📅 2018-yil 11-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 11 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 11 мая 2018 г. · Постановления Президента
Официальный текст. Официальный документ. Редакционные примечания не включены.
📅 11 May 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Федерал давлат автоном олий таълим муассасаси «Миллий технологик тадқиқотлар университети «МИСиС»нинг Олмалиқ шаҳридаги филиали фаолиятини ташкил этиш тўғрисида
Республика ишлаб чиқариш-саноат тармоғи учун юқори малакали муҳандис-техник кадрлар тайёрлашни янада ривожлантириш ва такомиллаштириш, олий техник таълим соҳасида халқаро ҳамкорликни кенгайтириш мақсадида, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясига мувофиқ:
1. Ўзбекистон Республикаси Олий ва ўрта махсус таълим вазирлиги, «Олмалиқ ТМК» АЖ, «Навоий КМК» ДК, Тошкент вилояти ҳокимлиги ва Федерал давлат автоном олий таълим муассасаси «Миллий технологик тадқиқотлар университети «МИСиС»нинг (Россия Федерацияси) Олмалиқ шаҳрида (Тошкент вилояти) Федерал давлат автоном олий таълим муассасаси «Миллий технологик тадқиқотлар университети «МИСиС»нинг филиалини (кейинги ўринларда Филиал деб юритилади) ташкил этиш тўғрисидаги таклифига розилик берилсин.
2. Қуйидагилар Филиал фаолиятининг асосий йўналишлари этиб белгилансин:
республиканинг ишлаб чиқариш-саноат тармоғи учун муҳим илмий-технологик вазифаларни ҳал қилишга қодир юқори малакали муҳандис-техник кадрларни халқаро таълим стандартлари даражасида тайёрлаш;
металлургия, кончилик иши ва саноат ишлаб чиқаришнинг бошқа тармоқларида фундаментал ва амалий илмий тадқиқотлар олиб бориш;
мутахассислар ҳамда илмий кадрлар тайёрлаш тизимини таълим ва фаннинг узвийлиги ҳамда узлуксизлиги, шунингдек, жаҳон таълим ва илмий ҳамжамиятига мажбурий интеграция ҳисобига ривожлантириш;
муҳандис-техник кадрлар тайёрлаш тизимини такомиллаштириш ва модернизация қилишга йўналтирилган янги таълим дастурлари ҳамда ўқитиш шаклларини ишлаб чиқиш ва жорий этиш;
таълим ва илмий фаолиятнинг ишлаб чиқариш-саноат фаолияти билан узвий интеграцияси учун шарт-шароитлар яратиш;
педагогик салоҳиятни ривожлантиришни қўллаб-қувватлаш, педагогик технологияларни ва ўқитиш услубларини фаол такомиллаштириш;
таълим ва илмий-техник соҳаларда хорижий мамлакатларнинг етакчи таълим муассасалари, илмий-тадқиқот марказлари ҳамда бизнес-ҳамжамиятлари билан узоқ муддатли алоқаларни ривожлантириш ва мустаҳкамлаш.
3. Белгилаб қўйилсинки:
Филиал Федерал давлат автоном олий таълим муассасаси «Миллий технологик тадқиқотлар университети «МИСиС»нинг (кейинги ўринларда – «МИСиС» МТТУ) алоҳида таркибий бўлинмаси ҳамда кадрларга бўлган эҳтиёжни инобатга олган ҳолда, таълимнинг келишилган асосий йўналиш (мутахассислик)лари бўйича барча даражадаги мутахассисларни тайёрлаш, қайта тайёрлаш ва уларнинг малакасини оширишни, жумладан илмий-педагогик кадрлар тайёрлашни амалга оширадиган олий таълим муассасаси ҳисобланади;
Филиалда ўқитиш Ўзбекистон Республикаси давлат таълим стандартлари талабларини эътиборга олган ҳолда «МИСиС» МТТУ томонидан тасдиқланган ўқув режалар ва дастурлар бўйича амалга оширилади;
абитуриентларни қабул қилиш ва Филиал битирувчиларининг аттестацияси «МИСиС» МТТУ томонидан Ўзбекистон Республикаси Олий таълим, фан ва инновациялар вазирлиги билан келишилган ҳолда белгиланадиган талаблар, тартиб ва муддатларга мувофиқ амалга оширилади;
Филиал битирувчиларига Ўзбекистон Республикасида олий таълим тўғрисидаги ҳужжат сифатида тан олинадиган «МИСиС» МТТУнинг белгиланган намунадаги дипломи берилади.
4. Федерал давлат автоном олий таълим муассасаси «Миллий тадқиқот технологик университети «МИСиС»нинг Олмалиқ шаҳридаги филиалида мутахассисларни ўқитиш ва тайёрлашнинг асосий йўналиш (мутахассислик)лари 1-иловага мувофиқ маъқуллансин.
5. Филиалга текин фойдаланиш учун:
Навоий давлат кончилик институтининг Тошкент вилояти, Олмалиқ шаҳри, Амир Темур кўчаси, 56-уй манзилида жойлашган биноси;
2017/2018 ўқув йили якуни бўйича фаолияти тугатилаётган Олмалиқ саноат касб-ҳунар коллежининг Тошкент вилояти, Олмалиқ шаҳри, Амир Темур кўчасида жойлашган биноси берилсин.
6. Ўзбекистон Республикаси Олий ва ўрта махсус таълим вазирлиги:
«МИСиС» МТТУ ва «Олмалиқ ТМК» АЖ билан биргаликда бир ой муддатда ўрнатилган тартибда Филиал таъсис ҳужжатларининг ишлаб чиқилиши, келишилиши ҳамда унинг белгиланган тартибда давлат рўйхатидан ўтказилишини таъминласин;
бир ой муддатда «МИСиС» МТТУ билан Филиалнинг ташкилий тузилмасини келишсин ва Ўзбекистон Республикаси Вазирлар Маҳкамасига тегишли ҳукумат қарори лойиҳасини киритсин;
2018 йил 1 сентябрга қадар муддатда Филиални танлов асосида юқори малакали профессор-ўқитувчилар таркиби билан таъминласин.
7. Филиалнинг қабул параметрлари «МИСиС» МТТУ, Иқтисодиёт ва молия вазирлиги билан келишган ҳолда Филиал Васийлик кенгаши қарори билан тасдиқланади.
