📅 2018-yil 18-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 18 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 18 мая 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 18 May 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
СХЕМАСИ
Жаҳон адабиётининг энг сара намуналарини ўзбек тилига ҳамда ўзбек адабиёти дурдоналарини чет тилларига таржима қилиш ва нашр этиш тизимини такомиллаштириш чора-тадбирлари тўғрисида
Ўзбекистон Республикаси Президентининг « Китоб маҳсулотларини нашр этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғиб қилиш бўйича комплекс чора-тадбирлар дастури тўғрисида » 2017 йил 13 сентябрдаги ПҚ-3271-сон ҳамда «Ўзбекистон Ёзувчилар уюшмаси фаолиятини янада такомиллаштириш чора-тадбирлари тўғрисида» 2018 йил 5 апрелдаги ПҚ-3652-сон қарорлари ижросини таъминлаш, шунингдек, жаҳон адабиётининг энг сара намуналарини ўзбек тилига ҳамда ўзбек адабиёти дурдоналарини чет тилларига таржима қилиш бўйича давлат буюртмаси бериш тизимининг аниқ механизмини жорий этиш мақсадида Вазирлар Маҳкамаси қарор қилади:
1. Шундай тартиб ўрнатилсинки, унга мувофиқ 2018 йилдан бошлаб ҳар йили:
Ўзбекистон Республикаси Олий ва ўрта махсус таълим вазирлиги, Халқ таълими вазирлиги, Мактабгача таълим вазирлиги, Фанлар академияси, Ўзбекистон Матбуот ва ахборот агентлиги, Ўзбекистон ёшлар иттифоқи бошқа манфаатдор вазирликлар ва идоралар билан биргаликда келгуси йил учун жаҳон адабиётининг энг сара намуналарини ўзбек тилига ҳамда ўзбек адабиёти дурдоналарини чет тилларига таржима қилиш ва нашр этиш режалаштирилган адабиётлар рўйхати ҳамда уларнинг адади бўйича таклифларни 2018 йилда 15 июнгача, 2019 йилдан бошлаб ҳар йили 1 апрелгача Ўзбекистон Ёзувчилар уюшмасига тақдим этади;
Ўзбекистон Ёзувчилар уюшмаси қошида тузилган махсус комиссия ҳар йили 1 июнгача Республика Маънавият ва маърифат маркази билан биргаликда келгуси йилда таржима қилиниши ва нашр этилиши режалаштирилаётган жаҳон адабиётининг энг сара намуналари ҳамда ўзбек адабиёти дурдоналарининг мазмуни ва ғоясини ўрганиб чиқиб, уларни нашр этишга тавсия этади;
Ўзбекистон Матбуот ва ахборот агентлиги Ёзувчилар уюшмасининг тавсияси асосида жаҳон адабиётининг энг сара намуналарини ўзбек тилига ҳамда ўзбек адабиёти дурдоналарини чет тилларига таржима қилиш юзасидан давлат буюртмасини шакллантиради ҳамда ҳар йили 1 июлгача тасдиқлаш учун Ўзбекистон Республикаси Вазирлар Маҳкамасига киритади.
2. Жаҳон адабиётининг энг сара намуналарини ўзбек тилига ҳамда ўзбек адабиёти дурдоналарини чет тилларига таржима қилиш бўйича давлат буюртмаси бериш схемаси иловага мувофиқ тасдиқлансин.
3. Белгилансинки, ушбу қарорнинг 1-бандида назарда тутилган давлат буюртмаси қуйидаги мезонларга асосан шакллантирилади:
аҳоли, айниқса, ёшларнинг интеллектуал савиясини ўстиришга хизмат қиладиган, юксак инсоний фазилатларни улуғлайдиган, одоб-ахлоққа чақирадиган жаҳон адабиётининг бадиий жиҳатдан етук энг сара намуналарига бўлган талабни ўрганиш;
халқимизнинг, айниқса, ёш авлоднинг маънавияти юксалиши, миллий тафаккури ривожланиши учун маънавий муҳит яратиш;
хорижий давлатлар нашриётлари, таҳририятлари, таниқли чет эл адабиёти намояндалари билан ижодий алоқалар ўрнатиш, ўқувчиларни хориж адабиётининг ёрқин намуналари билан яқиндан таништириб бориш;
жаҳон адабиётидаги жараёнларни холис ва ҳаққоний таҳлил қилиш орқали ўзбек адабиётини янги ижодий тажрибалар билан бойитиб бориш;
ўзбек ва жаҳон адабиёти намояндаларининг ҳамкорлигини кучайтириш, халқлар ўртасида дўстлик ва маданий алоқаларни янада кенгайтириш.
