📅 2018-yil 23-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 23 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 23 апреля 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 23 April 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Маъмурий-ҳудудий бирликлар чегараларини белгилаш, ер ресурсларини хатловдан ўтказиш ҳамда яйлов ва пичанзорларда геоботаник тадқиқотларни ўтказиш тартибини янада такомиллаштириш чора-тадбирлари тўғрисида
Сўнгги йилларда республикамизда ерлардан оқилона ва самарали фойдаланишни ташкил этиш, ер муносабатларини тартибга солиш, ерлардан фойдаланишда давлат назоратини кучайтириш борасида қатор чора-тадбирлар амалга оширилди.
Шу билан бирга, ерлардан фойдаланишда давлат назоратини самарали ташкил этиш, соҳага замонавий технологияларни жорий этиш, ер ресурсларини ҳисобга олиш ишлари етарли даражада ташкил этилмасдан қолмоқда.
Жумладан, Қорақалпоғистон Республикаси, вилоятлар, Тошкент шаҳри, туманлар (шаҳарлар), шаҳарчалар, қишлоқлар (овуллар) чегараларининг координаталар тизимига боғланмаганлиги ҳудудларда ер ҳисоботини юритиш, ер ажратиш, ер муносабатларини тартибга солиш борасида муаммоларга сабаб бўлмоқда.
Шунингдек, мавжуд 21 млн. гектар яйлов ва пичанзорлардан самарали фойдаланиш, ўсимликларнинг тури ва сонини кўпайтириш, ҳосилдорлигини ошириш, чорва молларини тартибли алмашлаб боқишни йўлга қўйиш, яйлов ва пичанзорлар деградациясининг олдини олиш мақсадида геоботаник тадқиқотларни ўтказиш юзасидан тадбирлар умуман назоратдан четда қолиб кетган.
Натижада сўнгги 25 — 30 йилда яйлов ва пичанзорларнинг 35 — 40 фоизи деградацияга учраган, ўсимликлар тури ва сони 20 фоизга камайиб, ҳосилдорлик 1,5-2 баробарга тушиб кетган.
Бундан ташқари, Қорақалпоғистон Республикаси, вилоятлар, Тошкент шаҳри, туманлар (шаҳарлар) маъмурий чегараларини белгилаш, ер ресурсларини хатловдан ўтказиш ва ҳисоб-китобини йўлга қўйиш ишлари тизимли ташкил этилмаганлиги сабабли жойларда ички чегараларни аниқлашда турли муаммолар юзага келмоқда.
Юқоридагиларни инобатга олиб ҳамда ерларни муҳофаза қилиш ва улардан оқилона фойдаланиш юзасидан давлат назоратини кучайтириш, ер ресурсларини аниқ ҳисобини юритишни тизимли йўлга қўйиш, қишлоқ хўжалиги ерларидан, жумладан, суғориладиган, лалми ва яйлов ерлардан фойдаланиш самарадорлигини ошириш мақсадида Вазирлар Маҳкамаси қарор қилади:
1. Ўзбекистон Республикаси Ер ресурслари, геодезия, картография ва давлат кадастри давлат қўмитаси, Қишлоқ хўжалиги вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан ишлаб чиқилган:
Маъмурий-ҳудудий бирликлар чегараларини белгилаш тартиби тўғрисидаги низом 1-иловага * мувофиқ;
Ер ресурсларини хатловдан ўтказиш тартиби тўғрисидаги низом 2-иловага * мувофиқ;
Яйлов ва пичанзорларда геоботаник тадқиқот ишларини ўтказиш тартиби тўғрисидаги низом 3-иловага * мувофиқ тасдиқлансин.
2. Ўзбекистон Республикаси Молия вазирлиги маъмурий-ҳудудий бирликлар чегараларини белгилаш, ер ресурсларини хатловдан ўтказиш ҳамда яйлов ва пичанзорларда геоботаник тадқиқотларни ўтказиш ишлари Давлат бюджетининг йиллик ажратиладиган параметрларига қўшимча маблағлар ҳисобига молиялаштирилишини таъминласин.
3. Ўзбекистон Республикаси Давлат солиқ қўмитаси ҳузуридаги Кадастр агентлиги, Қишлоқ хўжалиги вазирлиги Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда:
2018 — 2026 йиллар мобайнида маъмурий-ҳудудий бирликлар чегаралари белгиланишини, ер ресурслари хатловдан ўтказилишини, яйлов ва пичанзорларда геоботаник тадқиқотлар ўтказилишини таъминласин;
ер ресурсларини хатловдан ўтказиш натижаларига кўра, Қорақалпоғистон Республикаси, вилоятлар ва Тошкент шаҳри ҳудудлари бўйича ер ресурсларининг тоифалари ва турларини ўзгартириш, ер тўғрисидаги қонун ҳужжатлари бузилиши ҳолатларини бартараф этиш, ер ресурсларидан мақсадли ва самарали фойдаланишни ташкил этиш, ҳолати ёмонлашган ва деградацияга учраган майдонларни тиклаш ёки консервация қилиш юзасидан Ўзбекистон Республикаси Вазирлар Маҳкамасига таклифлар киритиб борсинлар.
4. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
маъмурий-ҳудудий бирликлар чегараларини белгилаш ва ер ресурсларини хатловдан ўтказишни мувофиқлаштирувчи комиссияни 4-иловага * мувофиқ бир ҳафта муддатда намунавий таркибда ташкил этсинлар;
маъмурий-ҳудудий бирликлар чегараларини белгилаш ишлари якунлангандан сўнг бир ой муддатда заруратга кўра, қонун ҳужжатларида белгиланган тартибда маъмурий-ҳудудий бирликлар чегараларини белгилаш ёки уларга ўзгартириш киритиш бўйича Ўзбекистон Республикаси Вазирлар Маҳкамасига, Қорақалпоғистон Республикаси Жўқорғи Кенгесига ҳамда тегишли халқ депутатлари вилоят Кенгашларига таклифлар киритилишини таъминласинлар.
5. Белгилаб қўйилсинки, Ўзбекистон Республикаси Давлат солиқ қўмитаси ҳузуридаги Кадастр агентлиги ва Қишлоқ хўжалиги вазирлигининг ердан фойдаланиш ва уни муҳофаза қилишни назорат қилиш бўйича давлат инспекторлари ташкилий-ҳуқуқий шаклидан қатъий назар, ердан фойдаланувчилар томонидан уларга ажратиб берилган ерлардан фойдаланиш ҳолатини (молиявий хўжалик фаолиятига аралашмаган ҳолда) мунтазам мониторинг қилиб бориш ҳуқуқига эга.
6. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари З.Т. Мирзаев ҳамда Ўзбекистон Республикаси Ер ресурслари, геодезия, картография ва давлат кадастри давлат қўмитаси раиси А.Ҳ. Абдуллаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 23 апрель,
299-сон
Oʻzbekiston Respublikasi Vazirlar Mahkamasining
qarori
Maʼmuriy-hududiy birliklar chegaralarini belgilash, yer resurslarini xatlovdan oʻtkazish hamda yaylov va pichanzorlarda geobotanik tadqiqotlarni oʻtkazish tartibini yanada takomillashtirish chora-tadbirlari toʻgʻrisida
Soʻnggi yillarda respublikamizda yerlardan oqilona va samarali foydalanishni tashkil etish, yer munosabatlarini tartibga solish, yerlardan foydalanishda davlat nazoratini kuchaytirish borasida qator chora-tadbirlar amalga oshirildi.
Shu bilan birga, yerlardan foydalanishda davlat nazoratini samarali tashkil etish, sohaga zamonaviy texnologiyalarni joriy etish, yer resurslarini hisobga olish ishlari yetarli darajada tashkil etilmasdan qolmoqda.
Jumladan, Qoraqalpogʻiston Respublikasi, viloyatlar, Toshkent shahri, tumanlar (shaharlar), shaharchalar, qishloqlar (ovullar) chegaralarining koordinatalar tizimiga bogʻlanmaganligi hududlarda yer hisobotini yuritish, yer ajratish, yer munosabatlarini tartibga solish borasida muammolarga sabab boʻlmoqda.
Shuningdek, mavjud 21 mln. gektar yaylov va pichanzorlardan samarali foydalanish, oʻsimliklarning turi va sonini koʻpaytirish, hosildorligini oshirish, chorva mollarini tartibli almashlab boqishni yoʻlga qoʻyish, yaylov va pichanzorlar degradatsiyasining oldini olish maqsadida geobotanik tadqiqotlarni oʻtkazish yuzasidan tadbirlar umuman nazoratdan chetda qolib ketgan.
Natijada soʻnggi 25 — 30 yilda yaylov va pichanzorlarning 35 — 40 foizi degradatsiyaga uchragan, oʻsimliklar turi va soni 20 foizga kamayib, hosildorlik 1,5-2 barobarga tushib ketgan.
Bundan tashqari, Qoraqalpogʻiston Respublikasi, viloyatlar, Toshkent shahri, tumanlar (shaharlar) maʼmuriy chegaralarini belgilash, yer resurslarini xatlovdan oʻtkazish va hisob-kitobini yoʻlga qoʻyish ishlari tizimli tashkil etilmaganligi sababli joylarda ichki chegaralarni aniqlashda turli muammolar yuzaga kelmoqda.
