📅 2018-yil 20-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 20 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 апреля 2018 г. · Постановления Президента
Официальный текст. Официальный документ. Редакционные примечания не включены.
📅 20 April 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Тадбиркорлик ва шаҳарсозлик фаолиятини амалга ошириш учун ер участкаларини доимий фойдаланишга бериш тартибини тубдан такомиллаштириш чора-тадбирлари тўғрисида
Мамлакатимизда тадбиркорлик ва шаҳарсозлик фаолиятини амалга ошириш учун ерлардан оқилона фойдаланиш, ишлаб чиқариш ва ижтимоий аҳамиятга эга бўлган объектларни мақбул жойлаштириш бўйича чора-тадбирлар изчил амалга оширилмоқда.
Шу билан бирга, ер участкаларини бериш тартиб-таомиллари ношаффоф ва бюрократиялаштирилган бўлиб қолмоқда, бу эса тадбиркорликни ривожлантириш ва ҳудудларнинг замонавий меъморий қиёфасини яратишда ерлардан самарали фойдаланишга тўсқинлик қилмоқда.
Хусусан, Ўзбекистон Республикаси Президентининг виртуал қабулхонасига келиб тушаётган ер участкаларини беришдаги ҳуқуқбузарликлар ёки уларни асоссиз олиб қўйиш билан боғлиқ кўплаб мурожаатлар ер участкаларини беришнинг танлов тартиби лозим даражада йўлга қўйилмаганлигини кўрсатмоқда.
Ваколатли органлар фаолиятида ер участкаларини бериш бўйича материалларни кўриб чиқиш ва келишишда ахборот-коммуникация технологиялари имкониятларидан тўлиқ ҳажмда фойдаланиш таъминланмаяпти, бу эса рухсат этиш хусусиятига эга ҳужжатларни расмийлаштириш муддатларининг чўзилишига ва бюрократик тўсиқларга сабаб бўлмоқда.
Кўпчилик аҳоли пунктларининг тасдиқланган бош режалари ва бошқа шаҳарсозлик ҳужжатлари мавжуд эмаслиги, эскирган ва замонавий талабларга жавоб бермайдиган шаҳарсозлик нормалари ва қоидалари комплекс қуриш талабларига риоя этилмаслигига ва аҳоли пунктларининг меъморий қиёфаси ёмонлашувига олиб келмоқда.
Тадбиркорлик ва шаҳарсозлик фаолиятини амалга ошириш учун ер участкаларини бериш механизмларини тубдан такомиллаштириш, шунингдек, тадбиркорлик субъектлари билан ўзаро муносабатлардаги бюрократик тартиб-таомиллар ва тўсиқларни қисқартириш мақсадида:
1. Шундай тартиб белгилансинки, унга кўра:
юридик ва жисмоний шахсларга тадбиркорлик ва шаҳарсозлик фаолиятини амалга ошириш учун ер участкаларини мулк ёки ижара ҳуқуқи асосида бериш «E-AUKSION» электрон савдо платформасида электрон онлайн-аукцион орқали амалга оширилади, Ўзбекистон Республикасининг Ер кодексига мувофиқ Вазирлар Маҳкамасининг қарори билан ер участкаларини ижарага бериш ҳоллари бундан мустасно;
ер участкаларини бериш бўйича материалларни йиғиш, кўриб чиқиш ва ваколатли органлар ҳамда ташкилотлар билан келишиш замонавий ахборот-коммуникация технологияларидан фойдаланган холда электрон шаклда амалга оширилади.
Ўзбекистон Республикаси Вазирлар Маҳкамаси бир ой муддатда қонун ҳужжатлари нормаларини ва амалиётда уларни қўллашдаги мавжуд муаммоларни танқидий таҳлил қилиш асосида юридик ва жисмоний шахсларга тадбиркорлик ва шаҳарсозлик фаолиятини амалга ошириш учун ер участкаларини доимий фойдаланишга бериш соҳасидаги норматив-ҳуқуқий ҳужжатларни бирхиллаштириш бўйича қарор қабул қилсин.
