📅 2018-yil 17-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 17 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 17 апреля 2018 г. · Постановления Президента
Официальный текст. Официальный документ. Редакционные примечания не включены.
📅 17 April 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Қишлоқ хўжалиги вазирлиги фаолиятини ташкил этиш чора-тадбирлари тўғрисида
Ўзбекистон Республикаси Президентининг 2018 йил 17 апрелдаги «Қишлоқ ва сув хўжалиги давлат бошқаруви тизимини тубдан такомиллаштириш чора-тадбирлари тўғрисида»ги ПФ-5418-сон Фармонини ижро этиш ҳамда Ўзбекистон Республикаси Қишлоқ хўжалиги вазирлиги самарали фаолият кўрсатишини таъминлаш мақсадида:
3. Белгилаб қўйилсинки:
Вазирлик Ўзбекистон Республикаси Қишлоқ ва сув хўжалиги вазирлиги барча ҳуқуқ, мажбурият ва шартномаларининг қишлоқ хўжалиги қисми бўйича ҳуқуқий вориси ҳисобланади;
Вазирликнинг ўз ваколатлари доирасида қабул қиладиган қарорлари давлат ва хўжалик бошқаруви органлари, маҳаллий ижроия ҳокимияти органлари, шунингдек, корхона ва муассасалар томонидан бажарилиши мажбурий ҳисобланади;
Қорақалпоғистон Республикаси Вазирлар Кенгаши раисининг, вилоятлар ва туманлар (шаҳарлар) ҳокимларининг қишлоқ ва сув хўжалиги масалалари учун масъул бўлган тегишли ўринбосарлари Вазирлик ва Ўзбекистон Республикаси Сув хўжалиги вазирлиги ҳудудий бўлинмаларининг ҳамкорликдаги фаолиятини таъминлайди.
5. Қишлоқ хўжалиги соҳасидаги давлат сиёсати устувор йўналишларининг мувофиқлаштирилган ҳолда амалга оширилишини таъминлаш мақсадида қуйидагилар белгилаб қўйилсин:
а) Ўзбекистон Республикасининг қишлоқ хўжалиги вазири қуйидагилар учун шахсан жавобгардир:
Ўзбекистон Республикасининг қонунлари, Ўзбекистон Республикаси Президенти ва Вазирлар Маҳкамасининг қарорлари, шунингдек, норматив-ҳуқуқий ҳужжатлар талабларининг ўз вақтида ва сифатли бажарилиши;
Вазирлик зиммасига юклатилган вазифа ва функциялар бажарилишини ташкил этиш, Вазирлик фаолиятини режалаштириш, шунингдек, унинг фаолияти билан боғлиқ прогноз кўрсаткичларига эришилишини сўзсиз таъминлаш;
қишлоқ хўжалигини ривожлантириш, шунингдек, ҳудудларни ижтимоий-иқтисодий ривожланиши ва қишлоқ хўжалиги соҳасидаги муаммоли масалаларни ҳал этиш бўйича дастурлар, чора-тадбирлар режалари, «йўл хариталари» ва бошқа дастурий ҳужжатларни самарали амалга ошириш;
кадрларни танлаш ва жой-жойига қўйиш, Вазирлик ходимларини қайта тайёрлаш ва малакаси оширилишини ташкил этиш, улар самарали фаолият кўрсатишлари учун зарур шарт-шароитлар яратиш, меҳнат интизомини ва қонун ҳужжатлари талабларини қўпол равишда бузган ходимларга нисбатан интизомий ва бошқа турдаги жавобгарлик чораларини кўриш;
хорижий мамлакатларнинг қишлоқ хўжалиги идоралари ва халқаро ташкилотлар билан ҳамкорликни йўлга қўйиш, илғор тажрибани тизимли ўрганиш ва жорий қилиш;
