📅 2018-yil 6-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 6 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 6 июня 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 6 June 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Мудофаа вазирлиги ҳарбий хизматчиларини ижтимоий қўллаб-қувватлашга доир қўшимча чора-тадбирлар тўғрисида
Кейинги йилларда мамлакатда Ўзбекистон Республикаси Мудофаа вазирлиги ҳарбий хизматчиларининг ҳарбий хизматни ўташини ташкил этиш ва зарур амалий шарт-шароитлар билан таъминлаш тизимини комплекс ислоҳ қилишга йўналтирилган салмоқли ишлар амалга оширилди.
Ўзбекистон Республикаси Мудофаа вазирлигининг контракт бўйича ҳарбий хизматчиларига бериладиган имтиёзлар ва ижтимоий қўллаб-қувватлаш тизимини, шу жумладан, уларга имтиёзли истеъмол кредитлари, турар жой сотиб олиш (қуриш) учун узоқ муддатли имтиёзли ипотека кредитлари ҳамда якка тартибда уй-жой қуриш учун ер участкалари бериш йўли билан янада такомиллаштириш бўйича аниқ чоралар амалга оширилмоқда.
Ҳарбий хизматни ўташ тизимини такомиллаштириш юзасидан кўрилаётган чора-тадбирлар Ўзбекистон Республикаси Мудофаа вазирлигини бутлашни сифат жиҳатидан яхшилашга, ҳарбий хизматчиларнинг жисмоний тайёргарлигини ва интеллектуал камол топишини жиддий равишда оширишга, ёшлар ва умуман аҳоли ўртасида ҳарбий хизматнинг нуфузи ўсишига кўмаклашмоқда.
Республикада муддатли ҳарбий хизматни ва сафарбарлик чақириғи захирасида хизматни ўтаган фуқароларни ишга жойлаштириш бўйича комиссиялар ташкил этилган, шу жумладан, иш ўринларини захирага қўйишни ташкил этиш, жойларда ҳар чораклик семинарлар, давра суҳбатлари ва фуқароларни ишга жойлаштириш учун бўш иш ўринлари ярмаркаларини ташкил этиш уларнинг асосий вазифалари ва фаолияти йўналишлари ҳисобланади.
Ўзбекистон Республикаси Мудофаа вазирлиги ҳарбий хизматчиларини ижтимоий қўллаб-қувватлашни кенгайтириш ҳамда Мудофаа вазирлигининг контракт бўйича ҳарбий хизматчиларига мамлакатда ишлаб чиқарилган енгил автотранспорт воситалари сотиб олиш учун имтиёзли кредитлар берилишини ташкил этишга фаол кўмаклашиш мақсадида Вазирлар Маҳкамаси қарор қилади:
1. Ўзбекистон Республикаси Мудофаа вазирлиги, Молия вазирлиги ва Ўзбекистон ёшлар иттифоқининг:
а) АТ «Ўзсаноатқурилишбанк» ва АТ «Халқ банки» билан биргаликдаги:
камида олти ой хизмат қилган муддатли ҳарбий хизмат ҳарбий хизматчилари орасида тадбиркорлик фаолияти учун ҳужжатларни расмийлаштириш ва кредитлар бериш тартибини тушунтириш бўйича семинарлар, давра суҳбатлари, конференциялар ва амалий машғулотлар ўтказиш;
кўрсатиб ўтилган тадбирлар якунлари бўйича муддатли ҳарбий хизматнинг энг ўрнак кўрсатган ҳарбий хизматчиларига тадбиркорликни ривожлантириш учун имтиёзли кредитларни расмийлаштиришга тегишли сертификатлар бериш;
б) Ўзбекистон Республикаси Марказий банки ва «Ўзавтосаноат» АЖ билан биргаликдаги:
