📅 2018-yil 27-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 27 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 27 апреля 2018 г. · Постановления Президента
Официальный текст. Официальный документ. Редакционные примечания не включены.
📅 27 April 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикасида уруғчилик тизимини тубдан такомиллаштириш чора-тадбирлари тўғрисида
Қишлоқ хўжалиги ва бошқа экинларнинг уруғларини етиштириш, тайёрлаш, қайта ишлаш, сақлаш ва сотиш, шунингдек, нав ва уруғлик назорати озиқ-овқат хавфсизлигини таъминлашнинг муҳим омили ҳисобланади.
Шу билан бирга, бирламчи уруғчилик ва янги, истиқболли навларни синаш билан шуғулланувчи элита-уруғчилик хўжаликлари, илмий-тадқиқот муассасаларининг фаолиятини ташкил этиш масалалари ҳал этилмасдан қолмоқда.
Турли навдаги уруғлар ва репродукцияларни алоҳида йиғиш, шунингдек, уларни сақлаш ва қайта ишлаш шароитларига риоя этилиши устидан лозим даражада назоратнинг мавжуд эмаслиги экин материали сифатининг пасайишига ва ҳосилдорликнинг тушишига олиб келмоқда.
Бундай ҳолларда маркетинг ва ҳуқуқий тартибга солишнинг самарасиз тизими қишлоқ хўжалиги экинлари уруғларининг экспортини етарли даражада амалга ошириш имконини бермаяпти, селекция ва бирламчи уруғчиликнинг лозим даражада бўлмаганлиги эса уларни импорт қилиш ҳажмининг ортишига олиб келмоқда.
Уруғчилик соҳасини тубдан такомиллаштириш, сифатли ва рақобатбардош маҳсулотларни ишлаб чиқаришни кенгайтириш, уларни халқаро бозорларга янада илгари суриш мақсадида:
1. Шундай тартиб ўрнатилсинки, унга мувофиқ 2018 йил 1 сентябрдан:
битта вилоятда ўнтадан кўп, битта туманда бештадан кўп бошоқли дон экинларининг районлаштирилган навларини, шунингдек, битта вилоятда бештадан кўп, битта туманда иккитадан кўп ғўзанинг районлаштирилган навларини жойлаштиришга йўл қўйилмайди (синов ўтказиш учун жойлаштириладиган янги навлар бундан мустасно);
бошоқли дон экинлари ва ғўза навларини синовдан ўтказиш муддати икки йилдан, бошқа қишлоқ хўжалиги экинларини синовдан ўтказиш муддати бир йилдан ошмаслиги лозим;
қишлоқ хўжалиги экинлари уруғларининг навларини (бошоқли дон экинлари, ғўза ва картошка уруғлари бундан мустасно) мажбурий рўйхатдан ўтказиш ва Ўзбекистон Республикаси ҳудудида экиш учун тавсия этилган Қишлоқ хўжалиги экинларининг давлат реестрига киритиш тўғрисидаги талаб бекор қилинади;
бошоқли дон экинлари ва ғўзанинг уруғларини экспорт қилиш Ўзбекистон Республикаси Қишлоқ хўжалиги вазирлигининг қарорига биноан амалга оширилади, бошқа қишлоқ хўжалиги экинларининг уруғларини экспорт қилиш учун махсус рухсатнома талаб қилинмайди;
қишлоқ хўжалиги экинлари уруғларини импорт қилганда (бошоқли дон экинлари, ғўза ва картошка уруғлари бундан мустасно), агар синовдан ўтказишда қўлланилган талаблар Ўзбекистон Республикасида амалда бўлган шунга ўхшаш талаблардан паст бўлмаса, аккредитация бўйича халқаро аккредитация ташкилотлари аккредитация қилган хорижий лабораториялар томонидан ўтказилган қишлоқ хўжалиги экинларини синовдан ўтказиш натижалари тан олинади.
