📅 2018-yil 4-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 4 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 мая 2018 г. · Постановления Президента
Официальный текст. Официальный документ. Редакционные примечания не включены.
📅 4 May 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Жиззах вилояти аҳолисини сифатли ичимлик суви билан таъминлашни яхшилаш чора-тадбирлари тўғрисида
Ижтимоий соҳани ислоҳ қилиш ва мамлакат аҳолисининг яшаш шароитларини яхшилаш, бунинг асосида аҳолини, айниқса қишлоқ жойлардаги истиқомат қилаётган аҳолини сифатли ичимлик суви билан таъминлашдаги муҳим масалани ҳал этиш дастурлари бўйича юртимизда амалга оширилаётган устувор йўналишлардан бири ҳисобланган аҳоли пунктларини марказлаштирилган сув таъминоти билан қамраб олишни кўпайтириш бўйича тизимли чора-тадбирлар амалга оширилмоқда.
Ўзбекистон Республикаси Президентининг Виртуал қабулхонасига келиб тушаётган мурожаатларнинг таҳлили ва вазиятни жойларда ўрганиш натижалари мамлакатнинг кўплаб аҳоли пунктларида мазкур масала жиддийлигидан далолат беради, бунга сабаб эса минтақаларда сув таъминотини комплекс ривожлантириш бўйича ўз вақтида қабул қилинмаган чоралар, шаҳар ва туманларда истиқомат қилувчиларнинг тоза ичимлик сувига бўлган эҳтиёжларини қондиришдаги йиллаб йиғилиб келган муаммоларни ечишга керакли эътибор мавжуд эмаслигидир.
Ичимлик суви таъминотидаги энг оғир вазият Жиззах вилоятининг қатор аҳоли пунктларида юзага келган. Вилоят аҳоли пунктларининг ярмидан кўпи марказлаштирилган сув таъминоти билан таъминланмаган. Сув олиш иншоотларининг аксарияти ўтган асрнинг 70 — 80 йилларида қурилган ҳамда жуда эскириб кетганлиги оқибатида уларнинг қуввати 3 баробардан кўпга қисқарган.
Зарарсизлантирувчи ускуналарнинг мавжуд эмаслиги натижасида кимёвий ва бактериологик кўрсаткичлар бўйича ичимлик суви юқори даражада ифлосланиши кузатилмоқда, бу эса мазкур ҳудудда эпидемиология вазиятига салбий таъсир кўрсатиб келаяпти, айниқса Жиззах вилоятининг Бахмал, Ғаллаорол, Шароф Рашидов, Пахтакор, Дўстлик, Мирзачўл туманлари ва Жиззах шаҳрида аҳоли ўртасида ўткир ичак касалликлари ортиб боришига сабаб бўлаяпти.
Аҳоли яшаши учун янада қулай шарт-шароитлар яратиш ва ҳудудни ривожлантириш, Жиззах вилоятининг Бахмал, Ғаллаорол, Шароф Рашидов, Пахтакор, Дўстлик, Мирзачўл туманлари ва Жиззах шаҳрини марказлаштирилган сув таъминоти билан қамраб олиш мақсадида:
1. Жиззах вилояти ҳокимлиги, Ўзбекистон Республикаси Уй-жой коммунал хизмат кўрсатиш вазирлиги ва Соғлиқни сақлаш вазирлигининг:
а) сув олиш иншооти, сув тозалаш станцияси, «Жиззах» сувини тақсимлаш узели, магистрал ва сув қувурлари қурилишини назарда тутувчи «Зарафшон дарёси сувидан фойдаланиш ҳисобига Жиззах вилоятининг ичимлик суви таъминоти тизимини яхшилаш» лойиҳасини (кейинги ўринларда — лойиҳа) 2018 — 2023 йилларда амалга ошириш тўғрисидаги;
б) лойиҳани амалга ошириш доирасида:
2018 йилда — Ўзбекистон Республикаси республика бюджетининг қўшимча даромадлари капитал маблағлари лимити ҳисобидан сув олиш иншооти, сув тозалаш станцияси, сув олиш иншоотидан сув тозалаш иншоотларигача бўлган узунлиги 16 км сув қувурлари ва тозалаш иншоотларидан узунлиги 20 км бўлган магистрал сув қувури қурилиши;
2019-2020 йилларда — марказлаштирилган манбаларнинг капитал маблағлари лимити ҳисобига сув олиш иншооти, сув тозалаш станцияси, «Жиззах» сувни тақсимлаш узели, узунлиги 146 км бўлган магистрал ва сув қувурлари қурилишини молиялаштиришни ташкиллаштириш тўғрисидаги таклифларига розилик берилсин.