Ўзбекистон Республикаси Мудофаа вазирлигининг жанговар қисмлари ва жанговар таъминот бўлинмаларининг офицерларига ҳамда сержантлар ва оддий аскарлар таркибининг контракт бўйича ҳарбий хизматчиларига ҳар бир ҳарбий қисмдан жанговар ва маънавий-маърифий тайёргарликда энг ўрнак кўрсатган 10 нафаргача кишига мамлакатда ишлаб чиқарилган бюджет енгил автотранспорт воситаларини (кейинги ўринларда автотранспорт воситалари деб аталади) сотиб олиш учун қуйидаги шартларда имтиёзли кредитлар бериш ҳақидаги таклифларига розилик берилсин;
кредит муддати — уч ойлик имтиёзли давр билан 10 йил;
дастлабки бадал — сотиб олинадиган автотранспорт воситаси қийматининг 15 фоизи;
фоиз ставкаси — 2019 йил 31 декабрга қадар кредит бериш санасида йиллик 7 фоиз. 2020 йил 1 январдан бошлаб кредитлар Ўзбекистон Республикаси Марказий банкининг қайта молиялаштириш ставкасида, 2021 йил 1 январдан эса тижорат банклари томонидан бозор тамойиллари асосида мустақил равишда ўрнатиладиган ставкаларда, фоиз харажатларининг бир қисмини компенсация қилиш механизмидан фойдаланиш имконияти билан.
2. «Ўзавтосаноат» АЖга Ўзбекистон Республикаси Мудофаа вазирлигининг тақдимномалари бўйича жанговар ва маънавий-маърифий тайёргарликда энг ўрнак кўрсатган офицерлар ҳамда сержантлар ва оддий аскарлар таркибининг хоҳловчи контракт бўйича ҳарбий хизматчиларига банкларнинг кредитлари ҳисобига мамлакатда ишлаб чиқарилган енгил автотранспорт воситаларини сотиб олишда кўмаклашиш тавсия этилсин.
3. Ўзбекистон Республикаси Мудофаа вазирлиги:
Мудофаа вазирлигининг «Сафарбарлик чақириқ захираси маблағлари» Махсус ҳисоб рақамининг бўш маблағларини кейинчалик Мудофаа вазирлигининг жанговар ва маънавий-маърифий тайёргарликда энг ўрнак кўрсатган офицерлари ҳамда сержантлари ва оддий аскарлар таркибининг хоҳловчи контракт бўйича ҳарбий хизматчиларига автотранспорт воситалари сотиб олишга имтиёзли кредитлар бериш учун иштирок этувчи тижорат банкларининг депозитларига йиллик 5 фоиздан ортиқ бўлмаган ставка бўйича жойлаштирсин;
муддатли ҳарбий хизмат ҳарбий хизматчиларини, офицерларни ва сержантлар ва оддий аскарлар таркибнинг контракт бўйича ҳарбий хизматчиларини уларга кредитларнинг тегишли турларини расмийлаштириш учун тақдимномалар бериш учун танлаб олиш мезонларини ишлаб чиқсин;
АТ «Ўзсаноатқурилишбанк» ва АТ «Халқ банки» билан биргаликда тижорат банкларининг ҳудудий филиаллари жойлашишидан келиб чиқиб потенциал қарз берувчиларни тақсимласин;
ҳарбий хизматчилар орасида кредитлар олиш шартлари ва тартиби тўғрисида кенг тушунтириш ишлари олиб борилишини ташкил этсин.
4. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Молия вазири Ж.А. Қўчқоров ва Ўзбекистон Республикаси Мудофаа вазири А.А. Азизов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 6 июнь,
424-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Mudofaa vazirligi harbiy xizmatchilarini ijtimoiy qoʻllab-quvvatlashga doir qoʻshimcha chora-tadbirlar toʻgʻrisida
Keyingi yillarda mamlakatda Oʻzbekiston Respublikasi Mudofaa vazirligi harbiy xizmatchilarining harbiy xizmatni oʻtashini tashkil etish va zarur amaliy shart-sharoitlar bilan taʼminlash tizimini kompleks isloh qilishga yoʻnaltirilgan salmoqli ishlar amalga oshirildi.