2. Ўзбекистон Республикаси Бош прокуратураси хамда Ер ресурслари, геодезия, картография ва давлат кадастри давлат қўмитаси Ахборот технологиялари ва коммуникацияларини ривожлантириш вазирлиги, Қурилиш вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, бошқа манфаатдор идоралар билан биргаликда икки ой муддатда:
тадбиркорлик ва шаҳарсозлик фаолиятини амалга ошириш учун доимий фойдаланишга бериладиган ер участкаларини ажратиш бўйича материалларни йиғиш ва ваколатли ташкилотлар билан келишиш тартиб-таомилларини бажариш бўйича автоматлаштирилган ахборот тизимини ишлаб чиқиш ва жорий этишни, шунингдек, уни «E-IJRO AUKSION» ягона электрон савдо майдончаси билан интеграция қилишни;
тадбиркорлик ва шаҳарсозлик фаолиятини амалга ошириш учун ер участкаларини доимий фойдаланишга «E-IJRO AUKSION» ягона электрон савдо майдончасида электрон аукцион ўтказиш орқали берилишини ташкил этишни таъминласин.
3. Ўзбекистон Республикаси Қурилиш вазирлиги Иқтисодиёт вазирлиги, Молия вазирлиги, бошқа манфаатдор идоралар билан биргаликда икки ой муддатда:
аҳоли пунктларининг бош режалари лойиҳаларига, қишлоқ (овул) фуқаролар йиғинлари ҳудудларини архитектура-режалаштиришни ташкил этиш лойиҳаларига бўлган талабларни лойиҳаларнинг таркибини, уларни келишиш тартиби ва муддатларини соддалаштирган, шунингдек, аҳоли пунктларини ривожлантириш ва қуришни режалаштириш бўйича шаҳарсозлик ҳужжатларини ишлаб чиқиш нархларини пасайтирган ҳолда тубдан қайта кўриб чиқишни;
аҳоли пунктлари қисмларини батафсил режалаштириш лойиҳаларини ишлаб чиқиш бўйича ишларни молиялаштиришда тадбиркорлик субъектлари — давлат-хусусий шериклик иштирокчиларига батафсил режалаштириш лойиҳаларида кўрсатилган чегаралар доирасида ер участкаларини олишга устунлик ҳуқуқини тақдим қилган ҳолда давлат-хусусий шериклик механизмларини жорий этишни;
аҳоли пунктлари бош режаларидан, қишлоқ (овул) фуқаролар йиғинлари ҳудудларини архитектура-режалаштиришни ташкил этиш лойиҳаларидан уларнинг очиқ график қисмини Ўзбекистон Республикаси Қурилиш вазирлиги, шунингдек, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари веб-сайтларида эълон қилиш орқали ҳамманинг фойдаланиш имкониятини таъминлашни назарда тутувчи таклифларни Вазирлар Маҳкамасига киритсин.
4. Қуйидагилар:
ҳисоб-китоб (смета) қиймати 2 миллиард сўм ва ундан юқори бўлган объектларни қуриш ва реконструкция қилишнинг манзилли рўйхатини Ўзбекистон Республикаси Ҳукумати даражасида тасдиқлаш;
қурилиш (реконструкция, капитал таъмирлаш) қиймати олдин эълон қилинган қийматидан ошган ижтимоий ва фуқаролик аҳамиятига эга объектлар бўйича хулосалар бериш тартиби бекор қилинсин.
5. Ўзбекистон Республикаси Президентининг 2011 йил 27 декабрдаги «Ижтимоий ва фуқаро объектларини лойиҳалаш ва қуришда тегишли тартиб ўрнатиш чора-тадбирлари тўғрисида»ги ПҚ-1666-сон қарори ўз кучини йўқотган деб ҳисоблансин.
6. Ўзбекистон Республикаси Ер ресурслари, геодезия, картография ва давлат кадастри давлат қўмитаси, Қурилиш вазирлиги манфаатдор идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
7. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикасининг Бош прокурори О.Б. Муродов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 20 апрель,
ПҚ-3677-сон
Oʻzbekiston Respublikasi Prezidentining
Qarori
Tadbirkorlik va shaharsozlik faoliyatini amalga oshirish uchun yer uchastkalarini doimiy foydalanishga berish tartibini tubdan takomillashtirish chora-tadbirlari toʻgʻrisida
Mamlakatimizda tadbirkorlik va shaharsozlik faoliyatini amalga oshirish uchun yerlardan oqilona foydalanish, ishlab chiqarish va ijtimoiy ahamiyatga ega boʻlgan obyektlarni maqbul joylashtirish boʻyicha chora-tadbirlar izchil amalga oshirilmoqda.
