📅 2018-yil 4-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 4 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 мая 2018 г. · Постановления Президента
Официальный текст. Официальный документ. Редакционные примечания не включены.
📅 4 May 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Ўзбекистон Республикаси акциядорлик тижорат Халқ банки ва «Микрокредитбанк» акциядорлик тижорат банкининг молиявий ҳолатини яхшилаш ҳамда фаолиятини янада такомиллаштириш чора-тадбирлари тўғрисида
[Кўчирма]
Мамлакатимизнинг банк-молия тизимини ислоҳ қилиш ва мустаҳкамлаш бўйича изчил амалга оширилаётган чора-тадбирлар тижорат банкларининг ликвидлилиги ва барқарорлигини таъминлаш, аҳоли ва тадбиркорлик субъектларига кўрсатилаётган банк хизматлари турларини кенгайтириш хамда сифатини ошириш имкониятини яратмоқда.
Хусусан, Ўзбекистон Республикаси акциядорлик тижорат Халқ банки (кейинги ўринларда Халқ банки деб юритилади) аҳоли ва тадбиркорлик субъектлари билан фаол иш олиб бориш билан бир қаторда, ҳудудларда чорвачиликни ривожлантириш борасидаги фаолиятини кенгайтирмоқда, фуқароларнинг шахсий жамғариб бориладиган пенсия тизими ҳисобини юритиш, пенсия, нафақа ва бошқа ижтимоий тўловларни жойларга етказиб бериш каби ижтимоий вазифаларни амалга оширмоқда.
«Микрокредитбанк» акциядорлик тижорат банки (кейинги ўринларда — Микрокредитбанк) фаолияти асосан кичик бизнесни хар томонлама қўллаб-қувватлаш, оилавий тадбиркорликни йўлга қўйишга кўмаклашиш, ҳунармандчилик ва бошқа долзарб бизнес-ташаббусларни ривожлантириш учун имтиёзли микромолиявий хизматлар кўрсатишга йўналтирилган.
Олиб борилаётган кредит сиёсатида ижтимоий йўналтирилганликнинг устуворлиги сабабли Халқ банки ва Микрокредитбанкнинг рентабеллик даражаси пастлигича қолмоқда, уларнинг кредит портфели етарли даражада диверсификация қилинмаган, бу эса, ўз навбатида, замонавий ахборот технологияларидан фойдаланишга асосланган янги банк хизматларини жорий этишга тўсқинлик қилмоқда.
Ушбу банкларнинг филиал тармоқлари мамлакатнинг барча ҳудудларини қамраб олганлигини ҳисобга олиб, улар фаолиятини энг янги ахборот-коммуникация технологияларини фаол жорий этиш орқали самарали ташкил қилиш улар томонидан кўрсатилаётган банк хизматлари рўйхатини кенгайтириш ва хизматлардан максимал фойдаланиш имкониятини таъминлашнинг зарур шарти ҳисобланади.
Халқ банки ва Микрокредитбанкнинг молиявий ҳолатини яхшилаш ва фаолиятини янада такомиллаштириш мақсадида:
1. Қуйидагилар Халқ банки ва Микрокредитбанкни янада ривожлантиришнинг устувор йўналишлари этиб белгилансин:
аҳоли, кичик бизнес, оилавий тадбиркорлик, халқ ҳунармандчилиги ва амалий санъат субъектларига чакана банк хизматлари кўрсатиш турлари рўйхатини кенгайтириш ва ҳажмини ошириш, томорқа ерларидан, айниқса, қишлоқ жойларида самарали фойдаланишни рағбатлантиришнинг таъсирчан механизмларини ишлаб чиқиш ва жорий этиш;
оилавий тадбиркорликни ривожлантириш давлат дастурлари доирасида кичик бизнес ва тадбиркорликни ривожлантириш лойиҳаларини молиялаштириш;
кўрсатилаётган хизматларнинг молиявий барқарорлиги ва жозибадорлигини таъминлаш нуқтаи назаридан филиаллар ва бўлинмаларнинг фаолиятини, харажатлар таркиби ва банк хизматларига тариф сиёсатини оптималлаштириш;
банк хизматларининг замонавий инновацион ва мижозларга мўлжалланган турларини жорий этиш;
замонавий талабларга мувофиқ банкларни фаоллаштириш ва тизимли ривожлантириш мақсадида банк бўлинмаларини аҳолига банк хизматлари кўрсатиш сифатини яхшилаш соҳасида долзарб вазифаларни самарали ҳал этишга қодир малакали, ташаббускор раҳбарлар ва мутахассислар билан янада тўлдириш, шунингдек, раҳбар ва мутахассисларни уларнинг фаолиятини баҳолашдан келиб чиққан холда рағбатлантириш.
