📅 2018-yil 1-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 1 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 мая 2018 г. · Постановления Президента
Официальный текст. Официальный документ. Редакционные примечания не включены.
📅 1 May 2018 · Presidential resolutions
Official text. Official document. Editorial notes are not included.
Ўзбекистон Республикаси Президенти ҳузуридаги лойиҳа бошқаруви миллий агентлиги директорининг
буйруғи
НИЗОМ
Давлат харидлари соҳасидаги шикоятларни кўриб чиқиш тартиби тўғрисидаги низомни тасдиқлаш ҳақида
Ўзбекистон Республикасининг «Давлат харидлари тўғрисида»ги Қонунига асосан буюраман:
1. Давлат харидлари соҳасидаги шикоятларни кўриб чиқиш тартиби тўғрисидаги низом иловага мувофиқ тасдиқлансин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси Президенти ҳузуридаги Лойиҳа бошқаруви миллий агентлиги директорининг 2018 йил 1 майдаги 180-сон буйруғига ИЛОВА
Давлат харидлари соҳасидаги шикоятларни кўриб чиқиш тартиби тўғрисидаги
Ушбу Низом Ўзбекистон Республикасининг «Давлат харидлари тўғрисида»ги Қонунига мувофиқ давлат харидлари соҳасидаги шикоятларни доимий равишда фаолият кўрсатадиган Давлат харидлари соҳасидаги шикоятларни кўриб чиқиш бўйича комиссия (бундан буён матнда Комиссия деб юритилади) томонидан кўриб чиқилиши тартибини белгилайди.
1-боб. Умумий қоидалар
1. Харид қилиш тартиб-таомилларининг ҳар бир иштирокчиси, шунингдек назоратни амалга ошираётган шахслар (бундан буён матнда аризачи деб юритилади) давлат буюртмачисининг (бундан буён матнда буюртмачи деб юритилади), харид комиссиясининг, унинг аъзоларининг, давлат харидлари электрон тизими операторининг (бундан буён матнда Оператор деб юритилади) ҳаракатлари (ҳаракатсизлиги) устидан, агар бундай ҳаракатлар (ҳаракатсизлик) иштирокчининг ҳуқуқлари ва қонуний манфаатларини бузаётган бўлса, суд тартибида ёки Комиссияга шикоят қилиш ҳуқуқига эга.
2. Давлат харидлари натижасида тузилган шартномаларда назарда тутилган мажбуриятларни бажариш доирасида келиб чиқадиган низолар ва келишмовчиликларни тартибга солиш масалалари Комиссия томонидан кўриб чиқилмайди ва қонунчилик ҳужжатларида белгиланган тартибда ҳал этилиши лозим.
2-боб. Комиссиянинг вазифалари ва шакллантириш тартиби
3. Комиссия доимий равишда фаолият кўрсатадиган орган бўлиб, ўзининг вазифаларини Ўзбекистон Республикасининг «Давлат харидлари тўғрисида»ги Қонунига , мазкур Низомга ҳамда бошқа қонунчилик ҳужжатларига мувофиқ амалга оширади.
4. Комиссия:
буюртмачининг қонунга хилоф ҳаракатларига, қарорларига ёки у томонидан қонунга хилоф тартиб-таомиллар бажарилишига доир тақиқ ўрнатади;
буюртмачининг қонунга хилоф қарорларини, шу жумладан давлат харидлари соҳасидаги ҳужжатларнинг шартларини бузадиган қарорларини қисман ёки тўлиқ бекор қилади;
харид қилиш тартиб-таомилларини тугатиш ҳақида қарор чиқаради;
ижрочини Инсофсиз ижрочиларнинг ягона реестрига киритиш тўғрисида қарор қабул қилади;
5. Комиссия Ўзбекистон Республикаси Иқтисодиёт ва молия вазирлиги томонидан тузилади, унинг таркиби тегишли давлат органлари, Операторлар ва жамоатчилик вакилларидан иборат бўлади ва Ўзбекистон Республикаси Вазирлар Маҳкамаси томонидан тасдиқланади.
6. Комиссия ишчи органининг вазифасини Ўзбекистон Республикаси Иқтисодиёт ва молия вазирлиги амалга оширади.
7. Комиссия таркибига:
Комиссия раиси;
Комиссия раисининг ўринбосари;
Комиссия аъзолари киради.
8. Комиссия раиси ўз ваколатлари доирасида:
Комиссия фаолиятини ва унинг иш тартибига риоя этилишини ташкил этади;
шикоятларни кўриб чиқиш кунини белгилайди ва Комиссия мажлисини ўтказади;
Комиссия аъзолари ўртасида мажбуриятларни тақсимлайди;
Комиссия томонидан қабул қилинган қарорлар устидан назоратни ташкил этади;
Комиссиянинг фаолияти тўғрисида даврий ҳисоботлар тайёрлайди ва уни махсус ахборот порталида эълон қилади.
