📅 2018-yil 28-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 28 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 апреля 2018 г. · Постановления Президента
Официальный текст. Официальный документ. Редакционные примечания не включены.
📅 28 April 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Қайта тикланадиган энергия манбалари соҳасида инвестиция лойиҳаларини амалга оширишга оид қўшимча чора-тадбирлар тўғрисида
Ўзбекистон Республикасида қайта тикланадиган энергияни ишлаб чиқаришга хорижий инвестициялар ва замонавий технологияларни кенг жалб этиш мақсадида:
1. Маълумот учун қабул қилинсинки:
«Ўзбекэнерго» АЖ ва «SkyPower Global» компанияси (Кайман ороллари) (кейинги ўринларда — Компания) ўртасида 2018 йил 19 апрель куни электр энергия сотиб олиш тўғрисида 1-сонли Битим (кейинги ўринларда — Битим) тузилди;
«Ўзбекистон Республикаси Президенти ҳузуридаги Лойиҳа бошқаруви миллий агентлиги ҳузуридаги Лойиҳалар ва импорт контрактларини комплекс экспертиза қилиш маркази» ДУК томонидан жорий ўртача ҳисобда жаҳон конъюнктурасига мувофиқ баҳо белгилаш тўғрисидаги Битим бўйича ижобий хулоса берилди;
Битимга мувофиқ Компания шахсий маблағлари ва ўзи жалб этадиган кредитлар эвазига Компаниянинг умумий инвестициялари ҳажми 1,3 млрд. АҚШ доллари миқдорида минг (1 000) МВт ўзгарувчан ток умумий қувватидаги фотоэлектр қуёш энергиясини ишлаб чиқариш бўйича объектларни лойиҳалаштириш, молиялаштириш, қуриш, эгалик қилиш ва фойдаланиш лойиҳаларини амалга оширади.
2. Битим амалда бўлган даврда Компания ва унинг лойиҳа ташкилотлари (тегишли ҳудудда ташкил этилаётган шуъба корхоналари), шунингдек, лойиҳани амалга ошириш учун жалб этиладиган субпудрат ташкилотлари:
белгиланган тартибда тасдиқланадиган рўйхатлар бўйича лойиҳани амалга ошириш доирасида, Ўзбекистон Республикасида ишлаб чиқарилмайдиган янги ускуналар ва материаллар, эҳтиёт қисмлар, бутловчи буюмлар ва узеллар, технологик ҳужжатлар, махсус техника ҳамда транспорт воситалар, дастурий маҳсулотларни олиб киришда божхона тўловлари тўлашдан (божхона йиғимларидан ташқари);
доимий муассасалар, жумладан, тўлов манбаи (дивидендларни ҳисобга олган ҳолда) орқали олинадиган даромадлар бўйича юридик шахсларнинг фойда солиғидан;
Компания, унинг лойиҳа ва субпудрат ташкилотлари томонидан сотиладиган товарлар (ишлар, хизматлар) қўшилган қиймат солиғива автотранспорт йиғимидан;
Компания ва унинг лойиҳа ташкилотлари — фотоэлектр қуёш энергиясини ишлаб чиқарувчи ускуналар ва қурилмалар бўйича мулк солиғидан, шунингдек, ускуналар ва қурилмалар билан банд этилган ер участкалари ер солиғи тўлашдан озод этилсин.
3. Тошкент, Самарқанд, Навоий, Жиззах, Сурхондарё ва Қашқадарё вилояти ҳокимликлари бир ой муддатда Компания талабномаларига кўра лойиҳани амалга ошириш учун белгиланган тартибда ер участкалари ажратилишини таъминласин.
4. Белгилансинки, Компания томонидан етказиб берилган электр энергияси учун «Ўзбекэнерго» АЖ томонидан электр энергия ҳақини тўлай олмаслик ҳолати юзага келган ҳолда мазкур тўловлар Ўзбекистон Республикаси Давлат бюджети томонидан амалга оширилади.
