📅 2018-yil 27-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 27 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 27 апреля 2018 г. · Постановления Президента
Официальный текст. Официальный документ. Редакционные примечания не включены.
📅 27 April 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Инновацион ғоялар, технологиялар ва лойиҳаларни амалий жорий қилиш тизимини янада такомиллаштириш чора-тадбирлари тўғрисида
Ишлаб чиқаришни модернизация қилиш, техник ва технологик жиҳатдан янгилаш жараёнларига илмий-амалий тадқиқотлар натижаларини ва ноу-хау ишланмаларни кенг жорий этиш, ушбу йўналишда илмий муассасалар ва реал иқтисодиёт тармоқлари корхоналари ўртасида яқин ҳамкорликни ўрнатиш мамлакатни жадал инновацион ривожлантиришнинг муҳим омили ҳисобланади.
Шу билан бирга, инновацион ғоялар, технологиялар ва лойиҳаларни тўлақонли реализация қилиш, уларни хорижий инвестицияларни жалб қилишнинг долзарблигини ҳисобга олган ҳолда ишлаб чиқариш тармоқларига амалий жорий қилишга салбий таъсир кўрсатаётган бир қатор омиллар мавжуд. Хусусан:
биринчидан, хорижий инновацион ва илмий марказларни, етакчи инвестицион фондларни, технологик агентликларни, технопарклар ва бошқа манфаатдор субъектларни маҳаллий инновацион ишланмаларни амалга оширишда иштирок этишга фаол жалб этиш борасида етарли даражада чора-тадбирлар амалга оширилмаяпти;
иккинчидан, давлат органлари ва хусусий сектор вакиллари, эркин иқтисодий ва кичик саноат зоналари иштирокида ишлаб чиқариш жорий этилган ва муваффақиятли қўлланилаётган технологияларни намойиш этиш даражаси пастлигича қолмоқда;
учинчидан, қулай инвестицион муҳитни шакллантириш, инновацион ғоялар ва лойиҳаларни ишлаб чиқиш ва жорий этиш соҳасига инвестицияларни кенг жалб қилиш, илғор ва илмий ҳажмдор технологияларни фаол тарқатишнинг самарали тизими мавжуд эмас;
тўртинчидан, республика вилоятлари кесимида илмий ва инновацион фаоллик паст, бир иштирокчининг қайта-қайта жалб этилиши эса, ҳар йилги тақдим қилинадиган инновацион ишланмалар ва маҳаллий амалий тадқиқотларга бўлган буюртмалар портфел тематикаларининг такрорланишига олиб келмоқда;
бешинчидан, технологияларни тижоратлаштириш ва уларни ташқи бозорларга олиб чиқиш, миллий инновацион тизимни шакллантириш бўйича амалий тавсиялар ишлаб чиқиш жараёнларига кўмаклашишнинг амалдаги механизмларининг самараси паст ва кутилган натижаларни бермаяпти.
Инновацион инфратузилмани янада шакллантириш, тадбиркорликни, инвестицион салоҳиятни ривожлантириш учун қулай шароитлар яратиш, инновацион ғояларни, технологиялар ва лойиҳаларни ишлаб чиқариш жараёнига кенг жорий қилиш ҳамда 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгилаб берилган вазифаларга мувофиқ:
1. Ўзбекистон Республикаси Инновацион ривожланиш вазирлиги ҳамда Инвестициялар ва ташқи савдо вазирлигининг 2018 йилдан бошлаб ҳар йили хорижий инновацион ва илмий марказлар, инвестицион фондлар, технологик агентликлар, технопарклар ва бизнес-инкубаторларнинг фаол иштирокида Халқаро инновацион ғоялар ҳафталиги — «InnoWeek.Uz» (кейинги ўринларда — ҳафталик) ўтказиш тўғрисидаги таклифлари маъқуллансин.
