📅 2018-yil 22-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 22 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 22 мая 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 22 May 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
Маданий-кўнгилочар ва оммавий спорт тадбирларининг ягона тақвимини шакллантириш тартиби тўғрисида
Миллий туризм маҳсулотларини яратиш ва уларни жаҳон бозорларида тарғиб қилиш, туризм соҳасида Ўзбекистоннинг ижобий қиёфасини шакллантиришда маданий-кўнгилочар ва оммавий спорт тадбирларини ўтказиш, шу асосда республикага келаётган сайёҳлар оқимини кўпайтириш мақсадида Вазирлар Маҳкамаси қарор қилади:
1. Маданий-кўнгилочар ва оммавий спорт тадбирларининг ягона тақвимини шакллантириш тартиби тўғрисида низом иловага мувофиқ тасдиқлансин.
2. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмурадов, Ўзбекистон Республикаси маданият вазири Б.С. Сайфуллаев, жисмоний тарбия ва спорт вазири Ш.Х. Исроилов ва Туризмни ривожлантириш давлат қўмитаси раиси А.А. Абдухакимов зиммасига юклансин.
Вазирлар Маҳкамасининг 2018 йил 22 майдаги 385-сон қарорига ИЛОВА
Маданий-кўнгилочар ва оммавий спорт тадбирларининг ягона тақвимини шакллантириш тартиби тўғрисида
1-боб. Умумий қоидалар
1. Ушбу Низом маданий-кўнгилочар ва оммавий спорт тадбирларининг ягона тақвимини шакллантириш тартибини белгилайди.
2. Ушбу Низомда қуйидаги асосий тушунчалардан фойдаланилади:
маданий-кўнгилочар ва оммавий спорт тадбирларининг ягона тақвими (кейинги ўринларда тақвим деб аталади) — Ўзбекистон Республикаси ҳудудида ўтказиладиган халқаро ва республика миқёсидаги ушбу Низомнинг 3-бандида назарда тутилган маданий-кўнгилочар ва оммавий спорт тадбирлари рўйхати ва уларни ўтказиш муддатлари;
тадбирлар учун медиа контент (кейинги ўринда медиа контент деб аталади) — Интернет жаҳон ахборот тармоғи, шу жумладан ижтимоий тармоқларда жойлаштириладиган тақвим орқали кўриш ва эшитиш мумкин бўлган фотолавҳалар ва видеороликлар.
3. Маданий-кўнгилочар ва оммавий спорт тадбирларининг ягона тақвимига қуйидаги халқаро ва республика миқёсида ўтадиган тадбирлар киритилиши мумкин:
халқаро конференциялар, семинарлар ва анжуманлар;
миллий ва халқаро кўргазмалар ҳамда ярмаркалар;
миллий чолғулардан иборат турли концертлар;
спорт мусобақалари ва тадбирлари;
амалий санъат намуналари намойишлари;
миллий ҳунармандчилик йўналишидаги тадбирлар;
оммавий театр-томоша ва миллий ўйинлар намойишлари;
туризм ва маданий мерос объектларидаги тадбирлар;
бошқа маданий-кўнгилочар ва оммавий спорт тадбирлари.
4. Маданий-кўнгилочар ва оммавий спорт тадбирларини молиялаштириш ижрочилар ва ҳомийлик хайриялари, шунингдек, қонунчиликда тақиқланмаган бошқа маблағлар ҳисобига амалга оширилади.
2-боб. Тақвимни шакллантиришнинг асосий вазифалари
5. Қуйидагилар тақвимни шакллантиришнинг асосий вазифалари ҳисобланади:
Интернет жаҳон ахборот тармоғи, шу жумладан ижтимоий тармоқлар орқали Ўзбекистонда бўлиб ўтадиган маданий-кўнгилочар ва оммавий спорт тадбирлари тўғрисида хорижий сайёҳларнинг аввалдан тўлиқ маълумотга эга бўлишини таъминлаш;
туризм соҳасида хизмат кўрсатаётган тадбиркорлик субъектларига туризм хизматларини шакллантириш ва ушбу хизматларни кўрсатиш учун ахборот базасини яратиш;
республика ҳудудида ўтадиган халқаро кўргазмалар, ярмаркалар, спорт мусобақалари ва тадбирлар, амалий санъат намуналари намойиши, миллий ҳунармандчилик йўналишлари асосидаги тадбирлар, оммавий театр-томоша ва миллий ўйинлар намойишларида ҳамда бошқа маданий-маърифий тадбирларда хорижий меҳмонларнинг иштирокини таъминлаш;
республикага келаётган хорижий сайёҳлар оқимининг кўпайишига, ички ҳамда ташқи туризмни ривожлантиришга кўмаклашиш;
халқаро туризм бозорида «Ўзбекистон» брендининг кенг миқёсда тарғиб қилиниши ҳамда ёритиб борилишини таъминлаш.