2. Халқ банки ва Микрокредитбанк кузатув кенгашларига ва ижро этувчи органлари раҳбарларига қуйидагилар тавсия этилсин:
бир ой муддатда банкларни молиявий соғломлаштириш бўйича, жумладан уларнинг филиал тармоқлари харажатларини ва штатлар сонини оптималлаштиришни назарда тутган ҳолда комплекс чора-тадбирларни ишлаб чиқиш ва тасдиқлаш;
банк хизматлари кўрсатиш сифатини ошириш ва уларнинг турларини кўпайтириш, чакана банк хизматлари, жумладан микромолиявий хизматларни кенгайтириш бўйича зарур чораларни кўриш;
инновацион ривожланишнинг замонавий тенденциялари, банк хизматлари истеъмолчиларининг ҳуқуқ ва манфаатларига риоя этилишини ҳисобга олган ҳолда республиканинг барча ҳудудларида молиявий ресурслардан фойдаланиш имкониятини таъминлаш;
кўрсатилаётган банк хизматларининг самарадорлигини ва зарар кўрмаслик даражасини ошириш учун замонавий ахборот-коммуникация технологияларини жорий этиш;
кредитларни тезкорлик билан тақдим қилишнинг янги механизмларини фаол жорий этиш, мижозлар билан шериклик муносабатларини йўлга қўйишнинг замонавий ёндашувларини қўллашни ҳисобга олган ҳолда кредит учун аризаларни расмийлаштириш ва кўриб чиқиш жараёнининг шаффофлигини таъминлаш;
сунъий тўсиқлар яратиш ва ортиқча бюрократия юзага келиши имкониятларига барҳам бериш мақсадида тизимли камчиликларни ўз вақтида аниқлаш ва бартараф этиш бўйича зарур чораларни кўриш.
3. Ўзбекистон Республикаси Вазирлар Маҳкамаси ҳузуридаги Тадбиркорлик фаолиятини ривожлантиришни қўллаб-қувватлаш давлат жамғармаси қишлоқ жойларда оилавий ва кичик тадбиркорлик, ҳунармандчилик, чорвачилик ва қуён етиштиришни ривожлантиришга ажратиладиган кредитлар бўйича кафиллик бериш соҳасида Халқ банки ва Микрокредитбанк билан ҳамкорликни кенгайтириш юзасидан таъсирчан чоралар кўрилишини таъминласин.
4. Халқ банки ва Микрокредитбанк бошқарув органлари, шунингдек, Молия вазирлиги, Иқтисодиёт вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Ўзбекистон Республикаси Тикланиш ва тараққиёт жамғармасининг:
2018-2019 йилларда Ҳалқ банки устав капиталини 1,245 триллион сўмга, шундан республика бюджети маблағлари ҳисобидан 645 миллиард сўм ҳамда Ўзбекистон Республикаси Тикланиш ва тараққиёт жамғармаси маблағлари ҳисобидан эквиваленти 75 миллион АҚШ доллари, жумладан 2018 йилда тегишинча 250 миллиард сўм ва эквиваленти 30 миллион АҚШ доллари миқдорида ошириш;
2018-2019 йилларда Микрокредитбанк устав капиталини республика бюджети маблағлари ҳисобидан 450 миллиард сўмга, шундан 2018 йилда — 100 миллиард сўмга ошириш;
жиноят ишлари бўйича Тошкент вилояти судининг 2016 йил 4 октябрдаги ҳукмига кўра давлат даромадига ўтказилган «UzPaynet» МЧЖ устав фондидаги 37,5 фоиз улушни кейинчалик давлат улушини ошириш ҳисобига Халқ банкига ўтказиш учун Ўзбекистон Республикаси Молия вазирлигига бериш тўғрисидаги таклифларига розилик берилсин.
