📅 2018-yil 7-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 7 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 мая 2018 г. · Постановления Президента
Официальный текст. Официальный документ. Редакционные примечания не включены.
📅 7 May 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Иқтисодиёт тармоқлари ва соҳаларига инновацияларни жорий этиш механизмларини такомиллаштириш бўйича қўшимча чора-тадбирлар тўғрисида
Қайд этилсинки, мамлакатда қисқа муддатда инновацияга йўналтирилган иқтисодиётни шакллантиришга ва инновацияларни кенг жорий этиш учун шарт-шароитлар яратишга қаратилган кенг кўламли ишлар амалга оширилди.
Республикани инновацион ва илмий-техник ривожлантириш соҳасида ягона давлат сиёсатини амалга оширувчи орган ташкил этилганлиги, унинг ҳузурида Инновацион ривожланиш ва новаторлик ғояларини қўллаб-қувватлаш жамғармаси шакллантирилганлиги мазкур йўналишдаги муҳим босқичлардан бири бўлди.
Шу билан бирга, илмий тадқиқотлар билан ишлаб чиқариш тармоқлари ўртасидаги ўзаро ҳамкорликнинг самарали механизмларини йўлга қўйишга, алоқаларни мустаҳкамлашга тўсиқ бўлаётган бир қатор муаммолар сақланиб қолмоқда, уларга, авваламбор:
биринчидан, олий таълим муассасалари илмий ишлари ва илмий-тадқиқот ташкилотлари тадқиқотларининг натижаларини тижоратлаштириш кўрсаткичларининг пастлиги ҳамда қониқарсизлиги;
иккинчидан, инновацион жараёнларни рағбатлантириш, ҳудудлар ва тармоқлар даражасида инновацион ривожланиш ва инновацион фаоллик комплекс дастурларини амалга ошириш, инновацион фаол тадбиркорлик субъектларини қўллаб-қувватлаш механизмлари мавжуд эмаслиги;
учинчидан, хусусий сектор вакилларининг инновацион фаолиятга, жумладан уларнинг манфаатдорлиги пастлиги сабабли етарли даражада жалб қилинмаслиги;
тўртинчидан, давлат илмий-техник дастурлари доирасида грантларни тақсимлаш ва улардан оқилона фойдаланиш самарадорлигини ошириш бўйича таъсирчан чора-тадбирларнинг мавжуд эмаслиги;
бешинчидан, илмий тадқиқотлар ва инновацияларни жорий қилиш соҳасида халқаро ҳамкорлик ва инвестициялар жалб этиш даражасининг қониқарсизлиги каби омиллар сабаб бўлмоқда.
Инновация фаолиятини давлат томонидан тартибга солиш механизмларини тубдан такомиллаштириш, иқтисодиёт тармоқлари ва соҳаларига инновацияларни янада самарали жорий этиш учун шарт-шароитларни яратиш мақсадида:
1. Ўзбекистон Республикаси Инновацион ривожланиш вазирлиги, Олий ва ўрта махсус таълим вазирлиги, Фанлар академиясининг:
олий таълим муассасаларида илмий ишлар бўйича проректор лавозими ўрнига илмий ишлар ва инновациялар бўйича проректор лавозимини жорий этиш;
олий таълим муассасалари тузилмасида инновацион жамғармалар ва илмий-инновацион ишланмаларни тижоратлаштириш бўйича бўлинмалар ташкил этиш;
2. Белгилаб қўйилсинки:
олий таълим муассасаларининг илмий ишлар ва инновациялар бўйича проректорларини ҳамда Ўзбекистон Республикаси Фанлар академияси, давлат ва хўжалик бошқаруви органлари илмий-тадқиқот муассасаларининг илм-фан бўйича директор ўринбосарларини (кейинги ўринларда илмий ишлар ва инновациялар бўйича проректорлар ҳамда илм-фан бўйича директор ўринбосарлари деб юритилади) лавозимга тайинлаш ва лавозимидан озод этиш Ўзбекистон Республикаси Инновацион ривожланиш вазирлиги билан келишилган ҳолда амалга оширилади;
илмий ишлар ва инновациялар бўйича проректорлар ҳамда илм-фан бўйича директор ўринбосарлари инновация фаолиятига оид масалалар, илмий-инновацион ишланмаларни жорий этиш ва тижоратлаштириш натижалари бўйича бевосита Ўзбекистон Республикаси Инновацион ривожланиш вазирлигига ҳисобдордир;
Ўзбекистон Республикаси Инновацион ривожланиш вазирлиги йилига камида икки марта Ўзбекистон Республикаси Президенти Администрациясига илмий ишлар ва инновациялар бўйича проректорлар ҳамда илм-фан бўйича директор ўринбосарларининг илмий-инновацион фаолиятини баҳолаш юзасидан ахборот киритади;
Ўзбекистон Республикаси инновацион ривожланиш вазирининг тегишли ўринбосари илмий ишлар ва инновациялар бўйича проректорлар ҳамда илм-фан бўйича директор ўринбосарларининг фаолиятини самарали мувофиқлаштириш бўйича масъул ҳисобланади;
олий таълим муассасаларининг инновацион жамғармаларини (кейинги ўринларда — инновацион жамғармалар) шакллантириш инновацион маҳсулотларни тижоратлаштиришдан олинадиган даромадлар, олий таълим муассасаларининг иш ҳақи, стипендия тўлаш, шунингдек, бошқа жорий харажатлари қоплангандан кейин тўлов-контракт маблағларининг 5 фоиздан кам бўлмаган миқдорини йўналтириш ҳисобига амалга оширилади.