2. Ҳафталикни ўтказишнинг асосий мақсадлари этиб қуйидагилар белгилансин:
давлат органлари, эркин иқтисодий ва кичик саноат зоналари, технопарклар ва хусусий тадбиркорлар, шунингдек иқтисодиётнинг реал секторини академик ва тармоқ илмий-тадқиқот муассасалари билан етакчи хорижий инвестицион фондлар, инновацион марказлар ва бошқа манфаатдор ташкилотлар вакиллари иштирокидаги ўзаро ҳамкорлигини таъминлаш;
Ўзбекистон Республикасида ва етакчи хорижий мамлакатларда технологияларни трансфер қилиш жараёнлари, шунингдек, реал иқтисодиёт тармоқлари ва хусусий тадбиркорлик корхоналарида ишланмаларни жорий қилишнинг натижалари билан амалий танишиб чиқишни таъминлаш йўли билан маҳаллий инновацион ғоялар, технологиялар ва лойиҳаларни тижоратлаштириш учун шароитлар яратиш;
инновацион ғоялар, технологиялар ва лойиҳаларни ишлаб чиқиш ва жорий қилиш соҳасига инвестицияларни кенг жалб қилиш, ички ва ташқи бозорларда жамоат ва хусусий секторлардан илғор ва илмий ҳажмдор технологияларни фаол тарқатиш;
бозор иштирокчилари ўртасида ҳамкорликни кенгайтириш, тармоқ корхоналарининг жадал ривожланишига кўмаклашадиган минтақавий ва халқаро алоқаларни ривожлантириш, илмий-тадқиқот муассасалари, хусусий тадбиркорлик ва инвесторлар ўртасида кооперацион алоқаларни кенгайтириш;
халқаро инновацион-инвестицион форумлар, конференциялар, давра суҳбатлар, тренинглар, маҳорат дарслари ва бошқа тадбирларни ўтказиш;
илмий-тадқиқот, инновацион ва ихтиро ғоялари, технологиялари ва лойиҳаларининг доимий асосда фаолияти амалга ошириладиган ва тўлдириб бориладиган маълумотлар базасини яратиш.
3. Шундай тартиб ўрнатилсинки, ҳафталикни ташкил қилиш тизими қуйидагиларни ўз ичига олади:
биринчи блок «Ташаббускор бизнес» — Ўзбекистон Республикаси ҳамда илғор хорижий мамлакатларнинг давлат ва хусусий секторлари томонидан маҳаллий ва хорижий технопарклар, технологик агентларнинг тайёр илмий ва инновацион ишланмалар натижаларини ва технологияларни тижоратлаштириш соҳасидаги фаолиятини ёритиш учун ташкил этилган кўргазма майдони;
иккинчи блок «Инновацион ечимлар» — ички ва ташқи бозорларга чиқиш мақсадида давлат ва хусусий илмий муассасалар томонидан макет ва/ёки прототип кўринишида энг зўр маҳаллий илмий ва инновацион ишланмаларни намойиш қилиш;
учинчи блок «Кооперацион алоқалар» — мулоқот ва ўзаро фойдали ҳамкорликни йўлга қўйиш, шерикчилик ва иқтисодиётнинг айрим тармоқлари соҳасидаги долзарб масалаларни кўриб чиқиш учун зарур бўлган қарорларнинг миқёсини кенгайтириш учун платформа.
4. Белгилаб қўйилсинки:
ҳафталикни ҳар йили ўтказиш Ўзбекистон Республикаси Олий таълим, фан ва инновациялар вазирлиги ҳузуридаги Инновацион ривожланиш агентлиги, Иқтисодиёт ва молия вазирлиги, Ташқи ишлар вазирлиги, Инвестициялар, саноат ва савдо вазирлиги ва Савдо-саноат палатаси томонидан ташкил этилади;
ҳафталикни ўтказиш жойи, муддати ва даврийлиги Инновацион ривожланиш агентлиги директори томонидан белгиланади.
5. Инновацион ривожланиш агентлиги директори зиммасига хорижий инновацион ва илмий марказлар, инвестицион жамғармалар, техник агентликлар, технопарклар ва бизнес-инкубаторларни жалб қилган ҳолда ҳар йилги ҳафталикни юқори даражада ташкил қилиш учун шахсий жавобгарлик юклатилсин.