2. Ўзбекистон Республикаси Президентининг 2019 йил 17 апрелдаги «Қишлоқ хўжалиги соҳасида давлат бошқаруви тизимини такомиллаштириш чора-тадбирлари тўғрисида»ги ПФ-5708-сон Фармонига мувофиқ Ўзбекистон Республикаси Инновацион ривожланиш вазирлиги ҳузурида Уруғчиликни ривожлантириш маркази ва унинг бўлинмалари Қишлоқ хўжалиги вазирлиги ҳузуридаги Уруғчиликни ривожлантириш маркази этиб қайта ташкил этилганлиги маълумот учун қабул қилинсин.
3. Қуйидагилар Марказ фаолиятининг асосий вазифалари ва йўналишлари этиб белгилансин:
қишлоқ хўжалиги экинлари, шу жумладан ғўза ва бошоқли дон экинларининг уруғларини тайёрлаш, фойдаланиш ва экспорт қилишнинг замонавий тизимини шакллантириш;
маҳаллий ва хорижий селекция навлари, шу жумладан биотехнологик навларнинг бирламчи уруғчилигини ташкил этиш ва ривожлантириш;
тармоқ корхоналари томонидан қишлоқ хўжалиги экинларининг экиладиган уруғларини тайёрлаш, қайта ишлаш ва сақлаш бўйича норматив талабларни халқаро стандартлар ва техник регламентларга мувофиқ ишлаб чиқиш;
уруғчилик соҳасида илмий ва тажриба-экспериментал тадқиқотларни олиб боришга, тармоқ корхоналарининг илмий салоҳияти ва моддий-техника базасини мустаҳкамлашга кўмаклашиш;
уруғчилик бўйича халқаро ва миллий органлар билан ўзаро фаол ҳамкорлик қилиш, уруғларни экишдан олдин ишлов бериш ва қайта ишлашга оид инновацион технологияларни, ушбу соҳадаги ноу-хауларни жорий этиш.
7. Белгилаб қўйилсинки:
Марказ давлат унитар корхонаси шаклидаги юридик шахс ҳисобланади;
қишлоқ хўжалиги экинларининг уруғларини экспорт қилиш уруғчилик хўжаликлари ва корхоналари билан тузилган воситачилик шартномалари асосида Марказ томонидан амалга оширилади;
воситачилик шартномалари бўйича қишлоқ хўжалиги экинларининг уруғларини экспорт қилишда воситачилик ҳақи бир фоиздан ошмаслиги лозим;
9. Ўзбекистон Республикаси Инновацион ривожланиш вазирлиги бошқа манфаатдор идоралар билан биргаликда бир ой муддатда:
Марказ Уставини тасдиқласин ва унинг белгиланган тартибда давлат рўйхатидан ўтказилишини таъминласин;
Марказни унинг фаолиятини юқори ва касбий даражада самарали ташкил этишни таъминлашга қодир малакали ходимлар билан тўлдирсин;
Марказни жойлаштириш, уни алоқа воситалари, шу жумладан ҳукумат алоқаси, компьютер техникаси ва ўзига юклатилган вазифаларни самарали бажариш учун зарур бошқа моддий-техника ресурслари билан таъминлаш бўйича таклифларни Вазирлар Маҳкамасига киритсин.
10. Ўзбекистон Республикаси Қишлоқ хўжалиги вазирлиги ва Марказ зиммасига давлат буюртмаси доирасида 2018-2019 йиллар ҳосили учун қишлоқ хўжалиги экинларининг уруғларини тайёрлаш ва жойлаштириш бўйича вазифа ва масъулият юклатилсин.
