📅 2018-yil 20-aprel · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 20 апрель · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 20 апреля 2018 г. · Указы Президента
Официальный текст. Официальный документ. Редакционные примечания не включены.
📅 20 April 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Фуқароларни ижтимоий қўллаб-қувватлаш бўйича қўшимча чора-тадбирлар ҳамда ўзбошимчалик билан қурилган турар жойларга нисбатан мулк ҳуқуқини эътироф этиш бўйича бир марталик умумдавлат акциясини ўтказиш тўғрисида
Мамлакатда аҳолига, биринчи навбатда, қишлоқ жойларида муносиб уй-жой шароитларини яратишга қаратилган кенг кўламли давлат дастурлари амалга оширилди.
Хусусан, 2009 — 2017 йиллар давомида 81 992 та уй қурилди, 6 624 та уй-жой массиви барпо этилди, зарур муҳандислик-коммуникация инфратузилмалари ўтказилиши таъминланди. 2016 йилдан қишлоқ аҳолиси учун янгиланган намунавий лойиҳалар бўйича арзон уй-жойлар қурилишини назарда тутувчи сифат жиҳатидан янги давлат дастури амалга оширилмоқда. 2017 йилнинг ўзида қишлоқ жойларида 18 мингдан ортиқ қулай шарт-шароитга эга бўлган уйлар барпо этилди.
Шунингдек, фуқароларнинг қонунчиликда мерос қилиб қолдириладиган умрбод эгалик қилиш ҳуқуқи асосида ажратилган ер участкаларида якка тартибда уй-жой қуриш ҳуқуқи кафолатланган.
Шу билан бирга, ер тузиш ва кадастр органлари томонидан ўтказилган республика кўчмас мулк фондининг ялпи ҳатлови якка тартибда уй-жой қуриш соҳасида, айниқса қишлоқ жойларида қонунийликни таъминлаш масалаларида тизимли хатолар ва жиддий камчиликларга йўл қўйилганлигини кўрсатди.
Хусусан, уй-жойга эга бўлиш ва қуришнинг қонуний механизмлари мавжуд бўлишига қарамасдан минглаб фуқаролар кўп йиллар давомида ўзбошимчалик билан эгаллаб олинган ер участкаларида якка тартибда уй-жойларни ноқонуний барпо этишган.
Бундай ҳолатларнинг юз беришига давлат органлари, энг аввало, маҳаллий ижро этувчи ҳокимият, шу жумладан ер кадастри, архитектура ва қурилиш соҳасидаги ваколатли органларнинг бепарволиги сабаб бўлди.
Фуқароларга ер участкаларини уй-жой қуриш учун муайян тўлов эвазига ноқонуний бериш юзасидан фермер ва деҳқон хўжаликларининг тил бириктириши бўйича кўплаб ҳолатлар мавжуд.
Натижада, ушбу муаммо бутун республика бўйича оммавий тус олди ва уй-жой учун зарур ҳужжатларнинг мавжуд эмаслиги аҳолида бошқа ижтимоий муаммоларнинг келиб чиқишига, хусусан ҳақиқатда яшаб турган жойга прописка қилиниши, мулк ҳуқуқига эга бўлиш ва уни амалга ошириш имконияти мавжуд эмаслигига олиб келди.
Фуқароларнинг уй-жой мулкига кадастр ҳужжатларини беришни сўраб Ўзбекистон Республикаси Президентининг Виртуал қабулхонасига 5 мингдан ортиқ, депутатлар, сенаторлар, давлат ҳокимияти органлари мансабдор шахслари томонидан ўтказилган сайёр қабулларда — 3 мингдан зиёд мурожаатлари келиб тушган.