Yuqoridagilarni inobatga olib hamda yerlarni muhofaza qilish va ulardan oqilona foydalanish yuzasidan davlat nazoratini kuchaytirish, yer resurslarini aniq hisobini yuritishni tizimli yoʻlga qoʻyish, qishloq xoʻjaligi yerlaridan, jumladan, sugʻoriladigan, lalmi va yaylov yerlardan foydalanish samaradorligini oshirish maqsadida Vazirlar Mahkamasi qaror qiladi:
1. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Qishloq xoʻjaligi vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan ishlab chiqilgan:
Maʼmuriy-hududiy birliklar chegaralarini belgilash tartibi toʻgʻrisidagi nizom 1-ilovaga * muvofiq;
Yer resurslarini xatlovdan oʻtkazish tartibi toʻgʻrisidagi nizom 2-ilovaga * muvofiq;
Yaylov va pichanzorlarda geobotanik tadqiqot ishlarini oʻtkazish tartibi toʻgʻrisidagi nizom 3-ilovaga * muvofiq tasdiqlansin.
2. Oʻzbekiston Respublikasi Moliya vazirligi maʼmuriy-hududiy birliklar chegaralarini belgilash, yer resurslarini xatlovdan oʻtkazish hamda yaylov va pichanzorlarda geobotanik tadqiqotlarni oʻtkazish ishlari Davlat budjetining yillik ajratiladigan parametrlariga qoʻshimcha mablagʻlar hisobiga moliyalashtirilishini taʼminlasin.
3. Oʻzbekiston Respublikasi Davlat soliq qoʻmitasi huzuridagi Kadastr agentligi, Qishloq xoʻjaligi vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda:
2018 — 2026-yillar mobaynida maʼmuriy-hududiy birliklar chegaralari belgilanishini, yer resurslari xatlovdan oʻtkazilishini, yaylov va pichanzorlarda geobotanik tadqiqotlar oʻtkazilishini taʼminlasin;
yer resurslarini xatlovdan oʻtkazish natijalariga koʻra, Qoraqalpogʻiston Respublikasi, viloyatlar va Toshkent shahri hududlari boʻyicha yer resurslarining toifalari va turlarini oʻzgartirish, yer toʻgʻrisidagi qonun hujjatlari buzilishi holatlarini bartaraf etish, yer resurslaridan maqsadli va samarali foydalanishni tashkil etish, holati yomonlashgan va degradatsiyaga uchragan maydonlarni tiklash yoki konservatsiya qilish yuzasidan Oʻzbekiston Respublikasi Vazirlar Mahkamasiga takliflar kiritib borsinlar.
4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
maʼmuriy-hududiy birliklar chegaralarini belgilash va yer resurslarini xatlovdan oʻtkazishni muvofiqlashtiruvchi komissiyani 4-ilovaga * muvofiq bir hafta muddatda namunaviy tarkibda tashkil etsinlar;
maʼmuriy-hududiy birliklar chegaralarini belgilash ishlari yakunlangandan soʻng bir oy muddatda zaruratga koʻra, qonun hujjatlarida belgilangan tartibda maʼmuriy-hududiy birliklar chegaralarini belgilash yoki ularga oʻzgartirish kiritish boʻyicha Oʻzbekiston Respublikasi Vazirlar Mahkamasiga, Qoraqalpogʻiston Respublikasi Joʻqorgʻi Kengesiga hamda tegishli xalq deputatlari viloyat Kengashlariga takliflar kiritilishini taʼminlasinlar.
5. Belgilab qoʻyilsinki, Oʻzbekiston Respublikasi Davlat soliq qoʻmitasi huzuridagi Kadastr agentligi va Qishloq xoʻjaligi vazirligining yerdan foydalanish va uni muhofaza qilishni nazorat qilish boʻyicha davlat inspektorlari tashkiliy-huquqiy shaklidan qatʼiy nazar, yerdan foydalanuvchilar tomonidan ularga ajratib berilgan yerlardan foydalanish holatini (moliyaviy xoʻjalik faoliyatiga aralashmagan holda) muntazam monitoring qilib borish huquqiga ega.
6. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Z.T. Mirzayev hamda Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi raisi A.H. Abdullayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 23-aprel,
299-son
Кабинета Министров Республики Узбекистан
Постановление
О мерах по дальнейшему совершенствованию порядка определения границ административно-территориальных единиц, инвентаризации земельных ресурсов и проведения геоботанических обследований пастбищ и сенокосов
В последние годы в республике принят ряд мер по укреплению государственного контроля за рациональным и эффективным использованием земельных ресурсов, регулированию земельных отношений, землепользования.