Инновацион жамғармаларнинг маблағлари:
илмий тадқиқотлар ва инновацион ишланмаларни рағбатлантиришга;
илмий-лаборатория ускуналари, сарфлаш материаллари ва бутловчи буюмлар сотиб олишга;
кичик стартап лойиҳаларни молиялаштиришга;
илмий-тадқиқот инфратузилмасини шакллантириш ва янгилашга, илмий ходимларни моддий рағбатлантиришга;
инновация фаолияти билан боғлиқ бошқа харажатларни амалга оширишга йўналтирилиши белгилаб қўйилсин.
3. Қуйидагилар олий таълим муассасаларининг илмий-инновацион ишланмаларни тижоратлаштириш бўйича бўлинмаларининг асосий вазифалари ва фаолият йўналишлари этиб ҳисоблансин:
бозорни тизимли равишда таҳлил қилиш ва инновацион маҳсулот (иш, хизмат)ларга бўлган талабни ўрганиш, ўзини қоплаш муддатини, рентабеллик ва инновацион маҳсулотларни тижоратлаштириш билан боғлиқ хатарларни баҳолаш;
юқори тижорат салоҳиятига эга ва амалга оширишга тайёр бўлган, ўзлаштириш учун истиқболли лойиҳаларни танлаб олиш;
инновацион лойиҳаларни амалга ошириш учун инвесторлар, шериклар ва бошқа манфаатдор шахсларни жалб қилиш;
янги технологияларни жорий қилиш ва инновацион маҳсулотларни ишлаб чиқариш мақсадида саноат корхоналари билан ўзаро ҳамкорлик қилиш.
Белгилансинки, олий таълим муассасаларининг илмий-инновацион ишланмаларни тижоратлаштириш бўйича бўлинмалари фаолияти инновацион жамғармалар маблағлари ва қонун ҳужжатларида тақиқланмаган бошқа манбалар ҳисобидан молиялаштирилади.
4. Давлат ва хўжалик бошқаруви органлари раҳбарлари:
бир ой муддатда раҳбар ўринбосарларидан бирини инновацион ривожланиш масалалари бўйича масъул этиб белгиласин;
ҳар йил 1 октябрга қадар Ўзбекистон Республикаси Инновацион ривожланиш вазирлиги билан келишган ҳолда тадбирларни молиялаштиришнинг аниқ миқдор ва манбаларини белгилаб келгуси йил учун тегишли тармоқ ва соҳаларни инновацион ривожлантиришнинг «йўл хариталари» ишлаб чиқилишини, шунингдек, уларнинг самарали амалга оширилишини таъминласин.
5. Қуйидагилар:
Ўзбекистон Республикаси Президентининг 2017 йил 29 ноябрдаги «Ўзбекистон Республикаси Инновацион ривожланиш вазирлигини ташкил этиш тўғрисида»ги ПФ-5264-сон Фармонига мувофиқ Инновацион ривожланиш ва новаторлик ғояларини қўллаб-қувватлаш жамғармаси ташкил этилганлиги;
Ўзбекистон Республикаси Президентининг 2017 йил 1 ноябрдаги ПҚ-3365-сон қарори билан тасдиқланган 2017 — 2021 йилларда илмий-тадқиқот муассасаларининг инфратузилмасини мустаҳкамлаш ва инновацион фаолиятини ривожлантириш бўйича комплекс чора-тадбирлар дастурини молиялаштириш манбалари этиб, тегишли қисмларда, бошқа манбалар билан бир қаторда Инновацион ривожланиш ва новаторлик ғояларини қўллаб-қувватлаш жамғармаси маблағлари белгиланганлиги маълумот учун қабул қилинсин.
Инновацион ривожланиш ва новаторлик ғояларини қўллаб-қувватлаш жамғармаси Кузатув кенгаши Жамғармага келиб тушадиган маблағларнинг, биринчи навбатда, Ўзбекистон Республикаси Инновацион ривожланиш вазирлиги зиммасига юклатилган вазифаларни бажаришга йўналтирилишини таъминласин.
Ўзбекистон Республикаси Молия вазирлиги Инвестициялар ва ташқи савдо вазирлиги билан биргаликда 2017 — 2021 йилларда илмий-тадқиқот муассасаларининг инфратузилмасини мустаҳкамлаш ва инновацион фаолиятини ривожлантириш бўйича комплекс чора-тадбирлар дастурининг етишмаётган қисмида ўз вақтида, жумладан Ўзбекистон Республикаси Давлат бюджети маблағлари ҳисобидан молиялаштирилишини таъминлансин.
6. Ўзбекистон Республикаси Молия вазирлиги устувор инновацион, илмий-тадқиқот, тажриба-конструкторлик, «стартап» лойиҳаларини молиялаштириш учун 2018 йилда Инновацион ривожланиш ва новаторлик ғояларини қўллаб-қувватлаш жамғармасига 50 миллиард сўм миқдорида бюджет маблағларини ажратсин ҳамда маблағларни ўзлаштириш натижалари бўйича Ўзбекистон Республикаси Инновацион ривожланиш вазирлигининг асослантирилган таклифларига кўра Жамғарма маблағларини шакллантиришнинг қўшимча манбалари юзасидан таклифлар киритсин.
