📅 2018-yil 31-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 31 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 31 мая 2018 г. · Постановления Президента
Официальный текст. Официальный документ. Редакционные примечания не включены.
📅 31 May 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Имтиёзлар ва преференциялар бериш тартибини тубдан такомиллаштириш чора-тадбирлари тўғрисида
Мамлакатни жадал ижтимоий-иқтисодий ривожлантириш мақсадида иқтисодиётни эркинлаштириш, тадбиркорликни қўллаб-қувватлаш, чет эл инвестицияларини фаол жалб қилиш, товарлар (ишлар ва хизматлар)дан эркин фойдаланишни таъминлаш ҳамда хўжалик юритувчи субъектларнинг барча тоифалари учун тенг рақобат шароитларига эга бўлган ягона иқтисодий маконни шакллантириш бўйича кенг кўламли чора-тадбирлар амалга оширилмоқда.
Шу билан бирга, айрим хўжалик юритувчи субъектларга имтиёзлар, преференциялар ва эксклюзив ҳуқуқлар бериш юзасидан шаклланган амалиёт қуйидагилар каби қатор жиддий муаммоларни келтириб чиқармоқда:
биринчидан , муайян тармоқ ёки ҳудуддаги алоҳида ташкилотларга имтиёзлар, преференциялар ва эксклюзив ҳуқуқлар аниқ мезонларсиз ҳамда уларни асословчи шаффоф механизмларсиз танлаб берилиши оқибатида мазкур ташкилотлар учун асоссиз устувор шарт-шароитлар яратилмоқда;
иккинчидан , кўплаб хўжалик юритувчи субъектлар томонидан давлат бошқаруви функциялари қўшиб амалга оширилмоқда, бу эса бозорда имтиёзли мақомга эга бўлиш учун маъмурий ресурслардан фойдаланишга ва инсофли рақобат принциплари бузилишига олиб келмоқда;
учинчидан , индивидуал имтиёзлар ва преференциялардан фойдаланувчи хўжалик юритувчи субъектларда боқимандалик кайфияти шаклланмоқда, бундай субъектларнинг ташаббускорлиги йўқ ва ишчанлик фаоллиги паст, шунингдек, улар ишлаб чиқарган маҳсулотлар рақобатбардош эмас;
тўртинчидан , берилаётган имтиёзлар ва преференцияларнинг самарадорлигини, жумладан уларнинг муайян тармоқлар, ҳудудлар ва умуман мамлакат иқтисодиёти ривожланишига амалий таъсирини баҳолашда тизимлилик мавжуд эмас.
Бозорда соғлом рақобат муҳитини шакллантириш ва бизнес юритиш учун тенг шарт-шароитлар яратиш, фаол тадбиркорлик ривожланишини ҳар томонлама қўллаб-қувватлаш, инсофли рақобат принциплари амалга оширилишини таъминлаш мақсадида, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясининг вазифаларига мувофиқ:
1. Маълумот учун қабул қилинсинки, Ўзбекистон Республикасининг солиқ тизимини ислоҳ қилиш доирасида:
соғлом рақобат муҳитини таъминлаш учун индивидуал солиқ ва божхона имтиёзлари бериш амалиётини максимал даражада чеклаш, имтиёзлар ва преференциялар бериш, уларнинг иқтисодий жиҳатдан асослилиги ҳамда самарадорлигини баҳолаш тизимини, шунингдек, улардан фойдаланишни мониторинг қилиш механизмларини такомиллаштириш;
солиқ ва божхона имтиёзларини фақат аниқ мақсадда бериш тартибини ишлаб чиқиш ҳамда тасдиқлаш, уларни қўллаш самарадорлигини мониторинг қилиш ва баҳолаш тизимини жорий этиш, самарасиз фойдаланилган имтиёз суммаларини бюджетга мажбурий қайтариш механизмларини мустаҳкамлаш назарда тутилмоқда.