қишлоқ хўжалиги ташкилотлари ва муассасалари фаолиятининг очиқлигини таъминлаш, жисмоний ва юридик шахсларнинг мурожаатларини кўриб чиқиш бўйича ишларни самарали ташкил этиш, аҳоли билан тўғридан-тўғри ва очиқ мулоқотни йўлга қўйиш, фуқаролар шахсий қабулини тизимли равишда ўтказиб бориш;
б) қишлоқ хўжалиги вазирининг биринчи ўринбосари қуйидагилар учун шахсан жавобгардир:
пахта ва техник экинларни етиштиришга доир агротехник тадбирларни ўз вақтида ва сифатли ўтказилишини таъминлаш, шунингдек, бошоқли, дуккакли ва мойли экинлар етиштиришни ривожлантириш;
Вазирлик ҳамда Сув хўжалиги вазирлигининг сувдан фойдаланиш соҳасида ўзаро ҳамкорликда ишлашини таъминлаш;
қишлоқ хўжалигини механизациялаш даражасини ошириш, шунингдек, агрокимёвий тадбирларни амалга ошириш;
қишлоқ хўжалиги экинларини етиштиришнинг илғор агротехнологиялари, ресурс ҳамда сувни тежовчи технологияларни жорий қилиш;
контрактация шартномалари тузилиши ва ижро қилиниши устидан мониторинг юритилишини ташкил этиш ва қишлоқ хўжалигида давлат харидларини шакллантириш;
в) қишлоқ хўжалиги вазирининг ўринбосарлари қуйидагилар учун шахсан жавобгардир:
боғдорчилик, узумчилик, чорвачилик, паррандачилик, наслчилик ишлари, асаларичилик, балиқчилик ва пиллачиликни ривожлантириш;
барқарор нархларда аҳолини йил давомида ва узлуксиз таъминлаш учун зарур бўлган ҳажмдаги қишлоқ хўжалиги ва озиқ-овқат маҳсулотлари захираси шакллантирилишини ташкил этиш;
қишлоқ хўжалиги ва озиқ-овқат маҳсулотларининг чуқур қайта ишланиши ва сақланишини таъминлаш;
қишлоқ хўжалиги ва озиқ-овқат маҳсулотлари ишлаб чиқарилишининг иқтисодий таҳлилини, шунингдек, нарх ва меъёрлар шакллантирилишини амалга ошириш;
аграр соҳада иқтисодий ислоҳотларни чуқурлаштириш бўйича ишларни мувофиқлаштириш, аграр тадбиркорликни давлат томонидан қўллаб-қувватлаш, давлат-хусусий шериклик механизмларини такомиллаштириш;
қишлоқ хўжалиги маҳсулотлари бозори конъюнктурасини ўрганиш бўйича чуқур маркетинг тадқиқотларини олиб бориш, аҳолининг озиқ-овқат маҳсулотларига бўлган эҳтиёжини ўрганиш, аграр соҳанинг экспорт салоҳиятини сезиларли даражада ошириш чораларини ишлаб чиқиш ва амалга ошириш;
қишлоқ хўжалигига инвестицияларни жалб қилиш ва улардан самарали фойдаланиш устидан мониторинг олиб бориш;
қишлоқ хўжалигига инновациялар ва ахборот-коммуникация технологияларини жорий этиш;
қишлоқ хўжалиги инфратузилмасини ривожлантириш, тармоқ моддий-техника базасини мустаҳкамлаш.
6. Ўзбекистон Республикаси Президентининг 2018 йил 17 апрелдаги «Қишлоқ ва сув хўжалиги давлат бошқаруви тизимини тубдан такомиллаштириш чора-тадбирлари тўғрисида»ги ПФ-5418-сон Фармонига мувофиқ Ўзбекистон Республикаси Қишлоқ хўжалиги вазирлиги ҳузурида Қишлоқ хўжалигини ривожлантириш ва озиқ-овқат таъминоти жамғармаси (кейинги ўринларда Жамғарма) ташкил этилганлиги маълумот учун қабул қилинсин.
