📅 2018-yil 26-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 26 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 26 апреля 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 26 April 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Давлат хавфсизлик хизмати ҳарбий хизматчиларининг овқатланишини ташкил этиш тартибини янада такомиллаштириш чора-тадбирлари тўғрисида
Ҳарбий хизматчиларни ижтимоий ҳимоя қилиш даражасини ошириш масалаларини ҳал этишга комплекс ёндашишни таъминлаш, шунингдек, Ўзбекистон Республикаси Давлат хавфсизлик хизмати ҳарбий хизматчиларининг овқатланиши тизимини янада такомиллаштириш мақсадида Вазирлар Маҳкамаси қарор қилади:
1. Ўзбекистон Республикаси Давлат хавфсизлик хизматининг:
ошхоналар ходимлари сонини, озиқ-овқат маҳсулотларини ташиш ва етказиб бериш харажатларини мақбуллаштириш, табиий камайиш нормалари доирасида нобудгарчиликларни энг кам даражага келтириш, таомлар турларини хилма-хиллаштириш ва овқат тайёрлаш сифатини яхшилаш ҳамда бўлинмалар самарадорлигини ошириш имконини берадиган Ўзбекистон Республикаси Давлат хавфсизлик хизмати бўлинмалари шахсий таркибининг овқатланишини аутсорсинг шартларида ташкил этиш соҳасида давлат-хусусий шериклик механизмларини босқичма-босқич жорий этиш;
аутсорсинг шартларида овқатланишни ташкил этишни биринчи навбатда бўлинмаларда, ҳарбий қисмларда, кичик мутахассисларни тайёрлаш ўқув марказларида ва ҳарбий даволаш муассасаларида жорий этиш тўғрисидаги таклифларига розилик берилсин.
2. Белгилансинки:
аутсорсинг бўйича умумий овқатланиш корхоналари (кейинги ўринларда аутсорсер деб аталади) хизматларига ҳақ тўлаш аутсорсернинг барча харажатларини (солиқлар, ходимларнинг иш ҳақи, транспорт хизматлари ҳамда асбоб-ускуналарни таъмирлаш ва улардан фойдаланиш ва бошқаларни) ўз ичига оладиган 20 фоизгача устама ҳақ ҳисобга олинган ҳолда шартнома тузилиши санасида озиқ-овқат маҳсулотларининг амалдаги ўртача бозор нархлари бўйича бир овқатланувчига тегишли контингент учун овқатланишнинг тасдиқланган нормасидан келиб чиқиб Ўзбекистон Республикаси Давлат хавфсизлик хизмати томонидан белгиланади;
шахсий таркибнинг овқатланишини ташкил этиш учун ижара шартномаси доирасида аутсорсерга вақтинча фойдаланишга бериладиган ошхонанинг ишлаб чиқариш хоналари, асбоб-ускуналари, идиш-товоқлари ва мебелидан фойдаланганлик учун тўлов нол ставка бўйича белгиланади;
шахсий таркибга овқат тайёрлаш учун аутсорсер томонидан истеъмол қилинадиган коммунал хизматлар қиймати Ўзбекистон Республикаси Давлат хавфсизлик хизматига ажратилган бюджет маблағлари доирасида қопланади;
аутсорсингнинг кўрсатилган хизматлари учун нархлар (шартномалар бўйича), қоидага кўра, кўпи билан бир ойда бир мартда қайта кўриб чиқилиши керак;
аутсорсинг бўйича шартномалар тузиш умумий овқатланиш соҳасида катта иш тажрибасига, тегишли молиявий ва логистик базага эга бўлган талабгорларга устунлик берилган ҳолда энг яхши таклифларни танлаб олиш йўли билан амалга оширилади;
санитария қоидаларига, гигиения нормалари ва нормативларига, шунингдек, техник тартибга солиш соҳасидаги бошқа норматив ҳужжатларга тўлиқ мувофиқ бўлиши керак бўлган овқат тайёрлаш ва маҳсулотлар сифатини назорат қилиш зарурат бўлганда вазирликлар ва идораларнинг мутахассислари жалб этилган ҳолда Ўзбекистон Республикаси Давлат хавфсизлик хизматининг тегишли бўлинмалари томонидан амалга оширилади.