2. Шундай тартиб ўрнатилсинки, унга кўра:
солиқ ва божхона имтиёзлари ҳамда преференциялар (кейинги ўринларда имтиёзлар деб юритилади) қонунлар ва Ўзбекистон Республикаси Президенти ҳужжатлари билан умуман тармоқлар, фаолият соҳалари, ҳудудлар учун берилади, шунингдек, аниқ мақсадга эга бўлиши ҳамда аниқ ижтимоий, иқтисодий ва молиявий натижаларга эришишни таъминлаши зарур;
вақтинчалик имтиёзлар Ўзбекистон Республикаси Президенти ҳужжатлари билан 3 йилдан ортиқ бўлмаган муддатга берилади, Ўзбекистон Республикасининг халқаро шартномаларида назарда тутилган ҳоллар бундан мустасно;
индивидуал имтиёзлар, алоҳида ҳолларда, хусусий сектор инвестиция киритишдан манфаатдор бўлмаган тармоқларда ижтимоий аҳамиятга эга лойиҳаларни амалга ошириш учун, аниқ ижтимоий ёки иқтисодий асослар мавжуд бўлганда ёхуд Ўзбекистон Республикасининг халқаро шартномаларига мувофиқ, Ўзбекистон Республикаси Президенти ҳужжатлари билан берилади;
имтиёзлар беришга, божхона тўловлари бўйича имтиёзлар қўллаган ҳолда Ўзбекистон Республикаси ҳудудига олиб кириладиган (импорт қилинадиган) товарлар рўйхатларини тасдиқлашга доир ҳукумат ва идоравий қарорларни қабул қилиш тақиқланади;
божхона тўловлари бўйича имтиёзлар қўллаган ҳолда Ўзбекистон Республикаси ҳудудига олиб кириладиган (импорт қилинадиган) товарлар рўйхатлари ва уларга тузатишлар, имтиёзлар бериш тўғрисида қонун ёки Ўзбекистон Республикаси Президентининг ҳужжати мавжуд бўлган тақдирдагина, имтиёз берилган ташкилот томонидан шакллантирилади, шунингдек, уларнинг комплекс экспертизасини амалга ошириш учун Саноат кооперацияси ва давлат харидлари агентлиги ҳузуридаги «Ўзбекэкспертиза» акциядорлик жамиятига киритилади;
божхона тўловлари бўйича имтиёзлар қўллаган ҳолда Ўзбекистон Республикаси ҳудудига олиб кириладиган (импорт қилинадиган) товарлар рўйхатининг комплекс экспертизаси якунлари бўйича Саноат кооперацияси ва давлат харидлари агентлиги ҳузуридаги «Ўзбекэкспертиза» акциядорлик жамиятининг ижобий хулосаси олинган тақдирда, ташкилот рўйхатда кўрсатилган товарларни белгиланган тартибда импорт қилиш ҳуқуқига эга;
Ўзбекистон Республикаси Иқтисодиёт ва саноат вазирлиги берилган имтиёзларни муддатидан олдин тугатиш юзасидан Ўзбекистон Республикаси Вазирлар Маҳкамасига асослантирилган таклифлар киритиш ҳуқуқига эга.
3. Белгилаб қўйилсинки:
б) экспертизадан ўтказиш учун тақдим этилаётган норматив-ҳуқуқий ҳужжат лойиҳасига сўралаётган имтиёзлар бўйича асослантириш ва тегишли ҳисоб-китоблар мажбурий тартибда илова қилинади, уларда лойиҳанинг мақсади, амалга ошириш муддати, киритилаётган инвестиция ва экспорт ҳажми, янгидан ташкил этиладиган иш ўринлари сони, яратилаётган ёки жорий этилаётган инновацион маҳсулот, технологик янгиликлар, прогрессив илмий изланишларнинг аниқ натижалари, ишлаб чиқариш, ишлар (хизматлар, солиқ тушумлари, имтиёзларнинг ҳисобланган суммаси ва бошқалар) ҳажмининг ўсиши кўрсатилади. Ушбу ҳужжатлар, жумладан, қуйидагиларни:
мамлакатни ижтимоий-иқтисодий жиҳатдан истиқболли ривожлантиришнинг устувор йўналишларидан келиб чиққан ҳолда, имтиёзлар ва преференцияларнинг алоҳида тармоқлар, фаолият соҳалари ва ҳудудларга таъсирини;
берилаётган имтиёзлар ва преференцияларнинг бюджет ва жамият учун самарадорлигини;
уларнинг рақобат муҳитига ва тадбиркорлик фаолиятига таъсирини баҳолаш нуқтаи назаридан кўриб чиқилади.
