📅 2018-yil 5-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 5 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 5 мая 2018 г. · Постановления Президента
Официальный текст. Официальный документ. Редакционные примечания не включены.
📅 5 May 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Фаол тадбиркорлик ва инновацион фаолиятни ривожлантириш учун шарт-шароитларни яратиш бўйича қўшимча чора-тадбирлар тўғрисида
Мамлакатда ҳудудларнинг ижтимоий-иқтисодий салоҳиятини ошириш ҳамда аҳоли ҳаёт даражаси ва фаровонлигининг барқарор ўсишига имкон берувчи фаол тадбиркорликни ҳар томонлама қўллаб-қувватлаш ва рағбатлантиришга, инновацион ғоя ва технологияларни жорий этишга, фан ва инновацион фаолият жадал ривожланиши учун зарур шарт-шароитларни яратишга алоҳида эътибор қаратилмоқда.
Шу билан бирга, ўтказилган таҳлил натижалари мамлакатда фаол тадбиркорлик ва инновацион фаолиятни ривожлантириш учун шарт-шароитларни янада яхшилашга тўсқинлик қилувчи, жумладан, қуйидаги қатор тизимли муаммолар мавжудлигидан далолат беради:
биринчидан, ҳудудларнинг мавжуд ресурс базаси ва салоҳиятини ҳисобга олган ҳолда илғор ва замонавий инновацион ишланмалар, технологик лойиҳалар-стартаплар ва инновациялар бозорини тизимли таҳлил қилиш йўлга қўйилмаган;
иккинчидан, инновацион лойиҳалар-стартапларга инвестицияларни жалб этиш, ишлаб чиқариш ва хизматлар кўрсатиш соҳасига инновацияларни фаол жорий қилувчи иқтидорли тадбиркорлар фаолиятига кўмаклашиш ва мувофиқлаштириш ишлари лозим даражада амалга оширилмаяпти;
учинчидан, инновацион ривожланиш соҳасида, айниқса, жойларда ишбилармонлик муҳити паст даражада, шунингдек, инновацион ва муваффақиятли технологик лойиҳалар-стартапларни ишлаб чиқиш ва илгари суриш бўйича зарур кўникмаларга эга тадбиркорларнинг етишмовчилиги сақланиб қолмоқда;
тўртинчидан, инновацион ғоялар, ишланмалар ва технологияларнинг маълумотлар базаси мавжуд эмас, янги ресурсларни яратиш ва тажрибани бизнес-тузилмаларга ўтказиш амалиёти ривожланмасдан қолмоқда;
бешинчидан, инновацион ишланмалар бозорини қўллаб-қувватлаш механизмлари суст даражада ишлаб чиқилган, инновацион ғоялардан самарали фойдаланишни мувофиқлаштириш йўлга қўйилмаган, инновацион ишланмаларнинг сифати эса бозор талабларига жавоб бермайди;
олтинчидан, инновацион ишланмалар, технологик лойиҳалар-стартаплар соҳасига техника олий таълим муассасалари битирувчилари ва иқтидорли ёшларни жалб этишга, шунингдек, бизнес-инкубаторларни яратишга лозим даражада эътибор қаратилмаяпти;
еттинчидан, аҳоли ўртасида инновацион тадбиркорликни оммалаштириш ишлари самарали олиб борилмаяпти, инновацион маҳсулот ва хизматларни ишлаб чиқишга ва илгари суришга жалб қилишда техник ва психологик тўсиқлар сақланиб қолмоқда.
Мавжуд муаммоларни бартараф этиш ҳамда фаол тадбиркорликни ривожлантириш, инновациялар бозорининг шаклланиши ва фаолият кўрсатиши, шунингдек, маҳаллий ва хорижий инновацион ишланмаларни иқтисодиётнинг реал секторига илгари суриш учун қулай ҳуқуқий ва ташкилий шарт-шароитларни яратиш мақсадида:
1. Ўзбекистон Республикаси Инновацион ривожланиш вазирлигининг давлат ташкилотларининг бюджетдан ташқари инновацияларни ривожлантириш жамғармалари маблағларини, халқаро молия институтларининг грант ва/ёки кредитларини, хорижий инвесторларнинг маблағ ва сармояларини жалб қилган ҳолда ҳамда Қорақалпоғистон Республикаси, вилоятлар ва Тошкент шаҳрида инновацион лойиҳалар-стартапларни ишлаб чиқиш, синовдан ўтказиш ва ўзлаштириш, инновацион фаолият натижаларини трансфер қилиш ва тижоратлаштиришни амалга оширувчи инновацион ғоялар, ишланмалар ва технологиялар марказларини ( кейинги ўринларда марказлар деб юритилади) ташкил этиш тўғрисидаги таклифи маъқуллансин.
