar kiritishga haqli.
Jamoatchilik eshituvining tashkilotchisi jamoatchilik eshituviga kiritilayotgan masalalar, eshituvni oʻtkazish muddati va tartibi toʻgʻrisidagi axborotni oldindan eʼlon qiladi. Bunda tashkilotchi oʻz ixtiyoridagi, jamoatchilik eshituviga kiritilayotgan masalalarga taalluqli boʻlgan materiallardan jamoatchilik eshituvining barcha ishtirokchilari erkin foydalanishini taʼminlaydi.
11-modda. Jamoatchilik monitoringi
Davlat organlarining va ular mansabdor shaxslarining faoliyatini jamoatchilik manfaatiga daxldor axborotni yigʻish, umumlashtirish va tahlil etish orqali kuzatish jamoatchilik monitoringidir.
Jamoatchilik monitoringini nodavlat notijorat tashkilotlari, fuqarolarning oʻzini oʻzi boshqarish organlari va jamoatchilik nazoratining boshqa subyektlari qonunchilikda nazarda tutilgan hollarda oʻtkazishi mumkin.
Jamoatchilik monitoringi ommaviy va ochiq oʻtkaziladi. Jamoatchilik monitoringi axborot-kommunikatsiya texnologiyalaridan foydalangan holda ham oʻtkazilishi mumkin.
Jamoatchilik monitoringining tashkilotchisi jamoatchilik monitoringining obyekti, uni oʻtkazish muddati va tartibi toʻgʻrisidagi axborotni oldindan eʼlon qiladi.
12-modda. Jamoatchilik ekspertizasi
Jamoatchilik ekspertizasi normativ-huquqiy hujjatlar va davlat organlarining boshqa qarorlari loyihalari fuqarolarning, yuridik shaxslarning huquqlari va qonuniy manfaatlariga, jamiyat manfaatlariga muvofiqligini aniqlash uchun ularni oʻrganish hamda baholashdan iboratdir.
Jamoatchilik ekspertizasini nodavlat notijorat tashkilotlari, fuqarolarning oʻzini oʻzi boshqarish organlari va ommaviy axborot vositalari qonunchilikda nazarda tutilgan hollarda oʻtkazishi mumkin.
Jamoatchilik ekspertizasining tashkilotchisi tegishli sohada zarur bilim va tajribaga ega boʻlgan mutaxassislarni jamoatchilik asosida jalb etishi ham mumkin.
13-modda. Jamoatchilik fikrini oʻrganish
Jamoatchilik fikrini oʻrganish turli ijtimoiy guruhlarning normativ-huquqiy hujjatlar loyihalari toʻgʻrisidagi, davlat organlarining, ular mansabdor shaxslarining qonunchilik talablariga rioya etishiga, fuqarolarning, yuridik shaxslarning huquqlari va qonuniy manfaatlarini, jamiyat manfaatlarini taʼminlashga doir faoliyati toʻgʻrisidagi fikrini baholash maqsadida axborotni yigʻish, umumlashtirish hamda tahlil etishdan iboratdir.
Jamoatchilik fikrini oʻrganishni nodavlat notijorat tashkilotlari, fuqarolarning oʻzini oʻzi boshqarish organlari va ommaviy axborot vositalari qonunchilikka muvofiq oʻtkazishi mumkin.
14-modda. Fuqarolarning oʻzini oʻzi boshqarish organlari tomonidan davlat organlari mansabdor shaxslarining hisobotlari va axborotini eshitish
Fuqarolar yigʻini:
Qoraqalpogʻiston Respublikasi, viloyatlar, Toshkent shahar, tumanlar va shaharlar ijro etuvchi hokimiyat organlari rahbarlarining fuqarolar yigʻinlari faoliyati sohasiga kiruvchi masalalar yuzasidan hisobotlarini;
ichki ishlar organlari profilaktika inspektorlarining, joylardagi taʼlim muassasalari rahbarlarining hisobotlarini;
tegishincha oilaviy poliklinikalar va qishloq vrachlik punktlari rahbarlarining axborotini;
tegishli hududda joylashgan tashkilotlar rahbarlarining atrof-muhitni muhofaza qilish, hududning sanitariya holati, uni obodonlashtirish va koʻkalamzorlashtirish masalalariga doir hisobotlarini eshitadi.