Ўзбекистон Республикаси Молия вазирлиги етказиб берилган электр энергияси учун тўловларни амалга ошириш қисмида «Ўзбекэнерго» АЖ мажбуриятларини бажариш бўйича Компанияга кафолатларни тақдим этсин.
5. Ўзбекистон Республикаси Ташқи ишлар вазирлиги лойиҳани амалга оширишда қатнашаётган хорижий мутахассисларга консуллик ва бошқа йиғимлар ундирилмаган ҳолда белгиланган тартибда кириш визалари расмийлаштирилишини таъминласин.
6. Ўзбекистон Республикаси Ички ишлар вазирлиги лойиҳани амалга оширишда қатнашаётган хорижий мутахассисларга белгиланган тартибда кўп марталик визаларни расмийлаштириш, бериш ва муддатини узайтириш, шунингдек, вақтинчалик рўйхатга қўйиш, яшаш жойида ҳисобга олиш ва рўйхатда туриш муддати узайтирилишини таъминласин.
7. Ўзбекистон Республикаси Бандлик ва меҳнат муносабатлари вазирлиги лойиҳани амалга ошириш учун республикага юқори малакали хорижий мутахассисларни жалб қилишга рухсатномалар беришни (муддатини узайтириш), шунингдек, жалб қилинаётган хорижий мутахассисларга Ўзбекистон Республикаси ҳудудида меҳнат фаолиятини амалга ошириш ҳуқуқини берадиган тасдиқномалар берилишини белгиланган тартибда таъминласин.
8. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Бош вазирининг ўринбосари — Инвестициялар бўйича давлат қўмитаси раиси С.Р. Холмуродов ва Ўзбекистон Республикаси Бош вазирининг ўринбосари — «Ўзбекнефтгаз» АЖ бошқаруви раиси А.С. Султонов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 28 апрель,
ПҚ-3687-сон
Oʻzbekiston Respublikasi Prezidentining
Qarori
Qayta tiklanadigan energiya manbalari sohasida investitsiya loyihalarini amalga oshirishga oid qoʻshimcha chora-tadbirlar toʻgʻrisida
Oʻzbekiston Respublikasida qayta tiklanadigan energiyani ishlab chiqarishga xorijiy investitsiyalar va zamonaviy texnologiyalarni keng jalb etish maqsadida:
1. Maʼlumot uchun qabul qilinsinki:
“Oʻzbekenergo” AJ va “SkyPower Global” kompaniyasi (Kayman orollari) (keyingi oʻrinlarda — Kompaniya) oʻrtasida 2018-yil 19-aprel kuni elektr energiya sotib olish toʻgʻrisida 1-sonli Bitim (keyingi oʻrinlarda — Bitim) tuzildi;
“Oʻzbekiston Respublikasi Prezidenti huzuridagi Loyiha boshqaruvi milliy agentligi huzuridagi Loyihalar va import kontraktlarini kompleks ekspertiza qilish markazi” DUK tomonidan joriy oʻrtacha hisobda jahon konyunkturasiga muvofiq baho belgilash toʻgʻrisidagi Bitim boʻyicha ijobiy xulosa berildi;
Bitimga muvofiq Kompaniya shaxsiy mablagʻlari va oʻzi jalb etadigan kreditlar evaziga Kompaniyaning umumiy investitsiyalari hajmi 1,3 mlrd. AQSH dollari miqdorida ming (1 000) MVt oʻzgaruvchan tok umumiy quvvatidagi fotoelektr quyosh energiyasini ishlab chiqarish boʻyicha obyektlarni loyihalashtirish, moliyalashtirish, qurish, egalik qilish va foydalanish loyihalarini amalga oshiradi.