3-боб. Тақвимни шакллантириш
6. Маданий-кўнгилочар ва оммавий спорт тадбирларининг ягона тақвимини шакллантириш ушбу Низомнинг 1-иловасига мувофиқ схема бўйича амалга оширилади.
7. Ўзбекистон Республикаси Маданият вазирлиги ҳамда Жисмоний тарбия ва спорт вазирлиги Қорақалпоғистон Республикаси Вазирлар Кенгаши, вилоятлар ҳамда Тошкент шаҳар ҳокимликлари, Ўзбекистон Бадиий академияси, Савдо-саноат палатаси, «Ўзбеккино» миллий агентлиги ва бошқа манфаатдор вазирликлар ва идоралар ҳамда нодавлат нотижорат ташкилотларидан олинадиган ушбу Низомнинг 2 ва 3-иловаларига мувофиқ шакл бўйича маълумотларни ҳар йили 1 ноябргача умумлаштириб, 15 ноябрга қадар Ўзбекистон Республикаси Туризмни ривожлантириш давлат қўмитасига фотолавҳалар ва видеороликлар ҳамда тадбирлар бўйича бошқа маълумотлар бўлган медиа контент билан биргаликда тақдим этади.
Тақвимда ҳар бир тадбир бўйича медиа контент мавжуд бўлиши зарурий шарт ҳисобланади.
8. Ўзбекистон Республикаси Туризмни ривожлантириш давлат қўмитаси маданий-кўнгилочар ва оммавий спорт тадбирларининг ягона тақвимини шакллантириб, ҳар йили 15 декабрга қадар Ўзбекистон Республикаси Вазирлар Маҳкамасининг тегишли комплекси раҳбарига тасдиқлаш учун тақдим этади.
9. Ўзбекистон Республикаси Туризмни ривожлантириш давлат қўмитаси ҳар йили 1 январга қадар интерактив шаклдаги тақвим шакллантирилишини ҳамда доимий равишда Интернет жаҳон ахборот тармоғи, шу жумладан ижтимоий тармоқлар орқали сайёҳлар учун кенг миқёсда тарқатилишини таъминлайди.
10. Ўзбекистон Республикаси Туризмни ривожлантириш давлат қўмитаси Маданий-кўнгилочар ва оммавий спорт тадбирларини Ўзбекистон Матбуот ва ахборот агентлиги ва Ўзбекистон Миллий телерадиокомпанияси билан ҳамкорликда оммавий ахборот воситалари, Интернет жаҳон ахборот тармоғи, шу жумладан ижтимоий тармоқлар орқали кенг ёритади.
4-боб. Якунловчи қоидалар
11. Тақвимга йил мобайнида тегишли вазирликлар ва идораларнинг таклифларига мувофиқ Ўзбекистон Республикаси Туризмни ривожлантириш давлат қўмитаси томонидан ўзгартириш ва қўшимчалар киритилиши мумкин.
12. Ушбу Низом талабларининг бузилишида айбдор бўлган шахслар қонунчиликка мувофиқ жавоб берадилар.
Низомга 1-ИЛОВА
Маданий-кўнгилочар ва оммавий спорт тадбирларининг ягона тақвимини шакллантириш
Низомга 2-ИЛОВА
Маданий-кўнгилочар ва оммавий спорт тадбирларининг ягона тақвимининг намунавий шакли
Т/р Тадбир номи Тадбирнинг қисқача тавсифи ва мақсади Ташкилотчилар Молиялаштириш манбалари ва ажратиладиган маблағлар Тадбирнинг ўтказиш муддатлари (аниқ сана, ой ва йил) Ҳудуд ва ўтказиш жойи (аниқ кўрсатилиши керак) Алоқа воситаси (ташкилотчилар телефон рақами, веб-сайти, электрон почтаси, ижтимоий тармоқлар ва бошқалар) Изоҳ I. Маданий-кўнгилочар тадбирлар 1. 2. ... ... II. Оммавий спорт тадбирлари 1. 2. ... ...