15-modda. Jamoatchilik nazorati subyektlarining huquq va majburiyatlari
Jamoatchilik nazorati subyektlari:
jamoatchilik nazoratini amalga oshirayotganda tadbirlar oʻtkazish tashabbusi bilan chiqishga, ularni tashkil etishga, shuningdek ularda ishtirok etishga;
jamoatchilik nazoratini amalga oshirish uchun zarur boʻlgan axborotni qonunchilikka muvofiq davlat organlaridan soʻrab olishga;
jamoatchilik nazorati natijalariga koʻra takliflar va tavsiyalar tayyorlashga hamda ularni tegishli davlat organlariga koʻrib chiqish uchun yuborishga;
fuqarolarning, yuridik shaxslarning huquqlari va qonuniy manfaatlari, jamiyat manfaatlari buzilganligi faktlari aniqlangan taqdirda, materiallarni huquqni muhofaza qiluvchi organlarga yuborishga;
davlat organlarining qonunga xilof qarorlari, ular mansabdor shaxslarining xatti-harakatlari (harakatsizligi) ustidan boʻysunuv tartibida yuqori turuvchi organga yoki mansabdor shaxsga yoxud qonunda belgilangan tartibda sudga shikoyat qilishga;
jamoatchilik nazorati natijalarini eʼlon qilishga haqlidir.
Jamoatchilik nazorati subyektlari qonunchilikka muvofiq boshqa huquqlarga ham ega boʻlishi mumkin.
Jamoatchilik nazorati subyektlari:
jamoatchilik nazorati toʻgʻrisidagi qonunchilik talablariga rioya etishi;
qonunda belgilangan, davlat organlarining faoliyati bilan bogʻliq boʻlgan cheklovlarga rioya etishi;
davlat organlarining, ular mansabdor shaxslarining oʻz vakolatlari doirasida amalga oshiradigan faoliyatiga aralashmasligi;
davlat organlarining faoliyat koʻrsatishi, shuningdek ular mansabdor shaxslarining faoliyati uchun toʻsiqlar yaratmasligi;
fuqarolarning shaʼni va qadr-qimmati kamsitilishiga, ularning shaxsiy hayotiga aralashishga yoʻl qoʻymasligi;
jamoatchilik nazoratini amalga oshirish chogʻida olingan axborotning tarqatilishi qonun bilan cheklangan boʻlsa, uning maxfiyligiga rioya etishi shart.
Jamoatchilik nazorati subyektlarining zimmasida qonunchilikka muvofiq boshqa majburiyatlar ham boʻlishi mumkin.
16-modda. Davlat organlarining jamoatchilik nazorati sohasidagi huquq va majburiyatlari
Davlat organlari:
jamoatchilik nazorati subyektlaridan jamoatchilik nazoratini amalga oshirish toʻgʻrisida va uning natijalari haqida axborot olishga;
jamoatchilik nazorati natijalariga koʻra tayyorlangan yakuniy hujjatlarda koʻrsatilgan takliflar va tavsiyalarga nisbatan asoslantirilgan eʼtirozlarini jamoatchilik nazorati subyektlariga yuborishga;
oʻzi amalga oshirayotgan faoliyat ustidan jamoatchilik nazorati masalalariga doir axborotni oʻz rasmiy veb-saytlarida, shuningdek ommaviy axborot vositalarida joylashtirishga;
jamoatchilik nazoratini oʻtkazish tashabbusi bilan chiqishga haqli.
Davlat organlari qonunchilikka muvofiq boshqa huquqlarga ham ega boʻlishi mumkin.
Davlat organlari:
jamoatchilik nazorati subyektlariga jamoatchilik manfaatiga daxldor boʻlgan oʻz faoliyati toʻgʻrisidagi axborotni qonunchilikda belgilangan hollarda va tartibda taqdim etishi;
oʻziga jamoatchilik nazorati subyektlari tomonidan yuborilgan murojaatlar va soʻrovlarni qonunchilikda belgilangan tartibda va muddatlarda koʻrib chiqishi, murojaatlarga va soʻralayotgan axborotga javoblar taqdim etishi, bundan davlat sirlarini yoki qonun bilan qoʻriqlanadigan boshqa sirni tashkil etuvchi maʼlumotlar yoxud topshirilishi jamoat tartibiga va fuqarolarning hayotiga tahdid solishi mumkin boʻlgan maʼlumotlar mustasno;
jamoatchilik nazorati subyektlari tomonidan yuborilgan takliflar va tavsiyalarni, shuningdek yakuniy hujjatlar va materiallarni koʻrib chiqishi shart.
Davlat organlarining zimmasida qonunchilikka muvofiq boshqa majburiyatlar ham boʻlishi mumkin.