Ўзбекистон Республикаси Инновацион ривожланиш вазирлиги:
грантлар асосида амалга оширилаётган фундаментал, амалий ва инновацион тадқиқотлар бўйича давлат илмий-техник дастурларининг тизимли мониторингини, шу асосда мақсадсиз ишлатилаётган грант маблағларини бошқа истиқболли ва талаб юқори бўлган мавзуга оид лойиҳаларни амалга ошириш учун қайта йўналтириш бўйича аниқ чора-тадбирлар қабул қилишни;
фундаментал, амалий ва инновацион тадқиқотлар бўйича давлат илмий-техник дастурларини молиялаштириш учун ажратилган ҳамда молия йили давомида ўзлаштирилмаган маблағлардан келгусида мақсадли фойдаланишни;
фундаментал, амалий ва инновацион тадқиқотларнинг долзарб йўналишлари бўйича мавзуга оид грантлар бериш юзасидан бир йилда бир маротаба танлов эълон қилишни амалга оширсин.
8. 2022 йил 1 январга қадар муддатда:
белгиланган тартибда тасдиқланадиган рўйхатлар бўйича илмий-тадқиқот ташкилотлари томонидан олиб кириладиган илмий асбоб-ускуналар, бутловчи буюмлар, сарфлаш материаллари, реактивлар, дастурий таъминот божхона тўловларидан (божхона расмийлаштируви учун йиғимлар бундан мустасно);
илмий-тадқиқот ташкилотлари уларнинг асосий фаолияти бўйича барча турдаги солиқлар ва мажбурий ажратмалардан озод қилинсин, Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига ажратмалар бундан мустасно, бўшаётган маблағлар уларнинг ходимларини моддий рағбатлантириш учун мақсадли йўналтирилсин.
9. Белгилансинки, Ўзбекистон Республикаси Инновацион ривожланиш вазирлиги ходимларининг меҳнатига Инновацион ривожланиш ва новаторлик ғояларини қўллаб-қувватлаш жамғармаси маблағлари ва бюджетдан ташқари бошқа манбалар ҳисобидан ҳақ тўлаш шартлари вазирлик ҳайъати томонидан белгиланади.
10. Ўзбекистон Республикаси Инновацион ривожланиш вазирлиги манфаатдор вазирлик ва идоралар билан биргаликда инновацион ғоялар муаллифларини, мазкур ғояларни амалга оширувчи ташкилотчилар ва ҳомийларни моддий рағбатлантиришни таъминлаган ҳолда республикада инновацияларни ривожлантиришга кўмаклашган алоҳида тадбиркорлик субъектларини тақдирлаш маросимини ўтказишни назарда тутиб, республикада ҳар йили Инновацион ғоялар ҳафталиги — «InnoWeek.Uz» ўтказилишини ташкил қилиш чораларини кўрсин.
11. Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига иловага мувофиқ ўзгартириш ва қўшимчалар киритилсин.
12. Ўзбекистон Республикаси Инновацион ривожланиш вазирлиги манфаатдор вазирлик ва идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
13. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Бош вазирининг ўринбосари — Инвестициялар бўйича давлат қўмитаси раиси С.Р. Холмурадов, Ўзбекистон Республикасининг Бош прокурори О.Б. Муродов ва Ўзбекистон Республикаси Президенти Давлат маслаҳатчисининг биринчи ўринбосари Б.М. Мавлонов зиммасига юклансин.
Ўзбекистон Республикаси Президентининг 2018 йил 7 майдаги ПҚ-3698-сон қарорига ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг «Илмий-тадқиқот муассасаларининг инфратузилмасини янада мустаҳкамлаш ва инновацион фаолиятини ривожлантириш чора-тадбирлари тўғрисида»ги 2017 йил 1 ноябрдаги ПҚ-3365-сон қарорида :
а) 4-банднинг тўртинчи хатбошиси «Инновацион ривожланиш ва новаторлик ғояларини қўллаб-қувватлаш жамғармаси» сўзларидан кейин «Ўзбекистон Республикаси Давлат бюджети» сўзлари билан тўлдирилсин;
б) 2-илованинг рус тили матнидаги «Выделение средств будет осуществляться по мере поступления средств в Фонд поддержки и развития научно-технической деятельности» сўзлари «Выделение средств будет осуществляться по мере поступления средств в Фонд поддержки инновационного развития и новаторских идей. При этом по недостающей части средств Фонда расходы осуществляются за счет и в пределах выделенных бюджетных средств» сўзлари билан алмаштирилсин.
3. Вазирлар Маҳкамасининг 2016 йил 7 октябрдаги 336-сон қарори билан тасдиқланган Раҳбарлари ходимларни Тошкент шаҳри ва Тошкент вилоятида доимий прописка қилиш тўғрисида илтимоснома киритиши мумкин бўлган давлат ҳокимияти органлари, давлат ва хўжалик бошқаруви органлари, республика аҳамиятига молик бошқа давлат ташкилотлари рўйхати қуйидаги мазмундаги 28 2 -банд билан тўлдирилсин:
«28 2 . Ўзбекистон Республикаси Инновацион ривожланиш вазирлиги».
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 7 май,
ПҚ-3698-сон
Oʻzbekiston Respublikasi Prezidentining
Qarori
Iqtisodiyot tarmoqlari va sohalariga innovatsiyalarni joriy etish mexanizmlarini takomillashtirish boʻyicha qoʻshimcha chora-tadbirlar toʻgʻrisida
Qayd etilsinki, mamlakatda qisqa muddatda innovatsiyaga yoʻnaltirilgan iqtisodiyotni shakllantirishga va innovatsiyalarni keng joriy etish uchun shart-sharoitlar yaratishga qaratilgan keng koʻlamli ishlar amalga oshirildi.