4. Давлат ва хўжалик бошқаруви органлари, маҳаллий давлат ҳокимияти органлари Ўзбекистон Республикаси Иқтисодиёт ва саноат вазирлигининг сўровларига кўра тегишли экспертиза ўтказиш учун зарур маълумотларни тақдим этсин.
5. Ўзбекистон Республикаси Президенти ҳузуридаги Лойиҳа бошқаруви миллий агентлиги Иқтисодиёт вазирлиги, Молия вазирлиги ҳамда Хусусийлаштирилган корхоналарга кўмаклашиш ва рақобатни ривожлантириш давлат қўмитаси билан биргаликда имтиёзларнинг самарадорлигини, имтиёзлар суммасининг кутилаётган натижаларга ва қабул қилинган мажбуриятларга мувофиқлигини, берилган имтиёзларнинг Ўзбекистон Республикасидаги, айрим тармоқ ва минтақалардаги ижтимоий-иқтисодий ривожланишга ҳамда рақобат муҳитига таъсири даражасини тизимли равишда мониторинг қилиш ва баҳолаш тартибини тасдиқласин.
6. Ўзбекистон Республикаси Молия вазирлиги:
икки ой муддатда Ўзбекистон Республикасининг Давлат бюджетидаги йўқотишни аниқ баҳолашни назарда тутадиган, берилаётган имтиёзларни ҳисобга олиш тизимини жорий этсин;
навбатдаги молия йилига мўлжалланган Ўзбекистон Республикасининг асосий макроиқтисодий кўрсаткичлари прогнози ва Давлат бюджети параметрларида берилган имтиёзлар бўйича Ўзбекистон Республикасининг Давлат бюджетидаги йўқотишнинг умумий суммасини алоҳида қаторда кўрсатиб борсин.
7. Ўзбекистон Республикаси Иқтисодиёт вазирлиги манфаатдор вазирлик ва идоралар билан биргаликда:
икки ой муддатда қонун ҳужжатларига мазкур қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин;
ўзлари қабул қилган норматив-ҳуқуқий ҳужжатлар ва бошқа ҳужжатларни мазкур қарорга мувофиқлаштирсин.
8. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Лойиҳа бошқаруви миллий агентлиги директори Ш.М. Садиков зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 31 май,
ПҚ-3756-сон
Oʻzbekiston Respublikasi Prezidentining
Qarori
Imtiyozlar va preferensiyalar berish tartibini tubdan takomillashtirish chora-tadbirlari toʻgʻrisida
Mamlakatni jadal ijtimoiy-iqtisodiy rivojlantirish maqsadida iqtisodiyotni erkinlashtirish, tadbirkorlikni qoʻllab-quvvatlash, chet el investitsiyalarini faol jalb qilish, tovarlar (ishlar va xizmatlar)dan erkin foydalanishni taʼminlash hamda xoʻjalik yurituvchi subyektlarning barcha toifalari uchun teng raqobat sharoitlariga ega boʻlgan yagona iqtisodiy makonni shakllantirish boʻyicha keng koʻlamli chora-tadbirlar amalga oshirilmoqda.