Жамғарма маблағларини шакллантиришнинг асосий манбалари этиб қуйидагилар белгилансин:
Вазирлик таркибига кирувчи ўзини ўзи молиялаштирадиган ташкилотлар соф фойдасининг ўз ихтиёрида қолдириладиган қисмидан тузилган шартномалар асосидаги ажратмалари;
Ўзбекистон Республикаси Молия вазирлиги ҳузуридаги Қишлоқ хўжалигини қўллаб-қувватлаш жамғармасига тушумларнинг 0,2 фоизи миқдоридаги ажратмалар;
жисмоний ва юридик шахсларнинг хайрия маблағлари;
халқаро грантлар ва техник кўмак маблағлари;
қонун ҳужжатлари билан тақиқланмаган бошқа манбалар.
7. Тошкент давлат аграр университети ва унинг филиаллари, Андижон қишлоқ хўжалиги институти ҳамда Самарқанд қишлоқ хўжалиги институти Вазирлик таркибидан чиқарилсин.
Ўзбекистон Республикаси Вазирлар Маҳкамаси бир ой муддатда Вазирлик таркибидан чиқарилаётган таълим муассасалари, шунингдек, Қишлоқ хўжалиги йўналишидаги олий таълим муассасаларини қўллаб-қувватлаш жамғармасини янада такомиллаштириш бўйича таклифлар киритсин.
8. Касб-ҳунар таълими тизимини янада такомиллаштиришни мувофиқлаштириш Республика комиссияси (А.А. Абдухакимов) касб-ҳунар коллежларини тегишли вазирлик ва идораларнинг тасарруфига ўтказиш бўйича таклифлар тайёрлашда:
Қорақалпоғистон Республикаси ва вилоятлардаги касб-ҳунар коллежларини қишлоқ хўжалиги соҳасида кадрлар тайёрлаш бўйича ихтисослаштириш;
қайд этиб ўтилган касб-ҳунар коллежларини Вазирлик тасарруфига уларнинг балансида бўлган бинолар, иморатлар, лабораториялар, жиҳозлар, бошқа объектлар ва моддий бойликлар билан биргаликда ўтказиш масалаларини кўриб чиқсин.
9. Тошкент вилояти, Қибрай тумани, Университет кўчаси, 2-уй манзилида жойлашган Тошкент давлат аграр университети балансидаги бино белгиланган тартибда Вазирлик балансига ўтказилиб, келгусида Вазирлик марказий аппарати мазкур бинода жойлаштирилсин.
Молия вазирлиги Ўзбекистон Республикаси Вазирлар Маҳкамасининг захира жамғармасидан Вазирлик биносини капитал таъмирлаш, унга туташ ҳудудни ободонлаштириш, хизмат хоналарини мебель, компьютер, ташкилий техника ва инвентарь билан жиҳозлаш учун зарур бўлган маблағларни ажратсин.
Ўзбекистон Республикаси Ахборот технологиялари ва коммуникацияларини ривожлантириш вазирлиги Вазирликни белгиланган тартибда зарур алоқа воситалари, шу жумладан, ҳукумат алоқа воситалари билан ҳамда юқори тезликдаги Интернет тармоғига уланишини таъминласин.
10. Ўзбекистон Республикаси Вазирлар Маҳкамаси бир ой муддатда:
Ўзбекистон Республикаси Қишлоқ хўжалиги вазирлиги тўғрисидаги низомни;
Ўзбекистон Республикаси Қишлоқ хўжалиги вазирлиги ва унинг таркибига кирувчи ташкилотлар ходимларини моддий рағбатлантириш тартиби тўғрисидаги низомни тасдиқласин.