Respublikani innovatsion va ilmiy-texnik rivojlantirish sohasida yagona davlat siyosatini amalga oshiruvchi organ tashkil etilganligi, uning huzurida Innovatsion rivojlanish va novatorlik gʻoyalarini qoʻllab-quvvatlash jamgʻarmasi shakllantirilganligi mazkur yoʻnalishdagi muhim bosqichlardan biri boʻldi.
Shu bilan birga, ilmiy tadqiqotlar bilan ishlab chiqarish tarmoqlari oʻrtasidagi oʻzaro hamkorlikning samarali mexanizmlarini yoʻlga qoʻyishga, aloqalarni mustahkamlashga toʻsiq boʻlayotgan bir qator muammolar saqlanib qolmoqda, ularga, avvalambor:
birinchidan, oliy taʼlim muassasalari ilmiy ishlari va ilmiy-tadqiqot tashkilotlari tadqiqotlarining natijalarini tijoratlashtirish koʻrsatkichlarining pastligi hamda qoniqarsizligi;
ikkinchidan, innovatsion jarayonlarni ragʻbatlantirish, hududlar va tarmoqlar darajasida innovatsion rivojlanish va innovatsion faollik kompleks dasturlarini amalga oshirish, innovatsion faol tadbirkorlik subyektlarini qoʻllab-quvvatlash mexanizmlari mavjud emasligi;
uchinchidan, xususiy sektor vakillarining innovatsion faoliyatga, jumladan ularning manfaatdorligi pastligi sababli yetarli darajada jalb qilinmasligi;
toʻrtinchidan, davlat ilmiy-texnik dasturlari doirasida grantlarni taqsimlash va ulardan oqilona foydalanish samaradorligini oshirish boʻyicha taʼsirchan chora-tadbirlarning mavjud emasligi;
beshinchidan, ilmiy tadqiqotlar va innovatsiyalarni joriy qilish sohasida xalqaro hamkorlik va investitsiyalar jalb etish darajasining qoniqarsizligi kabi omillar sabab boʻlmoqda.
Innovatsiya faoliyatini davlat tomonidan tartibga solish mexanizmlarini tubdan takomillashtirish, iqtisodiyot tarmoqlari va sohalariga innovatsiyalarni yanada samarali joriy etish uchun shart-sharoitlarni yaratish maqsadida:
1. Oʻzbekiston Respublikasi Innovatsion rivojlanish vazirligi, Oliy va oʻrta maxsus taʼlim vazirligi, Fanlar akademiyasining:
oliy taʼlim muassasalarida ilmiy ishlar boʻyicha prorektor lavozimi oʻrniga ilmiy ishlar va innovatsiyalar boʻyicha prorektor lavozimini joriy etish;
oliy taʼlim muassasalari tuzilmasida innovatsion jamgʻarmalar va ilmiy-innovatsion ishlanmalarni tijoratlashtirish boʻyicha boʻlinmalar tashkil etish;
2. Belgilab qoʻyilsinki:
oliy taʼlim muassasalarining ilmiy ishlar va innovatsiyalar boʻyicha prorektorlarini hamda Oʻzbekiston Respublikasi Fanlar akademiyasi, davlat va xoʻjalik boshqaruvi organlari ilmiy-tadqiqot muassasalarining ilm-fan boʻyicha direktor oʻrinbosarlarini (keyingi oʻrinlarda ilmiy ishlar va innovatsiyalar boʻyicha prorektorlar hamda ilm-fan boʻyicha direktor oʻrinbosarlari deb yuritiladi) lavozimga tayinlash va lavozimidan ozod etish Oʻzbekiston Respublikasi Innovatsion rivojlanish vazirligi bilan kelishilgan holda amalga oshiriladi;
ilmiy ishlar va innovatsiyalar boʻyicha prorektorlar hamda ilm-fan boʻyicha direktor oʻrinbosarlari innovatsiya faoliyatiga oid masalalar, ilmiy-innovatsion ishlanmalarni joriy etish va tijoratlashtirish natijalari boʻyicha bevosita Oʻzbekiston Respublikasi Innovatsion rivojlanish vazirligiga hisobdordir;
Oʻzbekiston Respublikasi Innovatsion rivojlanish vazirligi yiliga kamida ikki marta Oʻzbekiston Respublikasi Prezidenti Administratsiyasiga ilmiy ishlar va innovatsiyalar boʻyicha prorektorlar hamda ilm-fan boʻyicha direktor oʻrinbosarlarining ilmiy-innovatsion faoliyatini baholash yuzasidan axborot kiritadi;
Oʻzbekiston Respublikasi innovatsion rivojlanish vazirining tegishli oʻrinbosari ilmiy ishlar va innovatsiyalar boʻyicha prorektorlar hamda ilm-fan boʻyicha direktor oʻrinbosarlarining faoliyatini samarali muvofiqlashtirish boʻyicha masʼul hisoblanadi;
oliy taʼlim muassasalarining innovatsion jamgʻarmalarini (keyingi oʻrinlarda — innovatsion jamgʻarmalar) shakllantirish innovatsion mahsulotlarni tijoratlashtirishdan olinadigan daromadlar, oliy taʼlim muassasalarining ish haqi, stipendiya toʻlash, shuningdek, boshqa joriy xarajatlari qoplangandan keyin toʻlov-kontrakt mablagʻlarining 5 foizdan kam boʻlmagan miqdorini yoʻnaltirish hisobiga amalga oshiriladi.