2. Ўзбекистон Республикаси Сув хўжалиги вазирлиги, Соғлиқни сақлаш вазирлиги ва Уй-жой коммунал хизмат кўрсатиш вазирлигининг мавжуд бўлган ва лойиҳалаштирилаётган сув олиш иншоотлари ҳамда қудуқларни инобатга олган ҳолда Зарафшон дарёсининг йиллик иш тартиби, сув дебити мавжудлиги ва уни аҳолининг ичиш эҳтиёжлари учун фойдаланишга яроқлилиги тўғрисидаги хулоса маълумот учун қабул қилинсин.
3. Ўзбекистон Республикаси Молия вазирлиги 2018 йилда лойиҳани амалга ошириш учун:
лойиҳа-смета ҳужжатларини ишлаб чиқишга — Ўзбекистон Республикаси Молия вазирлиги ҳузуридаги «Тоза ичимлик суви» жамғармаси маблағлари;
жорий йилда уларнинг календар жадвалига мувофиқ қурилиш-монтаж ишларини амалга оширишга — 160 млрд сўм миқдоридаги Ўзбекистон Республикаси республика бюджетининг қўшимча даромадлари ҳисобига капитал маблағларнинг қўшимча лимитини ажратсин.
4. Ўзбекистон Республикаси Вазирлар Маҳкамаси Ўзбекистон Республикаси Иқтисодиёт вазирлиги, Молия вазирлиги, Уй-жой коммунал хизмат кўрсатиш вазирлиги билан биргаликда буюртмачини, бош лойиҳа ва пудрат ташкилотларини белгилашни, лойиҳани самарали ва сифатли амалга оширишни таъминлаш, шунингдек, лойиҳанинг ижтимоий аҳамиятини ҳисобга олган ҳолда республикада ишлаб чиқариладиган полиэтилен қувурлари, қурилиш ва ёқилғи-мойлаш материалларини етказиб беришда бир ҳафта муддатда лойиҳа харажатларини оптималлаштириш бўйича тегишли ҳукумат қарорини қабул қилсин.
5. Лойиҳани амалга ошириш доирасида:
бош лойиҳа, пудрат ва субпудрат ташкилотлари лойиҳа-қидирув ва қурилиш-монтаж ишларининг бажарилаётган ҳажмлари учун — барча турдаги солиқ тўловларидан;
буюртмачи, бош лойиҳа ва пудрат ташкилотлари, ишлаб чиқарувчи ва субпудрат ташкилотлари томонидан харид қилинаётган товарлар (ишлар, хизматлар), жумладан хомашё, материаллар, эҳтиёт қисмлар, бутловчи буюмлар ва ускуналар — қўшимча қиймат солиғидан;
буюртмачи, бош пудрат ва субпудрат ташкилотлари томонидан белгиланган тартибда тасдиқланадиган рўйхат бўйича, товарлар (ишлар, хизматлар), жумладан, республикада ишлаб чиқарилмайдиган ва олиб келинадиган хом ашё, материаллар, эҳтиёт қисмлар, бутловчи буюмлар ва ускуналар 2021 йилнинг 1 январигача — божхона тўловларидан (божхона расмийлаштируви йиғимларидан ташқари) озод этилсин.
6. Ўзбекистон Республикаси Президенти ҳузуридаги Лойиҳа бошқаруви миллий агентлиги Ўзбекистон Республикаси Уй-жой коммунал хизмат кўрсатиш вазирлигининг лойиҳа доирасида асосланган таклифларини ҳисобга олган ҳолда хом ашё, материаллар, эҳтиёт қисмлар, бутловчи буюмлар ва ускуналарни танлаб олиш ҳамда сотиб олиш йўлларини амалга ошириш тартибини, шунингдек, махсус қурилиш-монтаж ишларини бажариш учун субпудрат ташкилотларини танлаб олиш тартибини белгиласин.
