📅 2018-yil 2-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 2 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 2 июня 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 2 June 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
Олий таълим муассасаларига ногиронлиги бўлган шахсларни қўшимча давлат гранти квоталари асосида ўқишга қабул қилиш тартиби тўғрисидаги низомни тасдиқлаш ҳақида
Ўзбекистон Республикаси Президентининг «Ногиронлиги бўлган шахсларни давлат томонидан қўллаб-қувватлаш тизимини тубдан такомиллаштириш чора-тадбирлари тўғрисида» 2017 йил 1 декабрдаги ПФ-5270-сон Фармонига мувофиқ Вазирлар Маҳкамаси қарор қилади:
1. Олий таълим муассасаларига ногиронлиги бўлган шахсларни қўшимча давлат гранти квоталари асосида ўқишга қабул қилиш тартиби тўғрисида низом иловага мувофиқ тасдиқлансин.
2. Тасарруфида олий таълим муассасалари бўлган вазирлик, идоралар ва олий таълим муассасалари Ўзбекистон Республикаси Соғлиқни сақлаш вазирлиги билан биргаликда ногиронлиги бўлган шахслар абитуриент сифатида ҳужжат топширган олий таълим муассасаларида кириш имтиҳонлари ўтказиладиган ва ногиронлиги бўлган шахслар ўқийдиган бино ва аудиторияларда зарур шарт-шароитлар яратиш чораларини кўрсин.
3. Ўзбекистон Республикаси Олий ва ўрта махсус таълим вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдухакимов ва олий ва ўрта махсус таълим вазири И.У. Маджидов зиммасига юклансин.
Вазирлар Маҳкамасининг 2018 йил 2 июндаги 417-сон қарорига ИЛОВА
Олий таълим муассасаларига ногиронлиги бўлган шахсларни қўшимча давлат гранти квоталари асосида ўқишга қабул қилиш тартиби тўғрисида
1-боб. Умумий қоидалар
1. Ушбу Низом олий таълим муассасаларига ногиронлиги бўлган шахсларни қўшимча давлат гранти квоталари асосида ўқишга қабул қилиш тартибини белгилайди.
2. Олий таълим муассасаларига абитуриентларни қабул қилишнинг умумий сонига нисбатан ногиронлиги бўлган шахслар учун қўшимча икки фоизли давлат гранти квоталарининг (кейинги ўринларда қўшимча квота деб аталади) олий таълим муассасалари кесимидаги тақсимоти тизимида олий таълим муассасалари бўлган вазирлик ва идоралар томонидан шакллантирилиб, ҳар йили Ўзбекистон Республикаси Президентининг олий таълим муассасаларига ўқишга қабул қилиш тўғрисидаги тегишли қарори қабул қилинганидан сўнг икки ҳафта муддатда Давлат олий таълим муассасаларига ўқишга қабул қилиш жараёнларини мувофиқлаштириш бўйича давлат комиссиясига (кейинги ўринларда Давлат комиссияси деб аталади) тақдим этилади.
Олий таълим муассасаларига абитуриентларни қабул қилишнинг умумий сонига нисбатан ногиронлиги бўлган шахслар учун қўшимча квоталарнинг олий таълим муассасалари кесимидаги тақсимоти икки ҳафта муддатда Давлат комиссияси томонидан тасдиқланади.
3. Олий таълим муассасаларига ногиронлиги бўлган шахсларни қўшимча квота асосида ўқишга қабул қилиш тоифасига умумий ўрта таълим (11-синф негизида) ёки ўрта махсус таълим ташкилоти ёхуд бошланғич профессионал таълим касб-ҳунар мактабини тугатганлиги ҳақидаги ҳужжатга ҳамда I ва II гуруҳ ногиронлиги тўғрисида белгиланган тартибда берилган шаклдаги маълумотномага эга I ва II гуруҳ ногиронлиги бўлган шахслар, шунингдек ногиронлиги бўлган болалар киради.
4. Олий таълим муассасасининг қабул комиссияси томонидан кириш имтиҳонлари ўтказиладиган бино ва аудиторияларда ногиронлиги бўлган шахслар учун зарур шарт-шароитлар яратилади.
5. Олий таълим муассасаларига ногиронлиги бўлган шахсларни қўшимча квота асосида ўқишга қабул қилиш кириш имтиҳонлари (тест синовлари, касбий (ижодий) имтиҳон) натижаларига мувофиқ амалга оширилади.