Shu bilan birga, yer uchastkalarini berish tartib-taomillari noshaffof va byurokratiyalashtirilgan boʻlib qolmoqda, bu esa tadbirkorlikni rivojlantirish va hududlarning zamonaviy meʼmoriy qiyofasini yaratishda yerlardan samarali foydalanishga toʻsqinlik qilmoqda.
Xususan, Oʻzbekiston Respublikasi Prezidentining virtual qabulxonasiga kelib tushayotgan yer uchastkalarini berishdagi huquqbuzarliklar yoki ularni asossiz olib qoʻyish bilan bogʻliq koʻplab murojaatlar yer uchastkalarini berishning tanlov tartibi lozim darajada yoʻlga qoʻyilmaganligini koʻrsatmoqda.
Vakolatli organlar faoliyatida yer uchastkalarini berish boʻyicha materiallarni koʻrib chiqish va kelishishda axborot-kommunikatsiya texnologiyalari imkoniyatlaridan toʻliq hajmda foydalanish taʼminlanmayapti, bu esa ruxsat etish xususiyatiga ega hujjatlarni rasmiylashtirish muddatlarining choʻzilishiga va byurokratik toʻsiqlarga sabab boʻlmoqda.
Koʻpchilik aholi punktlarining tasdiqlangan bosh rejalari va boshqa shaharsozlik hujjatlari mavjud emasligi, eskirgan va zamonaviy talablarga javob bermaydigan shaharsozlik normalari va qoidalari kompleks qurish talablariga rioya etilmasligiga va aholi punktlarining meʼmoriy qiyofasi yomonlashuviga olib kelmoqda.
Tadbirkorlik va shaharsozlik faoliyatini amalga oshirish uchun yer uchastkalarini berish mexanizmlarini tubdan takomillashtirish, shuningdek, tadbirkorlik subyektlari bilan oʻzaro munosabatlardagi byurokratik tartib-taomillar va toʻsiqlarni qisqartirish maqsadida:
1. Shunday tartib belgilansinki, unga koʻra:
yuridik va jismoniy shaxslarga tadbirkorlik va shaharsozlik faoliyatini amalga oshirish uchun yer uchastkalarini mulk yoki ijara huquqi asosida berish “E-AUKSION” elektron savdo platformasida elektron onlayn-auksion orqali amalga oshiriladi, Oʻzbekiston Respublikasining Yer kodeksiga muvofiq Vazirlar Mahkamasining qarori bilan yer uchastkalarini ijaraga berish hollari bundan mustasno;
yer uchastkalarini berish boʻyicha materiallarni yigʻish, koʻrib chiqish va vakolatli organlar hamda tashkilotlar bilan kelishish zamonaviy axborot-kommunikatsiya texnologiyalaridan foydalangan xolda elektron shaklda amalga oshiriladi.
Oʻzbekiston Respublikasi Vazirlar Mahkamasi bir oy muddatda qonun hujjatlari normalarini va amaliyotda ularni qoʻllashdagi mavjud muammolarni tanqidiy tahlil qilish asosida yuridik va jismoniy shaxslarga tadbirkorlik va shaharsozlik faoliyatini amalga oshirish uchun yer uchastkalarini doimiy foydalanishga berish sohasidagi normativ-huquqiy hujjatlarni birxillashtirish boʻyicha qaror qabul qilsin.
2. Oʻzbekiston Respublikasi Bosh prokuraturasi xamda Yer resurslari, geodeziya, kartografiya va davlat kadastri davlat qoʻmitasi Axborot texnologiyalari va kommunikatsiyalarini rivojlantirish vazirligi, Qurilish vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, boshqa manfaatdor idoralar bilan birgalikda ikki oy muddatda:
tadbirkorlik va shaharsozlik faoliyatini amalga oshirish uchun doimiy foydalanishga beriladigan yer uchastkalarini ajratish boʻyicha materiallarni yigʻish va vakolatli tashkilotlar bilan kelishish tartib-taomillarini bajarish boʻyicha avtomatlashtirilgan axborot tizimini ishlab chiqish va joriy etishni, shuningdek, uni “E-IJRO AUKSION” yagona elektron savdo maydonchasi bilan integratsiya qilishni;
tadbirkorlik va shaharsozlik faoliyatini amalga oshirish uchun yer uchastkalarini doimiy foydalanishga “E-IJRO AUKSION” yagona elektron savdo maydonchasida elektron auksion oʻtkazish orqali berilishini tashkil etishni taʼminlasin.