Innovatsion jamgʻarmalarning mablagʻlari:
ilmiy tadqiqotlar va innovatsion ishlanmalarni ragʻbatlantirishga;
ilmiy-laboratoriya uskunalari, sarflash materiallari va butlovchi buyumlar sotib olishga;
kichik startap loyihalarni moliyalashtirishga;
ilmiy-tadqiqot infratuzilmasini shakllantirish va yangilashga, ilmiy xodimlarni moddiy ragʻbatlantirishga;
innovatsiya faoliyati bilan bogʻliq boshqa xarajatlarni amalga oshirishga yoʻnaltirilishi belgilab qoʻyilsin.
3. Quyidagilar oliy taʼlim muassasalarining ilmiy-innovatsion ishlanmalarni tijoratlashtirish boʻyicha boʻlinmalarining asosiy vazifalari va faoliyat yoʻnalishlari etib hisoblansin:
bozorni tizimli ravishda tahlil qilish va innovatsion mahsulot (ish, xizmat)larga boʻlgan talabni oʻrganish, oʻzini qoplash muddatini, rentabellik va innovatsion mahsulotlarni tijoratlashtirish bilan bogʻliq xatarlarni baholash;
yuqori tijorat salohiyatiga ega va amalga oshirishga tayyor boʻlgan, oʻzlashtirish uchun istiqbolli loyihalarni tanlab olish;
innovatsion loyihalarni amalga oshirish uchun investorlar, sheriklar va boshqa manfaatdor shaxslarni jalb qilish;
yangi texnologiyalarni joriy qilish va innovatsion mahsulotlarni ishlab chiqarish maqsadida sanoat korxonalari bilan oʻzaro hamkorlik qilish.
Belgilansinki, oliy taʼlim muassasalarining ilmiy-innovatsion ishlanmalarni tijoratlashtirish boʻyicha boʻlinmalari faoliyati innovatsion jamgʻarmalar mablagʻlari va qonun hujjatlarida taqiqlanmagan boshqa manbalar hisobidan moliyalashtiriladi.
4. Davlat va xoʻjalik boshqaruvi organlari rahbarlari:
bir oy muddatda rahbar oʻrinbosarlaridan birini innovatsion rivojlanish masalalari boʻyicha masʼul etib belgilasin;
har yil 1-oktabrga qadar Oʻzbekiston Respublikasi Innovatsion rivojlanish vazirligi bilan kelishgan holda tadbirlarni moliyalashtirishning aniq miqdor va manbalarini belgilab kelgusi yil uchun tegishli tarmoq va sohalarni innovatsion rivojlantirishning “yoʻl xaritalari” ishlab chiqilishini, shuningdek, ularning samarali amalga oshirilishini taʼminlasin.
5. Quyidagilar:
Oʻzbekiston Respublikasi Prezidentining 2017-yil 29-noyabrdagi “Oʻzbekiston Respublikasi Innovatsion rivojlanish vazirligini tashkil etish toʻgʻrisida”gi PF-5264-son Farmoniga muvofiq Innovatsion rivojlanish va novatorlik gʻoyalarini qoʻllab-quvvatlash jamgʻarmasi tashkil etilganligi;
Oʻzbekiston Respublikasi Prezidentining 2017-yil 1-noyabrdagi PQ-3365-son qarori bilan tasdiqlangan 2017 — 2021-yillarda ilmiy-tadqiqot muassasalarining infratuzilmasini mustahkamlash va innovatsion faoliyatini rivojlantirish boʻyicha kompleks chora-tadbirlar dasturini moliyalashtirish manbalari etib, tegishli qismlarda, boshqa manbalar bilan bir qatorda Innovatsion rivojlanish va novatorlik gʻoyalarini qoʻllab-quvvatlash jamgʻarmasi mablagʻlari belgilanganligi maʼlumot uchun qabul qilinsin.
Innovatsion rivojlanish va novatorlik gʻoyalarini qoʻllab-quvvatlash jamgʻarmasi Kuzatuv kengashi Jamgʻarmaga kelib tushadigan mablagʻlarning, birinchi navbatda, Oʻzbekiston Respublikasi Innovatsion rivojlanish vazirligi zimmasiga yuklatilgan vazifalarni bajarishga yoʻnaltirilishini taʼminlasin.
Oʻzbekiston Respublikasi Moliya vazirligi Investitsiyalar va tashqi savdo vazirligi bilan birgalikda 2017 — 2021-yillarda ilmiy-tadqiqot muassasalarining infratuzilmasini mustahkamlash va innovatsion faoliyatini rivojlantirish boʻyicha kompleks chora-tadbirlar dasturining yetishmayotgan qismida oʻz vaqtida, jumladan Oʻzbekiston Respublikasi Davlat budjeti mablagʻlari hisobidan moliyalashtirilishini taʼminlansin.
6. Oʻzbekiston Respublikasi Moliya vazirligi ustuvor innovatsion, ilmiy-tadqiqot, tajriba-konstruktorlik, “startap” loyihalarini moliyalashtirish uchun 2018-yilda Innovatsion rivojlanish va novatorlik gʻoyalarini qoʻllab-quvvatlash jamgʻarmasiga 50 milliard soʻm miqdorida budjet mablagʻlarini ajratsin hamda mablagʻlarni oʻzlashtirish natijalari boʻyicha Oʻzbekiston Respublikasi Innovatsion rivojlanish vazirligining asoslantirilgan takliflariga koʻra Jamgʻarma mablagʻlarini shakllantirishning qoʻshimcha manbalari yuzasidan takliflar kiritsin.
