📅 2018-yil 16-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 16 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 апреля 2018 г. · Постановления Президента
Официальный текст. Официальный документ. Редакционные примечания не включены.
📅 16 April 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Дин ишлари бўйича қўмита фаолиятини такомиллаштириш чора-тадбирлари тўғрисида
Ўзбекистон Республикаси Президентининг 2018 йил 16 апрелдаги ПФ-5416-сон «Диний-маърифий соҳа фаолиятини тубдан такомиллаштириш чора-тадбирлари тўғрисида»ги Фармонига мувофиқ хамда Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита фаолиятини янада такомиллаштириш мақсадида:
3. Давлат ҳокимияти ва бошқаруви органлари ҳамда маҳаллий давлат ҳокимияти органлари Ўзбекистон Республикаси Дин ишлари бўйича қўмитаси (кейинги ўринларда — Қўмита) сўровига кўра унга юклатилган вазифалар билан боғлиқ бўлган зарур ҳужжатлар, статистик ва бошқа маълумотлар, таҳлилий материаллар, хулосалар ва бошқа ахборотнинг бепул тақдим этилишини таъминласин.
4. Белгилаб қўйилсинки:
Кенгаш Қўмита ҳузурида фаолият юритадиган жамоатчилик-маслаҳат органи ҳисобланади;
Қўмита раиси лавозимига кўра Кенгаш раиси ҳисобланади;
Кенгаш аъзолари ўз фаолиятини жамоатчилик асосида олиб боради;
Кенгаш ўз мажлисларида республика ҳудудлари ва хорижий давлатлардаги диний-ижтимоий жараёнларнинг жорий ҳолатини, шу жумладан Марказ томонидан тайёрланган ахборот-таҳлилий материалларнинг тегишли қисмини доимий равишда муҳокама қилиб боради ва натижасига кўра Қўмитага тавсиялар беради;
Кенгаш Қўмита томонидан тасдиқланадиган низом асосида фаолият олиб боради.
6. Ўзбекистон Республикаси Молия вазирлиги:
ушбу қарордан келиб чиқиб, 2018 йил учун тасдиқланган Ўзбекистон Республикаси Давлат бюджети параметрлари доирасида зарур бўлган бюджет маблағларини ажратсин, 2019 йилдан бошлаб эса ҳар йили ушбу маблағларни назарда тутсин;
Қўмитанинг асосли ҳисоб-китоблари асосида янги ташкил этилган таркибий тузилмалар ва Марказ учун зарур бўладиган компьютер техникаси, мебель ва жиҳозлар, алоқа тармоғи билан таъминлаш ҳамда Марказ жойлаштириладиган маъмурий бинони таъмирлаш учун маблағлар ажратилишини таъминласин.
7. Ўзбекистон Республикаси Вазирлар Маҳкамасининг 3-иловага мувофиқ айрим қарорлари ўз кучини йўқотган деб ҳисоблансин.
8. Қўмита Ўзбекистон Республикаси Адлия вазирлиги ҳамда бошқа манфаатдор идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
9. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президентининг давлат маслаҳатчилари Р.Т. Камилов ва Р.С. Косимов зиммасига юклансин.
Ўзбекистон Республикаси Президентининг 2018 йил 16 апрелдаги ПҚ-3668-сон қарорига 3-ИЛОВА
Ўзбекистон Республикаси Вазирлар Маҳкамасининг ўз кучини йўқотган деб топилаётган айрим қарорлари
1. Вазирлар Маҳкамасининг 2004 йил 23 апрелдаги 196-сон «Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита фаолиятини янада такомиллаштириш тўғрисида»ги қарорининг (Ўзбекистон Республикаси ҚТ, 2004 й., 4-сон, 41-модда) 1 ва 3-бандлари , қарорга 1-илова .
2. Вазирлар Маҳкамасининг 2014 йил 20 январдаги 10-сон «Диний мазмундаги материалларни тайёрлаш, олиб кириш ва тарқатиш соҳасидаги фаолиятни амалга ошириш тартибини такомиллаштириш чора-тадбирлари тўғрисида»ги қарорининг (Ўзбекистон Республикаси ҚТ, 2014 й., 1-сон, 5-модда) 1-банди тўртинчи хатбошиси ва қарорга 3-илова .