11. Ўзбекистон Республикаси Инновацион ривожланиш вазирлиги, Қишлоқ хўжалиги вазирлиги Фанлар академияси, Интеллектуал мулк агентлиги, Бош прокуратура ҳузуридаги Агросаноат мажмуи ва озиқ-овқат хавфсизлиги таъминланиши устидан назорат қилиш инспекцияси, бошқа манфаатдор вазирлик ва идоралар билан биргаликда икки ой муддатда қуйидагиларни назарда тутувчи тадбирлар режасининг Вазирлар Маҳкамасига киритилишини таъминласин:
бренд ва тижоратбоп, шунингдек, дурагай ва лицензияланган навларнинг уруғлик материалини етиштириш, қайта ишлаш ва тайёрлаш билан шуғулланувчи уруғчилик компанияларини, шу жумладан чет эл капитали иштирокида ва давлат-хусусий шериклик асосида компанияларни ташкил этиш;
уруғ тайёрловчи ва етиштирувчи корхоналарда ички сифат назорати тизими ва инновацион технологияларни жорий этиш, шунингдек, халқаро талабларга мувофиқ аккредитация қилинган замонавий лабораторияларни ташкил этиш;
мавжуд маҳаллий ва хорижий селекция навлари коллекцияси асосида юқори ҳосилдорликка, юқори сифатга эга ва касалликларга чидамли устувор қишлоқ хўжалиги экинларининг дурагайларини етиштириш тизимини ташкил қилиш;
қишлоқ хўжалиги экинларининг уруғларини лицензиялаш механизмларини, оригинаторлар томонидан корхоналар ва кластерлардан лицензия бўйича олинадиган роялти схемалари ва миқдорларини жорий этиш;
мамлакатда мавжуд бўлган қишлоқ хўжалиги экинлари навларининг тўлиқ инвентаризациясини, уларнинг молекуляр-генетик паспортизациясини (ДНК бар-кодинг) ўтказиш, шунингдек, уларни мамлакатнинг селекция ютуқларини ҳимоя қилиш имконини берувчи Ўсимликларнинг янги навларини муҳофаза қилиш халқаро иттифоқида (UPOV) рўйхатдан ўтказилишини амалга ошириш;
уруғчилик хўжаликлари ва уруғлик материалини қайта ишлаш цехларининг ўрнатилган нормалар, талаблар, регламентлар ва техник ҳисобларга мувофиқлиги бўйича инвентаризация қилиш;
ғўзанинг селекция навлари патентлари ва муаллифлик гувоҳномаларини (оригинатор ҳуқуқларини) баҳолаш ва уларни ҳар уч йилда қайта тасдиқлаш.
12. Ўзбекистон Республикаси Қишлоқ хўжалиги вазирлиги Ташқи ишлар вазирлиги билан биргаликда уруғчилик масалалари билан шуғулланувчи халқаро ташкилотлар билан алоқаларни ўрнатиш, шунингдек, Ўзбекистоннинг ушбу ташкилотларга қўшилиши мумкинлиги масалаларини ўрганиб чиқсин.
13. Ўзбекистон Республикаси Инновацион ривожланиш вазирлиги Адлия вазирлиги ва бошқа манфаатдор идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
14. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Бош вазирининг ўринбосарлари С.Р. Холмурадов ва З.Т. Мирзаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 27 апрель,
ПҚ-3683-сон
Oʻzbekiston Respublikasi Prezidentining
Qarori
Oʻzbekiston Respublikasida urugʻchilik tizimini tubdan takomillashtirish chora-tadbirlari toʻgʻrisida
Qishloq xoʻjaligi va boshqa ekinlarning urugʻlarini yetishtirish, tayyorlash, qayta ishlash, saqlash va sotish, shuningdek, nav va urugʻlik nazorati oziq-ovqat xavfsizligini taʼminlashning muhim omili hisoblanadi.
Shu bilan birga, birlamchi urugʻchilik va yangi, istiqbolli navlarni sinash bilan shugʻullanuvchi elita-urugʻchilik xoʻjaliklari, ilmiy-tadqiqot muassasalarining faoliyatini tashkil etish masalalari hal etilmasdan qolmoqda.
Turli navdagi urugʻlar va reproduksiyalarni alohida yigʻish, shuningdek, ularni saqlash va qayta ishlash sharoitlariga rioya etilishi ustidan lozim darajada nazoratning mavjud emasligi ekin materiali sifatining pasayishiga va hosildorlikning tushishiga olib kelmoqda.
Bunday hollarda marketing va huquqiy tartibga solishning samarasiz tizimi qishloq xoʻjaligi ekinlari urugʻlarining eksportini yetarli darajada amalga oshirish imkonini bermayapti, seleksiya va birlamchi urugʻchilikning lozim darajada boʻlmaganligi esa ularni import qilish hajmining ortishiga olib kelmoqda.