Низомга 3-ИЛОВА
Маданий-кўнгилочар ва оммавий спорт тадбирларининг паспорти намунаси
Т/р Тадбир тўғрисидаги маълумотлар Тадбир ўтказилиши тўғрисидаги маълумот жойлаштирилган ижтимоий тармоқлар (агар мавжуд бўлса) 1 . __________________________________________________________ ____________________________________________________ ______ (тадбир номи) Веб-сайт:__________________________ Facebook: _________________________ _ Instagram:__________________________ Twitter:____________________________ 2 . Тадбир ўтказиладиган сана: 3 . Тадбир ўтказиладиган жой: 4 . Тадбир ташкилотчилари: ИНН: ИНН: 5 . Тадбир тури: □ халқаро конференциялар, семинарлар ва анжуманлар; □ миллий ва халқаро кўргазмалар ҳамда ярмаркалар; □ миллий чолғулардан иборат турли концертлар; □ спорт мусобақалари ва тадбирлари; □ амалий санъат намуналари намойишлари; □ миллий ҳунармандчилик йўналишидаги тадбирлар; □ оммавий театр-томоша ва миллий ўйинлар намойишлари; □ туризм ва маданий мерос объектларидаги тадбирлар; □ бошқа маданий-кўнгилочар ва оммавий спорт тадбирлари: ________________________ ___________________________________________ . (тадбир номи аниқ кўрсатилиши лозим) 6 . Тадбир кўлами: □ Халқаро миқёсда _______________________ _______________________ (тадбир номи аниқ кўрсатилиши лозим) ________________________ _ _______________________ (иштирокчилар сони аниқ кўрсатилиши лозим) Тадбир кўлами: □ Республика миқёсида □ Қорақалпоғистон Республикаси □ Андижон вилояти □ Бухоро вилояти □ Жиззах вилояти □ Навоий вилояти □ Наманган вилояти □ Самарқанд вилояти □ Сирдарё вилояти □ Сурхондарё вилояти □ Тошкент вилояти □ Тошкент шаҳри □ Фарғона вилояти □ Хоразм вилояти □ Қашқадарё вилояти _______________________ _____ ____________________________ (туманлар (шаҳарлар) номи аниқ кўрсатилиши лозим) _________________ _________________ (иштирокчилар сони аниқ кўрсатилиши лозим) 7. Тадбир ўтказиш учун асос : □ Ўзбекистон Республикаси Президенти ҳужжатлари, Вазирлар Маҳкамаси қарорлари, топшириқлари ________________ _______ ________________ (ҳужжат рақами ва тасдиқланган санаси) □ Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари (давлат органлари) қарорлари ____________________ _______ ____________ (Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари (давлат органлари) қарори рақами ва тасдиқланган санаси) □ Ташаббускорлар таклифлари асосида ________________ _______ ________________ (мурожаат рақами ва санаси) □ Бошқа асослар ______________ _______ __________________ (аниқ кўрсатилиши лозим) 8 . Молиялаштириш манбалари: Қиймати: □ Ташкилотчи маблағлари □ Ҳомийлар хайриялари _____________________ _____ __________ (ҳомийлар номи аниқ кўрсатилиши лозим) Ўзбекистон Республикаси Давлат бюджети маблағлари (молия органлари билан келишилган ҳолда) 9 . Хавфсизлик масалалари: □ Тегишли рухсатномага эга: _________________________________________________ _________________________________________________________ (ҳужжат қайси ташкилот томонидан берилган, рақами ва санаси) □ Махсус рухсатнома олиш талаб этилмайди. 10 . Тадбирларни ўтказиш тили: □ ўзбек □ рус □ инглиз □ бошқа тиллар:______________________________________ (аниқ кўрсатилиши лозим)
Асосий ташкилотчининг номи: ___________________________ Ф.И.О.(Раҳбар) (Имзо) _________________ Муҳр Ташкилотчилар: ___________________________ Ф.И.О. (Раҳбар) (Имзо) _________________ Муҳр ___________________________ Ф.И.О. (Раҳбар) (Имзо) _________________ Муҳр
Ўзбекистон Республикасининг Бош вазири А. АРИПОВ
Тошкент ш.,
2018 йил 22 май,
385-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
Madaniy-koʻngilochar va ommaviy sport tadbirlarining yagona taqvimini shakllantirish tartibi toʻgʻrisida
Milliy turizm mahsulotlarini yaratish va ularni jahon bozorlarida targʻib qilish, turizm sohasida Oʻzbekistonning ijobiy qiyofasini shakllantirishda madaniy-koʻngilochar va ommaviy sport tadbirlarini oʻtkazish, shu asosda respublikaga kelayotgan sayyohlar oqimini koʻpaytirish maqsadida Vazirlar Mahkamasi qaror qiladi:
1. Madaniy-koʻngilochar va ommaviy sport tadbirlarining yagona taqvimini shakllantirish tartibi toʻgʻrisida nizom ilovaga muvofiq tasdiqlansin.