Уй-жойга доир ҳуқуқларнинг амалга оширилиши ва аҳолини ижтимоий қўллаб-қувватлаш учун қулай шарт-шароитларни яратиш, ер участкаларидан оқилона ва самарали фойдаланиш, шунингдек, фуқароларга тегишли бўлган турар жойларни давлат рўйхатидан ўтказишда кўмаклашиш мақсадида:
1. Ўзбекистон Республикаси Адлия вазирлиги ҳамда Ер ресурслари, геодезия, картография ва давлат кадастри давлат қўмитасининг фуқароларнинг ўзбошимчалик билан эгаллаб олинган ер участкаларида ёки иморат қуриш учун рухсатнома олмасдан қурилган турар жойларига нисбатан мулк ҳуқуқини эътироф этиш бўйича бир марталик умумдавлат акциясини (кейинги ўринларда бир марталик акция деб юритилади) эълон қилиш тўғрисидаги таклифига розилик берилсин.
2. Белгилаб қўйилсинки, 2019 йил 1 майга қадар:
а) мазкур Фармон қабул қилинган вақтга қадар қурилиш мақсадлари учун ажратилмаган ер участкаларида ёки иморат қуриш учун рухсатнома олмасдан қурилган турар жойга (кейинги ўринларда ўзбошимчалик билан қурилган иморат деб юритилади) нисбатан мулк ҳуқуқи ушбу объектга ўз шахсий мулки каби ҳалол, ошкора ва узлуксиз эгалик қилаётган шахсга қуйидаги шартлар асосида:
ушбу ер участкаси (участканинг бир қисми) унга қонун ҳужжатларига мувофиқ турар жой қуриш учун ажратилиши мумкин бўлмаган ер майдонида жойлашмаган бўлса;
ўзбошимчалик билан қурилган иморат шаҳарсозлик нормалари ва қоидалари талабларини бузмаётган бўлса, шунингдек, унинг сақлаб қолиниши бошқа шахсларнинг ҳуқуқлари ва қонун билан қўриқланадиган манфаатларини бузмаса ёхуд фуқароларнинг ҳаёти ва соғлиғига хавф туғдирмаса эътироф этилади. Ўзбошимчалик билан қурилган иморатга нисбатан мулк ҳуқуқи эътироф этилмайдиган аниқ ҳолатлар Ўзбекистон Республикаси Вазирлар Маҳкамаси томонидан белгиланади;
б) ўзбошимчалик билан қурилган иморатга нисбатан мулк ҳуқуқи:
Ўзбекистон Республикаси Вазирлар Маҳкамасининг қарорига асосан ташкил этиладиган Кўчмас мулкка нисбатан ҳуқуқни эътироф этиш ишларини ташкил этиш бўйича комиссиянинг тақдимномасига кўра туман (шаҳар) ҳокимининг қарори билан;
умумий мулк ҳақидаги фуқаролик ва оила тўғрисидаги қонун ҳужжатларининг қоидаларига амал қилиш шарти билан;
энг кам иш ҳақининг беш баравари миқдорида бир марталик йиғим тўлангандан кейин амалга оширилади;
в) ўзбошимчалик билан қурилган иморатга нисбатан мулк ҳуқуқини эътироф этишда мулкдорга у қурилган ер участкасига (участканинг бир қисмига) қонун ҳужжатларида белгиланган нормалар доирасида мерос қилиб қолдириладиган умрбод эгалик қилиш ҳуқуқи берилиб, ортиқча қисми Ўзбекистон Республикаси Солиқ кодексининг 121-моддасида назарда тутилган жарима солинмасдан захира ерларига олиб қўйилади.
3. Ўзбекистон Республикаси Вазирлар Маҳкамаси икки ҳафта муддатда мазкур Фармоннинг ижросини ташкил этиш бўйича қарор қабул қилсин.
4. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Ўзбекистон Республикаси Олий суди бир марталик акциянинг амал қилиш муддати тугагунга қадар:
судларга ўзбошимчалик билан қурилган иморатларни бузиб ташлаш бўйича даъво киритишни тўхтатиб турилишини, қонун ҳужжатларига асосан турар жой қуриш учун ажратилиши мумкин бўлмаган ер майдонида жойлашган ер участкасида (участканинг бир қисмида) қурилган объектлар бундан мустасно;
судларнинг турар жой сифатида фойдаланилаётган ўзбошимчалик билан қурилган иморатларни бузиб ташлаш тўғрисидаги кўриб чиқилаётган даъволар ҳамда ижро қилинмаган қарорлари бўйича белгиланган тартибда келишув битимлари тузилишини таъминласинлар.
5. Ўзбекистон Республикаси Бош прокуратураси жойларда Кўчмас мулкка нисбатан ҳуқуқни эътироф этиш ишларини ташкил этиш бўйича комиссия фаолиятида қонунийликнинг таъминланиши устидан қатъий назорат ўрнатсин.
6. Белгилаб қўйилсинки:
ўзбошимчалик билан қурилган иморатларга нисбатан мулк ҳуқуқини эътироф этиш бир марталик характерга эга ҳамда мазкур Фармоннинг 2-бандида кўрсатилган муддатдан кечиктирилмасдан амалга оширилади:
Қорақалпоғистон Республикаси Жўқорғи Кенгеси Раиси, вилоятлар ва Тошкент шаҳар ҳокимлари, бошқа ваколатли органларнинг мансабдор шахслари кейинчалик ўзбошимчалик билан қурилган иморатларга йўл қўйганликлари учун шахсан жавобгар ҳисобланади.
7. Ўзбекистон Республикаси Адлия вазирлиги икки ой муддатда:
бир марталик акциянинг амал қилиш муддати тугагандан кейин ўзбошимчалик билан қурилган иморатларга нисбатан мулк ҳуқуқини эътироф этиш мумкинлиги тўғрисидаги фуқаролик қонун ҳужжатлари нормаларини бекор қилишни;
ўзбошимчалик билан қурилган иморатлар учун жавобгарликни кучайтиришни назарда тутувчи таклифларни Вазирлар Маҳкамасига киритсин.
8. Ўзбекистон Миллий телерадиокомпанияси, Ўзбекистон Матбуот ва ахборот агентлиги, Ўзбекистон Республикаси Ер ресурслари, геодезия, картография ва давлат кадастри давлат қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари мазкур Фармоннинг мазмун-моҳиятини оммавий ахборот воситаларида кенг ёритилишини ташкил этсин.
9. Ўзбекистон Республикаси Ер ресурслари, геодезия, картография ва давлат кадастри давлат қўмитаси Адлия вазирлиги ҳамда Қурилиш вазирлиги билан биргаликда бир ой муддатда қонун ҳужжатларига ушбу Фармондан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
10. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикасининг Бош прокурори О.Б. Муродов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 20 апрель,
ПФ-5421-сон
Oʻzbekiston Respublikasi Prezidentining
Farmoni
Fuqarolarni ijtimoiy qoʻllab-quvvatlash boʻyicha qoʻshimcha chora-tadbirlar hamda oʻzboshimchalik bilan qurilgan turar joylarga nisbatan mulk huquqini eʼtirof etish boʻyicha bir martalik umumdavlat aksiyasini oʻtkazish toʻgʻrisida
Mamlakatda aholiga, birinchi navbatda, qishloq joylarida munosib uy-joy sharoitlarini yaratishga qaratilgan keng koʻlamli davlat dasturlari amalga oshirildi.
Xususan, 2009 — 2017-yillar davomida 81 992 ta uy qurildi, 6 624 ta uy-joy massivi barpo etildi, zarur muhandislik-kommunikatsiya infratuzilmalari oʻtkazilishi taʼminlandi. 2016-yildan qishloq aholisi uchun yangilangan namunaviy loyihalar boʻyicha arzon uy-joylar qurilishini nazarda tutuvchi sifat jihatidan yangi davlat dasturi amalga oshirilmoqda. 2017-yilning oʻzida qishloq joylarida 18 mingdan ortiq qulay shart-sharoitga ega boʻlgan uylar barpo etildi.