7. Ўзбекистон Республикаси Уй-жой коммунал хизмат кўрсатиш вазирлиги Ўзбекистон Республикаси Инвестициялар ва ташқи савдо вазирлиги, Иқтисодий тараққиёт ва камбағалликни қисқартириш вазирлиги ва Молия вазирлиги билан биргаликда қурилиш-монтаж ишларини бажаришда молиялаштириш учун лойиҳани амалга ошириш доирасида марказлаштирилган манбалар ҳисобидан лойиҳани ҳар йили шакллантириладиган Ўзбекистон Республикасини ривожлантириш давлат дастурларига белгиланган тартибда киритилишини таъминласин.
8. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» акциядорлик жамияти бошқаруви раиси А.Ж. Раматов, Ўзбекистон Республикаси уй-жой коммунал хизмат кўрсатиш вазири М.Х. Салиев ва Жиззах вилояти ҳокими Э.А. Салиев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 4 май,
ПҚ-3695-сон
Oʻzbekiston Respublikasi Prezidentining
Qarori
Jizzax viloyati aholisini sifatli ichimlik suvi bilan taʼminlashni yaxshilash chora-tadbirlari toʻgʻrisida
Ijtimoiy sohani isloh qilish va mamlakat aholisining yashash sharoitlarini yaxshilash, buning asosida aholini, ayniqsa qishloq joylardagi istiqomat qilayotgan aholini sifatli ichimlik suvi bilan taʼminlashdagi muhim masalani hal etish dasturlari boʻyicha yurtimizda amalga oshirilayotgan ustuvor yoʻnalishlardan biri hisoblangan aholi punktlarini markazlashtirilgan suv taʼminoti bilan qamrab olishni koʻpaytirish boʻyicha tizimli chora-tadbirlar amalga oshirilmoqda.
Oʻzbekiston Respublikasi Prezidentining Virtual qabulxonasiga kelib tushayotgan murojaatlarning tahlili va vaziyatni joylarda oʻrganish natijalari mamlakatning koʻplab aholi punktlarida mazkur masala jiddiyligidan dalolat beradi, bunga sabab esa mintaqalarda suv taʼminotini kompleks rivojlantirish boʻyicha oʻz vaqtida qabul qilinmagan choralar, shahar va tumanlarda istiqomat qiluvchilarning toza ichimlik suviga boʻlgan ehtiyojlarini qondirishdagi yillab yigʻilib kelgan muammolarni yechishga kerakli eʼtibor mavjud emasligidir.
Ichimlik suvi taʼminotidagi eng ogʻir vaziyat Jizzax viloyatining qator aholi punktlarida yuzaga kelgan. Viloyat aholi punktlarining yarmidan koʻpi markazlashtirilgan suv taʼminoti bilan taʼminlanmagan. Suv olish inshootlarining aksariyati oʻtgan asrning 70 — 80 yillarida qurilgan hamda juda eskirib ketganligi oqibatida ularning quvvati 3 barobardan koʻpga qisqargan.
Zararsizlantiruvchi uskunalarning mavjud emasligi natijasida kimyoviy va bakteriologik koʻrsatkichlar boʻyicha ichimlik suvi yuqori darajada ifloslanishi kuzatilmoqda, bu esa mazkur hududda epidemiologiya vaziyatiga salbiy taʼsir koʻrsatib kelayapti, ayniqsa Jizzax viloyatining Baxmal, Gʻallaorol, Sharof Rashidov, Paxtakor, Doʻstlik, Mirzachoʻl tumanlari va Jizzax shahrida aholi oʻrtasida oʻtkir ichak kasalliklari ortib borishiga sabab boʻlayapti.