11. Вазирлик:
бир ой муддатда «Маъмурий-хўжалик хизмати» ДУК уставини ишлаб чиқсин ва белгиланган тартибда давлат рўйхатидан ўтказилишини таъминласин;
Ўзбекистон Республикаси Сув хўжалиги вазирлиги, Адлия вазирлиги ҳамда бошқа манфаатдор вазирликлар ва идоралар билан биргаликда уч ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
12. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Бош прокурори О.Б. Муродов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 17 апрель,
ПҚ-3671-сон
Oʻzbekiston Respublikasi Prezidentining
Qarori
Oʻzbekiston Respublikasi Qishloq xoʻjaligi vazirligi faoliyatini tashkil etish chora-tadbirlari toʻgʻrisida
Oʻzbekiston Respublikasi Prezidentining 2018-yil 17-apreldagi “Qishloq va suv xoʻjaligi davlat boshqaruvi tizimini tubdan takomillashtirish chora-tadbirlari toʻgʻrisida”gi PF-5418-son Farmonini ijro etish hamda Oʻzbekiston Respublikasi Qishloq xoʻjaligi vazirligi samarali faoliyat koʻrsatishini taʼminlash maqsadida:
3. Belgilab qoʻyilsinki:
Vazirlik Oʻzbekiston Respublikasi Qishloq va suv xoʻjaligi vazirligi barcha huquq, majburiyat va shartnomalarining qishloq xoʻjaligi qismi boʻyicha huquqiy vorisi hisoblanadi;
Vazirlikning oʻz vakolatlari doirasida qabul qiladigan qarorlari davlat va xoʻjalik boshqaruvi organlari, mahalliy ijroiya hokimiyati organlari, shuningdek, korxona va muassasalar tomonidan bajarilishi majburiy hisoblanadi;
Qoraqalpogʻiston Respublikasi Vazirlar Kengashi raisining, viloyatlar va tumanlar (shaharlar) hokimlarining qishloq va suv xoʻjaligi masalalari uchun masʼul boʻlgan tegishli oʻrinbosarlari Vazirlik va Oʻzbekiston Respublikasi Suv xoʻjaligi vazirligi hududiy boʻlinmalarining hamkorlikdagi faoliyatini taʼminlaydi.
5. Qishloq xoʻjaligi sohasidagi davlat siyosati ustuvor yoʻnalishlarining muvofiqlashtirilgan holda amalga oshirilishini taʼminlash maqsadida quyidagilar belgilab qoʻyilsin:
a) Oʻzbekiston Respublikasining qishloq xoʻjaligi vaziri quyidagilar uchun shaxsan javobgardir:
Oʻzbekiston Respublikasining qonunlari, Oʻzbekiston Respublikasi Prezidenti va Vazirlar Mahkamasining qarorlari, shuningdek, normativ-huquqiy hujjatlar talablarining oʻz vaqtida va sifatli bajarilishi;
Vazirlik zimmasiga yuklatilgan vazifa va funksiyalar bajarilishini tashkil etish, Vazirlik faoliyatini rejalashtirish, shuningdek, uning faoliyati bilan bogʻliq prognoz koʻrsatkichlariga erishilishini soʻzsiz taʼminlash;
qishloq xoʻjaligini rivojlantirish, shuningdek, hududlarni ijtimoiy-iqtisodiy rivojlanishi va qishloq xoʻjaligi sohasidagi muammoli masalalarni hal etish boʻyicha dasturlar, chora-tadbirlar rejalari, “yoʻl xaritalari” va boshqa dasturiy hujjatlarni samarali amalga oshirish;
kadrlarni tanlash va joy-joyiga qoʻyish, Vazirlik xodimlarini qayta tayyorlash va malakasi oshirilishini tashkil etish, ular samarali faoliyat koʻrsatishlari uchun zarur shart-sharoitlar yaratish, mehnat intizomini va qonun hujjatlari talablarini qoʻpol ravishda buzgan xodimlarga nisbatan intizomiy va boshqa turdagi javobgarlik choralarini koʻrish;