Urugʻchilik sohasini tubdan takomillashtirish, sifatli va raqobatbardosh mahsulotlarni ishlab chiqarishni kengaytirish, ularni xalqaro bozorlarga yanada ilgari surish maqsadida:
1. Shunday tartib oʻrnatilsinki, unga muvofiq 2018-yil 1-sentabrdan:
bitta viloyatda oʻntadan koʻp, bitta tumanda beshtadan koʻp boshoqli don ekinlarining rayonlashtirilgan navlarini, shuningdek, bitta viloyatda beshtadan koʻp, bitta tumanda ikkitadan koʻp gʻoʻzaning rayonlashtirilgan navlarini joylashtirishga yoʻl qoʻyilmaydi (sinov oʻtkazish uchun joylashtiriladigan yangi navlar bundan mustasno);
boshoqli don ekinlari va gʻoʻza navlarini sinovdan oʻtkazish muddati ikki yildan, boshqa qishloq xoʻjaligi ekinlarini sinovdan oʻtkazish muddati bir yildan oshmasligi lozim;
qishloq xoʻjaligi ekinlari urugʻlarining navlarini (boshoqli don ekinlari, gʻoʻza va kartoshka urugʻlari bundan mustasno) majburiy roʻyxatdan oʻtkazish va Oʻzbekiston Respublikasi hududida ekish uchun tavsiya etilgan Qishloq xoʻjaligi ekinlarining davlat reyestriga kiritish toʻgʻrisidagi talab bekor qilinadi;
boshoqli don ekinlari va gʻoʻzaning urugʻlarini eksport qilish Oʻzbekiston Respublikasi Qishloq xoʻjaligi vazirligining qaroriga binoan amalga oshiriladi, boshqa qishloq xoʻjaligi ekinlarining urugʻlarini eksport qilish uchun maxsus ruxsatnoma talab qilinmaydi;
qishloq xoʻjaligi ekinlari urugʻlarini import qilganda (boshoqli don ekinlari, gʻoʻza va kartoshka urugʻlari bundan mustasno), agar sinovdan oʻtkazishda qoʻllanilgan talablar Oʻzbekiston Respublikasida amalda boʻlgan shunga oʻxshash talablardan past boʻlmasa, akkreditatsiya boʻyicha xalqaro akkreditatsiya tashkilotlari akkreditatsiya qilgan xorijiy laboratoriyalar tomonidan oʻtkazilgan qishloq xoʻjaligi ekinlarini sinovdan oʻtkazish natijalari tan olinadi.
2. Oʻzbekiston Respublikasi Prezidentining 2019-yil 17-apreldagi “Qishloq xoʻjaligi sohasida davlat boshqaruvi tizimini takomillashtirish chora-tadbirlari toʻgʻrisida”gi PF-5708-son Farmoniga muvofiq Oʻzbekiston Respublikasi Innovatsion rivojlanish vazirligi huzurida Urugʻchilikni rivojlantirish markazi va uning boʻlinmalari Qishloq xoʻjaligi vazirligi huzuridagi Urugʻchilikni rivojlantirish markazi etib qayta tashkil etilganligi maʼlumot uchun qabul qilinsin.
3. Quyidagilar Markaz faoliyatining asosiy vazifalari va yoʻnalishlari etib belgilansin:
qishloq xoʻjaligi ekinlari, shu jumladan gʻoʻza va boshoqli don ekinlarining urugʻlarini tayyorlash, foydalanish va eksport qilishning zamonaviy tizimini shakllantirish;
mahalliy va xorijiy seleksiya navlari, shu jumladan biotexnologik navlarning birlamchi urugʻchiligini tashkil etish va rivojlantirish;
tarmoq korxonalari tomonidan qishloq xoʻjaligi ekinlarining ekiladigan urugʻlarini tayyorlash, qayta ishlash va saqlash boʻyicha normativ talablarni xalqaro standartlar va texnik reglamentlarga muvofiq ishlab chiqish;
urugʻchilik sohasida ilmiy va tajriba-eksperimental tadqiqotlarni olib borishga, tarmoq korxonalarining ilmiy salohiyati va moddiy-texnika bazasini mustahkamlashga koʻmaklashish;
urugʻchilik boʻyicha xalqaro va milliy organlar bilan oʻzaro faol hamkorlik qilish, urugʻlarni ekishdan oldin ishlov berish va qayta ishlashga oid innovatsion texnologiyalarni, ushbu sohadagi nou-xaularni joriy etish.
