📅 2018-yil 7-may · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 7 май · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 7 мая 2018 г. · Указы Президента
Официальный текст. Официальный документ. Редакционные примечания не включены.
📅 7 May 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси Президентининг 2017 йил 18 апрелдаги ПФ-5019-сонли «Ижтимоий-иқтисодий ислоҳотларни амалга ошириш, мамлакатни модернизация қилиш, инсон ҳуқуқ ва эркинликларининг ишончли ҳимоясини таъминлашда прокуратура органларининг ролини кучайтириш тўғрисида»ги Фармонига ўзгартириш ва қўшимчалар киритиш ҳақида
Қонунлар ва қабул қилинаётган қарорларга сўзсиз риоя этилишини таъминлаш, жамиятда қонунийлик ва ҳуқуқ-тартиботни янада мустаҳкамлаш, фуқароларнинг ҳуқуқ ва эркинликларини ишончли ҳимоя қилиш, шунингдек Ўзбекистон Республикасининг «Прокуратура тўғрисида»ги Қонунида белгиланган вазифаларни самарали амалга ошириш мақсадида:
1. Ўзбекистон Республикаси Президентининг 2017 йил 18 апрелдаги ПФ-5019-сонли «Ижтимоий-иқтисодий ислоҳотларни амалга ошириш, мамлакатни модернизация қилиш, инсон ҳуқуқ ва эркинликларининг ишончли ҳимоясини таъминлашда прокуратура органларининг ролини кучайтириш тўғрисида»ги Фармонига иловага мувофиқ ўзгартириш ва қўшимчалар киритилсин.
2. Мазкур Фармоннинг ижросини назорат қилиш Ўзбекистон Республикаси Президентининг Давлат маслаҳатчиси Р.Р. Иноятов ва Ўзбекистон Республикаси Бош прокурори О.Б. Муродов зиммасига юклансин.
Ўзбекистон Республикаси Президентининг 2018 йил 7 майдаги ПФ-5436-сонли Фармонига ИЛОВА
Ўзбекистон Республикаси Президентининг 2017 йил 18 апрелдаги ПФ-5019-сонли «Ижтимоий-иқтисодий ислоҳотларни амалга ошириш, мамлакатни модернизация қилиш, инсон ҳуқуқ ва эркинликларининг ишончли ҳимоясини таъминлашда прокуратура органларининг ролини кучайтириш тўғрисида»ги Фармонига киритилаётган ўзгартириш ва қўшимчалар
1. Қуйидаги мазмундаги 6 2 -банд билан тўлдирилсин:
«6 2 . Ўзбекистон Республикаси прокуратурасининг байроғи ва эмблемаси намуналари 5 ва 6-иловаларга мувофиқ тасдиқлансин.
Белгилансинки, байроқ ва эмблемадан фойдаланиш тартиби Ўзбекистон Республикаси Бош прокурори томонидан тасдиқланади».
2. 10 ва 11-бандлардаги «5-иловага» ва «6-иловага» деган сўзлар тегишинча «7-иловага» ва «8-иловага» деган сўзлар билан алмаштирилсин.
3. Қуйидаги мазмундаги 5 ва 6-иловалар билан тўлдирилсин:
«Ўзбекистон Республикаси Президентининг 2017 йил 18 апрелдаги ПФ-5019-сонли Фармонига 5-ИЛОВА
Ўзбекистон Республикаси прокуратураси байроғининг ТАВСИФИ
Ўзбекистон Республикаси прокуратураси байроғи (кейинги ўринларда байроқ деб юритилади) барқарорлик, матонат, содиқлик, фидоийлик ва мардликни ифода этувчи мовий рангли тўғри бурчакли мато кўринишига эга.
Байроқ марказида геральдик белги — Ўзбекистон Республикаси прокуратурасининг эмблемаси тасвирланган.
Байроқ узунлиги — 250 см, эни — 125 см.
Байроқнинг ҳажми бошқача ҳам бўлиши мумкин, бироқ барча ҳолларда байроқнинг эни узунлигига нисбатан 1:2 бўлиши лозим.