Shuningdek, fuqarolarning qonunchilikda meros qilib qoldiriladigan umrbod egalik qilish huquqi asosida ajratilgan yer uchastkalarida yakka tartibda uy-joy qurish huquqi kafolatlangan.
Shu bilan birga, yer tuzish va kadastr organlari tomonidan oʻtkazilgan respublika koʻchmas mulk fondining yalpi hatlovi yakka tartibda uy-joy qurish sohasida, ayniqsa qishloq joylarida qonuniylikni taʼminlash masalalarida tizimli xatolar va jiddiy kamchiliklarga yoʻl qoʻyilganligini koʻrsatdi.
Xususan, uy-joyga ega boʻlish va qurishning qonuniy mexanizmlari mavjud boʻlishiga qaramasdan minglab fuqarolar koʻp yillar davomida oʻzboshimchalik bilan egallab olingan yer uchastkalarida yakka tartibda uy-joylarni noqonuniy barpo etishgan.
Bunday holatlarning yuz berishiga davlat organlari, eng avvalo, mahalliy ijro etuvchi hokimiyat, shu jumladan yer kadastri, arxitektura va qurilish sohasidagi vakolatli organlarning beparvoligi sabab boʻldi.
Fuqarolarga yer uchastkalarini uy-joy qurish uchun muayyan toʻlov evaziga noqonuniy berish yuzasidan fermer va dehqon xoʻjaliklarining til biriktirishi boʻyicha koʻplab holatlar mavjud.
Natijada, ushbu muammo butun respublika boʻyicha ommaviy tus oldi va uy-joy uchun zarur hujjatlarning mavjud emasligi aholida boshqa ijtimoiy muammolarning kelib chiqishiga, xususan haqiqatda yashab turgan joyga propiska qilinishi, mulk huquqiga ega boʻlish va uni amalga oshirish imkoniyati mavjud emasligiga olib keldi.
Fuqarolarning uy-joy mulkiga kadastr hujjatlarini berishni soʻrab Oʻzbekiston Respublikasi Prezidentining Virtual qabulxonasiga 5 mingdan ortiq, deputatlar, senatorlar, davlat hokimiyati organlari mansabdor shaxslari tomonidan oʻtkazilgan sayyor qabullarda — 3 mingdan ziyod murojaatlari kelib tushgan.
Uy-joyga doir huquqlarning amalga oshirilishi va aholini ijtimoiy qoʻllab-quvvatlash uchun qulay shart-sharoitlarni yaratish, yer uchastkalaridan oqilona va samarali foydalanish, shuningdek, fuqarolarga tegishli boʻlgan turar joylarni davlat roʻyxatidan oʻtkazishda koʻmaklashish maqsadida:
1. Oʻzbekiston Respublikasi Adliya vazirligi hamda Yer resurslari, geodeziya, kartografiya va davlat kadastri davlat qoʻmitasining fuqarolarning oʻzboshimchalik bilan egallab olingan yer uchastkalarida yoki imorat qurish uchun ruxsatnoma olmasdan qurilgan turar joylariga nisbatan mulk huquqini eʼtirof etish boʻyicha bir martalik umumdavlat aksiyasini (keyingi oʻrinlarda bir martalik aksiya deb yuritiladi) eʼlon qilish toʻgʻrisidagi taklifiga rozilik berilsin.