6. Ногиронлиги бўлган шахслар учун ажратилган қўшимча квоталар асосида қабул қилинмаган абитуриентлар тўплаган баллари билан мазкур таълим йўналишида умумий тартибда танловда иштирок этади.
7. Олий таълим муассасаларига кўзи ожиз абитуриентлар Вазирлар Маҳкамасининг 2025 йил 13 сентябрдаги 578-сон қарори билан тасдиқланган Олий таълим ташкилотларининг бакалавриатига ўқишга қабул қилиш тартиби тўғрисидаги низомнинг 8-боби ҳамда Олий таълим ташкилотларининг магистратурасига ўқишга қабул қилиш тартиби тўғрисидаги низомнинг 14 - 15-бандларида белгиланган тартибга мувофиқ қабул қилинади.
8. Ўзбекистон Республикаси олий таълим муассасаларининг бакалавриатига ногиронлиги бўлган шахсларни қўшимча давлат гранти квоталари асосида ўқишга қабул қилишни ташкил этиш мазкур Низомга иловада келтирилган схемага мувофиқ амалга оширилади.
2-боб. Ҳужжатларни қабул қилиш ва ўрганиш
9. Қабул жараёнида олий таълим муассасаси ва Ўзбекистон Республикаси Соғлиқни сақлаш вазирлигининг (кейинги ўринларда Соғлиқни сақлаш вазирлиги деб аталади) ҳудудий бошқармаси вакилларидан иборат таркибда олий таълим муассасасида ногиронлиги бўлган шахслардан ҳужжатлар қабул қилиш комиссияси ташкил этилади.
Ногиронлиги бўлган шахслардан ҳужжатлар қабул қилиш комиссияси таркибига Ўзбекистон ногиронлар жамияти вакили ҳам киритилиши мумкин.
Қуйидагилар ногиронлиги бўлган шахслардан ҳужжатларни қабул қилиш комиссиясининг асосий вазифалари этиб белгиланади:
ногиронлиги бўлган шахслар билан касбга йўналтириш бўйича суҳбатлар ўтказиш;
ногиронлиги бўлган шахслардан ариза ва ҳужжатларни қабул қилиш.
10. Абитуриент олий таълим муассасасининг қабул комиссиясига тақдим этиши лозим бўлган ҳужжатларга қўшимча равишда ногиронлиги бўлган шахслар ногиронликни тасдиқловчи ҳужжатнинг аслини шахсан (ёки ишончли вакили томонидан) кўрсатган ҳолда, нусхасини тақдим этиши талаб этилади.
11. Барча абитуриентлар тўғрисидаги маълумотлар Ўзбекистон Республикаси Вазирлар Маҳкамаси ҳузуридаги Давлат тест марказининг (кейинги ўринларда Давлат тест маркази деб аталади) абитуриентлар базасига киритилади.
12. Давлат тест маркази ҳар йили 16 июлга қадар ногиронлиги бўлган абитуриентлар тўғрисидаги маълумотларни Соғлиқни сақлаш вазирлигига ўрганиб чиқиш учун тақдим этади.
Ўрганиш натижалари Соғлиқни сақлаш вазирлиги томонидан ҳар йили 20 июлга қадар Давлат тест марказига маълум қилинади.
Ўрганиш натижаларига кўра ногиронлиги тасдиқланмаган шахслар олий таълим муассасаларига ногиронлиги бўлган шахсларни қўшимча икки фоизли давлат гранти квоталари асосида ўқишга қабул қилиш бўйича кириш имтиҳонлари (тест синовлари, касбий (ижодий) имтиҳон)га қўйилмайди.
3-боб. Кириш имтиҳонларини топшириш
13. Ногиронлиги бўлган шахслар томонидан кириш имтиҳонлари (тест синовлари, касбий (ижодий) имтиҳон) олий таълим муассасаларининг бакалавриатига қабул қилиш бўйича белгиланган тартибларга мувофиқ топширилади.
Кириш имтиҳонларида тўплаш мумкин бўлган энг юқори баллнинг 30 фоизидан кам бўлмаган балл тўплаган ногиронлиги бўлган шахслар баллар кетма-кетлигига қатъий риоя этилган ҳолда, қўшимча икки фоизли давлат гранти квоталари доирасида талабаликка тавсия этилади.
4-боб. Якунловчи қоидалар
14. Ушбу Низомни қўллашда юзага келадиган низолар қонун ҳужжатларида белгиланган тартибда ҳал этилади.