2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov, Oʻzbekiston Respublikasi madaniyat vaziri B.S. Sayfullayev, jismoniy tarbiya va sport vaziri Sh.X. Isroilov va Turizmni rivojlantirish davlat qoʻmitasi raisi A.A. Abduxakimov zimmasiga yuklansin.
Vazirlar Mahkamasining 2018-yil 22-maydagi 385-son qaroriga ILOVA
Madaniy-koʻngilochar va ommaviy sport tadbirlarining yagona taqvimini shakllantirish tartibi toʻgʻrisida
1-bob. Umumiy qoidalar
1. Ushbu Nizom madaniy-koʻngilochar va ommaviy sport tadbirlarining yagona taqvimini shakllantirish tartibini belgilaydi.
2. Ushbu Nizomda quyidagi asosiy tushunchalardan foydalaniladi:
madaniy-koʻngilochar va ommaviy sport tadbirlarining yagona taqvimi (keyingi oʻrinlarda taqvim deb ataladi) — Oʻzbekiston Respublikasi hududida oʻtkaziladigan xalqaro va respublika miqyosidagi ushbu Nizomning 3-bandida nazarda tutilgan madaniy-koʻngilochar va ommaviy sport tadbirlari roʻyxati va ularni oʻtkazish muddatlari;
tadbirlar uchun media kontent (keyingi oʻrinda media kontent deb ataladi) — Internet jahon axborot tarmogʻi, shu jumladan ijtimoiy tarmoqlarda joylashtiriladigan taqvim orqali koʻrish va eshitish mumkin boʻlgan fotolavhalar va videoroliklar.
3. Madaniy-koʻngilochar va ommaviy sport tadbirlarining yagona taqvimiga quyidagi xalqaro va respublika miqyosida oʻtadigan tadbirlar kiritilishi mumkin:
xalqaro konferensiyalar, seminarlar va anjumanlar;
milliy va xalqaro koʻrgazmalar hamda yarmarkalar;
milliy cholgʻulardan iborat turli konsertlar;
sport musobaqalari va tadbirlari;
amaliy sanʼat namunalari namoyishlari;
milliy hunarmandchilik yoʻnalishidagi tadbirlar;
ommaviy teatr-tomosha va milliy oʻyinlar namoyishlari;
turizm va madaniy meros obyektlaridagi tadbirlar;
boshqa madaniy-koʻngilochar va ommaviy sport tadbirlari.
4. Madaniy-koʻngilochar va ommaviy sport tadbirlarini moliyalashtirish ijrochilar va homiylik xayriyalari, shuningdek, qonunchilikda taqiqlanmagan boshqa mablagʻlar hisobiga amalga oshiriladi.
2-bob. Taqvimni shakllantirishning asosiy vazifalari
5. Quyidagilar taqvimni shakllantirishning asosiy vazifalari hisoblanadi:
Internet jahon axborot tarmogʻi, shu jumladan ijtimoiy tarmoqlar orqali Oʻzbekistonda boʻlib oʻtadigan madaniy-koʻngilochar va ommaviy sport tadbirlari toʻgʻrisida xorijiy sayyohlarning avvaldan toʻliq maʼlumotga ega boʻlishini taʼminlash;
turizm sohasida xizmat koʻrsatayotgan tadbirkorlik subyektlariga turizm xizmatlarini shakllantirish va ushbu xizmatlarni koʻrsatish uchun axborot bazasini yaratish;
respublika hududida oʻtadigan xalqaro koʻrgazmalar, yarmarkalar, sport musobaqalari va tadbirlar, amaliy sanʼat namunalari namoyishi, milliy hunarmandchilik yoʻnalishlari asosidagi tadbirlar, ommaviy teatr-tomosha va milliy oʻyinlar namoyishlarida hamda boshqa madaniy-maʼrifiy tadbirlarda xorijiy mehmonlarning ishtirokini taʼminlash;
respublikaga kelayotgan xorijiy sayyohlar oqimining koʻpayishiga, ichki hamda tashqi turizmni rivojlantirishga koʻmaklashish;
xalqaro turizm bozorida “Oʻzbekiston” brendining keng miqyosda targʻib qilinishi hamda yoritib borilishini taʼminlash.