8. «МИСиС» МТТУ:
ўқув жараёнига илғор педагогик ҳамда ахборот технологияларини, фан ва техниканинг энг янги ютуқларини жорий этишга;
мутахассисларнинг малакасини оширишга ва Филиалнинг профессор-ўқитувчилари таркибини қайта тайёрлашга;
Филиалнинг кутубхона фондини замонавий ўқув, ўқув-методик ҳамда илмий-техник адабиётлар билан шакллантириш ва тўлдиришга кўмаклашиши маълумот учун қабул қилинсин.
9. Ўзбекистон Республикаси Иқтисодиёт ва молия вазирлиги, Олий таълим, фан ва инновациялар вазирлиги «Олмалиқ ТМК» АЖ, «Навоий КМК» ДК, «Ўзметкомбинат»АЖ, «Ўзиккиламчиранглиметалл» АЖ, бошқа давлат ва хўжалик бошқаруви органлари билан биргаликда ҳар йили юқори малакали кадрларни тайёрлашга бўлган эҳтиёжни таҳлил қилсин ва унинг натижаси юзасидан Ўзбекистон Республикаси Вазирлар Маҳкамасига кейинги ўқув йилларида Филиалга таълим йўналишлари ҳамда мутахассисликлари бўйича қабул қилинадиган талабалар сони юзасидан таклифлар киритиб борсин.
10. Федерал давлат автоном олий таълим муассасаси «Миллий тадқиқот технологик университети «МИСиС»нинг Олмалиқ шаҳридаги филиали Васийлик кенгашининг (кейинги ўринларда — Васийлик кенгаши) шахсий таркиби 2-иловага мувофиқ маъқуллансин.
11. Белгилаб қўйилсинки:
а) Филиал фаолиятини молиялаштириш:
Ўзбекистон Республикаси Олий таълим, фан ва инновациялар вазирлигига талабаларни, лекин Филиалга таълим олиш учун қабул қилинадиган талабалар умумий сонининг 40 фоизидан ортиқ бўлмаган ҳолда, давлат гранти асосида ўқитишга ажратиладиган Ўзбекистон Республикаси Давлат бюджети маблағлари;
талабаларни тўлов-контракт асосида ўқитишдан тушадиган маблағлар;
юридик ва жисмоний шахсларнинг ҳомийлик хайриялари ҳамда мақсадли бадалларидан Васийлик кенгаши қарорлари асосида шакллантириладиган пул маблағлари;
халқаро молия институтлари грантлари;
қонун ҳужжатларида тақиқланмаган бошқа манбалар ҳисобидан амалга оширилади;
б) Филиални ташкил қилиш, унинг моддий-техник ва ўқув базасини шакллантириш бўйича ташкилий тадбирларни, жумладан таъмирлаш-тиклаш ишларини олиб боришни, бино ва иншоотларни зарур мебель, инвентарь, замонавий ўқув ҳамда лаборатория жиҳозлари, компьютер ва бошқа оргтехника, кутубхона фонди билан таъминлашни, шунингдек, «МИСиС» МТТУ мутахассисларини жалб қилиш билан боғлиқ хизмат сафари харажатларини, Филиал маҳаллий ўқитувчиларининг стажировкаси ва малакасини ошириш харажатларини молиялаштириш «Олмалиқ ТМК» АЖ маблағлари ҳисобидан амалга оширилади;
в) «МИСиС» МТТУдан Филиалга жалб қилинадиган профессор-ўқитувчиларнинг хизмат сафари харажатларини тўлаш:
30 кунгача бўлган қисқа муддатли хизмат сафари бўйича — Россия Федерациясининг қонун ҳужжатлари билан олий ўқув юртлари ходимлари учун белгиланган нормаларга мувофиқ;
узоқ муддатли хизмат сафари бўйича — ўқув жараёни эҳтиёжларидан келиб чиққан ҳолда, тузилган шартномаларга мувофиқ амалга оширилади.
12. Филиалга ўқитувчилик ва илмий ишлар учун таклиф қилинадиган хорижий профессор-ўқитувчиларнинг яшаш ҳамда транспорт харажатларини тузиладиган шартномалар асосида Ўзбекистон Республикаси фуқаролари учун белгиланган тарифлар бўйича тўлашга рухсат берилсин.
13. Белгилаб қўйилсинки, Филиални сақлаш учун бюджет маблағлари 2018 йилда Ўзбекистон Республикаси Давлат бюджетининг ижтимоий соҳа бўйича тасдиқланган харажатлар параметрлари доирасида ажратилади, 2019 йилдан бошлаб эса мазкур соҳанинг йиллик харажатлар параметрларида назарда тутилади.
14. Ўзбекистон Республикаси Молия вазирлиги Филиалга иккита автотранспорт воситасини, жумладан битта хизмат ва битта навбатчи енгил автотранспорт воситасини сақлашга лимит ажратсин.
15. Ўзбекистон Республикаси Президентининг 2017 йил 27 июлдаги «Тошкент вилоятида саноат ишлаб чиқариш соҳаси учун муҳандис-техник кадрлар тайёрлаш тизимини такомиллаштириш чора-тадбирлари тўғрисида»ги ПҚ-3153-сон қарори билан тузилган, Федерал давлат автоном олий таълим муассасаси «Миллий технологик тадқиқотлар университети «МИСиС»нинг Олмалиқ филиалини ташкил этиш бўйича ташкилий қўмита:
2018 йил 1 июлга қадар муддатда Филиалнинг бино ва иншоотлари реконструкция қилинишини, шунингдек, Филиал талаба ва ўқитувчилари яшаши учун ётоқхона тайёрланишини;
2018 йил 31 августга қадар муддатда Филиал жойлаштирилишини ва уни зарур мебель, инвентарь, замонавий ўқув ва лаборатория жиҳозлари, компьютер ва бошқа оргтехника, кутубхона фонди билан жиҳозланишини таъминласин.
16. Ўзбекистон Республикаси Ташқи ишлар вазирлиги Олий таълим, фан ва инновациялар вазирлиги ҳамда Филиал буюртмаларига биноан мазкур қарорни амалга ошириш доирасида жалб қилинадиган хорижий профессор-ўқитувчилар ва маъмурий ходимлар, шунингдек, уларнинг оила аъзолари учун кириш визалари консуллик ҳамда бошқа йиғимлар ундирилмасдан, белгиланган тартибда расмийлаштирилишини таъминласин.
