📅 2018-yil 7-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 7 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 7 мая 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 7 May 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Хавфсиз шаҳар» лойиҳасини амалга ошириш бўйича босқичма-босқич чора-тадбирлар ва ягона технологик ёндашувни ташкил қилиш тўғрисида
Ўзбекистон Республикаси Президентининг «Ахборот-коммуникация технологиялари соҳасидаги лойиҳаларни бошқариш тизимини янада такомиллаштириш чора-тадбирлари тўғрисида» 2017 йил 29 августдаги ПҚ-3245-сон қарорига мувофиқ, шунингдек, «Хавфсиз шаҳар» лойиҳасини амалга ошириш борасида ягона технологик ёндашувни ишлаб чиқиш ва амалга оширишнинг аниқ босқичларини белгилаш мақсадида Вазирлар Маҳкамаси қарор қилади:
1. Белгилаб қўйилсинки:
Вазирлар Маҳкамасининг « Бухоро, Самарқанд, Хива ва Шаҳрисабз шаҳарларида хавфсиз туризмни таъминлаш чора-тадбирлари тўғрисида » 2017 йил 23 ноябрдаги 939-сон ва « Самарқанд шаҳрида «112» ягона рақами орқали шошилинч оператив хизматларни чақириш тизимини ташкил қилиш тўғрисида » 2017 йил 5 декабрдаги 966-сон қарорларига мувофиқ амалга оширилаётган «Хавфсиз туризм» ҳамда «Самарқанд шаҳридаги 112 ягона навбатчилик-диспетчерлик хизмати « лойиҳалари ҳамда Йўл ҳаракати қоидаларининг бузилишларини махсус автоматлаштирилган техник фото ва видеофиксация воситалари ёрдамида қайд қилиш тизими «Хавфсиз шаҳар» аппарат-дастурий комплексини (кейинги ўринларда «Хавфсиз шаҳар» АДК деб аталади) яратиш лойиҳасининг ажралмас қисми ҳисобланади;
«Хавфсиз туризм» ва «Самарқанд шаҳридаги 112 ягона навбатчилик-диспетчерлик хизмати» лойиҳаларининг техник ҳужжатларини ишлаб чиқиш ишлари «Хавфсиз шаҳар» АДК бош техник топшириғига мувофиқ амалга оширилади;
«Хавфсиз шаҳар» АДК томонидан истеъмол қилинадиган электр энергияси учун жисмоний ва юридик шахсларнинг харажатлари маълумотларни узатиш тизимлари ускуналари ва видеофиксация воситаларининг эгалари ёки уларни балансида сақловчиларнинг маблағлари ҳисобидан қопланади.
2. Ўзбекистон Республикаси Ахборот технологиялари ва коммуникацияларини ривожлантириш вазирлиги манфаатдор вазирликлар ва идоралар билан биргаликда, шунингдек, халқаро консалтинг компаниясини жалб этган ҳолда:
«Хавфсиз шаҳар» тизимини яратиш ва янада ривожлантириш бўйича янги концепциянинг келишилган лойиҳаси Ўзбекистон Республикаси Президентининг 2017 йил 29 августдаги ПҚ-3245-сон қарори билан ташкил қилинган «Хавфсиз шаҳар» аппарат-дастурий комплекси лойиҳасини амалга оширишни мувофиқлаштириш комиссиясига жорий йил 1 октябргача бўлган муддатда киритилишини таъминласин;
«Хавфсиз шаҳар» АДКни яратиш ва ривожлантириш бўйича бош техник топшириқни жорий йил 1 декабргача бўлган муддатда ишлаб чиқсин.
3. Ўзбекистон Республикаси Ахборот технологиялари ва коммуникацияларини ривожлантириш вазирлиги, Ички ишлар вазирлиги бошқа манфаатдор вазирлик ва идоралар билан биргаликда «Хавфсиз шаҳар» АДКни яратиш бўйича бош техник топшириқ тасдиқлангандан сўнг икки ой муддатда:
«Хавфсиз ҳудуд», «Хавфсиз туризм», «Хавфсиз дам олиш», «Самарқанд шаҳридаги 112 ягона навбатчилик-диспетчерлик хизмати», «Хавфсиз транспорт» лойиҳаларини амалга ошириш дастурини тасдиқласин;
кузатув воситаларини лойиҳалаштириш, ўрнатиш, монтаж қилиш, созлаш, таъмирлаш ва уларга техник хизмат кўрсатиш, шу жумладан видеокузатув соҳасидаги фаолиятни йўлга қўйиш ишларини тартибга солиш юзасидан Вазирлар Маҳкамасига таклиф киритсин.