6. Халқ банки ва Микрокредитбанк 2023 йил 1 январга қадар қуйидаги тўловлардан озод этилсин:
белгиланган тартибда тасдиқланадиган рўйхат бўйича Ўзбекистон Республикасида ишлаб чиқарилмайдиган банк жиҳозлари ва техникаларини олиб кириш учун божхона тўловларидан (божхона расмийлаштируви йиғимлари бундан мустасно).
6 2 . Барча тижорат банкларига 2024 йил 1 январга қадар белгиланган тартибда тасдиқланадиган рўйхат бўйича Ўзбекистон Республикасида ишлаб чиқарилмайдиган банк жиҳозлари, техникалари ва банк карталарини олиб киришга рухсат берилсин ҳамда улар бу билан боғлиқ божхона тўловларидан (божхона расмийлаштируви йиғимлари бундан мустасно) озод этилсин.
7. Халқ банки ижтимоий тўловлар олувчиларнинг хоҳишига кўра мазкур тўловларни халқаро тўлов тизими базасида миллий валютада амалга ошириш учун халқаро пластик карталарни муомалага чиқарсин.
9. Ўзбекистон Республикаси Марказий банкига бир ой муддатда микромолиявий хизматларнинг фоиз ставкаларини Микрокредитбанкнинг мазкур хизматларни кўрсатиш бўйича ҳақиқий харажатларидан келиб чиққан ҳолда қайта кўриб чиқиш юзасидан таклифлар киритиш тавсия этилсин.
11. Ўзбекистон Республикаси Ахборот технологиялари ва коммуникацияларини ривожлантириш вазирлиги инновацион ечимлардан фойдаланиш ҳамда филиаллараро коммуникацияда ахборот хавфсизлиги даражасини сифатли ошириш имкониятини таъминлайдиган оптик толали ахборот-коммуникация тизимини жорий этишда Халқ банки ва Микрокредитбанк учун имтиёзли тарифлар қўлланишини таъминласин.
12. Ўзбекистон Миллий телерадиокомпанияси Халқ банки ва Микрокредитбанкнинг ижтимоий рекламали ахборот бепул трансляция қилиниши ҳамда кенг ёритилишини, шунингдек, тижорат фаолияти билан боғлиқ реклама ва тематик лавҳалар учун трансляция қилиш нархидан 50 фоиз миқдорида имтиёз берилишини таъминласин.
13. Ўзбекистон Республикаси акциядорлик тижорат Халқ банки Кузатув кенгашининг янгиланган таркиби иловага мувофиқ маъқуллансин.
14. Ўзбекистон Республикаси Марказий банки Халқ банки, Микрокредитбанк ҳамда бошқа манфаатдор вазирликлар ва идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартиш ва қўшимчалар киритиш тўғрисида Вазирлар Маҳкамасига таклифлар киритсин.
15. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров ва Ўзбекистон Республикаси Марказий банки раиси М.Б. Нурмуратов зиммасига юклансин.
Ўзбекистон Республикаси Президентининг 2018 йил 4 майдаги ПҚ-3694-сон қарорига ИЛОВА
Ўзбекистон Республикаси акциядорлик тижорат Халқ банки Кузатув кенгаши
Ж.А. Қўчқоров — Ўзбекистон Республикаси Бош вазирининг ўринбосари — молия вазири, Кузатув кенгаши раиси M.M. Мирзаев — Ўзбекистон Республикаси иқтисодиёт вазирининг биринчи ўринбосари, Кузатув кенгаши раисининг ўринбосари Ё.Э. Турсунов — Ўзбекистон Республикаси Молия вазирлиги ҳузуридаги Пенсия жамғармаси ижро этувчи директори Н.Ж. Хусанов — Ўзбекистон Республикаси Молия вазирлиги Молия бозори ва давлат активларидан даромадлар тушуми устидан назорат бошқармаси бошлиғи Д.К. Ибрагимов — Ўзбекистон Республикаси Тикланиш ва тараққиёт жамғармаси Инвестиция лойиҳаларини экспертиза қилиш бошқармаси бошлиғи ўринбосари
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 4 май,
ПҚ-3694-сон
Oʻzbekiston Respublikasi Prezidentining
Qarori
TARKIBI
Oʻzbekiston Respublikasi aksiyadorlik tijorat Xalq banki va “Mikrokreditbank” aksiyadorlik tijorat bankining moliyaviy holatini yaxshilash hamda faoliyatini yanada takomillashtirish chora-tadbirlari toʻgʻrisida
[Koʻchirma]
Mamlakatimizning bank-moliya tizimini isloh qilish va mustahkamlash boʻyicha izchil amalga oshirilayotgan chora-tadbirlar tijorat banklarining likvidliligi va barqarorligini taʼminlash, aholi va tadbirkorlik subyektlariga koʻrsatilayotgan bank xizmatlari turlarini kengaytirish xamda sifatini oshirish imkoniyatini yaratmoqda.
