📅 2018-yil 5-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 5 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 5 июня 2018 г. · Постановления Президента
Официальный текст. Официальный документ. Редакционные примечания не включены.
📅 5 June 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
РЎЙХАТИ
«Навоий» эркин иқтисодий зонаси фаолиятини кенгайтириш ва Навоий вилоятида кичик саноат зоналарини ташкил этиш чора-тадбирлари тўғрисида
Давлат мулки бўлган объектлар ва ишлаб чиқариш майдонларидан самарали фойдаланиш, инвестицияларни фаол жалб қилиш учун қулай шароитлар яратиш, рақобатбардош янги замонавий ишлаб чиқаришлар ва кичик корхоналарни ривожлантиришни янада қўллаб-қувватлаш, уларни муҳандислик-коммуникация ва ишлаб чиқариш инфратузилмаси ташкил этилган алоҳида ҳудудларда жойлаштиришни таъминлаш ва шу аснода ишлаб чиқариш соҳасида янги иш ўринлари яратиш ҳамда аҳолининг бандлик ва фаровонлик даражасини ошириш мақсадида:
1. Навоий вилояти ҳокимлиги, Ўзбекистон Республикаси Иқтисодиёт вазирлиги, Инвестициялар бўйича давлат қўмитаси, Хусусийлаштирилган корхоналарга кўмаклашиш ва рақобатни ривожлантириш давлат қўмитасининг:
фойдаланилмаётган ишлаб чиқариш майдонларини 1-иловага мувофиқ «Навоий» эркин иқтисодий зонаси (кейинги ўринларда — ЭИЗ деб аталади) ҳудудига киритиш;
фойдаланилмаётган давлат мулки объектлари негизида 2-иловага мувофиқ Навоий вилоятида кичик саноат зоналарини (кейинги ўринларда — КСЗ деб аталади) ташкил этиш тўғрисидаги таклифларига розилик берилсин.
2. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси манфаатдор давлат бошқаруви органлари билан биргаликда фойдаланилмаётган тегишли ишлаб чиқариш майдонлари ва давлат мулки объектларини ушбу қарорнинг 2-иловасига мувофиқ бир ой муддатда Навоий вилояти ҳокимлигига белгиланган тартибда ўтказилишини таъминласин.
3. Белгилансинки:
КСЗ ҳудудидаги давлат кўчмас мулки тадбиркорлик субъектларига бизнес-режаларни бажариш, иш ўринларини яратиш ва сақлаш, барча турдаги солиқлар ва бошқа мажбурий тўловларни ўз вақтида тўлаш шарти билан кейинчалик мулк ҳуқуқи тақдим этилган ҳолда 10 йиллик узоқ муддатли ижарага берилади;
КСЗ ҳудудидаги кўчмас давлат мулкидан ижара даврида фойдаланиш учун ижарага олинган майдонда амалга оширилаётган фаолият туридан келиб чиққан ҳолда ортиб борадиган коэффициентни қўлламасдан ижара тўловининг энг кам ставкаси белгиланади;
КСЗ ҳудудида инвестиция лойиҳаларини амалга ошириш учун ер участкаларини ажратиш Ўзбекистон Республикаси Президентининг 2017 йил 25 октябрдаги «Эркин иқтисодий зоналар ва кичик саноат зоналари фаолияти самарадорлигини ошириш борасидаги қўшимча чора-тадбирлар тўғрисида»ги ПҚ-3356-сон қарорига мувофиқ амалга оширилади.
4. Навоий вилояти Эркин иқтисодий ва кичик саноат зоналари маъмурий кенгаши бир ой муддатда КСЗ дирекциясини ташкил этиш чораларини кўрсин.
6. Ўзбекистон Республикаси Тикланиш ва тараққиёт жамғармаси КСЗ ҳудудида амалга ошириладиган инвестиция лойиҳаларини биргаликда молиялаштириш учун тижорат банклари орқали 50 млн. АҚШ доллари миқдоридаги кредит линиялари икки ой муддатда белгиланган тартибда очилишини таъминласин.