17. Ўзбекистон Республикаси Ички ишлар вазирлиги Олий таълим, фан ва инновациялар вазирлиги ҳамда Филиал буюртмаларига биноан мазкур қарорни амалга ошириш доирасида жалб қилинадиган хорижий профессор-ўқитувчилар ва маъмурий ходимларга ҳамда уларнинг оила аъзоларига давлат божлари тўлашдан озод этган ҳолда кўп марталик визалар берилиши ва узайтирилишини, шунингдек, уларнинг яшаш жойида вақтинчалик рўйхатдан ўтказилиши ҳамда вақтинчалик рўйхатдан ўтказиш муддати узайтирилишини белгиланган тартибда таъминласин.
18. Бандлик ва меҳнат муносабатлари вазирлиги Олий таълим, фан ва инновациялар вазирлиги ҳамда Филиал буюртмаларига биноан Филиални ташкил қилишда ва унинг фаолиятида иштирок этадиган малакали хорижий мутахассисларни республикага жалб этиш учун белгиланган тартибда рухсатномалар берилишини (муддати узайтирилишини), шунингдек, хорижий фуқароларнинг Ўзбекистон Республикаси ҳудудида меҳнат фаолияти ҳуқуқига тасдиқномалар берилишини (муддати узайтирилишини) таъминласин.
19. 2019 йил 1 январга қадар муддатда Филиални жиҳозлаш ва унинг фаолиятини таъминлаш учун белгиланган тартибда тасдиқланадиган рўйхат бўйича олиб кириладиган Ўзбекистон Республикасида ишлаб чиқарилмайдиган замонавий ўқув ва илмий лаборатория жиҳозлари, компьютер техникаси, дастурий маҳсулотлар, ўқув ва илмий-услубий адабиёт, инвентарь ва моддий-техника ресурслари божхона тўловларидан (божхона расмийлаштируви йиғимларидан ташқари) озод этилсин.
20. Ўзбекистон Республикаси Олий ва ўрта махсус таълим вазирлигининг Касб-ҳунар таълими маркази Тошкент вилояти ҳокимлиги билан биргаликда:
Олмалиқ саноат касб-ҳунар коллежи ходимларини ишга жойлаштириш;
Олмалиқ саноат касб-ҳунар коллежи ўқувчилар контингентини яқин бўлган тегишли касб-ҳунар коллежларига йўналиш (касб)лар бўйича жойлаштириш орқали уларнинг келгусида таълим олишини таъминлаш чораларини кўрсин.
21. Ўзбекистон Республикаси Олий ва ўрта махсус таълим вазирлиги манфаатдор вазирлик ва идоралар билан биргаликда бир ой муддатда қонун ҳужжатларига мазкур қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
22. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари Қ.В. Акмалов, А.С. Султонов, Ўзбекистон Республикаси Олий ва ўрта махсус таълим вазири И.У. Маджидов ҳамда «Олмалиқ ТМК» АЖ бошқаруви раиси А.Қ. Фармонов зиммасига юклансин.
Ўзбекистон Республикаси Президентининг 2018 йил 11 майдаги ПҚ-3714-сон қарорига 1-ИЛОВА
Федерал давлат автоном олий таълим муассасаси «Миллий технологик тадқиқотлар университети «МИСиС»нинг Олмалиқ шаҳридаги филиалида таълим ва мутахассислар тайёрлашнинг асосий йўналишлари (мутахассисликлари)
1. Кончилик иши;
2. Металлургия;
3. Технологик жараёнлар ва ишлаб чиқаришларни (тармоқ бўйича) автоматлаштириш ва бошқариш.
Ўзбекистон Республикаси Президентининг 2018 йил 11 майдаги ПҚ-3714-сон қарорига 2-ИЛОВА
Федерал давлат автоном олий таълим муассасаси «Миллий технологик тадқиқотлар университети «МИСиС»нинг Олмалиқ шаҳридаги филиали Васийлик кенгашининг
1. А.С. Султонов — Ўзбекистон Республикаси Бош вазирининг ўринбосари — « Ўзбекнефтгаз » АЖ бошқаруви раиси, Васийлик кенгаши раиси 2. А.К. Фармонов — « Олмалиқ КМК » АЖ бошқаруви раиси, Васийлик кенгаши раиси ўринбосари 3. И.У. Мажидов — Ўзбекистон Республикаси олий ва ўрта махсус таълим вазири 4. Ғ.И. Ибрагимов — Тошкент вилояти ҳокими 5. Д.Х. Набиев — Ўзбекистон Республикаси олий ва ўрта махсус таълим вазирининг биринчи ўринбосари 6. Б.З. Асадов — Ўзбекистон Республикаси ташқи ишлар вазирининг биринчи ўринбосари 7. А.Ж. Ортиқов — Ўзбекистон Республикаси иқтисодиёт вазири ўринбосари 8. Б.Ф. Исламов — Ўзбекистон Республикаси Давлат геология ва минерал ресурслар қўмитаси раиси 9. келишилган ҳолда — Миллий технологик тадқиқотлар университети « МИСиС » вакили 10. К.С. Санақулов — « Навоий КМК » ДК бош директори 11. А.Х. Хурсанов — « Ўзметкомбинат » АЖ бошқаруви раиси 12. М.М. Мирқосимов — Олмалиқ шаҳар ҳокими 13. келишилган ҳолда — « Санъат, фан ва спорт » хайрия жамғармаси вакили (Россия Федерацияси) 14. Ф.Р. Абдуллаев — « Ўзиккиламчиранглиметалл » АЖ бош директори 15. С.М. Туробжонов — И. Каримов номидаги Тошкент давлат техника университети ректори
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 11 май,
ПҚ-3714-сон
Oʻzbekiston Respublikasi Prezidentining
Qarori
TARKIBI
Federal davlat avtonom oliy taʼlim muassasasi “Milliy texnologik tadqiqotlar universiteti “MISiS”ning Olmaliq shahridagi filiali faoliyatini tashkil etish toʻgʻrisida
Respublika ishlab chiqarish-sanoat tarmogʻi uchun yuqori malakali muhandis-texnik kadrlar tayyorlashni yanada rivojlantirish va takomillashtirish, oliy texnik taʼlim sohasida xalqaro hamkorlikni kengaytirish maqsadida, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasiga muvofiq:
1. Oʻzbekiston Respublikasi Oliy va oʻrta maxsus taʼlim vazirligi, “Olmaliq TMK” AJ, “Navoiy KMK” DK, Toshkent viloyati hokimligi va Federal davlat avtonom oliy taʼlim muassasasi “Milliy texnologik tadqiqotlar universiteti “MISiS”ning (Rossiya Federatsiyasi) Olmaliq shahrida (Toshkent viloyati) Federal davlat avtonom oliy taʼlim muassasasi “Milliy texnologik tadqiqotlar universiteti “MISiS”ning filialini (keyingi oʻrinlarda Filial deb yuritiladi) tashkil etish toʻgʻrisidagi taklifiga rozilik berilsin.