Xususan, Oʻzbekiston Respublikasi aksiyadorlik tijorat Xalq banki (keyingi oʻrinlarda Xalq banki deb yuritiladi) aholi va tadbirkorlik subyektlari bilan faol ish olib borish bilan bir qatorda, hududlarda chorvachilikni rivojlantirish borasidagi faoliyatini kengaytirmoqda, fuqarolarning shaxsiy jamgʻarib boriladigan pensiya tizimi hisobini yuritish, pensiya, nafaqa va boshqa ijtimoiy toʻlovlarni joylarga yetkazib berish kabi ijtimoiy vazifalarni amalga oshirmoqda.
“Mikrokreditbank” aksiyadorlik tijorat banki (keyingi oʻrinlarda — Mikrokreditbank) faoliyati asosan kichik biznesni xar tomonlama qoʻllab-quvvatlash, oilaviy tadbirkorlikni yoʻlga qoʻyishga koʻmaklashish, hunarmandchilik va boshqa dolzarb biznes-tashabbuslarni rivojlantirish uchun imtiyozli mikromoliyaviy xizmatlar koʻrsatishga yoʻnaltirilgan.
Olib borilayotgan kredit siyosatida ijtimoiy yoʻnaltirilganlikning ustuvorligi sababli Xalq banki va Mikrokreditbankning rentabellik darajasi pastligicha qolmoqda, ularning kredit portfeli yetarli darajada diversifikatsiya qilinmagan, bu esa, oʻz navbatida, zamonaviy axborot texnologiyalaridan foydalanishga asoslangan yangi bank xizmatlarini joriy etishga toʻsqinlik qilmoqda.
Ushbu banklarning filial tarmoqlari mamlakatning barcha hududlarini qamrab olganligini hisobga olib, ular faoliyatini eng yangi axborot-kommunikatsiya texnologiyalarini faol joriy etish orqali samarali tashkil qilish ular tomonidan koʻrsatilayotgan bank xizmatlari roʻyxatini kengaytirish va xizmatlardan maksimal foydalanish imkoniyatini taʼminlashning zarur sharti hisoblanadi.
Xalq banki va Mikrokreditbankning moliyaviy holatini yaxshilash va faoliyatini yanada takomillashtirish maqsadida:
1. Quyidagilar Xalq banki va Mikrokreditbankni yanada rivojlantirishning ustuvor yoʻnalishlari etib belgilansin:
aholi, kichik biznes, oilaviy tadbirkorlik, xalq hunarmandchiligi va amaliy sanʼat subyektlariga chakana bank xizmatlari koʻrsatish turlari roʻyxatini kengaytirish va hajmini oshirish, tomorqa yerlaridan, ayniqsa, qishloq joylarida samarali foydalanishni ragʻbatlantirishning taʼsirchan mexanizmlarini ishlab chiqish va joriy etish;
oilaviy tadbirkorlikni rivojlantirish davlat dasturlari doirasida kichik biznes va tadbirkorlikni rivojlantirish loyihalarini moliyalashtirish;
koʻrsatilayotgan xizmatlarning moliyaviy barqarorligi va jozibadorligini taʼminlash nuqtai nazaridan filiallar va boʻlinmalarning faoliyatini, xarajatlar tarkibi va bank xizmatlariga tarif siyosatini optimallashtirish;
bank xizmatlarining zamonaviy innovatsion va mijozlarga moʻljallangan turlarini joriy etish;
zamonaviy talablarga muvofiq banklarni faollashtirish va tizimli rivojlantirish maqsadida bank boʻlinmalarini aholiga bank xizmatlari koʻrsatish sifatini yaxshilash sohasida dolzarb vazifalarni samarali hal etishga qodir malakali, tashabbuskor rahbarlar va mutaxassislar bilan yanada toʻldirish, shuningdek, rahbar va mutaxassislarni ularning faoliyatini baholashdan kelib chiqqan xolda ragʻbatlantirish.