7. Белгилаб қўйилсинки:
Ўзбекистон Республикаси Тикланиш ва тараққиёт жамғармасининг кредит линияси маблағлари импорт ускуналар ва уларга бутловчи қисмлар харид қилиш учун ажратилади;
кредитларни сўндириш унинг жадвалига мувофиқ Ўзбекистон Республикаси Марказий банкининг кредитни узиш кунидаги курси бўйича миллий валютада амалга оширилиши мумкин.
8. Навоий вилояти Эркин иқтисодий зоналар ва кичик саноат зоналари маъмурий кенгаши Ўзбекистон Республикаси Иқтисодиёт вазирлиги, Молия вазирлиги, Уй-жой коммунал хизмат кўрсатиш вазирлиги, Автомобиль йўллари давлат қўмитаси, «Ўзбекэнерго» АЖ, «Ўзтрансгаз» АЖ билан биргаликда икки ой муддатда Навоий вилояти КСЗларини муҳандислик-коммуникация ва ишлаб чиқариш инфратузилмаси билан таъминлаш юзасидан таклифларни уларни молиялаштириш манбалари кўрсатилган ҳолда Вазирлар Маҳкамасига киритсин.
9. Навоий вилояти Эркин иқтисодий зоналар ва кичик саноат зоналари маъмурий кенгаши Ўзбекистон Республикаси Иқтисодиёт вазирлиги, Инвестициялар бўйича давлат қўмитаси, Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Ўзбекистон Республикаси Савдо-саноат палатаси ва тижорат банклари билан биргаликда белгиланган тартибда:
Навоий вилояти иқтисодиётининг талаб-эҳтиёжлари, шунингдек, мавжуд минерал-хом ашё, қишлоқ хўжалиги ресурсларини ва инфратузилмани инобатга олган ҳолда, Навоий вилояти КСЗлари ҳудудида импорт ўрнини босувчи ва экспортга йўналтирилган тайёр маҳсулотлар, материаллар ва бутловчи буюмлар турларини ишлаб чиқариш корхоналарини жойлаштириш бўйича икки ой муддатда аниқ таклифлар — «йўл хариталари» ишлаб чиқилишини;
Навоий вилояти КСЗлари ҳудудида ўзлаштириш учун таклиф қилинаётган импорт ўрнини босувчи ва экспортга йўналтирилган тайёр маҳсулотлар, материаллар ва бутловчи буюмлар турлари тўғрисидаги маълумотларнинг тадбиркорлик субъектларига етказилишини;
КСЗлар ҳудудида лойиҳаларни амалга ошириш учун тадбиркорлик субъектларини жалб этиш, улар билан тизимли ишлар олиб бориш, шунингдек, Навоий вилояти КСЗлари ҳудудида ишлаб чиқаришларни жойлаштириш бўйича инвестиция буюртманомалари сифатли ва ўз вақтида кўриб чиқилишини;
Навоий вилояти КСЗлари ҳудудида ишлаб чиқаришларни ташкил этиш бўйича инвестиция лойиҳаларининг бизнес-режаларини ишлаб чиқишда тадбиркорлик субъектларига кўмаклашишни таъминласинлар.
Амалга оширилган чора-тадбирларнинг самарадорлиги ва натижадорлиги тўғрисида Ўзбекистон Республикаси Вазирлар Маҳкамасига 2018 йил 15 июль ва 2019 йил 15 январга қадар ахборот берилсин.
10. Ўзбекистон Республикаси Инвестициялар бўйича давлат қўмитаси манфаатдор вазирликлар ва идоралар билан биргаликда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида бир ой муддатда Ўзбекистон Республикаси Вазирлар Маҳкамасига таклифлар киритсин.
11. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — Инвестициялар бўйича давлат қўмитаси раиси С.Р. Холмурадов, Иқтисодиёт вазири Б.А. Ходжаев ва Навоий вилояти ҳокими К.Б. Турсунов зиммасига юклансин.
Ўзбекистон Республикаси Президентининг 2018 йил 5 июндаги ПҚ-3774-сонли қарорига 1-ИЛОВА
«Навоий» эркин иқтисодий зонаси ҳудудига киритилаётган фойдаланилмаётган ишлаб чиқариш майдонларининг
Т/р Объектнинг номи Жойлашган манзили Ҳудуди (га) * Бино ва нншоотлар майдони (кв.м) 1 . Собиқ «УПП» АЖга қарашли ишлаб чиқариш базасининг бино ва иншоотлари Навоий шаҳри, С. Айний кўчаси, 27-уй 34,1 42 199,7 2 . Собиқ «УПП» АЖга қарашли қурилиш материаллари заводининг бино ва иншоотлари Навоий шаҳри, С. Айний кўчаси, 27-уй 23,0 49 323,0 3 . Собиқ «Автотрансстрой-механизация» АЖнинг бино ва иншоотлари Навоий шаҳри, С. Айний кўчаси, 69-уй 24,07 82 175,65 Жами: 81,17 173 698,35
Ўзбекистон Республикаси Президентининг 2018 йил 5 июндаги ПҚ-3774-сонли қарорига 2-ИЛОВА
Навоий вилоятида фойдаланилмаётган давлат мулки объектлари негизида ташкил этилаётган кичик саноат зоналарининг
Т/р Ташкил этилаётган КСЗнинг номи Объектнинг номи Ҳудуди (га) * Бино ва нншоотлар майдони (кв.м) 1. Зарафшон шаҳар КСЗ Зарафшон 18-дала қидирув экспедицияси бино ва иншоотлари 0,8 1 013,5 2. Навоий шаҳар КСЗ Собиқ нон комбинатининг бино ва иншоотлари 1,2 4 352,9 4. Хатирчи тумани КСЗ «Мустақиллик» МФЙ ҳудудидаги фойдаланилмаётган ер майдони 35,0 - Жами: 38,2 6 882,8
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 5 июнь,
ПҚ-3774-сон
Oʻzbekiston Respublikasi Prezidentining
Qarori
ROʻYXATI
ROʻYXATI
“Navoiy” erkin iqtisodiy zonasi faoliyatini kengaytirish va Navoiy viloyatida kichik sanoat zonalarini tashkil etish chora-tadbirlari toʻgʻrisida
Davlat mulki boʻlgan obyektlar va ishlab chiqarish maydonlaridan samarali foydalanish, investitsiyalarni faol jalb qilish uchun qulay sharoitlar yaratish, raqobatbardosh yangi zamonaviy ishlab chiqarishlar va kichik korxonalarni rivojlantirishni yanada qoʻllab-quvvatlash, ularni muhandislik-kommunikatsiya va ishlab chiqarish infratuzilmasi tashkil etilgan alohida hududlarda joylashtirishni taʼminlash va shu asnoda ishlab chiqarish sohasida yangi ish oʻrinlari yaratish hamda aholining bandlik va farovonlik darajasini oshirish maqsadida:
1. Navoiy viloyati hokimligi, Oʻzbekiston Respublikasi Iqtisodiyot vazirligi, Investitsiyalar boʻyicha davlat qoʻmitasi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasining:
foydalanilmayotgan ishlab chiqarish maydonlarini 1-ilovaga muvofiq “Navoiy” erkin iqtisodiy zonasi (keyingi oʻrinlarda — EIZ deb ataladi) hududiga kiritish;
foydalanilmayotgan davlat mulki obyektlari negizida 2-ilovaga muvofiq Navoiy viloyatida kichik sanoat zonalarini (keyingi oʻrinlarda — KSZ deb ataladi) tashkil etish toʻgʻrisidagi takliflariga rozilik berilsin.
2. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi manfaatdor davlat boshqaruvi organlari bilan birgalikda foydalanilmayotgan tegishli ishlab chiqarish maydonlari va davlat mulki obyektlarini ushbu qarorning 2-ilovasiga muvofiq bir oy muddatda Navoiy viloyati hokimligiga belgilangan tartibda oʻtkazilishini taʼminlasin.
3. Belgilansinki:
KSZ hududidagi davlat koʻchmas mulki tadbirkorlik subyektlariga biznes-rejalarni bajarish, ish oʻrinlarini yaratish va saqlash, barcha turdagi soliqlar va boshqa majburiy toʻlovlarni oʻz vaqtida toʻlash sharti bilan keyinchalik mulk huquqi taqdim etilgan holda 10 yillik uzoq muddatli ijaraga beriladi;
KSZ hududidagi koʻchmas davlat mulkidan ijara davrida foydalanish uchun ijaraga olingan maydonda amalga oshirilayotgan faoliyat turidan kelib chiqqan holda ortib boradigan koeffitsiyentni qoʻllamasdan ijara toʻlovining eng kam stavkasi belgilanadi;
KSZ hududida investitsiya loyihalarini amalga oshirish uchun yer uchastkalarini ajratish Oʻzbekiston Respublikasi Prezidentining 2017-yil 25-oktabrdagi “Erkin iqtisodiy zonalar va kichik sanoat zonalari faoliyati samaradorligini oshirish borasidagi qoʻshimcha chora-tadbirlar toʻgʻrisida”gi PQ-3356-son qaroriga muvofiq amalga oshiriladi.
4. Navoiy viloyati Erkin iqtisodiy va kichik sanoat zonalari maʼmuriy kengashi bir oy muddatda KSZ direksiyasini tashkil etish choralarini koʻrsin.
6. Oʻzbekiston Respublikasi Tiklanish va taraqqiyot jamgʻarmasi KSZ hududida amalga oshiriladigan investitsiya loyihalarini birgalikda moliyalashtirish uchun tijorat banklari orqali 50 mln. AQSH dollari miqdoridagi kredit liniyalari ikki oy muddatda belgilangan tartibda ochilishini taʼminlasin.
7. Belgilab qoʻyilsinki:
Oʻzbekiston Respublikasi Tiklanish va taraqqiyot jamgʻarmasining kredit liniyasi mablagʻlari import uskunalar va ularga butlovchi qismlar xarid qilish uchun ajratiladi;
kreditlarni soʻndirish uning jadvaliga muvofiq Oʻzbekiston Respublikasi Markaziy bankining kreditni uzish kunidagi kursi boʻyicha milliy valyutada amalga oshirilishi mumkin.
8. Navoiy viloyati Erkin iqtisodiy zonalar va kichik sanoat zonalari maʼmuriy kengashi Oʻzbekiston Respublikasi Iqtisodiyot vazirligi, Moliya vazirligi, Uy-joy kommunal xizmat koʻrsatish vazirligi, Avtomobil yoʻllari davlat qoʻmitasi, “Oʻzbekenergo” AJ, “Oʻztransgaz” AJ bilan birgalikda ikki oy muddatda Navoiy viloyati KSZlarini muhandislik-kommunikatsiya va ishlab chiqarish infratuzilmasi bilan taʼminlash yuzasidan takliflarni ularni moliyalashtirish manbalari koʻrsatilgan holda Vazirlar Mahkamasiga kiritsin.
