📅 2018-yil 3-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 3 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 3 мая 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 3 May 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
Ижтимоий дорихоналар фаолиятини ташкил этиш тартиби тўғрисидаги низомни тасдиқлаш ҳақида
Ўзбекистон Республикаси Президентининг «Фармацевтика тармоғини жадал ривожлантириш бўйича қўшимча чора-тадбирлар тўғрисида» 2018 йил 14 февралдаги ПҚ-3532-сон қарорини бажариш, Ўзбекистон Республикаси аҳолисини дори воситалари ва тиббий буюмлар билан таъминлашни яхшилаш мақсадида Вазирлар Маҳкамаси қарор қилади:
1. Ижтимоий дорихона фаолиятини ташкил этиш тартиби тўғрисидаги низом иловага мувофиқ тасдиқлансин.
2. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари К.В. Акмалов ва Ўзбекистон Республикаси Соғлиқни сақлаш вазири А.К. Шадманов зиммасига юклансин.
Вазирлар Маҳкамасининг 2018 йил 3 майдаги 334-сон қарорига ИЛОВА
Ижтимоий дорихона фаолиятини ташкил этиш тартиби тўғрисида
1-боб. Умумий қоидалар
1. Мазкур Низом ижтимоий дорихона фаолиятини ташкил этиш тартибини белгилайди.
2. Ушбу Низомда қуйидаги асосий тушунчалар қўлланилади:
дорихона ассортиментидаги дори воситалари ва тиббий жиҳозлар — амбулатория шароитида тиббиёт амалиётида қўллаш мақсадида аҳолига реализация қилиш учун мўлжалланган дори воситалари ва тиббий жиҳозлар;
ижтимоий дорихона — ўз логотипига эга бўлган, дорихона ассортиментидаги ижтимоий аҳамиятга эга барча дори воситалари ва тиббий жиҳозлар ҳамда Ўзбекистон Республикасида давлат рўйхатидан ўтказилган бошқа дори воситалари ва тиббий жиҳозларнинг чакана реализацияси билан шуғулланувчи, Соғлиқни сақлаш тизимидаги ихтисослаштирилган ташкилот;
давлат-хусусий шериклик — давлат шериги ва хусусий шерикнинг муайян муддатга юридик жиҳатдан расмийлаштирилган, давлат-хусусий шериклик лойиҳасини амалга ошириш учун ўз ресурсларини бирлаштиришига асосланган ҳамкорлиги;
давлат шериги — Ўзбекистон Республикаси бўлиб, Ўзбекистон Республикаси Соғлиқни сақлаш вазирлиги унинг номидан иш юритади;
хусусий шерик — фаолиятининг асосий мақсади аҳолини дори воситалари билан таъминлаш ҳисобланган, дори воситаларининг чакана ва улгуржи реализациясини амалга ошириш учун тегишли лицензияга, гиёҳвандлик воситалари, психотроп моддалар ва прекурсорларнинг муомалада бўлиши билан боғлиқ фаолиятни амалга ошириш учун лицензияга эга бўлган, давлат-хусусий шериклик тўғрисида шартнома тузган юридик шахс;
давлат-хусусий шериклик шартномаси — томонларнинг ҳуқуқ, мажбуриятлари ва жавобгарлигини ҳамда давлат-хусусий шериклик лойиҳаси ижроси бўйича бошқа шартларни белгиловчи, давлат ва хусусий шериклар ўртасида тузилган ёзма шартнома.
3. Ижтимоий дорихона юридик шахс шаклида ёки юридик шахснинг таркибий бўлинмаси (филиал) шаклида ташкил этилади.
4. Ижтимоий дорихонанинг ягона логотипи Ўзбекистон Республикаси Соғлиқни сақлаш вазирлиги томонидан тасдиқланади.
5. Ижтимоий дорихона Ўзбекистон Республикаси Соғлиқни сақлаш вазирлиги томонидан, жумладан давлат-хусусий шериклик шартларига кўра, «Давлат-хусусий шериклик тўғрисида»ги Ўзбекистон Республикасининг Қонуни ва мазкур Низомга мувофиқ ташкил этилади.