7. Belgilab qoʻyilsinki:
Markaz davlat unitar korxonasi shaklidagi yuridik shaxs hisoblanadi;
qishloq xoʻjaligi ekinlarining urugʻlarini eksport qilish urugʻchilik xoʻjaliklari va korxonalari bilan tuzilgan vositachilik shartnomalari asosida Markaz tomonidan amalga oshiriladi;
vositachilik shartnomalari boʻyicha qishloq xoʻjaligi ekinlarining urugʻlarini eksport qilishda vositachilik haqi bir foizdan oshmasligi lozim;
9. Oʻzbekiston Respublikasi Innovatsion rivojlanish vazirligi boshqa manfaatdor idoralar bilan birgalikda bir oy muddatda:
Markaz Ustavini tasdiqlasin va uning belgilangan tartibda davlat roʻyxatidan oʻtkazilishini taʼminlasin;
Markazni uning faoliyatini yuqori va kasbiy darajada samarali tashkil etishni taʼminlashga qodir malakali xodimlar bilan toʻldirsin;
Markazni joylashtirish, uni aloqa vositalari, shu jumladan hukumat aloqasi, kompyuter texnikasi va oʻziga yuklatilgan vazifalarni samarali bajarish uchun zarur boshqa moddiy-texnika resurslari bilan taʼminlash boʻyicha takliflarni Vazirlar Mahkamasiga kiritsin.
10. Oʻzbekiston Respublikasi Qishloq xoʻjaligi vazirligi va Markaz zimmasiga davlat buyurtmasi doirasida 2018-2019-yillar hosili uchun qishloq xoʻjaligi ekinlarining urugʻlarini tayyorlash va joylashtirish boʻyicha vazifa va masʼuliyat yuklatilsin.
11. Oʻzbekiston Respublikasi Innovatsion rivojlanish vazirligi, Qishloq xoʻjaligi vazirligi Fanlar akademiyasi, Intellektual mulk agentligi, Bosh prokuratura huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi, boshqa manfaatdor vazirlik va idoralar bilan birgalikda ikki oy muddatda quyidagilarni nazarda tutuvchi tadbirlar rejasining Vazirlar Mahkamasiga kiritilishini taʼminlasin:
brend va tijoratbop, shuningdek, duragay va litsenziyalangan navlarning urugʻlik materialini yetishtirish, qayta ishlash va tayyorlash bilan shugʻullanuvchi urugʻchilik kompaniyalarini, shu jumladan chet el kapitali ishtirokida va davlat-xususiy sheriklik asosida kompaniyalarni tashkil etish;
urugʻ tayyorlovchi va yetishtiruvchi korxonalarda ichki sifat nazorati tizimi va innovatsion texnologiyalarni joriy etish, shuningdek, xalqaro talablarga muvofiq akkreditatsiya qilingan zamonaviy laboratoriyalarni tashkil etish;
mavjud mahalliy va xorijiy seleksiya navlari kolleksiyasi asosida yuqori hosildorlikka, yuqori sifatga ega va kasalliklarga chidamli ustuvor qishloq xoʻjaligi ekinlarining duragaylarini yetishtirish tizimini tashkil qilish;
qishloq xoʻjaligi ekinlarining urugʻlarini litsenziyalash mexanizmlarini, originatorlar tomonidan korxonalar va klasterlardan litsenziya boʻyicha olinadigan royalti sxemalari va miqdorlarini joriy etish;
mamlakatda mavjud boʻlgan qishloq xoʻjaligi ekinlari navlarining toʻliq inventarizatsiyasini, ularning molekulyar-genetik pasportizatsiyasini (DNK bar-koding) oʻtkazish, shuningdek, ularni mamlakatning seleksiya yutuqlarini himoya qilish imkonini beruvchi Oʻsimliklarning yangi navlarini muhofaza qilish xalqaro ittifoqida (UPOV) roʻyxatdan oʻtkazilishini amalga oshirish;
urugʻchilik xoʻjaliklari va urugʻlik materialini qayta ishlash sexlarining oʻrnatilgan normalar, talablar, reglamentlar va texnik hisoblarga muvofiqligi boʻyicha inventarizatsiya qilish;
gʻoʻzaning seleksiya navlari patentlari va mualliflik guvohnomalarini (originator huquqlarini) baholash va ularni har uch yilda qayta tasdiqlash.