4. Зарурат бўлганда, «Хавфсиз шаҳар» АДКни жорий қилиш лойиҳасини амалга ошириш доирасида истисно тариқасида, маълумотлар узатиш тизимларининг ускуналари ва видеокузатув объектларида ўрнатилган видеофиксация воситалари истеъмол қиладиган электр энергияси учун тўловни уланган электр ускунанинг қуввати бўйича суткасига 24 соат ишлашидан келиб чиққан ҳолда амалга ошириш имконини берадиган тартибни жорий қилишга рухсат берилсин.
5. Вазирлик ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
6. Ушбу қарорнинг бажарилишини назорат қилиш Ўзбекистон Республикаси Ахборот технологиялари ва коммуникацияларини ривожлантириш вазири А.И. Ахмедхаджаев ва Ички ишлар вазири П.Р. Бобожонов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 7 май,
343-сон
Oʻzbekiston Respublikasi Vazirlar Mahkamasining
qarori
“Xavfsiz shahar” loyihasini amalga oshirish boʻyicha bosqichma-bosqich chora-tadbirlar va yagona texnologik yondashuvni tashkil qilish toʻgʻrisida
Oʻzbekiston Respublikasi Prezidentining “Axborot-kommunikatsiya texnologiyalari sohasidagi loyihalarni boshqarish tizimini yanada takomillashtirish chora-tadbirlari toʻgʻrisida” 2017-yil 29-avgustdagi PQ-3245-son qaroriga muvofiq, shuningdek, “Xavfsiz shahar” loyihasini amalga oshirish borasida yagona texnologik yondashuvni ishlab chiqish va amalga oshirishning aniq bosqichlarini belgilash maqsadida Vazirlar Mahkamasi qaror qiladi:
1. Belgilab qoʻyilsinki:
Vazirlar Mahkamasining “ Buxoro, Samarqand, Xiva va Shahrisabz shaharlarida xavfsiz turizmni taʼminlash chora-tadbirlari toʻgʻrisida ” 2017-yil 23-noyabrdagi 939-son va “ Samarqand shahrida “112” yagona raqami orqali shoshilinch operativ xizmatlarni chaqirish tizimini tashkil qilish toʻgʻrisida ” 2017-yil 5-dekabrdagi 966-son qarorlariga muvofiq amalga oshirilayotgan “Xavfsiz turizm” hamda “Samarqand shahridagi 112 yagona navbatchilik-dispetcherlik xizmati “ loyihalari hamda Yoʻl harakati qoidalarining buzilishlarini maxsus avtomatlashtirilgan texnik foto va videofiksatsiya vositalari yordamida qayd qilish tizimi “Xavfsiz shahar” apparat-dasturiy kompleksini (keyingi oʻrinlarda “Xavfsiz shahar” ADK deb ataladi) yaratish loyihasining ajralmas qismi hisoblanadi;
“Xavfsiz turizm” va “Samarqand shahridagi 112 yagona navbatchilik-dispetcherlik xizmati” loyihalarining texnik hujjatlarini ishlab chiqish ishlari “Xavfsiz shahar” ADK bosh texnik topshirigʻiga muvofiq amalga oshiriladi;
“Xavfsiz shahar” ADK tomonidan isteʼmol qilinadigan elektr energiyasi uchun jismoniy va yuridik shaxslarning xarajatlari maʼlumotlarni uzatish tizimlari uskunalari va videofiksatsiya vositalarining egalari yoki ularni balansida saqlovchilarning mablagʻlari hisobidan qoplanadi.
2. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi manfaatdor vazirliklar va idoralar bilan birgalikda, shuningdek, xalqaro konsalting kompaniyasini jalb etgan holda:
“Xavfsiz shahar” tizimini yaratish va yanada rivojlantirish boʻyicha yangi konsepsiyaning kelishilgan loyihasi Oʻzbekiston Respublikasi Prezidentining 2017-yil 29-avgustdagi PQ-3245-son qarori bilan tashkil qilingan “Xavfsiz shahar” apparat-dasturiy kompleksi loyihasini amalga oshirishni muvofiqlashtirish komissiyasiga joriy yil 1-oktabrgacha boʻlgan muddatda kiritilishini taʼminlasin;
“Xavfsiz shahar” ADKni yaratish va rivojlantirish boʻyicha bosh texnik topshiriqni joriy yil 1-dekabrgacha boʻlgan muddatda ishlab chiqsin.
3. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Ichki ishlar vazirligi boshqa manfaatdor vazirlik va idoralar bilan birgalikda “Xavfsiz shahar” ADKni yaratish boʻyicha bosh texnik topshiriq tasdiqlangandan soʻng ikki oy muddatda:
“Xavfsiz hudud”, “Xavfsiz turizm”, “Xavfsiz dam olish”, “Samarqand shahridagi 112 yagona navbatchilik-dispetcherlik xizmati”, “Xavfsiz transport” loyihalarini amalga oshirish dasturini tasdiqlasin;
kuzatuv vositalarini loyihalashtirish, oʻrnatish, montaj qilish, sozlash, taʼmirlash va ularga texnik xizmat koʻrsatish, shu jumladan videokuzatuv sohasidagi faoliyatni yoʻlga qoʻyish ishlarini tartibga solish yuzasidan Vazirlar Mahkamasiga taklif kiritsin.