6. Ижтимоий дорихоналар фаолиятини ташкил этишда қўйиладиган асосий талаблар:
а) дори воситаларининг улгуржи, чакана реализациясини амалга ошириш, гиёҳвандлик воситалари ва психотроп моддаларни сақлаш ва бериш учун лицензиянинг мавжудлиги;
б) аҳолини:
Ижтимоий аҳамиятга эга дори воситалари ва тиббий жиҳозлар рўйхатига кирувчи (кейинги ўринларда Рўйхат деб аталади) дори воситалари ва тиббий жиҳозлар билан чекланган нархлардан ошмайдиган нархларда, дорихона ассортиментидаги дори воситалари ва тиббий жиҳозлар билан тўлиқ ҳажмда таъминлаш;
давлат-хусусий шериклик ҳамкорлиги шартлари асосида чекланган савдо устамаларини қўллаш йўли билан Рўйхатга кирмайдиган, дорихона ассортиментидаги дори воситалари ва тиббий жиҳозлар билан таъминлаш;
дори воситалари билан шахсларнинг айрим тоифаларини имтиёзли асосда таъминлаш;
дори воситалари ва тиббий жиҳозлар билан ижтимоий дорихоналарнинг туман (шаҳар) тиббиёт бирлашмалари қошидаги оилавий поликлиникалар ва қишлоқ врачлик пунктларида жойлашган филиал тармоқлари орқали таъминлаш;
махсус ихтисослаштирилган автотранспорт воситалари орқали қишлоқ врачлик пунктлари мавжуд бўлмаган тоғли, етиб бориш қийин ҳудудлардаги аҳолига дори воситалари ва тиббий жиҳозларни етказиб беришни таъминлаш;
в) дорихона ассортиментидаги рўйхатга киритилган дори воситалари ва тиббий жиҳозларнинг узлуксиз реализациясини амалга ошириш мақсадида уларнинг икки ойлик захираси мавжудлиги.
2-боб. Ижтимоий дорихоналарни жойлаштириш тартиби
7. Ижтимоий дорихоналар дислокацияси Ўзбекистон Республикаси Соғлиқни сақлаш вазирлиги томонидан тасдиқланади.
8. Қуйидагилар ижтимоий дорихоналар жойлашишининг асосий омиллари ҳисобланади:
вилоят, туман, шаҳарнинг маъмурий-ҳудудий тузилиши;
ҳудуднинг географик, ижтимоий-иқтисодий хусусиятлари;
шаҳар, туман ва қишлоқ аҳоли пунктларидаги аҳолининг сони;
амбулатория поликлиникаларида тиббий хизматни ташкил этиш даражаси;
ижтимоий дорихоналарнинг хизмат кўрсатиш радиуси (ижтимоий дорихоналарни тавсия этилган хизмат кўрсатиш радиуси аҳоли сонидан келиб чиққан ҳолда ҳисобланади, шаҳарларда 2-3 км, қишлоқ ҳудудида 5 — 10 кмдан кўп бўлмаган масофада).
9. Ижтимоий дорихоналар вилоят, туман марказларида, туман (шаҳар) тиббиёт бирлашмаларининг оилавий поликлиникалари ва қишлоқ врачлик пунктларида жойлаштирилиши лозим.
3-боб. Ижтимоий дорихоналарнинг вазифалари ва функциялари
10. Ижтимоий дорихоналар ўз фаолиятида амалдаги қонунчиликка ва мазкур Низомга амал қилади.
11. Ижтимоий дорихоналарнинг асосий вазифаси аҳолини Рўйхатга киритилган дорихона ассортиментидаги дори воситалари ва тиббий жиҳозлар, бошқа турдаги дори воситалари ва тиббий жиҳозлар билан таъминлаш, шунингдек, имтиёзга эга айрим тоифадаги шахсларни дори воситалари билан таъминлашдан иборат.