2. Bitim amalda boʻlgan davrda Kompaniya va uning loyiha tashkilotlari (tegishli hududda tashkil etilayotgan shuʼba korxonalari), shuningdek, loyihani amalga oshirish uchun jalb etiladigan subpudrat tashkilotlari:
belgilangan tartibda tasdiqlanadigan roʻyxatlar boʻyicha loyihani amalga oshirish doirasida, Oʻzbekiston Respublikasida ishlab chiqarilmaydigan yangi uskunalar va materiallar, ehtiyot qismlar, butlovchi buyumlar va uzellar, texnologik hujjatlar, maxsus texnika hamda transport vositalar, dasturiy mahsulotlarni olib kirishda bojxona toʻlovlari toʻlashdan (bojxona yigʻimlaridan tashqari);
doimiy muassasalar, jumladan, toʻlov manbai (dividendlarni hisobga olgan holda) orqali olinadigan daromadlar boʻyicha yuridik shaxslarning foyda soligʻidan;
Kompaniya, uning loyiha va subpudrat tashkilotlari tomonidan sotiladigan tovarlar (ishlar, xizmatlar) qoʻshilgan qiymat soligʻiva avtotransport yigʻimidan;
Kompaniya va uning loyiha tashkilotlari — fotoelektr quyosh energiyasini ishlab chiqaruvchi uskunalar va qurilmalar boʻyicha mulk soligʻidan, shuningdek, uskunalar va qurilmalar bilan band etilgan yer uchastkalari yer soligʻi toʻlashdan ozod etilsin.
3. Toshkent, Samarqand, Navoiy, Jizzax, Surxondaryo va Qashqadaryo viloyati hokimliklari bir oy muddatda Kompaniya talabnomalariga koʻra loyihani amalga oshirish uchun belgilangan tartibda yer uchastkalari ajratilishini taʼminlasin.
4. Belgilansinki, Kompaniya tomonidan yetkazib berilgan elektr energiyasi uchun “Oʻzbekenergo” AJ tomonidan elektr energiya haqini toʻlay olmaslik holati yuzaga kelgan holda mazkur toʻlovlar Oʻzbekiston Respublikasi Davlat budjeti tomonidan amalga oshiriladi.
Oʻzbekiston Respublikasi Moliya vazirligi yetkazib berilgan elektr energiyasi uchun toʻlovlarni amalga oshirish qismida “Oʻzbekenergo” AJ majburiyatlarini bajarish boʻyicha Kompaniyaga kafolatlarni taqdim etsin.
5. Oʻzbekiston Respublikasi Tashqi ishlar vazirligi loyihani amalga oshirishda qatnashayotgan xorijiy mutaxassislarga konsullik va boshqa yigʻimlar undirilmagan holda belgilangan tartibda kirish vizalari rasmiylashtirilishini taʼminlasin.
6. Oʻzbekiston Respublikasi Ichki ishlar vazirligi loyihani amalga oshirishda qatnashayotgan xorijiy mutaxassislarga belgilangan tartibda koʻp martalik vizalarni rasmiylashtirish, berish va muddatini uzaytirish, shuningdek, vaqtinchalik roʻyxatga qoʻyish, yashash joyida hisobga olish va roʻyxatda turish muddati uzaytirilishini taʼminlasin.
7. Oʻzbekiston Respublikasi Bandlik va mehnat munosabatlari vazirligi loyihani amalga oshirish uchun respublikaga yuqori malakali xorijiy mutaxassislarni jalb qilishga ruxsatnomalar berishni (muddatini uzaytirish), shuningdek, jalb qilinayotgan xorijiy mutaxassislarga Oʻzbekiston Respublikasi hududida mehnat faoliyatini amalga oshirish huquqini beradigan tasdiqnomalar berilishini belgilangan tartibda taʼminlasin.
8. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining oʻrinbosari — Investitsiyalar boʻyicha davlat qoʻmitasi raisi S.R. Xolmurodov va Oʻzbekiston Respublikasi Bosh vazirining oʻrinbosari — “Oʻzbekneftgaz” AJ boshqaruvi raisi A.S. Sultonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 28-aprel,
PQ-3687-son
Президента Республики Узбекистан
Постановление
О дополнительных мерах по реализации инвестиционных проектов в области возобновляемых источников энергии
В целях широкого привлечения иностранных инвестиций и современных технологий в производство возобновляемых источников энергии в Республике Узбекистан:
1. Принять к сведению, что:
между АО «Узбекэнерго» и компанией «SkyPower Global» (Каймановы острова) (далее — Компания) заключено Соглашение № 1 от 19 апреля 2018 года о покупке электроэнергии (далее — Соглашение);
ГУП «Центр комплексной экспертизы проектов и импортных контрактов при Национальном агентстве проектного управления при Президенте Республики Узбекистан» выдано положительное заключение по Соглашению о соответствии ценообразования текущей среднемировой конъюнктуре;
в соответствии с Соглашением Компанией за счет собственных средств и самостоятельно привлекаемых кредитов будет реализован проект по проектированию, финансированию, строительству, владению и эксплуатации объектов по выработке фотоэлектрической солнечной энергии общей мощностью в одну тысячу (1 000) МВт переменного тока (далее — проект) с общим объемом инвестиций Компании в размере 1,3 млрд долларов США.
2. Освободить на период действия Соглашения Компанию, ее проектные организации (дочерние предприятия, создаваемые в соответствующем регионе), а также привлекаемые к реализации проекта субподрядные организации от уплаты:
таможенных платежей (за исключением таможенных сборов) при ввозе нового оборудования и материалов, запасных частей, комплектующих изделий и узлов, технологической документации, специальной техники и транспортных средств, программной продукции, не производимых в Республике Узбекистан, в рамках реализации проекта по перечням, утверждаемым в установленном порядке;
налога на прибыль юридических лиц по доходам, получаемым как через постоянное учреждение, так и у источника выплаты (включая дивиденды);
налога на добавленную стоимостьи автотранспортного сбора на товары (работы, услуги), реализуемые Компанией, ее проектными и субподрядными организациями;
налога на имущество по оборудованию и установкам, производящим фотоэлектрическую солнечную энергию, а также земельного налога на земельные участки, занятые оборудованием и установками — Компанию и ее проектные организации.
3. Хокимиятам Ташкентской, Самаркандской, Навоийской, Джизакской, Сурхандарьинской и Кашкадарьинской областей в месячный срок по заявкам Компании осуществить в установленном порядке отвод земельных участков для реализации проекта.
4. Определить, что в случае неплатежеспособности АО «Узбекэнерго» по поставленной Компанией электроэнергии, оплата за поставленную электроэнергию осуществляется из средств Государственного бюджета Республики Узбекистан.
Министерству финансов Республики Узбекистан предоставить Компании гарантию по выполнению обязательств АО «Узбекэнерго» в части оплаты за поставленную электроэнергию.
5. Министерству иностранных дел Республики Узбекистан в установленном порядке обеспечить оформление въездных виз иностранным специалистам, участвующим в реализации проекта, без взимания консульских и иных сборов.
6. Министерству внутренних дел Республики Узбекистан обеспечить в установленном порядке оформление, выдачу и продление многократных виз, а также временную прописку, учет по месту пребывания и их продление иностранным специалистам, участвующим в реализации проекта, без взимания государственной пошлины.
7. Министерству занятости и трудовых отношений Республики Узбекистан обеспечить в установленном порядке выдачу (продление) разрешений на привлечение в республику высококвалифицированных иностранных специалистов для реализации проекта, а также выдачу (продление) привлекаемым иностранным специалистам подтверждений на право трудовой деятельности на территории Республики Узбекистан.
8. Контроль за исполнением настоящего постановления возложить на Премьер-министра Республики Узбекистан А.Н. Арипова, заместителя Премьер-министра Республики Узбекистан — председателя Государственного комитета по инвестициям С.Р. Холмурадова и заместителя Премьер-министра Республики Узбекистан — председателя правления АО «Узбекнефтегаз» А.С. Султанова.
Президент Республики Узбекистан Ш. МИРЗИЁЕВ
г. Ташкент,
28 апреля 2018 г.,
№ ПП-3687