Икки ёки ундан ортиқ шахслар иштирокида ташкил этиладиган инновация марказлари акциядорлик ва бошқа ташкилий-ҳуқуқий шаклда ҳам тузилиши мумкин. Бундай ҳолларда таъсис ҳужжатларида унинг ташкилий-ҳуқуқий шакли, иштирокчиларнинг шартлари ва вазифалари аниқ кўрсатилади.
Белгилансинки, марказлар ўз фаолиятини тижорат асосида амалга оширади ва ташкил этилган пайтдан бошлаб беш йил муддатга барча турдаги солиқларни тўлашдан озод этилади.
2. Қуйидагилар марказларнинг асосий вазифалари этиб белгилансин:
ишлаб чиқариш ва хизматларнинг янги ва замонавий турларини яратиш мақсадида ҳудудларнинг салоҳияти ва ресурс базаларини чуқур тадқиқ қилиш;
инновацион ғоялар, ишланмалар ва технологияларни қўллаб-қувватлаш мақсадида инновацион менежментни ривожлантириш;
янги ва талаб юқори бўлган маҳсулот (иш, хизмат)ларни ишлаб чиқиш бўйича инновацион лойиҳалар-стартапларни, жумладан, хорижда қўлланиладиган илғор услуб ва технологиялардан фойдаланган ҳолда ишлаб чиқиш, синовдан ўтказиш ва ўзлаштириш;
инновациялар бозорининг маркетинг тадқиқотларини ўтказиш, ишлаб чиқарилган инновацион маҳсулот (иш, хизмат)лар бозорларини шакллантириш, уларнинг бозор талабларига йўналтирилиши ва мослашиши учун тавсиялар ишлаб чиқиш;
инвесторлар ва инновацион маҳсулот (иш, хизмат)лар истеъмолчиларини қидириб топиш ишларини, жумладан, инновацион инфратузилма субъектлари ўртасида кооперацияни ривожлантириш орқали ташкил этиш;
инновацион фаолиятни амалга ошириш масалалари бўйича манфаатдор шахсларнинг кенг доирасига маслаҳат бериш, аҳоли ва тадбиркорлик субъектлари ўртасида инновацион ғоялар, ишланмалар ва технологияларни оммалаштиришга қаратилган реклама ва кўргазма тадбирларини ташкил этиш;
қўшма инновацион лойиҳаларни амалга ошириш мақсадида ишлаб чиқариш корхоналари, илмий-тадқиқот ва таълим муассасалари, стартаплар ҳамда саноат ва қишлоқ хўжалигининг устувор тармоқларидаги бошқа шериклар билан инновацион ҳамкорликни ривожлантириш;
инновацион фаолиятнинг ишлаб чиқилган ва муваффақиятли синовдан ўтказилган натижаларини илгари суриш ва тижоратлаштириш.
3. Марказларни ташкил этишда қуйидагилар марказлар ташкил этишнинг асосий шартлари этиб белгилансин:
марказларни ташкил этиш ва уларга тегишли инфратузилмани (транспорт боғламалари, автостанциялар, автобекатлар мавжудлиги ва ҳ.к.) қуриш учун бўш бинолар хусусий шерикларга ҳақ ундирилмасдан, истисно тариқасида тўғридан-тўғри музокаралар асосида ажратилади;
марказ биноларини қуриш учун ер участкаларини танлаш белгиланган тартибда маҳаллий давлат ҳокимияти органлари томонидан, Инновацион ривожланиш агентлиги билан келишилган ҳолда амалга оширилади;
маҳаллий ҳокимиятлар иқтисодиёт тармоқларига инновацияларни жорий этишни рағбатлантириш, жумладан, ишлаб чиқариладиган маҳсулотларни давлат харидлари доирасида тижоратлаштириш имкониятларини кенгайтириш бўйича шарт-шароитларни яратишга кўмаклашиш мажбуриятини олади;
марказ ташкил этиш билан боғлиқ келишув томонларининг ҳуқуқлари ва мажбуриятлари, Инновацион ривожланиш агентлиги розилиги билан тузиладиган келишувларда белгиланади.