12. Ижтимоий дорихона қуйидаги функцияларни амалга оширади:
дори воситаларининг улгуржи реализацияси учун ва дори воситаларини ишлаб чиқариш учун лицензияга эга бўлган таъминотчилардан, тиббий жиҳозларни ишлаб чиқарувчи ва улгуржи реализация қилувчи бошқа ташкилотлардан сотиб олади (олиб киришдан ташқари);
дори воситаларини Ўзбекистон Республикаси Соғлиқни сақлаш вазирлиги томонидан тасдиқланадиган шаклдаги рецептлар бўйича ёки рецептсиз чакана реализация қилишни, шунингдек, қонунчиликда белгиланган тартибда имтиёзга эга айрим тоифадаги шахсларни дори воситалари билан таъминлайди;
белгиланган тартибда дори воситалари ва тиббий жиҳозларни сақлайди ва йўқ қилади;
истеъмолчидан келиб тушган шикоятлар асосида аниқланган, дори воситаларининг ножўя таъсири ва самарадорлиги паст ҳолатлар ҳақида Ўзбекистон Республикаси Соғлиқни сақлаш вазирлигини хабардор қилади;
амбулатория шароитида даволашда имтиёзли бериладиган дори воситалари рўйхатига киритилган, ижтимоий дорихонада амалда мавжуд бўлган ва вақтинча мавжуд бўлмаган дори воситалари ҳақида шаҳар ва туман тиббиёт бирлашмаларига ҳар чоракда маълумот тақдим этади;
аҳолига дори воситалари ва тиббий жиҳозларни сақлаш ва қўллаш бўйича маслаҳат бериш ва ахборот ёрдами кўрсатади;
аҳолига дори воситалари ва тиббий жиҳозларнинг мавжудлиги тўғрисида ахборот бериш имконини таъминловчи, дори воситалари ва тиббий жиҳозларнинг ижтимоий дорихоналар тармоғи бўйича ҳаракатланишининг электрон шаклдаги ҳисоб-китобини юритади;
ижтимоий дорихонага ташриф буюрувчилар учун белгиланган тартибда тасдиқланган чекланган нархлар кўрсатилган дори воситалари ассортименти рўйхатини кўринарли жойда жойлаштиради;
шифокор рецепти асосида дори воситаларини тайёрлайди ва ички сифат назоратини ўтказиш (тегишли лицензияси мавжуд бўлганда).
13. Ижтимоий дорихоналарда товар-моддий бойликларни инвентаризация ва таъмирлаш ишларини ўтказиш учун ёпиш давлат томонидан, шерик билан келишилган ҳолда, санитария кунларини ўтказиш учун эса — қўшимча равишда Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси органлари билан келишилган ҳолда амалга оширилади.
5-боб. Якунловчи қоидалар
22. Ушбу низом талабларининг бузилишида айбдор бўлган шахслар қонунчиликда белгиланган тартибда жавоб берадилар.
23. Ўзбекистон Республикаси ҳудудидаги барча ижтимоий дорихоналар фаолиятини ва мазкур Низом талабларига риоя этилишини назорат қилиш Ўзбекистон Республикаси Соғлиқни сақлаш вазирлиги ҳузуридаги «Фармацевтика маҳсулотлари хавфсизлиги маркази» давлат муассасасига юкланади.
24. Ижтимоий дорихонада дори воситалари ва тиббий жиҳозларнинг нархларини назорат қилиш Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳамда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти томонидан амалга оширилади.