Oʻzbekiston Respublikasi Innovatsion rivojlanish vazirligi:
grantlar asosida amalga oshirilayotgan fundamental, amaliy va innovatsion tadqiqotlar boʻyicha davlat ilmiy-texnik dasturlarining tizimli monitoringini, shu asosda maqsadsiz ishlatilayotgan grant mablagʻlarini boshqa istiqbolli va talab yuqori boʻlgan mavzuga oid loyihalarni amalga oshirish uchun qayta yoʻnaltirish boʻyicha aniq chora-tadbirlar qabul qilishni;
fundamental, amaliy va innovatsion tadqiqotlar boʻyicha davlat ilmiy-texnik dasturlarini moliyalashtirish uchun ajratilgan hamda moliya yili davomida oʻzlashtirilmagan mablagʻlardan kelgusida maqsadli foydalanishni;
fundamental, amaliy va innovatsion tadqiqotlarning dolzarb yoʻnalishlari boʻyicha mavzuga oid grantlar berish yuzasidan bir yilda bir marotaba tanlov eʼlon qilishni amalga oshirsin.
8. 2022-yil 1-yanvarga qadar muddatda:
belgilangan tartibda tasdiqlanadigan roʻyxatlar boʻyicha ilmiy-tadqiqot tashkilotlari tomonidan olib kiriladigan ilmiy asbob-uskunalar, butlovchi buyumlar, sarflash materiallari, reaktivlar, dasturiy taʼminot bojxona toʻlovlaridan (bojxona rasmiylashtiruvi uchun yigʻimlar bundan mustasno);
ilmiy-tadqiqot tashkilotlari ularning asosiy faoliyati boʻyicha barcha turdagi soliqlar va majburiy ajratmalardan ozod qilinsin, Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga ajratmalar bundan mustasno, boʻshayotgan mablagʻlar ularning xodimlarini moddiy ragʻbatlantirish uchun maqsadli yoʻnaltirilsin.
9. Belgilansinki, Oʻzbekiston Respublikasi Innovatsion rivojlanish vazirligi xodimlarining mehnatiga Innovatsion rivojlanish va novatorlik gʻoyalarini qoʻllab-quvvatlash jamgʻarmasi mablagʻlari va budjetdan tashqari boshqa manbalar hisobidan haq toʻlash shartlari vazirlik hayʼati tomonidan belgilanadi.
10. Oʻzbekiston Respublikasi Innovatsion rivojlanish vazirligi manfaatdor vazirlik va idoralar bilan birgalikda innovatsion gʻoyalar mualliflarini, mazkur gʻoyalarni amalga oshiruvchi tashkilotchilar va homiylarni moddiy ragʻbatlantirishni taʼminlagan holda respublikada innovatsiyalarni rivojlantirishga koʻmaklashgan alohida tadbirkorlik subyektlarini taqdirlash marosimini oʻtkazishni nazarda tutib, respublikada har yili Innovatsion gʻoyalar haftaligi — “InnoWeek.Uz” oʻtkazilishini tashkil qilish choralarini koʻrsin.
11. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga ilovaga muvofiq oʻzgartirish va qoʻshimchalar kiritilsin.
12. Oʻzbekiston Respublikasi Innovatsion rivojlanish vazirligi manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining oʻrinbosari — Investitsiyalar boʻyicha davlat qoʻmitasi raisi S.R. Xolmuradov, Oʻzbekiston Respublikasining Bosh prokurori O.B. Murodov va Oʻzbekiston Respublikasi Prezidenti Davlat maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidentining 2018-yil 7-maydagi PQ-3698-son qaroriga ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining “Ilmiy-tadqiqot muassasalarining infratuzilmasini yanada mustahkamlash va innovatsion faoliyatini rivojlantirish chora-tadbirlari toʻgʻrisida”gi 2017-yil 1-noyabrdagi PQ-3365-son qarorida :
a) 4-bandning toʻrtinchi xatboshisi “Innovatsion rivojlanish va novatorlik gʻoyalarini qoʻllab-quvvatlash jamgʻarmasi” soʻzlaridan keyin “Oʻzbekiston Respublikasi Davlat budjeti” soʻzlari bilan toʻldirilsin;
b) 2-ilovaning rus tili matnidagi “Videleniye sredstv budet osushestvlyatsya po mere postupleniya sredstv v Fond podderjki i razvitiya nauchno-texnicheskoy deyatelnosti” soʻzlari “Videleniye sredstv budet osushestvlyatsya po mere postupleniya sredstv v Fond podderjki innovatsionnogo razvitiya i novatorskix idey. Pri etom po nedostayushey chasti sredstv Fonda rasxodi osushestvlyayutsya za schet i v predelax videlennix budjetnix sredstv” soʻzlari bilan almashtirilsin.