6. «Ўзэкспомарказ» АЖга инновациялар ярмаркаларининг иштирокчиларига зарурий кўргазма майдонларини ва конференция залларини кўргазмаларни ташкил қилиш ва ярмаркани ўтказиш учун ўрнатилган тарифдан 30 фоизлик чегирма билан тақдим этиши юзасидан тавсия берилсин.
7. Белгилаб қўйилсинки, ҳафталикни ташкил қилиш ва ўтказиш билан боғлиқ харажатлар хўжалик бошқаруви органлари ва йирик давлат корхоналаридаги инновацион фаолиятни қўллаб-қувватлаш жамғармаларининг жами маблағлари 10 фоизи миқдори ҳисобидан қопланади.
8. Ўзбекистон Республикаси Ташки ишлар вазирлиги:
ҳар йил ўтказиладиган ҳафталикда хорижий инновацион ва илмий-марказлар, инвестицион фондлар, технологик агентликлар, технопарклар, бизнес-инкубаторлар ва бошқа манфаатдор субъектларнинг иштирокини таъминласин;
Ўзбекистон Республикаси Инновацион ривожланиш вазирлиги талабномаларига биноан ҳафталикнинг хорижий мутахассис-иштирокчилари учун кириш визаларини белгиланган тартибда расмийлаштирилишини таъминласин.
9. Ўзбекистон Республикаси Инновацион ривожланиш вазирлиги:
Ўзбекистон Республикаси Адлия вазирлиги билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин;
Ўзбекистон Республикаси Ахборот технологиялари ва коммуникацияларини ривожлантириш вазирлиги билан ҳамкорликда уч ой муддатда ўзида ҳафталикнинг барча амалдаги ва салоҳиятли иштирокчилари тўғрисидаги ахборотлар ҳамда тижоратлаштириш учун тайёр бўлган инновацион ишланмалар ҳақидаги маълумотларни жамлайдиган, доимий янгиланиб турадиган «Инновацияларнинг виртуал ярмаркаси» интерактив Интернет-портали ишлаб чиқилишини ва фаолият юритишини таъминласин.
10. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов, Ўзбекистон Республикаси Президентининг Давлат маслаҳатчиси Р.С. Қосимов ва Ўзбекистон Республикаси инновацион ривожланиш вазири И.Ю. Абдурахмонов зиммасига юклатилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 27 апрель,
ПҚ-3682-сон
Oʻzbekiston Respublikasi Prezidentining
Qarori
Innovatsion gʻoyalar, texnologiyalar va loyihalarni amaliy joriy qilish tizimini yanada takomillashtirish chora-tadbirlari toʻgʻrisida
Ishlab chiqarishni modernizatsiya qilish, texnik va texnologik jihatdan yangilash jarayonlariga ilmiy-amaliy tadqiqotlar natijalarini va nou-xau ishlanmalarni keng joriy etish, ushbu yoʻnalishda ilmiy muassasalar va real iqtisodiyot tarmoqlari korxonalari oʻrtasida yaqin hamkorlikni oʻrnatish mamlakatni jadal innovatsion rivojlantirishning muhim omili hisoblanadi.