Ўзбекистон Республикасининг Бош вазири А. АРИПОВ
Тошкент ш.,
2018 йил 3 май,
334-сон
Oʻzbekiston Respublikasi Vazirlar Mahkamasining
qarori
NIZOM
Ijtimoiy dorixonalar faoliyatini tashkil etish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining “Farmatsevtika tarmogʻini jadal rivojlantirish boʻyicha qoʻshimcha chora-tadbirlar toʻgʻrisida” 2018-yil 14-fevraldagi PQ-3532-son qarorini bajarish, Oʻzbekiston Respublikasi aholisini dori vositalari va tibbiy buyumlar bilan taʼminlashni yaxshilash maqsadida Vazirlar Mahkamasi qaror qiladi:
1. Ijtimoiy dorixona faoliyatini tashkil etish tartibi toʻgʻrisidagi nizom ilovaga muvofiq tasdiqlansin.
2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari K.V. Akmalov va Oʻzbekiston Respublikasi Sogʻliqni saqlash vaziri A.K. Shadmanov zimmasiga yuklansin.
Vazirlar Mahkamasining 2018-yil 3-maydagi 334-son qaroriga ILOVA
Ijtimoiy dorixona faoliyatini tashkil etish tartibi toʻgʻrisida
1-bob. Umumiy qoidalar
1. Mazkur Nizom ijtimoiy dorixona faoliyatini tashkil etish tartibini belgilaydi.
2. Ushbu Nizomda quyidagi asosiy tushunchalar qoʻllaniladi:
dorixona assortimentidagi dori vositalari va tibbiy jihozlar — ambulatoriya sharoitida tibbiyot amaliyotida qoʻllash maqsadida aholiga realizatsiya qilish uchun moʻljallangan dori vositalari va tibbiy jihozlar;
ijtimoiy dorixona — oʻz logotipiga ega boʻlgan, dorixona assortimentidagi ijtimoiy ahamiyatga ega barcha dori vositalari va tibbiy jihozlar hamda Oʻzbekiston Respublikasida davlat roʻyxatidan oʻtkazilgan boshqa dori vositalari va tibbiy jihozlarning chakana realizatsiyasi bilan shugʻullanuvchi, Sogʻliqni saqlash tizimidagi ixtisoslashtirilgan tashkilot;
davlat-xususiy sheriklik — davlat sherigi va xususiy sherikning muayyan muddatga yuridik jihatdan rasmiylashtirilgan, davlat-xususiy sheriklik loyihasini amalga oshirish uchun oʻz resurslarini birlashtirishiga asoslangan hamkorligi;
davlat sherigi — Oʻzbekiston Respublikasi boʻlib, Oʻzbekiston Respublikasi Sogʻliqni saqlash vazirligi uning nomidan ish yuritadi;
xususiy sherik — faoliyatining asosiy maqsadi aholini dori vositalari bilan taʼminlash hisoblangan, dori vositalarining chakana va ulgurji realizatsiyasini amalga oshirish uchun tegishli litsenziyaga, giyohvandlik vositalari, psixotrop moddalar va prekursorlarning muomalada boʻlishi bilan bogʻliq faoliyatni amalga oshirish uchun litsenziyaga ega boʻlgan, davlat-xususiy sheriklik toʻgʻrisida shartnoma tuzgan yuridik shaxs;
davlat-xususiy sheriklik shartnomasi — tomonlarning huquq, majburiyatlari va javobgarligini hamda davlat-xususiy sheriklik loyihasi ijrosi boʻyicha boshqa shartlarni belgilovchi, davlat va xususiy sheriklar oʻrtasida tuzilgan yozma shartnoma.
3. Ijtimoiy dorixona yuridik shaxs shaklida yoki yuridik shaxsning tarkibiy boʻlinmasi (filial) shaklida tashkil etiladi.
4. Ijtimoiy dorixonaning yagona logotipi Oʻzbekiston Respublikasi Sogʻliqni saqlash vazirligi tomonidan tasdiqlanadi.
5. Ijtimoiy dorixona Oʻzbekiston Respublikasi Sogʻliqni saqlash vazirligi tomonidan, jumladan davlat-xususiy sheriklik shartlariga koʻra, “Davlat-xususiy sheriklik toʻgʻrisida”gi Oʻzbekiston Respublikasining Qonuni va mazkur Nizomga muvofiq tashkil etiladi.