4. Ўзбекистон Ёзувчилар уюшмасига Алишер Навоий номидаги Тошкент давлат Ўзбек тили ва адабиёти университети, Ўзбекистон давлат жаҳон тиллари университети ҳамда Тошкент давлат шарқшунослик институти билан ҳамкорликда таржима ишларига малакали таржимон-ёзувчилар ҳамда мутахассислар белгиланган тартибда жалб этилишини таъминлаш тавсия этилсин.
Алишер Навоий номидаги Тошкент давлат ўзбек тили ва адабиёти университети Ўзбекистон Ёзувчилар уюшмаси билан биргаликда ўзбек тилига таржима қилинган жаҳон адабиётининг энг сара намуналари ҳамда чет тилларига таржима қилинган ўзбек адабиёти дурдоналарини хатловдан ўтказсин ва келгуси беш йилда таржима қилинадиган асарлар рўйхатини шакллантирсин.
5. Ўзбекистон Матбуот ва ахборот агентлиги:
Ўзбекистон Республикаси Вазирлар Маҳкамаси томонидан тасдиқланган давлат буюртмалари белгиланган тартибда юқори сифатда нашр этилишини;
нашр этилган адабиётлар Ўзбекистон Республикаси Вазирлар Маҳкамаси томонидан тасдиқланган тақсимот бўйича вазирликлар, идоралар ва бошқа ташкилотларга тарқатилишини таъминласин.
6. Белгилаб қўйилсинки:
а) таржима қилиниши ва нашр этилиши режалаштирилаётган асарлар ушбу асарлар муаллифлари ёки муаллиф ҳуқуқига эга бўлган шахсларнинг розилигини олган ҳолда таржима қилинади ва нашр этилади;
б) қуйидагилар:
жаҳон адабиёти намуналарини ўзбек тилига таржима қилиш ва нашр этиш билан боғлиқ харажатлар манфаатдор вазирликлар, идоралар ва бошқа ташкилотларнинг ушбу мақсадлар учун бюджетдан ажратиладиган маблағлари доирасида ва бюджетдан ташқари маблағлари ҳисобига;
очиқ савдо учун чиқариладиган адабиётларни нашр этиш харажатлари китоб савдоси ташкилотлари ҳамда нашриётларнинг ўз маблағлари ҳисобига қопланади.
7. Ўзбекистон миллий телерадиокомпанияси ҳамда Ўзбекистон Миллий ахборот агентлигига ўзбек тилида янги нашр этилган жаҳон адабиётининг энг сара намуналари ҳамда чет тилларига таржима қилинган ўзбек адабиёти дурдоналари ҳақида оммавий ахборот воситаларида туркум мақолалар эълон қилиш, эшиттиришлар ва кўрсатувлар тайёрлаш тавсия этилсин.
8. Мазкур қарорнинг бажарилишини назорат қилиш Ўзбекистон Матбуот ва ахборот агентлиги бош директори Л.Х. Тангриев зиммасига, Ўзбекистон Республикаси Вазирлар Маҳкамасининг Таълим, соғлиқни сақлаш, жисмоний тарбия ва спорт масалалари ҳамда Маданият, санъат ва ёшлар сиёсати масалалари ахборот-таҳлил департаментларига юклансин.