Shu bilan birga, ayrim xoʻjalik yurituvchi subyektlarga imtiyozlar, preferensiyalar va eksklyuziv huquqlar berish yuzasidan shakllangan amaliyot quyidagilar kabi qator jiddiy muammolarni keltirib chiqarmoqda:
birinchidan , muayyan tarmoq yoki hududdagi alohida tashkilotlarga imtiyozlar, preferensiyalar va eksklyuziv huquqlar aniq mezonlarsiz hamda ularni asoslovchi shaffof mexanizmlarsiz tanlab berilishi oqibatida mazkur tashkilotlar uchun asossiz ustuvor shart-sharoitlar yaratilmoqda;
ikkinchidan , koʻplab xoʻjalik yurituvchi subyektlar tomonidan davlat boshqaruvi funksiyalari qoʻshib amalga oshirilmoqda, bu esa bozorda imtiyozli maqomga ega boʻlish uchun maʼmuriy resurslardan foydalanishga va insofli raqobat prinsiplari buzilishiga olib kelmoqda;
uchinchidan , individual imtiyozlar va preferensiyalardan foydalanuvchi xoʻjalik yurituvchi subyektlarda boqimandalik kayfiyati shakllanmoqda, bunday subyektlarning tashabbuskorligi yoʻq va ishchanlik faolligi past, shuningdek, ular ishlab chiqargan mahsulotlar raqobatbardosh emas;
toʻrtinchidan , berilayotgan imtiyozlar va preferensiyalarning samaradorligini, jumladan ularning muayyan tarmoqlar, hududlar va umuman mamlakat iqtisodiyoti rivojlanishiga amaliy taʼsirini baholashda tizimlilik mavjud emas.
Bozorda sogʻlom raqobat muhitini shakllantirish va biznes yuritish uchun teng shart-sharoitlar yaratish, faol tadbirkorlik rivojlanishini har tomonlama qoʻllab-quvvatlash, insofli raqobat prinsiplari amalga oshirilishini taʼminlash maqsadida, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasining vazifalariga muvofiq:
1. Maʼlumot uchun qabul qilinsinki, Oʻzbekiston Respublikasining soliq tizimini isloh qilish doirasida:
sogʻlom raqobat muhitini taʼminlash uchun individual soliq va bojxona imtiyozlari berish amaliyotini maksimal darajada cheklash, imtiyozlar va preferensiyalar berish, ularning iqtisodiy jihatdan asosliligi hamda samaradorligini baholash tizimini, shuningdek, ulardan foydalanishni monitoring qilish mexanizmlarini takomillashtirish;
soliq va bojxona imtiyozlarini faqat aniq maqsadda berish tartibini ishlab chiqish hamda tasdiqlash, ularni qoʻllash samaradorligini monitoring qilish va baholash tizimini joriy etish, samarasiz foydalanilgan imtiyoz summalarini budjetga majburiy qaytarish mexanizmlarini mustahkamlash nazarda tutilmoqda.
2. Shunday tartib oʻrnatilsinki, unga koʻra:
soliq va bojxona imtiyozlari hamda preferensiyalar (keyingi oʻrinlarda imtiyozlar deb yuritiladi) qonunlar va Oʻzbekiston Respublikasi Prezidenti hujjatlari bilan umuman tarmoqlar, faoliyat sohalari, hududlar uchun beriladi, shuningdek, aniq maqsadga ega boʻlishi hamda aniq ijtimoiy, iqtisodiy va moliyaviy natijalarga erishishni taʼminlashi zarur;
vaqtinchalik imtiyozlar Oʻzbekiston Respublikasi Prezidenti hujjatlari bilan 3 yildan ortiq boʻlmagan muddatga beriladi, Oʻzbekiston Respublikasining xalqaro shartnomalarida nazarda tutilgan hollar bundan mustasno;
individual imtiyozlar, alohida hollarda, xususiy sektor investitsiya kiritishdan manfaatdor boʻlmagan tarmoqlarda ijtimoiy ahamiyatga ega loyihalarni amalga oshirish uchun, aniq ijtimoiy yoki iqtisodiy asoslar mavjud boʻlganda yoxud Oʻzbekiston Respublikasining xalqaro shartnomalariga muvofiq, Oʻzbekiston Respublikasi Prezidenti hujjatlari bilan beriladi;