6. Ijtimoiy dorixonalar faoliyatini tashkil etishda qoʻyiladigan asosiy talablar:
a) dori vositalarining ulgurji, chakana realizatsiyasini amalga oshirish, giyohvandlik vositalari va psixotrop moddalarni saqlash va berish uchun litsenziyaning mavjudligi;
b) aholini:
Ijtimoiy ahamiyatga ega dori vositalari va tibbiy jihozlar roʻyxatiga kiruvchi (keyingi oʻrinlarda Roʻyxat deb ataladi) dori vositalari va tibbiy jihozlar bilan cheklangan narxlardan oshmaydigan narxlarda, dorixona assortimentidagi dori vositalari va tibbiy jihozlar bilan toʻliq hajmda taʼminlash;
davlat-xususiy sheriklik hamkorligi shartlari asosida cheklangan savdo ustamalarini qoʻllash yoʻli bilan Roʻyxatga kirmaydigan, dorixona assortimentidagi dori vositalari va tibbiy jihozlar bilan taʼminlash;
dori vositalari bilan shaxslarning ayrim toifalarini imtiyozli asosda taʼminlash;
dori vositalari va tibbiy jihozlar bilan ijtimoiy dorixonalarning tuman (shahar) tibbiyot birlashmalari qoshidagi oilaviy poliklinikalar va qishloq vrachlik punktlarida joylashgan filial tarmoqlari orqali taʼminlash;
maxsus ixtisoslashtirilgan avtotransport vositalari orqali qishloq vrachlik punktlari mavjud boʻlmagan togʻli, yetib borish qiyin hududlardagi aholiga dori vositalari va tibbiy jihozlarni yetkazib berishni taʼminlash;
v) dorixona assortimentidagi roʻyxatga kiritilgan dori vositalari va tibbiy jihozlarning uzluksiz realizatsiyasini amalga oshirish maqsadida ularning ikki oylik zaxirasi mavjudligi.
2-bob. Ijtimoiy dorixonalarni joylashtirish tartibi
7. Ijtimoiy dorixonalar dislokatsiyasi Oʻzbekiston Respublikasi Sogʻliqni saqlash vazirligi tomonidan tasdiqlanadi.
8. Quyidagilar ijtimoiy dorixonalar joylashishining asosiy omillari hisoblanadi:
viloyat, tuman, shaharning maʼmuriy-hududiy tuzilishi;
hududning geografik, ijtimoiy-iqtisodiy xususiyatlari;
shahar, tuman va qishloq aholi punktlaridagi aholining soni;
ambulatoriya poliklinikalarida tibbiy xizmatni tashkil etish darajasi;
ijtimoiy dorixonalarning xizmat koʻrsatish radiusi (ijtimoiy dorixonalarni tavsiya etilgan xizmat koʻrsatish radiusi aholi sonidan kelib chiqqan holda hisoblanadi, shaharlarda 2-3 km, qishloq hududida 5 — 10 kmdan koʻp boʻlmagan masofada).
9. Ijtimoiy dorixonalar viloyat, tuman markazlarida, tuman (shahar) tibbiyot birlashmalarining oilaviy poliklinikalari va qishloq vrachlik punktlarida joylashtirilishi lozim.
3-bob. Ijtimoiy dorixonalarning vazifalari va funksiyalari
10. Ijtimoiy dorixonalar oʻz faoliyatida amaldagi qonunchilikka va mazkur Nizomga amal qiladi.
11. Ijtimoiy dorixonalarning asosiy vazifasi aholini Roʻyxatga kiritilgan dorixona assortimentidagi dori vositalari va tibbiy jihozlar, boshqa turdagi dori vositalari va tibbiy jihozlar bilan taʼminlash, shuningdek, imtiyozga ega ayrim toifadagi shaxslarni dori vositalari bilan taʼminlashdan iborat.