3. Ўзбекистон Республикаси Давлат хавфсизлик хизмати:
аутсорсинг тизимига ўтиш муносабати билан тежалган пул маблағларини биринчи навбатда ҳарбий хизматчиларнинг овқатланиши шарт-шароитларини яхшилашга йўналтирсин;
Ўзбекистон Республикаси Давлат хавфсизлик хизматининг тегишли бўлинмаларида шахсий таркибнинг овқатланишини ташкил этиш бўйича аутсорсинг хизматлари кўрсатиш тартиби тўғрисидаги низомни икки ой муддатда тасдиқлаш учун белгиланган тартибда Ўзбекистон Республикаси Вазирлар Маҳкамасига киритсин;
нархларнинг асоссиз ўсиб кетишига ва овқат сифатининг ёмонлашишига йўл қўймаслик устидан қатъий назоратни таъминласин.
4. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари:
Ўзбекистон Республикаси Давлат хавфсизлик хизмати бўлинмаларининг сўрови бўйича озиқ-овқатларга амалдаги ўртача бозор нархлари тўғрисидаги маълумотлар мунтазам тақдим этилишини;
озиқ-овқат маҳсулотлари тўғридан-тўғри шартномалар бўйича бевосита фермер хўжаликларидан, улгуржи савдо ташкилотлари ва уларнинг вакилларидан сотиб олинишида аутсорсерларга ҳар томонлама ёрдам берилишини таъминласинлар.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров ва Ўзбекистон Республикаси Давлат хавфсизлик хизмати раиси И.Б. Абдуллаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 26 апрель,
302-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Davlat xavfsizlik xizmati harbiy xizmatchilarining ovqatlanishini tashkil etish tartibini yanada takomillashtirish chora-tadbirlari toʻgʻrisida
Harbiy xizmatchilarni ijtimoiy himoya qilish darajasini oshirish masalalarini hal etishga kompleks yondashishni taʼminlash, shuningdek, Oʻzbekiston Respublikasi Davlat xavfsizlik xizmati harbiy xizmatchilarining ovqatlanishi tizimini yanada takomillashtirish maqsadida Vazirlar Mahkamasi qaror qiladi:
1. Oʻzbekiston Respublikasi Davlat xavfsizlik xizmatining:
oshxonalar xodimlari sonini, oziq-ovqat mahsulotlarini tashish va yetkazib berish xarajatlarini maqbullashtirish, tabiiy kamayish normalari doirasida nobudgarchiliklarni eng kam darajaga keltirish, taomlar turlarini xilma-xillashtirish va ovqat tayyorlash sifatini yaxshilash hamda boʻlinmalar samaradorligini oshirish imkonini beradigan Oʻzbekiston Respublikasi Davlat xavfsizlik xizmati boʻlinmalari shaxsiy tarkibining ovqatlanishini autsorsing shartlarida tashkil etish sohasida davlat-xususiy sheriklik mexanizmlarini bosqichma-bosqich joriy etish;
autsorsing shartlarida ovqatlanishni tashkil etishni birinchi navbatda boʻlinmalarda, harbiy qismlarda, kichik mutaxassislarni tayyorlash oʻquv markazlarida va harbiy davolash muassasalarida joriy etish toʻgʻrisidagi takliflariga rozilik berilsin.