17-modda. Jamoatchilik nazoratining natijalari
Jamoatchilik nazoratining natijalariga koʻra bayonnoma, xulosa, maʼlumotnoma shaklida yoxud qonunchilikda nazarda tutilgan boshqa shaklda yakuniy hujjat tayyorlanishi mumkin.
Yakuniy hujjat axborot va tavsiya xususiyatiga ega boʻladi.
Yakuniy hujjatda bayon etilgan axborot, tavsiya va takliflar davlat organlari tomonidan majburiy tartibda koʻrib chiqiladi hamda ular yuzasidan qonuniy qarorlar qabul qilinadi.
Yakuniy hujjat davlat organiga kelib tushgan kundan eʼtiboran bir oygacha boʻlgan muddatda koʻrib chiqiladi, bundan qoʻshimcha oʻrganishni talab etadigan yakuniy hujjatlar mustasno boʻlib, bu haqda yakuniy hujjatni kiritgan jamoatchilik nazorati subyektiga oʻn kunlik muddatda yozma shaklda xabar qilinadi.
18-modda. Jamoatchilik nazorati toʻgʻrisidagi qonunchilikni buzganlik uchun javobgarlik
Jamoatchilik nazorati toʻgʻrisidagi qonunchilikni buzganlikda aybdor shaxslar belgilangan tartibda javobgar boʻladi.
19-modda. Ushbu Qonunning ijrosini, yetkazilishini, mohiyati va ahamiyati tushuntirilishini taʼminlash
Oʻzbekiston Respublikasi Vazirlar Mahkamasi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
20-modda. Qonunchilikni ushbu Qonunga muvofiqlashtirish
Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
21-modda. Ushbu Qonunning kuchga kirishi
Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2018-yil 12-aprel,
OʻRQ-474-son
Закон Республики Узбекистан
Об общественном контроле
Принят Законодательной палатой 15 ноября 2017 года Одобрен Сенатом 29 марта 2018 года
Статья 1. Цель настоящего Закона
Целью настоящего Закона является регулирование отношений в области организации и осуществления общественного контроля над деятельностью государственных органов и учреждений (далее — государственные органы).
Статья 2. Законодательство об общественном контроле
Законодательство об общественном контроле состоит из настоящего Закона и иных актов законодательства.
Законодательством могут быть установлены особенности осуществления общественного контроля профессиональными союзами.
Осуществление общественного контроля в сфере подготовки и проведения референдумов, выборов, а также обороны, общественной безопасности и правопорядка, оперативно-розыскной деятельности, дознания, предварительного следствия, судопроизводства, исполнения наказаний регламентируется отдельными актами законодательства.
Статья 3. Субъекты общественного контроля
Субъектами общественного контроля являются граждане Республики Узбекистан (далее — граждане), органы самоуправления граждан, а также негосударственные некоммерческие организации, средства массовой информации, зарегистрированные в установленном законодательством порядке.
Общественный контроль может осуществляться также общественными советами, комиссиями и иными общественными организационными структурами в соответствии с законодательством.
Статья 4. Объект общественного контроля
Объектом общественного контроля является деятельность государственных органов и их должностных лиц по:
учету общественных интересов, общественного мнения в принимаемых нормативно-правовых актах, решениях, а также в государственных, отраслевых и территориальных программах развития;
обеспечению исполнения требований законодательства в сфере защиты прав и законных интересов граждан, юридических лиц, интересов общества;
выполнению возложенных на них задач и функций, затрагивающих социальные и общественные интересы;
оказанию государственных услуг;
реализации соглашений, договоров, проектов и программ, осуществляемых в рамках социального партнерства.
Статья 5. Основные принципы общественного контроля
Основными принципами общественного контроля являются:
законность;
приоритет прав, свобод и законных интересов граждан;
добровольность участия в осуществлении общественного контроля;
публичность и открытость осуществления общественного контроля;
объективность и беспристрастность субъектов общественного контроля;
достоверность результатов общественного контроля;
недопустимость необоснованного вмешательства субъектов общественного контроля в деятельность государственных органов, их должностных лиц и оказания неправомерного воздействия на них.
Статья 6. Формы общественного контроля
Формами общественного контроля являются:
обращения и запросы в государственные органы;
участие на открытых коллегиальных заседаниях государственных органов;
общественное обсуждение;
общественное слушание;
общественный мониторинг;
общественная экспертиза;
изучение общественного мнения;
заслушивание органами самоуправления граждан отчетов и информации должностных лиц государственных органов.
Общественный контроль может осуществляться и в иных формах в соответствии с законодательством.
Статья 7. Обращения и запросы в государственные органы
Субъекты общественного контроля вправе обращаться в государственные органы с заявлениями, жалобами и предложениями, а также направлять им запросы в порядке, установленном законодательством.