2. Xalq banki va Mikrokreditbank kuzatuv kengashlariga va ijro etuvchi organlari rahbarlariga quyidagilar tavsiya etilsin:
bir oy muddatda banklarni moliyaviy sogʻlomlashtirish boʻyicha, jumladan ularning filial tarmoqlari xarajatlarini va shtatlar sonini optimallashtirishni nazarda tutgan holda kompleks chora-tadbirlarni ishlab chiqish va tasdiqlash;
bank xizmatlari koʻrsatish sifatini oshirish va ularning turlarini koʻpaytirish, chakana bank xizmatlari, jumladan mikromoliyaviy xizmatlarni kengaytirish boʻyicha zarur choralarni koʻrish;
innovatsion rivojlanishning zamonaviy tendensiyalari, bank xizmatlari isteʼmolchilarining huquq va manfaatlariga rioya etilishini hisobga olgan holda respublikaning barcha hududlarida moliyaviy resurslardan foydalanish imkoniyatini taʼminlash;
koʻrsatilayotgan bank xizmatlarining samaradorligini va zarar koʻrmaslik darajasini oshirish uchun zamonaviy axborot-kommunikatsiya texnologiyalarini joriy etish;
kreditlarni tezkorlik bilan taqdim qilishning yangi mexanizmlarini faol joriy etish, mijozlar bilan sheriklik munosabatlarini yoʻlga qoʻyishning zamonaviy yondashuvlarini qoʻllashni hisobga olgan holda kredit uchun arizalarni rasmiylashtirish va koʻrib chiqish jarayonining shaffofligini taʼminlash;
sunʼiy toʻsiqlar yaratish va ortiqcha byurokratiya yuzaga kelishi imkoniyatlariga barham berish maqsadida tizimli kamchiliklarni oʻz vaqtida aniqlash va bartaraf etish boʻyicha zarur choralarni koʻrish.
3. Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasi qishloq joylarda oilaviy va kichik tadbirkorlik, hunarmandchilik, chorvachilik va quyon yetishtirishni rivojlantirishga ajratiladigan kreditlar boʻyicha kafillik berish sohasida Xalq banki va Mikrokreditbank bilan hamkorlikni kengaytirish yuzasidan taʼsirchan choralar koʻrilishini taʼminlasin.
4. Xalq banki va Mikrokreditbank boshqaruv organlari, shuningdek, Moliya vazirligi, Iqtisodiyot vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Oʻzbekiston Respublikasi Tiklanish va taraqqiyot jamgʻarmasining:
2018-2019-yillarda Halq banki ustav kapitalini 1,245 trillion soʻmga, shundan respublika budjeti mablagʻlari hisobidan 645 milliard soʻm hamda Oʻzbekiston Respublikasi Tiklanish va taraqqiyot jamgʻarmasi mablagʻlari hisobidan ekvivalenti 75 million AQSH dollari, jumladan 2018-yilda tegishincha 250 milliard soʻm va ekvivalenti 30 million AQSH dollari miqdorida oshirish;
2018-2019-yillarda Mikrokreditbank ustav kapitalini respublika budjeti mablagʻlari hisobidan 450 milliard soʻmga, shundan 2018-yilda — 100 milliard soʻmga oshirish;
jinoyat ishlari boʻyicha Toshkent viloyati sudining 2016-yil 4-oktabrdagi hukmiga koʻra davlat daromadiga oʻtkazilgan “UzPaynet” MCHJ ustav fondidagi 37,5 foiz ulushni keyinchalik davlat ulushini oshirish hisobiga Xalq bankiga oʻtkazish uchun Oʻzbekiston Respublikasi Moliya vazirligiga berish toʻgʻrisidagi takliflariga rozilik berilsin.