Oʻzbekiston Respublikasi Mudofaa vazirligining kontrakt boʻyicha harbiy xizmatchilariga beriladigan imtiyozlar va ijtimoiy qoʻllab-quvvatlash tizimini, shu jumladan, ularga imtiyozli isteʼmol kreditlari, turar joy sotib olish (qurish) uchun uzoq muddatli imtiyozli ipoteka kreditlari hamda yakka tartibda uy-joy qurish uchun yer uchastkalari berish yoʻli bilan yanada takomillashtirish boʻyicha aniq choralar amalga oshirilmoqda.
Harbiy xizmatni oʻtash tizimini takomillashtirish yuzasidan koʻrilayotgan chora-tadbirlar Oʻzbekiston Respublikasi Mudofaa vazirligini butlashni sifat jihatidan yaxshilashga, harbiy xizmatchilarning jismoniy tayyorgarligini va intellektual kamol topishini jiddiy ravishda oshirishga, yoshlar va umuman aholi oʻrtasida harbiy xizmatning nufuzi oʻsishiga koʻmaklashmoqda.
Respublikada muddatli harbiy xizmatni va safarbarlik chaqirigʻi zaxirasida xizmatni oʻtagan fuqarolarni ishga joylashtirish boʻyicha komissiyalar tashkil etilgan, shu jumladan, ish oʻrinlarini zaxiraga qoʻyishni tashkil etish, joylarda har choraklik seminarlar, davra suhbatlari va fuqarolarni ishga joylashtirish uchun boʻsh ish oʻrinlari yarmarkalarini tashkil etish ularning asosiy vazifalari va faoliyati yoʻnalishlari hisoblanadi.
Oʻzbekiston Respublikasi Mudofaa vazirligi harbiy xizmatchilarini ijtimoiy qoʻllab-quvvatlashni kengaytirish hamda Mudofaa vazirligining kontrakt boʻyicha harbiy xizmatchilariga mamlakatda ishlab chiqarilgan yengil avtotransport vositalari sotib olish uchun imtiyozli kreditlar berilishini tashkil etishga faol koʻmaklashish maqsadida Vazirlar Mahkamasi qaror qiladi:
1. Oʻzbekiston Respublikasi Mudofaa vazirligi, Moliya vazirligi va Oʻzbekiston yoshlar ittifoqining:
a) AT “Oʻzsanoatqurilishbank” va AT “Xalq banki” bilan birgalikdagi:
kamida olti oy xizmat qilgan muddatli harbiy xizmat harbiy xizmatchilari orasida tadbirkorlik faoliyati uchun hujjatlarni rasmiylashtirish va kreditlar berish tartibini tushuntirish boʻyicha seminarlar, davra suhbatlari, konferensiyalar va amaliy mashgʻulotlar oʻtkazish;
koʻrsatib oʻtilgan tadbirlar yakunlari boʻyicha muddatli harbiy xizmatning eng oʻrnak koʻrsatgan harbiy xizmatchilariga tadbirkorlikni rivojlantirish uchun imtiyozli kreditlarni rasmiylashtirishga tegishli sertifikatlar berish;
b) Oʻzbekiston Respublikasi Markaziy banki va “Oʻzavtosanoat” AJ bilan birgalikdagi:
Oʻzbekiston Respublikasi Mudofaa vazirligining jangovar qismlari va jangovar taʼminot boʻlinmalarining ofitserlariga hamda serjantlar va oddiy askarlar tarkibining kontrakt boʻyicha harbiy xizmatchilariga har bir harbiy qismdan jangovar va maʼnaviy-maʼrifiy tayyorgarlikda eng oʻrnak koʻrsatgan 10 nafargacha kishiga mamlakatda ishlab chiqarilgan budjet yengil avtotransport vositalarini (keyingi oʻrinlarda avtotransport vositalari deb ataladi) sotib olish uchun quyidagi shartlarda imtiyozli kreditlar berish haqidagi takliflariga rozilik berilsin;
kredit muddati — uch oylik imtiyozli davr bilan 10 yil;
dastlabki badal — sotib olinadigan avtotransport vositasi qiymatining 15 foizi;
foiz stavkasi — 2019-yil 31-dekabrga qadar kredit berish sanasida yillik 7 foiz. 2020-yil 1-yanvardan boshlab kreditlar Oʻzbekiston Respublikasi Markaziy bankining qayta moliyalashtirish stavkasida, 2021-yil 1-yanvardan esa tijorat banklari tomonidan bozor tamoyillari asosida mustaqil ravishda oʻrnatiladigan stavkalarda, foiz xarajatlarining bir qismini kompensatsiya qilish mexanizmidan foydalanish imkoniyati bilan.