Shu bilan birga, innovatsion gʻoyalar, texnologiyalar va loyihalarni toʻlaqonli realizatsiya qilish, ularni xorijiy investitsiyalarni jalb qilishning dolzarbligini hisobga olgan holda ishlab chiqarish tarmoqlariga amaliy joriy qilishga salbiy taʼsir koʻrsatayotgan bir qator omillar mavjud. Xususan:
birinchidan, xorijiy innovatsion va ilmiy markazlarni, yetakchi investitsion fondlarni, texnologik agentliklarni, texnoparklar va boshqa manfaatdor subyektlarni mahalliy innovatsion ishlanmalarni amalga oshirishda ishtirok etishga faol jalb etish borasida yetarli darajada chora-tadbirlar amalga oshirilmayapti;
ikkinchidan, davlat organlari va xususiy sektor vakillari, erkin iqtisodiy va kichik sanoat zonalari ishtirokida ishlab chiqarish joriy etilgan va muvaffaqiyatli qoʻllanilayotgan texnologiyalarni namoyish etish darajasi pastligicha qolmoqda;
uchinchidan, qulay investitsion muhitni shakllantirish, innovatsion gʻoyalar va loyihalarni ishlab chiqish va joriy etish sohasiga investitsiyalarni keng jalb qilish, ilgʻor va ilmiy hajmdor texnologiyalarni faol tarqatishning samarali tizimi mavjud emas;
toʻrtinchidan, respublika viloyatlari kesimida ilmiy va innovatsion faollik past, bir ishtirokchining qayta-qayta jalb etilishi esa, har yilgi taqdim qilinadigan innovatsion ishlanmalar va mahalliy amaliy tadqiqotlarga boʻlgan buyurtmalar portfel tematikalarining takrorlanishiga olib kelmoqda;
beshinchidan, texnologiyalarni tijoratlashtirish va ularni tashqi bozorlarga olib chiqish, milliy innovatsion tizimni shakllantirish boʻyicha amaliy tavsiyalar ishlab chiqish jarayonlariga koʻmaklashishning amaldagi mexanizmlarining samarasi past va kutilgan natijalarni bermayapti.
Innovatsion infratuzilmani yanada shakllantirish, tadbirkorlikni, investitsion salohiyatni rivojlantirish uchun qulay sharoitlar yaratish, innovatsion gʻoyalarni, texnologiyalar va loyihalarni ishlab chiqarish jarayoniga keng joriy qilish hamda 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilab berilgan vazifalarga muvofiq:
1. Oʻzbekiston Respublikasi Innovatsion rivojlanish vazirligi hamda Investitsiyalar va tashqi savdo vazirligining 2018-yildan boshlab har yili xorijiy innovatsion va ilmiy markazlar, investitsion fondlar, texnologik agentliklar, texnoparklar va biznes-inkubatorlarning faol ishtirokida Xalqaro innovatsion gʻoyalar haftaligi — “InnoWeek.Uz” (keyingi oʻrinlarda — haftalik) oʻtkazish toʻgʻrisidagi takliflari maʼqullansin.
2. Haftalikni oʻtkazishning asosiy maqsadlari etib quyidagilar belgilansin:
davlat organlari, erkin iqtisodiy va kichik sanoat zonalari, texnoparklar va xususiy tadbirkorlar, shuningdek iqtisodiyotning real sektorini akademik va tarmoq ilmiy-tadqiqot muassasalari bilan yetakchi xorijiy investitsion fondlar, innovatsion markazlar va boshqa manfaatdor tashkilotlar vakillari ishtirokidagi oʻzaro hamkorligini taʼminlash;
Oʻzbekiston Respublikasida va yetakchi xorijiy mamlakatlarda texnologiyalarni transfer qilish jarayonlari, shuningdek, real iqtisodiyot tarmoqlari va xususiy tadbirkorlik korxonalarida ishlanmalarni joriy qilishning natijalari bilan amaliy tanishib chiqishni taʼminlash yoʻli bilan mahalliy innovatsion gʻoyalar, texnologiyalar va loyihalarni tijoratlashtirish uchun sharoitlar yaratish;
innovatsion gʻoyalar, texnologiyalar va loyihalarni ishlab chiqish va joriy qilish sohasiga investitsiyalarni keng jalb qilish, ichki va tashqi bozorlarda jamoat va xususiy sektorlardan ilgʻor va ilmiy hajmdor texnologiyalarni faol tarqatish;
bozor ishtirokchilari oʻrtasida hamkorlikni kengaytirish, tarmoq korxonalarining jadal rivojlanishiga koʻmaklashadigan mintaqaviy va xalqaro aloqalarni rivojlantirish, ilmiy-tadqiqot muassasalari, xususiy tadbirkorlik va investorlar oʻrtasida kooperatsion aloqalarni kengaytirish;
xalqaro innovatsion-investitsion forumlar, konferensiyalar, davra suhbatlar, treninglar, mahorat darslari va boshqa tadbirlarni oʻtkazish;
ilmiy-tadqiqot, innovatsion va ixtiro gʻoyalari, texnologiyalari va loyihalarining doimiy asosda faoliyati amalga oshiriladigan va toʻldirib boriladigan maʼlumotlar bazasini yaratish.