9. Navoiy viloyati Erkin iqtisodiy zonalar va kichik sanoat zonalari maʼmuriy kengashi Oʻzbekiston Respublikasi Iqtisodiyot vazirligi, Investitsiyalar boʻyicha davlat qoʻmitasi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Oʻzbekiston Respublikasi Savdo-sanoat palatasi va tijorat banklari bilan birgalikda belgilangan tartibda:
Navoiy viloyati iqtisodiyotining talab-ehtiyojlari, shuningdek, mavjud mineral-xom ashyo, qishloq xoʻjaligi resurslarini va infratuzilmani inobatga olgan holda, Navoiy viloyati KSZlari hududida import oʻrnini bosuvchi va eksportga yoʻnaltirilgan tayyor mahsulotlar, materiallar va butlovchi buyumlar turlarini ishlab chiqarish korxonalarini joylashtirish boʻyicha ikki oy muddatda aniq takliflar — “yoʻl xaritalari” ishlab chiqilishini;
Navoiy viloyati KSZlari hududida oʻzlashtirish uchun taklif qilinayotgan import oʻrnini bosuvchi va eksportga yoʻnaltirilgan tayyor mahsulotlar, materiallar va butlovchi buyumlar turlari toʻgʻrisidagi maʼlumotlarning tadbirkorlik subyektlariga yetkazilishini;
KSZlar hududida loyihalarni amalga oshirish uchun tadbirkorlik subyektlarini jalb etish, ular bilan tizimli ishlar olib borish, shuningdek, Navoiy viloyati KSZlari hududida ishlab chiqarishlarni joylashtirish boʻyicha investitsiya buyurtmanomalari sifatli va oʻz vaqtida koʻrib chiqilishini;
Navoiy viloyati KSZlari hududida ishlab chiqarishlarni tashkil etish boʻyicha investitsiya loyihalarining biznes-rejalarini ishlab chiqishda tadbirkorlik subyektlariga koʻmaklashishni taʼminlasinlar.
Amalga oshirilgan chora-tadbirlarning samaradorligi va natijadorligi toʻgʻrisida Oʻzbekiston Respublikasi Vazirlar Mahkamasiga 2018-yil 15-iyul va 2019-yil 15-yanvarga qadar axborot berilsin.
10. Oʻzbekiston Respublikasi Investitsiyalar boʻyicha davlat qoʻmitasi manfaatdor vazirliklar va idoralar bilan birgalikda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida bir oy muddatda Oʻzbekiston Respublikasi Vazirlar Mahkamasiga takliflar kiritsin.
11. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — Investitsiyalar boʻyicha davlat qoʻmitasi raisi S.R. Xolmuradov, Iqtisodiyot vaziri B.A. Xodjayev va Navoiy viloyati hokimi K.B. Tursunov zimmasiga yuklansin.
Oʻzbekiston Respublikasi Prezidentining 2018-yil 5-iyundagi PQ-3774-sonli qaroriga 1-ILOVA
“Navoiy” erkin iqtisodiy zonasi hududiga kiritilayotgan foydalanilmayotgan ishlab chiqarish maydonlarining
T/r Obyektning nomi Joylashgan manzili Hududi (ga) * Bino va nnshootlar maydoni (kv.m) 1 . Sobiq “UPP” AJga qarashli ishlab chiqarish bazasining bino va inshootlari Navoiy shahri, S. Ayniy koʻchasi, 27-uy 34,1 42 199,7 2 . Sobiq “UPP” AJga qarashli qurilish materiallari zavodining bino va inshootlari Navoiy shahri, S. Ayniy koʻchasi, 27-uy 23,0 49 323,0 3 . Sobiq “Avtotransstroy-mexanizatsiya” AJning bino va inshootlari Navoiy shahri, S. Ayniy koʻchasi, 69-uy 24,07 82 175,65 Jami: 81,17 173 698,35
Oʻzbekiston Respublikasi Prezidentining 2018-yil 5-iyundagi PQ-3774-sonli qaroriga 2-ILOVA
Navoiy viloyatida foydalanilmayotgan davlat mulki obyektlari negizida tashkil etilayotgan kichik sanoat zonalarining
T/r Tashkil etilayotgan KSZning nomi Obyektning nomi Hududi (ga) * Bino va nnshootlar maydoni (kv.m) 1. Zarafshon shahar KSZ Zarafshon 18-dala qidiruv ekspeditsiyasi bino va inshootlari 0,8 1 013,5 2. Navoiy shahar KSZ Sobiq non kombinatining bino va inshootlari 1,2 4 352,9 4. Xatirchi tumani KSZ “Mustaqillik” MFY hududidagi foydalanilmayotgan yer maydoni 35,0 - Jami: 38,2 6 882,8