2. Quyidagilar Filial faoliyatining asosiy yoʻnalishlari etib belgilansin:
respublikaning ishlab chiqarish-sanoat tarmogʻi uchun muhim ilmiy-texnologik vazifalarni hal qilishga qodir yuqori malakali muhandis-texnik kadrlarni xalqaro taʼlim standartlari darajasida tayyorlash;
metallurgiya, konchilik ishi va sanoat ishlab chiqarishning boshqa tarmoqlarida fundamental va amaliy ilmiy tadqiqotlar olib borish;
mutaxassislar hamda ilmiy kadrlar tayyorlash tizimini taʼlim va fanning uzviyligi hamda uzluksizligi, shuningdek, jahon taʼlim va ilmiy hamjamiyatiga majburiy integratsiya hisobiga rivojlantirish;
muhandis-texnik kadrlar tayyorlash tizimini takomillashtirish va modernizatsiya qilishga yoʻnaltirilgan yangi taʼlim dasturlari hamda oʻqitish shakllarini ishlab chiqish va joriy etish;
taʼlim va ilmiy faoliyatning ishlab chiqarish-sanoat faoliyati bilan uzviy integratsiyasi uchun shart-sharoitlar yaratish;
pedagogik salohiyatni rivojlantirishni qoʻllab-quvvatlash, pedagogik texnologiyalarni va oʻqitish uslublarini faol takomillashtirish;
taʼlim va ilmiy-texnik sohalarda xorijiy mamlakatlarning yetakchi taʼlim muassasalari, ilmiy-tadqiqot markazlari hamda biznes-hamjamiyatlari bilan uzoq muddatli aloqalarni rivojlantirish va mustahkamlash.
3. Belgilab qoʻyilsinki:
Filial Federal davlat avtonom oliy taʼlim muassasasi “Milliy texnologik tadqiqotlar universiteti “MISiS”ning (keyingi oʻrinlarda – “MISiS” MTTU) alohida tarkibiy boʻlinmasi hamda kadrlarga boʻlgan ehtiyojni inobatga olgan holda, taʼlimning kelishilgan asosiy yoʻnalish (mutaxassislik)lari boʻyicha barcha darajadagi mutaxassislarni tayyorlash, qayta tayyorlash va ularning malakasini oshirishni, jumladan ilmiy-pedagogik kadrlar tayyorlashni amalga oshiradigan oliy taʼlim muassasasi hisoblanadi;
Filialda oʻqitish Oʻzbekiston Respublikasi davlat taʼlim standartlari talablarini eʼtiborga olgan holda “MISiS” MTTU tomonidan tasdiqlangan oʻquv rejalar va dasturlar boʻyicha amalga oshiriladi;
abituriyentlarni qabul qilish va Filial bitiruvchilarining attestatsiyasi “MISiS” MTTU tomonidan Oʻzbekiston Respublikasi Oliy taʼlim, fan va innovatsiyalar vazirligi bilan kelishilgan holda belgilanadigan talablar, tartib va muddatlarga muvofiq amalga oshiriladi;
Filial bitiruvchilariga Oʻzbekiston Respublikasida oliy taʼlim toʻgʻrisidagi hujjat sifatida tan olinadigan “MISiS” MTTUning belgilangan namunadagi diplomi beriladi.
4. Federal davlat avtonom oliy taʼlim muassasasi “Milliy tadqiqot texnologik universiteti “MISiS”ning Olmaliq shahridagi filialida mutaxassislarni oʻqitish va tayyorlashning asosiy yoʻnalish (mutaxassislik)lari 1-ilovaga muvofiq maʼqullansin.
5. Filialga tekin foydalanish uchun:
Navoiy davlat konchilik institutining Toshkent viloyati, Olmaliq shahri, Amir Temur koʻchasi, 56-uy manzilida joylashgan binosi;
2017/2018 oʻquv yili yakuni boʻyicha faoliyati tugatilayotgan Olmaliq sanoat kasb-hunar kollejining Toshkent viloyati, Olmaliq shahri, Amir Temur koʻchasida joylashgan binosi berilsin.
6. Oʻzbekiston Respublikasi Oliy va oʻrta maxsus taʼlim vazirligi:
“MISiS” MTTU va “Olmaliq TMK” AJ bilan birgalikda bir oy muddatda oʻrnatilgan tartibda Filial taʼsis hujjatlarining ishlab chiqilishi, kelishilishi hamda uning belgilangan tartibda davlat roʻyxatidan oʻtkazilishini taʼminlasin;
bir oy muddatda “MISiS” MTTU bilan Filialning tashkiliy tuzilmasini kelishsin va Oʻzbekiston Respublikasi Vazirlar Mahkamasiga tegishli hukumat qarori loyihasini kiritsin;
2018-yil 1-sentabrga qadar muddatda Filialni tanlov asosida yuqori malakali professor-oʻqituvchilar tarkibi bilan taʼminlasin.
7. Filialning qabul parametrlari “MISiS” MTTU, Iqtisodiyot va moliya vazirligi bilan kelishgan holda Filial Vasiylik kengashi qarori bilan tasdiqlanadi.
8. “MISiS” MTTU:
oʻquv jarayoniga ilgʻor pedagogik hamda axborot texnologiyalarini, fan va texnikaning eng yangi yutuqlarini joriy etishga;
mutaxassislarning malakasini oshirishga va Filialning professor-oʻqituvchilari tarkibini qayta tayyorlashga;
Filialning kutubxona fondini zamonaviy oʻquv, oʻquv-metodik hamda ilmiy-texnik adabiyotlar bilan shakllantirish va toʻldirishga koʻmaklashishi maʼlumot uchun qabul qilinsin.