Aholi yashashi uchun yanada qulay shart-sharoitlar yaratish va hududni rivojlantirish, Jizzax viloyatining Baxmal, Gʻallaorol, Sharof Rashidov, Paxtakor, Doʻstlik, Mirzachoʻl tumanlari va Jizzax shahrini markazlashtirilgan suv taʼminoti bilan qamrab olish maqsadida:
1. Jizzax viloyati hokimligi, Oʻzbekiston Respublikasi Uy-joy kommunal xizmat koʻrsatish vazirligi va Sogʻliqni saqlash vazirligining:
a) suv olish inshooti, suv tozalash stansiyasi, “Jizzax” suvini taqsimlash uzeli, magistral va suv quvurlari qurilishini nazarda tutuvchi “Zarafshon daryosi suvidan foydalanish hisobiga Jizzax viloyatining ichimlik suvi taʼminoti tizimini yaxshilash” loyihasini (keyingi oʻrinlarda — loyiha) 2018 — 2023-yillarda amalga oshirish toʻgʻrisidagi;
b) loyihani amalga oshirish doirasida:
2018-yilda — Oʻzbekiston Respublikasi respublika budjetining qoʻshimcha daromadlari kapital mablagʻlari limiti hisobidan suv olish inshooti, suv tozalash stansiyasi, suv olish inshootidan suv tozalash inshootlarigacha boʻlgan uzunligi 16 km suv quvurlari va tozalash inshootlaridan uzunligi 20 km boʻlgan magistral suv quvuri qurilishi;
2019-2020-yillarda — markazlashtirilgan manbalarning kapital mablagʻlari limiti hisobiga suv olish inshooti, suv tozalash stansiyasi, “Jizzax” suvni taqsimlash uzeli, uzunligi 146 km boʻlgan magistral va suv quvurlari qurilishini moliyalashtirishni tashkillashtirish toʻgʻrisidagi takliflariga rozilik berilsin.
2. Oʻzbekiston Respublikasi Suv xoʻjaligi vazirligi, Sogʻliqni saqlash vazirligi va Uy-joy kommunal xizmat koʻrsatish vazirligining mavjud boʻlgan va loyihalashtirilayotgan suv olish inshootlari hamda quduqlarni inobatga olgan holda Zarafshon daryosining yillik ish tartibi, suv debiti mavjudligi va uni aholining ichish ehtiyojlari uchun foydalanishga yaroqliligi toʻgʻrisidagi xulosa maʼlumot uchun qabul qilinsin.
3. Oʻzbekiston Respublikasi Moliya vazirligi 2018-yilda loyihani amalga oshirish uchun:
loyiha-smeta hujjatlarini ishlab chiqishga — Oʻzbekiston Respublikasi Moliya vazirligi huzuridagi “Toza ichimlik suvi” jamgʻarmasi mablagʻlari;
joriy yilda ularning kalendar jadvaliga muvofiq qurilish-montaj ishlarini amalga oshirishga — 160 mlrd soʻm miqdoridagi Oʻzbekiston Respublikasi respublika budjetining qoʻshimcha daromadlari hisobiga kapital mablagʻlarning qoʻshimcha limitini ajratsin.
4. Oʻzbekiston Respublikasi Vazirlar Mahkamasi Oʻzbekiston Respublikasi Iqtisodiyot vazirligi, Moliya vazirligi, Uy-joy kommunal xizmat koʻrsatish vazirligi bilan birgalikda buyurtmachini, bosh loyiha va pudrat tashkilotlarini belgilashni, loyihani samarali va sifatli amalga oshirishni taʼminlash, shuningdek, loyihaning ijtimoiy ahamiyatini hisobga olgan holda respublikada ishlab chiqariladigan polietilen quvurlari, qurilish va yoqilgʻi-moylash materiallarini yetkazib berishda bir hafta muddatda loyiha xarajatlarini optimallashtirish boʻyicha tegishli hukumat qarorini qabul qilsin.
5. Loyihani amalga oshirish doirasida:
bosh loyiha, pudrat va subpudrat tashkilotlari loyiha-qidiruv va qurilish-montaj ishlarining bajarilayotgan hajmlari uchun — barcha turdagi soliq toʻlovlaridan;
buyurtmachi, bosh loyiha va pudrat tashkilotlari, ishlab chiqaruvchi va subpudrat tashkilotlari tomonidan xarid qilinayotgan tovarlar (ishlar, xizmatlar), jumladan xomashyo, materiallar, ehtiyot qismlar, butlovchi buyumlar va uskunalar — qoʻshimcha qiymat soligʻidan;
buyurtmachi, bosh pudrat va subpudrat tashkilotlari tomonidan belgilangan tartibda tasdiqlanadigan roʻyxat boʻyicha, tovarlar (ishlar, xizmatlar), jumladan, respublikada ishlab chiqarilmaydigan va olib kelinadigan xom ashyo, materiallar, ehtiyot qismlar, butlovchi buyumlar va uskunalar 2021-yilning 1-yanvarigacha — bojxona toʻlovlaridan (bojxona rasmiylashtiruvi yigʻimlaridan tashqari) ozod etilsin.