Комиссия раиси қонунчилик ҳужжатларига мувофиқ бошқа ваколатларни ҳам амалга ошириши мумкин.
Комиссия раиси комиссияга юклатилган вазифаларни бажарилиши учун шахсан жавобгардир.
Комиссия раиси йўқлигида унинг вазифаларини ўринбосари бажаради.
9. Комиссия раисининг ўринбосари ва Комиссия аъзолари ўз ваколатлари доирасида:
Комиссия ишида иштирок этади;
қарор қабул қилишдаги овоз беришда иштирок этади;
Комиссия раисининг топшириғи бўйича Комиссия кўриб чиқиши учун киритилган масалалар юзасидан тегишли хулосалар тақдим этади;
давлат бошқаруви ва хўжалик органларидан, давлат буюртмачиларидан, иштирокчилардан, ижрочилардан, Операторлардан ва бошқа ташкилотлардан ўз фаолияти учун зарур бўладиган ҳар қандай ахборот, материал ва тушунтиришларни сўраб олади;
давлат харидлари масалалари бўйича шикоятларни кўриб чиқиш билан боғлиқ бошқа вазифаларни амалга оширади.
10. Комиссия зарур ҳолатларда мутахассисларни мустақил эксперт сифатида овоз бериш ҳуқуқисиз жалб қилиш ҳуқуқига эга.
11. Комиссия мажлислари, агар уларнинг ишида Комиссия аъзоларининг умумий сонининг учдан икки аъзоси иштирок этса, ваколатли ҳисобланади.
12. Комиссия кун тартибига киритилган масалани кўриб чиқиш жараёнида Комиссия раиси, унинг ўринбосари ёки Комиссия аъзоси ўзларида манфаатлар тўқнашувига олиб келиши мумкин бўлган бевосита ёки билвосита шахсий манфаатдорлик юзага келган ҳолатда, Комиссия раиси, унинг ўринбосари ёки Комиссия аъзоси йиғилиш бошланишидан олдин бу ҳақда маълум қилишга мажбур.
Бу ҳолатда манфаатлар тўқнашувига олиб келиши мумкин бўлган бевосита ёки билвосита шахсий манфаатдорлиги юзага келган Комиссия раиси, унинг ўринбосари ёки Комиссия аъзоси кўрсатилган масалани кўриб чиқиш жараёнида иштирок этмайди.
13. Комиссия мажлислари, мажлис баённомаларида расмийлаштирилади.
14. Комиссиянинг ишчи органи:
Комиссиянинг навбатдаги мажлисига барча зарур материалларни ўз вақтида тайёрланишини таъминлайди;
махсус ахборот порталида Комиссия аъзолари учун шахсий кабинетлар очади;
Комиссия ҳужжатларини бут сақланишини таъминлайди;
шикоятни Комиссия аъзоларининг шахсий кабинетларига юборади;
навбатдаги мажлисга барча зарур ҳужжатларни йиғилишини, умумлаштирилишини ва Комиссия раисига тақдим этилишини таъминлайди;
Комиссиянинг қарори асосида ижрочиларни Инсофсиз ижрочиларнинг ягона реестрига киритади;
Комиссия мажлиси баённомасини юритади.
15. Комиссияга аризачидан шикоят тушгандан ва уни кўриб чиқиш санаси тайинлангандан сўнг, Комиссиянинг ишчи органи ушбу Низом талабларига мувофиқ мажлисни ўтказиш бўйича ташкилий чора-тадбирларни амалга оширади.
3-боб. Шикоятларни бериш тартиби
16. Аризачи шикоятни Комиссияга ёзма шаклда ёки ўзининг шахсий кабинет орқали электрон шаклда юборади. Шикоятга унда кўрсатилган ҳолатларни тасдиқловчи далиллар илова қилинади.
Аноним мурожаатлар Комиссия томонидан кўриб чиқилмайди.
17. Аризачи қуйидаги ҳолатларда шикоят беради:
буюртмачининг, харид комиссиясининг, унинг аъзоларининг, Операторнинг ноқонуний ҳаракатлари (ҳаракатсизлиги) устидан, агар бундай ҳаракатлар (ҳаракатсизлик) иштирокчининг ҳуқуқлари ва қонуний манфаатларини бузаётган бўлса;
харид қилиш тартиб-таомиллари бузилганда;
буюртмачилар томонидан таклифларни бериш муддатлари асоссиз ўзгартирилганда;
иштирокчининг таклифи буюртмачилар томонидан асоссиз қабул қилинмаганда ёки рад қилинганда;
буюртмачилар томонидан давлат харидларини амалга оширишнинг рақобатга асосланмаган усуллари қонунга хилоф равишда танланганда;
давлат харидларида иштирокчиларнинг иштирок этиши тўғрисидаги ахборотни буюртмачилар томонидан ошкор этилганда;
буюртмачилар томонидан иштирокчилар сонини асоссиз равишда чеклашга ёки уларнинг малакасига қўйилган талабларни оширишга, рақобатга йўл қўймасликнинг, уни чеклашнинг ёки бартараф этишнинг бошқа шаклларига йўл қўйилганда, қонунчилик ҳужжатларида белгиланган ҳоллар бундан мустасно;
нархларни ёки иштирокчиларни саралаш натижаларини бузиб кўрсатиш мақсадида иштирокчилар олдиндан тил бириктирилганда;
ишончсиз ёки бузиб кўрсатилган ахборот тақдим этилганда ёки тарқатилганда, шунингдек давлат харидлари тўғрисидаги ахборотдан фойдаланиш асоссиз равишда чекланганда;
Ўзбекистон Республикасининг «Давлат харидлари тўғрисида»ги Қонунида белгиланган бошқа ҳолатларда.