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 16 апрель,
ПҚ-3668-сон
Oʻzbekiston Respublikasi Prezidentining
Qarori
ROʻYXATI
Din ishlari boʻyicha qoʻmita faoliyatini takomillashtirish chora-tadbirlari toʻgʻrisida
Oʻzbekiston Respublikasi Prezidentining 2018-yil 16-apreldagi PF-5416-son “Diniy-maʼrifiy soha faoliyatini tubdan takomillashtirish chora-tadbirlari toʻgʻrisida”gi Farmoniga muvofiq xamda Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita faoliyatini yanada takomillashtirish maqsadida:
3. Davlat hokimiyati va boshqaruvi organlari hamda mahalliy davlat hokimiyati organlari Oʻzbekiston Respublikasi Din ishlari boʻyicha qoʻmitasi (keyingi oʻrinlarda — Qoʻmita) soʻroviga koʻra unga yuklatilgan vazifalar bilan bogʻliq boʻlgan zarur hujjatlar, statistik va boshqa maʼlumotlar, tahliliy materiallar, xulosalar va boshqa axborotning bepul taqdim etilishini taʼminlasin.
4. Belgilab qoʻyilsinki:
Kengash Qoʻmita huzurida faoliyat yuritadigan jamoatchilik-maslahat organi hisoblanadi;
Qoʻmita raisi lavozimiga koʻra Kengash raisi hisoblanadi;
Kengash aʼzolari oʻz faoliyatini jamoatchilik asosida olib boradi;
Kengash oʻz majlislarida respublika hududlari va xorijiy davlatlardagi diniy-ijtimoiy jarayonlarning joriy holatini, shu jumladan Markaz tomonidan tayyorlangan axborot-tahliliy materiallarning tegishli qismini doimiy ravishda muhokama qilib boradi va natijasiga koʻra Qoʻmitaga tavsiyalar beradi;
Kengash Qoʻmita tomonidan tasdiqlanadigan nizom asosida faoliyat olib boradi.
6. Oʻzbekiston Respublikasi Moliya vazirligi:
ushbu qarordan kelib chiqib, 2018-yil uchun tasdiqlangan Oʻzbekiston Respublikasi Davlat budjeti parametrlari doirasida zarur boʻlgan budjet mablagʻlarini ajratsin, 2019-yildan boshlab esa har yili ushbu mablagʻlarni nazarda tutsin;
Qoʻmitaning asosli hisob-kitoblari asosida yangi tashkil etilgan tarkibiy tuzilmalar va Markaz uchun zarur boʻladigan kompyuter texnikasi, mebel va jihozlar, aloqa tarmogʻi bilan taʼminlash hamda Markaz joylashtiriladigan maʼmuriy binoni taʼmirlash uchun mablagʻlar ajratilishini taʼminlasin.
7. Oʻzbekiston Respublikasi Vazirlar Mahkamasining 3-ilovaga muvofiq ayrim qarorlari oʻz kuchini yoʻqotgan deb hisoblansin.
8. Qoʻmita Oʻzbekiston Respublikasi Adliya vazirligi hamda boshqa manfaatdor idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
9. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining davlat maslahatchilari R.T. Kamilov va R.S. Kosimov zimmasiga yuklansin.
Oʻzbekiston Respublikasi Prezidentining 2018-yil 16-apreldagi PQ-3668-son qaroriga 3-ILOVA
Oʻzbekiston Respublikasi Vazirlar Mahkamasining oʻz kuchini yoʻqotgan deb topilayotgan ayrim qarorlari
1. Vazirlar Mahkamasining 2004-yil 23-apreldagi 196-son “Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita faoliyatini yanada takomillashtirish toʻgʻrisida”gi qarorining (Oʻzbekiston Respublikasi QT, 2004-y., 4-son, 41-modda) 1 va 3-bandlari , qarorga 1-ilova .
2. Vazirlar Mahkamasining 2014-yil 20-yanvardagi 10-son “Diniy mazmundagi materiallarni tayyorlash, olib kirish va tarqatish sohasidagi faoliyatni amalga oshirish tartibini takomillashtirish chora-tadbirlari toʻgʻrisida”gi qarorining (Oʻzbekiston Respublikasi QT, 2014-y., 1-son, 5-modda) 1-bandi toʻrtinchi xatboshisi va qarorga 3-ilova .
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 16-aprel,
PQ-3668-son