📅 2018-yil 14-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 14 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 мая 2018 г. · Постановления Президента
Официальный текст. Официальный документ. Редакционные примечания не включены.
📅 14 May 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Давлат маданият муассасалари ва давлат архивлари ходимлари меҳнатига ҳақ тўлашнинг такомиллаштирилган тизимини жорий этиш ва уларни моддий рағбатлантиришни кучайтириш тўғрисида
2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини амалга ошириш доирасида мамлакатда давлат театрлари, цирклари, музейлари, ҳайвонот боғлари, концерт ташкилотлари, ижодий жамоалари, маданий-маърифий муассасалари (кейинги ўринларда давлат маданият муассасалари деб юритилади) ва давлат архивларининг моддий-техника базасини мустаҳкамлаш борасида кенг кўламли ишлар амалга оширилмоқда.
Ўзбекистон Республикаси Маданият вазирлиги ва унинг ҳудудий бошқармалари ташкил этилиши маданият соҳасида ягона давлат сиёсатини юритишга, миллий маданий ва маънавий меросни асраб-авайлаш ва кўпайтириш юзасидан тизимли чора-тадбирлар амалга оширишга, санъатни ва бадиий ижодни ҳар томонлама ривожлантиришга, халқимизнинг маънавий-ахлоқий ва маданий даражасини янада юксалтиришни рағбатлантиришга, уни миллий ва жаҳон маданиятининг энг яхши намуналаридан баҳраманд этишга имкон берди.
Ўзбекистон Республикаси Вазирлар Маҳкамаси ҳузуридаги «Ўзархив» агентлиги (кейинги ўринларда — «Ўзархив» агентлиги) томонидан Ўзбекистон Республикаси Миллий архив фондида бўлган ҳужжатли маданий мерос объектларини ҳисобга олиш, муҳофаза қилиш ва улардан фойдаланиш юзасидан чоралар кўрилмоқда.
Шу билан бирга, бадиий ижодни, жумладан театр, мусиқа, хореография, эстрада, цирк ва халқ амалий санъатини янада ривожлантириш, халқ тарихи ва унинг замонавий ҳаётининг энг ёрқин саҳифаларини акс эттирувчи асарлар яратишда ижодий жамоаларга, айниқса, ижодкор ёшларга ҳар томонлама кўмаклашиш бўйича белгиланган вазифалар маданият ва архивлар соҳасидаги малакали кадрларни рағбатлантирмасдан таъминланиши мумкин эмас.
Ўзбекистон Республикаси Давлат бюджетидан молиялаштириладиган давлат маданият муассасалари ва давлат архивлари ходимларининг ижодий маҳоратини муносиб баҳолашни таъминлашга, касбий даражасини ҳамда малакасини узлуксиз ошириши учун рағбатлантириш усулларини яратишга йўналтирилган меҳнатига ҳақ тўлаш ва моддий таъминотини яхшилаш тизимини янада такомиллаштириш мақсадида:
1. Ўзбекистон Республикаси Маданият вазирлиги, «Ўзархив» агентлиги, Молия вазирлиги ҳамда Бандлик ва меҳнат муносабатлари вазирлигининг:
2018 йил 1 июндан давлат маданият муассасалари артистлари, маъмурий- бошқарув, бадиий-раҳбар, ижодий ва бошқа ходимларининг, шунингдек, давлат архивлари бошқарув ходимлари ва мутахассисларининг (кейинги ўринларда — давлат маданият муассасалари ва давлат архивларининг ходимлари) меҳнат ҳақи миқдорларини ўртача 45 фоизга ошириш;
2018 йил 1 июндан давлат маданият муассасалари ва давлат архивлари ходимларининг малака тоифалари ва лавозимлари бўйича базавий лавозим маошларини белгилашни назарда тутувчи меҳнатига ҳақ тўлашнинг такомиллаштирилган тизимини жорий этиш ҳамда лавозим маошлари ўртасидаги тафовутни кўпайтириш ҳисобига касбий ўсишни рағбатлантириш;
2018 йил 1 июндан Ўзбекистон давлат цирки, ҳайвонот боғлари, Ўзбекистон Республикаси Маданият вазирлигининг кўзи ожизлар учун кутубхоналари ходимларининг алоҳида тоифаларига театр-концерт ташкилотларининг артистлари ва бадиий ходимларига узоқ муддат хизмат қилганлиги учун белгиланган миқдорларда ҳар ойда тақдирлаш пули тўланишини белгилаш тўғрисидаги таклифлари маъқуллансин.