Ўзбекистон Республикаси Президентининг 2017 йил 18 апрелдаги ПФ-5019-сонли Фармонига 6-ИЛОВА
Ўзбекистон Республикаси прокуратураси эмблемаси — геральдик белги ТАВСИФИ
Геральдик белги — Ўзбекистон Республикаси прокуратураси эмблемаси пастки қисми чўзилган, юқори бурчаклари кесилган учбурчак қалқон кўринишига эга бўлиб, давлат ва жамиятни ҳимоя қилиш рамзини англатади.
Қалқон ортида — иккита диагонал кесишган ўткир тиғлари пастга йўналтирилган қиличлар жойлашган. Қиличлар дастаси бешта ҳалқадан иборат бўлиб, Ўзбекистон Республикаси прокуратураси фаолиятининг асосий принциплари — бирлик, марказлашганлик, қонунийлик, мустақиллик ва ошкораликни ифодалайди.
Қалқон юзаси ва қиличлар кумуш рангда. Қалқон марказида Ўзбекистон Республикаси Давлат герби тасвирланган.
Ўзбекистон Республикаси Давлат гербидан қалқоннинг Камбар ҳошияларига қадар қуёш нурларини ифодаловчи бўртма тўғри чизиқлар тортилган.
Қалқоннинг чап томонида тўқ кўк рангли бош ҳарфлар билан лотин алифбосида: «OʻZBEKISTON», ўнг томонида: «PROKURATURASI» деб ёзилган.
Геральдик белги қонун ҳужжатларига мувофиқ бир хил рангда (силуэт тарзида) тасвирланиши мумкин».
4. 5 ва 6-иловалардаги «5-илова» ва «6-илова» деган сўзлар тегишинча «7-илова» ва «8-илова» деган сўзлар билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 7 май,
ПФ-5436-сон
Oʻzbekiston Respublikasi Prezidentining
Farmoni
Oʻzbekiston Respublikasi Prezidentining 2017-yil 18-apreldagi PF-5019-sonli “Ijtimoiy-iqtisodiy islohotlarni amalga oshirish, mamlakatni modernizatsiya qilish, inson huquq va erkinliklarining ishonchli himoyasini taʼminlashda prokuratura organlarining rolini kuchaytirish toʻgʻrisida”gi Farmoniga oʻzgartirish va qoʻshimchalar kiritish haqida
Qonunlar va qabul qilinayotgan qarorlarga soʻzsiz rioya etilishini taʼminlash, jamiyatda qonuniylik va huquq-tartibotni yanada mustahkamlash, fuqarolarning huquq va erkinliklarini ishonchli himoya qilish, shuningdek Oʻzbekiston Respublikasining “Prokuratura toʻgʻrisida”gi Qonunida belgilangan vazifalarni samarali amalga oshirish maqsadida:
1. Oʻzbekiston Respublikasi Prezidentining 2017-yil 18-apreldagi PF-5019-sonli “Ijtimoiy-iqtisodiy islohotlarni amalga oshirish, mamlakatni modernizatsiya qilish, inson huquq va erkinliklarining ishonchli himoyasini taʼminlashda prokuratura organlarining rolini kuchaytirish toʻgʻrisida”gi Farmoniga ilovaga muvofiq oʻzgartirish va qoʻshimchalar kiritilsin.
2. Mazkur Farmonning ijrosini nazorat qilish Oʻzbekiston Respublikasi Prezidentining Davlat maslahatchisi R.R. Inoyatov va Oʻzbekiston Respublikasi Bosh prokurori O.B. Murodov zimmasiga yuklansin.