4. Ўзбекистон Республикаси Президентининг 2018 йил 22 январдаги «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол тадбиркорлик, инновацион ғоялар ва технологияларни қўллаб-қувватлаш йили»да амалга оширишга оид Давлат дастури тўғрисида»ги ПФ-5308-сон Фармони билан қуйидагилар 2023 йил 1 январга қадар муддатга ягона ижтимоий тўловдан ташқари, барча турдаги солиқ ва мажбурий тўловлар тўлашдан озод қилинганлиги маълумот учун қабул қилинсин:
юқори технологияли тадбиркорлик лойиҳалари-стартапларни биргаликда молиялаштириш учун ташкил қилинадиган венчур фондлар;
венчур фондлардан биргаликда молиялаштириладиган юқори технологияли лойиҳалар-стартаплар;
илмий-тадқиқот муассасалари, инновацион марказлар, лойиҳа-конструкторлик бюролари ўзларининг янги технологияларини тадбиркорларга сотишдан (фойдаланишга беришдан) олинган даромадлар бўйича;
янги технологияларни маҳаллий тадбиркорликка трансфер қилувчи ташкилотлар бу фаолиятдан олинган даромадлари бўйича.
Давлат ва жамият мақсадлари учун янги, инновацион маҳсулотлар яратиш, ишлаб чиқариш ва хизматларни йўлга қўйиш мақсадида давлат бошқаруви органлари, хўжалик бирлашмалари, таълим ва илмий-тадқиқот муассасалари, нодавлат ташкилотлар ҳамда хусусий тадбиркорлар марказлар фаолиятини молиялаштиришлари мумкин.
5. Белгилаб қўйилсинки:
марказлар учун Илм-фанни молиялаштириш ва инновацияларни қўллаб-қувватлаш жамғармасининг инновацион лойиҳаларни молиялаштириш умумий ҳажмининг 10 фоизидан кам бўлмаган миқдордаги маблағларини захира қилиш назарда тутилади;
марказларнинг қурилаётган биноларига барча зарурий ташқи муҳандислик-коммуникация тармоқларини, коммунал инфратузилмаларни олиб келиш электр энергияси қисми бўйича — «Ўзбекэнерго» АЖ ҳисобидан, газ таъминоти қисми бўйича — «Ўзтрансгаз» АЖ ҳисобидан, телекоммуникация тармоқлари қисми бўйича — «Ўзбектелеком» АК ҳисобидан, автомобиль йўлларини қуриш қисми бўйича — Ўзбекистон Республикаси Вазирлар Маҳкамаси ҳузуридаги Республика йўл жамғармаси ҳисобидан, сув таъминоти, канализация ва автостанцияларни қуриш қисми бўйича — Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари маблағлари ҳисобидан амалга оширилади;
марказларнинг бинолари фойдаланишга қабул қилинганидан кейин маҳаллий ижроия ҳокимияти органлари қулай транспорт йўналишлари ва йўловчи транспортининг бир маромда ишлашини ташкил этади.
7. Ўзбекистон Республикаси Олий таълим, фан ва инновациялар вазирлиги ҳузуридаги Инновацион ривожланиш агентлиги ва Инвестициялар, саноат ва савдо вазирлиги:
икки ой муддатда потенциал инвесторларни қидириб топиш ва улар билан мазкур қарорда белгиланган шартларида марказларни ташкил этиш тўғрисидаги келишувларни тузишни;
Ўзбекистон Республикаси Ташқи ишлар вазирлиги билан биргаликда доимий равишда марказларни ташкил этишга хорижий давлат вакилларини жалб қилиш, шунингдек, грантлар ва ҳомийлик хайрияларини ажратиш мақсадида халқаро ва хорижий ташкилотлар, молия институтлари вакиллари билан музокаралар ўтказишни;
Ўзбекистон Миллий телерадиокомпанияси, Ўзбекистон Миллий ахборот агентлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда марказлар фаолиятини кенг ёритиш ҳамда аҳоли ва тадбиркорлик субъектларига етказишни таъминласин.
Инновацион ривожланиш агентлигига мазкур қарор шартларини қўллаган ҳолда туман (шаҳар)ларда хорижий инвесторлар ёки ҳомийлар иштирокида марказларни ташкил қилишга рухсат этилсин.
8. Ўзбекистон Республикаси Вазирлар Маҳкамаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари уч ой муддатда ташаббускорлар мурожаатлари бўйича марказларни ташкил қилиш учун ер участкалари ёки бўш биноларни, жумладан, ўрта махсус, касб-ҳунар таълим муассасалари оптималлаштирилиши ҳисобига бўшайдиган биноларни ажратишни таъминласин ёхуд уларни намунали лойиҳалар бўйича қуриладиган давлат хизматлари марказлари биноларида жойлаштиришни назарда тутсин.
9. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Бош вазирининг ўринбосари С.Р. Холмурадов, Ўзбекистон Республикасининг Бош прокурори О.Б. Муродов ва Ўзбекистон Республикаси инновацион ривожланиш вазири И.Ю. Абдурахмонов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 5 май,
ПҚ-3697-сон
Oʻzbekiston Respublikasi Prezidentining
Qarori
Faol tadbirkorlik va innovatsion faoliyatni rivojlantirish uchun shart-sharoitlarni yaratish boʻyicha qoʻshimcha chora-tadbirlar toʻgʻrisida
Mamlakatda hududlarning ijtimoiy-iqtisodiy salohiyatini oshirish hamda aholi hayot darajasi va farovonligining barqaror oʻsishiga imkon beruvchi faol tadbirkorlikni har tomonlama qoʻllab-quvvatlash va ragʻbatlantirishga, innovatsion gʻoya va texnologiyalarni joriy etishga, fan va innovatsion faoliyat jadal rivojlanishi uchun zarur shart-sharoitlarni yaratishga alohida eʼtibor qaratilmoqda.
Shu bilan birga, oʻtkazilgan tahlil natijalari mamlakatda faol tadbirkorlik va innovatsion faoliyatni rivojlantirish uchun shart-sharoitlarni yanada yaxshilashga toʻsqinlik qiluvchi, jumladan, quyidagi qator tizimli muammolar mavjudligidan dalolat beradi:
birinchidan, hududlarning mavjud resurs bazasi va salohiyatini hisobga olgan holda ilgʻor va zamonaviy innovatsion ishlanmalar, texnologik loyihalar-startaplar va innovatsiyalar bozorini tizimli tahlil qilish yoʻlga qoʻyilmagan;
ikkinchidan, innovatsion loyihalar-startaplarga investitsiyalarni jalb etish, ishlab chiqarish va xizmatlar koʻrsatish sohasiga innovatsiyalarni faol joriy qiluvchi iqtidorli tadbirkorlar faoliyatiga koʻmaklashish va muvofiqlashtirish ishlari lozim darajada amalga oshirilmayapti;
uchinchidan, innovatsion rivojlanish sohasida, ayniqsa, joylarda ishbilarmonlik muhiti past darajada, shuningdek, innovatsion va muvaffaqiyatli texnologik loyihalar-startaplarni ishlab chiqish va ilgari surish boʻyicha zarur koʻnikmalarga ega tadbirkorlarning yetishmovchiligi saqlanib qolmoqda;
toʻrtinchidan, innovatsion gʻoyalar, ishlanmalar va texnologiyalarning maʼlumotlar bazasi mavjud emas, yangi resurslarni yaratish va tajribani biznes-tuzilmalarga oʻtkazish amaliyoti rivojlanmasdan qolmoqda;
beshinchidan, innovatsion ishlanmalar bozorini qoʻllab-quvvatlash mexanizmlari sust darajada ishlab chiqilgan, innovatsion gʻoyalardan samarali foydalanishni muvofiqlashtirish yoʻlga qoʻyilmagan, innovatsion ishlanmalarning sifati esa bozor talablariga javob bermaydi;
oltinchidan, innovatsion ishlanmalar, texnologik loyihalar-startaplar sohasiga texnika oliy taʼlim muassasalari bitiruvchilari va iqtidorli yoshlarni jalb etishga, shuningdek, biznes-inkubatorlarni yaratishga lozim darajada eʼtibor qaratilmayapti;
yettinchidan, aholi oʻrtasida innovatsion tadbirkorlikni ommalashtirish ishlari samarali olib borilmayapti, innovatsion mahsulot va xizmatlarni ishlab chiqishga va ilgari surishga jalb qilishda texnik va psixologik toʻsiqlar saqlanib qolmoqda.
Mavjud muammolarni bartaraf etish hamda faol tadbirkorlikni rivojlantirish, innovatsiyalar bozorining shakllanishi va faoliyat koʻrsatishi, shuningdek, mahalliy va xorijiy innovatsion ishlanmalarni iqtisodiyotning real sektoriga ilgari surish uchun qulay huquqiy va tashkiliy shart-sharoitlarni yaratish maqsadida:
1. Oʻzbekiston Respublikasi Innovatsion rivojlanish vazirligining davlat tashkilotlarining budjetdan tashqari innovatsiyalarni rivojlantirish jamgʻarmalari mablagʻlarini, xalqaro moliya institutlarining grant va/yoki kreditlarini, xorijiy investorlarning mablagʻ va sarmoyalarini jalb qilgan holda hamda Qoraqalpogʻiston Respublikasi, viloyatlar va Toshkent shahrida innovatsion loyihalar-startaplarni ishlab chiqish, sinovdan oʻtkazish va oʻzlashtirish, innovatsion faoliyat natijalarini transfer qilish va tijoratlashtirishni amalga oshiruvchi innovatsion gʻoyalar, ishlanmalar va texnologiyalar markazlarini ( keyingi oʻrinlarda markazlar deb yuritiladi) tashkil etish toʻgʻrisidagi taklifi maʼqullansin.