4. Zarurat boʻlganda, “Xavfsiz shahar” ADKni joriy qilish loyihasini amalga oshirish doirasida istisno tariqasida, maʼlumotlar uzatish tizimlarining uskunalari va videokuzatuv obyektlarida oʻrnatilgan videofiksatsiya vositalari isteʼmol qiladigan elektr energiyasi uchun toʻlovni ulangan elektr uskunaning quvvati boʻyicha sutkasiga 24 soat ishlashidan kelib chiqqan holda amalga oshirish imkonini beradigan tartibni joriy qilishga ruxsat berilsin.
5. Vazirlik va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
6. Ushbu qarorning bajarilishini nazorat qilish Oʻzbekiston Respublikasi Axborot texnologiyalari va kommunikatsiyalarini rivojlantirish vaziri A.I. Axmedxadjayev va Ichki ishlar vaziri P.R. Bobojonov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 7-may,
343-son
Кабинета Министров Республики Узбекистан
Постановление
Об организации поэтапных мер и единого технологического подхода по реализации проекта «Безопасный город»
В соответствии с постановлением Президента Республики Узбекистан от 29 августа 2017 года № ПП-3245 «О мерах по дальнейшему совершенствованию системы управления проектами в сфере информационно-коммуникационных технологий», а также в целях выработки единого технологического подхода к реализации проекта «Безопасный город» и определения конкретных этапов его осуществления Кабинет Министров постановляет:
1. Установить, что:
проекты «Безопасный туризм» и «Единая дежурно-диспетчерская служба — 112 в городе Самарканде», реализуемые в соответствии с постановлениями Кабинета Министров от 23 ноября 2017 года № 939 « О мерах по обеспечению безопасного туризма в городах Бухаре, Самарканде, Хиве и Шахрисабзе » и от 5 декабря 2017 года № 966 « Об организации в городе Самарканде системы вызова экстренных оперативных служб по единому номеру «112» , и система фиксации нарушений Правил дорожного движения с помощью специальных автоматизированных технических средств фото- и видеофиксации являются неотъемлемой частью проекта по созданию аппаратно-программного комплекса «Безопасный город» (далее — АПК «Безопасный город»);
работы по разработке технической документации проектов «Безопасный туризм», «Единая дежурно-диспетчерская служба — 112 в городе Самарканде» осуществляются в соответствии с генеральным техническим заданием АПК «Безопасный город»;
расходы физических и юридических лиц за потребляемую электрическую энергию АПК «Безопасный город» покрываются за счет средств владельцев или балансодержателей оборудования систем передачи данных и средств видеофиксации.
2. Министерству по развитию информационных технологий и коммуникаций совместно с заинтересованными министерствами и ведомствами, а также с привлечением международной консалтинговой компании:
в срок до 1 октября текущего года обеспечить внесение для утверждения в Комиссию по координации реализации проекта по созданию единого аппаратно-программного комплекса «Безопасный город», созданную постановлением Президента Республики Узбекистан от 29 августа 2017 года № ПП-3245, согласованного проекта обновленной Концепции создания и дальнейшего развития системы «Безопасный город»;
в срок до 1 декабря текущего года разработать генеральное техническое задание на создание и развитие АПК «Безопасный город».
3. Министерству по развитию информационных технологий и коммуникаций, Министерству внутренних дел Республики Узбекистан совместно с другими заинтересованными министерствами и ведомствами в двухмесячный срок после утверждения генерального технического задания на создание АПК «Безопасный город»:
утвердить программу по реализации проектов «Безопасная территория», «Безопасный туризм», «Безопасный отдых», «Единая дежурно-диспетчерская служба — 112 в городе Самарканде», «Безопасный транспорт»;
внести в Кабинет Министров предложение по упорядочению организации работ по проектированию, установке, монтажу, наладке, ремонту и техническому обслуживанию средств наблюдения, в том числе урегулированию деятельности в области видеонаблюдения.
4. Разрешить при необходимости в рамках реализации проекта по внедрению АПК «Безопасный город» в порядке исключения ввести порядок, согласно которому оплата электрической энергии, потребляемой оборудованием систем передачи данных и средств видеофиксации, установленным на объектах видеонаблюдения, производится по мощности подключенного электрооборудования из расчета его работы 24 часа в сутки.
5. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
6. Контроль за исполнением настоящего постановления возложить на министра по развитию информационных технологий и коммуникаций Республики Узбекистан А.И. Ахмедхаджаева и министра внутренних дел Республики Узбекистан П.Р. Бобожонова.
Премьер-министр Республики Узбекистан А. АРИПОВ
г. Ташкент,
7 мая 2018 г.,
№ 343