3. Vazirlar Mahkamasining 2016-yil 7-oktabrdagi 336-son qarori bilan tasdiqlangan Rahbarlari xodimlarni Toshkent shahri va Toshkent viloyatida doimiy propiska qilish toʻgʻrisida iltimosnoma kiritishi mumkin boʻlgan davlat hokimiyati organlari, davlat va xoʻjalik boshqaruvi organlari, respublika ahamiyatiga molik boshqa davlat tashkilotlari roʻyxati quyidagi mazmundagi 28 2 -band bilan toʻldirilsin:
“28 2 . Oʻzbekiston Respublikasi Innovatsion rivojlanish vazirligi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 7-may,
PQ-3698-son
Президента Республики Узбекистан
Постановление
О дополнительных мерах по совершенствованию механизмов внедрения инноваций в отрасли и сферы экономики
Отметить, что за короткие сроки в стране проделана масштабная работа, направленная на формирование инновационно-ориентированной экономики и создание условий для широкого внедрения инноваций.
Одним из важных этапов в данном направлении стало создание органа, осуществляющего единую государственную политику в сфере инновационного и научно-технического развития республики, формирование при нем Фонда поддержки инновационного развития и новаторских идей.
Вместе с тем, сохраняется ряд проблем, препятствующих налаживанию эффективных механизмов взаимодействия, укреплению связи между научными исследованиями и производственными отраслями, что прежде всего обусловлено такими факторами как:
во-первых, низкие и неудовлетворительные показатели коммерциализации результатов научных работ высших образовательных учреждений и исследований научно-исследовательских организаций;
во-вторых, отсутствие механизмов стимулирования инновационных процессов, реализации комплексных программ инновационного развития и инновационной активности на региональном и отраслевом уровнях, поддержки инновационно-активных субъектов предпринимательства;
в-третьих, недостаточное вовлечение представителей частного сектора в инновационную деятельность, в том числе в связи с их низкой заинтересованностью;
в-четвертых, отсутствие действенных мер по повышению эффективности распределения и рационального использования грантов в рамках государственных научно-технических программ;
в-пятых, неудовлетворительный уровень международного сотрудничества и привлечения иностранных инвестиций в сферу научных исследований и внедрения инноваций.
В целях коренного совершенствования механизмов государственного регулирования инновационной деятельности, формирования условий для дальнейшего эффективного внедрения инноваций в отрасли и сферы экономики:
1. Согласиться с предложениями Министерства инновационного развития, Министерства высшего и среднего специального образования, Академии наук Республики Узбекистан о:
введении в высших образовательных учреждениях должности проректора по научной работе и инновациям вместо должности проректора по научной работе;
образовании в структуре высших образовательных учреждений инновационных фондов и подразделений по коммерциализации научно-инновационных разработок;
2. Установить, что:
назначение на должность и освобождение от должности проректоров высших образовательных учреждений по научной работе и инновациям и заместителей директоров по науке научно-исследовательских учреждений Академии наук Республики Узбекистан, органов государственного и хозяйственного управления (далее — проректора по научной работе и инновациям и заместители директоров по науке) осуществляется по согласованию с Министерством инновационного развития Республики Узбекистан;
проректора по научной работе и инновациям и заместители директоров по науке непосредственно подотчетны Министерству инновационного развития Республики Узбекистан по вопросам инновационной деятельности, итогам внедрения и коммерциализации научно-инновационных разработок;
Министерство инновационного развития Республики Узбекистан не реже двух раз в год вносит в Администрацию Президента Республики Узбекистан информацию по оценке научно-инновационной деятельности проректоров по научной работе и инновациям и заместителей директоров по науке;
Соответствующий заместитель министра инновационного развития Республики Узбекистан несет ответственность за эффективную координацию деятельности проректоров по научной работе и инновациям и заместителей директоров по науке;
формирование инновационных фондов высших образовательных учреждений (далее — инновационные фонды) осуществляется за счет доходов от коммерциализации инновационных продуктов, направления в размере не менее 5 процентов платно-контрактных средств после покрытия расходов высших образовательных учреждений на выплату заработной платы, стипендий, а также других текущих расходов.
Определить, что средства инновационных фондов направляются на:
стимулирование научных исследований и инновационных разработок;
закупку научно-лабораторного оборудования, расходных материалов и комплектующих;
финансирование малых стартап-проектов;
формирование и обновление научно-исследовательской инфраструктуры, материальное стимулирование научных работников;
осуществление прочих расходов, связанных с инновационной деятельностью.
3. Считать основными задачами и направлениями деятельности подразделений по коммерциализации научно-инновационных разработок высших образовательных учреждений:
систематический анализ рынка и изучение спроса на инновационную продукцию (работы, услуги), оценку срока окупаемости, рентабельности и рисков, связанных с коммерциализацией инновационных продуктов;
отбор перспективных для освоения проектов, имеющих высокий коммерческий потенциал и готовых к реализации;
привлечение инвесторов, партнеров и других заинтересованных лиц к реализации инновационных проектов;
взаимодействие с промышленными предприятиями с целью внедрения новых технологий и производства инновационной продукции.
Определить, что деятельность подразделений по коммерциализации научно-инновационных разработок высших образовательных учреждений финансируется за счет средств инновационных фондов и других источников, не запрещенных законодательством.
4. Руководителям органов государственного и хозяйственного управления:
в месячный срок определить одного из заместителей руководителя ответственным по вопросам инновационного развития;
ежегодно в срок до 1 октября обеспечить разработку по согласованию с Министерством инновационного развития Республики Узбекистан «дорожных карт» инновационного развития соответствующих отраслей и сфер на следующий год с определением конкретных размеров и источников финансирования мероприятий, а также их эффективную реализацию.