15. Мазкур Низом талабларининг бузилишида айбдор бўлган шахслар қонун ҳужжатларида белгиланган тартибда жавоб берадилар.
Олий таълим муассасаларига ногиронлиги бўлган шахсларни қўшимча давлат гранти квоталари асосида ўқишга қабул қилиш тартиби тўғрисидаги низомга ИЛОВА
Ўзбекистон Республикаси олий таълим муассасаларининг бакалавриатига ногиронлиги бўлган шахсларни қўшимча давлат гранти квоталари асосида ўқишга қабул қилишни ташкил этиш
Ўзбекистон Республикасининг Бош вазири А. АРИПОВ
Тошкент ш.,
2018 йил 2 июнь,
417-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
Oliy taʼlim muassasalariga nogironligi boʻlgan shaxslarni qoʻshimcha davlat granti kvotalari asosida oʻqishga qabul qilish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining “Nogironligi boʻlgan shaxslarni davlat tomonidan qoʻllab-quvvatlash tizimini tubdan takomillashtirish chora-tadbirlari toʻgʻrisida” 2017-yil 1-dekabrdagi PF-5270-son Farmoniga muvofiq Vazirlar Mahkamasi qaror qiladi:
1. Oliy taʼlim muassasalariga nogironligi boʻlgan shaxslarni qoʻshimcha davlat granti kvotalari asosida oʻqishga qabul qilish tartibi toʻgʻrisida nizom ilovaga muvofiq tasdiqlansin.
2. Tasarrufida oliy taʼlim muassasalari boʻlgan vazirlik, idoralar va oliy taʼlim muassasalari Oʻzbekiston Respublikasi Sogʻliqni saqlash vazirligi bilan birgalikda nogironligi boʻlgan shaxslar abituriyent sifatida hujjat topshirgan oliy taʼlim muassasalarida kirish imtihonlari oʻtkaziladigan va nogironligi boʻlgan shaxslar oʻqiydigan bino va auditoriyalarda zarur shart-sharoitlar yaratish choralarini koʻrsin.
3. Oʻzbekiston Respublikasi Oliy va oʻrta maxsus taʼlim vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduxakimov va oliy va oʻrta maxsus taʼlim vaziri I.U. Madjidov zimmasiga yuklansin.
Vazirlar Mahkamasining 2018-yil 2-iyundagi 417-son qaroriga ILOVA
Oliy taʼlim muassasalariga nogironligi boʻlgan shaxslarni qoʻshimcha davlat granti kvotalari asosida oʻqishga qabul qilish tartibi toʻgʻrisida
1-bob. Umumiy qoidalar
1. Ushbu Nizom oliy taʼlim muassasalariga nogironligi boʻlgan shaxslarni qoʻshimcha davlat granti kvotalari asosida oʻqishga qabul qilish tartibini belgilaydi.
2. Oliy taʼlim muassasalariga abituriyentlarni qabul qilishning umumiy soniga nisbatan nogironligi boʻlgan shaxslar uchun qoʻshimcha ikki foizli davlat granti kvotalarining (keyingi oʻrinlarda qoʻshimcha kvota deb ataladi) oliy taʼlim muassasalari kesimidagi taqsimoti tizimida oliy taʼlim muassasalari boʻlgan vazirlik va idoralar tomonidan shakllantirilib, har yili Oʻzbekiston Respublikasi Prezidentining oliy taʼlim muassasalariga oʻqishga qabul qilish toʻgʻrisidagi tegishli qarori qabul qilinganidan soʻng ikki hafta muddatda Davlat oliy taʼlim muassasalariga oʻqishga qabul qilish jarayonlarini muvofiqlashtirish boʻyicha davlat komissiyasiga (keyingi oʻrinlarda Davlat komissiyasi deb ataladi) taqdim etiladi.
Oliy taʼlim muassasalariga abituriyentlarni qabul qilishning umumiy soniga nisbatan nogironligi boʻlgan shaxslar uchun qoʻshimcha kvotalarning oliy taʼlim muassasalari kesimidagi taqsimoti ikki hafta muddatda Davlat komissiyasi tomonidan tasdiqlanadi.
3. Oliy taʼlim muassasalariga nogironligi boʻlgan shaxslarni qoʻshimcha kvota asosida oʻqishga qabul qilish toifasiga umumiy oʻrta taʼlim (11-sinf negizida) yoki oʻrta maxsus taʼlim tashkiloti yoxud boshlangʻich professional taʼlim kasb-hunar maktabini tugatganligi haqidagi hujjatga hamda I va II guruh nogironligi toʻgʻrisida belgilangan tartibda berilgan shakldagi maʼlumotnomaga ega I va II guruh nogironligi boʻlgan shaxslar, shuningdek nogironligi boʻlgan bolalar kiradi.