2. Белгилаб қўйилсинки, мазкур қарорда назарда тутилган меҳнатга ҳақ тўлашнинг такомиллаштирилган тизими жорий этилиши ва узоқ муддат хизмат қилганлиги учун ҳар ойда тақдирлаш пули тўланиши билан боғлиқ харажатлар Ўзбекистон Республикаси Давлат бюджети маблағлари ва тегишли давлат маданият муассасалари ҳамда давлат архивларининг бюджетдан ташқари маблағлари ҳисобидан амалга оширилади.
3. Ўзбекистон Республикаси Вазирлар Маҳкамаси икки ҳафта муддатда:
Ўзбекистон Республикаси Давлат бюджетидан молиялаштириладиган давлат маданият муассасалари ва давлат архивлари ходимлари меҳнатига ҳақ тўлаш бўйича базавий лавозим маошлари миқдорларини;
мазкур қарорнинг 1-бандига мувофиқ узоқ муддат хизмат қилганлиги учун ҳар ойлик тақдирлаш пули белгиланадиган давлат маданият муассасалари ва давлат архивлари ходимларининг алоҳида тоифалари рўйхатини;
Ўзбекистон Республикаси Давлат бюджетидан молиялаштириладиган давлат маданият муассасалари ва давлат архивлари ходимлари меҳнатига ҳақ тўлаш ҳамда уларни моддий рағбатлантириш тартиби тўғрисидаги низомни тасдиқласин.
4. 2018 йил 1 июндан концерт-томоша кўрсатиш фаолияти билан шуғулланиш учун лицензияга эга бўлган, юридик ва жисмоний шахсларни (шу жумладан, норезидентларни) жалб этиш йўли билан оммавий томоша тадбирларини ташкил этишдан даромадлар оладиган микрофирма ва кичик корхоналар учун ягона солиқ тўлови ставкаси 30 фоиздан 5 фоизгача пасайтирилсин.
5. Ўзбекистон Республикаси Президентининг 2017 йил 29 декабрдаги «Ўзбекистон Республикасининг 2018 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги ПҚ-3454-сон қарорига 9 1 -илованинг рус тилидаги матнида 4-позицияси «Ставки налога в % к налогооблагаемой базе» устунидаги «30» рақами «5» рақами билан алмаштирилсин.
6. Ўзбекистон Республикаси Маданият вазирлиги ва «Ўзархив» агентлиги бир ой муддатда манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
7. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси маданият вазири Б.С. Сайфуллаев ва «Ўзархив» агентлиги бош директори У.Б. Аъламов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 14 май,
ПҚ-3727-сон
Oʻzbekiston Respublikasi Prezidentining
Qarori
Davlat madaniyat muassasalari va davlat arxivlari xodimlari mehnatiga haq toʻlashning takomillashtirilgan tizimini joriy etish va ularni moddiy ragʻbatlantirishni kuchaytirish toʻgʻrisida
2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini amalga oshirish doirasida mamlakatda davlat teatrlari, sirklari, muzeylari, hayvonot bogʻlari, konsert tashkilotlari, ijodiy jamoalari, madaniy-maʼrifiy muassasalari (keyingi oʻrinlarda davlat madaniyat muassasalari deb yuritiladi) va davlat arxivlarining moddiy-texnika bazasini mustahkamlash borasida keng koʻlamli ishlar amalga oshirilmoqda.