Oʻzbekiston Respublikasi Prezidentining 2018-yil 7-maydagi PF-5436-sonli Farmoniga ILOVA
Oʻzbekiston Respublikasi Prezidentining 2017-yil 18-apreldagi PF-5019-sonli “Ijtimoiy-iqtisodiy islohotlarni amalga oshirish, mamlakatni modernizatsiya qilish, inson huquq va erkinliklarining ishonchli himoyasini taʼminlashda prokuratura organlarining rolini kuchaytirish toʻgʻrisida”gi Farmoniga kiritilayotgan oʻzgartirish va qoʻshimchalar
1. Quyidagi mazmundagi 6 2 -band bilan toʻldirilsin:
“6 2 . Oʻzbekiston Respublikasi prokuraturasining bayrogʻi va emblemasi namunalari 5 va 6-ilovalarga muvofiq tasdiqlansin.
Belgilansinki, bayroq va emblemadan foydalanish tartibi Oʻzbekiston Respublikasi Bosh prokurori tomonidan tasdiqlanadi”.
2. 10 va 11-bandlardagi “5-ilovaga” va “6-ilovaga” degan soʻzlar tegishincha “7-ilovaga” va “8-ilovaga” degan soʻzlar bilan almashtirilsin.
3. Quyidagi mazmundagi 5 va 6-ilovalar bilan toʻldirilsin:
“Oʻzbekiston Respublikasi Prezidentining 2017-yil 18-apreldagi PF-5019-sonli Farmoniga 5-ILOVA
Oʻzbekiston Respublikasi prokuraturasi bayrogʻining TAVSIFI
Oʻzbekiston Respublikasi prokuraturasi bayrogʻi (keyingi oʻrinlarda bayroq deb yuritiladi) barqarorlik, matonat, sodiqlik, fidoiylik va mardlikni ifoda etuvchi moviy rangli toʻgʻri burchakli mato koʻrinishiga ega.
Bayroq markazida geraldik belgi — Oʻzbekiston Respublikasi prokuraturasining emblemasi tasvirlangan.
Bayroq uzunligi — 250 sm, eni — 125 sm.
Bayroqning hajmi boshqacha ham boʻlishi mumkin, biroq barcha hollarda bayroqning eni uzunligiga nisbatan 1:2 boʻlishi lozim.
Oʻzbekiston Respublikasi Prezidentining 2017-yil 18-apreldagi PF-5019-sonli Farmoniga 6-ILOVA
Oʻzbekiston Respublikasi prokuraturasi emblemasi — geraldik belgi TAVSIFI
Geraldik belgi — Oʻzbekiston Respublikasi prokuraturasi emblemasi pastki qismi choʻzilgan, yuqori burchaklari kesilgan uchburchak qalqon koʻrinishiga ega boʻlib, davlat va jamiyatni himoya qilish ramzini anglatadi.
Qalqon ortida — ikkita diagonal kesishgan oʻtkir tigʻlari pastga yoʻnaltirilgan qilichlar joylashgan. Qilichlar dastasi beshta halqadan iborat boʻlib, Oʻzbekiston Respublikasi prokuraturasi faoliyatining asosiy prinsiplari — birlik, markazlashganlik, qonuniylik, mustaqillik va oshkoralikni ifodalaydi.
Qalqon yuzasi va qilichlar kumush rangda. Qalqon markazida Oʻzbekiston Respublikasi Davlat gerbi tasvirlangan.
Oʻzbekiston Respublikasi Davlat gerbidan qalqonning Kambar hoshiyalariga qadar quyosh nurlarini ifodalovchi boʻrtma toʻgʻri chiziqlar tortilgan.
Qalqonning chap tomonida toʻq koʻk rangli bosh harflar bilan lotin alifbosida: “OʻZBEKISTON”, oʻng tomonida: “PROKURATURASI” deb yozilgan.
Geraldik belgi qonun hujjatlariga muvofiq bir xil rangda (siluet tarzida) tasvirlanishi mumkin”.