6. Oʻzbekiston Respublikasi Prezidenti huzuridagi Loyiha boshqaruvi milliy agentligi Oʻzbekiston Respublikasi Uy-joy kommunal xizmat koʻrsatish vazirligining loyiha doirasida asoslangan takliflarini hisobga olgan holda xom ashyo, materiallar, ehtiyot qismlar, butlovchi buyumlar va uskunalarni tanlab olish hamda sotib olish yoʻllarini amalga oshirish tartibini, shuningdek, maxsus qurilish-montaj ishlarini bajarish uchun subpudrat tashkilotlarini tanlab olish tartibini belgilasin.
7. Oʻzbekiston Respublikasi Uy-joy kommunal xizmat koʻrsatish vazirligi Oʻzbekiston Respublikasi Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi va Moliya vazirligi bilan birgalikda qurilish-montaj ishlarini bajarishda moliyalashtirish uchun loyihani amalga oshirish doirasida markazlashtirilgan manbalar hisobidan loyihani har yili shakllantiriladigan Oʻzbekiston Respublikasini rivojlantirish davlat dasturlariga belgilangan tartibda kiritilishini taʼminlasin.
8. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” aksiyadorlik jamiyati boshqaruvi raisi A.J. Ramatov, Oʻzbekiston Respublikasi uy-joy kommunal xizmat koʻrsatish vaziri M.X. Saliyev va Jizzax viloyati hokimi E.A. Saliyev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 4-may,
PQ-3695-son
Президента Республики Узбекистан
Постановление
О мерах по улучшению обеспечения населения Джизакской области качественной питьевой водой
Одним из основных приоритетных направлений осуществляемых в стране программ по реформированию социальной сферы и улучшению условий жизни населения страны является реализация системных мер по повышению охвата населенных пунктов централизованным водоснабжением, решению на этой основе важнейшего вопроса по обеспечению доступа населения к качественной питьевой воде, особенно в сельской местности.
Анализ поступающих в Виртуальную приемную Президента Республики Узбекистан обращений и изучение ситуации на местах свидетельствуют об остроте данного вопроса во многих населенных пунктах страны, причиной чего является непринятие своевременных мер по комплексному развитию системы водоснабжения в регионах, отсутствие должного внимания решению годами накопившихся проблем жителей городов и районов в удовлетворении их потребностей в доступе к чистой питьевой воде.
Наихудшая ситуация в обеспечении населения питьевой водой сложилась в ряде населенных пунктов Джизакской области. Свыше половины населенных пунктов области не охвачены централизованным водоснабжением. Большинство водозаборных сооружений построены в 70 — 80 годах прошлого века и вследствие высокого износа их мощности сократились более чем в 3 раза.
В результате отсутствия обеззараживающих установок наблюдается высокий уровень загрязнения питьевой воды по химическим и бактериологическим показателям, что крайне негативно отражается на эпидемиологической ситуации в регионе, росту заболеваемости населения острыми кишечными инфекциями, особенно в Бахмальском, Галляаральском, Шароф Рашидовском, Пахтакорском, Дустликском, Мирзачульском районах и городе Джизак Джизакской области.