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 5-iyun,
PQ-3774-son
Президента Республики Узбекистан
Постановление
ПЕРЕЧЕНЬ
ПЕРЕЧЕНЬ
О мерах по расширению деятельности свободной экономической зоны «Навои» и созданию малых промышленных зон в Навоийской области
В целях эффективного использования производственных площадей и объектов государственной собственности, формирования благоприятных условий для активного привлечения инвестиций, дальнейшей поддержки развития новых конкурентоспособных производств и малых предприятий, обеспечения их концентрации на отдельных территориях с подведенной инженерно-коммуникационной и производственной инфраструктурой, создания на этой основе новых рабочих мест в производственной сфере, повышения занятости и благосостояния населения:
1. Согласиться с предложением хокимията Навоийской области, Министерства экономики Республики Узбекистан, Государственного комитета Республики Узбекистан по инвестициям. Государственного комитета Республики Узбекистан по содействию приватизированным предприятиям и развитию конкуренции о:
включении в территорию свободной экономической зоны «Навои» (далее — СЭЗ) бездействующих производственных площадей по перечню согласно приложению № 1 ;
создании в Навоийской области малых промышленных зон (далее — МПЗ) на базе неиспользуемых объектов государственной собственности по перечню согласно приложению № 2 .
2. Государственному комитету Республики Узбекистан по содействию приватизированным предприятиям и развитию конкуренции совместно с заинтересованными органами государственного управления в месячный срок обеспечить в установленном порядке передачу хокимияту Навоийской области соответствующих неиспользуемых производственных площадей и объектов государственной собственности согласно приложению № 2 к настоящему постановлению.
3. Установить, что:
недвижимое государственное имущество, находящееся па территории МПЗ, предоставляется субъектам предпринимательства в долгосрочную аренду сроком на 10 лет, с последующим предоставлением права собственности при условии выполнения бизнес-планов, создания и сохранения рабочих мест, своевременной уплаты всех налогов и других обязательных платежей;
за пользование недвижимым государственным имуществом, находящимся на территории МПЗ, в период его аренды устанавливаются минимальные ставки арендной платы исходя из вида деятельности, осуществляемого на арендуемой площади, без применения повышающих коэффициентов;
выделение земельных участков для реализации инвестиционных проектов на территории МПЗ осуществляется в соответствии с постановлением Президента Республики Узбекистан от 25 октября 2017 года № ПП-3356 «О дополнительных мерах по повышению эффективности деятельности свободных экономических зон и малых промышленных зон».
4. Административному совету свободных экономических зон и малых промышленных зон Навоийской области в месячный срок принять меры по созданию дирекции МПЗ.
6. Фонду реконструкции и развития Республики Узбекистан в двухмесячный срок открыть в установленном порядке через коммерческие банки кредитную линию в размере 50 млн. долларов США для софинансирования инвестиционных проектов, реализуемых на территории МПЗ.
7. Установить что:
средства кредитной линии Фонда реконструкции и развития Республики Узбекистан выделяются на закупку импортного оборудования и комплектующих изделий к ним;
погашение кредитов может осуществляться в национальной валюте по курсу Центрального банка Республики Узбекистан на дату погашения, в соответствии с графиками погашения.