2. “Oʻzavtosanoat” AJga Oʻzbekiston Respublikasi Mudofaa vazirligining taqdimnomalari boʻyicha jangovar va maʼnaviy-maʼrifiy tayyorgarlikda eng oʻrnak koʻrsatgan ofitserlar hamda serjantlar va oddiy askarlar tarkibining xohlovchi kontrakt boʻyicha harbiy xizmatchilariga banklarning kreditlari hisobiga mamlakatda ishlab chiqarilgan yengil avtotransport vositalarini sotib olishda koʻmaklashish tavsiya etilsin.
3. Oʻzbekiston Respublikasi Mudofaa vazirligi:
Mudofaa vazirligining “Safarbarlik chaqiriq zaxirasi mablagʻlari” Maxsus hisob raqamining boʻsh mablagʻlarini keyinchalik Mudofaa vazirligining jangovar va maʼnaviy-maʼrifiy tayyorgarlikda eng oʻrnak koʻrsatgan ofitserlari hamda serjantlari va oddiy askarlar tarkibining xohlovchi kontrakt boʻyicha harbiy xizmatchilariga avtotransport vositalari sotib olishga imtiyozli kreditlar berish uchun ishtirok etuvchi tijorat banklarining depozitlariga yillik 5 foizdan ortiq boʻlmagan stavka boʻyicha joylashtirsin;
muddatli harbiy xizmat harbiy xizmatchilarini, ofitserlarni va serjantlar va oddiy askarlar tarkibning kontrakt boʻyicha harbiy xizmatchilarini ularga kreditlarning tegishli turlarini rasmiylashtirish uchun taqdimnomalar berish uchun tanlab olish mezonlarini ishlab chiqsin;
AT “Oʻzsanoatqurilishbank” va AT “Xalq banki” bilan birgalikda tijorat banklarining hududiy filiallari joylashishidan kelib chiqib potensial qarz beruvchilarni taqsimlasin;
harbiy xizmatchilar orasida kreditlar olish shartlari va tartibi toʻgʻrisida keng tushuntirish ishlari olib borilishini tashkil etsin.
4. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Moliya vaziri J.A. Qoʻchqorov va Oʻzbekiston Respublikasi Mudofaa vaziri A.A. Azizov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 6-iyun,
424-son
Кабинета Министров Республики Узбекистан
Постановление
О дополнительных мерах по социальной поддержке военнослужащих Министерства обороны Республики Узбекистан
За последние годы в стране проведена значительная работа, направленная на комплексное реформирование системы организации и обеспечения необходимых практических условий прохождения военнослужащими Министерства обороны Республики Узбекистан военной службы.
Реализуются конкретные меры по дальнейшему совершенствованию системы льгот и социальной поддержки военнослужащих по контракту Министерства обороны Республики Узбекистан, в том числе путем предоставления им льготных потребительских кредитов, долгосрочных льготных ипотечных кредитов для приобретения (строительства) жилья, а также земельных участков для строительства индивидуальных жилых домов.
Принимаемые меры по совершенствованию системы прохождения военной службы способствуют качественному улучшению комплектования Министерства обороны Республики Узбекистан, существенному повышению уровня физической подготовки и интеллектуального развития военнослужащих, росту престижа военной службы среди молодых людей и населения в целом.