9. Oʻzbekiston Respublikasi Iqtisodiyot va moliya vazirligi, Oliy taʼlim, fan va innovatsiyalar vazirligi “Olmaliq TMK” AJ, “Navoiy KMK” DK, “Oʻzmetkombinat”AJ, “Oʻzikkilamchiranglimetall” AJ, boshqa davlat va xoʻjalik boshqaruvi organlari bilan birgalikda har yili yuqori malakali kadrlarni tayyorlashga boʻlgan ehtiyojni tahlil qilsin va uning natijasi yuzasidan Oʻzbekiston Respublikasi Vazirlar Mahkamasiga keyingi oʻquv yillarida Filialga taʼlim yoʻnalishlari hamda mutaxassisliklari boʻyicha qabul qilinadigan talabalar soni yuzasidan takliflar kiritib borsin.
10. Federal davlat avtonom oliy taʼlim muassasasi “Milliy tadqiqot texnologik universiteti “MISiS”ning Olmaliq shahridagi filiali Vasiylik kengashining (keyingi oʻrinlarda — Vasiylik kengashi) shaxsiy tarkibi 2-ilovaga muvofiq maʼqullansin.
11. Belgilab qoʻyilsinki:
a) Filial faoliyatini moliyalashtirish:
Oʻzbekiston Respublikasi Oliy taʼlim, fan va innovatsiyalar vazirligiga talabalarni, lekin Filialga taʼlim olish uchun qabul qilinadigan talabalar umumiy sonining 40 foizidan ortiq boʻlmagan holda, davlat granti asosida oʻqitishga ajratiladigan Oʻzbekiston Respublikasi Davlat budjeti mablagʻlari;
talabalarni toʻlov-kontrakt asosida oʻqitishdan tushadigan mablagʻlar;
yuridik va jismoniy shaxslarning homiylik xayriyalari hamda maqsadli badallaridan Vasiylik kengashi qarorlari asosida shakllantiriladigan pul mablagʻlari;
xalqaro moliya institutlari grantlari;
qonun hujjatlarida taqiqlanmagan boshqa manbalar hisobidan amalga oshiriladi;
b) Filialni tashkil qilish, uning moddiy-texnik va oʻquv bazasini shakllantirish boʻyicha tashkiliy tadbirlarni, jumladan taʼmirlash-tiklash ishlarini olib borishni, bino va inshootlarni zarur mebel, inventar, zamonaviy oʻquv hamda laboratoriya jihozlari, kompyuter va boshqa orgtexnika, kutubxona fondi bilan taʼminlashni, shuningdek, “MISiS” MTTU mutaxassislarini jalb qilish bilan bogʻliq xizmat safari xarajatlarini, Filial mahalliy oʻqituvchilarining stajirovkasi va malakasini oshirish xarajatlarini moliyalashtirish “Olmaliq TMK” AJ mablagʻlari hisobidan amalga oshiriladi;
v) “MISiS” MTTUdan Filialga jalb qilinadigan professor-oʻqituvchilarning xizmat safari xarajatlarini toʻlash:
30 kungacha boʻlgan qisqa muddatli xizmat safari boʻyicha — Rossiya Federatsiyasining qonun hujjatlari bilan oliy oʻquv yurtlari xodimlari uchun belgilangan normalarga muvofiq;
uzoq muddatli xizmat safari boʻyicha — oʻquv jarayoni ehtiyojlaridan kelib chiqqan holda, tuzilgan shartnomalarga muvofiq amalga oshiriladi.
12. Filialga oʻqituvchilik va ilmiy ishlar uchun taklif qilinadigan xorijiy professor-oʻqituvchilarning yashash hamda transport xarajatlarini tuziladigan shartnomalar asosida Oʻzbekiston Respublikasi fuqarolari uchun belgilangan tariflar boʻyicha toʻlashga ruxsat berilsin.
13. Belgilab qoʻyilsinki, Filialni saqlash uchun budjet mablagʻlari 2018-yilda Oʻzbekiston Respublikasi Davlat budjetining ijtimoiy soha boʻyicha tasdiqlangan xarajatlar parametrlari doirasida ajratiladi, 2019-yildan boshlab esa mazkur sohaning yillik xarajatlar parametrlarida nazarda tutiladi.
14. Oʻzbekiston Respublikasi Moliya vazirligi Filialga ikkita avtotransport vositasini, jumladan bitta xizmat va bitta navbatchi yengil avtotransport vositasini saqlashga limit ajratsin.
15. Oʻzbekiston Respublikasi Prezidentining 2017-yil 27-iyuldagi “Toshkent viloyatida sanoat ishlab chiqarish sohasi uchun muhandis-texnik kadrlar tayyorlash tizimini takomillashtirish chora-tadbirlari toʻgʻrisida”gi PQ-3153-son qarori bilan tuzilgan, Federal davlat avtonom oliy taʼlim muassasasi “Milliy texnologik tadqiqotlar universiteti “MISiS”ning Olmaliq filialini tashkil etish boʻyicha tashkiliy qoʻmita:
2018-yil 1-iyulga qadar muddatda Filialning bino va inshootlari rekonstruksiya qilinishini, shuningdek, Filial talaba va oʻqituvchilari yashashi uchun yotoqxona tayyorlanishini;
2018-yil 31-avgustga qadar muddatda Filial joylashtirilishini va uni zarur mebel, inventar, zamonaviy oʻquv va laboratoriya jihozlari, kompyuter va boshqa orgtexnika, kutubxona fondi bilan jihozlanishini taʼminlasin.
16. Oʻzbekiston Respublikasi Tashqi ishlar vazirligi Oliy taʼlim, fan va innovatsiyalar vazirligi hamda Filial buyurtmalariga binoan mazkur qarorni amalga oshirish doirasida jalb qilinadigan xorijiy professor-oʻqituvchilar va maʼmuriy xodimlar, shuningdek, ularning oila aʼzolari uchun kirish vizalari konsullik hamda boshqa yigʻimlar undirilmasdan, belgilangan tartibda rasmiylashtirilishini taʼminlasin.