3. Oʻzbekiston Respublikasi Qurilish vazirligi Iqtisodiyot vazirligi, Moliya vazirligi, boshqa manfaatdor idoralar bilan birgalikda ikki oy muddatda:
aholi punktlarining bosh rejalari loyihalariga, qishloq (ovul) fuqarolar yigʻinlari hududlarini arxitektura-rejalashtirishni tashkil etish loyihalariga boʻlgan talablarni loyihalarning tarkibini, ularni kelishish tartibi va muddatlarini soddalashtirgan, shuningdek, aholi punktlarini rivojlantirish va qurishni rejalashtirish boʻyicha shaharsozlik hujjatlarini ishlab chiqish narxlarini pasaytirgan holda tubdan qayta koʻrib chiqishni;
aholi punktlari qismlarini batafsil rejalashtirish loyihalarini ishlab chiqish boʻyicha ishlarni moliyalashtirishda tadbirkorlik subyektlari — davlat-xususiy sheriklik ishtirokchilariga batafsil rejalashtirish loyihalarida koʻrsatilgan chegaralar doirasida yer uchastkalarini olishga ustunlik huquqini taqdim qilgan holda davlat-xususiy sheriklik mexanizmlarini joriy etishni;
aholi punktlari bosh rejalaridan, qishloq (ovul) fuqarolar yigʻinlari hududlarini arxitektura-rejalashtirishni tashkil etish loyihalaridan ularning ochiq grafik qismini Oʻzbekiston Respublikasi Qurilish vazirligi, shuningdek, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari veb-saytlarida eʼlon qilish orqali hammaning foydalanish imkoniyatini taʼminlashni nazarda tutuvchi takliflarni Vazirlar Mahkamasiga kiritsin.
4. Quyidagilar:
hisob-kitob (smeta) qiymati 2 milliard soʻm va undan yuqori boʻlgan obyektlarni qurish va rekonstruksiya qilishning manzilli roʻyxatini Oʻzbekiston Respublikasi Hukumati darajasida tasdiqlash;
qurilish (rekonstruksiya, kapital taʼmirlash) qiymati oldin eʼlon qilingan qiymatidan oshgan ijtimoiy va fuqarolik ahamiyatiga ega obyektlar boʻyicha xulosalar berish tartibi bekor qilinsin.
5. Oʻzbekiston Respublikasi Prezidentining 2011-yil 27-dekabrdagi “Ijtimoiy va fuqaro obyektlarini loyihalash va qurishda tegishli tartib oʻrnatish chora-tadbirlari toʻgʻrisida”gi PQ-1666-son qarori oʻz kuchini yoʻqotgan deb hisoblansin.
6. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Qurilish vazirligi manfaatdor idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasining Bosh prokurori O.B. Murodov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 20-aprel,
PQ-3677-son
Президента Республики Узбекистан
Постановление
О мерах по кардинальному совершенствованию порядка предоставления земельных участков в постоянное пользование для осуществления предпринимательской и градостроительной деятельности
В стране последовательно осуществляются меры по рациональному использованию земель для осуществления предпринимательской и градостроительной деятельности, оптимальному размещению объектов производственного и социального назначения.
Вместе с тем процедуры предоставления земельных участков остаются непрозрачными и забюрократизированными, что препятствует эффективному использованию земель для развития предпринимательства и создания современного архитектурного облика территорий.
В частности, не налажен на должном уровне конкурсный порядок предоставления земельных участков, о чем свидетельствуют многочисленные обращения в Виртуальную приемную Президента Республики Узбекистан, связанные с нарушениями при предоставлении земельных участков или их необоснованным изъятием.
В деятельности уполномоченных органов не обеспечивается в полной мере использование возможностей информационно-коммуникационных технологий при рассмотрении и согласовании материалов по предоставлению земельных участков, что приводит к затягиванию сроков оформления документов разрешительного характера и бюрократическим препонам.
Отсутствие утвержденных генеральных планов и другой градостроительной документации большинства населенных пунктов, устаревшие и не отвечающие современным требованиям градостроительные нормы и правила приводят к несоблюдению требований комплексной застройки и ухудшению архитектурного облика населенных пунктов.