2. Belgilab qoʻyilsinki, 2019-yil 1-mayga qadar:
a) mazkur Farmon qabul qilingan vaqtga qadar qurilish maqsadlari uchun ajratilmagan yer uchastkalarida yoki imorat qurish uchun ruxsatnoma olmasdan qurilgan turar joyga (keyingi oʻrinlarda oʻzboshimchalik bilan qurilgan imorat deb yuritiladi) nisbatan mulk huquqi ushbu obyektga oʻz shaxsiy mulki kabi halol, oshkora va uzluksiz egalik qilayotgan shaxsga quyidagi shartlar asosida:
ushbu yer uchastkasi (uchastkaning bir qismi) unga qonun hujjatlariga muvofiq turar joy qurish uchun ajratilishi mumkin boʻlmagan yer maydonida joylashmagan boʻlsa;
oʻzboshimchalik bilan qurilgan imorat shaharsozlik normalari va qoidalari talablarini buzmayotgan boʻlsa, shuningdek, uning saqlab qolinishi boshqa shaxslarning huquqlari va qonun bilan qoʻriqlanadigan manfaatlarini buzmasa yoxud fuqarolarning hayoti va sogʻligʻiga xavf tugʻdirmasa eʼtirof etiladi. Oʻzboshimchalik bilan qurilgan imoratga nisbatan mulk huquqi eʼtirof etilmaydigan aniq holatlar Oʻzbekiston Respublikasi Vazirlar Mahkamasi tomonidan belgilanadi;
b) oʻzboshimchalik bilan qurilgan imoratga nisbatan mulk huquqi:
Oʻzbekiston Respublikasi Vazirlar Mahkamasining qaroriga asosan tashkil etiladigan Koʻchmas mulkka nisbatan huquqni eʼtirof etish ishlarini tashkil etish boʻyicha komissiyaning taqdimnomasiga koʻra tuman (shahar) hokimining qarori bilan;
umumiy mulk haqidagi fuqarolik va oila toʻgʻrisidagi qonun hujjatlarining qoidalariga amal qilish sharti bilan;
eng kam ish haqining besh baravari miqdorida bir martalik yigʻim toʻlangandan keyin amalga oshiriladi;
v) oʻzboshimchalik bilan qurilgan imoratga nisbatan mulk huquqini eʼtirof etishda mulkdorga u qurilgan yer uchastkasiga (uchastkaning bir qismiga) qonun hujjatlarida belgilangan normalar doirasida meros qilib qoldiriladigan umrbod egalik qilish huquqi berilib, ortiqcha qismi Oʻzbekiston Respublikasi Soliq kodeksining 121-moddasida nazarda tutilgan jarima solinmasdan zaxira yerlariga olib qoʻyiladi.
3. Oʻzbekiston Respublikasi Vazirlar Mahkamasi ikki hafta muddatda mazkur Farmonning ijrosini tashkil etish boʻyicha qaror qabul qilsin.
4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi Oliy sudi bir martalik aksiyaning amal qilish muddati tugagunga qadar:
sudlarga oʻzboshimchalik bilan qurilgan imoratlarni buzib tashlash boʻyicha daʼvo kiritishni toʻxtatib turilishini, qonun hujjatlariga asosan turar joy qurish uchun ajratilishi mumkin boʻlmagan yer maydonida joylashgan yer uchastkasida (uchastkaning bir qismida) qurilgan obyektlar bundan mustasno;
sudlarning turar joy sifatida foydalanilayotgan oʻzboshimchalik bilan qurilgan imoratlarni buzib tashlash toʻgʻrisidagi koʻrib chiqilayotgan daʼvolar hamda ijro qilinmagan qarorlari boʻyicha belgilangan tartibda kelishuv bitimlari tuzilishini taʼminlasinlar.
5. Oʻzbekiston Respublikasi Bosh prokuraturasi joylarda Koʻchmas mulkka nisbatan huquqni eʼtirof etish ishlarini tashkil etish boʻyicha komissiya faoliyatida qonuniylikning taʼminlanishi ustidan qatʼiy nazorat oʻrnatsin.
6. Belgilab qoʻyilsinki:
oʻzboshimchalik bilan qurilgan imoratlarga nisbatan mulk huquqini eʼtirof etish bir martalik xaraktyerga ega hamda mazkur Farmonning 2-bandida koʻrsatilgan muddatdan kechiktirilmasdan amalga oshiriladi:
Qoraqalpogʻiston Respublikasi Joʻqorgʻi Kengesi Raisi, viloyatlar va Toshkent shahar hokimlari, boshqa vakolatli organlarning mansabdor shaxslari keyinchalik oʻzboshimchalik bilan qurilgan imoratlarga yoʻl qoʻyganliklari uchun shaxsan javobgar hisoblanadi.