Ikki yoki undan ortiq shaxslar ishtirokida tashkil etiladigan innovatsiya markazlari aksiyadorlik va boshqa tashkiliy-huquqiy shaklda ham tuzilishi mumkin. Bunday hollarda taʼsis hujjatlarida uning tashkiliy-huquqiy shakli, ishtirokchilarning shartlari va vazifalari aniq koʻrsatiladi.
Belgilansinki, markazlar oʻz faoliyatini tijorat asosida amalga oshiradi va tashkil etilgan paytdan boshlab besh yil muddatga barcha turdagi soliqlarni toʻlashdan ozod etiladi.
2. Quyidagilar markazlarning asosiy vazifalari etib belgilansin:
ishlab chiqarish va xizmatlarning yangi va zamonaviy turlarini yaratish maqsadida hududlarning salohiyati va resurs bazalarini chuqur tadqiq qilish;
innovatsion gʻoyalar, ishlanmalar va texnologiyalarni qoʻllab-quvvatlash maqsadida innovatsion menejmentni rivojlantirish;
yangi va talab yuqori boʻlgan mahsulot (ish, xizmat)larni ishlab chiqish boʻyicha innovatsion loyihalar-startaplarni, jumladan, xorijda qoʻllaniladigan ilgʻor uslub va texnologiyalardan foydalangan holda ishlab chiqish, sinovdan oʻtkazish va oʻzlashtirish;
innovatsiyalar bozorining marketing tadqiqotlarini oʻtkazish, ishlab chiqarilgan innovatsion mahsulot (ish, xizmat)lar bozorlarini shakllantirish, ularning bozor talablariga yoʻnaltirilishi va moslashishi uchun tavsiyalar ishlab chiqish;
investorlar va innovatsion mahsulot (ish, xizmat)lar isteʼmolchilarini qidirib topish ishlarini, jumladan, innovatsion infratuzilma subyektlari oʻrtasida kooperatsiyani rivojlantirish orqali tashkil etish;
innovatsion faoliyatni amalga oshirish masalalari boʻyicha manfaatdor shaxslarning keng doirasiga maslahat berish, aholi va tadbirkorlik subyektlari oʻrtasida innovatsion gʻoyalar, ishlanmalar va texnologiyalarni ommalashtirishga qaratilgan reklama va koʻrgazma tadbirlarini tashkil etish;
qoʻshma innovatsion loyihalarni amalga oshirish maqsadida ishlab chiqarish korxonalari, ilmiy-tadqiqot va taʼlim muassasalari, startaplar hamda sanoat va qishloq xoʻjaligining ustuvor tarmoqlaridagi boshqa sheriklar bilan innovatsion hamkorlikni rivojlantirish;
innovatsion faoliyatning ishlab chiqilgan va muvaffaqiyatli sinovdan oʻtkazilgan natijalarini ilgari surish va tijoratlashtirish.
3. Markazlarni tashkil etishda quyidagilar markazlar tashkil etishning asosiy shartlari etib belgilansin:
markazlarni tashkil etish va ularga tegishli infratuzilmani (transport bogʻlamalari, avtostansiyalar, avtobekatlar mavjudligi va h.k.) qurish uchun boʻsh binolar xususiy sheriklarga haq undirilmasdan, istisno tariqasida toʻgʻridan-toʻgʻri muzokaralar asosida ajratiladi;
markaz binolarini qurish uchun yer uchastkalarini tanlash belgilangan tartibda mahalliy davlat hokimiyati organlari tomonidan, Innovatsion rivojlanish agentligi bilan kelishilgan holda amalga oshiriladi;
mahalliy hokimiyatlar iqtisodiyot tarmoqlariga innovatsiyalarni joriy etishni ragʻbatlantirish, jumladan, ishlab chiqariladigan mahsulotlarni davlat xaridlari doirasida tijoratlashtirish imkoniyatlarini kengaytirish boʻyicha shart-sharoitlarni yaratishga koʻmaklashish majburiyatini oladi;
markaz tashkil etish bilan bogʻliq kelishuv tomonlarining huquqlari va majburiyatlari, Innovatsion rivojlanish agentligi roziligi bilan tuziladigan kelishuvlarda belgilanadi.