В целях кардинального совершенствования механизмов предоставления земельных участков для осуществления предпринимательской и градостроительной деятельности, а также сокращения бюрократических процедур и препон во взаимоотношениях с субъектами предпринимательства:
1. Установить порядок, в соответствии с которым:
предоставление юридическим и физическим лицам земельных участков на основе права собственности или аренды для осуществления предпринимательской и градостроительной деятельности производится посредством электронного онлайн-аукциона на электронной торговой платформе «Е-AUKSION», за исключением случаев предоставления земельных участков в аренду постановлением Кабинета Министров в соответствии с Земельным кодексом Республики Узбекистан;
сбор, рассмотрение и согласование материалов по предоставлению земельных участков с уполномоченными органами и организациями осуществляется в электронной форме с использованием современных информационно-коммуникационных технологий.
Кабинету Министров Республики Узбекистан в месячный срок принять постановление по унификации нормативно-правовых актов в области предоставления юридическим и физическим лицам земельных участков в постоянное пользование для осуществления предпринимательской и градостроительной деятельности на основе критического анализа норм законодательства и имеющихся проблем в их применении на практике.
2. Генеральной прокуратуре Республики Узбекистан и Государственному комитету по земельным ресурсам, геодезии, картографии и государственному кадастру совместно с Министерством по развитию информационных технологий и коммуникаций, Министерством строительства, Советом Министров Республики Каракалпакстан, хокимиятами областей и г. Ташкента, иными заинтересованными ведомствами в двухмесячный срок обеспечить:
разработку и внедрение автоматизированной информационной системы по выполнению процедур сбора и согласования с уполномоченными организациями материалов по отводу земельных участков, предоставляемых в постоянное пользование для осуществления предпринимательской и градостроительной деятельности, а также ее интеграцию с единой электронной торговой площадкой «Е-IJRO AUKSION»;
организацию предоставления земельных участков в постоянное пользование для осуществления предпринимательской и градостроительной деятельности посредством проведения электронных аукционов на единой электронной торговой площадке «Е-IJRO AUKSION».
3. Министерству строительства совместно с Министерством экономики, Министерством финансов, другими заинтересованными ведомствами в двухмесячный срок внести в Кабинет Министров Республики Узбекистан предложения, предусматривающие:
кардинальный пересмотр требований к проектам генеральных планов населенных пунктов, проектам архитектурно-планировочной организации территорий сходов граждан кишлаков (аулов) с упрощением состава проектов, порядка и сроков их согласования, а также удешевлением стоимости разработки градостроительной документации по планированию развития и застройки населенных пунктов;
внедрение механизмов государственно-частного партнерства при финансировании работ по разработке проектов детальной планировки частей населенных пунктов с предоставлением субъектам предпринимательства -участникам проекта государственно-частного партнерства преимущественного права на получение земельных участков в пределах границ, указанных в проектах детальной планировки;
обеспечение общедоступности генеральных планов населенных пунктов, проектов архитектурно-планировочной организации территорий сходов граждан кишлаков (аулов) путем публикации их открытой графической части на сайте Министерства строительства Республики Узбекистан, а также веб-сайтах Совета Министров Республики Каракалпакстан, хокимиятов областей и г. Ташкента.
4. Отменить порядок:
утверждения на уровне Правительства Республики Узбекистан адресных списков строительства и реконструкции объектов с расчетной (сметной) стоимостью 2 миллиарда сум и выше;
выдачи заключений по объектам социального и гражданского назначения, стоимость строительства (реконструкции, капитального ремонта) которых превышает ранее заявленную стоимость.
5. Признать утратившим силу постановление Президента Республики Узбекистан от 27 декабря 2011 года № ПП-1666 «О мерах по наведению должного порядка в проектировании и строительстве объектов социального и гражданского назначения».
6. Государственному комитету по земельным ресурсам, геодезии, картографии и государственному кадастру, Министерству строительства совместно с заинтересованными ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
7. Контроль за исполнением настоящего постановления возложить на Премьер-министра Республики Узбекистан А.Н. Арипова и Генерального прокурора Республики Узбекистан О.Б. Муродова.
Президент Республики Узбекистан Ш. МИРЗИЁЕВ
г. Ташкент,
20 апреля 2018 г.,
№ ПП-3677