17. Oʻzbekiston Respublikasi Ichki ishlar vazirligi Oliy taʼlim, fan va innovatsiyalar vazirligi hamda Filial buyurtmalariga binoan mazkur qarorni amalga oshirish doirasida jalb qilinadigan xorijiy professor-oʻqituvchilar va maʼmuriy xodimlarga hamda ularning oila aʼzolariga davlat bojlari toʻlashdan ozod etgan holda koʻp martalik vizalar berilishi va uzaytirilishini, shuningdek, ularning yashash joyida vaqtinchalik roʻyxatdan oʻtkazilishi hamda vaqtinchalik roʻyxatdan oʻtkazish muddati uzaytirilishini belgilangan tartibda taʼminlasin.
18. Bandlik va mehnat munosabatlari vazirligi Oliy taʼlim, fan va innovatsiyalar vazirligi hamda Filial buyurtmalariga binoan Filialni tashkil qilishda va uning faoliyatida ishtirok etadigan malakali xorijiy mutaxassislarni respublikaga jalb etish uchun belgilangan tartibda ruxsatnomalar berilishini (muddati uzaytirilishini), shuningdek, xorijiy fuqarolarning Oʻzbekiston Respublikasi hududida mehnat faoliyati huquqiga tasdiqnomalar berilishini (muddati uzaytirilishini) taʼminlasin.
19. 2019-yil 1-yanvarga qadar muddatda Filialni jihozlash va uning faoliyatini taʼminlash uchun belgilangan tartibda tasdiqlanadigan roʻyxat boʻyicha olib kiriladigan Oʻzbekiston Respublikasida ishlab chiqarilmaydigan zamonaviy oʻquv va ilmiy laboratoriya jihozlari, kompyuter texnikasi, dasturiy mahsulotlar, oʻquv va ilmiy-uslubiy adabiyot, inventar va moddiy-texnika resurslari bojxona toʻlovlaridan (bojxona rasmiylashtiruvi yigʻimlaridan tashqari) ozod etilsin.
20. Oʻzbekiston Respublikasi Oliy va oʻrta maxsus taʼlim vazirligining Kasb-hunar taʼlimi markazi Toshkent viloyati hokimligi bilan birgalikda:
Olmaliq sanoat kasb-hunar kolleji xodimlarini ishga joylashtirish;
Olmaliq sanoat kasb-hunar kolleji oʻquvchilar kontingentini yaqin boʻlgan tegishli kasb-hunar kollejlariga yoʻnalish (kasb)lar boʻyicha joylashtirish orqali ularning kelgusida taʼlim olishini taʼminlash choralarini koʻrsin.
21. Oʻzbekiston Respublikasi Oliy va oʻrta maxsus taʼlim vazirligi manfaatdor vazirlik va idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
22. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari Q.V. Akmalov, A.S. Sultonov, Oʻzbekiston Respublikasi Oliy va oʻrta maxsus taʼlim vaziri I.U. Madjidov hamda “Olmaliq TMK” AJ boshqaruvi raisi A.Q. Farmonov zimmasiga yuklansin.
Oʻzbekiston Respublikasi Prezidentining 2018-yil 11-maydagi PQ-3714-son qaroriga 1-ILOVA
Federal davlat avtonom oliy taʼlim muassasasi “Milliy texnologik tadqiqotlar universiteti “MISiS”ning Olmaliq shahridagi filialida taʼlim va mutaxassislar tayyorlashning asosiy yoʻnalishlari (mutaxassisliklari)
1. Konchilik ishi;
2. Metallurgiya;
3. Texnologik jarayonlar va ishlab chiqarishlarni (tarmoq boʻyicha) avtomatlashtirish va boshqarish.
Oʻzbekiston Respublikasi Prezidentining 2018-yil 11-maydagi PQ-3714-son qaroriga 2-ILOVA
Federal davlat avtonom oliy taʼlim muassasasi “Milliy texnologik tadqiqotlar universiteti “MISiS”ning Olmaliq shahridagi filiali Vasiylik kengashining
1. A.S. Sultonov — Oʻzbekiston Respublikasi Bosh vazirining oʻrinbosari — “ Oʻzbekneftgaz ” AJ boshqaruvi raisi, Vasiylik kengashi raisi 2. A.K. Farmonov — “ Olmaliq KMK ” AJ boshqaruvi raisi, Vasiylik kengashi raisi oʻrinbosari 3. I.U. Majidov — Oʻzbekiston Respublikasi oliy va oʻrta maxsus taʼlim vaziri 4. Gʻ.I. Ibragimov — Toshkent viloyati hokimi 5. D.X. Nabiyev — Oʻzbekiston Respublikasi oliy va oʻrta maxsus taʼlim vazirining birinchi oʻrinbosari 6. B.Z. Asadov — Oʻzbekiston Respublikasi tashqi ishlar vazirining birinchi oʻrinbosari 7. A.J. Ortiqov — Oʻzbekiston Respublikasi iqtisodiyot vaziri oʻrinbosari 8. B.F. Islamov — Oʻzbekiston Respublikasi Davlat geologiya va mineral resurslar qoʻmitasi raisi 9. kelishilgan holda — Milliy texnologik tadqiqotlar universiteti “ MISiS ” vakili 10. K.S. Sanaqulov — “ Navoiy KMK ” DK bosh direktori 11. A.X. Xursanov — “ Oʻzmetkombinat ” AJ boshqaruvi raisi 12. M.M. Mirqosimov — Olmaliq shahar hokimi 13. kelishilgan holda — “ Sanʼat, fan va sport ” xayriya jamgʻarmasi vakili (Rossiya Federatsiyasi) 14. F.R. Abdullayev — “ Oʻzikkilamchiranglimetall ” AJ bosh direktori 15. S.M. Turobjonov — I. Karimov nomidagi Toshkent davlat texnika universiteti rektori
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 11-may,
PQ-3714-son
Президента Республики Узбекистан
Постановление
Основные направления (специальности)
СОСТАВ
Об организации деятельности филиала Федерального государственного автономного образовательного учреждения высшего образования «Национальный исследовательский технологический университет «МИСиС»» в городе Алмалык
В целях дальнейшего развития и совершенствования подготовки высококвалифицированных инженерно-технических кадров для производственно-промышленной отрасли республики, расширения международного сотрудничества в сфере высшего технического образования, а также в соответствии со Стратегией действий по пяти приоритетным направлениям развития Республики Узбекистан в 2017 — 2021 годах:
1. Согласиться с предложением Министерства высшего и среднего специального образования Республики Узбекистан, АО «Алмалыкский ГМК», ГП «Навоийский ГМК», хокимията Ташкентской области и Федерального государственного автономного образовательного учреждения высшего образования «Национальный исследовательский технологический университет «МИСиС»» (Российская Федерация) об учреждении в городе Алмалык (Ташкентская область) филиала Федерального государственного автономного образовательного учреждения высшего образования «Национальный исследовательский технологический университет «МИСиС»» (далее — Филиал).