4-боб. Шикоятларни кўриб чиқиш тартиби
18. Комиссия шикоятни кўриб чиқишда иштирок этадиган шахсларни (бундан буён матнда тарафлар деб юритилади) махсус ахборот портали орқали йиғилиш вақти ва жойи тўғрисида хабардор қилади. Комиссия шикоятни буюртмачи ва иштирокчининг иштирокида кўриб чиқади, бундан иштирокчи шикоятни унинг иштирокисиз кўриб чиқишга розилик билдирган ёки узрли сабабларсиз иштирок этмаган ҳоллар мустасно.
19. Шикоятларни кўриб чиқиш бўйича мажлисда иштирок этиш учун, тарафлар белгиланган тартибда ишончнома расмийлаштириб, ўзларининг вакилларини юборишлари мумкин.
19 1 . Комиссиянинг мажлислари ахборот-коммуникация технологиялари воситаларидан фойдаланган ҳолда масофадан ўтказилиши мумкин.
20. Комиссия шикоятни қабул қилиб олганда шикоят келиб тушган кундан эътиборан уч иш куни ичида шикоят ҳақида буюртмачини хабардор қилади ҳамда харид қилиш тартиб-таомилини ўн иш кунигача бўлган умумий муддатга тўхтатиб туради.
21. Аризачининг шикоятида қуйидагилар кўрсатилиши лозим:
а) номи, жойлашган ери (юридик шахс учун), фамилияси, исми, отасининг исми, турган жойи (жисмоний шахс учун), почта манзили, электрон почта манзили, телефон рақами;
б) шикоят қилинаётган ҳаракатлар (ҳаракатсизлик) ва шикоятнинг бошқа асослари;
в) шикоят беришга ваколатли шахснинг имзоси ва сана.
22. Шикоятга унинг асослилигини тасдиқловчи ҳужжатлар илова қилинади. Бунда, шикоятда унга илова қилинаётган ҳужжатлар рўйхати бўлиши керак, шунингдек тарафларга шикоятнинг нусхалари юборилганлиги тасдиғи бўлиши керак.
22 1 . Комиссия шикоятларни кўриб чиқиш ва қарор қабул қилиш жараёнида махсус ахборот порталида юритиладиган иштирокчиларнинг рейтингидан фойдаланиши мумкин.
23. Комиссия шикоят олинганидан кейин етти иш куни ичида у бўйича қарор чиқариши ва бу ҳақдаги ахборотни махсус ахборот порталида жойлаштириши керак.
24. Шикоят бўйича қарор Комиссия аъзолари умумий сонининг кўпчилик овози билан қабул қилинади. Овозлар тенг бўлган тақдирда, Комиссия раисининг овози ҳал қилувчи ҳисобланади.
Комиссиянинг ҳар бир аъзоси қабул қилинган қарор бўйича ўзининг алоҳида фикрини ёзма баён этишга ҳақли.
25. Комиссия янги очилган ҳолатлар асосида аввал қабул қилинган қарорларини қайта кўриб чиқиши мумкин.
26. Комиссия мажлислари қарорларининг асл нусхалари ва уларга илова қилинган материаллар Комиссиянинг ишчи органида сақланади.
27. Комиссиянинг ишчи органи қарор нусхаларини қарор қабул қилинган кундан эътиборан икки иш куни мобайнида тарафларга юборади.
28. Комиссия қароридан норози бўлган тақдирда, тарафлар қонунчилик ҳужжатларида белгиланган тартибда судга мурожаат қилиш ҳуқуқига эга.
29. Комиссиянинг ўз ваколатлари доирасида қабул қилинган қарорлари тарафлар учун бажарилиши мажбурийдир.
30. Комиссия мажлиси баёни ва қарори электрон шаклда расмийлаштирилади, Комиссия раиси ва аъзолари томонидан электрон рақамли имзо орқали имзоланади.
6-боб. Якуний қоида
31. Ушбу Низом талабларини бузган шахслар белгиланган тартибда жавобгарликка тортиладилар.