xorijiy mamlakatlarning qishloq xoʻjaligi idoralari va xalqaro tashkilotlar bilan hamkorlikni yoʻlga qoʻyish, ilgʻor tajribani tizimli oʻrganish va joriy qilish;
qishloq xoʻjaligi tashkilotlari va muassasalari faoliyatining ochiqligini taʼminlash, jismoniy va yuridik shaxslarning murojaatlarini koʻrib chiqish boʻyicha ishlarni samarali tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, fuqarolar shaxsiy qabulini tizimli ravishda oʻtkazib borish;
b) qishloq xoʻjaligi vazirining birinchi oʻrinbosari quyidagilar uchun shaxsan javobgardir:
paxta va texnik ekinlarni yetishtirishga doir agrotexnik tadbirlarni oʻz vaqtida va sifatli oʻtkazilishini taʼminlash, shuningdek, boshoqli, dukkakli va moyli ekinlar yetishtirishni rivojlantirish;
Vazirlik hamda Suv xoʻjaligi vazirligining suvdan foydalanish sohasida oʻzaro hamkorlikda ishlashini taʼminlash;
qishloq xoʻjaligini mexanizatsiyalash darajasini oshirish, shuningdek, agrokimyoviy tadbirlarni amalga oshirish;
qishloq xoʻjaligi ekinlarini yetishtirishning ilgʻor agrotexnologiyalari, resurs hamda suvni tejovchi texnologiyalarni joriy qilish;
kontraktatsiya shartnomalari tuzilishi va ijro qilinishi ustidan monitoring yuritilishini tashkil etish va qishloq xoʻjaligida davlat xaridlarini shakllantirish;
v) qishloq xoʻjaligi vazirining oʻrinbosarlari quyidagilar uchun shaxsan javobgardir:
bogʻdorchilik, uzumchilik, chorvachilik, parrandachilik, naslchilik ishlari, asalarichilik, baliqchilik va pillachilikni rivojlantirish;
barqaror narxlarda aholini yil davomida va uzluksiz taʼminlash uchun zarur boʻlgan hajmdagi qishloq xoʻjaligi va oziq-ovqat mahsulotlari zaxirasi shakllantirilishini tashkil etish;
qishloq xoʻjaligi va oziq-ovqat mahsulotlarining chuqur qayta ishlanishi va saqlanishini taʼminlash;
qishloq xoʻjaligi va oziq-ovqat mahsulotlari ishlab chiqarilishining iqtisodiy tahlilini, shuningdek, narx va meʼyorlar shakllantirilishini amalga oshirish;
agrar sohada iqtisodiy islohotlarni chuqurlashtirish boʻyicha ishlarni muvofiqlashtirish, agrar tadbirkorlikni davlat tomonidan qoʻllab-quvvatlash, davlat-xususiy sheriklik mexanizmlarini takomillashtirish;
qishloq xoʻjaligi mahsulotlari bozori konyunkturasini oʻrganish boʻyicha chuqur marketing tadqiqotlarini olib borish, aholining oziq-ovqat mahsulotlariga boʻlgan ehtiyojini oʻrganish, agrar sohaning eksport salohiyatini sezilarli darajada oshirish choralarini ishlab chiqish va amalga oshirish;
qishloq xoʻjaligiga investitsiyalarni jalb qilish va ulardan samarali foydalanish ustidan monitoring olib borish;
qishloq xoʻjaligiga innovatsiyalar va axborot-kommunikatsiya texnologiyalarini joriy etish;
qishloq xoʻjaligi infratuzilmasini rivojlantirish, tarmoq moddiy-texnika bazasini mustahkamlash.
6. Oʻzbekiston Respublikasi Prezidentining 2018-yil 17-apreldagi “Qishloq va suv xoʻjaligi davlat boshqaruvi tizimini tubdan takomillashtirish chora-tadbirlari toʻgʻrisida”gi PF-5418-son Farmoniga muvofiq Oʻzbekiston Respublikasi Qishloq xoʻjaligi vazirligi huzurida Qishloq xoʻjaligini rivojlantirish va oziq-ovqat taʼminoti jamgʻarmasi (keyingi oʻrinlarda Jamgʻarma) tashkil etilganligi maʼlumot uchun qabul qilinsin.