2. Определить основными направлениями деятельности Филиала:
подготовку высококвалифицированных инженерно-технических кадров на уровне международных образовательных стандартов, способных решать важнейшие научно-технологические задачи для производственно-промышленной отрасли республики;
проведение фундаментальных и прикладных научных исследований в области металлургии, горного дела и других отраслях промышленного производства;
развитие системы подготовки специалистов и научных кадров за счет непрерывности и преемственности образования и науки, а также обязательной интеграции в мировое образовательное и научное сообщество;
разработку и внедрение новых образовательных программ и форм обучения, направленных на совершенствование и модернизацию системы подготовки инженерно-технических кадров;
создание условий для тесной интеграции образовательной и научной деятельности с производственно-промышленной деятельностью;
поддержку развития педагогического потенциала, активное усовершенствование педагогических технологий и методов обучения;
развитие и укрепление долгосрочных отношений с ведущими образовательными учреждениями, научно-исследовательскими центрами и бизнес-сообществами зарубежных стран в образовательной и научно-технической сферах.
3. Определить, что:
Филиал является обособленным подразделением Федерального государственного автономного образовательного учреждения высшего образования «Национальный исследовательский технологический университет «МИСиС»» (далее — НИТУ «МИСиС») и высшим образовательным учреждением, осуществляющим подготовку, повышение квалификации и переподготовку специалистов всех уровней, включая подготовку научно-педагогических кадров, по согласованным основным направлениям (специальностям) обучения с учетом потребности в кадрах;
обучение в Филиале осуществляется по учебным планам и программам, утвержденным НИТУ «МИСиС», с учетом требований государственных образовательных стандартов Республики Узбекистан;
прием абитуриентов и аттестация выпускников Филиала осуществляются в соответствии с требованиями, порядком и сроками, устанавливаемыми НИТУ «МИСиС» по согласованию с Министерством высшего образования, науки и инноваций Республики Узбекистан;
выпускникам Филиала по окончании выдается диплом установленного образца НИТУ «МИСиС», который признается документом о высшем образовании в Республике Узбекистан.
4. Одобрить основные направления (специальности) обучения и подготовки специалистов в филиале Федерального государственного автономного образовательного учреждения высшего образования «Национальный исследовательский технологический университет «МИСиС» в городе Алмалык согласно приложению № 1 .
5. Передать Филиалу в безвозмездное пользование здания:
Навоийского государственного горного института, расположенного по адресу: Ташкентская область, г. Алмалык, ул. Амира Темура, дом 56;
прекращающего свою деятельность по окончании 2017/2018 учебного года Алмалыкского промышленного профессионального колледжа, расположенного по адресу: Ташкентская область, г. Алмалык, ул. Амира Темура.
6. Министерству высшего и среднего специального образования Республики Узбекистан:
совместно с НИТУ «МИСиС» и АО «Алмалыкский ГМК» в месячный срок обеспечить разработку, согласование учредительных документов и государственную регистрацию Филиала в установленном порядке;
в месячный срок согласовать с НИТУ «МИСиС» организационную структуру Филиала и внести проект соответствующего правительственного решения в Кабинет Министров Республики Узбекистан;
в срок до 1 сентября 2018 года обеспечить укомплектование Филиала высококвалифицированным профессорско-преподавательским составом на конкурсной основе.
7. «Параметры приема в Филиал утверждаются решением Попечительского совета Филиала по согласованию с НИТУ «МИСиС», Министерством экономики и финансов.
8. Принять к сведению, что НИТУ «МИСиС» содействует:
внедрению в учебный процесс передовых педагогических и информационных технологий, новейших достижений науки и техники;
повышению квалификации специалистов и переподготовке профессорско-преподавательского состава Филиала;
формированию и пополнению библиотечного фонда Филиала современной учебной, учебно-методической и научно-технической литературой.
9. Министерству экономики и финансов, Министерству высшего образования, науки и инноваций совместно с АО «Алмалыкский ГМК», ГП «Навоийский ГМК», АО «Узметкомбинат», АО «Узвторцветмет», другими органами государственного и хозяйственного управления проводить ежегодный анализ потребностей в подготовке высококвалифицированных кадров и по результатам вносить в Кабинет Министров Республики Узбекистан предложения по количеству приема студентов в Филиал на последующие учебные годы по направлениям и специальностям образования.
10. Одобрить персональный состав Попечительского совета филиала Федерального государственного автономного образовательного учреждения высшего образования «Национальный исследовательский технологический университет «МИСиС» в городе Алмалык (далее — Попечительский совет) согласно приложению № 2 .
11. Установить, что:
а) финансирование деятельности Филиала осуществляется за счет:
средств Государственного бюджета Республики Узбекистан, выделяемых Министерству высшего образования, науки и инноваций на обучение студентов по государственным грантам, но не более 40 процентов от общего числа студентов, принимаемых на обучение в Филиал;
средств, поступающих от обучения студентов на платно-контрактной основе;
денежных средств, формируемых на основании решений Попечительского совета, благотворительных пожертвований и целевых взносов юридических и физических лиц;
грантов международных финансовых институтов;
иных источников, не запрещенных законодательством;
б) финансирование организационных мероприятий по созданию Филиала, формированию его материально-технической и учебной базы, включая проведение ремонтно-восстановительных работ, оснащение зданий и сооружений необходимой мебелью, инвентарем, современным учебным и лабораторным оборудованием, компьютерной и другой оргтехникой, библиотечным фондом, а также командировочных расходов, связанных с привлечением специалистов НИТУ «МИСиС», расходов на стажировку и повышение квалификации местных преподавателей Филиала осуществляется за счет средств АО «Алмалыкский ГМК»;
в) оплата командировочных расходов профессорско-преподавательского персонала, привлекаемого в Филиал из НИТУ «МИСиС», осуществляется:
при краткосрочных командировках сроком до 30 суток — по нормам, установленным законодательством Российской Федерации для работников высших образовательных учреждений;
при длительных командировках — исходя из потребностей учебного процесса, в соответствии с заключаемыми договорами.