6. Xalq banki va Mikrokreditbank 2023-yil 1-yanvarga qadar quyidagi toʻlovlardan ozod etilsin:
belgilangan tartibda tasdiqlanadigan roʻyxat boʻyicha Oʻzbekiston Respublikasida ishlab chiqarilmaydigan bank jihozlari va texnikalarini olib kirish uchun bojxona toʻlovlaridan (bojxona rasmiylashtiruvi yigʻimlari bundan mustasno).
6 2 . Barcha tijorat banklariga 2024-yil 1-yanvarga qadar belgilangan tartibda tasdiqlanadigan roʻyxat boʻyicha Oʻzbekiston Respublikasida ishlab chiqarilmaydigan bank jihozlari, texnikalari va bank kartalarini olib kirishga ruxsat berilsin hamda ular bu bilan bogʻliq bojxona toʻlovlaridan (bojxona rasmiylashtiruvi yigʻimlari bundan mustasno) ozod etilsin.
7. Xalq banki ijtimoiy toʻlovlar oluvchilarning xohishiga koʻra mazkur toʻlovlarni xalqaro toʻlov tizimi bazasida milliy valyutada amalga oshirish uchun xalqaro plastik kartalarni muomalaga chiqarsin.
9. Oʻzbekiston Respublikasi Markaziy bankiga bir oy muddatda mikromoliyaviy xizmatlarning foiz stavkalarini Mikrokreditbankning mazkur xizmatlarni koʻrsatish boʻyicha haqiqiy xarajatlaridan kelib chiqqan holda qayta koʻrib chiqish yuzasidan takliflar kiritish tavsiya etilsin.
11. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi innovatsion yechimlardan foydalanish hamda filiallararo kommunikatsiyada axborot xavfsizligi darajasini sifatli oshirish imkoniyatini taʼminlaydigan optik tolali axborot-kommunikatsiya tizimini joriy etishda Xalq banki va Mikrokreditbank uchun imtiyozli tariflar qoʻllanishini taʼminlasin.
12. Oʻzbekiston Milliy teleradiokompaniyasi Xalq banki va Mikrokreditbankning ijtimoiy reklamali axborot bepul translyatsiya qilinishi hamda keng yoritilishini, shuningdek, tijorat faoliyati bilan bogʻliq reklama va tematik lavhalar uchun translyatsiya qilish narxidan 50 foiz miqdorida imtiyoz berilishini taʼminlasin.
13. Oʻzbekiston Respublikasi aksiyadorlik tijorat Xalq banki Kuzatuv kengashining yangilangan tarkibi ilovaga muvofiq maʼqullansin.
14. Oʻzbekiston Respublikasi Markaziy banki Xalq banki, Mikrokreditbank hamda boshqa manfaatdor vazirliklar va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar kiritish toʻgʻrisida Vazirlar Mahkamasiga takliflar kiritsin.
15. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Oʻzbekiston Respublikasi Markaziy banki raisi M.B. Nurmuratov zimmasiga yuklansin.
Oʻzbekiston Respublikasi Prezidentining 2018-yil 4-maydagi PQ-3694-son qaroriga ILOVA
Oʻzbekiston Respublikasi aksiyadorlik tijorat Xalq banki Kuzatuv kengashi
J.A. Qoʻchqorov — Oʻzbekiston Respublikasi Bosh vazirining oʻrinbosari — moliya vaziri, Kuzatuv kengashi raisi M.M. Mirzayev — Oʻzbekiston Respublikasi iqtisodiyot vazirining birinchi oʻrinbosari, Kuzatuv kengashi raisining oʻrinbosari Yo.E. Tursunov — Oʻzbekiston Respublikasi Moliya vazirligi huzuridagi Pensiya jamgʻarmasi ijro etuvchi direktori N.J. Xusanov — Oʻzbekiston Respublikasi Moliya vazirligi Moliya bozori va davlat aktivlaridan daromadlar tushumi ustidan nazorat boshqarmasi boshligʻi D.K. Ibragimov — Oʻzbekiston Respublikasi Tiklanish va taraqqiyot jamgʻarmasi Investitsiya loyihalarini ekspertiza qilish boshqarmasi boshligʻi oʻrinbosari
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 4-may,
PQ-3694-son
Президента Республики Узбекистан
Постановление
СОСТАВ
О мерах по улучшению финансового состояния и дальнейшему совершенствованию деятельности Акционерно-коммерческого Народного банка Республики Узбекистан и Акционерно-коммерческого банка «Микрокредитбанк»
[Извлечение]
Последовательно осуществляемые меры по реформированию и укреплению банковско-финансовой системы республики способствовали обеспечению ликвидности и устойчивости коммерческих банков, расширению спектра и повышению качества банковских услуг, предоставляемых населению и субъектам предпринимательства.