Jamgʻarma mablagʻlarini shakllantirishning asosiy manbalari etib quyidagilar belgilansin:
Vazirlik tarkibiga kiruvchi oʻzini oʻzi moliyalashtiradigan tashkilotlar sof foydasining oʻz ixtiyorida qoldiriladigan qismidan tuzilgan shartnomalar asosidagi ajratmalari;
Oʻzbekiston Respublikasi Moliya vazirligi huzuridagi Qishloq xoʻjaligini qoʻllab-quvvatlash jamgʻarmasiga tushumlarning 0,2 foizi miqdoridagi ajratmalar;
jismoniy va yuridik shaxslarning xayriya mablagʻlari;
xalqaro grantlar va texnik koʻmak mablagʻlari;
qonun hujjatlari bilan taqiqlanmagan boshqa manbalar.
7. Toshkent davlat agrar universiteti va uning filiallari, Andijon qishloq xoʻjaligi instituti hamda Samarqand qishloq xoʻjaligi instituti Vazirlik tarkibidan chiqarilsin.
Oʻzbekiston Respublikasi Vazirlar Mahkamasi bir oy muddatda Vazirlik tarkibidan chiqarilayotgan taʼlim muassasalari, shuningdek, Qishloq xoʻjaligi yoʻnalishidagi oliy taʼlim muassasalarini qoʻllab-quvvatlash jamgʻarmasini yanada takomillashtirish boʻyicha takliflar kiritsin.
8. Kasb-hunar taʼlimi tizimini yanada takomillashtirishni muvofiqlashtirish Respublika komissiyasi (A.A. Abduxakimov) kasb-hunar kollejlarini tegishli vazirlik va idoralarning tasarrufiga oʻtkazish boʻyicha takliflar tayyorlashda:
Qoraqalpogʻiston Respublikasi va viloyatlardagi kasb-hunar kollejlarini qishloq xoʻjaligi sohasida kadrlar tayyorlash boʻyicha ixtisoslashtirish;
qayd etib oʻtilgan kasb-hunar kollejlarini Vazirlik tasarrufiga ularning balansida boʻlgan binolar, imoratlar, laboratoriyalar, jihozlar, boshqa obyektlar va moddiy boyliklar bilan birgalikda oʻtkazish masalalarini koʻrib chiqsin.
9. Toshkent viloyati, Qibray tumani, Universitet koʻchasi, 2-uy manzilida joylashgan Toshkent davlat agrar universiteti balansidagi bino belgilangan tartibda Vazirlik balansiga oʻtkazilib, kelgusida Vazirlik markaziy apparati mazkur binoda joylashtirilsin.
Moliya vazirligi Oʻzbekiston Respublikasi Vazirlar Mahkamasining zaxira jamgʻarmasidan Vazirlik binosini kapital taʼmirlash, unga tutash hududni obodonlashtirish, xizmat xonalarini mebel, kompyuter, tashkiliy texnika va inventar bilan jihozlash uchun zarur boʻlgan mablagʻlarni ajratsin.
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Vazirlikni belgilangan tartibda zarur aloqa vositalari, shu jumladan, hukumat aloqa vositalari bilan hamda yuqori tezlikdagi Internet tarmogʻiga ulanishini taʼminlasin.
10. Oʻzbekiston Respublikasi Vazirlar Mahkamasi bir oy muddatda:
Oʻzbekiston Respublikasi Qishloq xoʻjaligi vazirligi toʻgʻrisidagi nizomni;
Oʻzbekiston Respublikasi Qishloq xoʻjaligi vazirligi va uning tarkibiga kiruvchi tashkilotlar xodimlarini moddiy ragʻbatlantirish tartibi toʻgʻrisidagi nizomni tasdiqlasin.