3-bob. Taqvimni shakllantirish
6. Madaniy-koʻngilochar va ommaviy sport tadbirlarining yagona taqvimini shakllantirish ushbu Nizomning 1-ilovasiga muvofiq sxema boʻyicha amalga oshiriladi.
7. Oʻzbekiston Respublikasi Madaniyat vazirligi hamda Jismoniy tarbiya va sport vazirligi Qoraqalpogʻiston Respublikasi Vazirlar Kengashi, viloyatlar hamda Toshkent shahar hokimliklari, Oʻzbekiston Badiiy akademiyasi, Savdo-sanoat palatasi, “Oʻzbekkino” milliy agentligi va boshqa manfaatdor vazirliklar va idoralar hamda nodavlat notijorat tashkilotlaridan olinadigan ushbu Nizomning 2 va 3-ilovalariga muvofiq shakl boʻyicha maʼlumotlarni har yili 1-noyabrgacha umumlashtirib, 15-noyabrga qadar Oʻzbekiston Respublikasi Turizmni rivojlantirish davlat qoʻmitasiga fotolavhalar va videoroliklar hamda tadbirlar boʻyicha boshqa maʼlumotlar boʻlgan media kontent bilan birgalikda taqdim etadi.
Taqvimda har bir tadbir boʻyicha media kontent mavjud boʻlishi zaruriy shart hisoblanadi.
8. Oʻzbekiston Respublikasi Turizmni rivojlantirish davlat qoʻmitasi madaniy-koʻngilochar va ommaviy sport tadbirlarining yagona taqvimini shakllantirib, har yili 15-dekabrga qadar Oʻzbekiston Respublikasi Vazirlar Mahkamasining tegishli kompleksi rahbariga tasdiqlash uchun taqdim etadi.
9. Oʻzbekiston Respublikasi Turizmni rivojlantirish davlat qoʻmitasi har yili 1-yanvarga qadar interaktiv shakldagi taqvim shakllantirilishini hamda doimiy ravishda Internet jahon axborot tarmogʻi, shu jumladan ijtimoiy tarmoqlar orqali sayyohlar uchun keng miqyosda tarqatilishini taʼminlaydi.
10. Oʻzbekiston Respublikasi Turizmni rivojlantirish davlat qoʻmitasi Madaniy-koʻngilochar va ommaviy sport tadbirlarini Oʻzbekiston Matbuot va axborot agentligi va Oʻzbekiston Milliy teleradiokompaniyasi bilan hamkorlikda ommaviy axborot vositalari, Internet jahon axborot tarmogʻi, shu jumladan ijtimoiy tarmoqlar orqali keng yoritadi.
4-bob. Yakunlovchi qoidalar
11. Taqvimga yil mobaynida tegishli vazirliklar va idoralarning takliflariga muvofiq Oʻzbekiston Respublikasi Turizmni rivojlantirish davlat qoʻmitasi tomonidan oʻzgartirish va qoʻshimchalar kiritilishi mumkin.
12. Ushbu Nizom talablarining buzilishida aybdor boʻlgan shaxslar qonunchilikka muvofiq javob beradilar.
Nizomga 1-ILOVA
Madaniy-koʻngilochar va ommaviy sport tadbirlarining yagona taqvimini shakllantirish
Nizomga 2-ILOVA
Madaniy-koʻngilochar va ommaviy sport tadbirlarining yagona taqvimining namunaviy shakli
T/r Tadbir nomi Tadbirning qisqacha tavsifi va maqsadi Tashkilotchilar Moliyalashtirish manbalari va ajratiladigan mablagʻlar Tadbirning oʻtkazish muddatlari (aniq sana, oy va yil) Hudud va oʻtkazish joyi (aniq koʻrsatilishi kerak) Aloqa vositasi (tashkilotchilar telefon raqami, veb-sayti, elektron pochtasi, ijtimoiy tarmoqlar va boshqalar) Izoh I. Madaniy-koʻngilochar tadbirlar 1. 2. ... ... II. Ommaviy sport tadbirlari 1. 2. ... ...