Директор Ш. САДИКОВ
Тошкент ш.,
2018 йил 1 май,
180-сон
Oʻzbekiston Respublikasi Prezidenti huzuridagi loyiha boshqaruvi milliy agentligi direktorining
buyrugʻi
NIZOM
Davlat xaridlari sohasidagi shikoyatlarni koʻrib chiqish tartibi toʻgʻrisidagi nizomni tasdiqlash haqida
Oʻzbekiston Respublikasining “Davlat xaridlari toʻgʻrisida”gi Qonuniga asosan buyuraman:
1. Davlat xaridlari sohasidagi shikoyatlarni koʻrib chiqish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Prezidenti huzuridagi Loyiha boshqaruvi milliy agentligi direktorining 2018-yil 1-maydagi 180-son buyrugʻiga ILOVA
Davlat xaridlari sohasidagi shikoyatlarni koʻrib chiqish tartibi toʻgʻrisidagi
Ushbu Nizom Oʻzbekiston Respublikasining “Davlat xaridlari toʻgʻrisida”gi Qonuniga muvofiq davlat xaridlari sohasidagi shikoyatlarni doimiy ravishda faoliyat koʻrsatadigan Davlat xaridlari sohasidagi shikoyatlarni koʻrib chiqish boʻyicha komissiya (bundan buyon matnda Komissiya deb yuritiladi) tomonidan koʻrib chiqilishi tartibini belgilaydi.
1-bob. Umumiy qoidalar
1. Xarid qilish tartib-taomillarining har bir ishtirokchisi, shuningdek nazoratni amalga oshirayotgan shaxslar (bundan buyon matnda arizachi deb yuritiladi) davlat buyurtmachisining (bundan buyon matnda buyurtmachi deb yuritiladi), xarid komissiyasining, uning aʼzolarining, davlat xaridlari elektron tizimi operatorining (bundan buyon matnda Operator deb yuritiladi) harakatlari (harakatsizligi) ustidan, agar bunday harakatlar (harakatsizlik) ishtirokchining huquqlari va qonuniy manfaatlarini buzayotgan boʻlsa, sud tartibida yoki Komissiyaga shikoyat qilish huquqiga ega.
2. Davlat xaridlari natijasida tuzilgan shartnomalarda nazarda tutilgan majburiyatlarni bajarish doirasida kelib chiqadigan nizolar va kelishmovchiliklarni tartibga solish masalalari Komissiya tomonidan koʻrib chiqilmaydi va qonunchilik hujjatlarida belgilangan tartibda hal etilishi lozim.
2-bob. Komissiyaning vazifalari va shakllantirish tartibi
3. Komissiya doimiy ravishda faoliyat koʻrsatadigan organ boʻlib, oʻzining vazifalarini Oʻzbekiston Respublikasining “Davlat xaridlari toʻgʻrisida”gi Qonuniga , mazkur Nizomga hamda boshqa qonunchilik hujjatlariga muvofiq amalga oshiradi.
4. Komissiya:
buyurtmachining qonunga xilof harakatlariga, qarorlariga yoki u tomonidan qonunga xilof tartib-taomillar bajarilishiga doir taqiq oʻrnatadi;
buyurtmachining qonunga xilof qarorlarini, shu jumladan davlat xaridlari sohasidagi hujjatlarning shartlarini buzadigan qarorlarini qisman yoki toʻliq bekor qiladi;
xarid qilish tartib-taomillarini tugatish haqida qaror chiqaradi;
ijrochini Insofsiz ijrochilarning yagona reyestriga kiritish toʻgʻrisida qaror qabul qiladi;
5. Komissiya Oʻzbekiston Respublikasi Iqtisodiyot va moliya vazirligi tomonidan tuziladi, uning tarkibi tegishli davlat organlari, Operatorlar va jamoatchilik vakillaridan iborat boʻladi va Oʻzbekiston Respublikasi Vazirlar Mahkamasi tomonidan tasdiqlanadi.
6. Komissiya ishchi organining vazifasini Oʻzbekiston Respublikasi Iqtisodiyot va moliya vazirligi amalga oshiradi.
7. Komissiya tarkibiga:
Komissiya raisi;
Komissiya raisining oʻrinbosari;
Komissiya aʼzolari kiradi.
8. Komissiya raisi oʻz vakolatlari doirasida:
Komissiya faoliyatini va uning ish tartibiga rioya etilishini tashkil etadi;
shikoyatlarni koʻrib chiqish kunini belgilaydi va Komissiya majlisini oʻtkazadi;
Komissiya aʼzolari oʻrtasida majburiyatlarni taqsimlaydi;
Komissiya tomonidan qabul qilingan qarorlar ustidan nazoratni tashkil etadi;
Komissiyaning faoliyati toʻgʻrisida davriy hisobotlar tayyorlaydi va uni maxsus axborot portalida eʼlon qiladi.
Komissiya raisi qonunchilik hujjatlariga muvofiq boshqa vakolatlarni ham amalga oshirishi mumkin.