12. Разрешить Филиалу осуществлять оплату проживания и транспортных расходов зарубежных профессоров и преподавателей, приглашаемых для преподавательской и научной работы по тарифам, установленным для граждан Республики Узбекистан, на основании заключаемых договоров.
13. Установить, что бюджетные ассигнования на содержание Филиала в 2018 году выделяются в пределах утвержденных параметров расходов Государственного бюджета Республики Узбекистан на социальную сферу, а с 2019 года — предусматриваются в ежегодных параметрах расходов на данную сферу.
14. Министерству финансов Республики Узбекистан выделить Филиалу лимит на содержание двух легковых автотранспортных средств, в том числе одного персонального и одного дежурного.
15. Организационной комиссии по созданию в городе Алмалык филиала Федерального государственного автономного образовательного учреждения высшего образования «Национальный исследовательский технологический университет «МИСиС»», образованной постановлением Президента Республики Узбекистан от 27 июля 2017 года № ПП-3153 «О мерах по совершенствованию подготовки инженерно-технических кадров для производственно-промышленной отрасли Ташкентской области», обеспечить:
в срок до 1 июля 2018 года осуществление реконструкции зданий и сооружений Филиала, а также подготовку общежития для проживания студентов и преподавателей Филиала;
в срок до 31 августа 2018 года размещение Филиала и оснащение его необходимой мебелью, инвентарем, современным учебным и лабораторным оборудованием, компьютерной и другой оргтехникой, библиотечным фондом.
16. Министерству иностранных дел по заявкам Министерства высшего образования, науки и инноваций Республики Узбекистан и Филиала обеспечить в установленном порядке оформление въездных виз для иностранного профессорско-преподавательского и административного персонала, привлекаемых в рамках реализации настоящего постановления, а также членов их семей без взимания консульских и иных сборов.
17. Министерству внутренних дел по заявкам Министерства высшего образования, науки и инноваций Республики Узбекистан и Филиала обеспечить в установленном порядке выдачу и продление многократных виз, а также временную прописку и ее продление по месту проживания в Республике Узбекистан иностранного профессорско-преподавательского и административного персонала и членов их семей, без взимания государственной пошлины.
18. Министерству занятости и трудовых отношений по заявкам Министерства высшего образования, науки и инноваций и Филиала обеспечить выдачу (продление) в установленном порядке разрешений на привлечение в республику квалифицированных иностранных специалистов, участвующих в создании и деятельности Филиала, а также выдачу (продление) подтверждений иностранным гражданам на право трудовой деятельности на территории Республики Узбекистан.
19. Освободить сроком до 1 января 2019 года от таможенных платежей (за исключением таможенных сборов) современное учебное и научное лабораторное оборудование, компьютерную технику, программные продукты, учебную и научно-методическую литературу, инвентарь и материально-технические ресурсы, не производимые в Республике Узбекистан, ввозимые для оснащения и обеспечения деятельности Филиала, по перечням, утверждаемым в установленном порядке.
20. Центру профессионального образования Министерства высшего и среднего специального образования Республики Узбекистан совместно с хокимиятом Ташкентской области принять меры по:
трудоустройству работников Алмалыкского промышленного профессионального колледжа;
обеспечению дальнейшего обучения контингента учащихся Алмалыкского промышленного профессионального колледжа с размещением их в соответствующих близлежащих профессиональных колледжах по направлениям обучения.
21. Министерству высшего и среднего специального образования Республики Узбекистан совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
22. Контроль за исполнением настоящего постановления возложить на заместителей Премьер-министра Республики Узбекистан К.В. Акмалова, А.С. Султанова, министра высшего и среднего специального образования Республики Узбекистан И.У. Маджидова и председателя правления АО «Алмалыкский ГМК» А.К. Фарманова.
ПРИЛОЖЕНИЕ № 1 к постановлению Президента Республики Узбекистан от 11 мая 2018 года № ПП-3714
обучения и подготовки специалистов в филиале Федерального государственного автономного образовательного учреждения высшего образования «Национальный исследовательский технологический университет «МИСиС»» в г. Алмалык
1. Горное дело;
2. Металлургия;
3. Автоматизация и управление технологических процессов и производств (по отраслям).
ПРИЛОЖЕНИЕ № 2 к постановлению Президента Республики Узбекистан от 11 мая 2018 года № ПП-3714
Попечительского совета филиала Федерального государственного автономного образовательного учреждения высшего образования «Национальный исследовательский технологический университет «МИСиС»» в г. Алмалык
1. Султанов А.С. — заместитель Премьер-министра Республики Узбекистан — председатель правления АО «Узбекнефтегаз», председатель Попечительского совета 2. Фарманов А.К. — председатель правления АО «Алмалыкский ГМК», заместитель председателя Попечительского совета 3. Маджидов И.У. — министр высшего и среднего специального образования Республики Узбекистан 4. Ибрагимов Г.И. — хоким Ташкентской области 5. Набиев Д.Х. — первый заместитель министра высшего и среднего специального образования Республики Узбекистан 6. Асадов Б.З. — первый заместитель министра иностранных дел Республики Узбекистан 7. Ортиков А.Ж. — заместитель министра экономики Республики Узбекистан 8. Исламов Б.Ф. — председатель Государственного комитета Республики Узбекистан по геологии и минеральным ресурсам 9. по согласованию — представитель Национального исследовательского технологического университета «МИСиС» 10. Санакулов К.С. — генеральный директор ГП «Навоийский ГМК» 11. Хурсанов А.Х. — председатель правления АО «Узметкомбинат» 12. Миркасимов М.М. — хоким города Алмалык 13. по согласованию — представитель благотворительного фонда «Искусство, наука и спорт» (Российская Федерация) 14. Абдуллаев Ф.Р. — генеральный директор АО «Узвторцветмет» 15. Турабджанов С.М. — ректор Ташкентского государственного технического университета имени И.Каримова
Президент Республики Узбекистан Ш. МИРЗИЁЕВ
г. Ташкент,
11 мая 2018 г.,
№ ПП-3714