11. Vazirlik:
bir oy muddatda “Maʼmuriy-xoʻjalik xizmati” DUK ustavini ishlab chiqsin va belgilangan tartibda davlat roʻyxatidan oʻtkazilishini taʼminlasin;
Oʻzbekiston Respublikasi Suv xoʻjaligi vazirligi, Adliya vazirligi hamda boshqa manfaatdor vazirliklar va idoralar bilan birgalikda uch oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Bosh prokurori O.B. Murodov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 17-aprel,
PQ-3671-son
Президента Республики Узбекистан
Постановление
О мерах по организации деятельности Министерства сельского хозяйства Республики Узбекистан
Во исполнение Указа Президента Республики Узбекистан от 17 апреля 2018 года № УП-5418 «О мерах по коренному совершенствованию системы государственного управления сельским и водным хозяйством» и в целях обеспечения эффективной деятельности Министерства сельского хозяйства Республики Узбекистан:
3. Установить, что:
Министерство является правопреемником Министерства сельского и водного хозяйства Республики Узбекистан по всем его правам, обязательствам и договорам в части сельского хозяйства;
решения Министерства, принимаемые в пределах своих полномочий, являются обязательными для исполнения органами государственного и хозяйственного управления, органами исполнительной власти на местах, а также предприятиями и учреждениями;
соответствующие заместители Председателя Совета Министров Республики Каракалпакстан, хокимов областей, районов (городов), ответственные за вопросы сельского и водного хозяйства, обеспечивают согласованную работу территориальных подразделений Министерства и Министерства водного хозяйства Республики Узбекистан.
5. В целях обеспечения скоординированной реализации приоритетных направлений государственной политики в сфере сельского хозяйства установить, что:
а) министр сельского хозяйства Республики Узбекистан несет персональную ответственность за:
своевременное и качественное исполнение законов Республики Узбекистан, решений Президента Республики Узбекистан и Кабинета Министров, а также требований нормативно-правовых актов;
организацию выполнения возложенных на Министерство задач и функций, планирования деятельности Министерства, а также безусловное обеспечение достижения прогнозных показателей, связанных с его деятельностью;
эффективную реализацию программ, планов мероприятий, «дорожных карт» и иных программных документов по развитию сельского хозяйства, а также по социально-экономическому развитию и решению проблемных вопросов территорий в области сельского хозяйства;
организацию работы по подбору и расстановке кадров, переподготовке и повышению квалификации работников Министерства, создание необходимых условий для их эффективной деятельности, привлечение к дисциплинарной и иной ответственности работников, грубо нарушивших служебную дисциплину, требования законодательства;
организацию сотрудничества с органами сельского хозяйства зарубежных стран и международными организациями, системное изучение и внедрение передового опыта;
обеспечение открытости деятельности организаций и учреждений сельского хозяйства, организацию эффективной работы по рассмотрению обращений физических и юридических лиц, налаживание прямого и открытого диалога с населением, систематическое проведение личного приема граждан;
б) первый заместитель министра сельского хозяйства несет персональную ответственность за:
обеспечение своевременного и качественного проведения агротехнических работ по возделыванию хлопчатника и технических культур, а также развитие производства зерновых, бобовых и масличных культур;
обеспечение взаимодействия Министерства с Министерством водного хозяйства в сфере водопользования;
повышение уровня механизации сельского хозяйства, а также реализацию агрохимических мероприятий;
внедрение передовых агротехнологий выращивания сельскохозяйственных культур, ресурсосберегающих и водосберегающих технологий;
организацию мониторинга заключения и исполнения договоров контрактации и формирование государственных закупок в сельском хозяйстве;
в) заместители министра сельского хозяйства несут персональную ответственность за:
развитие садоводства, виноградарства, животноводства, птицеводства, племенного дела, пчеловодства, рыбоводства и шелководства;
организацию формирования запасов сельскохозяйственной и продовольственной продукции в объемах, необходимых для круглогодичного и бесперебойного обеспечения населения по стабильным ценам;
обеспечение углубленной переработки и хранения сельскохозяйственной и продовольственной продукции;
осуществление экономического анализа сельскохозяйственного и продовольственного производства, формирования нормативов и цен;
координацию работ по углублению экономических реформ в аграрном секторе, государственную поддержку аграрного предпринимательства, совершенствование механизмов государственно-частного партнерства;
проведение глубоких маркетинговых исследований конъюнктуры рынка сельскохозяйственной продукции, изучение потребности населения в продовольственной продукции, разработку и реализацию мер по значительному повышению экспортного потенциала аграрного сектора;
привлечение инвестиций в сельское хозяйство и мониторинг их эффективного использования;
внедрение инноваций и информационно-коммуникационных технологий в сельском хозяйстве;
развитие инфраструктуры сельского хозяйства, укрепление материально-технической базы отрасли.