4. 5 va 6-ilovalardagi “5-ilova” va “6-ilova” degan soʻzlar tegishincha “7-ilova” va “8-ilova” degan soʻzlar bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 7-may,
PF-5436-son
Президента Республики Узбекистан
Указ
О внесении изменений и дополнений в Указ Президента Республики Узбекистан от 18 апреля 2017 года № УП-5019 «Об усилении роли органов прокуратуры в реализации социально-экономических реформ и модернизации страны, обеспечении надежной защиты прав и свобод человека»
В целях обеспечения неукоснительного соблюдения законов и принимаемых решений, дальнейшего укрепления законности и правопорядка в обществе, осуществления надежной защиты прав и свобод граждан, а также эффективной реализации задач, определенных Законом Республики Узбекистан «О прокуратуре»:
1. Внести изменения и дополнения в Указ Президента Республики Узбекистан от 18 апреля 2017 года № УП-5019 «Об усилении роли органов прокуратуры в реализации социально-экономических реформ и модернизации страны, обеспечении надежной защиты прав и свобод человека» согласно приложению .
2. Контроль за исполнением настоящего Указа возложить на Государственного советника Президента Республики Узбекистан Р.Р. Иноятова и Генерального прокурора Республики Узбекистан О.Б. Муродова.
ПРИЛОЖЕНИЕ к Указу Президента Республики Узбекистан от 7 мая 2018 года № УП-5436
Изменения и дополнения, вносимые в Указ Президента Республики Узбекистан от 18 апреля 2017 года № УП-5019 «Об усилении роли органов прокуратуры в реализации социально-экономических реформ и модернизации страны, обеспечении надежной защиты прав и свобод человека»
1. Дополнить пунктом 6 2 следующего содержания:
«6 2 . Утвердить образцы флага и эмблемы прокуратуры Республики Узбекистан согласно приложениям №№ 5 и 6.
Установить, что порядок использования флага и эмблемы утверждается Генеральным прокурором Республики Узбекистан».
2. В пунктах 10 и 11 слова «приложение № 5» и «приложение № 6» заменить соответственно словами «приложение № 7» и «приложение № 8».
3. Дополнить приложениями №№ 5 и 6 следующего содержания:
«ПРИЛОЖЕНИЕ № 5 к Указу Президента Республики Узбекистан от 18 апреля 2017 года № УП-5019
ОПИСАНИЕ флага прокуратуры Республики Узбекистан
Флаг прокуратуры Республики Узбекистан (далее — Флаг) представляет собой прямоугольное полотнище голубого цвета, символизирующего постоянство, мужество, преданность, самоотверженность и храбрость.
В центре Флага изображен геральдический знак — эмблема прокуратуры Республики Узбекистан.
Длина Флага — 250 см, ширина — 125 см.
Флаг может быть и других размеров, однако во всех случаях отношение ширины флага к его длине должно быть 1:2.
ПРИЛОЖЕНИЕ № 6 к Указу Президента Республики Узбекистан от 18 апреля 2017 года № УП-5019
ОПИСАНИЕ геральдического знака — эмблемы прокуратуры Республики Узбекистан
Геральдический знак — эмблема прокуратуры Республики Узбекистан представляет собой треугольный, вытянутый к низу щит с вырезанными верхними углами, символизирующий защиту государства и общества.
За щитом — две диагонально перекрещенные сабли остриями вниз. Рукоять сабель состоит из пяти ободков, символизирующих основные принципы деятельности прокуратуры Республики Узбекистан — единство, централизация, законность, независимость и гласность.
Поле щита и сабли серебристого цвета. В центре щита изображен Государственный герб Республики Узбекистан.
От Государственного герба Республики Узбекистан до каемки щита растянуты рельефные прямые линии, символизирующие лучи солнца.
На левой стороне щита надпись темно-синими литерами латинского алфавита: «OʻZBEKISTON», на правой: «PROKURATURASI».
Геральдический знак, в соответствии с законодательными актами может выполняться в одноцветном (силуэтном) изображении».
4. В приложениях №№ 5 и 6 слова «приложение № 5» и «приложение № 6» заменить соответственно словами «приложение № 7» и «приложение № 8».
Президент Республики Узбекистан Ш. МИРЗИЁЕВ
г. Ташкент,
7 мая 2018 г.,
№ УП-5436