12. Oʻzbekiston Respublikasi Qishloq xoʻjaligi vazirligi Tashqi ishlar vazirligi bilan birgalikda urugʻchilik masalalari bilan shugʻullanuvchi xalqaro tashkilotlar bilan aloqalarni oʻrnatish, shuningdek, Oʻzbekistonning ushbu tashkilotlarga qoʻshilishi mumkinligi masalalarini oʻrganib chiqsin.
13. Oʻzbekiston Respublikasi Innovatsion rivojlanish vazirligi Adliya vazirligi va boshqa manfaatdor idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
14. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining oʻrinbosarlari S.R. Xolmuradov va Z.T. Mirzayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 27-aprel,
PQ-3683-son
Президента Республики Узбекистан
Постановление
О мерах по коренному совершенствованию системы семеноводства в Республике Узбекистан
Производство, заготовка, обработка, хранение и реализация семян сельскохозяйственных и других культур, а также сортовой и семенной контроль являются ключевым фактором обеспечения продовольственной безопасности.
Вместе с тем остаются нерешенными вопросы организации деятельности элитно-семеноводческих хозяйств, научно-исследовательских учреждений, занятых первичным семеноводством и испытанием новых, перспективных сортов.
Отсутствие раздельного сбора семян различных сортов и репродукций, а также должного контроля за соблюдением условий их хранения и переработки приводит к низкому качеству посевного материала и снижению урожайности.
При данных обстоятельствах неэффективная система маркетинга и правового регулирования не позволяет на должном уровне осуществлять экспорт семян сельскохозяйственных культур, а недостаточный уровень селекции и первичного семеноводства приводит к высокой доле их импорта.
В целях кардинального совершенствования семеноводческой отрасли, расширения производства качественной и конкурентоспособной продукции, ее дальнейшего продвижения на международные рынки сбыта:
1. Установить порядок, в соответствии с которым с 1 сентября 2018 года:
не допускается размещение в одной области более десяти, в одном районе — более пяти районированных сортов зерновых колосовых, а также в одной области более пяти, в одном районе — более двух районированных сортов хлопчатника (за исключением новых сортов, размещаемых для проведения испытаний);
срок сортоиспытания для сортов зерновых колосовых культур и хлопчатника не должен превышать двух лет, для других сельскохозяйственных культур — одного года;
отменяется требование об обязательной регистрации и внесении в Государственный реестр сельскохозяйственных культур, рекомендованных к посеву на территории Республики Узбекистан, сортов семян сельскохозяйственных культур (за исключением семян зерновых колосовых культур, хлопчатника и картофеля);
экспорт семян зерновых колосовых культур и хлопчатника осуществляется на основании решения Министерства сельского хозяйства Республики Узбекистан, для экспорта семян других сельскохозяйственных культур не требуется специальное разрешение;
при импорте семян сельскохозяйственных культур (за исключением семян зерновых колосовых культур, хлопчатника и картофеля) признаются результаты испытаний сельскохозяйственных культур, проведенных зарубежными лабораториями, аккредитованными международными организациями по аккредитации, в случаях, когда примененные при испытании требования, не уступают аналогичным требованиям, действующим в Республике Узбекистан.
2. Принять к сведению, что в соответствии с Указом Президента Республики Узбекистан от 17 апреля 2019 года № УП-5708 «О мерах по совершенствованию системы государственного управления в сфере сельского хозяйства» Центр развития семеноводства при Министерстве инновационного развития Республики Узбекистан и его подразделения преобразованы в Центр развития семеноводства при Министерстве сельского хозяйства Республики Узбекистан.
