📅 2018-yil 4-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 4 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 мая 2018 г. · Постановления Президента
Официальный текст. Официальный документ. Редакционные примечания не включены.
📅 4 May 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ички бозорни цемент билан барқарор таъминлаш бўйича қўшимча чора-тадбирлар тўғрисида
Мамлакатда аҳоли пунктлари, айниқса қишлоқларнинг қиёфасини яхшилаш, кўп қаватли арзон уй-жойлар, муҳандислик-коммуникация инфратузилмаси ва республика ҳудудларини ривожлантириш дастурларига киритилган бошқа объектларни қуриш бўйича изчил равишда комплекс чора-тадбирлар амалга оширилмоқда.
Шу билан бирга, мамлакатда цемент ишлаб чиқариш ҳажми ва унга нархларнинг шаклланиш механизмлари жорий йилда амалга оширилиши режалаштирилган кенг кўламли инфратузилма лойиҳалари доирасида объектлар қурилишини сифатли ва ўз вақтида якунлашга салбий таъсир кўрсатмоқда.
Цемент ишлаб чиқариш саноатини жадал ривожлантиришни таъминлаш, ишлаб чиқариш ҳажмини ошириш ва иқтисодиёт тармоқларининг цементга бўлган эҳтиёжини қондириш, шунингдек, ижтимоий ва йўл-транспорт инфратузилма объектлари қурилишини ўз вақтида якунлаш мақсадида:
1. Ўзбекистон Республикаси Иқтисодиёт вазирлиги, Молия вазирлиги, Давлат солиқ қўмитаси ва «Ўзқурилишматериаллари» АЖнинг 2018 йилда уй-жой шароитларини яхшилашга муҳтож бўлган фуқаролар учун арзон уй-жойларни, ижтимоий соҳа, транспорт инфратузилмаси ва сув хўжалиги объектларини марказлашган манбалар ҳисобидан қуришни амалга оширувчи пудрат ташкилотларига цемент ишлаб чиқарувчи монополист корхоналар томонидан икки миллион тонна ҳажмдаги цементни бир тоннаси учун 367 минг сўм (ҚҚС билан) нархда икки томонлама шартномалар бўйича 100 фоиз олдиндан тўлов асосида сотиш ҳақидаги таклифлари маъқуллансин.
2. Ўзбекистон Республикаси Президентининг 2017 йил 29 декабрдаги ПҚ-3454-сон қарори билан тасдиқланган Айрим турдаги маҳсулотлар бўйича қўшимча фойда солиғи ставкасида:
а) «Солиқ солинадиган базанинг миқдори (ҚҚС ва акциз солиғисиз)» устунида:
«Цемент**» позициясида «1 тонна учун 145 000 сўмдан юқори» сўзлари «1 тонна учун 280 000*** сўмдан юқори» сўзлари билан алмаштирилсин;
«Клинкер**» позициясида «1 тонна учун 120 000 сўмдан юқори» сўзлари «1 тонна учун 260 000*** сўмдан юқори» сўзлари билан алмаштирилсин;
б) қуйидаги мазмундаги ҳавола билан тўлдирилсин:
«***) Ўзбекистон Республикаси Вазирлар Маҳкамаси биржа савдоларидаги нархлар конъюнктурасидан келиб чиққан ҳолда, солиқ солинадиган базанинг миқдорини қайта кўриб чиқиш ҳуқуқига эга».
3. Мазкур қарорнинг 2-банди ҳужжат расмий эълон қилинган кундан бошлаб ўн кун ўтгач кучга киради.
4. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов, Ўзбекистон Республикаси Бош вазирининг ўринбосари — молия вазири Ж.А. Қўчқоров ва «Ўзқурилишматериаллари» АЖ бошқаруви раиси Б.К. Зарипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 4 май,
ПҚ-3696-сон
Oʻzbekiston Respublikasi Prezidentining
Qarori
Ichki bozorni sement bilan barqaror taʼminlash boʻyicha qoʻshimcha chora-tadbirlar toʻgʻrisida
Mamlakatda aholi punktlari, ayniqsa qishloqlarning qiyofasini yaxshilash, koʻp qavatli arzon uy-joylar, muhandislik-kommunikatsiya infratuzilmasi va respublika hududlarini rivojlantirish dasturlariga kiritilgan boshqa obyektlarni qurish boʻyicha izchil ravishda kompleks chora-tadbirlar amalga oshirilmoqda.
Shu bilan birga, mamlakatda sement ishlab chiqarish hajmi va unga narxlarning shakllanish mexanizmlari joriy yilda amalga oshirilishi rejalashtirilgan keng koʻlamli infratuzilma loyihalari doirasida obyektlar qurilishini sifatli va oʻz vaqtida yakunlashga salbiy taʼsir koʻrsatmoqda.