3. Shunday tartib oʻrnatilsinki, haftalikni tashkil qilish tizimi quyidagilarni oʻz ichiga oladi:
birinchi blok “Tashabbuskor biznes” — Oʻzbekiston Respublikasi hamda ilgʻor xorijiy mamlakatlarning davlat va xususiy sektorlari tomonidan mahalliy va xorijiy texnoparklar, texnologik agentlarning tayyor ilmiy va innovatsion ishlanmalar natijalarini va texnologiyalarni tijoratlashtirish sohasidagi faoliyatini yoritish uchun tashkil etilgan koʻrgazma maydoni;
ikkinchi blok “Innovatsion yechimlar” — ichki va tashqi bozorlarga chiqish maqsadida davlat va xususiy ilmiy muassasalar tomonidan maket va/yoki prototip koʻrinishida eng zoʻr mahalliy ilmiy va innovatsion ishlanmalarni namoyish qilish;
uchinchi blok “Kooperatsion aloqalar” — muloqot va oʻzaro foydali hamkorlikni yoʻlga qoʻyish, sherikchilik va iqtisodiyotning ayrim tarmoqlari sohasidagi dolzarb masalalarni koʻrib chiqish uchun zarur boʻlgan qarorlarning miqyosini kengaytirish uchun platforma.
4. Belgilab qoʻyilsinki:
haftalikni har yili oʻtkazish Oʻzbekiston Respublikasi Oliy taʼlim, fan va innovatsiyalar vazirligi huzuridagi Innovatsion rivojlanish agentligi, Iqtisodiyot va moliya vazirligi, Tashqi ishlar vazirligi, Investitsiyalar, sanoat va savdo vazirligi va Savdo-sanoat palatasi tomonidan tashkil etiladi;
haftalikni oʻtkazish joyi, muddati va davriyligi Innovatsion rivojlanish agentligi direktori tomonidan belgilanadi.
5. Innovatsion rivojlanish agentligi direktori zimmasiga xorijiy innovatsion va ilmiy markazlar, investitsion jamgʻarmalar, texnik agentliklar, texnoparklar va biznes-inkubatorlarni jalb qilgan holda har yilgi haftalikni yuqori darajada tashkil qilish uchun shaxsiy javobgarlik yuklatilsin.
6. “Oʻzekspomarkaz” AJga innovatsiyalar yarmarkalarining ishtirokchilariga zaruriy koʻrgazma maydonlarini va konferensiya zallarini koʻrgazmalarni tashkil qilish va yarmarkani oʻtkazish uchun oʻrnatilgan tarifdan 30 foizlik chegirma bilan taqdim etishi yuzasidan tavsiya berilsin.
7. Belgilab qoʻyilsinki, haftalikni tashkil qilish va oʻtkazish bilan bogʻliq xarajatlar xoʻjalik boshqaruvi organlari va yirik davlat korxonalaridagi innovatsion faoliyatni qoʻllab-quvvatlash jamgʻarmalarining jami mablagʻlari 10 foizi miqdori hisobidan qoplanadi.
8. Oʻzbekiston Respublikasi Tashki ishlar vazirligi:
har yil oʻtkaziladigan haftalikda xorijiy innovatsion va ilmiy-markazlar, investitsion fondlar, texnologik agentliklar, texnoparklar, biznes-inkubatorlar va boshqa manfaatdor subyektlarning ishtirokini taʼminlasin;
Oʻzbekiston Respublikasi Innovatsion rivojlanish vazirligi talabnomalariga binoan haftalikning xorijiy mutaxassis-ishtirokchilari uchun kirish vizalarini belgilangan tartibda rasmiylashtirilishini taʼminlasin.