4. Oʻzbekiston Respublikasi Prezidentining 2018-yil 22-yanvardagi “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol tadbirkorlik, innovatsion gʻoyalar va texnologiyalarni qoʻllab-quvvatlash yili”da amalga oshirishga oid Davlat dasturi toʻgʻrisida”gi PF-5308-son Farmoni bilan quyidagilar 2023-yil 1-yanvarga qadar muddatga yagona ijtimoiy toʻlovdan tashqari, barcha turdagi soliq va majburiy toʻlovlar toʻlashdan ozod qilinganligi maʼlumot uchun qabul qilinsin:
yuqori texnologiyali tadbirkorlik loyihalari-startaplarni birgalikda moliyalashtirish uchun tashkil qilinadigan venchur fondlar;
venchur fondlardan birgalikda moliyalashtiriladigan yuqori texnologiyali loyihalar-startaplar;
ilmiy-tadqiqot muassasalari, innovatsion markazlar, loyiha-konstruktorlik byurolari oʻzlarining yangi texnologiyalarini tadbirkorlarga sotishdan (foydalanishga berishdan) olingan daromadlar boʻyicha;
yangi texnologiyalarni mahalliy tadbirkorlikka transfer qiluvchi tashkilotlar bu faoliyatdan olingan daromadlari boʻyicha.
Davlat va jamiyat maqsadlari uchun yangi, innovatsion mahsulotlar yaratish, ishlab chiqarish va xizmatlarni yoʻlga qoʻyish maqsadida davlat boshqaruvi organlari, xoʻjalik birlashmalari, taʼlim va ilmiy-tadqiqot muassasalari, nodavlat tashkilotlar hamda xususiy tadbirkorlar markazlar faoliyatini moliyalashtirishlari mumkin.
5. Belgilab qoʻyilsinki:
markazlar uchun Ilm-fanni moliyalashtirish va innovatsiyalarni qoʻllab-quvvatlash jamgʻarmasining innovatsion loyihalarni moliyalashtirish umumiy hajmining 10 foizidan kam boʻlmagan miqdordagi mablagʻlarini zaxira qilish nazarda tutiladi;
markazlarning qurilayotgan binolariga barcha zaruriy tashqi muhandislik-kommunikatsiya tarmoqlarini, kommunal infratuzilmalarni olib kelish elektr energiyasi qismi boʻyicha — “Oʻzbekenergo” AJ hisobidan, gaz taʼminoti qismi boʻyicha — “Oʻztransgaz” AJ hisobidan, telekommunikatsiya tarmoqlari qismi boʻyicha — “Oʻzbektelekom” AK hisobidan, avtomobil yoʻllarini qurish qismi boʻyicha — Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasi hisobidan, suv taʼminoti, kanalizatsiya va avtostansiyalarni qurish qismi boʻyicha — Qoraqalpogʻiston Respublikasi budjeti, viloyatlar va Toshkent shahar mahalliy budjetlari mablagʻlari hisobidan amalga oshiriladi;
markazlarning binolari foydalanishga qabul qilinganidan keyin mahalliy ijroiya hokimiyati organlari qulay transport yoʻnalishlari va yoʻlovchi transportining bir maromda ishlashini tashkil etadi.
7. Oʻzbekiston Respublikasi Oliy taʼlim, fan va innovatsiyalar vazirligi huzuridagi Innovatsion rivojlanish agentligi va Investitsiyalar, sanoat va savdo vazirligi:
ikki oy muddatda potensial investorlarni qidirib topish va ular bilan mazkur qarorda belgilangan shartlarida markazlarni tashkil etish toʻgʻrisidagi kelishuvlarni tuzishni;
Oʻzbekiston Respublikasi Tashqi ishlar vazirligi bilan birgalikda doimiy ravishda markazlarni tashkil etishga xorijiy davlat vakillarini jalb qilish, shuningdek, grantlar va homiylik xayriyalarini ajratish maqsadida xalqaro va xorijiy tashkilotlar, moliya institutlari vakillari bilan muzokaralar oʻtkazishni;
Oʻzbekiston Milliy teleradiokompaniyasi, Oʻzbekiston Milliy axborot agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda markazlar faoliyatini keng yoritish hamda aholi va tadbirkorlik subyektlariga yetkazishni taʼminlasin.
Innovatsion rivojlanish agentligiga mazkur qaror shartlarini qoʻllagan holda tuman (shahar)larda xorijiy investorlar yoki homiylar ishtirokida markazlarni tashkil qilishga ruxsat etilsin.
8. Oʻzbekiston Respublikasi Vazirlar Mahkamasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari uch oy muddatda tashabbuskorlar murojaatlari boʻyicha markazlarni tashkil qilish uchun yer uchastkalari yoki boʻsh binolarni, jumladan, oʻrta maxsus, kasb-hunar taʼlim muassasalari optimallashtirilishi hisobiga boʻshaydigan binolarni ajratishni taʼminlasin yoxud ularni namunali loyihalar boʻyicha quriladigan davlat xizmatlari markazlari binolarida joylashtirishni nazarda tutsin.
9. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining oʻrinbosari S.R. Xolmuradov, Oʻzbekiston Respublikasining Bosh prokurori O.B. Murodov va Oʻzbekiston Respublikasi innovatsion rivojlanish vaziri I.Y. Abduraxmonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 5-may,
PQ-3697-son
Президента Республики Узбекистан
Постановление
О дополнительных мерах по созданию условий для развития активного предпринимательства и инновационной деятельности
В стране особое внимание уделяется всесторонней поддержке и стимулированию активного предпринимательства, внедрению инновационных идей и технологий, созданию необходимых условий для ускоренного развития науки и инновационной деятельности, способствующих повышению социально-экономического потенциала территорий и устойчивому росту уровня жизни и благосостояния населения.
Вместе с тем, результаты проведенного анализа свидетельствуют о наличии ряда системных проблем, препятствующих дальнейшему улучшению условий для развития активного предпринимательства и инновационной деятельности в стране, в числе которых:
первое, не налажен системный анализ передовых и современных инновационных разработок, технологических проектов-стартапов и рынка инноваций с учетом имеющейся ресурсной базы и потенциала регионов;
второе, не осуществляется должным образом привлечение инвестиций в инновационные проекты-стартапы, содействие и координация деятельности талантливых предпринимателей, осуществляющих активное внедрение инноваций в сферу производства и оказания услуг;
третье, сохраняется низкий уровень деловой среды в сфере инновационного развития, особенно на местах, а также дефицит предпринимателей, имеющих необходимые навыки по разработке и продвижению инновационных и успешных технологических проектов-стартапов;
четвертое, отсутствует база данных инновационных идей, разработок и технологий, остается неразвитой практика создания новых ресурсов и передачи опыта бизнес-структурам;
пятое, слабо разработаны механизмы поддержки рынка инновационных разработок, отсутствует координация эффективного использования инновационных идей, а качество инновационных разработок не отвечает требованиям рынка;
шестое, не уделяется должное внимание привлечению выпускников технических высших образовательных учреждений и талантливой молодежи в сферу инновационных разработок, технологических проектов-стартапов, а также созданию бизнес-инкубаторов;
седьмое, неэффективно проводится работа по популяризации среди населения инновационного предпринимательства, сохраняются технические и психологические барьеры при вовлечении в разработку и продвижение инновационных продуктов и услуг.
В целях устранения имеющихся проблем и создания благоприятных правовых и организационных условий для развития активного предпринимательства, формирования и функционирования рынка инноваций, а также продвижения местных и зарубежных инновационных разработок в реальный сектор экономики:
1. Согласиться с предложением Министерства инновационного развития Республики Узбекистан о создании с привлечением средств внебюджетных фондов инновационного развития государственных организаций, грантов и/или займов международных финансовых институтов, средств и инвестиций зарубежных инвесторов центров инновационных идей, разработок и технологий в Республике Каракалпакстан, областях и городе Ташкенте (далее — центры), осуществляющих разработку, апробацию и освоение инновационных проектов-стартапов, трансфер и коммерциализацию результатов инновационной деятельности.
Инновационные центры с участием двух и более лиц могут создаваться в акционерных и других организационно-правовых формах. В таких случаях в его учредительных документах четко указываются его организационно-правовая форма, условия и обязанности участников.
Определить, что центры осуществляют свою деятельность на коммерческой основе и с момента создания освобождаются сроком на пять лет от уплаты всех видов налогов.
2. Основными задачами центров определить:
глубокое исследование потенциала и ресурсных баз регионов с целью создания новых и современных видов производства и услуг;
развитие инновационного менеджмента с целью оказания поддержки инновационным идеям, разработкам и технологиям;
разработку, апробацию и освоение инновационных проектов-стартапов по производству новой и востребованной продукции (работ, услуг), в том числе с использованием передовых методов и технологий, применяемых за рубежом;
проведение маркетинговых исследований рынка инноваций, формирование рынков сбыта производимой инновационной продукции (работ, услуг), разработку рекомендаций для их ориентации и адаптации к требованиям рынка;
организацию работ по поиску инвесторов и потребителей инновационной продукции (работ, услуг), в том числе путем развития кооперации между субъектами инновационной инфраструктуры;
консультирование широкого круга заинтересованных лиц по вопросам осуществления инновационной деятельности, организацию рекламных и выставочных мероприятий, направленных на популяризацию среди населения и субъектов предпринимательства инновационных идей, разработок и технологий;
развитие инновационного сотрудничества с производственными предприятиями, научно-исследовательскими и образовательными учреждениями, стартапами и другими партнерами в приоритетных отраслях промышленности и сельского хозяйства с целью реализации совместных инновационных проектов;
продвижение и коммерциализацию разработанных и успешно апробированных результатов инновационной деятельности.