imtiyozlar berishga, bojxona toʻlovlari boʻyicha imtiyozlar qoʻllagan holda Oʻzbekiston Respublikasi hududiga olib kiriladigan (import qilinadigan) tovarlar roʻyxatlarini tasdiqlashga doir hukumat va idoraviy qarorlarni qabul qilish taqiqlanadi;
bojxona toʻlovlari boʻyicha imtiyozlar qoʻllagan holda Oʻzbekiston Respublikasi hududiga olib kiriladigan (import qilinadigan) tovarlar roʻyxatlari va ularga tuzatishlar, imtiyozlar berish toʻgʻrisida qonun yoki Oʻzbekiston Respublikasi Prezidentining hujjati mavjud boʻlgan taqdirdagina, imtiyoz berilgan tashkilot tomonidan shakllantiriladi, shuningdek, ularning kompleks ekspertizasini amalga oshirish uchun Sanoat kooperatsiyasi va davlat xaridlari agentligi huzuridagi “Oʻzbekekspertiza” aksiyadorlik jamiyatiga kiritiladi;
bojxona toʻlovlari boʻyicha imtiyozlar qoʻllagan holda Oʻzbekiston Respublikasi hududiga olib kiriladigan (import qilinadigan) tovarlar roʻyxatining kompleks ekspertizasi yakunlari boʻyicha Sanoat kooperatsiyasi va davlat xaridlari agentligi huzuridagi “Oʻzbekekspertiza” aksiyadorlik jamiyatining ijobiy xulosasi olingan taqdirda, tashkilot roʻyxatda koʻrsatilgan tovarlarni belgilangan tartibda import qilish huquqiga ega;
Oʻzbekiston Respublikasi Iqtisodiyot va sanoat vazirligi berilgan imtiyozlarni muddatidan oldin tugatish yuzasidan Oʻzbekiston Respublikasi Vazirlar Mahkamasiga asoslantirilgan takliflar kiritish huquqiga ega.
3. Belgilab qoʻyilsinki:
b) ekspertizadan oʻtkazish uchun taqdim etilayotgan normativ-huquqiy hujjat loyihasiga soʻralayotgan imtiyozlar boʻyicha asoslantirish va tegishli hisob-kitoblar majburiy tartibda ilova qilinadi, ularda loyihaning maqsadi, amalga oshirish muddati, kiritilayotgan investitsiya va eksport hajmi, yangidan tashkil etiladigan ish oʻrinlari soni, yaratilayotgan yoki joriy etilayotgan innovatsion mahsulot, texnologik yangiliklar, progressiv ilmiy izlanishlarning aniq natijalari, ishlab chiqarish, ishlar (xizmatlar, soliq tushumlari, imtiyozlarning hisoblangan summasi va boshqalar) hajmining oʻsishi koʻrsatiladi. Ushbu hujjatlar, jumladan, quyidagilarni:
mamlakatni ijtimoiy-iqtisodiy jihatdan istiqbolli rivojlantirishning ustuvor yoʻnalishlaridan kelib chiqqan holda, imtiyozlar va preferensiyalarning alohida tarmoqlar, faoliyat sohalari va hududlarga taʼsirini;
berilayotgan imtiyozlar va preferensiyalarning budjet va jamiyat uchun samaradorligini;
ularning raqobat muhitiga va tadbirkorlik faoliyatiga taʼsirini baholash nuqtai nazaridan koʻrib chiqiladi.
4. Davlat va xoʻjalik boshqaruvi organlari, mahalliy davlat hokimiyati organlari Oʻzbekiston Respublikasi Iqtisodiyot va sanoat vazirligining soʻrovlariga koʻra tegishli ekspertiza oʻtkazish uchun zarur maʼlumotlarni taqdim etsin.
5. Oʻzbekiston Respublikasi Prezidenti huzuridagi Loyiha boshqaruvi milliy agentligi Iqtisodiyot vazirligi, Moliya vazirligi hamda Xususiylashtirilgan korxonalarga koʻmaklashish va raqobatni rivojlantirish davlat qoʻmitasi bilan birgalikda imtiyozlarning samaradorligini, imtiyozlar summasining kutilayotgan natijalarga va qabul qilingan majburiyatlarga muvofiqligini, berilgan imtiyozlarning Oʻzbekiston Respublikasidagi, ayrim tarmoq va mintaqalardagi ijtimoiy-iqtisodiy rivojlanishga hamda raqobat muhitiga taʼsiri darajasini tizimli ravishda monitoring qilish va baholash tartibini tasdiqlasin.