Обращения и запросы субъектов общественного контроля рассматриваются государственными органами в порядке, установленном законодательством.
Право субъектов общественного контроля на информацию может быть ограничено в случае, если указанная информация отнесена к персональным данным либо сведениям, составляющим государственные секреты или иную охраняемую законом тайну.
Статья 8. Участие на открытых коллегиальных заседаниях государственных органов
Субъекты общественного контроля имеют право участвовать на открытых коллегиальных заседаниях государственных органов в порядке, установленном законодательством.
Государственные органы создают условия для участия субъектов общественного контроля на их открытых коллегиальных заседаниях.
Статья 9. Общественное обсуждение
Общественным обсуждением является публичное обсуждение общественно значимых вопросов, а также проектов нормативно-правовых актов, иных решений государственных органов.
Общественное обсуждение могут проводить негосударственные некоммерческие организации, органы самоуправления граждан и средства массовой информации.
Общественное обсуждение может проводиться с участием представителей различных социальных групп, в том числе лиц, права и законные интересы которых затрагивает или может затронуть обсуждаемый вопрос.
Общественное обсуждение проводится публично и открыто. Участники общественного обсуждения вправе свободно высказывать свое мнение и вносить предложения по вопросам, вынесенным на общественное обсуждение. Общественное обсуждение может проводиться также через средства массовой информации и с использованием информационно-коммуникационных технологий.
Организатор общественного обсуждения заблаговременно обнародует информацию о вопросах, выносимых на общественное обсуждение, сроке и порядке его проведения. При этом организатор обеспечивает всем участникам общественного обсуждения свободный доступ к имеющимся в его распоряжении материалам, касающимся вопросов, выносимых на общественное обсуждение.
Статья 10. Общественное слушание
Общественным слушанием является собрание, организуемое для обсуждения вопросов, касающихся деятельности государственных органов, их должностных лиц и имеющих общественную значимость либо затрагивающих права и законные интересы граждан, юридических лиц, интересы общества.
Общественное слушание могут проводить негосударственные некоммерческие организации, органы самоуправления граждан и средства массовой информации.
Общественное слушание может проводиться с участием представителей различных социальных групп, в том числе лиц, права и законные интересы которых затрагивает или может затронуть обсуждаемый вопрос.
Общественное слушание проводится публично и открыто. Участники общественного слушания вправе свободно высказывать свое мнение и вносить предложения по вопросам, вынесенным на общественное слушание.
Организатор общественного слушания заблаговременно обнародует информацию о вопросах, выносимых на общественное слушание, сроке и порядке его проведения. При этом организатор обеспечивает всем участникам общественного слушания свободный доступ к имеющимся в его распоряжении материалам, касающимся вопросов, выносимых на общественное слушание.
Статья 11. Общественный мониторинг
Общественным мониторингом является наблюдение за деятельностью государственных органов и их должностных лиц посредством сбора, обобщения и анализа информации, затрагивающей общественный интерес.
Общественный мониторинг могут проводить негосударственные некоммерческие организации, органы самоуправления граждан и другие субъекты общественного контроля в случаях, предусмотренных законодательством.
Общественный мониторинг проводится публично и открыто. Общественный мониторинг может проводиться также с использованием информационно-коммуникационных технологий.
Организатор общественного мониторинга заблаговременно обнародует информацию об объекте общественного мониторинга, сроке и порядке его проведения.
Статья 12. Общественная экспертиза
Общественной экспертизой является изучение и оценка проектов нормативно-правовых актов и иных решений государственных органов на предмет их соответствия правам и законным интересам граждан, юридических лиц, интересам общества.
Общественную экспертизу могут проводить негосударственные некоммерческие организации, органы самоуправления граждан и средства массовой информации в случаях, предусмотренных законодательством.
Организатор общественной экспертизы может также привлечь на общественных началах специалистов, обладающих необходимыми знаниями и опытом работы в соответствующей сфере.
Статья 13. Изучение общественного мнения
Изучением общественного мнения является сбор, обобщение и анализ информации с целью оценки мнения различных социальных групп о проектах нормативно-правовых актов, деятельности государственных органов, их должностных лиц по соблюдению ими требований законодательства, обеспечению прав и законных интересов граждан, юридических лиц, интересов общества.
Изучение общественного мнения могут проводить негосударственные некоммерческие организации, органы самоуправления граждан и средства массовой информации в соответствии с законодательством.