6. Принять к сведению, что в соответствии с Указом Президента Республики Узбекистан от 17 апреля 2018 года № УП-5418 «О мерах по коренному совершенствованию системы государственного управления сельским и водным хозяйством» создан Фонд развития сельского хозяйства и продовольственного обеспечения при Министерстве сельского хозяйства Республики Узбекистан (далее — Фонд).
Определить основными источниками формирования средств Фонда:
отчисления от части чистой прибыли, оставляемой в распоряжении самофинансируемых организаций, входящих в состав Министерства, на основе заключенных договоров;
отчисления в размере 0,2 процента от поступлений в Фонд государственной поддержки сельского хозяйства при Министерстве финансов Республики Узбекистан;
благотворительные пожертвования физических и юридических лиц;
международные гранты, средства технического содействия;
другие источники, не запрещенные законодательством.
7. Вывести из состава Министерства Ташкентский государственный аграрный университет и его филиалы, Андижанский сельскохозяйственный институт, а также Самаркандский сельскохозяйственный институт.
Кабинету Министров Республики Узбекистан в месячный срок внести предложения по дальнейшему совершенствованию выводимых из состава Министерства образовательных учреждений, а также Фонда поддержки высших образовательных учреждений сельскохозяйственного направления.
8. Республиканской комиссии по координации дальнейшего совершенствования системы профессионального образования (А.А. Абдухакимов) при подготовке предложений по передаче профессиональных колледжей в отраслевые подчинения соответствующим министерствам и ведомствам рассмотреть вопросы:
специализации в Республике Каракалпакстан и областях профессиональных колледжей по подготовке кадров в сфере сельского хозяйства;
передачи указанных профессиональных колледжей Министерству с имеющимися на их балансе зданиями, строениями, лабораториями, оборудованием, прочими объектами и материальными ценностями.
9. Передать в установленном порядке здание, расположенное по адресу: Ташкентская область, Кибрайский район, улица Университет, дом 2, с баланса Ташкентского государственного аграрного университета на баланс Министерства с последующим размещением в нем его центрального аппарата.
Министерству финансов выделить из резервного фонда Кабинета Министров Республики Узбекистан необходимые средства на проведение капитального ремонта здания Министерства и благоустройства прилегающей к нему территории, оснащение служебных помещений необходимой мебелью, компьютерами, оргтехникой и инвентарем.
Министерству по развитию информационных технологий и коммуникаций Республики Узбекистан в установленном порядке обеспечить Министерство необходимыми средствами связи, включая правительственную, а также подключение к высокоскоростной сети Интернет.
10. Кабинету Министров Республики Узбекистан в месячный срок утвердить:
Положение о Министерстве сельского хозяйства Республики Узбекистан;
Положение о порядке материального стимулирования работников Министерства сельского хозяйства Республики Узбекистан и организаций, входящих в его состав.
11. Министерству:
в месячный срок разработать устав ГУП «Административно-хозяйственная служба» и обеспечить его государственную регистрацию в установленном порядке;
совместно с Министерством водного хозяйства, Министерством юстиции и другими заинтересованными министерствами и ведомствами в трехмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
12. Контроль за исполнением настоящего постановления возложить на Премьер-министра Республики Узбекистан А.Н. Арипова и Генерального прокурора Республики Узбекистан О.Б. Муродова.
Президент Республики Узбекистан Ш. МИРЗИЁЕВ
г. Ташкент,
17 апреля 2018 г.,
№ ПП-3671