3. Определить основными задачами и направлениями деятельности Центра:
формирование современной системы подготовки, использования и экспорта семян сельскохозяйственных культур, в том числе хлопчатника и зерновых колосовых культур;
организацию и развитие первичного семеноводства сортов отечественной и зарубежной селекции, включая биотехнологические сорта;
разработку в соответствии с международными стандартами и техническими регламентами нормативных требований по заготовке, переработке и хранению посевных семян сельскохозяйственных культур предприятиями отрасли;
содействие в проведении научных и опытно-экспериментальных исследований в области семеноводства, укреплении научного потенциала и материально-технической базы предприятий отрасли;
активное взаимодействие с международными и национальными органами по семеноводству, внедрение инновационных технологий предпосевной обработки и переработки семян, ноу-хау в данной сфере.
7. Установить, что:
Центр является юридическим лицом в форме государственного унитарного предприятия;
экспорт семян сельскохозяйственных культур осуществляется Центром на основе договоров комиссий, заключенных с семеноводческими хозяйствами и предприятиями;
при экспорте семян сельскохозяйственных культур по договорам комиссии размер комиссии не должен превышать одного процента;
9. Министерству инновационного развития Республики Узбекистан совместно с другими заинтересованными ведомствами в месячный срок:
утвердить Устав Центра и обеспечить его государственную регистрацию в установленном порядке;
укомплектовать Центр квалифицированными кадрами, способными на высоком и профессиональном уровне обеспечить эффективную организацию деятельности Центра;
внести в Кабинет Министров предложения по размещению Центра, обеспечению средствами связи, в том числе правительственной, компьютерной техникой и иными необходимыми материально-техническими ресурсами для эффективного выполнения возложенных задач.
10. Возложить функции и ответственность по заготовке и размещению семян сельскохозяйственных культур урожая 2018-2019 годов в рамках государственного заказа на Министерство сельского хозяйства Республики Узбекистан и Центр.
11. Министерству инновационного развития, Министерству сельского хозяйства совместно с Академией наук, Агентством по интеллектуальной собственности, Инспекцией по контролю за агропромышленным комплексом и обеспечением продовольственной безопасности при Генеральной прокуратуре, другими заинтересованными министерствами и ведомствами в двухмесячный срок обеспечить внесение в Кабинет Министров Республики Узбекистан плана мероприятий, предусматривающего:
создание семенных компаний, в том числе с участием иностранного капитала и на основе государственно-частного партнерства, занимающихся производством, переработкой и подготовкой семенного материала брендовых и коммерческих, а также гибридных и лицензированных сортов;
внедрение на заготовительных и семеноводческих предприятиях системы внутреннего контроля качества и передовых инновационных технологий, а также создание современных, аккредитованных согласно международным требованиям лабораторий;
создание на основе имеющихся коллекций сортов местной и зарубежной селекции системы производства гибридов приоритетных сельскохозяйственных культур, обладающих повышенной урожайностью, высоким качеством и устойчивостью к болезням;
внедрение механизмов лицензирования сортов сельскохозяйственных культур, схем и размеров роялти, получаемых оригинаторами по лицензии от предприятий и кластеров;
проведение полной инвентаризации существующих в стране сортов сельскохозяйственных культур, их молекулярно-генетическую паспортизацию (ДНК бар-кодинг), а также проведение их регистрации в Международном союзе по охране новых сортов растений (UPOV), позволяющей защищать селекционные достижения страны;
проведение инвентаризации семеноводческих хозяйств и цехов по переработке семенного материала на соответствие установленным нормам, требованиям, регламентам и техническим учетам;
проведение оценки патентов и авторских свидетельств (оригинаторских прав) на селекционные сорта хлопчатника и их переподтверждение каждые три года.
12. Министерству сельского хозяйства совместно с Министерством иностранных дел Республики Узбекистан проработать вопросы установления контактов с международными организациями, занимающимися вопросами семеноводства, а также возможности присоединения Узбекистана к данным организациям.
13. Министерству инновационного развития совместно с Министерством юстиции и другими заинтересованными ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
14. Контроль за исполнением настоящего постановления возложить на Премьер-министра Республики Узбекистан А.Н. Арипова, заместителей Премьер-министра Республики Узбекистан С.Р. Холмурадова и З.Т. Мирзаева.
Президент Республики Узбекистан Ш. МИРЗИЁЕВ
г. Ташкент,
27 апреля 2018 г.,
№ ПП-3683