Oʻzbekiston Respublikasi Madaniyat vazirligi va uning hududiy boshqarmalari tashkil etilishi madaniyat sohasida yagona davlat siyosatini yuritishga, milliy madaniy va maʼnaviy merosni asrab-avaylash va koʻpaytirish yuzasidan tizimli chora-tadbirlar amalga oshirishga, sanʼatni va badiiy ijodni har tomonlama rivojlantirishga, xalqimizning maʼnaviy-axloqiy va madaniy darajasini yanada yuksaltirishni ragʻbatlantirishga, uni milliy va jahon madaniyatining eng yaxshi namunalaridan bahramand etishga imkon berdi.
Oʻzbekiston Respublikasi Vazirlar Mahkamasi huzuridagi “Oʻzarxiv” agentligi (keyingi oʻrinlarda — “Oʻzarxiv” agentligi) tomonidan Oʻzbekiston Respublikasi Milliy arxiv fondida boʻlgan hujjatli madaniy meros obyektlarini hisobga olish, muhofaza qilish va ulardan foydalanish yuzasidan choralar koʻrilmoqda.
Shu bilan birga, badiiy ijodni, jumladan teatr, musiqa, xoreografiya, estrada, sirk va xalq amaliy sanʼatini yanada rivojlantirish, xalq tarixi va uning zamonaviy hayotining eng yorqin sahifalarini aks ettiruvchi asarlar yaratishda ijodiy jamoalarga, ayniqsa, ijodkor yoshlarga har tomonlama koʻmaklashish boʻyicha belgilangan vazifalar madaniyat va arxivlar sohasidagi malakali kadrlarni ragʻbatlantirmasdan taʼminlanishi mumkin emas.
Oʻzbekiston Respublikasi Davlat budjetidan moliyalashtiriladigan davlat madaniyat muassasalari va davlat arxivlari xodimlarining ijodiy mahoratini munosib baholashni taʼminlashga, kasbiy darajasini hamda malakasini uzluksiz oshirishi uchun ragʻbatlantirish usullarini yaratishga yoʻnaltirilgan mehnatiga haq toʻlash va moddiy taʼminotini yaxshilash tizimini yanada takomillashtirish maqsadida:
1. Oʻzbekiston Respublikasi Madaniyat vazirligi, “Oʻzarxiv” agentligi, Moliya vazirligi hamda Bandlik va mehnat munosabatlari vazirligining:
2018-yil 1-iyundan davlat madaniyat muassasalari artistlari, maʼmuriy- boshqaruv, badiiy-rahbar, ijodiy va boshqa xodimlarining, shuningdek, davlat arxivlari boshqaruv xodimlari va mutaxassislarining (keyingi oʻrinlarda — davlat madaniyat muassasalari va davlat arxivlarining xodimlari) mehnat haqi miqdorlarini oʻrtacha 45 foizga oshirish;
2018-yil 1-iyundan davlat madaniyat muassasalari va davlat arxivlari xodimlarining malaka toifalari va lavozimlari boʻyicha bazaviy lavozim maoshlarini belgilashni nazarda tutuvchi mehnatiga haq toʻlashning takomillashtirilgan tizimini joriy etish hamda lavozim maoshlari oʻrtasidagi tafovutni koʻpaytirish hisobiga kasbiy oʻsishni ragʻbatlantirish;
2018-yil 1-iyundan Oʻzbekiston davlat sirki, hayvonot bogʻlari, Oʻzbekiston Respublikasi Madaniyat vazirligining koʻzi ojizlar uchun kutubxonalari xodimlarining alohida toifalariga teatr-konsert tashkilotlarining artistlari va badiiy xodimlariga uzoq muddat xizmat qilganligi uchun belgilangan miqdorlarda har oyda taqdirlash puli toʻlanishini belgilash toʻgʻrisidagi takliflari maʼqullansin.