2. Belgilansinki:
autsorsing boʻyicha umumiy ovqatlanish korxonalari (keyingi oʻrinlarda autsorser deb ataladi) xizmatlariga haq toʻlash autsorserning barcha xarajatlarini (soliqlar, xodimlarning ish haqi, transport xizmatlari hamda asbob-uskunalarni taʼmirlash va ulardan foydalanish va boshqalarni) oʻz ichiga oladigan 20 foizgacha ustama haq hisobga olingan holda shartnoma tuzilishi sanasida oziq-ovqat mahsulotlarining amaldagi oʻrtacha bozor narxlari boʻyicha bir ovqatlanuvchiga tegishli kontingent uchun ovqatlanishning tasdiqlangan normasidan kelib chiqib Oʻzbekiston Respublikasi Davlat xavfsizlik xizmati tomonidan belgilanadi;
shaxsiy tarkibning ovqatlanishini tashkil etish uchun ijara shartnomasi doirasida autsorserga vaqtincha foydalanishga beriladigan oshxonaning ishlab chiqarish xonalari, asbob-uskunalari, idish-tovoqlari va mebelidan foydalanganlik uchun toʻlov nol stavka boʻyicha belgilanadi;
shaxsiy tarkibga ovqat tayyorlash uchun autsorser tomonidan isteʼmol qilinadigan kommunal xizmatlar qiymati Oʻzbekiston Respublikasi Davlat xavfsizlik xizmatiga ajratilgan budjet mablagʻlari doirasida qoplanadi;
autsorsingning koʻrsatilgan xizmatlari uchun narxlar (shartnomalar boʻyicha), qoidaga koʻra, koʻpi bilan bir oyda bir martda qayta koʻrib chiqilishi kerak;
autsorsing boʻyicha shartnomalar tuzish umumiy ovqatlanish sohasida katta ish tajribasiga, tegishli moliyaviy va logistik bazaga ega boʻlgan talabgorlarga ustunlik berilgan holda eng yaxshi takliflarni tanlab olish yoʻli bilan amalga oshiriladi;
sanitariya qoidalariga, gigiyeniya normalari va normativlariga, shuningdek, texnik tartibga solish sohasidagi boshqa normativ hujjatlarga toʻliq muvofiq boʻlishi kerak boʻlgan ovqat tayyorlash va mahsulotlar sifatini nazorat qilish zarurat boʻlganda vazirliklar va idoralarning mutaxassislari jalb etilgan holda Oʻzbekiston Respublikasi Davlat xavfsizlik xizmatining tegishli boʻlinmalari tomonidan amalga oshiriladi.
3. Oʻzbekiston Respublikasi Davlat xavfsizlik xizmati:
autsorsing tizimiga oʻtish munosabati bilan tejalgan pul mablagʻlarini birinchi navbatda harbiy xizmatchilarning ovqatlanishi shart-sharoitlarini yaxshilashga yoʻnaltirsin;
Oʻzbekiston Respublikasi Davlat xavfsizlik xizmatining tegishli boʻlinmalarida shaxsiy tarkibning ovqatlanishini tashkil etish boʻyicha autsorsing xizmatlari koʻrsatish tartibi toʻgʻrisidagi nizomni ikki oy muddatda tasdiqlash uchun belgilangan tartibda Oʻzbekiston Respublikasi Vazirlar Mahkamasiga kiritsin;
narxlarning asossiz oʻsib ketishiga va ovqat sifatining yomonlashishiga yoʻl qoʻymaslik ustidan qatʼiy nazoratni taʼminlasin.
4. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari:
Oʻzbekiston Respublikasi Davlat xavfsizlik xizmati boʻlinmalarining soʻrovi boʻyicha oziq-ovqatlarga amaldagi oʻrtacha bozor narxlari toʻgʻrisidagi maʼlumotlar muntazam taqdim etilishini;
oziq-ovqat mahsulotlari toʻgʻridan-toʻgʻri shartnomalar boʻyicha bevosita fermer xoʻjaliklaridan, ulgurji savdo tashkilotlari va ularning vakillaridan sotib olinishida autsorserlarga har tomonlama yordam berilishini taʼminlasinlar.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Oʻzbekiston Respublikasi Davlat xavfsizlik xizmati raisi I.B. Abdullayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 26-aprel,
302-son
Кабинета Министров Республики Узбекистан
Постановление
О мерах по дальнейшему совершенствованию порядка организации питания военнослужащих Службы государственной безопасности Республики Узбекистан
В целях обеспечения комплексного подхода к решению вопросов повышения уровня социальной защиты военнослужащих, а также дальнейшего совершенствования системы питания военнослужащих Службы государственной безопасности Республики Узбекистан Кабинет Министров постановляет:
1. Согласиться с предложениями Службы государственной безопасности Республики Узбекистан о:
поэтапном внедрении механизмов государственно-частного партнерства в сфере организации питания личного состава подразделений Службы государственной безопасности Республики Узбекистан на условиях аутсорсинга, позволяющего оптимизировать численность персонала столовых, расходы по перевозке и доставке продуктов питания, минимизировать потери в пределах норм естественной убыли, разнообразить ассортимент и улучшить качество приготовления пищи и повысить эффективность подразделений;
внедрение организации питания на условиях аутсорсинга в первую очередь в подразделениях, воинских частях, учебных центрах подготовки младших специалистов и военных лечебных учреждениях.
2. Определить, что:
плата за услуги предприятия общественного питания по аутсорсингу (далее — аутсорсер) устанавливается Службой государственной безопасности Республики Узбекистан исходя из утвержденной нормы питания для соответствующего контингента на одного питающегося по среднерыночным фактическим ценам продуктов питания на дату заключения договора с учетом наценки — до 20 процентов, включающей в себя все расходы аутсорсера (налоги, заработная плата персонала, транспортные услуги, а также услуги по ремонту и эксплуатации оборудования и др.);
плата за использование производственных помещений, оборудования, столово-кухонной посуды и мебели столовых, передаваемых аутсорсеру во временное пользование в рамках договора аренды для организации питания личного состава, устанавливается по нулевой ставке;
стоимость коммунальных услуг, потребляемых аутсорсером на приготовление пищи для личного состава, покрывается в пределах выделенных бюджетных ассигнований Службе государственной безопасности Республики Узбекистан;
цены за оказанные услуги (по договорам) аутсорсинга подлежат пересмотру, как правило, не чаще одного раза в месяц;
заключение договоров по аутсорсингу осуществляется путем отбора наилучшего предложения, отдавая предпочтение претендентам, имеющим значительный опыт работы в сфере общественного питания, соответствующую финансовую и логистическую базу;
контроль за качеством приготовления пищи и продуктов, которое должно полностью соответствовать санитарным правилам, нормам и гигиеническим нормативам, а также другим нормативным документам в области технического регулирования, осуществляется соответствующими подразделениями Службы государственной безопасности Республики Узбекистан, с привлечением при необходимости специалистов министерств и ведомств.
3. Службе государственной безопасности Республики Узбекистан:
сэкономленные денежные средства в связи с переходом на систему аутсорсинга в первую очередь направлять на улучшение условий питания военнослужащих;
в двухмесячный срок в установленном порядке внести на утверждение в Кабинет Министров Республики Узбекистан Положение о порядке оказания аутсорсинговых услуг по организации питания личного состава в соответствующих подразделениях Службы государственной безопасности Республики Узбекистан;
обеспечить строгий контроль за недопущением необоснованного роста цен и ухудшения качества питания.
4. Совету Министров Республики Каракалпакстан, хокимиятам областей и города Ташкента обеспечить:
регулярное предоставление по запросу подразделений Службы государственной безопасности Республики Узбекистан информации о среднерыночных фактических ценах на продовольствие;
оказание всемерного содействия аутсорсерам в приобретении продуктов питания по прямым договорам непосредственно у фермерских хозяйств, организаций оптовой торговли и их представителей.
5. Контроль за исполнением настоящего постановления возложить на заместителя Премьер-министра Республики Узбекистан — министра финансов Республики Узбекистан Д.А. Кучкарова и председателя Службы государственной безопасности Республики Узбекистан И.Б. Абдуллаева.
Премьер-министр Республики Узбекистан А. АРИПОВ
г. Ташкент,
26 апреля 2018 г.,
№ 302