6. Oʻzbekiston Respublikasi Moliya vazirligi:
ikki oy muddatda Oʻzbekiston Respublikasining Davlat budjetidagi yoʻqotishni aniq baholashni nazarda tutadigan, berilayotgan imtiyozlarni hisobga olish tizimini joriy etsin;
navbatdagi moliya yiliga moʻljallangan Oʻzbekiston Respublikasining asosiy makroiqtisodiy koʻrsatkichlari prognozi va Davlat budjeti parametrlarida berilgan imtiyozlar boʻyicha Oʻzbekiston Respublikasining Davlat budjetidagi yoʻqotishning umumiy summasini alohida qatorda koʻrsatib borsin.
7. Oʻzbekiston Respublikasi Iqtisodiyot vazirligi manfaatdor vazirlik va idoralar bilan birgalikda:
ikki oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin;
oʻzlari qabul qilgan normativ-huquqiy hujjatlar va boshqa hujjatlarni mazkur qarorga muvofiqlashtirsin.
8. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Loyiha boshqaruvi milliy agentligi direktori Sh.M. Sadikov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 31-may,
PQ-3756-son
Президента Республики Узбекистан
Постановление
О мерах по кардинальному совершенствованию порядка предоставления льгот и преференций
В целях ускоренного социально-экономического развития страны реализуются масштабные меры по либерализации экономики, поддержке предпринимательства, активному привлечению иностранных инвестиций, обеспечению свободного доступа к товарам (работам и услугам) и формированию единого экономического пространства с равными конкурентными условиями для всех категорий хозяйствующих субъектов.
Вместе с тем, сложившаяся практика предоставления льгот, преференций и эксклюзивных прав для отдельных хозяйствующих субъектов порождает ряд существенных проблем, таких как:
во-первых , создание необоснованно преимущественных условий для отдельных организаций в определенной отрасли или регионе вследствие избирательного предоставления им льгот, преференций и эксклюзивных прав без четких критериев и прозрачных механизмов их обоснования;
во-вторых , совмещение значительным количеством хозяйствующих субъектов функций государственного управления, что приводит к использованию административного ресурса для получения привилегированного статуса на рынке и нарушению принципов добросовестной конкуренции;
в-третьих , формирование иждивенческих настроений, отсутствие инициативы и низкая деловая активность у хозяйствующих субъектов, пользующихся индивидуальными льготами и преференциями, а также неконкурентоспособность производимой ими продукции;
в-четвертых , отсутствие системности в оценке эффективности предоставляемых льгот и преференций, в том числе их реального влияния на развитие конкретных отраслей, регионов и экономики страны в целом.
В целях формирования на рынке здоровой конкурентной среды и создания равных условий для ведения бизнеса, всемерной поддержки развития активного предпринимательства, обеспечения реализации принципов добросовестной конкуренции, а также в соответствии с задачами Стратегии действий по пяти приоритетным направлениям развития Республики Узбекистан в 2017 — 2021 годах:
1. Принять к сведению, что в рамках реформирования налоговой системы Республики Узбекистан предусматривается:
максимальное ограничение практики предоставления индивидуальных налоговых и таможенных льгот для обеспечения здоровой конкурентной среды, совершенствование системы предоставления льгот и преференций, оценки их экономической обоснованности и эффективности, а также механизмов мониторинга их использования;
разработка и утверждение порядка исключительно целевого предоставления налоговых и таможенных льгот, внедрение системы мониторинга и оценки эффективности их применения, закрепление механизмов обязательного возврата в бюджет сумм неэффективно использованных льгот.