4. Oliy taʼlim muassasasining qabul komissiyasi tomonidan kirish imtihonlari oʻtkaziladigan bino va auditoriyalarda nogironligi boʻlgan shaxslar uchun zarur shart-sharoitlar yaratiladi.
5. Oliy taʼlim muassasalariga nogironligi boʻlgan shaxslarni qoʻshimcha kvota asosida oʻqishga qabul qilish kirish imtihonlari (test sinovlari, kasbiy (ijodiy) imtihon) natijalariga muvofiq amalga oshiriladi.
6. Nogironligi boʻlgan shaxslar uchun ajratilgan qoʻshimcha kvotalar asosida qabul qilinmagan abituriyentlar toʻplagan ballari bilan mazkur taʼlim yoʻnalishida umumiy tartibda tanlovda ishtirok etadi.
7. Oliy taʼlim muassasalariga koʻzi ojiz abituriyentlar Vazirlar Mahkamasining 2025-yil 13-sentabrdagi 578-son qarori bilan tasdiqlangan Oliy taʼlim tashkilotlarining bakalavriatiga oʻqishga qabul qilish tartibi toʻgʻrisidagi nizomning 8-bobi hamda Oliy taʼlim tashkilotlarining magistraturasiga oʻqishga qabul qilish tartibi toʻgʻrisidagi nizomning 14 - 15-bandlarida belgilangan tartibga muvofiq qabul qilinadi.
8. Oʻzbekiston Respublikasi oliy taʼlim muassasalarining bakalavriatiga nogironligi boʻlgan shaxslarni qoʻshimcha davlat granti kvotalari asosida oʻqishga qabul qilishni tashkil etish mazkur Nizomga ilovada keltirilgan sxemaga muvofiq amalga oshiriladi.
2-bob. Hujjatlarni qabul qilish va oʻrganish
9. Qabul jarayonida oliy taʼlim muassasasi va Oʻzbekiston Respublikasi Sogʻliqni saqlash vazirligining (keyingi oʻrinlarda Sogʻliqni saqlash vazirligi deb ataladi) hududiy boshqarmasi vakillaridan iborat tarkibda oliy taʼlim muassasasida nogironligi boʻlgan shaxslardan hujjatlar qabul qilish komissiyasi tashkil etiladi.
Nogironligi boʻlgan shaxslardan hujjatlar qabul qilish komissiyasi tarkibiga Oʻzbekiston nogironlar jamiyati vakili ham kiritilishi mumkin.
Quyidagilar nogironligi boʻlgan shaxslardan hujjatlarni qabul qilish komissiyasining asosiy vazifalari etib belgilanadi:
nogironligi boʻlgan shaxslar bilan kasbga yoʻnaltirish boʻyicha suhbatlar oʻtkazish;
nogironligi boʻlgan shaxslardan ariza va hujjatlarni qabul qilish.
10. Abituriyent oliy taʼlim muassasasining qabul komissiyasiga taqdim etishi lozim boʻlgan hujjatlarga qoʻshimcha ravishda nogironligi boʻlgan shaxslar nogironlikni tasdiqlovchi hujjatning aslini shaxsan (yoki ishonchli vakili tomonidan) koʻrsatgan holda, nusxasini taqdim etishi talab etiladi.
11. Barcha abituriyentlar toʻgʻrisidagi maʼlumotlar Oʻzbekiston Respublikasi Vazirlar Mahkamasi huzuridagi Davlat test markazining (keyingi oʻrinlarda Davlat test markazi deb ataladi) abituriyentlar bazasiga kiritiladi.
12. Davlat test markazi har yili 16-iyulga qadar nogironligi boʻlgan abituriyentlar toʻgʻrisidagi maʼlumotlarni Sogʻliqni saqlash vazirligiga oʻrganib chiqish uchun taqdim etadi.
Oʻrganish natijalari Sogʻliqni saqlash vazirligi tomonidan har yili 20-iyulga qadar Davlat test markaziga maʼlum qilinadi.