3. Установить следующие основные условия создания центров:
пустующие помещения, необходимые для создания центров и строительства сопутствующей инфраструктуры (наличие транспортных развязок, автостанций, автостоянок и т.п.), выделяются частным партнерам безвозмездно, в порядке исключения, на основе прямых переговоров;
выбор земельных участков для строительства зданий центров производится в установленном порядке органами государственной власти на местах по согласованию с Агентством инновационного развития Республики Узбекистан;
местные хокимияты обязуется содействовать созданию условий по стимулированию внедрения инноваций в отрасли экономики, в том числе расширению возможности коммерциализации выпускаемой продукции в рамках государственных закупок;
права и обязанности сторон договора о создании центра определяются договорами, заключенными с согласия Агентства инновационного развития.
4. Принять к сведению, что Указом Президента Республики Узбекистан от 22 января 2018 года № УП-5308 «О Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год поддержки активного предпринимательства, инновационных идей и технологий» на срок до 1 января 2023 года от уплаты всех видов налогов и обязательных платежей, за исключением единого социального платежа, освобождены:
создаваемые венчурные фонды, софинансирующие высокотехнологичные предпринимательские проекты-стартапы;
высокотехнологичные проекты-стартапы, софинансируемые из венчурных фондов;
научно-исследовательские учреждения, инновационные центры, проектно-конструкторские бюро по доходам, полученным от продажи (передачи в пользование) предпринимателям собственных новых технологий;
организации по трансферу новых технологий в отечественное предпринимательство по доходам от указанной деятельности.
В целях создания, производства новых инновационных продуктов и налаживания услуг для государственных и общественных целей органы государственного управления, хозяйственные объединения, образовательные и научно-исследовательские учреждения, негосударственные организации и частные предприниматели могут финансировать деятельность центров.
5. Установить, что:
для центров предусматривается резервирование средств Фонда финансирования науки и поддержки инноваций в размере не менее 10 процентов от общего объема финансирования инновационных проектов;
подведение к строящимся зданиям центров всех необходимых внешних инженерно-коммуникационных сетей, коммунальной инфраструктуры осуществляется за счет АО «Узбекэнерго» — в части электрической энергии, АО «Узтрансгаз» — в части газоснабжения, АК «Узбектелеком» — в части телекоммуникационных сетей, Республиканского дорожного фонда при Кабинете Министров Республики Узбекистан — в части строительства автомобильных дорог, средств бюджета Республики Каракалпакстан, местных бюджетов областей и города Ташкента — в части водоснабжения, канализации и строительства автостанций;
по мере ввода в эксплуатацию зданий центров органы исполнительной власти на местах организуют удобные транспортные маршруты и ритмичную работу пассажирского транспорта.
7. Агентству инновационного развития при Министерстве высшего образования, науки и инноваций и Министерству инвестиций, промышленности и торговли Республики Узбекистан обеспечить:
в двухмесячный срок поиск потенциальных инвесторов и заключение с ними соглашений о создании центров на условиях, определенных настоящим постановлением;
совместно с Министерством иностранных дел Республики Узбекистан на постоянной основе привлечение представителей зарубежных государств к участию в создании центров, а также с целью выделения грантовых и спонсорских средств — проведение переговоров с представителями международных и зарубежных организаций, финансовых институтов;
совместно с Национальной телерадиокомпанией Узбекистана, Национальным информационным агентством Узбекистана, Советом Министров Республики Каракалпакстан, хокимиятами областей и города Ташкента широкое освещение и доведение до населения и субъектов предпринимательства о деятельности центров.
Разрешить Агентству инновационного развития создавать центры в районах (городах) с участием иностранных инвесторов или спонсоров с применением условий настоящего постановления.
8. Кабинету Министров Республики Узбекистан, Совету Министров Республики Каракалпакстан, хокимиятам областей и города Ташкента в трехмесячный срок обеспечить по заявкам инициаторов выделение для создания центров земельных участков или пустующих зданий, в том числе высвобождаемых за счет оптимизации средних специальных, профессиональных образовательных учреждений либо предусмотреть их размещение в зданиях центров государственных услуг, сооружаемых по типовым проектам.
9. Контроль за исполнением настоящего постановления возложить на Премьер-министра Республики Узбекистан А.Н. Арипова, заместителя Премьер-министра Республики Узбекистан С.Р. Холмурадова, Генерального прокурора Республики Узбекистан О.Б. Муродова и министра инновационного развития Республики Узбекистан И.Ю. Абдурахмонова.
Президент Республики Узбекистан Ш. МИРЗИЁЕВ
г. Ташкент,
5 мая 2018 г.,
№ ПП-3697