Komissiya raisi komissiyaga yuklatilgan vazifalarni bajarilishi uchun shaxsan javobgardir.
Komissiya raisi yoʻqligida uning vazifalarini oʻrinbosari bajaradi.
9. Komissiya raisining oʻrinbosari va Komissiya aʼzolari oʻz vakolatlari doirasida:
Komissiya ishida ishtirok etadi;
qaror qabul qilishdagi ovoz berishda ishtirok etadi;
Komissiya raisining topshirigʻi boʻyicha Komissiya koʻrib chiqishi uchun kiritilgan masalalar yuzasidan tegishli xulosalar taqdim etadi;
davlat boshqaruvi va xoʻjalik organlaridan, davlat buyurtmachilaridan, ishtirokchilardan, ijrochilardan, Operatorlardan va boshqa tashkilotlardan oʻz faoliyati uchun zarur boʻladigan har qanday axborot, material va tushuntirishlarni soʻrab oladi;
davlat xaridlari masalalari boʻyicha shikoyatlarni koʻrib chiqish bilan bogʻliq boshqa vazifalarni amalga oshiradi.
10. Komissiya zarur holatlarda mutaxassislarni mustaqil ekspert sifatida ovoz berish huquqisiz jalb qilish huquqiga ega.
11. Komissiya majlislari, agar ularning ishida Komissiya aʼzolarining umumiy sonining uchdan ikki aʼzosi ishtirok etsa, vakolatli hisoblanadi.
12. Komissiya kun tartibiga kiritilgan masalani koʻrib chiqish jarayonida Komissiya raisi, uning oʻrinbosari yoki Komissiya aʼzosi oʻzlarida manfaatlar toʻqnashuviga olib kelishi mumkin boʻlgan bevosita yoki bilvosita shaxsiy manfaatdorlik yuzaga kelgan holatda, Komissiya raisi, uning oʻrinbosari yoki Komissiya aʼzosi yigʻilish boshlanishidan oldin bu haqda maʼlum qilishga majbur.
Bu holatda manfaatlar toʻqnashuviga olib kelishi mumkin boʻlgan bevosita yoki bilvosita shaxsiy manfaatdorligi yuzaga kelgan Komissiya raisi, uning oʻrinbosari yoki Komissiya aʼzosi koʻrsatilgan masalani koʻrib chiqish jarayonida ishtirok etmaydi.
13. Komissiya majlislari, majlis bayonnomalarida rasmiylashtiriladi.
14. Komissiyaning ishchi organi:
Komissiyaning navbatdagi majlisiga barcha zarur materiallarni oʻz vaqtida tayyorlanishini taʼminlaydi;
maxsus axborot portalida Komissiya aʼzolari uchun shaxsiy kabinetlar ochadi;
Komissiya hujjatlarini but saqlanishini taʼminlaydi;
shikoyatni Komissiya aʼzolarining shaxsiy kabinetlariga yuboradi;
navbatdagi majlisga barcha zarur hujjatlarni yigʻilishini, umumlashtirilishini va Komissiya raisiga taqdim etilishini taʼminlaydi;
Komissiyaning qarori asosida ijrochilarni Insofsiz ijrochilarning yagona reyestriga kiritadi;
Komissiya majlisi bayonnomasini yuritadi.
15. Komissiyaga arizachidan shikoyat tushgandan va uni koʻrib chiqish sanasi tayinlangandan soʻng, Komissiyaning ishchi organi ushbu Nizom talablariga muvofiq majlisni oʻtkazish boʻyicha tashkiliy chora-tadbirlarni amalga oshiradi.
3-bob. Shikoyatlarni berish tartibi
16. Arizachi shikoyatni Komissiyaga yozma shaklda yoki oʻzining shaxsiy kabinet orqali elektron shaklda yuboradi. Shikoyatga unda koʻrsatilgan holatlarni tasdiqlovchi dalillar ilova qilinadi.
Anonim murojaatlar Komissiya tomonidan koʻrib chiqilmaydi.