7. Oʻzbekiston Respublikasi Adliya vazirligi ikki oy muddatda:
bir martalik aksiyaning amal qilish muddati tugagandan keyin oʻzboshimchalik bilan qurilgan imoratlarga nisbatan mulk huquqini eʼtirof etish mumkinligi toʻgʻrisidagi fuqarolik qonun hujjatlari normalarini bekor qilishni;
oʻzboshimchalik bilan qurilgan imoratlar uchun javobgarlikni kuchaytirishni nazarda tutuvchi takliflarni Vazirlar Mahkamasiga kiritsin.
8. Oʻzbekiston Milliy teleradiokompaniyasi, Oʻzbekiston Matbuot va axborot agentligi, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari mazkur Farmonning mazmun-mohiyatini ommaviy axborot vositalarida keng yoritilishini tashkil etsin.
9. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi Adliya vazirligi hamda Qurilish vazirligi bilan birgalikda bir oy muddatda qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
10. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasining Bosh prokurori O.B. Murodov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 20-aprel,
PF-5421-son
Президента Республики Узбекистан
Указ
О дополнительных мерах по социальной поддержке граждан и проведении разовой общегосударственной акции по признанию права собственности на самовольно построенные жилые помещения
В республике реализованы масштабные государственные программы, направленные на создание достойных жилищных условий населению, прежде всего в сельской местности.
Так, за период 2009 — 2017 годы построены 81992 дома, возведены 6 624 жилых массива, обеспечено подведение необходимой инженерно-коммуникационной инфраструктуры. С 2016 года реализуется качественно новая государственная программа, предусматривающая строительство доступного жилья по обновленным типовым проектам для сельчан. Только в 2017 году в сельской местности было возведено более 18 тысяч комфортабельных домов.
Законодательством также гарантированы права граждан на индивидуальное жилищное строительство на земельных участках, предоставленных на праве пожизненного наследуемого владения.
Вместе с тем, проведенная органами землеустройства и кадастра сплошная инвентаризация недвижимого фонда республики выявила системные упущения и серьезные недостатки в вопросах обеспечения законности в сфере индивидуального жилищного строительства, особенно в сельской местности.
В частности, несмотря на наличие законных механизмов приобретения и строительства жилья, тысячи граждан на протяжении многих лет незаконно возводили индивидуальное жилье на самовольно занятых земельных участках.
Во многом это стало возможным по попустительству государственных органов, в первую очередь органов исполнительной власти на местах, в том числе уполномоченных в сфере земельного кадастра, архитектуры и строительства.
Имеются многочисленные факты сговора фермерских и дехканских хозяйств по незаконному предоставлению земельных участков гражданам для жилищного строительства за определенную плату.
В результате данная проблема обрела массовый характер по всей республике и отсутствие необходимых документов на жилье привело к возникновению других социальных проблем у населения, в частности, невозможности прописаться в месте фактического проживания, приобретения и реализации права собственности.
В Виртуальную приемную Президента Республики Узбекистан поступило более 5 тысяч обращений с просьбой выдать кадастровые документы на жилое имущество граждан, более 3 тысяч — при проведении выездных приемов депутатами, сенаторами, должностными лицами органов государственной власти.
В целях создания благоприятных условий для реализации жилищных прав и социальной поддержки населения, рационального и эффективного использования земельных участков, а также оказания содействия в государственной регистрации принадлежащих гражданам жилых помещений:
1. Согласиться с предложением Министерства юстиции и Государственного комитета Республики Узбекистан по земельным ресурсам, геодезии, картографии и государственному кадастру об объявлении общегосударственной разовой акции по признанию прав собственности на жилые помещения физических лиц, возведенные на самовольно занятом земельном участке или без получения разрешения на строительство (далее — разовая акция).