Статья 14. Заслушивание органами самоуправления граждан отчетов и информации должностных лиц государственных органов
Сход граждан заслушивает:
отчеты руководителей органов исполнительной власти Республики Каракалпакстан, областей, города Ташкента, районов и городов по вопросам, входящим в сферу деятельности сходов граждан;
отчеты инспекторов по профилактике органов внутренних дел, руководителей образовательных учреждений на местах;
информацию соответственно руководителей семейных поликлиник и сельских врачебных пунктов;
отчеты руководителей организаций, расположенных на соответствующей территории, по вопросам охраны окружающей среды, санитарного состояния, благоустройства и озеленения территории.
Статья 15. Права и обязанности субъектов общественного контроля
Субъекты общественного контроля вправе:
при осуществлении общественного контроля инициировать, организовывать мероприятия, а также участвовать в них;
запрашивать в соответствии с законодательством у государственных органов необходимую информацию для осуществления общественного контроля;
подготавливать по результатам общественного контроля предложения и рекомендации и направлять их на рассмотрение в соответствующие государственные органы;
в случае выявления фактов нарушения прав и законных интересов граждан, юридических лиц, интересов общества направлять материалы в правоохранительные органы;
обжаловать незаконные решения государственных органов, действия (бездействие) их должностных лиц вышестоящему в порядке подчиненности органу или должностному лицу либо в суд в порядке, установленном законом;
обнародовать результаты общественного контроля.
Субъекты общественного контроля могут иметь и иные права в соответствии с законодательством.
Субъекты общественного контроля обязаны:
соблюдать требования законодательства об общественном контроле;
соблюдать установленные законом ограничения, связанные с деятельностью государственных органов;
не вмешиваться в деятельность государственных органов, их должностных лиц, осуществляемую в пределах их полномочий;
не создавать препятствий для функционирования государственных органов, а также деятельности их должностных лиц;
не допускать унижения чести и достоинства граждан, вмешательства в их личную жизнь;
соблюдать конфиденциальность полученной в ходе осуществления общественного контроля информации, если ее распространение ограничено законом.
Субъекты общественного контроля могут нести и иные обязанности в соответствии с законодательством.
Статья 16. Права и обязанности государственных органов в области общественного контроля
Государственные органы вправе:
получать от субъектов общественного контроля информацию об осуществлении общественного контроля и о его результатах;
направлять субъектам общественного контроля обоснованные возражения на предложения и рекомендации, содержащиеся в итоговых документах, подготовленных по результатам общественного контроля;
размещать информацию по вопросам общественного контроля за осуществляемой ими деятельностью на своих официальных веб-сайтах, а также в средствах массовой информации;
инициировать проведение общественного контроля.
Государственные органы могут иметь и иные права в соответствии с законодательством.
Государственные органы обязаны:
предоставлять субъектам общественного контроля в случаях и порядке, установленных законодательством, информацию о своей деятельности, затрагивающую общественный интерес;
рассматривать направленные им обращения и запросы субъектов общественного контроля в порядке и сроки, установленные законодательством, предоставлять ответы на обращения и запрашиваемую информацию, за исключением сведений, составляющих государственные секреты или иную охраняемую законом тайну либо передача которых может создать угрозу общественному порядку и жизни граждан;
рассматривать направленные субъектами общественного контроля предложения и рекомендации, а также итоговые документы и материалы.
Государственные органы могут нести и иные обязанности в соответствии с законодательством.
Статья 17. Результаты общественного контроля
По результатам общественного контроля может быть подготовлен итоговый документ в форме протокола, заключения, справки либо иной форме, предусмотренной законодательством.
Итоговый документ носит информационный и рекомендательный характер.
Информация, рекомендации и предложения, изложенные в итоговом документе, рассматриваются государственными органами в обязательном порядке и по ним принимаются законные решения.
Окончательный документ рассматривается в срок до одного месяца со дня его поступления в государственный орган, за исключением окончательных документов, требующих дополнительного изучения, о чем в десятидневный срок в письменной форме сообщается субъекту общественного контроля, внесшему окончательный документ.
Статья 18. Ответственность за нарушение законодательства об общественном контроле
Лица, виновные в нарушении законодательства об общественном контроле, несут ответственность в установленном порядке.
Статья 19. Обеспечение исполнения, доведения, разъяснения сути и значения настоящего Закона
Кабинету Министров Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 20. Приведение законодательства в соответствие с настоящим Законом
Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену органами государственного управления их нормативно-правовых актов, противоречащих настоящему Закону.
Статья 21. Вступление в силу настоящего Закона
Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
12 апреля 2018 г.,
№ ЗРУ-474