17. Arizachi quyidagi holatlarda shikoyat beradi:
buyurtmachining, xarid komissiyasining, uning aʼzolarining, Operatorning noqonuniy harakatlari (harakatsizligi) ustidan, agar bunday harakatlar (harakatsizlik) ishtirokchining huquqlari va qonuniy manfaatlarini buzayotgan boʻlsa;
xarid qilish tartib-taomillari buzilganda;
buyurtmachilar tomonidan takliflarni berish muddatlari asossiz oʻzgartirilganda;
ishtirokchining taklifi buyurtmachilar tomonidan asossiz qabul qilinmaganda yoki rad qilinganda;
buyurtmachilar tomonidan davlat xaridlarini amalga oshirishning raqobatga asoslanmagan usullari qonunga xilof ravishda tanlanganda;
davlat xaridlarida ishtirokchilarning ishtirok etishi toʻgʻrisidagi axborotni buyurtmachilar tomonidan oshkor etilganda;
buyurtmachilar tomonidan ishtirokchilar sonini asossiz ravishda cheklashga yoki ularning malakasiga qoʻyilgan talablarni oshirishga, raqobatga yoʻl qoʻymaslikning, uni cheklashning yoki bartaraf etishning boshqa shakllariga yoʻl qoʻyilganda, qonunchilik hujjatlarida belgilangan hollar bundan mustasno;
narxlarni yoki ishtirokchilarni saralash natijalarini buzib koʻrsatish maqsadida ishtirokchilar oldindan til biriktirilganda;
ishonchsiz yoki buzib koʻrsatilgan axborot taqdim etilganda yoki tarqatilganda, shuningdek davlat xaridlari toʻgʻrisidagi axborotdan foydalanish asossiz ravishda cheklanganda;
Oʻzbekiston Respublikasining “Davlat xaridlari toʻgʻrisida”gi Qonunida belgilangan boshqa holatlarda.
4-bob. Shikoyatlarni koʻrib chiqish tartibi
18. Komissiya shikoyatni koʻrib chiqishda ishtirok etadigan shaxslarni (bundan buyon matnda taraflar deb yuritiladi) maxsus axborot portali orqali yigʻilish vaqti va joyi toʻgʻrisida xabardor qiladi. Komissiya shikoyatni buyurtmachi va ishtirokchining ishtirokida koʻrib chiqadi, bundan ishtirokchi shikoyatni uning ishtirokisiz koʻrib chiqishga rozilik bildirgan yoki uzrli sabablarsiz ishtirok etmagan hollar mustasno.
19. Shikoyatlarni koʻrib chiqish boʻyicha majlisda ishtirok etish uchun, taraflar belgilangan tartibda ishonchnoma rasmiylashtirib, oʻzlarining vakillarini yuborishlari mumkin.
19 1 . Komissiyaning majlislari axborot-kommunikatsiya texnologiyalari vositalaridan foydalangan holda masofadan oʻtkazilishi mumkin.
20. Komissiya shikoyatni qabul qilib olganda shikoyat kelib tushgan kundan eʼtiboran uch ish kuni ichida shikoyat haqida buyurtmachini xabardor qiladi hamda xarid qilish tartib-taomilini oʻn ish kunigacha boʻlgan umumiy muddatga toʻxtatib turadi.
21. Arizachining shikoyatida quyidagilar koʻrsatilishi lozim:
a) nomi, joylashgan yeri (yuridik shaxs uchun), familiyasi, ismi, otasining ismi, turgan joyi (jismoniy shaxs uchun), pochta manzili, elektron pochta manzili, telefon raqami;
b) shikoyat qilinayotgan harakatlar (harakatsizlik) va shikoyatning boshqa asoslari;
v) shikoyat berishga vakolatli shaxsning imzosi va sana.
22. Shikoyatga uning asosliligini tasdiqlovchi hujjatlar ilova qilinadi. Bunda, shikoyatda unga ilova qilinayotgan hujjatlar roʻyxati boʻlishi kerak, shuningdek taraflarga shikoyatning nusxalari yuborilganligi tasdigʻi boʻlishi kerak.
22 1 . Komissiya shikoyatlarni koʻrib chiqish va qaror qabul qilish jarayonida maxsus axborot portalida yuritiladigan ishtirokchilarning reytingidan foydalanishi mumkin.
23. Komissiya shikoyat olinganidan keyin yetti ish kuni ichida u boʻyicha qaror chiqarishi va bu haqdagi axborotni maxsus axborot portalida joylashtirishi kerak.
24. Shikoyat boʻyicha qaror Komissiya aʼzolari umumiy sonining koʻpchilik ovozi bilan qabul qilinadi. Ovozlar teng boʻlgan taqdirda, Komissiya raisining ovozi hal qiluvchi hisoblanadi.
Komissiyaning har bir aʼzosi qabul qilingan qaror boʻyicha oʻzining alohida fikrini yozma bayon etishga haqli.
25. Komissiya yangi ochilgan holatlar asosida avval qabul qilingan qarorlarini qayta koʻrib chiqishi mumkin.
26. Komissiya majlislari qarorlarining asl nusxalari va ularga ilova qilingan materiallar Komissiyaning ishchi organida saqlanadi.
27. Komissiyaning ishchi organi qaror nusxalarini qaror qabul qilingan kundan eʼtiboran ikki ish kuni mobaynida taraflarga yuboradi.
28. Komissiya qaroridan norozi boʻlgan taqdirda, taraflar qonunchilik hujjatlarida belgilangan tartibda sudga murojaat qilish huquqiga ega.
29. Komissiyaning oʻz vakolatlari doirasida qabul qilingan qarorlari taraflar uchun bajarilishi majburiydir.
30. Komissiya majlisi bayoni va qarori elektron shaklda rasmiylashtiriladi, Komissiya raisi va aʼzolari tomonidan elektron raqamli imzo orqali imzolanadi.