Oʻrganish natijalariga koʻra nogironligi tasdiqlanmagan shaxslar oliy taʼlim muassasalariga nogironligi boʻlgan shaxslarni qoʻshimcha ikki foizli davlat granti kvotalari asosida oʻqishga qabul qilish boʻyicha kirish imtihonlari (test sinovlari, kasbiy (ijodiy) imtihon)ga qoʻyilmaydi.
3-bob. Kirish imtihonlarini topshirish
13. Nogironligi boʻlgan shaxslar tomonidan kirish imtihonlari (test sinovlari, kasbiy (ijodiy) imtihon) oliy taʼlim muassasalarining bakalavriatiga qabul qilish boʻyicha belgilangan tartiblarga muvofiq topshiriladi.
Kirish imtihonlarida toʻplash mumkin boʻlgan eng yuqori ballning 30 foizidan kam boʻlmagan ball toʻplagan nogironligi boʻlgan shaxslar ballar ketma-ketligiga qatʼiy rioya etilgan holda, qoʻshimcha ikki foizli davlat granti kvotalari doirasida talabalikka tavsiya etiladi.
4-bob. Yakunlovchi qoidalar
14. Ushbu Nizomni qoʻllashda yuzaga keladigan nizolar qonun hujjatlarida belgilangan tartibda hal etiladi.
15. Mazkur Nizom talablarining buzilishida aybdor boʻlgan shaxslar qonun hujjatlarida belgilangan tartibda javob beradilar.
Oliy taʼlim muassasalariga nogironligi boʻlgan shaxslarni qoʻshimcha davlat granti kvotalari asosida oʻqishga qabul qilish tartibi toʻgʻrisidagi nizomga ILOVA
Oʻzbekiston Respublikasi oliy taʼlim muassasalarining bakalavriatiga nogironligi boʻlgan shaxslarni qoʻshimcha davlat granti kvotalari asosida oʻqishga qabul qilishni tashkil etish
Oʻzbekiston Respublikasining Bosh vaziri A. ARIPOV
Toshkent sh.,
2018-yil 2-iyun,
417-son
Кабинета Министров Республики Узбекистан
Постановление
ПОЛОЖЕНИЕ
СХЕМА
Об утверждении Положения о порядке приема лиц с инвалидностью в высшие образовательные учреждения на обучение по дополнительным квотам на основе государственного гранта
В соответствии с Указом Президента Республики Узбекистан от 1 декабря 2017 года № УП-5270 «О мерах по кардинальному совершенствованию системы государственной поддержки лиц с инвалидностью» Кабинет Министров постановляет:
1. Утвердить Положение о порядке приема лиц с инвалидностью в высшие образовательные учреждения на обучение по дополнительным квотам на основе государственного гранта согласно приложению .
2. Министерствам, ведомствам, имеющим в ведении высшие образовательные учреждения, и высшим образовательным учреждениям совместно с Министерством здравоохранения Республики Узбекистан принять меры по созданию необходимых условий в аудиториях и зданиях, в которых будут проводиться вступительные экзамены и обучение лиц с инвалидностью.
3. Министерству высшего и среднего специального образования Республики Узбекистан совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
4. Контроль за исполнением настоящего постановления возложить на заместителя Премьер-министра Республики Узбекистан А.А. Абдухакимова и министра высшего и среднего специального образования Республики Узбекистан И.У. Маджидова.
ПРИЛОЖЕНИЕ к постановлению Кабинета Министров от 2 июня 2018 года № 417
о порядке приема лиц с инвалидностью в высшие образовательные учреждения на обучение по дополнительным квотам на основе государственного гранта
Глава 1. Общие положения
1. Настоящее Положение определяет порядок приёма лиц с инвалидностью в высшие образовательные учреждения на обучение по дополнительным квотам на основе государственного гранта.
2. Распределение дополнительной двухпроцентной квоты государственного гранта для лиц с инвалидностью по отношению к общему количеству приема абитуриентов в высшие образовательные учреждения (далее — дополнительная квота) в разрезе высших образовательных учреждений формируется министерствами и ведомствами, имеющими в своей системе высшие образовательные учреждения, в двухнедельный срок предоставляется в Государственную комиссию по координации процессов приема на учебу в государственные высшие образовательные учреждения (далее — Государственная комиссия) после принятия ежегодного соответствующего постановления Президента Республики Узбекистан о приеме в высшие образовательные учреждения.
Дополнительная квота для лиц с инвалидностью по отношению к общему количеству приема абитуриентов в высшие образовательные учреждения в разрезе высших образовательных учреждений утверждается Государственной комиссией в двухнедельный срок.