Вазирлар Маҳкамасининг 2018 йил 18 майдаги 376-сон қарорига ИЛОВА
Жаҳон адабиётининг энг сара намуналарини ўзбек тилига ҳамда ўзбек адабиёти дурдоналарини чет тилларига таржима қилиш бўйича давлат буюртмаси бериш
Ўзбекистон Республикасининг Бош вазири А. АРИПОВ
Тошкент ш.,
2018 йил 18 май,
376-сон
Oʻzbekiston Respublikasi Vazirlar Mahkamasining
qarori
SXEMASI
Jahon adabiyotining eng sara namunalarini oʻzbek tiliga hamda oʻzbek adabiyoti durdonalarini chet tillariga tarjima qilish va nashr etish tizimini takomillashtirish chora-tadbirlari toʻgʻrisida
Oʻzbekiston Respublikasi Prezidentining “ Kitob mahsulotlarini nashr etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targʻib qilish boʻyicha kompleks chora-tadbirlar dasturi toʻgʻrisida ” 2017-yil 13-sentabrdagi PQ-3271-son hamda “Oʻzbekiston Yozuvchilar uyushmasi faoliyatini yanada takomillashtirish chora-tadbirlari toʻgʻrisida” 2018-yil 5-apreldagi PQ-3652-son qarorlari ijrosini taʼminlash, shuningdek, jahon adabiyotining eng sara namunalarini oʻzbek tiliga hamda oʻzbek adabiyoti durdonalarini chet tillariga tarjima qilish boʻyicha davlat buyurtmasi berish tizimining aniq mexanizmini joriy etish maqsadida Vazirlar Mahkamasi qaror qiladi:
1. Shunday tartib oʻrnatilsinki, unga muvofiq 2018-yildan boshlab har yili:
Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi, Maktabgacha taʼlim vazirligi, Fanlar akademiyasi, Oʻzbekiston Matbuot va axborot agentligi, Oʻzbekiston yoshlar ittifoqi boshqa manfaatdor vazirliklar va idoralar bilan birgalikda kelgusi yil uchun jahon adabiyotining eng sara namunalarini oʻzbek tiliga hamda oʻzbek adabiyoti durdonalarini chet tillariga tarjima qilish va nashr etish rejalashtirilgan adabiyotlar roʻyxati hamda ularning adadi boʻyicha takliflarni 2018-yilda 15-iyungacha, 2019-yildan boshlab har yili 1-aprelgacha Oʻzbekiston Yozuvchilar uyushmasiga taqdim etadi;
Oʻzbekiston Yozuvchilar uyushmasi qoshida tuzilgan maxsus komissiya har yili 1-iyungacha Respublika Maʼnaviyat va maʼrifat markazi bilan birgalikda kelgusi yilda tarjima qilinishi va nashr etilishi rejalashtirilayotgan jahon adabiyotining eng sara namunalari hamda oʻzbek adabiyoti durdonalarining mazmuni va gʻoyasini oʻrganib chiqib, ularni nashr etishga tavsiya etadi;
Oʻzbekiston Matbuot va axborot agentligi Yozuvchilar uyushmasining tavsiyasi asosida jahon adabiyotining eng sara namunalarini oʻzbek tiliga hamda oʻzbek adabiyoti durdonalarini chet tillariga tarjima qilish yuzasidan davlat buyurtmasini shakllantiradi hamda har yili 1-iyulgacha tasdiqlash uchun Oʻzbekiston Respublikasi Vazirlar Mahkamasiga kiritadi.
2. Jahon adabiyotining eng sara namunalarini oʻzbek tiliga hamda oʻzbek adabiyoti durdonalarini chet tillariga tarjima qilish boʻyicha davlat buyurtmasi berish sxemasi ilovaga muvofiq tasdiqlansin.
3. Belgilansinki, ushbu qarorning 1-bandida nazarda tutilgan davlat buyurtmasi quyidagi mezonlarga asosan shakllantiriladi:
aholi, ayniqsa, yoshlarning intellektual saviyasini oʻstirishga xizmat qiladigan, yuksak insoniy fazilatlarni ulugʻlaydigan, odob-axloqqa chaqiradigan jahon adabiyotining badiiy jihatdan yetuk eng sara namunalariga boʻlgan talabni oʻrganish;
xalqimizning, ayniqsa, yosh avlodning maʼnaviyati yuksalishi, milliy tafakkuri rivojlanishi uchun maʼnaviy muhit yaratish;
xorijiy davlatlar nashriyotlari, tahririyatlari, taniqli chet el adabiyoti namoyandalari bilan ijodiy aloqalar oʻrnatish, oʻquvchilarni xorij adabiyotining yorqin namunalari bilan yaqindan tanishtirib borish;
jahon adabiyotidagi jarayonlarni xolis va haqqoniy tahlil qilish orqali oʻzbek adabiyotini yangi ijodiy tajribalar bilan boyitib borish;
oʻzbek va jahon adabiyoti namoyandalarining hamkorligini kuchaytirish, xalqlar oʻrtasida doʻstlik va madaniy aloqalarni yanada kengaytirish.