2. Установить, что до 1 мая 2019 года:
а) право собственности на жилое помещение, возведенное до момента принятия настоящего Указа на земельном участке, не отведенном для этих целей, или без получения разрешения на строительство (далее — самовольная постройка), признается за лицом, добросовестно, открыто и непрерывно владеющим этим объектом как своим собственным имуществом, при следующих условиях:
данный земельный участок (часть участка) не находится на земле, которая в соответствии с законодательством не может быть отведена ему для жилищного строительства;
самовольная постройка не нарушает требования градостроительных норм и правил, а также ее сохранение не будет нарушать прав и охраняемых законом интересов других лиц либо создавать угрозу жизни и здоровью граждан. Конкретные случаи, при которых право собственности на самовольную постройку не может быть признано, определяются Кабинетом Министров Республики Узбекистан;
б) признание права собственности на самовольную постройку осуществляется:
решением хокима района (города) по представлению Комиссии по организации работ по признанию прав на недвижимое имущество, образуемой на основании решения Кабинета Министров Республики Узбекистан;
при условии соблюдения правил гражданского и семейного законодательства об общей собственности;
после уплаты разового сбора в размере пяти минимальных заработных плат;
в) при признании права собственности на самовольную постройку собственнику предоставляется право пожизненного наследуемого владения земельным участком (частью участка), на котором она возведена, в пределах норм, установленных законодательством, с изъятием превышающей части в земли запаса, без наложения штрафа, предусмотренного статьей 121 Налогового кодекса Республики Узбекистан.
3. Кабинету Министров Республики Узбекистан в двухнедельный срок принять постановление по организации исполнения настоящего Указа.
4. Совету Министров Республики Каракалпакстан, хокимиятам областей и города Ташкента, Верховному суду Республики Узбекистан до окончания срока действия разовой акции обеспечить:
приостановление внесения в суды исков по сносу самовольных построек, за исключением объектов, возведенных на земельных участках (части участка), находящихся на земле, которая в соответствии с законодательством не может быть отведена для жилищного строительства;
заключение в установленном порядке мировых соглашений по рассматриваемым искам и неисполненным решениям судов о сносе самовольных построек, используемых в качестве жилья.
5. Генеральной прокуратуре Республики Узбекистан установить строгий надзор за обеспечением законности в деятельности Комиссии по организации работ по признанию прав на недвижимое имущество на местах.
6. Установить, что:
признание прав собственности на самовольную постройку носит разовый характер и осуществляется не позднее срока, указанного в пункте 2 настоящего Указа;
Председатель Жокаргы Кенеса Республики Каракалпакстан, хокимы областей и города Ташкента, должностные лица других уполномоченных органов несут персональную ответственность за допущение впредь самовольных построек.
7. Министерству юстиции в двухмесячный срок внести в Кабинет Министров Республики Узбекистан предложения, предусматривающие:
отмену норм гражданского законодательства о возможности признания права собственности на самовольные постройки после окончания срока действия разовой акции;
ужесточение ответственности за строительство самовольных построек.
8. Национальной телерадиокомпании Узбекистана, Узбекскому агентству по печати и информации, Государственному комитету Республики Узбекистан по земельным ресурсам, геодезии, картографии и государственному кадастру, Совету Министров Республики Каракалпакстан, хокимиятам областей и города Ташкента организовать широкое освещение сути и значения настоящего Указа.
9. Государственному комитету по земельным ресурсам, геодезии, картографии и государственному кадастру совместно с Министерством юстиции и Министерством строительства Республики Узбекистан в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
10. Контроль за исполнением настоящего Указа возложить на Премьер- министра Республики Узбекистан А.Н. Арипова и Генерального прокурора Республики Узбекистан О.Б. Муродова.
Президент Республики Узбекистан Ш. МИРЗИЁЕВ
г. Ташкент,
20 апреля 2018 г.,
№ УП-5421