В частности, Акционерно-коммерческий Народный банк Республики Узбекистан (далее — Народный банк), наряду с активной работой с населением и субъектами предпринимательства, расширяет свою деятельность в области развития животноводства в регионах, выполняет такие социальные функции, как учет индивидуальной накопительной пенсионной системы граждан, доставка до мест выплаты пенсий, пособий и других социальных платежей.
Деятельность Акционерно-коммерческого банка «Микрокредитбанк» (далее — Микрокредитбанк) преимущественно направлена на предоставление льготных микрофинансовых услуг для всесторонней поддержки малого бизнеса, оказания содействия в налаживании семейного предпринимательства, развития ремесленничества и других актуальных бизнес-инициатив.
Ввиду приоритетной социальной направленности проводимой кредитной политики, Народный банк и Микрокредитбанк остаются низкорентабельными, их кредитный портфель не диверсифицирован надлежащим образом, что, в свою очередь, препятствует внедрению новых банковских услуг, основанных на использовании современных информационных технологий.
Учитывая, что филиальная сеть данных банков охватывает все регионы страны, эффективная организация их деятельности с активным внедрением новейших информационно-коммуникационных технологий является необходимым условием обеспечения расширения перечня и максимальной доступности предоставляемых ими банковских услуг.
В целях улучшения финансового состояния и дальнейшего совершенствования деятельности Народного банка и Микрокредитбанка:
1. Определить приоритетными направлениями дальнейшего развития Народного банка и Микрокредитбанка:
расширение перечня видов и увеличение объемов оказания розничных банковских услуг населению, субъектам малого бизнеса, семейного предпринимательства, народных промыслов и прикладного искусства, разработку и внедрение действенных механизмов стимулирования эффективного использования приусадебных участков, особенно в сельской местности;
финансирование проектов по развитию малого бизнеса и предпринимательства в рамках государственных программ развития семейного предпринимательства;
оптимизацию деятельности филиалов и подразделений, структуры расходов и тарифной политики на услуги банков с позиции обеспечения финансовой состоятельности и привлекательности оказываемых услуг;
внедрение современных инновационных и клиентоориентированных видов банковских услуг;
дальнейшее укрепление подразделений банков квалифицированными, инициативными руководителями и специалистами, способными эффективно решать актуальные задачи в сфере улучшения качества банковского обслуживания населения с целью активизации и системного развития банков в соответствии с современными требованиями, а также стимулирование руководителей и специалистов исходя из оценки их деятельности.
2. Рекомендовать наблюдательным советам и руководителям исполнительных органов Народного банка и Микрокредитбанка:
в месячный срок разработать и утвердить комплекс мер по финансовому оздоровлению банков, включая их филиальные сети, предусмотрев оптимизацию их затрат и штатной численности;
принимать необходимые меры по повышению качества предоставления банковских услуг и увеличению их видов, расширению перечня розничных банковских услуг, включая микрофинансовых;
обеспечить доступность финансовых ресурсов во всех регионах республики с учетом современных тенденций инновационного развития, соблюдения прав и интересов потребителей банковских услуг;
внедрить современные информационно-коммуникационные технологии для повышения эффективности и безубыточности оказываемых банковских услуг;
активно внедрять новые механизмы оперативного предоставления кредитов, обеспечивать прозрачность регистрации и рассмотрения кредитных заявок с учетом применения современных подходов к выстраиванию партнерских отношений с клиентами;
принимать необходимые меры по своевременному выявлению и предотвращению системных недостатков в целях исключения возможности для создания искусственных препон и проявления излишней бюрократии.
3. Государственному фонду поддержки развития предпринимательской деятельности при Кабинете Министров Республики Узбекистан обеспечить действенные меры по расширению сотрудничества с Народным банком и Микрокредитбанком в сфере предоставления поручительств по кредитам, выделяемым на развитие семейного и малого предпринимательства, ремесленничества, животноводства и кролиководства в сельской местности.