2. Belgilab qoʻyilsinki, mazkur qarorda nazarda tutilgan mehnatga haq toʻlashning takomillashtirilgan tizimi joriy etilishi va uzoq muddat xizmat qilganligi uchun har oyda taqdirlash puli toʻlanishi bilan bogʻliq xarajatlar Oʻzbekiston Respublikasi Davlat budjeti mablagʻlari va tegishli davlat madaniyat muassasalari hamda davlat arxivlarining budjetdan tashqari mablagʻlari hisobidan amalga oshiriladi.
3. Oʻzbekiston Respublikasi Vazirlar Mahkamasi ikki hafta muddatda:
Oʻzbekiston Respublikasi Davlat budjetidan moliyalashtiriladigan davlat madaniyat muassasalari va davlat arxivlari xodimlari mehnatiga haq toʻlash boʻyicha bazaviy lavozim maoshlari miqdorlarini;
mazkur qarorning 1-bandiga muvofiq uzoq muddat xizmat qilganligi uchun har oylik taqdirlash puli belgilanadigan davlat madaniyat muassasalari va davlat arxivlari xodimlarining alohida toifalari roʻyxatini;
Oʻzbekiston Respublikasi Davlat budjetidan moliyalashtiriladigan davlat madaniyat muassasalari va davlat arxivlari xodimlari mehnatiga haq toʻlash hamda ularni moddiy ragʻbatlantirish tartibi toʻgʻrisidagi nizomni tasdiqlasin.
4. 2018-yil 1-iyundan konsert-tomosha koʻrsatish faoliyati bilan shugʻullanish uchun litsenziyaga ega boʻlgan, yuridik va jismoniy shaxslarni (shu jumladan, norezidentlarni) jalb etish yoʻli bilan ommaviy tomosha tadbirlarini tashkil etishdan daromadlar oladigan mikrofirma va kichik korxonalar uchun yagona soliq toʻlovi stavkasi 30 foizdan 5 foizgacha pasaytirilsin.
5. Oʻzbekiston Respublikasi Prezidentining 2017-yil 29-dekabrdagi “Oʻzbekiston Respublikasining 2018-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-3454-son qaroriga 9 1 -ilovaning rus tilidagi matnida 4-pozitsiyasi “Stavki naloga v % k nalogooblagayemoy baze” ustunidagi “30” raqami “5” raqami bilan almashtirilsin.
6. Oʻzbekiston Respublikasi Madaniyat vazirligi va “Oʻzarxiv” agentligi bir oy muddatda manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi madaniyat vaziri B.S. Sayfullayev va “Oʻzarxiv” agentligi bosh direktori U.B. Aʼlamov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 14-may,
PQ-3727-son
Президента Республики Узбекистан
Постановление
О введении усовершенствованной системы оплаты труда и усилении материального стимулирования работников государственных учреждений культуры и государственных архивов
В рамках реализации Стратегии действий по пяти приоритетным направлениям развития Республики Узбекистан в 2017 — 2021 годах в стране осуществляется полномасштабная работа по укреплению материально-технической базы государственных театров, цирков, музеев, зоологических парков, концертных организаций, творческих коллективов, культурно-просветительных учреждений (далее — государственные учреждения культуры) и государственных архивов.
Создание Министерства культуры Республики Узбекистан и его территориальных управлений способствовало реализации единой государственной политики в области культуры, осуществлению системных мер по сохранению и приумножению национального культурного и духовного наследия, всемерному развитию искусства и художественного творчества, стимулированию дальнейшего повышения духовно-нравственного и культурного уровня населения, приобщения его к лучшим образцам национальной и мировой культуры.
Агентством «Узархив» при Кабинете Министров Республики Узбекистан (далее — Агентство «Узархив») принимаются меры по учету, охране и использованию документальных объектов культурного наследия, находящихся в Национальном архивном фонде Республики Узбекистан.