9. Oʻzbekiston Respublikasi Innovatsion rivojlanish vazirligi:
Oʻzbekiston Respublikasi Adliya vazirligi bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin;
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan hamkorlikda uch oy muddatda oʻzida haftalikning barcha amaldagi va salohiyatli ishtirokchilari toʻgʻrisidagi axborotlar hamda tijoratlashtirish uchun tayyor boʻlgan innovatsion ishlanmalar haqidagi maʼlumotlarni jamlaydigan, doimiy yangilanib turadigan “Innovatsiyalarning virtual yarmarkasi” interaktiv Internet-portali ishlab chiqilishini va faoliyat yuritishini taʼminlasin.
10. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov, Oʻzbekiston Respublikasi Prezidentining Davlat maslahatchisi R.S. Qosimov va Oʻzbekiston Respublikasi innovatsion rivojlanish vaziri I.Yu. Abduraxmonov zimmasiga yuklatilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 27-aprel,
PQ-3682-son
Президента Республики Узбекистан
Постановление
О мерах по дальнейшему совершенствованию системы практического внедрения инновационных идей, технологий и проектов
Широкое внедрение результатов научно-прикладных исследований и ноу-хау разработок в процессы модернизации, технического и технологического обновления производства, тесная кооперация в этом плане научных организаций и предприятий отраслей реальной экономики являются важнейшим фактором ускоренного инновационного развития страны.
Вместе с тем имеется ряд факторов, негативно влияющих на полноценную реализацию инновационных идей, технологий и проектов, их практическое внедрение в производственные отрасли с учетом актуальности привлечения иностранных инвестиций. В частности:
первое, недостаточно принимаются меры по активному привлечению зарубежных инновационных и научных центров, ведущих инвестиционных фондов, технологических агентств, технопарков и других заинтересованных субъектов к участию в реализации отечественных инновационных разработок;
второе, сохраняется низкий уровень демонстрации внедренных технологий, успешно используемых на производстве, с участием представителей государственных органов и частного сектора, свободных экономических и малых промышленных зон;
третье, отсутствует действенная система формирования благоприятного инвестиционного климата, широкого привлечения инвестиций в сферу разработки и внедрения инновационных идей и проектов, активного распространения прорывных и наукоемких технологий;
четвертое, существует низкая научная и инновационная активность в разрезе областей республики, а привлечение одних и тех же участников приводит к ежегодному повторению тематик представленных инновационных разработок и портфеля заказов на отечественные прикладные исследования;
пятое, действующие механизмы содействия процессу коммерциализации технологий и обеспечения их выхода на внешние рынки, выработке практических рекомендаций по формированию национальной инновационной системы являются малоэффективными и не дают ожидаемые результаты.
В целях дальнейшего формирования инновационной инфраструктуры, создания благоприятных условий для развития предпринимательства, инвестиционного потенциала, широкого внедрения в производства инновационных идей, технологий и проектов, а также в соответствии с задачами Стратегии действий по пяти приоритетным направлениям развития Республики Узбекистан в 2017 — 2021 годах:
1. Одобрить предложения Министерства инновационного развития и Министерства инвестиций и внешней торговли Республики Узбекистан начиная с 2018 года о ежегодном проведении Международной недели инновационных идей — «InnoWeek.Uz» (далее — неделя) с активным участием зарубежных инновационных и научных центров, инвестиционных фондов, технологических агентств, технопарков и бизнес-инкубаторов.