В целях дальнейшего создания благоприятных условий для проживания населения и развития региона, повышения охвата централизованным водоснабжением жителей Бахмальского, Галляаральского, Шароф Рашидовского, Пахтакорского, Дустликского, Мирзачульского районов и города Джизака Джизакской области:
1. Согласиться с предложениями хокимията Джизакской области, Министерства жилищно-коммунального обслуживания, Министерства водного хозяйства и Министерства здравоохранения Республики Узбекистан:
а) о реализации в 2018 — 2023 годах проекта «Улучшение системы питьевого водоснабжения Джизакской области за счет использования вод реки Зарафшан» (далее — проект), предусматривающего строительство водозаборного сооружения, станции очистки воды, узла распределения воды «Джизак», магистральных и подводящих водоводов;
б) об организации финансирования в рамках реализации проекта:
в 2018 году — строительства водозаборного сооружения, станции очистки воды, водовода от водозаборного сооружения до станции очистки воды протяженностью 16 км и магистрального водовода от очистных сооружений протяженностью 20 км за счёт лимитов капитальных вложений из дополнительных доходов республиканского бюджета Республики Узбекистан;
в 2019-2020 годах — строительства водозаборного сооружения, станции очистки воды, узла распределения воды «Джизак», магистральных и подводящих водоводов протяженностью 146 км за счет лимитов капитальных вложений из централизованных источников.
2. Принять к сведению заключения Министерства водного хозяйства, Министерства здравоохранения и Министерства жилищно-коммунального обслуживания Республики Узбекистан о годовом режиме работы реки Зарафшан, наличии дебита воды и ее пригодности для использования на питьевые нужды населения с учетом существующих и проектируемых водозаборных сооружений и скважин.
3. Министерству финансов Республики Узбекистан в установленном порядке выделить заказчику для реализации проекта в 2018 году дополнительные лимиты капитальных вложений за счёт:
средств Фонда «Чистая питьевая вода» при Министерстве финансов Республики Узбекистан — на разработку проектно-сметной документации;
дополнительных доходов республиканского бюджета Республики Узбекистан в размере 160 млрд сумов — на финансирование выполнения строительно-монтажных работ в текущем году в соответствии с их календарными графиками.
4. Кабинету Министров Республики Узбекистан совместно с Министерством экономики, Министерством финансов, Министерством жилищно-коммунального обслуживания Республики Узбекистан в недельный срок принять соответствующее правительственное решение, предусматривающее определение заказчика, генеральных проектной и подрядной организаций, обеспечение эффективной и качественной реализации проекта, а также учитывая социальную значимость проекта оптимизацию расходов по проекту в части поставок производимых в республике полиэтиленовых труб, строительных и горюче-смазочных материалов.
5. Освободить в рамках реализации проекта:
генеральную проектную, подрядную и субподрядные организации — от уплаты всех видов налогов в части выполняемых объемов проектно-изыскательских и строительно-монтажных работ;
товары (работы, услуги), включая сырье, материалы, запасные части, комплектующие изделия и оборудование, приобретаемые заказчиком, генеральной проектной и подрядной организациями, производителями и субподрядными организациями — от налога на добавленную стоимость;
сроком до 1 января 2021 года товары (работы, услуги), включая сырье, материалы, запасные части, комплектующие изделия и оборудование, не производимые в республике и ввозимые заказчиком, генеральной подрядной и субподрядными организациями по перечням, утверждаемым в установленном порядке — от таможенных платежей (за исключением сборов за таможенное оформление).
6. Национальному агентству проектного управления при Президенте Республики Узбекистан с учетом обоснованных предложений Министерства жилищно-коммунального обслуживания Республики Узбекистан в рамках проекта определить порядок выбора способов и процедур осуществления закупок сырья, материалов, запасных частей, комплектующих изделий и оборудования, а также отбора субподрядных организаций для выполнения специализированных строительно-монтажных работ.
7. Министерству жилищно-коммунального обслуживания Республики Узбекистан совместно с Министерством инвестиций и внешней торговли, Министерством экономического развития и сокращения бедности и Министерством финансов обеспечить внесение в установленном порядке проекта в ежегодно формируемые государственные программы развития Республики Узбекистан для финансирования выполнения строительно-монтажных работ в рамках реализации проекта за счет централизованных источников.
8. Контроль за исполнением настоящего постановления возложить на Первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова, министра жилищно-коммунального обслуживания Республики Узбекистан М.Х. Салиева и хокима Джизакской области Э.А. Салиева.
Президент Республики Узбекистан Ш. МИРЗИЁЕВ
г. Ташкент,
4 мая 2018 г.,
№ ПП-3695