8. Административному совету свободных экономических зон и малых промышленных зон Навоийской области совместно с Министерством экономики Республики Узбекистан, Министерством финансов Республики Узбекистан, Министерством жилищно-коммунального обслуживания Республики Узбекистан, Государственным комитетом Республики Узбекистан по автомобильным дорогам, АО «Узбекэнерго», АО «Узтрансгаз» в двухмесячный срок внести предложение в Кабинет Министров по обеспечению МПЗ Навоийской области инженерно-коммуникационной и производственной инфраструктурой с указанием источника финансирования.
9. Административному совету свободных экономических зон и малых промышленных зон Навоийской области совместно с Министерством экономики Республики Узбекистан, Государственным комитетом Республики Узбекистан по инвестициям, Государственным комитетом Республики Узбекистан по содействию приватизированным предприятиям и развитию конкуренции. Торгово-промышленной палатой Республики Узбекистана и коммерческими банками в установленном порядке обеспечить:
в двухмесячный срок разработку конкретных предложений — «дорожных карт» по размещению на территории МПЗ Навоийской области производств по выпуску импортозамещающих и экспортоориентированных видов готовой продукции, материалов и комплектующих изделий, с учетом потребности экономики Навоийской области, а также имеющихся минерально-сырьевых, сельскохозяйственных ресурсов и инфраструктуры;
доведение до субъектов предпринимательства информации о видах импортозамещающей и экспортоориентированной готовой продукции, материалов и комплектующих изделий, предлагаемых к освоению на территории МПЗ в Навоийской области;
привлечение к реализации проектов на территории МПЗ субъектов предпринимательства, проведение системной работы с ними, а также качественное и своевременное рассмотрение инвестиционных заявок на размещение производств на территориях МПЗ в Навоийской области;
оказание содействия субъектам предпринимательства в разработке бизнес- планов инвестиционных проектов по организации производств на территории МПЗ в Навоийской области.
Об эффективности и результативности принятых мер доложить в Кабинет Министров Республики Узбекистан к 15 июля 2018 года и 15 января 2019 года.
10. Государственному комитету по инвестициям совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
11. Контроль за исполнением настоящего постановления возложить на заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмурадова, министра экономики Республики Узбекистан Б.А. Ходжаева и хокима Навоийской области К.Б. Турсунова.
ПРИЛОЖЕНИЕ № 1 к постановлению Президента Республики Узбекистан от 5 июня 2018 года № ПП-3774
бездействующих производственных площадей, включаемых в территорию свободной экономической зоны «Навои»
№ Наименование объектов Месторасположение Территория * (га) Производственная площадь (кв.м) 1 . Здания и сооружения производственной базы бывшего АО «УПП» г. Навои, ул. С. Айний, 27 34,1 42 199,7 2 . Здания и сооружения завода строительных материалов бывшего АО «УПП» г. Навои, ул. С. Айний, 27 23,0 49 323,0 3 . Здания и сооружения бывшего АО «Автотрансстрой-механизация» г. Навои, ул. С. Айний, 69 24,07 82 175,65 Всего: 81,17 173 698,35
ПРИЛОЖЕНИЕ № 2 к постановлению Президента Республики Узбекистан от 5 июня 2018 года № ПП-3774
малых промышленных зон в Навоийской области, создаваемых на базе неиспользуемых объектов государственной собственности
№ Наименование создаваемых МПЗ Наименование объекта Территория * (га) Площадь зданий и сооружений (кв.м) 1. Зарафшанская городская МПЗ Здания и сооружения Зарафшанской 18-полевой изыскательной экспедиции 0,8 1 013,5 2. Навоийская городская МПЗ Здания и сооружения бывшего хлебокомбината 1,2 4 352,9 4. Хатырчинская районная МПЗ Неиспользуемый земельный участок на территории МСГ «Мустакиллик» 35,0 - Всего: 38,2 6 882,8
Президент Республики Узбекистан Ш. МИРЗИЁЕВ
г. Ташкент,
5 июня 2018 г.,
№ ПП-3774