Sement ishlab chiqarish sanoatini jadal rivojlantirishni taʼminlash, ishlab chiqarish hajmini oshirish va iqtisodiyot tarmoqlarining sementga boʻlgan ehtiyojini qondirish, shuningdek, ijtimoiy va yoʻl-transport infratuzilma obyektlari qurilishini oʻz vaqtida yakunlash maqsadida:
1. Oʻzbekiston Respublikasi Iqtisodiyot vazirligi, Moliya vazirligi, Davlat soliq qoʻmitasi va “Oʻzqurilishmateriallari” AJning 2018-yilda uy-joy sharoitlarini yaxshilashga muhtoj boʻlgan fuqarolar uchun arzon uy-joylarni, ijtimoiy soha, transport infratuzilmasi va suv xoʻjaligi obyektlarini markazlashgan manbalar hisobidan qurishni amalga oshiruvchi pudrat tashkilotlariga sement ishlab chiqaruvchi monopolist korxonalar tomonidan ikki million tonna hajmdagi sementni bir tonnasi uchun 367 ming soʻm (QQS bilan) narxda ikki tomonlama shartnomalar boʻyicha 100 foiz oldindan toʻlov asosida sotish haqidagi takliflari maʼqullansin.
2. Oʻzbekiston Respublikasi Prezidentining 2017-yil 29-dekabrdagi PQ-3454-son qarori bilan tasdiqlangan Ayrim turdagi mahsulotlar boʻyicha qoʻshimcha foyda soligʻi stavkasida:
a) “Soliq solinadigan bazaning miqdori (QQS va aksiz soligʻisiz)” ustunida:
“Sement**” pozitsiyasida “1 tonna uchun 145 000 soʻmdan yuqori” soʻzlari “1 tonna uchun 280 000*** soʻmdan yuqori” soʻzlari bilan almashtirilsin;
“Klinker**” pozitsiyasida “1 tonna uchun 120 000 soʻmdan yuqori” soʻzlari “1 tonna uchun 260 000*** soʻmdan yuqori” soʻzlari bilan almashtirilsin;
b) quyidagi mazmundagi havola bilan toʻldirilsin:
“***) Oʻzbekiston Respublikasi Vazirlar Mahkamasi birja savdolaridagi narxlar konyunkturasidan kelib chiqqan holda, soliq solinadigan bazaning miqdorini qayta koʻrib chiqish huquqiga ega”.
3. Mazkur qarorning 2-bandi hujjat rasmiy eʼlon qilingan kundan boshlab oʻn kun oʻtgach kuchga kiradi.
4. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov, Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va “Oʻzqurilishmateriallari” AJ boshqaruvi raisi B.K. Zaripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 4-may,
PQ-3696-son
Президента Республики Узбекистан
Постановление
О дополнительных мерах по стабильному обеспечению внутреннего рынка цементом
В стране последовательно принимаются комплексные меры по улучшению облика населенных пунктов, особенно на селе, строительству доступных жилых многоквартирных домов, инженерно-коммуникационной инфраструктуры и других объектов, включенных в программы развития территорий республики.
Вместе с тем объемы производства цемента в стране и механизмы ценообразования на него негативно сказываются на обеспечении качественного и своевременного завершения строительства объектов в рамках масштабных инфраструктурных проектов, запланированных к реализации в текущем году.
В целях обеспечения ускоренного развития цементной промышленности, увеличения объемов производства и удовлетворения отраслей экономики в цементе, а также своевременного завершения строительства объектов социальной и дорожно-транспортной инфраструктуры:
1. Одобрить предложения Министерства экономики, Министерства финансов, Государственного налогового комитета Республики Узбекистан и АО «Узстройматериалы» о реализации в 2018 году предприятиями-монополистами цемента подрядным организациям, осуществляющим строительство доступного жилья для граждан, нуждающихся в улучшении жилищных условий, объектов социальной сферы, транспортной инфраструктуры и водохозяйственных объектов за счет централизованных источников, по двусторонним договорам со 100-процентной предоплатой по цене 367 тысяч сум за тонну (с НДС) в объеме двух миллионов тонн.
2. В Ставке налога на сверхприбыль по отдельным видам продукции, утвержденной постановлением Президента Республики Узбекистан от 29 декабря 2017 года № ПП-3454:
а) в графе «Размер налогооблагаемой базы (без НДС и акцизного налога)»:
в позиции «Цемент**» слова «свыше 145 000 сум за 1 тонну» заменить словами «свыше 280 000 сум*** за 1 тонну»;
в позиции «Клинкер**» слова «свыше 120 000 сум за 1 тонну» заменить словами «свыше 260 000 сум*** за 1 тонну»;
б) дополнить сноской следующего содержания:
«***) Кабинет Министров Республики Узбекистан вправе пересматривать размер налогооблагаемой базы, исходя из конъюнктуры цен на биржевых торгах».
3. Пункт 2 настоящего постановления вступает в силу по истечении десяти дней со дня его официального опубликования.
4. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова, заместителя Премьер-министра Республики Узбекистан — министра финансов Д.А. Кучкарова и председателя правления АО «Узстройматериалы» Б.К. Зарипова.
Президент Республики Узбекистан Ш. МИРЗИЁЕВ
г. Ташкент,
4 мая 2018 г.,
№ ПП-3696