12. Ijtimoiy dorixona quyidagi funksiyalarni amalga oshiradi:
dori vositalarining ulgurji realizatsiyasi uchun va dori vositalarini ishlab chiqarish uchun litsenziyaga ega boʻlgan taʼminotchilardan, tibbiy jihozlarni ishlab chiqaruvchi va ulgurji realizatsiya qiluvchi boshqa tashkilotlardan sotib oladi (olib kirishdan tashqari);
dori vositalarini Oʻzbekiston Respublikasi Sogʻliqni saqlash vazirligi tomonidan tasdiqlanadigan shakldagi retseptlar boʻyicha yoki retseptsiz chakana realizatsiya qilishni, shuningdek, qonunchilikda belgilangan tartibda imtiyozga ega ayrim toifadagi shaxslarni dori vositalari bilan taʼminlaydi;
belgilangan tartibda dori vositalari va tibbiy jihozlarni saqlaydi va yoʻq qiladi;
isteʼmolchidan kelib tushgan shikoyatlar asosida aniqlangan, dori vositalarining nojoʻya taʼsiri va samaradorligi past holatlar haqida Oʻzbekiston Respublikasi Sogʻliqni saqlash vazirligini xabardor qiladi;
ambulatoriya sharoitida davolashda imtiyozli beriladigan dori vositalari roʻyxatiga kiritilgan, ijtimoiy dorixonada amalda mavjud boʻlgan va vaqtincha mavjud boʻlmagan dori vositalari haqida shahar va tuman tibbiyot birlashmalariga har chorakda maʼlumot taqdim etadi;
aholiga dori vositalari va tibbiy jihozlarni saqlash va qoʻllash boʻyicha maslahat berish va axborot yordami koʻrsatadi;
aholiga dori vositalari va tibbiy jihozlarning mavjudligi toʻgʻrisida axborot berish imkonini taʼminlovchi, dori vositalari va tibbiy jihozlarning ijtimoiy dorixonalar tarmogʻi boʻyicha harakatlanishining elektron shakldagi hisob-kitobini yuritadi;
ijtimoiy dorixonaga tashrif buyuruvchilar uchun belgilangan tartibda tasdiqlangan cheklangan narxlar koʻrsatilgan dori vositalari assortimenti roʻyxatini koʻrinarli joyda joylashtiradi;
shifokor retsepti asosida dori vositalarini tayyorlaydi va ichki sifat nazoratini oʻtkazish (tegishli litsenziyasi mavjud boʻlganda).
13. Ijtimoiy dorixonalarda tovar-moddiy boyliklarni inventarizatsiya va taʼmirlash ishlarini oʻtkazish uchun yopish davlat tomonidan, sherik bilan kelishilgan holda, sanitariya kunlarini oʻtkazish uchun esa — qoʻshimcha ravishda Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi organlari bilan kelishilgan holda amalga oshiriladi.
5-bob. Yakunlovchi qoidalar
22. Ushbu nizom talablarining buzilishida aybdor boʻlgan shaxslar qonunchilikda belgilangan tartibda javob beradilar.
23. Oʻzbekiston Respublikasi hududidagi barcha ijtimoiy dorixonalar faoliyatini va mazkur Nizom talablariga rioya etilishini nazorat qilish Oʻzbekiston Respublikasi Sogʻliqni saqlash vazirligi huzuridagi “Farmatsevtika mahsulotlari xavfsizligi markazi” davlat muassasasiga yuklanadi.
24. Ijtimoiy dorixonada dori vositalari va tibbiy jihozlarning narxlarini nazorat qilish Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi hamda Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti tomonidan amalga oshiriladi.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 3-may,
334-son
Кабинета Министров Республики Узбекистан
Постановление
ПОЛОЖЕНИЕ
Об утверждении Положения о порядке организации деятельности социальной аптеки
Во исполнение постановления Президента Республики Узбекистан от 14 февраля 2018 года № ПП-3532 «О дополнительных мерах по ускоренному развитию фармацевтической отрасли», в целях улучшения обеспечения населения Республики Узбекистан лекарственными средствами и изделиями медицинского назначения Кабинет Министров постановляет:
1. Утвердить Положение о порядке организации деятельности социальной аптеки согласно приложению .
2. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на заместителя Премьер-министра Республики Узбекистан К.В. Акмалова и министра здравоохранения Республики Узбекистан А.К. Шадманова
ПРИЛОЖЕНИЕ к постановлению Кабинета Министров от 3 мая 2018 года № 334
о порядке организации деятельности социальной аптеки
Глава 1. Общие положения
1. Настоящее Положение определяет порядок организации деятельности социальной аптеки.
2. В настоящем Положении применяются следующие основные понятия:
лекарственные средства и изделия медицинского назначения аптечного ассортимента — лекарственные средства и медицинские изделия, предназначенные для реализации населению с целью применения и использования их в медицинской практике при амбулаторном лечении;
социальная аптека — специализированная организация системы здравоохранения, имеющая свой логотип, осуществляющая розничную реализацию социально значимых лекарственных средств и изделий медицинского назначения аптечного ассортимента в полном объеме, а также других лекарственных средств и медицинских изделий, зарегистрированных в Республике Узбекистан;
государственно-частное партнерство — юридически оформленное на определенный срок сотрудничество государственного партнера и частного партнера, основанное на объединении их ресурсов для реализации проекта государственно-частного партнерства;
государственный партнер — Республика Узбекистан, Министерство здравоохранения Республики Узбекистан действует от ее имени;
частный партнер — юридическое лицо, имеющее соответствующую лицензию на осуществление оптовой и розничной реализации лекарственных средств, лицензию на осуществление деятельности, связанной с оборотом в Республике Узбекистан наркотических средств, психотропных веществ, заключившее договор о государственно-частном партнерстве и основной целью деятельности которого является лекарственное обеспечение населения;
соглашение о государственно-частном партнерстве — письменный договор, заключаемый между государственным и частным партнером, определяющий права, обязанности и ответственность сторон, а также иные условия исполнения проекта государственно-частного партнерства.
3. Социальная аптека организовывается в виде юридического лица или структурного подразделения юридического лица (филиала).
4. Единый логотип социальных аптек утверждается Министерством здравоохранения Республики Узбекистан.
5. Социальная аптека организовывается Министерством здравоохранения Республики Узбекистан, в том числе на условиях государственно-частного партнерства, в соответствии с Законом Республики Узбекистан «О государственно-частном партнерстве» и настоящим Положением.
6. Основными требованиями при организации деятельности социальных аптек являются:
а) наличие лицензии на осуществление оптовой, розничной реализации лекарственных средств, хранения и отпуска наркотических средств и психотропных веществ;
б) обеспечение населения:
лекарственными средствами и медицинскими изделиями аптечного ассортимента, входящими в Перечень социально значимых лекарственных средств и медицинского оборудования (далее — Перечень), в полном объеме и по ценам, не превышающим фиксированные;
лекарственными средствами и медицинскими изделиями аптечного ассортимента, не входящим в Перечень, по предельным торговым надбавкам, установленным согласно условиям государственно-частного партнерства;
лекарственными средствами отдельных категорий лиц на льготной основе;
лекарственными средствами и медицинскими изделиями через сеть филиалов социальных аптек в семейных поликлиниках и сельских врачебных пунктах районных (городских) медицинских объединений;
лекарственными средствами и медицинскими изделиями в труднодоступных, горных регионах, где отсутствуют сельские врачебные пункты, путем их доставки посредством специализированного автотранспорта;
в) наличие в социальной аптеке двухмесячного запаса лекарственных средств и медицинских изделий аптечного ассортимента, входящих в Перечень, для обеспечения их бесперебойной реализации.
Глава 2. Порядок определения месторасположения социальной аптеки
7. Дислокация социальных аптек утверждается Министерством здравоохранения Республики Узбекистан.