4. Согласиться с предложениями органов управления Народного банка и Микрокредитбанка, а также Министерства финансов, Министерства экономики, Государственного комитета по содействию приватизированным предприятиям и развитию конкуренции, Фонда реконструкции и развития Республики Узбекистан:
об увеличении в 2018-2019 годах уставного капитала Народного банка на сумму 1,245 триллиона сум, из них 645 миллиардов сум за счет средств республиканского бюджета и в эквиваленте 75 миллионов долларов США за счет средств Фонда реконструкции и развития Узбекистана, в том числе в 2018 году — 250 миллиардов сум и в эквиваленте 30 миллионов долларов США, соответственно;
об увеличении в 2018-2019 годах уставного капитала Микрокредитбанка на сумму 450 миллиардов сум, из них в 2018 году — 100 миллиардов сум за счет средств республиканского бюджета;
о передаче Министерству финансов Республики Узбекистан 37,5 процентов доли в уставном фонде ООО «UzPaynet», обращенной в доход государства приговором Ташкентского областного суда по уголовным делам от 4 октября 2016 года, для последующей передачи данной доли Народному банку в счет увеличения доли государства.
6. Освободить Народный банк и Микрокредитбанк до 1 января 2023 года:
от уплаты таможенных платежей (за исключением сборов за таможенное оформление) за ввозимые банковское оборудование и технику, не производимые в Республике Узбекистан, по перечням, утверждаемым в установленном порядке.
6 2 . Разрешить всем коммерческим банкам ввозить на срок до 1 января 2024 года не производимые в Республике Узбекистан банковское оборудование, технику и банковские карты по перечням, утверждаемым в установленном порядке, и освободить их от уплаты связанных с этим таможенных платежей (за исключением сборов за таможенное оформление).
7. Народному банку эмитировать по желанию получателей социальных выплат международные пластиковые карты для осуществления данных выплат в национальной валюте на базе международных платежных систем.
9. Рекомендовать Центральному банку Республики Узбекистан в месячный срок внести предложения по пересмотру процентных ставок микрофинансовых услуг исходя из фактических затрат Микрокредитбанка на их оказание.
11. Министерству по развитию информационных технологий и коммуникаций Республики Узбекистан обеспечить применение льготных тарифов для Народного банка и Микрокредитбанка на внедрение оптоволоконной информационно-коммуникационной системы, обеспечивающей возможность использования инновационных решений и качественного повышения уровня информационной безопасности в межфилиальных коммуникациях.
12. Национальной телерадиокомпании Узбекистана обеспечить бесплатную трансляцию и широкое освещение социально ориентированной рекламной информации, а также предоставить льготу в виде 50 процентной скидки от стоимости трансляции для рекламы и тематических передач, связанных с коммерческой деятельностью Народного банка и Микрокредитбанка.
13. Одобрить обновленный состав наблюдательного совета Акционерно-коммерческого Народного банка Республики Узбекистан согласно приложению .
14. Центральному банку совместно с Народным банком, Микрокредитбанком и другими заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
15. Контроль за исполнением настоящего постановления возложить на заместителя Премьер-министра Республики Узбекистан — министра финансов Д.А. Кучкарова и председателя Центрального банка Республики Узбекистан М.Б. Нурмуратова.
ПРИЛОЖЕНИЕ к постановлению Президента Республики Узбекистан от 4 мая 2018 года № ПП-3694
Наблюдательного совета Акционерно-коммерческого Народного банка Республики Узбекистан
Д.А. Кучкаров — заместитель Премьер-министра — министр финансов Республики Узбекистан, председатель Наблюдательного совета М.М. Мирзаев — первый заместитель министра экономики Республики Узбекистан, заместитель председателя Наблюдательного совета Ё.Э. Турсунов — исполнительный директор Пенсионного фонда при Министерстве финансов Республики Узбекистан Н.Ж. Хусанов — начальник Управления финансового рынка и контроля за поступлением доходов по государственным активам Министерства финансов Республики Узбекистан Д.К. Ибрагимов — заместитель начальника Управления экспертизы инвестиционных проектов Фонда реконструкции и развития Республики Узбекистан
Президент Республики Узбекистан Ш. МИРЗИЁЕВ
г. Ташкент,
4 мая 2018 г.,
№ ПП-3694