6-bob. Yakuniy qoida
31. Ushbu Nizom talablarini buzgan shaxslar belgilangan tartibda javobgarlikka tortiladilar.
Direktor Sh. SADIKOV
Toshkent sh.,
2018-yil 1-may,
180-son
Директора Национального агентства проектного управления при Президенте Республики Узбекистан
Приказ
ПОЛОЖЕНИЕ
Об утверждении Положения о порядке рассмотрения жалоб в сфере государственных закупок
В соответствии с Законом Республики Узбекистан «О государственных закупках» приказываю:
1. Утвердить Положение о порядке рассмотрения жалоб в сфере государственных закупок согласно приложению .
2. Настоящий приказ вступает в силу со дня его официального опубликования.
ПРИЛОЖЕНИЕ к приказу директора Национального агентства проектного управления при Президенте Республики Узбекистан от 1 мая 2018 года № 180
о порядке рассмотрения жалоб в сфере государственных закупок
Настоящее Положение разработано в соответствии с Законом Республики Узбекистан «О государственных закупках» и определяет порядок рассмотрения жалоб в сфере государственных закупок постоянно действующей Комиссией по рассмотрению жалоб в сфере государственных закупок (далее — Комиссия).
Глава 1. Общие положения
1. Каждый участник, а также лица, осуществляющие контроль (далее — заявитель), имеют право обжаловать в судебном порядке или в Комиссию действия (бездействие) государственного заказчика (далее — заказчик), закупочной комиссии, ее членов, оператора электронной системы государственных закупок (далее — Оператор), если такие действия (бездействие) нарушают права и законные интересы участника.
2. Вопросы урегулирования споров и разногласий в рамках исполнения обязательств по договорам, заключенным по результатам государственных закупок, Комиссией не рассматриваются и подлежат разрешению в порядке, установленном актами законодательства.
Глава 2. Задачи и порядок формирования Комиссии
3. Комиссия является постоянно действующим органом и осуществляет свои функции в соответствии с Законом Республики Узбекистан «О государственных закупках», настоящим Положением и иными актами законодательства.
4. Комиссия:
устанавливает запрет на незаконные действия, решения или исполнение незаконных процедур заказчиком;
частично или полностью отменяет незаконные решения заказчика, в том числе, если они нарушают условия документации в сфере государственных закупок;
выносит решение о завершении закупочных процедур;
принимает решение о включении исполнителя в Единый реестр недобросовестных исполнителей;
5. Комиссия создается Министерством экономики и финансов Республики Узбекистан, в состав которой входят представители соответствующих государственных органов, Операторов и общественности и утверждается Кабинетом Министров Республики Узбекистан.
6. Функции рабочего органа Комиссии осуществляет Министерство экономики и финансов Республики Узбекистан.
7. В состав Комиссии входят:
председатель Комиссии;
заместитель председателя Комиссии;
члены Комиссии.
8. Председатель Комиссии в пределах своих полномочий:
организовывает деятельность Комиссии и соблюдение распорядка ее работы;
назначает день рассмотрения жалоб и проводит заседание Комиссии;
распределяет обязанности среди членов Комиссии;
организовывает контроль за выполнением решений, принятых Комиссией.
подготавливает и объявляет периодические отчеты о работе Комиссии на специальном информационном портале.
Председатель Комиссии может осуществлять и иные полномочия в соответствии с актами законодательства.
Председатель Комиссии несет персональную ответственность за выполнение возложенных на Комиссию задач.
В отсутствие председателя комиссии его функции выполняет заместитель.
9. Члены Комиссии и заместитель председателя Комиссии в пределах своих полномочий:
участвуют в работе Комиссии;
участвуют в голосовании при принятии решений;
по поручению председателя Комиссии представляют соответствующие заключения по вносимым на рассмотрение Комиссии вопросам;
запрашивают от органов государственного и хозяйственного управления, государственных заказчиков, участников, исполнителей, Операторов и других организаций любую информацию, материалы и разъяснения, необходимые для ее деятельности;
осуществляют другие функции, связанные с рассмотрением жалоб по вопросам государственных закупок.
10. При необходимости Комиссия имеет право привлекать специалистов в качестве независимых экспертов без права голоса.
11. Заседание Комиссии считается правомочным, если на нем присутствует не менее двух третей от общего числа членов Комиссии.
12. При возникновении прямой или косвенной личной заинтересованности председателя, его заместителя или члена Комиссии, которая может привести к конфликту интересов при рассмотрении вопроса, включенного в повестку дня заседания Комиссии, председатель, его заместитель или член Комиссии обязаны до начала заседания заявить об этом.
В таком случае председатель, его заместитель или член Комиссии при возникновении прямой или косвенной личной заинтересованности, которая может привести к конфликту интересов при рассмотрении вопроса не принимает участия в рассмотрении указанного вопроса.