8. Основными факторами, определяющими месторасположения социальных аптек, являются:
административно-территориальная структура области, района, города;
географические, социально-экономические характеристики регионов;
численность населения в городах, районах и сельских населенных пунктах;
уровень организации амбулаторно-поликлинической медицинской помощи;
радиус обслуживания социальных аптек (рекомендуемый радиус обслуживания социальных аптек исчисляется с учетом численности населения, но не более чем 2-3 км в городах и 5 — 10 км в сельской местности).
9. Социальные аптеки должны размещаться в областных, районных центрах, в семейных поликлиниках и сельских врачебных пунктах районных (городских) медицинских объединений.
Глава 3. Задачи и функции социальной аптеки
10. Социальная аптека в своей деятельности руководствуется действующим законодательством и настоящим Положением.
11. Основной задачей социальной аптеки является реализация населению аптечного ассортимента лекарственных средств и медицинских изделий, входящих в Перечень, а также реализация других лекарственных средств и медицинских изделий, в том числе обеспечение лекарственными средствами отдельных категорий лиц на льготной основе.
12. Социальная аптека осуществляет следующие функции:
закупает (кроме ввоза) у поставщиков, имеющих лицензию на оптовую реализацию лекарственных средств и производство лекарственных средств, у других организаций, производящих и реализующих оптом медицинские изделий;
лекарственные средства реализуются в розницу по рецептам, утвержденным Министерством здравоохранения Республики Узбекистан, а также без рецепта, а также в порядке, установленном законодательством, обеспечиваются лекарственными средствами отдельные категории граждан, имеющие льготы;
обеспечивает хранение, уничтожение лекарственных средств и медицинских изделий в установленном порядке;
извещает Министерство здравоохранения Республики Узбекистан о случаях побочного действия и отсутствия эффективности лекарственных средств, выявленных при поступлении жалоб от потребителей, обнаружении фальсифицированных, недоброкачественных лекарственных средств и изделий медицинского назначения, а также предотвращает их распространение;
ежеквартально предоставляет в районные (городские) медицинские объединения информацию о наличии в социальной аптеке и временно отсутствующих лекарственных средствах, входящих в Перечень лекарственных средств, предназначенных для льготного обеспечения при амбулаторном лечении;
предоставляет бесплатную консультативную и информационную помощь населению по применению и хранению лекарственных средств и медицинских изделий;
обеспечивает ведение учетно-отчетной документации по движению лекарственных средств и изделий медицинского назначения по всей сети социальных аптек в электронном виде, обеспечивающей возможность предоставления информации населению о наличии лекарственных средств и медицинских изделий;
размещает на видном месте для посетителей социальной аптеки Перечень аптечного ассортимента с указанием их фиксированных цен;
изготовляет лекарственные средства по рецептам врачей и осуществляет внутриаптечный контроль их качества (при наличии соответствующей лицензии).
13. Закрытие социальной аптеки для проведения инвентаризации товарно-материальных ценностей и проведения ремонтных работ производится по согласованию с государственным партнером, а для проведения санитарных дней - дополнительно по согласованию или предписанию органов Комитет санитарно-эпидемиологического благополучия и общественного здоровья при Министерстве здравоохранения Республики Узбекистан.
Глава 5. Заключительные положения
22. Лица, виновные в нарушении требований настоящего Положения, несут ответственность в установленном порядке.
23. Контроль за деятельностью всех социальных аптек на территории Республики Узбекистан и соблюдением требований настоящего Положения возлагается на государственное учреждение «Центр безопасности фармацевтической продукции» при Министерстве здравоохранения Республики Узбекистан.
24. Контроль за ценообразованием лекарственных средств и медицинских изделий в социальной аптеке осуществляет Комитет по развитию конкуренции и защите прав потребителей Республики Узбекистан и Департамент по борьбе с экономическими преступлениями при Генеральной прокуратуре Республики Узбекистан.
Премьер-министр Республики Узбекистан А. АРИПОВ
г. Ташкент,
3 мая 2018 г.,
№ 334