2. Определить основными целями проведения недели:
обеспечение взаимодействия государственных органов, субъектов свободных экономических и малых промышленных зон, технопарков и частного предпринимательства, а также сектора реальной экономики с академическими и отраслевыми научно-исследовательскими учреждениями при участии представителей ведущих зарубежных инвестиционных фондов, инновационных центров и других заинтересованных организаций;
создание условий для коммерциализации отечественных инновационных идей, технологий и проектов путем обеспечения практического ознакомления с процессом трансфера технологий в Республике Узбекистан и передовых зарубежных странах, а также результатами внедрения разработок на предприятиях отраслей реальной экономики и частного предпринимательства;
широкое привлечение инвестиций в сферу разработки и внедрения инновационных идей, технологий и проектов, действенное распространение прорывных и наукоемких технологий из общественного и частного секторов на внутреннем и внешнем рынках;
развитие региональных и международных связей, способствующих динамичному совершенствованию предприятий отрасли, расширение кооперационных связей между научно-исследовательскими учреждениями, частными предпринимателями и инвесторами;
проведение международных инновационно-инвестиционных форумов, конференций, «круглых столов», семинаров, тренингов, мастер-классов и других мероприятий;
создание постоянно действующего и пополняемого информационного банка данных научно-исследовательских, инновационных и изобретательских идей, технологий и проектов.
3. Ввести порядок, в соответствии с которым система организации недели включает:
первый блок «Инициативный бизнес» — выставочное пространство, организованное секциями государственного и частного сектора Республики Узбекистан и передовых зарубежных стран для демонстрации готовых результатов научных и инновационных разработок и освещения деятельности отечественных и зарубежных технопарков, технологических агентов в области коммерциализации технологий;
второй блок «Инновационные решения» — демонстрация лучших отечественных научных и инновационных разработок, представленных государственными и частными научными учреждениями в виде макетов и/или прототипов с целью выхода на внутренний и внешний рынки;
третий блок «Кооперационные связи» — платформа для общения и налаживания взаимовыгодного сотрудничества, построения партнерств и масштабирования решений, необходимых для рассмотрения актуальных вопросов в сфере отдельных секторов экономики.
4. Определить, что:
ежегодное проведение недели организуется Агентством инновационного развития при Министерстве высшего образования, науки и инноваций, Министерством экономики и финансов, Министерством иностранных дел, Министерством инвестиций, промышленности и торговли и Торгово-промышленной палатой Республики Узбекистан;
сроки и периодичность проведения недели определяются директором Агентства инновационного развития.
5. Возложить персональную ответственность на директора Агентства инновационного развития за проведение на высоком организационном уровне ежегодных недель с привлечением зарубежных инновационных и научных центров, инвестиционных фондов, технологических агентств, технопарков и бизнес-инкубаторов.
6. Рекомендовать АО «Узэкспоцентр» предоставлять участникам ярмарок инноваций необходимые выставочные площади и конференц-зал для организации экспозиции и проведения ярмарки со скидкой в размере 30 процентов от установленных тарифов.
7. Определить, что расходы, связанные с организацией и проведением недель, покрываются за счет 10 процентов от общей суммы средств фондов поддержки инновационной деятельности органов хозяйственного управления и крупных государственных предприятий.
8. Министерству иностранных дел Республики Узбекистан:
обеспечить участие зарубежных инновационных и научных центров, инвестиционных фондов, технологических агентств, технопарков, бизнес- инкубаторов и других заинтересованных субъектов на ежегодно проводимых недель;
на основе заявок Министерства инновационного развития Республики Узбекистан обеспечить в установленном порядке оформление въездных виз зарубежным специалистам-участникам недели.
9. Министерству инновационного развития Республики Узбекистан совместно с:
Министерством юстиции в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления;
Министерством по развитию информационных технологий и коммуникаций Республики Узбекистан в трехмесячный срок обеспечить разработку и функционирование постоянно обновляющегося интерактивного Интернет-портала «Виртуальная ярмарка инноваций», аккумулирующего сведения о всех действующих и потенциальных участниках недели, а также инновационных разработках, готовых к коммерциализации.
10. Контроль за исполнением настоящего постановления возложить на Премьер-министра Республики Узбекистан А.Н. Арипова, Государственного советника Президента Республики Узбекистан Р.С. Касимова и министра инновационного развития Республики Узбекистан И.Ю. Абдурахмонова.
Президент Республики Узбекистан Ш. МИРЗИЁЕВ
г. Ташкент,
27 апреля 2018 г.,
№ ПП-3682