Вместе с тем, поставленная задача по дальнейшему развитию художественного творчества, в том числе театрального, музыкального, хореографического, эстрадного, циркового и народно-прикладного искусства, оказанию всемерного содействия творческим коллективам, особенно творческой молодежи, в создании произведений, отражающих наиболее яркие страницы истории народа и его современной жизни, не может быть обеспечена без стимулирования квалифицированных кадров в сфере культуры и архивов.
В целях дальнейшего совершенствования системы оплаты труда и улучшения материального обеспечения работников государственных учреждений культуры и архивов, финансируемых из Государственного бюджета Республики Узбекистан, направленной на обеспечение достойной оценки их творческого мастерства, создания стимулов для непрерывного повышения их профессионального уровня и квалификации:
1. Одобрить предложения Министерства культуры, Агентства «Узархив», Министерства финансов и Министерства занятости и трудовых отношений Республики Узбекистан о:
повышении с 1 июня 2018 года в среднем на 45 процентов размеров заработной платы административно-управленческого, художественно-руководящего, артистического, творческого и прочего персонала государственных учреждений культуры, а также руководящих работников и специалистов государственных архивов (далее — работники государственных учреждений культуры и государственных архивов);
введении с 1 июня 2018 года усовершенствованной системы оплаты труда работников государственных учреждений культуры и государственных архивов с установлением базовых должностных окладов по квалификационным категориям и должностям, а также стимулирования профессионального роста за счет увеличения интервала между должностными окладами;
установлении с 1 июня 2018 года выплат ежемесячного вознаграждения за выслугу лет отдельным категориям работников Узбекского государственного цирка, зоологических парков, библиотек для слепых Министерства культуры Республики Узбекистан, в размерах, предусмотренных для артистического и художественного персонала театрально-концертных организаций.
2. Установить, что расходы, связанные с введением усовершенствованной системы оплаты труда и выплатой ежемесячного вознаграждения за выслугу лет, предусмотренные настоящим постановлением, производятся за счет средств Государственного бюджета Республики Узбекистан и внебюджетных средств соответствующих государственных учреждений культуры и государственных архивов.
3. Кабинету Министров Республики Узбекистан в двухнедельный срок утвердить:
размеры базовых должностных окладов по оплате труда работников государственных учреждений культуры и государственных архивов, финансируемых из Государственного бюджета Республики Узбекистан;
перечни отдельных категорий работников государственных учреждений культуры и государственных архивов, которым устанавливается ежемесячное вознаграждение за выслугу лет в соответствии с пунктом 1 настоящего постановления;
Положение о порядке оплаты труда и материального стимулирования работников государственных учреждений культуры и государственных архивов, финансируемых из Государственного бюджета Республики Узбекистан.
4. Снизить с 1 июня 2018 года ставку единого налогового платежа для микрофирм и малых предприятий, получающих доходы от организации массовых зрелищных мероприятий путем привлечения юридических и физических лиц (включая нерезидентов), имеющих лицензию на занятие концертно-зрелищной деятельностью, с 30 до 5 процентов.
5. В графе «Ставки налога в % к налогооблагаемой базе» позиции 4 приложения № 9 1 к постановлению Президента Республики Узбекистан от 29 декабря 2017 года № ПП-3454 «О прогнозе основных макроэкономических показателей и параметрах Государственного бюджета Республики Узбекистан на 2018 год» цифру «30» заменить цифрой «5».
6. Министерству культуры и Агентству «Узархив» в месячный срок совместно с заинтересованными министерствами и ведомствами внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
7. Контроль за исполнением настоящего постановления возложить на Премьер-министра Республики Узбекистан А.Н. Арипова, министра культуры Республики Узбекистан Б.С. Сайфуллаева и генерального директора Агентства «Узархив» У.Б. Аъламова.
Президент Республики Узбекистан Ш. МИРЗИЁЕВ
г. Ташкент,
14 мая 2018 г.,
№ ПП-3727