Nizomga 3-ILOVA
Madaniy-koʻngilochar va ommaviy sport tadbirlarining pasporti namunasi
T/r Tadbir toʻgʻrisidagi maʼlumotlar Tadbir oʻtkazilishi toʻgʻrisidagi maʼlumot joylashtirilgan ijtimoiy tarmoqlar (agar mavjud boʻlsa) 1 . __________________________________________________________ ____________________________________________________ ______ (tadbir nomi) Veb-sayt:__________________________ Facebook: _________________________ _ Instagram:__________________________ Twitter:____________________________ 2 . Tadbir oʻtkaziladigan sana: 3 . Tadbir oʻtkaziladigan joy: 4 . Tadbir tashkilotchilari: INN: INN: 5 . Tadbir turi: □ xalqaro konferensiyalar, seminarlar va anjumanlar; □ milliy va xalqaro koʻrgazmalar hamda yarmarkalar; □ milliy cholgʻulardan iborat turli konsertlar; □ sport musobaqalari va tadbirlari; □ amaliy sanʼat namunalari namoyishlari; □ milliy hunarmandchilik yoʻnalishidagi tadbirlar; □ ommaviy teatr-tomosha va milliy oʻyinlar namoyishlari; □ turizm va madaniy meros obyektlaridagi tadbirlar; □ boshqa madaniy-koʻngilochar va ommaviy sport tadbirlari: ________________________ ___________________________________________ . (tadbir nomi aniq koʻrsatilishi lozim) 6 . Tadbir koʻlami: □ Xalqaro miqyosda _______________________ _______________________ (tadbir nomi aniq koʻrsatilishi lozim) ________________________ _ _______________________ (ishtirokchilar soni aniq koʻrsatilishi lozim) Tadbir koʻlami: □ Respublika miqyosida □ Qoraqalpogʻiston Respublikasi □ Andijon viloyati □ Buxoro viloyati □ Jizzax viloyati □ Navoiy viloyati □ Namangan viloyati □ Samarqand viloyati □ Sirdaryo viloyati □ Surxondaryo viloyati □ Toshkent viloyati □ Toshkent shahri □ Fargʻona viloyati □ Xorazm viloyati □ Qashqadaryo viloyati _______________________ _____ ____________________________ (tumanlar (shaharlar) nomi aniq koʻrsatilishi lozim) _________________ _________________ (ishtirokchilar soni aniq koʻrsatilishi lozim) 7. Tadbir oʻtkazish uchun asos : □ Oʻzbekiston Respublikasi Prezidenti hujjatlari, Vazirlar Mahkamasi qarorlari, topshiriqlari ________________ _______ ________________ (hujjat raqami va tasdiqlangan sanasi) □ Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari (davlat organlari) qarorlari ____________________ _______ ____________ (Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari (davlat organlari) qarori raqami va tasdiqlangan sanasi) □ Tashabbuskorlar takliflari asosida ________________ _______ ________________ (murojaat raqami va sanasi) □ Boshqa asoslar ______________ _______ __________________ (aniq koʻrsatilishi lozim) 8 . Moliyalashtirish manbalari: Qiymati: □ Tashkilotchi mablagʻlari □ Homiylar xayriyalari _____________________ _____ __________ (homiylar nomi aniq koʻrsatilishi lozim) Oʻzbekiston Respublikasi Davlat budjeti mablagʻlari (moliya organlari bilan kelishilgan holda) 9 . Xavfsizlik masalalari: □ Tegishli ruxsatnomaga ega: _________________________________________________ _________________________________________________________ (hujjat qaysi tashkilot tomonidan berilgan, raqami va sanasi) □ Maxsus ruxsatnoma olish talab etilmaydi. 10 . Tadbirlarni oʻtkazish tili: □ oʻzbek □ rus □ ingliz □ boshqa tillar:______________________________________ (aniq koʻrsatilishi lozim)
Asosiy tashkilotchining nomi: ___________________________ F.I.O.(Rahbar) (Imzo) _________________ Muhr Tashkilotchilar: ___________________________ F.I.O. (Rahbar) (Imzo) _________________ Muhr ___________________________ F.I.O. (Rahbar) (Imzo) _________________ Muhr
Oʻzbekiston Respublikasining Bosh vaziri A. ARIPOV
Toshkent sh.,
2018-yil 22-may,
385-son