2. Установить порядок, в соответствии с которым:
налоговые и таможенные льготы и преференции (далее — льготы) предоставляются законами и актами Президента Республики Узбекистан в целом для отраслей, сфер деятельности, территорий, а также должны иметь конкретную цель и обеспечивать достижение четких социальных, экономических и финансовых результатов;
временные льготы предоставляются актами Президента Республики Узбекистан на срок не более 3 лет, за исключением случаев, предусмотренных международными договорами Республики Узбекистан;
индивидуальные льготы предоставляются актами Президента Республики Узбекистан, в исключительных случаях, для реализации социально значимых проектов в отраслях, где отсутствует заинтересованность частного сектора в инвестировании, при наличии конкретных социальных или экономических оснований, либо в соответствии с международными договорами Республики Узбекистан;
запрещается принятие правительственных и ведомственных решений по предоставлению льгот, утверждению перечней товаров, ввозимых (импортируемых) на территорию Республики Узбекистан с применением льгот по таможенным платежам;
перечни товаров, ввозимых (импортируемых) на территорию Республики Узбекистан с применением льгот по таможенным платежам, и поправки в них формируются организацией, которой предоставлена льгота, только при наличии закона или акта Президента Республики Узбекистан о предоставлении льгот, а также вносятся в АО «Узбекэкспертиза» при Агентстве по промышленной кооперации и государственным закупкам для их комплексной экспертизы;
при получении положительного заключения АО «Узбекэкспертиза» при Агентстве по промышленной кооперации и государственным закупкам по итогам комплексной экспертизы перечня товаров, ввозимых (импортируемых) на территорию Республики Узбекистан с применением льгот по таможенным платежам, организация вправе осуществлять импорт указанных в перечне товаров в установленном порядке;
Министерство экономики и промышленности Республики Узбекистан вправе вносить в Кабинет Министров Республики Узбекистан обоснованные предложения по досрочному прекращению предоставленных льгот.
3. Определить, что:
б) к представляемому для проведения экспертизы проекту нормативно-правового акта в обязательном порядке прилагаются обоснование и соответствующие расчеты по запрашиваемым льготам с указанием цели проекта, срока реализации, объема вносимых инвестиций и экспорта, количества вновь создаваемых рабочих мест, создаваемой или внедряемой инновационной продукции, технологических новшеств, конкретных результатов прогрессивных научных изысканий, прироста объема производства, работ (услуг, налоговых поступлений, расчетной суммы льгот и другие), которые рассматриваются, в том числе на предмет оценки:
влияния на отдельные отрасли, сферы деятельности и территории, исходя из приоритетов перспективного социально-экономического развития страны;
бюджетной и социальной эффективности предоставляемых льгот и преференций;
влияния на конкурентную среду и воздействия на предпринимательскую деятельность.
4. Органам государственного и хозяйственного управления, органам государственной власти на местах по запросам Министерства экономики и промышленности Республики Узбекистан предоставлять необходимую информацию для проведения соответствующей экспертизы.
5. Национальному агентству проектного управления при Президенте Республики Узбекистан в трехмесячный срок совместно с Министерством экономики, Министерством финансов и Государственным комитетом по содействию приватизированным предприятиям и развитию конкуренции утвердить порядок системного мониторинга и оценки эффективности, соответствия суммы льгот ожидаемым результатам и принятым обязательствам, уровня влияния предоставленных льгот на социально-экономическое развитие и конкурентную среду в Республике Узбекистан, отдельных отраслях и регионах.
6. Министерству финансов Республики Узбекистан:
в двухмесячный срок внедрить систему учета предоставляемых льгот, предусматривающую точную оценку потерь Государственного бюджета Республики Узбекистан;
в прогнозе основных макроэкономических показателей и параметрах Государственного бюджета Республики Узбекистан на очередной финансовый год отдельной строкой указывать общую сумму потерь Государственного бюджета Республики Узбекистан по предоставленным льготам.
7. Министерству экономики Республики Узбекистан совместно с заинтересованными министерствами и ведомствами:
в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления;
привести принятые ими нормативно-правовые и иные акты в соответствие с настоящим постановлением.
8. Контроль за исполнением настоящего постановления возложить на Премьер-министра Республики Узбекистан А.Н. Арипова и директора Национального агентства проектного управления при Президенте Республики Узбекистан Ш.М. Садикова.
Президент Республики Узбекистан Ш. МИРЗИЁЕВ
г. Ташкент,
31 мая 2018 г.,
№ ПП-3756