13. Заседания Комиссии оформляются в протоколах заседаний.
14. Рабочий орган Комиссии:
обеспечивает своевременную подготовку всех необходимых материалов к очередному заседанию Комиссии;
создает персональные кабинеты для членов Комиссии на специальном информационном портале;
обеспечивает сохранность документов Комиссии;
направляет жалобы в персональные кабинеты членов Комиссии;
обеспечивает сбор, обобщение и представление председателю Комиссии всех необходимых документов к очередному заседанию;
включает исполнителей в Единый реестр недобросовестных исполнителей на основании решения Комиссии;
ведет протокол заседания Комиссии.
15. Рабочий орган Комиссии после поступления жалобы от заявителя в Комиссию и назначения даты ее рассмотрения, осуществляет организационные мероприятия по проведению заседания в соответствии с требованием настоящего Положения.
Глава 3. Порядок подачи жалоб
16. Заявитель подает жалобу в Комиссию в письменном виде или электронном виде через его персональный кабинет. К жалобе прилагаются доказательства, подтверждающие факты, которые указаны в ней.
Анонимные обращения Комиссией не рассматриваются.
17. Заявитель подает жалобу в следующих случаях:
неправомерные действия (бездействия) заказчика, закупочной комиссии, ее членов, Оператора, если такие действия (бездействие) нарушают права и законные интересы участника;
нарушения закупочных процедур;
необоснованного изменения срока подачи предложений заказчиками;
необоснованного непринятия или отстранения заказчиками предложения участников;
неправомерного выбора заказчикам неконкурентных способов осуществления государственных закупок;
разглашения заказчиками информации об участии участников в государственных закупках;
необоснованного ограничения заказчиками их числа или завышение требований к их квалификации, иные формы недопущения, ограничения или устранения конкуренции, за исключением случаев, установленных актами законодательства;
наличия сговора участников с целью искажения цен или результатов отбора участников;
представления или распространения недостоверной, или искаженной информации, а также необоснованное ограничение доступа к информации о государственных закупках;
в других случаях, установленных Законом Республики Узбекистан «О государственных закупках».
Глава 4. Порядок рассмотрения жалоб
18. Комиссия уведомляет лиц, принимающих участие при рассмотрении жалобы (далее — стороны) через специальный информационный портал о времени и месте собрания. Комиссия рассматривает жалобу с участием государственного заказчика и участника, за исключением случаев, когда участник дал согласие на рассмотрение жалобы без его участия или не участвовал без уважительной причины.
19. Для участия в заседании по рассмотрению жалобы, стороны могут направить своих представителей, оформив в установленном порядке доверенности.
19 1 . Заседания Комиссии могут проводиться на удалении с использованием информационно-коммуникационных технологий.
20. Комиссия при получении жалобы в течение трех рабочих дней со дня ее поступления уведомляет об этом заказчика и приостанавливает закупочную процедуру на общий срок до десяти рабочих дней.
21. В жалобе заявителя должны быть указаны:
а) наименование, местонахождение (для юридического лица), фамилия, имя, отчество, местожительство (для физического лица), почтовый адрес, электронный почтовый адрес, номер контактного телефона;
б) указание на обжалуемые действия (бездействие) и другие доводы жалобы;
в) подпись уполномоченного лица на подачу жалобы и дата.
22. К жалобе прилагаются документы, подтверждающие ее обоснованность. При этом жалоба должна содержать перечень прилагаемых к ней документов, а также подтверждение о направлении копии жалобы сторонам.
22 1 . Комиссия при рассмотрении жалобы и при вынесении решения может использовать рейтинг участников, который ведется на специальном информационном портале.
23. Комиссия должна в течение семи рабочих дней после получения жалобы вынести решение по ней и разместить информацию об этом на специальном информационном портале.
24. Решение по жалобе принимается большинством голосов от общего числа членов Комиссии. В случае равенства голосов, голос председателя Комиссии является решающим.
Каждый член Комиссии вправе письменно выразить свое особое мнение по принятому решению.
25. Комиссия вправе пересматривать ранее принятые решения на основании вновь открывшихся обстоятельств.
26. Подлинные экземпляры решений заседаний Комиссии и материалы к ним хранятся у рабочего органа Комиссии.
27. Рабочий орган Комиссии направляет копию решения сторонам в течение двух рабочих дней со дня принятия решения.
28. В случае несогласия с решением Комиссии стороны имеют право обратиться в суд в установленном актами законодательства порядке.
29. Решения Комиссии, принятые в рамках ее компетенции, являются обязательными для исполнения сторонами.
30. Протокол заседания и решение Комиссии оформляется в электронном виде, подписывается председателем Комиссии и членами Комиссии посредством электронной цифровой подписи.
Глава 6. Заключительное положение
31. Лица, нарушившие требования настоящего Положения, несут ответственность в установленном порядке.
Директор Ш. САДИКОВ
г. Ташкент,
1 мая 2018 г.,
№ 180