В республике образованы комиссии по трудоустройству граждан, прошедших срочную военную службу и службу в мобилизационном призывном резерве, основными задачами и направлениями деятельности которых являются в том числе организация резервирования рабочих мест, проведение на местах ежеквартальных семинаров, «круглых столов» и ярмарок вакантных рабочих мест для трудоустройства граждан.
В целях расширения социальной поддержки военнослужащих Министерства обороны Республики Узбекистан, а также активного содействия в организации предоставления военнослужащим по контракту Министерства обороны льготных кредитов для приобретения легковых автотранспортных средств отечественного производства Кабинет Министров постановляет:
1. Согласиться с предложениями Министерства обороны, Министерства финансов Республики Узбекистан и Союза молодежи Узбекистана, подготовленными совместно с:
а) АКБ «Узпромстройбанк» и АК Народный банк:
о проведении среди военнослужащих срочной военной службы, отслуживших не менее шести месяцев, семинаров, «круглых столов», конференций и практических занятий по разъяснению порядка оформления документов и выдачи кредитов для предпринимательской деятельности;
о вручении по итогам указанных мероприятий наиболее отличившимся военнослужащим срочной военной службы соответствующих сертификатов на оформление льготных кредитов для развития предпринимательства;
б) Центральным банком Республики Узбекистан и АО «Узавтосаноат»:
о предоставлении офицерам и военнослужащим по контракту сержантского и рядового состава боевых частей и подразделений боевого обеспечения Министерства обороны Республики Узбекистан, до 10 человек от каждой воинской части, наиболее отличившимся в боевой и духовно-просветительской подготовке, льготных кредитов для приобретения бюджетных легковых автотранспортных средств отечественного производства (далее — автотранспортные средства) на следующих условиях:
срок кредита — 10 лет, с трехмесячным льготным периодом;
первоначальный взнос — 15 процентов от стоимости приобретаемого автотранспортного средства;
процентная ставка — до 31 декабря 2019 года 7 процентов годовых на дату выдачи кредита. С 1 января 2020 года кредиты выдаются по ставке рефинансирования Центрального банка Республики Узбекистан, а с 1 января 2021 года — по ставкам, устанавливаемым коммерческими банками самостоятельно на основе рыночных принципов, с возможностью использования компенсационного механизма в части процентных расходов.
2. Рекомендовать АО «Узавтосаноат», по представлениям Министерства обороны Республики Узбекистан, оказывать содействие желающим из числа офицеров и военнослужащих по контракту сержантского и рядового состава, наиболее отличившихся в боевой и духовно-просветительской подготовке, в приобретении ими легковых автотранспортных средств отечественного производства за счет кредитов банков.
3. Министерству обороны Республики Узбекистан:
разместить свободные средства Специального счета Министерства обороны «Средства мобилизационного призывного резерва» на депозиты в участвующих коммерческих банках по ставке не более 5 процентов годовых, для последующего предоставления льготных кредитов желающим из числа офицеров и военнослужащих по контракту сержантского и рядового состава Министерства обороны, наиболее отличившихся в боевой и духовно-просветительской подготовке, для приобретения автотранспортных средств;
разработать критерии отбора военнослужащих срочной военной службы, офицеров и военнослужащих по контракту сержантского и рядового состава, для выдачи им представлений для оформления соответствующих видов кредитов;
совместно с АКБ «Узпромстройбанк» и АК Народный банк распределить потенциальных заемщиков, исходя из местонахождения территориальных филиалов коммерческих банков;
организовать проведение среди военнослужащих широкой разъяснительной работы об условиях и о порядке получения кредитов.
4. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
5. Контроль за исполнением настоящего постановления возложить на заместителя Премьер-министра Республики Узбекистан — министра финансов Республики Узбекистан Д.А. Кучкарова и министра обороны Республики Узбекистан А.А. Азизова.
Премьер-министр Республики Узбекистан А. АРИПОВ
г. Ташкент,
6 июня 2018 г.,
№ 424