В то же время, недостаточно эффективно организованы работы по осуществлению государственного контроля в сфере землепользования, внедрению современных технологий, ведению надлежащего учета земельных ресурсов.
В частности, возникают проблемы при ведении учета земель, отводе земель, регулировании земельных отношений в Республике Каракалпакстан, областях, городе Ташкенте, районах (городах), городских поселках, кишлаках (аулов), где границы территорий не привязаны к системе координат.
Кроме того, полностью выпали из-под контроля мероприятия по эффективному использованию имеющихся 21 млн. гектаров пастбищ и сенокосов, увеличению типов и количества растений, повышению плодородия, соблюдению порядка чередования выпаса скота, проведению геоботанических обследований с целью предотвращения деградации пастбищ и сенокосов.
В результате, за последние 25 — 30 лет 35 — 40 процентов площадей пастбищ и сенокосов подверглись деградации, на 20 процентах сократились количество и типы растений, произрастающих на них, а их урожайность снизилась в 1,5-2 раза.
Отсутствие системного подхода к организации работ по установлению административных границ Республики Каракалпакстан, областей, города Ташкента и районов (городов), проведению инвентаризации земельных ресурсов и их учету стало причиной возникновения различных проблем при определении внутренних границ на местах.
Принимая во внимание вышеизложенное и в целях усиления государственного контроля за охраной и рациональным использованием земель, налаживания системного ведения точного учета земельных ресурсов, повышения эффективности использования сельскохозяйственных земель, в том числе орошаемых, богарных и пастбищных площадей, Кабинет Министров постановляет:
1. Утвердить разработанные Государственным комитетом Республики Узбекистан по земельным ресурсам, геодезии, картографии и государственному кадастру, Министерством сельского хозяйства, Советом Министров Республики Каракалпакстан, хокимиятами областей и города Ташкента:
Положение о порядке определения границ административно-территориальных единиц согласно приложению № 1 * ;
Положение о порядке проведения инвентаризации земельных ресурсов согласно приложению № 2 * ;
Положение о порядке проведения геоботанических обследований пастбищ и сенокосов согласно приложению № 3 * .
2. Министерству финансов Республики Узбекистан обеспечить финансирование работ по определению границ административно-территориальных единиц, инвентаризации земельных ресурсов и проведению геоботанических обследований пастбищ и сенокосов за счет дополнительных средств, выделяемых в пределах параметров ежегодного государственного бюджета.
3. Агентству по кадастру при Государственном налоговом комитете, Министерству сельского хозяйства совместно с Советом Министров Республики Каракалпакстан, хокимиятами областей и города Ташкента:
обеспечить в период с 2018 — 2026 годы установление границ административно-территориальных единиц, проведение инвентаризации земельных ресурсов, проведение геоботанических обследований пастбищ и сенокосов;
по результатам проведения инвентаризации земельных ресурсов внести в Кабинет Министров Республики Узбекистан предложения по изменению категорий и типов земельных ресурсов в Республике Каракалпакстан, областях и городе Ташкенте, устранению случаев нарушения земельного законодательства, организации целевого и эффективного использования земельных ресурсов, восстановлению или консервации земельных площадей, подвергшихся ухудшению и деградации.
4. Совету Министров Республики Каракалпакстан, хокимиятам областей и города Ташкента:
в недельный срок создать комиссию по координации определения границ административно-территориальных единиц и проведения инвентаризации земельных ресурсов по типовому составу согласно приложению № 4 * ;
в месячный срок после окончания работ по установлению границ административно-территориальных единиц внести в Кабинет Министров Республики Узбекистан, Жокаргы Кенес Республики Каракалпакстан и Кенгаши народных депутатов соответствующих областей предложения по установлению или изменению границ административно-территориальных единиц в порядке, определенном законодательством.
5. Установить, что государственные инспектора по контролю за использованием и охраной земель Агентства по кадастру при Государственном налоговом комитете и Министерства сельского хозяйства Республики Узбекистан имеют право осуществлять регулярный мониторинг за использованием земель, выделенных землепользователям, независимо от их организационно-правовой формы (без вмешательства в финансовую деятельность).
6. Контроль за исполнением настоящего постановления возложить на заместителя Премьер-министра Республики Узбекистан З.Т. Мирзаева, председателя Государственного комитета Республики Узбекистан по земельным ресурсам, геодезии и государственному кадастру А.Х. Абдуллаева.
Премьер-министр Республики Узбекистан А. АРИПОВ
г. Ташкент,
23 апреля 2018 г.,
№ 299