3. К категории лиц с инвалидностью, принимаемых на обучение по дополнительным квотам в высшие образовательные учреждения, относятся лица с инвалидностью I и II группы, а также дети с инвалидностью, имеющие документ об окончании средней общеобразовательной (на базе 11-го класса) или средней специальной образовательной организации либо профессиональной школы начального профессионального образования, а также имеющие справку об инвалидности I и II группы, выданную в установленном порядке.
4. Приёмная комиссия высшего образовательного учреждения обеспечивает создание для лиц с инвалидностью всех необходимых условий в зданиях и аудиториях, где будут проводиться вступительные экзамены.
5. Приём в высшие образовательные учреждения лиц с инвалидностью на дополнительную квоту осуществляется по результатам вступительных экзаменов (тестовых испытаний, профессиональных (творческих) экзаменов).
6. Абитуриенты, не принятые по дополнительным квотам, выделенным лицам с инвалидностью, с набранными баллами участвуют в конкурсе по данному направлению образования на общих основаниях.
7. Абитуриенты с нарушением зрения принимаются в организации высшего образования в соответствии с порядком, установленным главой 8 Положения о порядке приема на обучение в бакалавриат организаций высшего образования и пунктами 14-15 Положения о порядке приема на обучение в магистратуру организаций высшего образования, утвержденных постановлением Кабинета Министров от 13 сентября 2025 года № 578.
8. Организация приёма на обучение в бакалавриат высших образовательных учреждений Республики Узбекистан лиц с инвалидностью по дополнительным квотам на основе государственного гранта осуществляется в соответствии со схемой согласно приложению к настоящему Положению.
Глава 2. Приём и изучение документов
9. В период приёма образуется комиссия по приёму документов лиц с инвалидностью в составе представителей высшего образовательного учреждения и территориального управления Министерства здравоохранения Республики Узбекистан (далее — Министерство здравоохранения).
В состав комиссии по приёму документов лиц с инвалидностью могут включаться также представители Общества инвалидов Узбекистана.
Основными задачами комиссии по приёму документов лиц с инвалидностью являются:
проведение собеседований по профессиональной ориентации лиц с инвалидностью;
приём заявлений и документов лиц с инвалидностью.
10. В дополнение к документам, сдаваемым в приёмную комиссию высшего образовательного учреждения, требуется предоставление непосредственно абитуриентом (или его доверенным лицом) копии документа, подтверждающего инвалидность абитуриента (при этом необходимо предоставление также оригинала данного документа)
11. Вся информация об абитуриентах вносится в базу данных абитуриентов Государственного центра тестирования при Кабинете Министров Республики Узбекистан (далее — Государственный центр тестирования).
12. Ежегодно до 16 июля Государственный центр тестирования предоставляет для изучения в Министерство здравоохранения информацию об абитуриентах с инвалидностью.
Ежегодно до 20 июля Министерством здравоохранения результаты проведенного изучения предоставляются в Государственный центр тестирования.
Лица, по итогам изучения не получившие подтверждения инвалидности, не допускаются к вступительным экзаменам (тестовым испытаниям, профессиональным (творческим) экзаменам) для приема по дополнительной двухпроцентной квоте на основе государственного гранта в высшие образовательные учреждения.
Глава 3. Сдача вступительных экзаменов
13. Лицами с инвалидностью вступительные экзамены (тестовые испытания, профессиональные (творческие) экзамены) сдаются в соответствии с порядками, установленными для приема в бакалавриат высших образовательных учреждений.
Лица с инвалидностью, набравшие на вступительных экзаменах не менее 30 процентов максимально возможного балла, рекомендуются к зачислению в строгом соответствии с набранными баллами в рамках дополнительной двухпроцентной квоты на основе государственного гранта.
Глава 4. Заключительные положения
14. Споры, возникающие при применении настоящего Положения, разрешаются в порядке, установленном законодательством.
15. Лица, виновные в нарушении требований настоящего Положения, несут ответственность в порядке, установленном законодательством.
ПРИЛОЖЕНИЕ к Положению о порядке приема лиц с инвалидностью в высшие образовательные учреждения на обучение по дополнительным квотам на основе государственного гранта
организации приёма на обучение в бакалавриат высших образовательных учреждений Республики Узбекистан лиц с инвалидностью по дополнительным квотам на основе государственного гранта
Премьер-министр Республики Узбекистан А. АРИПОВ
г. Ташкент,
2 июня 2018 г.,
№ 417