5. Принять к сведению, что:
Указом Президента Республики Узбекистан от 29 ноября 2017 года № УП-5264 «Об образовании Министерства инновационного развития Республики Узбекистан» образован Фонд поддержки инновационного развития и новаторских идей;
источниками финансирования Программы комплексных мер по укреплению инфраструктуры научно-исследовательских учреждений и развитию инновационной деятельности на 2017 — 2021 годы, утвержденной постановлением Президента Республики Узбекистан от 1 ноября 2017 года № ПП-3365, в соответствующей части, наряду с другими источниками, определены также средства Фонда поддержки инновационного развития и новаторских идей.
Наблюдательному совету Фонда поддержки инновационного развития и новаторских идей обеспечить направление поступающих в Фонд средств в первоочередном порядке на выполнение задач, возложенных на Министерство инновационного развития Республики Узбекистан.
Министерству финансов совместно с Министерством инвестиций и внешней торговли Республики Узбекистан обеспечить своевременное финансирование Программы комплексных мер по укреплению инфраструктуры научно-исследовательских учреждений и развитию инновационной деятельности на 2017 — 2021 годы в недостающей части, в том числе за счет средств Государственного бюджета Республики Узбекистан.
6. Министерству финансов выделить в 2018 году Фонду поддержки инновационного развития и новаторских идей бюджетные средства в размере 50 миллиардов сумов для финансирования приоритетных инновационных, научно-исследовательских, опытно-конструкторских, «стартап» проектов и по результатам освоения средств на основе обоснованных предложений Министерства инновационного развития Республики Узбекистан внести предложения по дополнительным источникам формирования средств Фонда.
Министерству инновационного развития Республики Узбекистан осуществлять:
системный мониторинг за реализацией государственных научно-технических программ фундаментальных, прикладных и инновационных исследований на грантовой основе с принятием конкретных мер по перенаправлению неэффективно используемых грантовых средств на реализацию других перспективных и востребованных тематических проектов;
дальнейшее целевое использование неосвоенных в течение финансового года средств, выделенных для финансирования государственных научно-технических программ фундаментальных, прикладных и инновационных исследований;
раз в год проводится конкурс на предоставление тематических грантов по актуальным направлениям фундаментальных, прикладных и инновационных исследований.
8. Освободить сроком до 1 января 2022 года:
от таможенных платежей (за исключением сборов за таможенное оформление) ввозимые научно-исследовательскими организациями научное оборудование, комплектующие изделия, расходные материалы, реактивы, программное обеспечение по перечням, утверждаемым в установленном порядке;
научно-исследовательские организации в части их основной деятельности от всех видов налогов и обязательных отчислений, за исключением отчислений во внебюджетный Пенсионный фонд при Министерстве финансов Республики Узбекистан, с целевым направлением высвобождаемых средств на материальное стимулирование их работников.
9. Определить, что условия оплаты труда работников Министерства инновационного развития Республики Узбекистан за счет средств Фонда поддержки инновационного развития и новаторских идей и иных внебюджетных источников определяются коллегией министерства.
10. Министерству инновационного развития Республики Узбекистан совместно с заинтересованными министерствами и ведомствами принять меры по организации в республике ежегодной Недели инновационных идей — «InnoWeek.Uz», предусмотрев проведение церемонии награждения отдельных субъектов предпринимательства, способствовавших развитию инноваций в республике, с обеспечением материального поощрения авторов инновационных идей, организаторов и спонсоров их реализации.
11. Внести изменения и дополнения в некоторые постановления Президента Республики Узбекистан и Правительства Республики Узбекистан согласно приложению .
12. Министерству инновационного развития совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
13. Контроль за исполнением настоящего постановления возложить на Премьер-министра Республики Узбекистан А.Н. Арипова, заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмурадова, Генерального прокурора Республики Узбекистан О.Б. Муродова, и первого заместителя Государственного советника Президента Республики Узбекистан Б.М. Мавлонова.
ПРИЛОЖЕНИЕ к постановлению Президента Республики Узбекистан от 7 мая 2018 года № ПП-3698
Изменения и дополнения, вносимые в некоторые постановления Президента Республики Узбекистан и Правительства Республики Узбекистан
1. В постановлении Президента Республики Узбекистан от 1 ноября 2017 года № ПП-3365 «О мерах по дальнейшему укреплению инфраструктуры научно-исследовательских учреждений и развитию инновационной деятельности»:
а) абзац четвертый пункта 4 после слов «Фонда поддержки инновационного развития и новаторских идей» дополнить словами «Государственного бюджета Республики Узбекистан»;
б) в приложении № 2 слова «Выделение средств будет осуществляться по мере поступления средств в Фонд поддержки и развития научно-технической деятельности» заменить словами «Выделение средств будет осуществляться по мере поступления средств в Фонд поддержки инновационного развития и новаторских идей. При этом по недостающей части средств Фонда расходы осуществляются за счет и в пределах выделенных бюджетных средств».
3. Перечень органов государственной власти, органов государственного и хозяйственного управления, других государственных организаций республиканского значения, руководители которых могут ходатайствовать о постоянной прописке работников в городе Ташкенте и Ташкентской области, утвержденный постановлением Кабинета Министров от 7 октября 2016 года № 336, дополнить пунктом 28 2 следующего содержания:
«28 2 . Министерство инновационного развития Республики Узбекистан».
Президент Республики Узбекистан Ш. МИРЗИЁЕВ
г. Ташкент,
7 мая 2018 г.,
№ ПП-3698