4. Oʻzbekiston Yozuvchilar uyushmasiga Alisher Navoiy nomidagi Toshkent davlat Oʻzbek tili va adabiyoti universiteti, Oʻzbekiston davlat jahon tillari universiteti hamda Toshkent davlat sharqshunoslik instituti bilan hamkorlikda tarjima ishlariga malakali tarjimon-yozuvchilar hamda mutaxassislar belgilangan tartibda jalb etilishini taʼminlash tavsiya etilsin.
Alisher Navoiy nomidagi Toshkent davlat oʻzbek tili va adabiyoti universiteti Oʻzbekiston Yozuvchilar uyushmasi bilan birgalikda oʻzbek tiliga tarjima qilingan jahon adabiyotining eng sara namunalari hamda chet tillariga tarjima qilingan oʻzbek adabiyoti durdonalarini xatlovdan oʻtkazsin va kelgusi besh yilda tarjima qilinadigan asarlar roʻyxatini shakllantirsin.
5. Oʻzbekiston Matbuot va axborot agentligi:
Oʻzbekiston Respublikasi Vazirlar Mahkamasi tomonidan tasdiqlangan davlat buyurtmalari belgilangan tartibda yuqori sifatda nashr etilishini;
nashr etilgan adabiyotlar Oʻzbekiston Respublikasi Vazirlar Mahkamasi tomonidan tasdiqlangan taqsimot boʻyicha vazirliklar, idoralar va boshqa tashkilotlarga tarqatilishini taʼminlasin.
6. Belgilab qoʻyilsinki:
a) tarjima qilinishi va nashr etilishi rejalashtirilayotgan asarlar ushbu asarlar mualliflari yoki muallif huquqiga ega boʻlgan shaxslarning roziligini olgan holda tarjima qilinadi va nashr etiladi;
b) quyidagilar:
jahon adabiyoti namunalarini oʻzbek tiliga tarjima qilish va nashr etish bilan bogʻliq xarajatlar manfaatdor vazirliklar, idoralar va boshqa tashkilotlarning ushbu maqsadlar uchun budjetdan ajratiladigan mablagʻlari doirasida va budjetdan tashqari mablagʻlari hisobiga;
ochiq savdo uchun chiqariladigan adabiyotlarni nashr etish xarajatlari kitob savdosi tashkilotlari hamda nashriyotlarning oʻz mablagʻlari hisobiga qoplanadi.
7. Oʻzbekiston milliy teleradiokompaniyasi hamda Oʻzbekiston Milliy axborot agentligiga oʻzbek tilida yangi nashr etilgan jahon adabiyotining eng sara namunalari hamda chet tillariga tarjima qilingan oʻzbek adabiyoti durdonalari haqida ommaviy axborot vositalarida turkum maqolalar eʼlon qilish, eshittirishlar va koʻrsatuvlar tayyorlash tavsiya etilsin.
8. Mazkur qarorning bajarilishini nazorat qilish Oʻzbekiston Matbuot va axborot agentligi bosh direktori L.X. Tangriyev zimmasiga, Oʻzbekiston Respublikasi Vazirlar Mahkamasining Taʼlim, sogʻliqni saqlash, jismoniy tarbiya va sport masalalari hamda Madaniyat, sanʼat va yoshlar siyosati masalalari axborot-tahlil departamentlariga yuklansin.
Vazirlar Mahkamasining 2018-yil 18-maydagi 376-son qaroriga ILOVA
Jahon adabiyotining eng sara namunalarini oʻzbek tiliga hamda oʻzbek adabiyoti durdonalarini chet tillariga tarjima qilish boʻyicha davlat buyurtmasi berish
Oʻzbekiston Respublikasining Bosh vaziri A. ARIPOV
Toshkent sh.,
2018-yil 18-may,
376-son